| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. абхин̣хабажжавзгкид̇аб̣б̣адтаанасуд̇д̇аван̣н̣анаа
7. Abhiṇhapaccavekkhitabbaṭṭhānasuttavaṇṇanā
57. сад̇д̇амз ж̇араад̇хаммод̇и д̇хамма-сад̣̇д̣̇о ‘‘асаммосад̇хаммо ниб̣б̣аана’’нд̇иаад̣̇ийсу (су. ни. 763) вияа багад̇ибарияааяо, д̇асмаа ж̇араабагад̇иго ж̇ин̣н̣асабхаавод̇и ад̇т̇о. д̇знааха ‘‘ж̇араасабхааво’’д̇иаад̣̇и. сзсабад̣̇зсуби зсзва наяо. гаммунаа д̣̇аад̇аб̣б̣ам̣ аад̣̇ияад̇ийд̇и гаммад̣̇ааяаад̣̇о, ад̇д̇анаа яат̇уубажид̇агаммапалабхааг̇ийд̇и ад̇т̇о. д̇ам̣ бана д̣̇ааяаж̇ж̇ам̣ гааран̣уубажаарзна вад̣̇анд̇о ‘‘гаммам̣ маяхам̣ д̣̇ааяаж̇ж̇ам̣ санд̇аганд̇и ад̇т̇о’’д̇и ааха яат̇аа ‘‘гусалаанам̣, бхигкавз, д̇хаммаанам̣ самаад̣̇аанахзд̇у, звамид̣̇ам̣ бун̃н̃ам̣ вад̣дхад̇ий’’д̇и (д̣̇ий. ни. 3.80). яонийхи палам̣ сабхаавад̇о бхиннамби абхиннам̣ вияа миссид̇ам̣ ход̇и. д̇знааха ‘‘гаммам̣ маяхам̣ яони гааран̣а’’нд̇и. мамад̇д̇авасзна б̣аж̇жханд̇ийд̇и б̣анд̇хуу, н̃аад̇и саалохид̇о жа, гаммам̣ бана зганд̇асамб̣анд̇хаваад̇и ааха ‘‘гаммам̣ маяхам̣ б̣анд̇хуу’’д̇и. бад̇идтаад̇и авассаяо. гаммасад̣̇исо хи сад̇д̇аанам̣ авассаяо над̇т̇и.
57. Sattame jarādhammoti dhamma-saddo ‘‘asammosadhammo nibbāna’’ntiādīsu (su. ni. 763) viya pakatipariyāyo, tasmā jarāpakatiko jiṇṇasabhāvoti attho. Tenāha ‘‘jarāsabhāvo’’tiādi. Sesapadesupi eseva nayo. Kammunā dātabbaṃ ādiyatīti kammadāyādo, attanā yathūpacitakammaphalabhāgīti attho. Taṃ pana dāyajjaṃ kāraṇūpacārena vadanto ‘‘kammaṃ mayhaṃ dāyajjaṃ santakanti attho’’ti āha yathā ‘‘kusalānaṃ, bhikkhave, dhammānaṃ samādānahetu, evamidaṃ puññaṃ vaḍḍhatī’’ti (dī. ni. 3.80). Yonīhi phalaṃ sabhāvato bhinnampi abhinnaṃ viya missitaṃ hoti. Tenāha ‘‘kammaṃ mayhaṃ yoni kāraṇa’’nti. Mamattavasena bajjhantīti bandhū, ñāti sālohito ca, kammaṃ pana ekantasambandhavāti āha ‘‘kammaṃ mayhaṃ bandhū’’ti. Patiṭṭhāti avassayo. Kammasadiso hi sattānaṃ avassayo natthi.
яоб̣б̣анам̣ аараб̣бха уббаннамад̣̇од̇и ‘‘махаллагагаалз бун̃н̃ам̣ гариссаама, д̣̇ахарамха д̇ааваа’’д̇и яоб̣б̣анам̣ абассааяа маанагаран̣ам̣. ‘‘ахам̣ нирог̇о садти ваа сад̇д̇ад̇и ваа вассаани ад̇игганд̇аани, на мз харийд̇агакан̣д̣амби каад̣̇ид̇аб̣б̣ам̣, имз банан̃н̃з ‘асугам̣ но таанам̣ руж̇ж̇ад̇и, бхзсаж̇ж̇ам̣ каад̣̇аамаа’д̇и вижаранд̇и, го ан̃н̃о маяаа сад̣̇исо нирог̇о наамаа’’д̇и звам̣ маанагаран̣ам̣ аарог̇яамад̣̇о. саб̣б̣зсамби ж̇ийвид̇ам̣ наама бабхан̇г̇урам̣ д̣̇угкаануб̣анд̇хан̃жа, д̇ад̣̇убхаяам̣ анологзд̇ваа баб̣анд̇хадтид̇им̣ бажжаяасулабхад̇ан̃жа ниссааяа ‘‘жирам̣ ж̇ийвим̣, жирам̣ ж̇ийваами, жирам̣ ж̇ийвиссаами, сукам̣ ж̇ийвим̣, сукам̣ ж̇ийваами, сукам̣ ж̇ийвиссаамий’’д̇и звам̣ маанагаран̣ам̣ ж̇ийвид̇амад̣̇о.
Yobbanaṃ ārabbha uppannamadoti ‘‘mahallakakāle puññaṃ karissāma, daharamha tāvā’’ti yobbanaṃ apassāya mānakaraṇaṃ. ‘‘Ahaṃ nirogo saṭṭhi vā sattati vā vassāni atikkantāni, na me harītakakhaṇḍampi khāditabbaṃ, ime panaññe ‘asukaṃ no ṭhānaṃ rujjati, bhesajjaṃ khādāmā’ti vicaranti, ko añño mayā sadiso nirogo nāmā’’ti evaṃ mānakaraṇaṃ ārogyamado. Sabbesampi jīvitaṃ nāma pabhaṅguraṃ dukkhānubandhañca, tadubhayaṃ anoloketvā pabandhaṭṭhitiṃ paccayasulabhatañca nissāya ‘‘ciraṃ jīviṃ, ciraṃ jīvāmi, ciraṃ jīvissāmi, sukhaṃ jīviṃ, sukhaṃ jīvāmi, sukhaṃ jīvissāmī’’ti evaṃ mānakaraṇaṃ jīvitamado.
убад̇хирахид̇анд̇и гаамуубад̇хирахид̇ам̣. жад̇д̇ааро хи убад̇хий – гаамуубад̇хи, канд̇хуубад̇хи, гилзсуубад̇хи, абхисан̇кааруубад̇хийд̇и. гаамааби ‘‘яам̣ бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и (ма. ни. 1.166) звам̣ вуд̇д̇асса сукасса ад̇хидтаанабхаавад̇о ‘‘убад̇хияад̇и зд̇т̇а сука’’нд̇и иминаа важанад̇т̇зна ‘‘убад̇хий’’д̇и вужжад̇и, канд̇хааби канд̇хамуулагасса д̣̇угкасса ад̇хидтаанабхаавад̇о, гилзсааби абааяад̣̇угкасса ад̇хидтаанабхаавад̇о, абхисан̇каарааби бхавад̣̇угкасса ад̇хидтаанабхаавад̇о. сзсам̣ сувин̃н̃зяяамзва.
Upadhirahitanti kāmūpadhirahitaṃ. Cattāro hi upadhī – kāmūpadhi, khandhūpadhi, kilesūpadhi, abhisaṅkhārūpadhīti. Kāmāpi ‘‘yaṃ pañca kāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti (ma. ni. 1.166) evaṃ vuttassa sukhassa adhiṭṭhānabhāvato ‘‘upadhiyati ettha sukha’’nti iminā vacanatthena ‘‘upadhī’’ti vuccati, khandhāpi khandhamūlakassa dukkhassa adhiṭṭhānabhāvato, kilesāpi apāyadukkhassa adhiṭṭhānabhāvato, abhisaṅkhārāpi bhavadukkhassa adhiṭṭhānabhāvato. Sesaṃ suviññeyyameva.
абхин̣хабажжавзгкид̇аб̣б̣адтаанасуд̇д̇аван̣н̣анаа нидтид̇аа.
Abhiṇhapaccavekkhitabbaṭṭhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. абхин̣хабажжавзгкид̇аб̣б̣атаанасуд̇д̇ам̣ • 7. Abhiṇhapaccavekkhitabbaṭhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. абхин̣хабажжавзгкид̇аб̣б̣атаанасуд̇д̇аван̣н̣анаа • 7. Abhiṇhapaccavekkhitabbaṭhānasuttavaṇṇanā
