| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. அபி⁴னந்த³மானஸுத்தங்
3. Abhinandamānasuttaṃ
65. ஸாவத்தி²னிதா³னங். அத² கோ² அஞ்ஞதரோ பி⁴க்கு²…பே॰… ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘ஸாது⁴ மே, ப⁴ந்தே, ப⁴க³வா ஸங்கி²த்தேன…பே॰… பஹிதத்தோ விஹரெய்ய’’ந்தி. ‘‘அபி⁴னந்த³மானோ கோ², பி⁴க்கு², ப³த்³தோ⁴ மாரஸ்ஸ; அனபி⁴னந்த³மானோ முத்தோ பாபிமதோ’’தி. ‘‘அஞ்ஞாதங் ப⁴க³வா, அஞ்ஞாதங் ஸுக³தா’’தி.
65. Sāvatthinidānaṃ. Atha kho aññataro bhikkhu…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante, bhagavā saṃkhittena…pe… pahitatto vihareyya’’nti. ‘‘Abhinandamāno kho, bhikkhu, baddho mārassa; anabhinandamāno mutto pāpimato’’ti. ‘‘Aññātaṃ bhagavā, aññātaṃ sugatā’’ti.
‘‘யதா² கத²ங் பன த்வங், பி⁴க்கு², மயா ஸங்கி²த்தேன பா⁴ஸிதஸ்ஸ வித்தா²ரேன அத்த²ங் ஆஜானாஸீ’’தி? ‘‘ரூபங் கோ², ப⁴ந்தே, அபி⁴னந்த³மானோ ப³த்³தோ⁴ மாரஸ்ஸ; அனபி⁴னந்த³மானோ முத்தோ பாபிமதோ. வேத³னங்… ஸஞ்ஞங்… ஸங்கா²ரே… விஞ்ஞாணங் அபி⁴னந்த³மானோ ப³த்³தோ⁴ மாரஸ்ஸ; அனபி⁴னந்த³மானோ முத்தோ பாபிமதோ. இமஸ்ஸ க்²வாஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்த²ங் ஆஜானாமீ’’தி.
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ kho, bhante, abhinandamāno baddho mārassa; anabhinandamāno mutto pāpimato. Vedanaṃ… saññaṃ… saṅkhāre… viññāṇaṃ abhinandamāno baddho mārassa; anabhinandamāno mutto pāpimato. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘ஸாது⁴ ஸாது⁴, பி⁴க்கு²! ஸாது⁴ கோ² த்வங், பி⁴க்கு², மயா ஸங்கி²த்தேன பா⁴ஸிதஸ்ஸ வித்தா²ரேன அத்த²ங் ஆஜானாஸி. ரூபங் கோ², பி⁴க்கு², அபி⁴னந்த³மானோ ப³த்³தோ⁴ மாரஸ்ஸ; அனபி⁴னந்த³மானோ முத்தோ பாபிமதோ. வேத³னங்… ஸஞ்ஞங்… ஸங்கா²ரே … விஞ்ஞாணங் அபி⁴னந்த³மானோ ப³த்³தோ⁴ மாரஸ்ஸ; அனபி⁴னந்த³மானோ முத்தோ பாபிமதோ. இமஸ்ஸ கோ², பி⁴க்கு², மயா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்தோ² த³ட்ட²ப்³போ³’’தி…பே॰… அஞ்ஞதரோ ச பன ஸோ பி⁴க்கு² அரஹதங் அஹோஸீதி. ததியங்.
‘‘Sādhu sādhu, bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ kho, bhikkhu, abhinandamāno baddho mārassa; anabhinandamāno mutto pāpimato. Vedanaṃ… saññaṃ… saṅkhāre … viññāṇaṃ abhinandamāno baddho mārassa; anabhinandamāno mutto pāpimato. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. அபி⁴னந்த³மானஸுத்தவண்ணனா • 3. Abhinandamānasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-6. மஞ்ஞமானஸுத்தாதி³வண்ணனா • 2-6. Maññamānasuttādivaṇṇanā
