| Library / Tipiṭaka / तिपिटक • Tipiṭaka / पटिसम्भिदामग्गपाळि • Paṭisambhidāmaggapāḷi |
५. अभिञ्ञादिवारो
5. Abhiññādivāro
३४. ‘‘‘यावता अभिञ्ञाय अभिञ्ञट्ठो ञातो दिट्ठो विदितो सच्छिकतो फस्सितो पञ्ञाय। अफस्सितो पञ्ञाय अभिञ्ञट्ठो नत्थी’ति – चक्खुं उदपादि, ञाणं उदपादि, पञ्ञा उदपादि, विज्जा उदपादि, आलोको उदपादि’’। अभिञ्ञाय अभिञ्ञट्ठे पञ्चवीसति धम्मा , पञ्चवीसति अत्था, पञ्ञास निरुत्तियो, सतं ञाणानि।
34. ‘‘‘Yāvatā abhiññāya abhiññaṭṭho ñāto diṭṭho vidito sacchikato phassito paññāya. Aphassito paññāya abhiññaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Abhiññāya abhiññaṭṭhe pañcavīsati dhammā , pañcavīsati atthā, paññāsa niruttiyo, sataṃ ñāṇāni.
‘‘‘यावता परिञ्ञाय परिञ्ञट्ठो…पे॰… यावता पहानस्स पहानट्ठो…पे॰… यावता भावनाय भावनट्ठो…पे॰… यावता सच्छिकिरियाय सच्छिकिरियट्ठो ञातो दिट्ठो विदितो सच्छिकतो फस्सितो पञ्ञाय। अफस्सितो पञ्ञाय सच्छिकिरियट्ठो नत्थी’ति – चक्खुं उदपादि, ञाणं उदपादि, पञ्ञा उदपादि, विज्जा उदपादि, आलोको उदपादि’’। सच्छिकिरियाय सच्छिकिरियट्ठे पञ्चवीसति धम्मा, पञ्चवीसति अत्था, पञ्ञास निरुत्तियो, सतं ञाणानि।
‘‘‘Yāvatā pariññāya pariññaṭṭho…pe… yāvatā pahānassa pahānaṭṭho…pe… yāvatā bhāvanāya bhāvanaṭṭho…pe… yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya. Aphassito paññāya sacchikiriyaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
अभिञ्ञाय अभिञ्ञट्ठे, परिञ्ञाय परिञ्ञट्ठे, पहानाय पहानट्ठे, भावनाय भावनट्ठे, सच्छिकिरियाय सच्छिकिरियट्ठे पञ्चवीससतं धम्मा, पञ्चवीससतं अत्था, अड्ढतेय्यानि निरुत्तिसतानि, पञ्च ञाणसतानि।
Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṃ dhammā, pañcavīsasataṃ atthā, aḍḍhateyyāni niruttisatāni, pañca ñāṇasatāni.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पटिसम्भिदामग्ग-अट्ठकथा • Paṭisambhidāmagga-aṭṭhakathā / ४-८. सत्तबोधिसत्तवारादिवण्णना • 4-8. Sattabodhisattavārādivaṇṇanā
