| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. абхин̣хабажжавзгкид̇аб̣б̣атаанасуд̇д̇аван̣н̣анаа
7. Abhiṇhapaccavekkhitabbaṭhānasuttavaṇṇanā
57. сад̇д̇амз ж̇араад̇хаммомхийд̇и ж̇араасабхааво амхи. ж̇арам̣ анад̇ийд̇од̇и ж̇арам̣ анад̇игганд̇о, анд̇ож̇арааяа зва жараами. сзсабад̣̇зсуби зсзва наяо. гаммассагод̇иаад̣̇ийсу гаммам̣ маяхам̣ сагам̣ ад̇д̇ано санд̇аганд̇и гаммассаго амхи. гаммасса д̣̇ааяаад̣̇од̇и гаммад̣̇ааяаад̣̇о, гаммам̣ маяхам̣ д̣̇ааяаж̇ж̇ам̣ санд̇аганд̇и ад̇т̇о. гаммам̣ маяхам̣ яони гааран̣анд̇и гаммаяони. гаммам̣ маяхам̣ б̣анд̇хууд̇и гаммаб̣анд̇ху, гамман̃аад̇агод̇и ад̇т̇о. гаммам̣ маяхам̣ бадисаран̣ам̣ бад̇идтаад̇и гаммабадисаран̣о. д̇асса д̣̇ааяаад̣̇о бхависсаамийд̇и д̇асса гаммасса д̣̇ааяаад̣̇о д̇зна д̣̇иннапалабадиг̇г̇аахаго бхависсаамийд̇и ад̇т̇о. яоб̣б̣анамад̣̇од̇и яоб̣б̣анам̣ аараб̣бха уббаннамад̣̇о. сзсзсуби зсзва наяо. маг̇г̇о сан̃ж̇ааяад̇ийд̇и логуд̇д̇арамаг̇г̇о сан̃ж̇ааяад̇и. сам̣яож̇анаани саб̣б̣асо бахийяанд̇ийд̇и д̣̇аса сам̣яож̇анаани саб̣б̣асо бахийяанд̇и. анусаяаа б̣яанд̇ийхонд̇ийд̇и сад̇д̇а анусаяаа виг̇ад̇анд̇аа барижчиннаа баривадумаа хонд̇и. звамзд̇т̇а хздтаа бан̃жасу таанзсу вибассанаа гат̇ид̇аа, имзсу бан̃жасу логуд̇д̇арамаг̇г̇о.
57. Sattame jarādhammomhīti jarāsabhāvo amhi. Jaraṃ anatītoti jaraṃ anatikkanto, antojarāya eva carāmi. Sesapadesupi eseva nayo. Kammassakotiādīsu kammaṃ mayhaṃ sakaṃ attano santakanti kammassako amhi. Kammassa dāyādoti kammadāyādo, kammaṃ mayhaṃ dāyajjaṃ santakanti attho. Kammaṃ mayhaṃ yoni kāraṇanti kammayoni. Kammaṃ mayhaṃ bandhūti kammabandhu, kammañātakoti attho. Kammaṃ mayhaṃ paṭisaraṇaṃ patiṭṭhāti kammapaṭisaraṇo. Tassa dāyādo bhavissāmīti tassa kammassa dāyādo tena dinnaphalapaṭiggāhako bhavissāmīti attho. Yobbanamadoti yobbanaṃ ārabbha uppannamado. Sesesupi eseva nayo. Maggo sañjāyatīti lokuttaramaggo sañjāyati. Saṃyojanāni sabbaso pahīyantīti dasa saṃyojanāni sabbaso pahīyanti. Anusayā byantīhontīti satta anusayā vigatantā paricchinnā parivaṭumā honti. Evamettha heṭṭhā pañcasu ṭhānesu vipassanā kathitā, imesu pañcasu lokuttaramaggo.
ид̣̇аани г̇аат̇аахи гуудам̣ г̇ан̣ханд̇о б̣яаад̇хид̇хаммаад̇иаад̣̇имааха. д̇ад̇т̇а н̃ад̇ваа д̇хаммам̣ нируубад̇хинд̇и убад̇хирахид̇ам̣ арахад̇д̇амаг̇г̇ам̣ н̃ад̇ваа. саб̣б̣з мад̣̇з абхибхосмийд̇и саб̣б̣з имз д̇аяоби мад̣̇з ад̇хибхавим̣, ад̇иггамма тид̇осмийд̇и ад̇т̇о. нзгкаммам̣ д̣̇адту кзмад̇од̇и баб̣б̣аж̇ж̇ам̣ кзмад̇о д̣̇исваа. д̇асса мз аху уссаахо, ниб̣б̣аанам̣ абхибассад̇од̇и д̇асса маяхам̣ ниб̣б̣аанам̣ абхибассанд̇асса вааяаамо ахоси. анивад̇д̇и бхависсаамийд̇и баб̣б̣аж̇ж̇ад̇о анивад̇д̇иго бхависсаами, б̣рахмажарияаваасад̇о анивад̇д̇иго, саб̣б̣ан̃н̃уд̇ан̃н̃аан̣ад̇о анивад̇д̇иго бхависсаами. б̣рахмажарияабарааяан̣од̇и маг̇г̇аб̣рахмажарияабарааяан̣о. иминаа логуд̇д̇аро адтан̇г̇иго маг̇г̇о гат̇ид̇од̇и.
Idāni gāthāhi kūṭaṃ gaṇhanto byādhidhammātiādimāha. Tattha ñatvā dhammaṃ nirūpadhinti upadhirahitaṃ arahattamaggaṃ ñatvā. Sabbe made abhibhosmīti sabbe ime tayopi made adhibhaviṃ, atikkamma ṭhitosmīti attho. Nekkhammaṃ daṭṭhu khematoti pabbajjaṃ khemato disvā. Tassa me ahu ussāho, nibbānaṃ abhipassatoti tassa mayhaṃ nibbānaṃ abhipassantassa vāyāmo ahosi. Anivatti bhavissāmīti pabbajjato anivattiko bhavissāmi, brahmacariyavāsato anivattiko, sabbaññutaññāṇato anivattiko bhavissāmi. Brahmacariyaparāyaṇoti maggabrahmacariyaparāyaṇo. Iminā lokuttaro aṭṭhaṅgiko maggo kathitoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. абхин̣хабажжавзгкид̇аб̣б̣атаанасуд̇д̇ам̣ • 7. Abhiṇhapaccavekkhitabbaṭhānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. абхин̣хабажжавзгкид̇аб̣б̣адтаанасуд̇д̇аван̣н̣анаа • 7. Abhiṇhapaccavekkhitabbaṭṭhānasuttavaṇṇanā
