| Library / Tipiṭaka / တိပိဋက • Tipiṭaka / ပဋိသမ္ဘိဒာမဂ္ဂပာဠိ • Paṭisambhidāmaggapāḷi |
၅. အဘိညာဒိဝာရော
5. Abhiññādivāro
၃၄. ‘‘‘ယာဝတာ အဘိညာယ အဘိညဋ္ဌော ဉာတော ဒိဋ္ဌော ဝိဒိတော သစ္ဆိကတော ဖသ္သိတော ပညာယ။ အဖသ္သိတော ပညာယ အဘိညဋ္ဌော နတ္ထီ’တိ – စက္ခုံ ဥဒပာဒိ, ဉာဏံ ဥဒပာဒိ, ပညာ ဥဒပာဒိ, ဝိဇ္ဇာ ဥဒပာဒိ, အာလောကော ဥဒပာဒိ’’။ အဘိညာယ အဘိညဋ္ဌေ ပဉ္စဝီသတိ ဓမ္မာ , ပဉ္စဝီသတိ အတ္ထာ, ပညာသ နိရုတ္တိယော, သတံ ဉာဏာနိ။
34. ‘‘‘Yāvatā abhiññāya abhiññaṭṭho ñāto diṭṭho vidito sacchikato phassito paññāya. Aphassito paññāya abhiññaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Abhiññāya abhiññaṭṭhe pañcavīsati dhammā , pañcavīsati atthā, paññāsa niruttiyo, sataṃ ñāṇāni.
‘‘‘ယာဝတာ ပရိညာယ ပရိညဋ္ဌော။ပေ.။ ယာဝတာ ပဟာနသ္သ ပဟာနဋ္ဌော။ပေ.။ ယာဝတာ ဘာဝနာယ ဘာဝနဋ္ဌော။ပေ.။ ယာဝတာ သစ္ဆိကိရိယာယ သစ္ဆိကိရိယဋ္ဌော ဉာတော ဒိဋ္ဌော ဝိဒိတော သစ္ဆိကတော ဖသ္သိတော ပညာယ။ အဖသ္သိတော ပညာယ သစ္ဆိကိရိယဋ္ဌော နတ္ထီ’တိ – စက္ခုံ ဥဒပာဒိ, ဉာဏံ ဥဒပာဒိ, ပညာ ဥဒပာဒိ, ဝိဇ္ဇာ ဥဒပာဒိ, အာလောကော ဥဒပာဒိ’’။ သစ္ဆိကိရိယာယ သစ္ဆိကိရိယဋ္ဌေ ပဉ္စဝီသတိ ဓမ္မာ, ပဉ္စဝီသတိ အတ္ထာ, ပညာသ နိရုတ္တိယော, သတံ ဉာဏာနိ။
‘‘‘Yāvatā pariññāya pariññaṭṭho…pe… yāvatā pahānassa pahānaṭṭho…pe… yāvatā bhāvanāya bhāvanaṭṭho…pe… yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya. Aphassito paññāya sacchikiriyaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
အဘိညာယ အဘိညဋ္ဌေ, ပရိညာယ ပရိညဋ္ဌေ, ပဟာနာယ ပဟာနဋ္ဌေ, ဘာဝနာယ ဘာဝနဋ္ဌေ, သစ္ဆိကိရိယာယ သစ္ဆိကိရိယဋ္ဌေ ပဉ္စဝီသသတံ ဓမ္မာ, ပဉ္စဝီသသတံ အတ္ထာ, အဍ္ဎတေယ္ယာနိ နိရုတ္တိသတာနိ, ပဉ္စ ဉာဏသတာနိ။
Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṃ dhammā, pañcavīsasataṃ atthā, aḍḍhateyyāni niruttisatāni, pañca ñāṇasatāni.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ပဋိသမ္ဘိဒာမဂ္ဂ-အဋ္ဌကထာ • Paṭisambhidāmagga-aṭṭhakathā / ၄-၈. သတ္တဗောဓိသတ္တဝာရာဒိဝဏ္ဏနာ • 4-8. Sattabodhisattavārādivaṇṇanā
