| Library / Tipiṭaka / තිපිටක • Tipiṭaka / පටිසම්‌භිදාමග්‌ගපාළි • Paṭisambhidāmaggapāḷi |
5. අභිඤ්‌ඤාදිවාරො
5. Abhiññādivāro
34. ‘‘‘යාවතා අභිඤ්‌ඤාය අභිඤ්‌ඤට්‌ඨො ඤාතො දිට්‌ඨො විදිතො සච්‌ඡිකතො ඵස්‌සිතො පඤ්‌ඤාය. අඵස්‌සිතො පඤ්‌ඤාය අභිඤ්‌ඤට්‌ඨො නත්‌ථී’ති – චක්‌ඛුං උදපාදි, ඤාණං උදපාදි, පඤ්‌ඤා උදපාදි, විජ්‌ජා උදපාදි, ආලොකො උදපාදි’’. අභිඤ්‌ඤාය අභිඤ්‌ඤට්‌ඨෙ පඤ්‌චවීසති ධම්‌මා , පඤ්‌චවීසති අත්‌ථා, පඤ්‌ඤාස නිරුත්‌තියො, සතං ඤාණානි.
34. ‘‘‘Yāvatā abhiññāya abhiññaṭṭho ñāto diṭṭho vidito sacchikato phassito paññāya. Aphassito paññāya abhiññaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Abhiññāya abhiññaṭṭhe pañcavīsati dhammā , pañcavīsati atthā, paññāsa niruttiyo, sataṃ ñāṇāni.
‘‘‘යාවතා පරිඤ්‌ඤාය පරිඤ්‌ඤට්‌ඨො…පෙ.… යාවතා පහානස්‌ස පහානට්‌ඨො…පෙ.… යාවතා භාවනාය භාවනට්‌ඨො…පෙ.… යාවතා සච්‌ඡිකිරියාය සච්‌ඡිකිරියට්‌ඨො ඤාතො දිට්‌ඨො විදිතො සච්‌ඡිකතො ඵස්‌සිතො පඤ්‌ඤාය. අඵස්‌සිතො පඤ්‌ඤාය සච්‌ඡිකිරියට්‌ඨො නත්‌ථී’ති – චක්‌ඛුං උදපාදි, ඤාණං උදපාදි, පඤ්‌ඤා උදපාදි, විජ්‌ජා උදපාදි, ආලොකො උදපාදි’’. සච්‌ඡිකිරියාය සච්‌ඡිකිරියට්‌ඨෙ පඤ්‌චවීසති ධම්‌මා, පඤ්‌චවීසති අත්‌ථා, පඤ්‌ඤාස නිරුත්‌තියො, සතං ඤාණානි.
‘‘‘Yāvatā pariññāya pariññaṭṭho…pe… yāvatā pahānassa pahānaṭṭho…pe… yāvatā bhāvanāya bhāvanaṭṭho…pe… yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya. Aphassito paññāya sacchikiriyaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
අභිඤ්‌ඤාය අභිඤ්‌ඤට්‌ඨෙ, පරිඤ්‌ඤාය පරිඤ්‌ඤට්‌ඨෙ, පහානාය පහානට්‌ඨෙ, භාවනාය භාවනට්‌ඨෙ, සච්‌ඡිකිරියාය සච්‌ඡිකිරියට්‌ඨෙ පඤ්‌චවීසසතං ධම්‌මා, පඤ්‌චවීසසතං අත්‌ථා, අඩ්‌ඪතෙය්‍යානි නිරුත්‌තිසතානි, පඤ්‌ච ඤාණසතානි.
Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṃ dhammā, pañcavīsasataṃ atthā, aḍḍhateyyāni niruttisatāni, pañca ñāṇasatāni.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / පටිසම්‌භිදාමග්‌ග-අට්‌ඨකථා • Paṭisambhidāmagga-aṭṭhakathā / 4-8. සත්‌තබොධිසත්‌තවාරාදිවණ්‌ණනා • 4-8. Sattabodhisattavārādivaṇṇanā
