| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਅਭਿਨਨ੍ਦਮਾਨਸੁਤ੍ਤਂ
3. Abhinandamānasuttaṃ
੬੫. ਸਾવਤ੍ਥਿਨਿਦਾਨਂ। ਅਥ ਖੋ ਅਞ੍ਞਤਰੋ ਭਿਕ੍ਖੁ…ਪੇ॰… ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਸਾਧੁ ਮੇ, ਭਨ੍ਤੇ, ਭਗવਾ ਸਂਖਿਤ੍ਤੇਨ…ਪੇ॰… ਪਹਿਤਤ੍ਤੋ વਿਹਰੇਯ੍ਯ’’ਨ੍ਤਿ। ‘‘ਅਭਿਨਨ੍ਦਮਾਨੋ ਖੋ, ਭਿਕ੍ਖੁ, ਬਦ੍ਧੋ ਮਾਰਸ੍ਸ; ਅਨਭਿਨਨ੍ਦਮਾਨੋ ਮੁਤ੍ਤੋ ਪਾਪਿਮਤੋ’’ਤਿ। ‘‘ਅਞ੍ਞਾਤਂ ਭਗવਾ, ਅਞ੍ਞਾਤਂ ਸੁਗਤਾ’’ਤਿ।
65. Sāvatthinidānaṃ. Atha kho aññataro bhikkhu…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante, bhagavā saṃkhittena…pe… pahitatto vihareyya’’nti. ‘‘Abhinandamāno kho, bhikkhu, baddho mārassa; anabhinandamāno mutto pāpimato’’ti. ‘‘Aññātaṃ bhagavā, aññātaṃ sugatā’’ti.
‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਮਯਾ ਸਂਖਿਤ੍ਤੇਨ ਭਾਸਿਤਸ੍ਸ વਿਤ੍ਥਾਰੇਨ ਅਤ੍ਥਂ ਆਜਾਨਾਸੀ’’ਤਿ? ‘‘ਰੂਪਂ ਖੋ, ਭਨ੍ਤੇ, ਅਭਿਨਨ੍ਦਮਾਨੋ ਬਦ੍ਧੋ ਮਾਰਸ੍ਸ; ਅਨਭਿਨਨ੍ਦਮਾਨੋ ਮੁਤ੍ਤੋ ਪਾਪਿਮਤੋ। વੇਦਨਂ… ਸਞ੍ਞਂ… ਸਙ੍ਖਾਰੇ… વਿਞ੍ਞਾਣਂ ਅਭਿਨਨ੍ਦਮਾਨੋ ਬਦ੍ਧੋ ਮਾਰਸ੍ਸ; ਅਨਭਿਨਨ੍ਦਮਾਨੋ ਮੁਤ੍ਤੋ ਪਾਪਿਮਤੋ। ਇਮਸ੍ਸ ਖ੍વਾਹਂ, ਭਨ੍ਤੇ, ਭਗવਤਾ ਸਂਖਿਤ੍ਤੇਨ ਭਾਸਿਤਸ੍ਸ ਏવਂ વਿਤ੍ਥਾਰੇਨ ਅਤ੍ਥਂ ਆਜਾਨਾਮੀ’’ਤਿ।
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ kho, bhante, abhinandamāno baddho mārassa; anabhinandamāno mutto pāpimato. Vedanaṃ… saññaṃ… saṅkhāre… viññāṇaṃ abhinandamāno baddho mārassa; anabhinandamāno mutto pāpimato. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘ਸਾਧੁ ਸਾਧੁ, ਭਿਕ੍ਖੁ! ਸਾਧੁ ਖੋ ਤ੍વਂ, ਭਿਕ੍ਖੁ, ਮਯਾ ਸਂਖਿਤ੍ਤੇਨ ਭਾਸਿਤਸ੍ਸ વਿਤ੍ਥਾਰੇਨ ਅਤ੍ਥਂ ਆਜਾਨਾਸਿ। ਰੂਪਂ ਖੋ, ਭਿਕ੍ਖੁ, ਅਭਿਨਨ੍ਦਮਾਨੋ ਬਦ੍ਧੋ ਮਾਰਸ੍ਸ; ਅਨਭਿਨਨ੍ਦਮਾਨੋ ਮੁਤ੍ਤੋ ਪਾਪਿਮਤੋ। વੇਦਨਂ… ਸਞ੍ਞਂ… ਸਙ੍ਖਾਰੇ … વਿਞ੍ਞਾਣਂ ਅਭਿਨਨ੍ਦਮਾਨੋ ਬਦ੍ਧੋ ਮਾਰਸ੍ਸ; ਅਨਭਿਨਨ੍ਦਮਾਨੋ ਮੁਤ੍ਤੋ ਪਾਪਿਮਤੋ। ਇਮਸ੍ਸ ਖੋ, ਭਿਕ੍ਖੁ, ਮਯਾ ਸਂਖਿਤ੍ਤੇਨ ਭਾਸਿਤਸ੍ਸ ਏવਂ વਿਤ੍ਥਾਰੇਨ ਅਤ੍ਥੋ ਦਟ੍ਠਬ੍ਬੋ’’ਤਿ…ਪੇ॰… ਅਞ੍ਞਤਰੋ ਚ ਪਨ ਸੋ ਭਿਕ੍ਖੁ ਅਰਹਤਂ ਅਹੋਸੀਤਿ। ਤਤਿਯਂ।
‘‘Sādhu sādhu, bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ kho, bhikkhu, abhinandamāno baddho mārassa; anabhinandamāno mutto pāpimato. Vedanaṃ… saññaṃ… saṅkhāre … viññāṇaṃ abhinandamāno baddho mārassa; anabhinandamāno mutto pāpimato. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Tatiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਅਭਿਨਨ੍ਦਮਾਨਸੁਤ੍ਤવਣ੍ਣਨਾ • 3. Abhinandamānasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੬. ਮਞ੍ਞਮਾਨਸੁਤ੍ਤਾਦਿવਣ੍ਣਨਾ • 2-6. Maññamānasuttādivaṇṇanā
