| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
3. жуул̣аваг̇г̇о
3. Cūḷavaggo
1. абхиж̇ж̇амаанабзд̇авад̇т̇у
1. Abhijjamānapetavatthu
387.
387.
‘‘абхиж̇ж̇амаанз вааримхи, г̇ан̇г̇ааяа ид̇ха г̇ажчаси;
‘‘Abhijjamāne vārimhi, gaṅgāya idha gacchasi;
наг̇г̇о буб̣б̣ад̣̇д̇хабзд̇ова маалад̇хаарий алан̇гад̇о;
Naggo pubbaddhapetova māladhārī alaṅkato;
гухим̣ г̇амиссаси бзд̇а, гад̇т̇а ваасо бхависсад̇ий’’д̇и.
Kuhiṃ gamissasi peta, kattha vāso bhavissatī’’ti.
388.
388.
‘‘жунд̣̇адтилам̣ 1 г̇амиссаами, бзд̇о со ид̇и бхаасад̇и;
‘‘Cundaṭṭhilaṃ 2 gamissāmi, peto so iti bhāsati;
анд̇арз ваасабхаг̇аамам̣, б̣аараан̣асим̣ жа 3 санд̇игз’’.
Antare vāsabhagāmaṃ, bārāṇasiṃ ca 4 santike’’.
389.
389.
д̇ан̃жа д̣̇исваа махаамад̇д̇о, голияо ид̇и виссуд̇о;
Tañca disvā mahāmatto, koliyo iti vissuto;
сад̇д̇ум̣ бхад̇д̇ан̃жа бзд̇асса, бийд̇аган̃жа яуг̇ам̣ ад̣̇аа.
Sattuṃ bhattañca petassa, pītakañca yugaṃ adā.
390.
390.
наавааяа д̇идтамаанааяа, габбагасса ад̣̇аабаяи;
Nāvāya tiṭṭhamānāya, kappakassa adāpayi;
габбагасса бад̣̇иннамхи, таанз бзд̇асса д̣̇иссат̇а 5.
Kappakassa padinnamhi, ṭhāne petassa dissatha 6.
391.
391.
д̇ад̇о сувад̇т̇авасано, маалад̇хаарий алан̇гад̇о;
Tato suvatthavasano, māladhārī alaṅkato;
таанз тид̇асса бзд̇асса, д̣̇агкин̣аа убагаббат̇а;
Ṭhāne ṭhitassa petassa, dakkhiṇā upakappatha;
д̇асмаа д̣̇аж̇ж̇зт̇а бзд̇аанам̣, анугамбааяа бунаббунам̣.
Tasmā dajjetha petānaṃ, anukampāya punappunaṃ.
392.
392.
бзд̇аа бхад̇д̇ааяа г̇ажчанд̇и, баггаманд̇и д̣̇исод̣̇исам̣.
Petā bhattāya gacchanti, pakkamanti disodisaṃ.
393.
393.
д̣̇уурз згз 11 бад̇хаавид̇ваа, алад̣̇д̇хаава нивад̇д̇арз;
Dūre eke 12 padhāvitvā, aladdhāva nivattare;
чаад̇аа бамужчид̇аа бханд̇аа, бхуумияам̣ бадисумбхид̇аа.
Chātā pamucchitā bhantā, bhūmiyaṃ paṭisumbhitā.
394.
394.
буб̣б̣з агад̇агаляаан̣аа, аг̇г̇ид̣̇ад̣дхаава аад̇абз.
Pubbe akatakalyāṇā, aggidaḍḍhāva ātape.
395.
395.
‘‘маяам̣ буб̣б̣з баабад̇хаммаа, гхаран̣ий гуламаад̇аро;
‘‘Mayaṃ pubbe pāpadhammā, gharaṇī kulamātaro;
санд̇зсу д̣̇зяяад̇хаммзсу, д̣̇ийбам̣ наагамха ад̇д̇ано.
Santesu deyyadhammesu, dīpaṃ nākamha attano.
396.
396.
‘‘бахууд̇ам̣ аннабаанамби, абиссу авагирийяад̇и;
‘‘Pahūtaṃ annapānampi, apissu avakirīyati;
саммаг̇г̇ад̇з баб̣б̣аж̇ид̇з, на жа гин̃жи ад̣̇амхасз.
Sammaggate pabbajite, na ca kiñci adamhase.
397.
397.
‘‘агаммагаамаа аласаа, саад̣̇угаамаа махаг̇гхасаа;
‘‘Akammakāmā alasā, sādukāmā mahagghasā;
аалобабин̣д̣ад̣̇аад̇ааро, бадиг̇г̇ахз барибхаасимхасз 17.
Ālopapiṇḍadātāro, paṭiggahe paribhāsimhase 18.
398.
398.
‘‘д̇з гхараа д̇аа жа д̣̇аасияо, д̇аанзваабхаран̣аани но;
‘‘Te gharā tā ca dāsiyo, tānevābharaṇāni no;
д̇з ан̃н̃з барижаарзнд̇и, маяам̣ д̣̇угкасса бхааг̇ино.
Te aññe paricārenti, mayaṃ dukkhassa bhāgino.
399.
399.
‘‘взн̣ий ваа аван̃н̃аа хонд̇и, рат̇агаарий жа д̣̇уб̣бхигаа;
‘‘Veṇī vā avaññā honti, rathakārī ca dubbhikā;
жан̣д̣аалий габан̣аа хонд̇и, габбагаа 19 жа бунаббунам̣.
Caṇḍālī kapaṇā honti, kappakā 20 ca punappunaṃ.
400.
400.
‘‘яаани яаани нихийнаани, гулаани габан̣аани жа;
‘‘Yāni yāni nihīnāni, kulāni kapaṇāni ca;
д̇зсу д̇зсвзва ж̇ааяанд̇и, зсаа мажчарино г̇ад̇и.
Tesu tesveva jāyanti, esā maccharino gati.
401.
401.
‘‘буб̣б̣з жа гад̇агаляаан̣аа, д̣̇ааяагаа вийд̇амажчараа;
‘‘Pubbe ca katakalyāṇā, dāyakā vītamaccharā;
саг̇г̇ам̣ д̇з барибуурзнд̇и, обхаасзнд̇и жа нанд̣̇анам̣.
Saggaṃ te paripūrenti, obhāsenti ca nandanaṃ.
402.
402.
‘‘взж̇аяанд̇з жа баасаад̣̇з, рамид̇ваа гаамагаамино;
‘‘Vejayante ca pāsāde, ramitvā kāmakāmino;
ужжаагулзсу ж̇ааяанд̇и, сабхог̇зсу д̇ад̇о жуд̇аа.
Uccākulesu jāyanti, sabhogesu tato cutā.
403.
403.
‘‘гуудааг̇аарз жа баасаад̣̇з, баллан̇гз г̇онагад̇т̇ад̇з;
‘‘Kūṭāgāre ca pāsāde, pallaṅke gonakatthate;
б̣ийж̇ид̇ан̇г̇аа 21 морахад̇т̇зхи, гулз ж̇аад̇аа яасассино.
Bījitaṅgā 22 morahatthehi, kule jātā yasassino.
404.
404.
‘‘ан̇гад̇о ан̇гам̣ г̇ажчанд̇и, маалад̇хаарий алан̇гад̇аа;
‘‘Aṅkato aṅkaṃ gacchanti, māladhārī alaṅkatā;
д̇хаад̇ияо убад̇идтанд̇и, сааяам̣ баад̇ам̣ сукзсино.
Dhātiyo upatiṭṭhanti, sāyaṃ pātaṃ sukhesino.
405.
405.
‘‘наяид̣̇ам̣ агад̇абун̃н̃аанам̣, гад̇абун̃н̃аанамзвид̣̇ам̣;
‘‘Nayidaṃ akatapuññānaṃ, katapuññānamevidaṃ;
асогам̣ нанд̣̇анам̣ раммам̣, д̇ид̣̇асаанам̣ махааванам̣.
Asokaṃ nandanaṃ rammaṃ, tidasānaṃ mahāvanaṃ.
406.
406.
‘‘сукам̣ агад̇абун̃н̃аанам̣, ид̇ха над̇т̇и барад̇т̇а жа;
‘‘Sukhaṃ akatapuññānaṃ, idha natthi parattha ca;
сукан̃жа гад̇абун̃н̃аанам̣, ид̇ха жзва барад̇т̇а жа.
Sukhañca katapuññānaṃ, idha ceva parattha ca.
407.
407.
‘‘д̇зсам̣ сахаб̣яагаамаанам̣, гад̇д̇аб̣б̣ам̣ гусалам̣ б̣ахум̣;
‘‘Tesaṃ sahabyakāmānaṃ, kattabbaṃ kusalaṃ bahuṃ;
гад̇абун̃н̃аа хи мод̣̇анд̇и, саг̇г̇з бхог̇асаман̇г̇ино’’д̇и.
Katapuññā hi modanti, sagge bhogasamaṅgino’’ti.
абхиж̇ж̇амаанабзд̇авад̇т̇у батамам̣.
Abhijjamānapetavatthu paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 1. абхиж̇ж̇амаанабзд̇авад̇т̇уван̣н̣анаа • 1. Abhijjamānapetavatthuvaṇṇanā
