| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
абхимаарабзсанам̣
Abhimārapesanaṃ
340. ат̇а ко д̣̇звад̣̇ад̇д̇о язна аж̇аад̇асад̇д̇у гумааро д̇знубасан̇гами, убасан̇гамид̇ваа аж̇аад̇асад̇д̇ум̣ гумаарам̣ зд̇ад̣̇авожа – ‘‘бурисз, махаарааж̇а, аан̣аабзхи, яз саман̣ам̣ г̇од̇амам̣ ж̇ийвид̇аа воробзссанд̇ий’’д̇и. ат̇а ко аж̇аад̇асад̇д̇у гумааро мануссз аан̣аабзси – ‘‘яат̇аа, бхан̣з, аяяо д̣̇звад̣̇ад̇д̇о ааха д̇ат̇аа гарзяяаат̇аа’’д̇и. ат̇а ко д̣̇звад̣̇ад̇д̇о згам̣ бурисам̣ аан̣аабзси – ‘‘г̇ажчаавусо, амугасмим̣ огаасз саман̣о г̇од̇амо вихарад̇и. д̇ам̣ ж̇ийвид̇аа воробзд̇ваа иминаа маг̇г̇зна ааг̇ажчаа’’д̇и. д̇асмим̣ маг̇г̇з д̣̇вз бурисз табзси – ‘‘яо иминаа маг̇г̇зна зго бурисо ааг̇ажчад̇и, д̇ам̣ ж̇ийвид̇аа воробзд̇ваа иминаа маг̇г̇зна ааг̇ажчат̇аа’’д̇и. д̇асмим̣ маг̇г̇з жад̇д̇ааро бурисз табзси – ‘‘яз иминаа маг̇г̇зна д̣̇вз бурисаа ааг̇ажчанд̇и, д̇з ж̇ийвид̇аа воробзд̇ваа иминаа маг̇г̇зна ааг̇ажчат̇аа’’д̇и. д̇асмим̣ маг̇г̇з адта бурисз табзси – ‘‘яз иминаа маг̇г̇зна жад̇д̇ааро бурисаа ааг̇ажчанд̇и, д̇з ж̇ийвид̇аа воробзд̇ваа иминаа маг̇г̇зна ааг̇ажчат̇аа’’д̇и. д̇асмим̣ маг̇г̇з сол̣аса бурисз табзси – ‘‘яз иминаа маг̇г̇зна адта бурисаа ааг̇ажчанд̇и, д̇з ж̇ийвид̇аа воробзд̇ваа ааг̇ажчат̇аа’’д̇и.
340. Atha kho devadatto yena ajātasattu kumāro tenupasaṅkami, upasaṅkamitvā ajātasattuṃ kumāraṃ etadavoca – ‘‘purise, mahārāja, āṇāpehi, ye samaṇaṃ gotamaṃ jīvitā voropessantī’’ti. Atha kho ajātasattu kumāro manusse āṇāpesi – ‘‘yathā, bhaṇe, ayyo devadatto āha tathā kareyyāthā’’ti. Atha kho devadatto ekaṃ purisaṃ āṇāpesi – ‘‘gacchāvuso, amukasmiṃ okāse samaṇo gotamo viharati. Taṃ jīvitā voropetvā iminā maggena āgacchā’’ti. Tasmiṃ magge dve purise ṭhapesi – ‘‘yo iminā maggena eko puriso āgacchati, taṃ jīvitā voropetvā iminā maggena āgacchathā’’ti. Tasmiṃ magge cattāro purise ṭhapesi – ‘‘ye iminā maggena dve purisā āgacchanti, te jīvitā voropetvā iminā maggena āgacchathā’’ti. Tasmiṃ magge aṭṭha purise ṭhapesi – ‘‘ye iminā maggena cattāro purisā āgacchanti, te jīvitā voropetvā iminā maggena āgacchathā’’ti. Tasmiṃ magge soḷasa purise ṭhapesi – ‘‘ye iminā maggena aṭṭha purisā āgacchanti, te jīvitā voropetvā āgacchathā’’ti.
ат̇а ко со зго бурисо асижаммам̣ г̇ахзд̇ваа д̇ханугалаабам̣ саннаяхид̇ваа язна бхаг̇аваа д̇знубасан̇гами, убасан̇гамид̇ваа бхаг̇авад̇о авид̣̇уурз бхийд̇о уб̣б̣иг̇г̇о уссан̇гий уд̇расд̇о бад̇т̇ад̣̇д̇хзна гааязна адтааси. ад̣̇д̣̇асаа ко бхаг̇аваа д̇ам̣ бурисам̣ бхийд̇ам̣ уб̣б̣иг̇г̇ам̣ уссан̇гим̣ уд̇расд̇ам̣ бад̇т̇ад̣̇д̇хзна гааязна тид̇ам̣. д̣̇исваана д̇ам̣ бурисам̣ зд̇ад̣̇авожа – ‘‘зхаавусо, маа бхааяий’’д̇и. ат̇а ко со бурисо асижаммам̣ згаманд̇ам̣ гарид̇ваа д̇ханугалаабам̣ нигкибид̇ваа язна бхаг̇аваа д̇знубасан̇гами, убасан̇гамид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яохам̣ д̣̇удтажид̇д̇о вад̇хагажид̇д̇о ид̇хуубасан̇ганд̇о. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и. ‘‘д̇аг̇гха д̇вам̣, аавусо, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яам̣ д̇вам̣ д̣̇удтажид̇д̇о вад̇хагажид̇д̇о ид̇хуубасан̇ганд̇о. яад̇о жа ко д̇вам̣, аавусо , ажжаяам̣ ажжаяад̇о д̣̇исваа яат̇аад̇хаммам̣ бадигароси, д̇ам̣ д̇з маяам̣ бадиг̇г̇ан̣хаама. вуд̣дхи хзсаа, аавусо, арияасса винаяз – яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇им̣ сам̣варам̣ аабаж̇ж̇ад̇ий’’д̇и.
Atha kho so eko puriso asicammaṃ gahetvā dhanukalāpaṃ sannayhitvā yena bhagavā tenupasaṅkami, upasaṅkamitvā bhagavato avidūre bhīto ubbiggo ussaṅkī utrasto patthaddhena kāyena aṭṭhāsi. Addasā kho bhagavā taṃ purisaṃ bhītaṃ ubbiggaṃ ussaṅkiṃ utrastaṃ patthaddhena kāyena ṭhitaṃ. Disvāna taṃ purisaṃ etadavoca – ‘‘ehāvuso, mā bhāyī’’ti. Atha kho so puriso asicammaṃ ekamantaṃ karitvā dhanukalāpaṃ nikkhipitvā yena bhagavā tenupasaṅkami, upasaṅkamitvā bhagavato pādesu sirasā nipatitvā bhagavantaṃ etadavoca – ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ, yohaṃ duṭṭhacitto vadhakacitto idhūpasaṅkanto. Tassa me, bhante, bhagavā accayaṃ accayato paṭiggaṇhātu āyatiṃ saṃvarāyā’’ti. ‘‘Taggha tvaṃ, āvuso, accayo accagamā yathābālaṃ yathāmūḷhaṃ yathāakusalaṃ, yaṃ tvaṃ duṭṭhacitto vadhakacitto idhūpasaṅkanto. Yato ca kho tvaṃ, āvuso , accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuḍḍhi hesā, āvuso, ariyassa vinaye – yo accayaṃ accayato disvā yathādhammaṃ paṭikaroti, āyatiṃ saṃvaraṃ āpajjatī’’ti.
ат̇а ко бхаг̇аваа д̇асса бурисасса анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣, гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа д̇ам̣ бхаг̇аваа ан̃н̃ааси галлажид̇д̇ам̣, муд̣̇ужид̇д̇ам̣, винийваран̣ажид̇д̇ам̣, уд̣̇аг̇г̇ажид̇д̇ам̣, басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ахзяяа, звамзва д̇асса бурисасса д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и. ат̇а ко со бурисо д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з. сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и – звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. ат̇а ко бхаг̇аваа д̇ам̣ бурисам̣ зд̇ад̣̇авожа – ‘‘маа ко д̇вам̣, аавусо, иминаа маг̇г̇зна г̇ажча, иминаа маг̇г̇зна г̇ажчаахий’’д̇и ан̃н̃зна маг̇г̇зна уяяож̇зси.
Atha kho bhagavā tassa purisassa anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ, kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā taṃ bhagavā aññāsi kallacittaṃ, muducittaṃ, vinīvaraṇacittaṃ, udaggacittaṃ, pasannacittaṃ, atha yā buddhānaṃ sāmukkaṃsikā dhammadesanā taṃ pakāsesi – dukkhaṃ, samudayaṃ, nirodhaṃ, maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaheyya, evameva tassa purisassa tasmiṃyeva āsane virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti. Atha kho so puriso diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘abhikkantaṃ, bhante, abhikkantaṃ, bhante. Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti – evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti. Atha kho bhagavā taṃ purisaṃ etadavoca – ‘‘mā kho tvaṃ, āvuso, iminā maggena gaccha, iminā maggena gacchāhī’’ti aññena maggena uyyojesi.
ат̇а ко д̇з д̣̇вз бурисаа – гим̣ ну ко со зго бурисо жирзна ааг̇ажчад̇ийд̇и – бадибат̇ам̣ г̇ажчанд̇аа ад̣̇д̣̇асам̣су бхаг̇аванд̇ам̣ ан̃н̃ад̇арасмим̣ ругкамуулз нисиннам̣. д̣̇исваана язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. д̇зсам̣ бхаг̇аваа анубуб̣б̣им̣ гат̇ам̣ гат̇зси…бз… абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бханд̇з…бз… убаасагз но бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇з’’д̇и. ат̇а ко бхаг̇аваа д̇з бурисз зд̇ад̣̇авожа – ‘‘маа ко д̇умхз, аавусо, иминаа маг̇г̇зна г̇ажчид̇т̇а, иминаа маг̇г̇зна г̇ажчат̇аа’’д̇и ан̃н̃зна маг̇г̇зна уяяож̇зси.
Atha kho te dve purisā – kiṃ nu kho so eko puriso cirena āgacchatīti – paṭipathaṃ gacchantā addasaṃsu bhagavantaṃ aññatarasmiṃ rukkhamūle nisinnaṃ. Disvāna yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Tesaṃ bhagavā anupubbiṃ kathaṃ kathesi…pe… aparappaccayā satthusāsane bhagavantaṃ etadavocuṃ – ‘‘abhikkantaṃ, bhante…pe… upāsake no bhagavā dhāretu ajjatagge pāṇupetaṃ saraṇaṃ gate’’ti. Atha kho bhagavā te purise etadavoca – ‘‘mā kho tumhe, āvuso, iminā maggena gacchittha, iminā maggena gacchathā’’ti aññena maggena uyyojesi.
ат̇а ко д̇з жад̇д̇ааро бурисаа…бз… ат̇а ко д̇з адта бурисаа…бз… ат̇а ко д̇з сол̣аса бурисаа – гим̣ ну ко д̇з адта бурисаа жирзна ааг̇ажчанд̇ийд̇и – бадибат̇ам̣ г̇ажчанд̇аа ад̣̇д̣̇асаасум̣ бхаг̇аванд̇ам̣ ан̃н̃ад̇арасмим̣ ругкамуулз нисиннам̣. д̣̇исваана язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. д̇зсам̣ бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣…бз… абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бханд̇з…бз… убаасагз но бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇з’’д̇и. ат̇а ко бхаг̇аваа д̇з бурисз зд̇ад̣̇авожа – ‘‘маа ко д̇умхз, аавусо, иминаа маг̇г̇зна г̇ажчид̇т̇а, иминаа маг̇г̇зна г̇ажчат̇аа’’д̇и ан̃н̃зна маг̇г̇зна уяяож̇зси.
Atha kho te cattāro purisā…pe… atha kho te aṭṭha purisā…pe… atha kho te soḷasa purisā – kiṃ nu kho te aṭṭha purisā cirena āgacchantīti – paṭipathaṃ gacchantā addasāsuṃ bhagavantaṃ aññatarasmiṃ rukkhamūle nisinnaṃ. Disvāna yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Tesaṃ bhagavā anupubbiṃ kathaṃ kathesi, seyyathidaṃ – dānakathaṃ…pe… aparappaccayā satthusāsane bhagavantaṃ etadavocuṃ – ‘‘abhikkantaṃ, bhante…pe… upāsake no bhagavā dhāretu ajjatagge pāṇupetaṃ saraṇaṃ gate’’ti. Atha kho bhagavā te purise etadavoca – ‘‘mā kho tumhe, āvuso, iminā maggena gacchittha, iminā maggena gacchathā’’ti aññena maggena uyyojesi.
ат̇а ко со зго бурисо язна д̣̇звад̣̇ад̇д̇о д̇знубасан̇гами, убасан̇гамид̇ваа д̣̇звад̣̇ад̇д̇ам̣ зд̇ад̣̇авожа – ‘‘наахам̣, бханд̇з, саггоми д̇ам̣ бхаг̇аванд̇ам̣ ж̇ийвид̇аа воробзд̇ум̣; махид̣̇д̇хиго со бхаг̇аваа, махаанубхааво’’д̇и. ‘‘алам̣, аавусо; маа д̇вам̣ саман̣ам̣ г̇од̇амам̣ ж̇ийвид̇аа воробзси. ахамзва саман̣ам̣ г̇од̇амам̣ ж̇ийвид̇аа воробзссаамий’’д̇и.
Atha kho so eko puriso yena devadatto tenupasaṅkami, upasaṅkamitvā devadattaṃ etadavoca – ‘‘nāhaṃ, bhante, sakkomi taṃ bhagavantaṃ jīvitā voropetuṃ; mahiddhiko so bhagavā, mahānubhāvo’’ti. ‘‘Alaṃ, āvuso; mā tvaṃ samaṇaṃ gotamaṃ jīvitā voropesi. Ahameva samaṇaṃ gotamaṃ jīvitā voropessāmī’’ti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / багаасанийяагаммаад̣̇игат̇аа • Pakāsanīyakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / багаасанийяагаммаад̣̇игат̇аа • Pakāsanīyakammādikathā
