| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៦. អភិនន្ទសុត្តំ
6. Abhinandasuttaṃ
១១៩. សាវត្ថិយំ វិហរតិ…បេ.… ‘‘យោ, ភិក្ខវេ, បថវីធាតុំ អភិនន្ទតិ, ទុក្ខំ សោ អភិនន្ទតិ។ យោ ទុក្ខំ អភិនន្ទតិ, អបរិមុត្តោ សោ ទុក្ខស្មាតិ វទាមិ។ យោ អាបោធាតុំ អភិនន្ទតិ…បេ.… យោ តេជោធាតុំ… យោ វាយោធាតុំ អភិនន្ទតិ, ទុក្ខំ សោ អភិនន្ទតិ។ យោ ទុក្ខំ អភិនន្ទតិ, អបរិមុត្តោ សោ ទុក្ខស្មាតិ វទាមិ’’។
119. Sāvatthiyaṃ viharati…pe… ‘‘yo, bhikkhave, pathavīdhātuṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo āpodhātuṃ abhinandati…pe… yo tejodhātuṃ… yo vāyodhātuṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi’’.
‘‘យោ ច ខោ, ភិក្ខវេ, បថវីធាតុំ នាភិនន្ទតិ, ទុក្ខំ សោ នាភិនន្ទតិ។ យោ ទុក្ខំ នាភិនន្ទតិ, បរិមុត្តោ សោ ទុក្ខស្មាតិ វទាមិ។ យោ អាបោធាតុំ…បេ.… យោ តេជោធាតុំ… យោ វាយោធាតុំ នាភិនន្ទតិ, ទុក្ខំ សោ នាភិនន្ទតិ។ យោ ទុក្ខំ នាភិនន្ទតិ, បរិមុត្តោ សោ ទុក្ខស្មាតិ វទាមី’’តិ។ ឆដ្ឋំ។
‘‘Yo ca kho, bhikkhave, pathavīdhātuṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmi. Yo āpodhātuṃ…pe… yo tejodhātuṃ… yo vāyodhātuṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmī’’ti. Chaṭṭhaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៦-១០. អភិនន្ទសុត្តាទិវណ្ណនា • 6-10. Abhinandasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦-១០. អភិនន្ទសុត្តាទិវណ្ណនា • 6-10. Abhinandasuttādivaṇṇanā
