| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৫. অভিঞ্ঞাদিৰারো
5. Abhiññādivāro
৩৪. ‘‘‘যাৰতা অভিঞ্ঞায অভিঞ্ঞট্ঠো ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায অভিঞ্ঞট্ঠো নত্থী’তি – চক্খুং উদপাদি, ঞাণং উদপাদি, পঞ্ঞা উদপাদি, ৰিজ্জা উদপাদি, আলোকো উদপাদি’’। অভিঞ্ঞায অভিঞ্ঞট্ঠে পঞ্চৰীসতি ধম্মা , পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
34. ‘‘‘Yāvatā abhiññāya abhiññaṭṭho ñāto diṭṭho vidito sacchikato phassito paññāya. Aphassito paññāya abhiññaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Abhiññāya abhiññaṭṭhe pañcavīsati dhammā , pañcavīsati atthā, paññāsa niruttiyo, sataṃ ñāṇāni.
‘‘‘যাৰতা পরিঞ্ঞায পরিঞ্ঞট্ঠো…পে॰… যাৰতা পহানস্স পহানট্ঠো…পে॰… যাৰতা ভাৰনায ভাৰনট্ঠো…পে॰… যাৰতা সচ্ছিকিরিযায সচ্ছিকিরিযট্ঠো ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায সচ্ছিকিরিযট্ঠো নত্থী’তি – চক্খুং উদপাদি, ঞাণং উদপাদি, পঞ্ঞা উদপাদি, ৰিজ্জা উদপাদি, আলোকো উদপাদি’’। সচ্ছিকিরিযায সচ্ছিকিরিযট্ঠে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
‘‘‘Yāvatā pariññāya pariññaṭṭho…pe… yāvatā pahānassa pahānaṭṭho…pe… yāvatā bhāvanāya bhāvanaṭṭho…pe… yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya. Aphassito paññāya sacchikiriyaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
অভিঞ্ঞায অভিঞ্ঞট্ঠে, পরিঞ্ঞায পরিঞ্ঞট্ঠে, পহানায পহানট্ঠে, ভাৰনায ভাৰনট্ঠে, সচ্ছিকিরিযায সচ্ছিকিরিযট্ঠে পঞ্চৰীসসতং ধম্মা, পঞ্চৰীসসতং অত্থা, অড্ঢতেয্যানি নিরুত্তিসতানি, পঞ্চ ঞাণসতানি।
Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṃ dhammā, pañcavīsasataṃ atthā, aḍḍhateyyāni niruttisatāni, pañca ñāṇasatāni.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৪-৮. সত্তবোধিসত্তৰারাদিৰণ্ণনা • 4-8. Sattabodhisattavārādivaṇṇanā
