| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. அபி⁴ஞ்ஞாபரிஞ்ஞாபஹானஸுத்தங்
3. Abhiññāpariññāpahānasuttaṃ
25. ‘‘ஸப்³ப³ங் அபி⁴ஞ்ஞா பரிஞ்ஞா பஹானாய வோ, பி⁴க்க²வே, த⁴ம்மங் தே³ஸெஸ்ஸாமி. தங் ஸுணாத². கதமோ ச, பி⁴க்க²வே, ஸப்³ப³ங் அபி⁴ஞ்ஞா பரிஞ்ஞா பஹானாய த⁴ம்மோ? சக்கு²ங், பி⁴க்க²வே, அபி⁴ஞ்ஞா பரிஞ்ஞா பஹாதப்³ப³ங், ரூபா அபி⁴ஞ்ஞா பரிஞ்ஞா பஹாதப்³பா³ , சக்கு²விஞ்ஞாணங் அபி⁴ஞ்ஞா பரிஞ்ஞா பஹாதப்³ப³ங், சக்கு²ஸம்ப²ஸ்ஸோ அபி⁴ஞ்ஞா பரிஞ்ஞா பஹாதப்³போ³, யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அபி⁴ஞ்ஞா பரிஞ்ஞா பஹாதப்³ப³ங்…பே॰… ஜிவ்ஹா அபி⁴ஞ்ஞா பரிஞ்ஞா பஹாதப்³பா³, ரஸா அபி⁴ஞ்ஞா பரிஞ்ஞா பஹாதப்³பா³, ஜிவ்ஹாவிஞ்ஞாணங் அபி⁴ஞ்ஞா பரிஞ்ஞா பஹாதப்³ப³ங், ஜிவ்ஹாஸம்ப²ஸ்ஸோ அபி⁴ஞ்ஞா பரிஞ்ஞா பஹாதப்³போ³, யம்பித³ங் ஜிவ்ஹாஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அபி⁴ஞ்ஞா பரிஞ்ஞா பஹாதப்³ப³ங். காயோ அபி⁴ஞ்ஞா பரிஞ்ஞா பஹாதப்³போ³… மனோ அபி⁴ஞ்ஞா பரிஞ்ஞா பஹாதப்³போ³, த⁴ம்மா அபி⁴ஞ்ஞா பரிஞ்ஞா பஹாதப்³பா³, மனோவிஞ்ஞாணங் அபி⁴ஞ்ஞா பரிஞ்ஞா பஹாதப்³ப³ங், மனோஸம்ப²ஸ்ஸோ அபி⁴ஞ்ஞா பரிஞ்ஞா பஹாதப்³போ³, யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அபி⁴ஞ்ஞா பரிஞ்ஞா பஹாதப்³ப³ங். அயங் கோ², பி⁴க்க²வே, ஸப்³ப³ங் அபி⁴ஞ்ஞா பரிஞ்ஞா பஹானாய த⁴ம்மோ’’தி. ததியங்.
25. ‘‘Sabbaṃ abhiññā pariññā pahānāya vo, bhikkhave, dhammaṃ desessāmi. Taṃ suṇātha. Katamo ca, bhikkhave, sabbaṃ abhiññā pariññā pahānāya dhammo? Cakkhuṃ, bhikkhave, abhiññā pariññā pahātabbaṃ, rūpā abhiññā pariññā pahātabbā , cakkhuviññāṇaṃ abhiññā pariññā pahātabbaṃ, cakkhusamphasso abhiññā pariññā pahātabbo, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi abhiññā pariññā pahātabbaṃ…pe… jivhā abhiññā pariññā pahātabbā, rasā abhiññā pariññā pahātabbā, jivhāviññāṇaṃ abhiññā pariññā pahātabbaṃ, jivhāsamphasso abhiññā pariññā pahātabbo, yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi abhiññā pariññā pahātabbaṃ. Kāyo abhiññā pariññā pahātabbo… mano abhiññā pariññā pahātabbo, dhammā abhiññā pariññā pahātabbā, manoviññāṇaṃ abhiññā pariññā pahātabbaṃ, manosamphasso abhiññā pariññā pahātabbo, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi abhiññā pariññā pahātabbaṃ. Ayaṃ kho, bhikkhave, sabbaṃ abhiññā pariññā pahānāya dhammo’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. அபி⁴ஞ்ஞாபரிஞ்ஞாபஹானஸுத்தவண்ணனா • 3. Abhiññāpariññāpahānasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. அபி⁴ஞ்ஞாபரிஞ்ஞாபஹானஸுத்தவண்ணனா • 3. Abhiññāpariññāpahānasuttavaṇṇanā
