| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. অভিনন্দনসুত্তং
8. Abhinandanasuttaṃ
২৯. সাৰত্থিনিদানং । ‘‘যো, ভিক্খৰে, রূপং অভিনন্দতি, দুক্খং সো অভিনন্দতি। যো দুক্খং অভিনন্দতি, অপরিমুত্তো সো দুক্খস্মাতি ৰদামি। যো ৰেদনং অভিনন্দতি… যো সঞ্ঞং অভিনন্দতি… যো সঙ্খারে অভিনন্দতি… যো ৰিঞ্ঞাণং অভিনন্দতি, দুক্খং সো অভিনন্দতি। যো দুক্খং অভিনন্দতি, অপরিমুত্তো সো দুক্খস্মাতি ৰদামি। যো চ খো, ভিক্খৰে, রূপং নাভিনন্দতি, দুক্খং সো নাভিনন্দতি। যো দুক্খং নাভিনন্দতি, পরিমুত্তো সো দুক্খস্মাতি ৰদামি। যো ৰেদনং নাভিনন্দতি… যো সঞ্ঞং নাভিনন্দতি… যো সঙ্খারে নাভিনন্দতি… যো ৰিঞ্ঞাণং নাভিনন্দতি, দুক্খং সো নাভিনন্দতি। যো দুক্খং নাভিনন্দতি, পরিমুত্তো সো দুক্খস্মাতি ৰদামী’’তি। অট্ঠমং।
29. Sāvatthinidānaṃ . ‘‘Yo, bhikkhave, rūpaṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo vedanaṃ abhinandati… yo saññaṃ abhinandati… yo saṅkhāre abhinandati… yo viññāṇaṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo ca kho, bhikkhave, rūpaṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmi. Yo vedanaṃ nābhinandati… yo saññaṃ nābhinandati… yo saṅkhāre nābhinandati… yo viññāṇaṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmī’’ti. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪-৯. ছন্দরাগসুত্তাদিৰণ্ণনা • 4-9. Chandarāgasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪-৯. ছন্দরাগসুত্তাদিৰণ্ণনা • 4-9. Chandarāgasuttādivaṇṇanā
