| Library / Tipiṭaka / තිපිටක • Tipiṭaka / සම්‌මොහවිනොදනී-අට්‌ඨකථා • Sammohavinodanī-aṭṭhakathā |
7. අභිඤ්‌ඤෙය්‍යාදිවාරවණ්‌ණනා
7. Abhiññeyyādivāravaṇṇanā
1030. සත්‌තමවාරෙ සලක්‌ඛණපරිග්‌ගාහිකාය අභිඤ්‌ඤාය වසෙන අභිඤ්‌ඤෙය්‍යතා වෙදිතබ්‌බා. ඤාතතීරණපහානපරිඤ්‌ඤානං වසෙන පරිඤ්‌ඤෙය්‍යතා. සා ච රූපක්‌ඛන්‌ධො අභිඤ්‌ඤෙය්‍යො පරිඤ්‌ඤෙය්‍යො න පහාතබ්‌බොතිආදීසු ඤාතතීරණපරිඤ්‌ඤාවසෙනෙව වෙදිතබ්‌බා. සමුදයසච්‌චං අභිඤ්‌ඤෙය්‍යං පරිඤ්‌ඤෙය්‍යං පහාතබ්‌බන්‌තිආදීසු පහානපරිඤ්‌ඤාවසෙන.
1030. Sattamavāre salakkhaṇapariggāhikāya abhiññāya vasena abhiññeyyatā veditabbā. Ñātatīraṇapahānapariññānaṃ vasena pariññeyyatā. Sā ca rūpakkhandho abhiññeyyo pariññeyyo na pahātabbotiādīsu ñātatīraṇapariññāvaseneva veditabbā. Samudayasaccaṃ abhiññeyyaṃ pariññeyyaṃ pahātabbantiādīsu pahānapariññāvasena.
අට්‌ඨමවාරෙ රූපාදිආරම්‌මණානං චක්‌ඛුවිඤ්‌ඤාණාදීනං වසෙන සාරම්‌මණානාරම්‌මණතා වෙදිතබ්‌බා. නවමවාරො උත්‌තානත්‌ථොයෙව. දසමවාරෙපි යං වත්‌තබ්‌බං සියා තං සබ්‌බං තත්‌ථ තත්‌ථ පඤ්‌හාපුච්‌ඡකවාරෙ වුත්‌තමෙවාති.
Aṭṭhamavāre rūpādiārammaṇānaṃ cakkhuviññāṇādīnaṃ vasena sārammaṇānārammaṇatā veditabbā. Navamavāro uttānatthoyeva. Dasamavārepi yaṃ vattabbaṃ siyā taṃ sabbaṃ tattha tattha pañhāpucchakavāre vuttamevāti.
සම්‌මොහවිනොදනියා විභඞ්‌ගට්‌ඨකථාය
Sammohavinodaniyā vibhaṅgaṭṭhakathāya
ධම්‌මහදයවිභඞ්‌ගවණ්‌ණනා නිට්‌ඨිතා.
Dhammahadayavibhaṅgavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / විභඞ්‌ගපාළි • Vibhaṅgapāḷi / 18. ධම්‌මහදයවිභඞ්‌ගො • 18. Dhammahadayavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-මූලටීකා • Vibhaṅga-mūlaṭīkā / 18. ධම්‌මහදයවිභඞ්‌ගො • 18. Dhammahadayavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-අනුටීකා • Vibhaṅga-anuṭīkā / 18. ධම්‌මහදයවිභඞ්‌ගො • 18. Dhammahadayavibhaṅgo
