| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. අභිනන්‌දසුත්‌තං
6. Abhinandasuttaṃ
119. සාවත්‌ථියං විහරති…පෙ.… ‘‘යො, භික්‌ඛවෙ, පථවීධාතුං අභිනන්‌දති, දුක්‌ඛං සො අභිනන්‌දති. යො දුක්‌ඛං අභිනන්‌දති, අපරිමුත්‌තො සො දුක්‌ඛස්‌මාති වදාමි. යො ආපොධාතුං අභිනන්‌දති…පෙ.… යො තෙජොධාතුං… යො වායොධාතුං අභිනන්‌දති, දුක්‌ඛං සො අභිනන්‌දති. යො දුක්‌ඛං අභිනන්‌දති, අපරිමුත්‌තො සො දුක්‌ඛස්‌මාති වදාමි’’.
119. Sāvatthiyaṃ viharati…pe… ‘‘yo, bhikkhave, pathavīdhātuṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo āpodhātuṃ abhinandati…pe… yo tejodhātuṃ… yo vāyodhātuṃ abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi’’.
‘‘යො ච ඛො, භික්‌ඛවෙ, පථවීධාතුං නාභිනන්‌දති, දුක්‌ඛං සො නාභිනන්‌දති. යො දුක්‌ඛං නාභිනන්‌දති, පරිමුත්‌තො සො දුක්‌ඛස්‌මාති වදාමි. යො ආපොධාතුං…පෙ.… යො තෙජොධාතුං… යො වායොධාතුං නාභිනන්‌දති, දුක්‌ඛං සො නාභිනන්‌දති. යො දුක්‌ඛං නාභිනන්‌දති, පරිමුත්‌තො සො දුක්‌ඛස්‌මාති වදාමී’’ති. ඡට්‌ඨං.
‘‘Yo ca kho, bhikkhave, pathavīdhātuṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmi. Yo āpodhātuṃ…pe… yo tejodhātuṃ… yo vāyodhātuṃ nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmī’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6-10. අභිනන්‌දසුත්‌තාදිවණ්‌ණනා • 6-10. Abhinandasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6-10. අභිනන්‌දසුත්‌තාදිවණ්‌ණනා • 6-10. Abhinandasuttādivaṇṇanā
