| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. அபி⁴னந்த³னஸுத்தங்
8. Abhinandanasuttaṃ
29. ஸாவத்தி²னிதா³னங் . ‘‘யோ, பி⁴க்க²வே, ரூபங் அபி⁴னந்த³தி, து³க்க²ங் ஸோ அபி⁴னந்த³தி. யோ து³க்க²ங் அபி⁴னந்த³தி, அபரிமுத்தோ ஸோ து³க்க²ஸ்மாதி வதா³மி. யோ வேத³னங் அபி⁴னந்த³தி… யோ ஸஞ்ஞங் அபி⁴னந்த³தி… யோ ஸங்கா²ரே அபி⁴னந்த³தி… யோ விஞ்ஞாணங் அபி⁴னந்த³தி, து³க்க²ங் ஸோ அபி⁴னந்த³தி. யோ து³க்க²ங் அபி⁴னந்த³தி, அபரிமுத்தோ ஸோ து³க்க²ஸ்மாதி வதா³மி. யோ ச கோ², பி⁴க்க²வே, ரூபங் நாபி⁴னந்த³தி, து³க்க²ங் ஸோ நாபி⁴னந்த³தி. யோ து³க்க²ங் நாபி⁴னந்த³தி, பரிமுத்தோ ஸோ து³க்க²ஸ்மாதி வதா³மி. யோ வேத³னங் நாபி⁴னந்த³தி… யோ ஸஞ்ஞங் நாபி⁴னந்த³தி… யோ ஸங்கா²ரே நாபி⁴னந்த³தி… யோ விஞ்ஞாணங் நாபி⁴னந்த³தி, து³க்க²ங் ஸோ நாபி⁴னந்த³தி. யோ து³க்க²ங் நாபி⁴னந்த³தி, பரிமுத்தோ ஸோ து³க்க²ஸ்மாதி வதா³மீ’’தி. அட்ட²மங்.
29. Sāvatthinidānaṃ . ‘‘Yo, bhikkhave, rūpaṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo vedanaṃ abhinandati… yo saññaṃ abhinandati… yo saṅkhāre abhinandati… yo viññāṇaṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo ca kho, bhikkhave, rūpaṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmi. Yo vedanaṃ nābhinandati… yo saññaṃ nābhinandati… yo saṅkhāre nābhinandati… yo viññāṇaṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-9. ச²ந்த³ராக³ஸுத்தாதி³வண்ணனா • 4-9. Chandarāgasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-9. ச²ந்த³ராக³ஸுத்தாதி³வண்ணனா • 4-9. Chandarāgasuttādivaṇṇanā
