| Library / Tipiṭaka / ཏིཔིཊཀ • Tipiṭaka / སམྨོཧཝིནོདནཱི-ཨཊྛཀཐཱ • Sammohavinodanī-aṭṭhakathā |
༧. ཨབྷིཉྙེཡྻཱདིཝཱརཝཎྞནཱ
7. Abhiññeyyādivāravaṇṇanā
༡༠༣༠. སཏྟམཝཱརེ སལཀྑཎཔརིགྒཱཧིཀཱཡ ཨབྷིཉྙཱཡ ཝསེན ཨབྷིཉྙེཡྻཏཱ ཝེདིཏབྦཱ། ཉཱཏཏཱིརཎཔཧཱནཔརིཉྙཱནཾ ཝསེན པརིཉྙེཡྻཏཱ། སཱ ཙ རཱུཔཀྑནྡྷོ ཨབྷིཉྙེཡྻོ པརིཉྙེཡྻོ ན པཧཱཏབྦོཏིཨཱདཱིསུ ཉཱཏཏཱིརཎཔརིཉྙཱཝསེནེཝ ཝེདིཏབྦཱ། སམུདཡསཙྩཾ ཨབྷིཉྙེཡྻཾ པརིཉྙེཡྻཾ པཧཱཏབྦནྟིཨཱདཱིསུ པཧཱནཔརིཉྙཱཝསེན།
1030. Sattamavāre salakkhaṇapariggāhikāya abhiññāya vasena abhiññeyyatā veditabbā. Ñātatīraṇapahānapariññānaṃ vasena pariññeyyatā. Sā ca rūpakkhandho abhiññeyyo pariññeyyo na pahātabbotiādīsu ñātatīraṇapariññāvaseneva veditabbā. Samudayasaccaṃ abhiññeyyaṃ pariññeyyaṃ pahātabbantiādīsu pahānapariññāvasena.
ཨཊྛམཝཱརེ རཱུཔཱདིཨཱརམྨཎཱནཾ ཙཀྑུཝིཉྙཱཎཱདཱིནཾ ཝསེན སཱརམྨཎཱནཱརམྨཎཏཱ ཝེདིཏབྦཱ། ནཝམཝཱརོ ཨུཏྟཱནཏྠོཡེཝ། དསམཝཱརེཔི ཡཾ ཝཏྟབྦཾ སིཡཱ ཏཾ སབྦཾ ཏཏྠ ཏཏྠ པཉྷཱཔུཙྪཀཝཱརེ ཝུཏྟམེཝཱཏི།
Aṭṭhamavāre rūpādiārammaṇānaṃ cakkhuviññāṇādīnaṃ vasena sārammaṇānārammaṇatā veditabbā. Navamavāro uttānatthoyeva. Dasamavārepi yaṃ vattabbaṃ siyā taṃ sabbaṃ tattha tattha pañhāpucchakavāre vuttamevāti.
སམྨོཧཝིནོདནིཡཱ ཝིབྷངྒཊྛཀཐཱཡ
Sammohavinodaniyā vibhaṅgaṭṭhakathāya
དྷམྨཧདཡཝིབྷངྒཝཎྞནཱ ནིཊྛིཏཱ།
Dhammahadayavibhaṅgavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཝིབྷངྒཔཱལི༹ • Vibhaṅgapāḷi / ༡༨. དྷམྨཧདཡཝིབྷངྒོ • 18. Dhammahadayavibhaṅgo
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / ཝིབྷངྒ-མཱུལཊཱིཀཱ • Vibhaṅga-mūlaṭīkā / ༡༨. དྷམྨཧདཡཝིབྷངྒོ • 18. Dhammahadayavibhaṅgo
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / ཝིབྷངྒ-ཨནུཊཱིཀཱ • Vibhaṅga-anuṭīkā / ༡༨. དྷམྨཧདཡཝིབྷངྒོ • 18. Dhammahadayavibhaṅgo
