Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā

    абхин̃н̃зяяанид̣̇д̣̇зсаван̣н̣анаа

    Abhiññeyyaniddesavaṇṇanā

    2. ид̣̇аани виссаж̇ж̇ануд̣̇д̣̇зсасан̇г̇ахид̇з д̇хаммз бабхзд̣̇ад̇о д̣̇ассзд̇ум̣ гат̇ам̣ имз д̇хаммаа абхин̃н̃зяяаад̇иаад̣̇и нид̣̇д̣̇зсавааро аарад̣̇д̇хо. д̇ад̇т̇а абхин̃н̃зяяанид̣̇д̣̇зсаад̣̇ийсу бан̃жасу аад̣̇ид̇о згагаад̣̇ивасзна д̣̇аса д̣̇аса виссаж̇ж̇анаани д̣̇асуд̇д̇арабарияааязна сам̣санд̣̇зд̇ваа уд̣̇д̣̇идтаани. д̇зсу абхин̃н̃зяяанид̣̇д̣̇зсз д̇аава саб̣б̣з сад̇д̇аад̇и гаамабхаваад̣̇ийсу сан̃н̃аабхаваад̣̇ийсу згавогаарабхаваад̣̇ийсу жа саб̣б̣абхавзсу саб̣б̣з сад̇д̇аа. аахаарадтид̇игаад̇и аахаарад̇о тид̇и зд̇зсанд̇и аахаарадтид̇игаа. тид̇ийд̇и жзд̇т̇а сагагкан̣з ад̇т̇ид̇аа ад̇хиббзд̇аа. ид̇и саб̣б̣асад̇д̇аанам̣ тид̇ихзд̇у аахааро наа зго д̇хаммо ад̇хигзна н̃аан̣зна ж̇аанид̇аб̣б̣о. бажжаяз хи абхин̃н̃аад̇з бажжаяуббаннааби абхин̃н̃аад̇аа хонд̇и убхиннамби ан̃н̃аман̃н̃аабзгкад̇д̇аа. зд̇зна н̃аад̇абарин̃н̃аа вуд̇д̇аа ход̇и. нану жа звам̣ санд̇з яам̣ вуд̇д̇ам̣ ‘‘асан̃н̃асад̇д̇аа д̣̇зваа ахзд̇угаа анаахаараа апассагаа’’д̇иаад̣̇и (вибха. 1017), д̇ам̣ вируж̇жхад̇ийд̇и. д̇ан̃жа на вируж̇жхад̇и. д̇зсан̃хи жхаанам̣ аахаарод̇и. звам̣ санд̇зби ‘‘жад̇д̇ааромз, бхигкавз, аахаараа бхууд̇аанам̣ ваа сад̇д̇аанам̣ тид̇ияаа, самбхавзсийнам̣ ваа ануг̇г̇ахааяа. гад̇амз жад̇д̇ааро? габ̣ал̣ийгааро аахааро ол̣аариго ваа сукумо ваа, пассо д̣̇уд̇ияо, маносан̃жзд̇анаа д̇ад̇ияаа, вин̃н̃аан̣ам̣ жад̇уд̇т̇а’’нд̇и (сам̣. ни. 2.11) ид̣̇ам̣ вируж̇жхад̇ийд̇и. ид̣̇амби на вируж̇жхад̇и. зд̇асмин̃хи суд̇д̇з ниббарияааязна аахааралагкан̣аава д̇хаммаа аахаараад̇и вуд̇д̇аа. ид̇ха бана барияааязна бажжаяо аахаарод̇и вуд̇д̇о. саб̣б̣асан̇кад̇ад̇хаммаанан̃хи бажжаяо лад̣̇д̇хум̣ ваддад̇и, со жа яам̣ яам̣ палам̣ ж̇анзд̇и, д̇ам̣ д̇ам̣ аахарад̇и наама. д̇асмаа аахаарод̇и вужжад̇и. д̇знзвааха –

    2. Idāni vissajjanuddesasaṅgahite dhamme pabhedato dassetuṃ kathaṃ ime dhammā abhiññeyyātiādi niddesavāro āraddho. Tattha abhiññeyyaniddesādīsu pañcasu ādito ekakādivasena dasa dasa vissajjanāni dasuttarapariyāyena saṃsandetvā uddiṭṭhāni. Tesu abhiññeyyaniddese tāva sabbe sattāti kāmabhavādīsu saññābhavādīsu ekavokārabhavādīsu ca sabbabhavesu sabbe sattā. Āhāraṭṭhitikāti āhārato ṭhiti etesanti āhāraṭṭhitikā. Ṭhitīti cettha sakakkhaṇe atthitā adhippetā. Iti sabbasattānaṃ ṭhitihetu āhāro nā eko dhammo adhikena ñāṇena jānitabbo. Paccaye hi abhiññāte paccayuppannāpi abhiññātā honti ubhinnampi aññamaññāpekkhattā. Etena ñātapariññā vuttā hoti. Nanu ca evaṃ sante yaṃ vuttaṃ ‘‘asaññasattā devā ahetukā anāhārā aphassakā’’tiādi (vibha. 1017), taṃ virujjhatīti. Tañca na virujjhati. Tesañhi jhānaṃ āhāroti. Evaṃ santepi ‘‘cattārome, bhikkhave, āhārā bhūtānaṃ vā sattānaṃ ṭhitiyā, sambhavesīnaṃ vā anuggahāya. Katame cattāro? Kabaḷīkāro āhāro oḷāriko vā sukhumo vā, phasso dutiyo, manosañcetanā tatiyā, viññāṇaṃ catuttha’’nti (saṃ. ni. 2.11) idaṃ virujjhatīti. Idampi na virujjhati. Etasmiñhi sutte nippariyāyena āhāralakkhaṇāva dhammā āhārāti vuttā. Idha pana pariyāyena paccayo āhāroti vutto. Sabbasaṅkhatadhammānañhi paccayo laddhuṃ vaṭṭati, so ca yaṃ yaṃ phalaṃ janeti, taṃ taṃ āharati nāma. Tasmā āhāroti vuccati. Tenevāha –

    ‘‘авиж̇ж̇амбаахам̣, бхигкавз, саахаарам̣ вад̣̇аами, но анаахаарам̣. го жа, бхигкавз, авиж̇ж̇ааяа аахааро? ‘бан̃жа нийваран̣аа’д̇исса важанийяам̣. бан̃жа нийваран̣збаахам̣, бхигкавз, саахаарз вад̣̇аами, но анаахаарз. го жа, бхигкавз, бан̃жаннам̣ нийваран̣аанам̣ аахааро. ‘аяонисо манасигааро’д̇исса важанийяа’’нд̇иаад̣̇и (а. ни. 10.61). аяам̣ ид̇ха ад̇хиббзд̇о.

    ‘‘Avijjampāhaṃ, bhikkhave, sāhāraṃ vadāmi, no anāhāraṃ. Ko ca, bhikkhave, avijjāya āhāro? ‘Pañca nīvaraṇā’tissa vacanīyaṃ. Pañca nīvaraṇepāhaṃ, bhikkhave, sāhāre vadāmi, no anāhāre. Ko ca, bhikkhave, pañcannaṃ nīvaraṇānaṃ āhāro. ‘Ayoniso manasikāro’tissa vacanīya’’ntiādi (a. ni. 10.61). Ayaṃ idha adhippeto.

    зд̇асмин̃хи бажжаяаахаарз г̇ахид̇з барияааяаахаароби ниббарияааяаахаароби саб̣б̣о г̇ахид̇ова ход̇и.

    Etasmiñhi paccayāhāre gahite pariyāyāhāropi nippariyāyāhāropi sabbo gahitova hoti.

    д̇ад̇т̇а асан̃н̃абхавз бажжаяаахааро лаб̣бхад̇и. ануббаннз хи б̣уд̣̇д̇хз д̇ид̇т̇ааяад̇анз баб̣б̣аж̇ид̇ваа вааяогасин̣з баригаммам̣ гад̇ваа жад̇уд̇т̇аж̇жхаанам̣ ниб̣б̣ад̇д̇зд̇ваа д̇ад̇о вудтааяа ‘‘д̇хий жид̇д̇ам̣, д̇хий жид̇д̇ам̣, жид̇д̇асса наама абхаавоязва саад̇ху. жид̇д̇ан̃хи ниссааяа вад̇хаб̣анд̇ханаад̣̇ибажжаяам̣ д̣̇угкам̣ уббаж̇ж̇ад̇и, жид̇д̇з асад̇и над̇т̇зд̇а’’нд̇и канд̇им̣ ружим̣ уббаад̣̇зд̇ваа абарихийнаж̇жхаанаа гаалам̣гад̇ваа асан̃н̃абхавз ниб̣б̣ад̇д̇анд̇и. яо яасса ирияаабат̇о мануссалогз бан̣ихид̇о ахоси, со д̇зна ирияаабат̇зна ниб̣б̣ад̇д̇ид̇ваа бан̃жа габбасад̇аани д̇идтад̇и. зд̇д̇агам̣ ад̣̇д̇хаанам̣ нибанно вияа нисинно вияа тид̇о вияа ход̇и. зваруубаанан̃жа сад̇д̇аанам̣ бажжаяаахааро лаб̣бхад̇и. д̇з хи яам̣ жхаанам̣ бхаавзд̇ваа ниб̣б̣ад̇д̇аа , д̇ад̣̇з нзсам̣ бажжаяо ход̇и. яат̇аа ж̇ияаавзг̇зна кид̇д̇асаро яаава ж̇ияаавзг̇о ад̇т̇и, д̇аава г̇ажчад̇и, звам̣ яаава жхаанабажжаяо ад̇т̇и, д̇аава д̇идтанд̇и. д̇асмим̣ нидтид̇з кийн̣авзг̇о саро вияа бад̇анд̇и.

    Tattha asaññabhave paccayāhāro labbhati. Anuppanne hi buddhe titthāyatane pabbajitvā vāyokasiṇe parikammaṃ katvā catutthajjhānaṃ nibbattetvā tato vuṭṭhāya ‘‘dhī cittaṃ, dhī cittaṃ, cittassa nāma abhāvoyeva sādhu. Cittañhi nissāya vadhabandhanādipaccayaṃ dukkhaṃ uppajjati, citte asati nattheta’’nti khantiṃ ruciṃ uppādetvā aparihīnajjhānā kālaṃkatvā asaññabhave nibbattanti. Yo yassa iriyāpatho manussaloke paṇihito ahosi, so tena iriyāpathena nibbattitvā pañca kappasatāni tiṭṭhati. Ettakaṃ addhānaṃ nipanno viya nisinno viya ṭhito viya hoti. Evarūpānañca sattānaṃ paccayāhāro labbhati. Te hi yaṃ jhānaṃ bhāvetvā nibbattā , tade nesaṃ paccayo hoti. Yathā jiyāvegena khittasaro yāva jiyāvego atthi, tāva gacchati, evaṃ yāva jhānapaccayo atthi, tāva tiṭṭhanti. Tasmiṃ niṭṭhite khīṇavego saro viya patanti.

    яз бана д̇з нзраяигаа ‘‘нзвудтаанапалуубаж̇ийвино на бун̃н̃апалуубаж̇ийвино’’д̇и вуд̇д̇аа, д̇зсам̣ го аахаарод̇и? д̇зсам̣ гаммамзва аахаарод̇и. гим̣ бан̃жа аахаараа ад̇т̇ийд̇и? ‘‘бан̃жа, на бан̃жаа’’д̇и ид̣̇ам̣ на вад̇д̇аб̣б̣ам̣. нану ‘‘бажжаяо аахааро’’д̇и вуд̇д̇о, д̇асмаа язна гаммзна д̇з нираяз ниб̣б̣ад̇д̇аа, д̇ад̣̇зва д̇зсам̣ тид̇ибажжаяад̇д̇аа аахааро. яам̣ санд̇хааяа ид̣̇ам̣ вуд̇д̇ам̣ ‘‘на д̇аава гаалам̣ гарод̇и, яаава на д̇ам̣ баабагаммам̣ б̣яанд̇ий ход̇ий’’д̇и (а. ни. 3.36; ма. ни. 3.250). д̇асмаа аахаарадтид̇игаад̇и бажжаяадтид̇игаад̇и ад̇т̇о. габ̣ал̣ийгаарам̣ аахаарам̣ аараб̣бхаад̇и жзд̇т̇а виваад̣̇о на гаад̇аб̣б̣о. мукз уббаннакзл̣оби хи д̇зсам̣ аахаарагижжам̣ саад̇хзд̇и. кзл̣о хи нираяз д̣̇угкавзд̣̇анийяо худ̇ваа бажжаяо ход̇и, саг̇г̇з сукавзд̣̇анийяо. ид̇и гаамабхавз ниббарияааязна жад̇д̇ааро аахаараа, руубааруубабхавзсу табзд̇ваа асан̃н̃абхавам̣ сзсаанам̣ д̇аяо , асан̃н̃аанан̃жзва авасзсаанан̃жа бажжаяаахаарод̇и иминаа аахаарзна саб̣б̣з сад̇д̇аа аахаарадтид̇игаа.

    Ye pana te nerayikā ‘‘nevuṭṭhānaphalūpajīvino na puññaphalūpajīvino’’ti vuttā, tesaṃ ko āhāroti? Tesaṃ kammameva āhāroti. Kiṃ pañca āhārā atthīti? ‘‘Pañca, na pañcā’’ti idaṃ na vattabbaṃ. Nanu ‘‘paccayo āhāro’’ti vutto, tasmā yena kammena te niraye nibbattā, tadeva tesaṃ ṭhitipaccayattā āhāro. Yaṃ sandhāya idaṃ vuttaṃ ‘‘na tāva kālaṃ karoti, yāva na taṃ pāpakammaṃ byantī hotī’’ti (a. ni. 3.36; ma. ni. 3.250). Tasmā āhāraṭṭhitikāti paccayaṭṭhitikāti attho. Kabaḷīkāraṃ āhāraṃ ārabbhāti cettha vivādo na kātabbo. Mukhe uppannakheḷopi hi tesaṃ āhārakiccaṃ sādheti. Kheḷo hi niraye dukkhavedanīyo hutvā paccayo hoti, sagge sukhavedanīyo. Iti kāmabhave nippariyāyena cattāro āhārā, rūpārūpabhavesu ṭhapetvā asaññabhavaṃ sesānaṃ tayo , asaññānañceva avasesānañca paccayāhāroti iminā āhārena sabbe sattā āhāraṭṭhitikā.

    саб̣б̣з сад̇д̇аад̇и жа буг̇г̇алаад̇хидтаанаа д̇хаммад̣̇зсанаа, саб̣б̣з сан̇каараад̇и ад̇хиббааяо. бхаг̇авад̇оби хи д̇хаммабуг̇г̇алаанам̣ васзна жад̇уб̣б̣ид̇хаа д̣̇зсанаа – д̇хаммаад̇хидтаанаа д̇хаммад̣̇зсанаа, д̇хаммаад̇хидтаанаа буг̇г̇алад̣̇зсанаа, буг̇г̇алаад̇хидтаанаа буг̇г̇алад̣̇зсанаа, буг̇г̇алаад̇хидтаанаа д̇хаммад̣̇зсанаад̇и. ‘‘наахам̣, бхигкавз, ан̃н̃ам̣ згад̇хаммамби саманубассаами, яам̣ звам̣ бхаавид̇ам̣ гамманияам̣ ход̇и, яат̇аяид̣̇ам̣ жид̇д̇ам̣. жид̇д̇ам̣, бхигкавз, бхаавид̇ам̣ гамманияам̣ ход̇ий’’д̇и (а. ни. 1.22) зваруубий д̇хаммаад̇хидтаанаа д̇хаммад̣̇зсанаа. ‘‘адтаанамзд̇ам̣, бхигкавз, анавагаасо яам̣ д̣̇идтисамбанно буг̇г̇ало ган̃жи сан̇каарам̣ нижжад̇о убаг̇ажчзяяа, нзд̇ам̣ таанам̣ виж̇ж̇ад̇ий’’д̇и (а. ни. 1.268) зваруубий д̇хаммаад̇хидтаанаа буг̇г̇алад̣̇зсанаа. ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и (а. ни. 1.170, 309), зваруубий буг̇г̇алаад̇хидтаанаа буг̇г̇алад̣̇зсанаа. ‘‘згабуг̇г̇аласса бхигкавз, баад̇убхааваа махад̇о жагкусса баад̇убхааво ход̇ий’’д̇и (а. ни. 1.175-186) зваруубий буг̇г̇алаад̇хидтаанаа д̇хаммад̣̇зсанаа. д̇аасу ид̇ха буг̇г̇алаад̇хидтаанаа д̇хаммад̣̇зсанаа . убари яаава д̣̇асагаа д̇хаммаанам̣язва г̇ахид̇ад̇д̇аа сад̇д̇аг̇г̇ахан̣зна д̇хаммаг̇г̇ахан̣ам̣ гад̇анд̇и взд̣̇ид̇аб̣б̣ам̣, висзсзна ваа сад̇д̇асанд̇аанабарияаабаннад̇хаммаанам̣язва ад̇хигзна н̃аан̣зна сабхаавад̇о убабаригкид̇аб̣б̣ад̇д̇аа сад̇д̇аг̇г̇ахан̣ам̣ гад̇анд̇и взд̣̇ид̇аб̣б̣ам̣, сан̇каарз убаад̣̇ааяа сад̇д̇од̇и бан̃н̃ад̇д̇имад̇д̇асамбхавад̇о ваа палобажаарзна сан̇каараа ‘‘сад̇д̇аа’’д̇и вуд̇д̇аад̇и взд̣̇ид̇аб̣б̣ам̣. на хи гожи сад̇д̇о бажжаяадтид̇иго ад̇т̇и ан̃н̃ад̇ра сан̇каарзхи, вохааравасзна бана звам̣ вужжад̇и. звамзд̇зна н̃аад̇абарин̃н̃аа вуд̇д̇аа ход̇и.

    Sabbe sattāti ca puggalādhiṭṭhānā dhammadesanā, sabbe saṅkhārāti adhippāyo. Bhagavatopi hi dhammapuggalānaṃ vasena catubbidhā desanā – dhammādhiṭṭhānā dhammadesanā, dhammādhiṭṭhānā puggaladesanā, puggalādhiṭṭhānā puggaladesanā, puggalādhiṭṭhānā dhammadesanāti. ‘‘Nāhaṃ, bhikkhave, aññaṃ ekadhammampi samanupassāmi, yaṃ evaṃ bhāvitaṃ kammaniyaṃ hoti, yathayidaṃ cittaṃ. Cittaṃ, bhikkhave, bhāvitaṃ kammaniyaṃ hotī’’ti (a. ni. 1.22) evarūpī dhammādhiṭṭhānā dhammadesanā. ‘‘Aṭṭhānametaṃ, bhikkhave, anavakāso yaṃ diṭṭhisampanno puggalo kañci saṅkhāraṃ niccato upagaccheyya, netaṃ ṭhānaṃ vijjatī’’ti (a. ni. 1.268) evarūpī dhammādhiṭṭhānā puggaladesanā. ‘‘Ekapuggalo, bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussāna’’nti (a. ni. 1.170, 309), evarūpī puggalādhiṭṭhānā puggaladesanā. ‘‘Ekapuggalassa bhikkhave, pātubhāvā mahato cakkhussa pātubhāvo hotī’’ti (a. ni. 1.175-186) evarūpī puggalādhiṭṭhānā dhammadesanā. Tāsu idha puggalādhiṭṭhānā dhammadesanā . Upari yāva dasakā dhammānaṃyeva gahitattā sattaggahaṇena dhammaggahaṇaṃ katanti veditabbaṃ, visesena vā sattasantānapariyāpannadhammānaṃyeva adhikena ñāṇena sabhāvato upaparikkhitabbattā sattaggahaṇaṃ katanti veditabbaṃ, saṅkhāre upādāya sattoti paññattimattasambhavato vā phalopacārena saṅkhārā ‘‘sattā’’ti vuttāti veditabbaṃ. Na hi koci satto paccayaṭṭhitiko atthi aññatra saṅkhārehi, vohāravasena pana evaṃ vuccati. Evametena ñātapariññā vuttā hoti.

    д̣̇вз д̇хаад̇уяод̇и сан̇кад̇аа жа д̇хаад̇у асан̇кад̇аа жа д̇хаад̇у. д̇ад̇т̇а анзгзхи бажжаязхи сан̇г̇амма гад̇аа бан̃жагканд̇хаа сан̇кад̇аа д̇хаад̇у, гзхижи бажжаязхи агад̇ам̣ ниб̣б̣аанам̣ асан̇кад̇аа д̇хаад̇у.

    Dve dhātuyoti saṅkhatā ca dhātu asaṅkhatā ca dhātu. Tattha anekehi paccayehi saṅgamma katā pañcakkhandhā saṅkhatā dhātu, kehici paccayehi akataṃ nibbānaṃ asaṅkhatā dhātu.

    д̇иссо д̇хаад̇уяод̇и гаамад̇хаад̇у руубад̇хаад̇у аруубад̇хаад̇у (вибха. 181-182). д̇ад̇т̇а гад̇амаа гаамад̇хаад̇у? хздтад̇о авийжинираяам̣ барияанд̇ам̣ гарид̇ваа убарид̇о бараниммид̇авасавад̇д̇ий д̣̇звз анд̇огарид̇ваа яам̣ зд̇асмим̣ анд̇арз зд̇т̇ааважараа зд̇т̇а барияаабаннаа канд̇хаа д̇хаад̇уу ааяад̇анаа руубаа взд̣̇анаа сан̃н̃аа сан̇каараа вин̃н̃аан̣ам̣. аяам̣ вужжад̇и гаамад̇хаад̇у (вибха. 182; д̇ха. са. 1287). д̇ад̇т̇а гад̇амаа руубад̇хаад̇у? хздтад̇о б̣рахмалогам̣ барияанд̇ам̣ гарид̇ваа убарид̇о аганидтз д̣̇звз анд̇огарид̇ваа яам̣ зд̇асмим̣ анд̇арз зд̇т̇ааважараа зд̇т̇а барияаабаннаа самаабаннасса ваа убабаннасса ваа д̣̇идтад̇хаммасукавихаарисса ваа жид̇д̇ажзд̇асигаа д̇хаммаа. аяам̣ вужжад̇и руубад̇хаад̇у. д̇ад̇т̇а гад̇амаа аруубад̇хаад̇у? хздтад̇о аагаасаанан̃жааяад̇ануубаг̇з д̣̇звз барияанд̇ам̣ гарид̇ваа убарид̇о нзвасан̃н̃аанаасан̃н̃ааяад̇ануубаг̇з д̣̇звз анд̇огарид̇ваа яам̣ зд̇асмим̣ анд̇арз зд̇т̇ааважараа зд̇т̇а барияаабаннаа самаабаннасса ваа убабаннасса ваа д̣̇идтад̇хаммасукавихаарисса ваа жид̇д̇ажзд̇асигаа д̇хаммаа. аяам̣ вужжад̇и аруубад̇хаад̇у. адтагат̇ааяам̣ бана ‘‘гаамад̇хаад̇ууд̇и гаамабхаво бан̃жагканд̇хаа лаб̣бханд̇и, руубад̇хаад̇ууд̇и руубабхаво бан̃жагканд̇хаа лаб̣бханд̇и. аруубад̇хаад̇ууд̇и аруубабхаво жад̇д̇ааро канд̇хаа лаб̣бханд̇ий’’д̇и вуд̇д̇ам̣. аяам̣ д̣̇асуд̇д̇арабарияааязна яож̇анаа.

    Tisso dhātuyoti kāmadhātu rūpadhātu arūpadhātu (vibha. 181-182). Tattha katamā kāmadhātu? Heṭṭhato avīcinirayaṃ pariyantaṃ karitvā uparito paranimmitavasavattī deve antokaritvā yaṃ etasmiṃ antare etthāvacarā ettha pariyāpannā khandhā dhātū āyatanā rūpā vedanā saññā saṅkhārā viññāṇaṃ. Ayaṃ vuccati kāmadhātu (vibha. 182; dha. sa. 1287). Tattha katamā rūpadhātu? Heṭṭhato brahmalokaṃ pariyantaṃ karitvā uparito akaniṭṭhe deve antokaritvā yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā. Ayaṃ vuccati rūpadhātu. Tattha katamā arūpadhātu? Heṭṭhato ākāsānañcāyatanūpage deve pariyantaṃ karitvā uparito nevasaññānāsaññāyatanūpage deve antokaritvā yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā. Ayaṃ vuccati arūpadhātu. Aṭṭhakathāyaṃ pana ‘‘kāmadhātūti kāmabhavo pañcakkhandhā labbhanti, rūpadhātūti rūpabhavo pañcakkhandhā labbhanti. Arūpadhātūti arūpabhavo cattāro khandhā labbhantī’’ti vuttaṃ. Ayaṃ dasuttarapariyāyena yojanā.

    сан̇г̇ийд̇ибарияааязна бана ‘‘д̇иссо гусалад̇хаад̇уяо – нзгкаммад̇хаад̇у аб̣яаабаад̣̇ад̇хаад̇у авихим̣саад̇хаад̇у. абарааби д̇иссо д̇хаад̇уяо – руубад̇хаад̇у аруубад̇хаад̇у нирод̇хад̇хаад̇у. абарааби д̇иссо д̇хаад̇уяо – хийнаа д̇хаад̇у маж̇жхимаа д̇хаад̇у бан̣ийд̇аа д̇хаад̇уу’’д̇и (д̣̇ий. ни. 1.3.305) вуд̇д̇аа д̇хаад̇уяоби зд̇т̇а яуж̇ж̇анд̇и (вибха. 181-182). нзгкаммабадисам̣яуд̇д̇о д̇агго вид̇агго…бз… саммаасан̇габбо. аяам̣ вужжад̇и нзгкаммад̇хаад̇у. саб̣б̣зби гусалаа д̇хаммаа нзгкаммад̇хаад̇у. аб̣яаабаад̣̇абадисам̣яуд̇д̇о д̇агго вид̇агго…бз… саммаасан̇габбо аб̣яаабаад̣̇ад̇хаад̇у. яаа сад̇д̇зсу мзд̇д̇и мзд̇д̇ааяанаа мзд̇д̇ааяид̇ад̇д̇ам̣ мзд̇д̇аажзд̇овимуд̇д̇и. аяам̣ вужжад̇и аб̣яаабаад̣̇ад̇хаад̇у. авихим̣саабадисам̣яуд̇д̇о д̇агго вид̇агго…бз… саммаасан̇габбо авихим̣саад̇хаад̇у. яаа сад̇д̇зсу гарун̣аа гарун̣ааяанаа гарун̣ааяид̇ад̇д̇ам̣ гарун̣аажзд̇овимуд̇д̇и. аяам̣ вужжад̇и авихим̣саад̇хаад̇у (вибха. 182). руубааруубад̇хаад̇уяо вуд̇д̇ааязва. нирод̇хад̇хаад̇у ниб̣б̣аанам̣. хийнаа д̇хаад̇у д̣̇ваад̣̇асаагусалажид̇д̇уббаад̣̇аа, маж̇жхимаа д̇хаад̇у авасзсаа д̇збхуумагад̇хаммаа. бан̣ийд̇аа д̇хаад̇у нава логуд̇д̇арад̇хаммаа. саб̣б̣ааби жа ниж̇ж̇ийвадтзна д̇хаад̇у.

    Saṅgītipariyāyena pana ‘‘tisso kusaladhātuyo – nekkhammadhātu abyāpādadhātu avihiṃsādhātu. Aparāpi tisso dhātuyo – rūpadhātu arūpadhātu nirodhadhātu. Aparāpi tisso dhātuyo – hīnā dhātu majjhimā dhātu paṇītā dhātū’’ti (dī. ni. 1.3.305) vuttā dhātuyopi ettha yujjanti (vibha. 181-182). Nekkhammapaṭisaṃyutto takko vitakko…pe… sammāsaṅkappo. Ayaṃ vuccati nekkhammadhātu. Sabbepi kusalā dhammā nekkhammadhātu. Abyāpādapaṭisaṃyutto takko vitakko…pe… sammāsaṅkappo abyāpādadhātu. Yā sattesu metti mettāyanā mettāyitattaṃ mettācetovimutti. Ayaṃ vuccati abyāpādadhātu. Avihiṃsāpaṭisaṃyutto takko vitakko…pe… sammāsaṅkappo avihiṃsādhātu. Yā sattesu karuṇā karuṇāyanā karuṇāyitattaṃ karuṇācetovimutti. Ayaṃ vuccati avihiṃsādhātu (vibha. 182). Rūpārūpadhātuyo vuttāyeva. Nirodhadhātu nibbānaṃ. Hīnā dhātu dvādasākusalacittuppādā, majjhimā dhātu avasesā tebhūmakadhammā. Paṇītā dhātu nava lokuttaradhammā. Sabbāpi ca nijjīvaṭṭhena dhātu.

    жад̇д̇аари арияасажжаанийд̇и д̣̇угкам̣ арияасажжам̣, д̣̇угкасамуд̣̇аяам̣ арияасажжам̣, д̣̇угканирод̇хам̣ арияасажжам̣, д̣̇угканирод̇хаг̇ааминий бадибад̣̇аа арияасажжам̣. имзсам̣ ван̣н̣анаа сажжависсаж̇ж̇анзсуязва бхависсад̇и.

    Cattāri ariyasaccānīti dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ, dukkhanirodhagāminī paṭipadā ariyasaccaṃ. Imesaṃ vaṇṇanā saccavissajjanesuyeva bhavissati.

    бан̃жа вимуд̇д̇ааяад̇анаанийд̇и ад̇д̇ано хид̇ад̇т̇ааяа барзхи бавад̇д̇ид̇ад̇хаммад̣̇зсанаасаванам̣, барзсам̣ хид̇ад̇т̇ааяа ад̇д̇ано яат̇аасуд̇ад̇хаммад̣̇зсанаа, яат̇аасуд̇асса д̇хаммасса саж̇жхааяагаран̣ам̣, яат̇аасуд̇асса д̇хаммасса жзд̇асаа анувид̇агганам̣, гасин̣аасубхаад̣̇ийсу анугуулам̣ аарамман̣анд̇и, имаани бан̃жа вимужжанагааран̣аани. яат̇ааха –

    Pañca vimuttāyatanānīti attano hitatthāya parehi pavattitadhammadesanāsavanaṃ, paresaṃ hitatthāya attano yathāsutadhammadesanā, yathāsutassa dhammassa sajjhāyakaraṇaṃ, yathāsutassa dhammassa cetasā anuvitakkanaṃ, kasiṇāsubhādīsu anukūlaṃ ārammaṇanti, imāni pañca vimuccanakāraṇāni. Yathāha –

    ‘‘ид̇ха, бхигкавз, бхигкуно сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, яат̇аа яат̇аа ко, бхигкавз, бхигкуно сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа, д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и, ид̣̇ам̣ батамам̣ вимуд̇д̇ааяад̇анам̣.

    ‘‘Idha, bhikkhave, bhikkhuno satthā dhammaṃ deseti aññataro vā garuṭṭhāniyo sabrahmacārī, yathā yathā kho, bhikkhave, bhikkhuno satthā dhammaṃ deseti aññataro vā garuṭṭhāniyo sabrahmacārī, tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca, tassa atthapaṭisaṃvedino dhammapaṭisaṃvedino pāmojjaṃ jāyati, pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati, idaṃ paṭhamaṃ vimuttāyatanaṃ.

    ‘‘буна жабарам̣, бхигкавз, бхигкуно на хзва ко сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и. яат̇аа яат̇аа ко, бхигкавз, бхигкуно…бз… сукино жид̇д̇ам̣ самаад̇хияад̇и. ид̣̇ам̣ д̣̇уд̇ияам̣ вимуд̇д̇ааяад̇анам̣.

    ‘‘Puna caparaṃ, bhikkhave, bhikkhuno na heva kho satthā dhammaṃ deseti aññataro vā garuṭṭhāniyo sabrahmacārī, api ca kho yathāsutaṃ yathāpariyattaṃ dhammaṃ vitthārena paresaṃ deseti. Yathā yathā kho, bhikkhave, bhikkhuno…pe… sukhino cittaṃ samādhiyati. Idaṃ dutiyaṃ vimuttāyatanaṃ.

    ‘‘буна жабарам̣, бхигкавз, бхигкуно нахзва ко сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и. яат̇аа яат̇аа ко, бхигкавз, бхигкуно…бз… сукино жид̇д̇ам̣ самаад̇хияад̇и. ид̣̇ам̣ д̇ад̇ияам̣ вимуд̇д̇ааяад̇анам̣.

    ‘‘Puna caparaṃ, bhikkhave, bhikkhuno naheva kho satthā dhammaṃ deseti aññataro vā garuṭṭhāniyo sabrahmacārī, nāpi yathāsutaṃ yathāpariyattaṃ dhammaṃ vitthārena paresaṃ deseti, api ca kho yathāsutaṃ yathāpariyattaṃ dhammaṃ vitthārena sajjhāyaṃ karoti. Yathā yathā kho, bhikkhave, bhikkhuno…pe… sukhino cittaṃ samādhiyati. Idaṃ tatiyaṃ vimuttāyatanaṃ.

    ‘‘буна жабарам̣, бхигкавз, бхигкуно нахзва ко сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и, аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и. яат̇аа яат̇аа ко, бхигкавз, бхигкуно…бз… сукино жид̇д̇ам̣ самаад̇хияад̇и. ид̣̇ам̣ жад̇уд̇т̇ам̣ вимуд̇д̇ааяад̇анам̣.

    ‘‘Puna caparaṃ, bhikkhave, bhikkhuno naheva kho satthā dhammaṃ deseti aññataro vā garuṭṭhāniyo sabrahmacārī, nāpi yathāsutaṃ yathāpariyattaṃ dhammaṃ vitthārena paresaṃ deseti, nāpi yathāsutaṃ yathāpariyattaṃ dhammaṃ vitthārena sajjhāyaṃ karoti, api ca kho yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati. Yathā yathā kho, bhikkhave, bhikkhuno…pe… sukhino cittaṃ samādhiyati. Idaṃ catutthaṃ vimuttāyatanaṃ.

    ‘‘буна жабарам̣, бхигкавз, бхигкуно нахзва ко сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и, нааби яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и, аби жа квасса ан̃н̃ад̇арам̣ самаад̇хинимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа, яат̇аа яат̇аа ко, бхигкавз, бхигкуно ан̃н̃ад̇арам̣ самаад̇хинимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и , бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и. ид̣̇ам̣ бан̃жамам̣ вимуд̇д̇ааяад̇ана’’нд̇и (а. ни. 5.26; д̣̇ий. ни. 3.322).

    ‘‘Puna caparaṃ, bhikkhave, bhikkhuno naheva kho satthā dhammaṃ deseti aññataro vā garuṭṭhāniyo sabrahmacārī, nāpi yathāsutaṃ yathāpariyattaṃ dhammaṃ vitthārena paresaṃ deseti, nāpi yathāsutaṃ yathāpariyattaṃ dhammaṃ vitthārena sajjhāyaṃ karoti, nāpi yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati, api ca khvassa aññataraṃ samādhinimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya, yathā yathā kho, bhikkhave, bhikkhuno aññataraṃ samādhinimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ jāyati , pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati. Idaṃ pañcamaṃ vimuttāyatana’’nti (a. ni. 5.26; dī. ni. 3.322).

    ча ануд̇д̇арияаанийд̇и зд̇т̇а над̇т̇и зд̇зсам̣ уд̇д̇аранд̇и ануд̇д̇араани, ануд̇д̇араани зва ануд̇д̇арияаани, ж̇здтагаанийд̇и ад̇т̇о. вуд̇д̇ан̃хзд̇ам̣ бхаг̇авад̇аа –

    Cha anuttariyānīti ettha natthi etesaṃ uttaranti anuttarāni, anuttarāni eva anuttariyāni, jeṭṭhakānīti attho. Vuttañhetaṃ bhagavatā –

    ‘‘чаяимаани (а. ни. 6.8, 30), бхигкавз, ануд̇д̇арияаани. гад̇амаани ча? д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣, баарижарияаануд̇д̇арияам̣, ануссад̇аануд̇д̇арияанд̇и.

    ‘‘Chayimāni (a. ni. 6.8, 30), bhikkhave, anuttariyāni. Katamāni cha? Dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ, anussatānuttariyanti.

    ‘‘гад̇аман̃жа, бхигкавз, д̣̇ассанаануд̇д̇арияам̣? ид̇ха, бхигкавз, згажжо хад̇т̇ирад̇анамби д̣̇ассанааяа г̇ажчад̇и, ассарад̇анамби д̣̇ассанааяа г̇ажчад̇и, ман̣ирад̇анамби д̣̇ассанааяа г̇ажчад̇и, ужжааважам̣ ваа бана д̣̇ассанааяа г̇ажчад̇и, саман̣ам̣ ваа б̣раахман̣ам̣ ваа мижчаад̣̇идтигам̣ мижчаабадибаннам̣ д̣̇ассанааяа г̇ажчад̇и. ад̇т̇зд̇ам̣, бхигкавз, д̣̇ассанам̣, нзд̇ам̣ над̇т̇ийд̇и вад̣̇аами. д̇ан̃жа ко зд̇ам̣, бхигкавз, д̣̇ассанам̣ хийнам̣ г̇аммам̣ бот̇уж̇ж̇анигам̣ анарияам̣ анад̇т̇асам̣хид̇ам̣ на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа д̣̇ассанааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно. зд̇ад̣̇аануд̇д̇арияам̣, бхигкавз, д̣̇ассанаанам̣ сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа д̣̇ассанааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, д̣̇ассанаануд̇д̇арияам̣. ид̇и д̣̇ассанаануд̇д̇арияам̣.

    ‘‘Katamañca, bhikkhave, dassanānuttariyaṃ? Idha, bhikkhave, ekacco hatthiratanampi dassanāya gacchati, assaratanampi dassanāya gacchati, maṇiratanampi dassanāya gacchati, uccāvacaṃ vā pana dassanāya gacchati, samaṇaṃ vā brāhmaṇaṃ vā micchādiṭṭhikaṃ micchāpaṭipannaṃ dassanāya gacchati. Atthetaṃ, bhikkhave, dassanaṃ, netaṃ natthīti vadāmi. Tañca kho etaṃ, bhikkhave, dassanaṃ hīnaṃ gammaṃ pothujjanikaṃ anariyaṃ anatthasaṃhitaṃ na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Yo ca kho, bhikkhave, tathāgataṃ vā tathāgatasāvakaṃ vā dassanāya gacchati niviṭṭhasaddho niviṭṭhapemo ekantagato abhippasanno. Etadānuttariyaṃ, bhikkhave, dassanānaṃ sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya, yadidaṃ tathāgataṃ vā tathāgatasāvakaṃ vā dassanāya gacchati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, dassanānuttariyaṃ. Iti dassanānuttariyaṃ.

    ‘‘саванаануд̇д̇арияан̃жа гат̇ам̣ ход̇и? ид̇ха, бхигкавз, згажжо бхзрисад̣̇д̣̇амби саванааяа г̇ажчад̇и, вийн̣аасад̣̇д̣̇амби саванааяа г̇ажчад̇и, г̇ийд̇асад̣̇д̣̇амби саванааяа г̇ажчад̇и, ужжааважам̣ ваа бана саванааяа г̇ажчад̇и, саман̣асса ваа б̣раахман̣асса ваа мижчаад̣̇идтигасса мижчаабадибаннасса д̇хаммассаванааяа г̇ажчад̇и. ад̇т̇зд̇ам̣, бхигкавз, саванам̣, нзд̇ам̣ над̇т̇ийд̇и вад̣̇аами . д̇ан̃жа ко зд̇ам̣, бхигкавз, саванам̣ хийнам̣…бз… на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇асса ваа д̇ат̇ааг̇ад̇асаавагасса ваа д̇хаммассаванааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно. зд̇ад̣̇аануд̇д̇арияам̣, бхигкавз, саванаанам̣ сад̇д̇аанам̣ висуд̣̇д̇хияаа…бз… ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇асса ваа д̇ат̇ааг̇ад̇асаавагасса ваа д̇хаммассаванааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, саванаануд̇д̇арияам̣. ид̇и д̣̇ассанаануд̇д̇арияам̣, саванаануд̇д̇арияам̣.

    ‘‘Savanānuttariyañca kathaṃ hoti? Idha, bhikkhave, ekacco bherisaddampi savanāya gacchati, vīṇāsaddampi savanāya gacchati, gītasaddampi savanāya gacchati, uccāvacaṃ vā pana savanāya gacchati, samaṇassa vā brāhmaṇassa vā micchādiṭṭhikassa micchāpaṭipannassa dhammassavanāya gacchati. Atthetaṃ, bhikkhave, savanaṃ, netaṃ natthīti vadāmi . Tañca kho etaṃ, bhikkhave, savanaṃ hīnaṃ…pe… na nibbānāya saṃvattati. Yo ca kho, bhikkhave, tathāgatassa vā tathāgatasāvakassa vā dhammassavanāya gacchati niviṭṭhasaddho niviṭṭhapemo ekantagato abhippasanno. Etadānuttariyaṃ, bhikkhave, savanānaṃ sattānaṃ visuddhiyā…pe… nibbānassa sacchikiriyāya, yadidaṃ tathāgatassa vā tathāgatasāvakassa vā dhammassavanāya gacchati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, savanānuttariyaṃ. Iti dassanānuttariyaṃ, savanānuttariyaṃ.

    ‘‘лаабхаануд̇д̇арияан̃жа гат̇ам̣ ход̇и? ид̇ха, бхигкавз, згажжо буд̇д̇алаабхамби лабхад̇и, д̣̇ааралаабхамби лабхад̇и, д̇ханалаабхамби лабхад̇и, ужжааважам̣ ваа бана лаабхамби лабхад̇и. саман̣з ваа б̣раахман̣з ваа мижчаад̣̇идтигз мижчаабадибаннз сад̣̇д̇хам̣ бадилабхад̇и. ад̇т̇зсо, бхигкавз, лаабхо, нзсо над̇т̇ийд̇и вад̣̇аами. со жа ко зсо, бхигкавз, лаабхо хийно…бз… на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇з ваа д̇ат̇ааг̇ад̇асаавагз ваа сад̣̇д̇хам̣ бадилабхад̇и нивидтасад̣̇д̇хо нивидтабзмо зганд̇аг̇ад̇о абхиббасанно. зд̇ад̣̇аануд̇д̇арияам̣, бхигкавз, лаабхаанам̣ сад̇д̇аанам̣ висуд̣̇д̇хияаа…бз… ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇з ваа д̇ат̇ааг̇ад̇асаавагз ваа сад̣̇д̇хам̣ бадилабхад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, лаабхаануд̇д̇арияам̣ . ид̇и д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣.

    ‘‘Lābhānuttariyañca kathaṃ hoti? Idha, bhikkhave, ekacco puttalābhampi labhati, dāralābhampi labhati, dhanalābhampi labhati, uccāvacaṃ vā pana lābhampi labhati. Samaṇe vā brāhmaṇe vā micchādiṭṭhike micchāpaṭipanne saddhaṃ paṭilabhati. Attheso, bhikkhave, lābho, neso natthīti vadāmi. So ca kho eso, bhikkhave, lābho hīno…pe… na nibbānāya saṃvattati. Yo ca kho, bhikkhave, tathāgate vā tathāgatasāvake vā saddhaṃ paṭilabhati niviṭṭhasaddho niviṭṭhapemo ekantagato abhippasanno. Etadānuttariyaṃ, bhikkhave, lābhānaṃ sattānaṃ visuddhiyā…pe… nibbānassa sacchikiriyāya, yadidaṃ tathāgate vā tathāgatasāvake vā saddhaṃ paṭilabhati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, lābhānuttariyaṃ . Iti dassanānuttariyaṃ, savanānuttariyaṃ, lābhānuttariyaṃ.

    ‘‘сигкаануд̇д̇арияан̃жа гат̇ам̣ ход̇и? ид̇ха, бхигкавз, згажжо хад̇т̇исмимби сигкад̇и, ассасмимби сигкад̇и, рат̇асмимби сигкад̇и, д̇ханусмимби сигкад̇и, т̇арусмимби сигкад̇и, ужжааважам̣ ваа бана сигкад̇и, саман̣асса ваа б̣раахман̣асса ваа мижчаад̣̇идтигасса мижчаабадибаннасса сигкад̇и. ад̇т̇зсаа, бхигкавз, сигкаа, нзсаа над̇т̇ийд̇и вад̣̇аами. саа жа ко зсаа, бхигкавз, сигкаа хийнаа…бз… на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇аббавзд̣̇ид̇з д̇хаммавинаяз ад̇хисийламби сигкад̇и, ад̇хижид̇д̇амби сигкад̇и, ад̇хибан̃н̃амби сигкад̇и нивидтасад̣̇д̇хо нивидтабзмо зганд̇аг̇ад̇о абхиббасанно. зд̇ад̣̇аануд̇д̇арияам̣, бхигкавз , сигкаанам̣ сад̇д̇аанам̣ висуд̣̇д̇хияаа…бз… ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇аббавзд̣̇ид̇з д̇хаммавинаяз ад̇хисийламби сигкад̇и, ад̇хижид̇д̇амби сигкад̇и, ад̇хибан̃н̃амби сигкад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, сигкаануд̇д̇арияам̣. ид̇и д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣.

    ‘‘Sikkhānuttariyañca kathaṃ hoti? Idha, bhikkhave, ekacco hatthismimpi sikkhati, assasmimpi sikkhati, rathasmimpi sikkhati, dhanusmimpi sikkhati, tharusmimpi sikkhati, uccāvacaṃ vā pana sikkhati, samaṇassa vā brāhmaṇassa vā micchādiṭṭhikassa micchāpaṭipannassa sikkhati. Atthesā, bhikkhave, sikkhā, nesā natthīti vadāmi. Sā ca kho esā, bhikkhave, sikkhā hīnā…pe… na nibbānāya saṃvattati. Yo ca kho, bhikkhave, tathāgatappavedite dhammavinaye adhisīlampi sikkhati, adhicittampi sikkhati, adhipaññampi sikkhati niviṭṭhasaddho niviṭṭhapemo ekantagato abhippasanno. Etadānuttariyaṃ, bhikkhave , sikkhānaṃ sattānaṃ visuddhiyā…pe… nibbānassa sacchikiriyāya, yadidaṃ tathāgatappavedite dhammavinaye adhisīlampi sikkhati, adhicittampi sikkhati, adhipaññampi sikkhati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, sikkhānuttariyaṃ. Iti dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ.

    ‘‘баарижарияаануд̇д̇арияан̃жа гат̇ам̣ ход̇и? ид̇ха, бхигкавз, згажжо кад̇д̇ияамби барижарад̇и, б̣раахман̣амби барижарад̇и, г̇ахабад̇имби барижарад̇и, ужжааважам̣ ваа бана барижарад̇и, саман̣ам̣ ваа б̣раахман̣ам̣ ваа мижчаад̣̇идтигам̣ мижчаабадибаннам̣ барижарад̇и. ад̇т̇зсаа, бхигкавз, баарижарияаа, нзсаа над̇т̇ийд̇и вад̣̇аами. саа жа ко зсаа, бхигкавз, баарижарияаа хийнаа…бз… на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа барижарад̇и нивидтасад̣̇д̇хо нивидтабзмо зганд̇аг̇ад̇о абхиббасанно. зд̇ад̣̇аануд̇д̇арияам̣, бхигкавз, баарижарияаанам̣ сад̇д̇аанам̣ висуд̣̇д̇хияаа…бз… ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа барижарад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, баарижарияаануд̇д̇арияам̣. ид̇и д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣, баарижарияаануд̇д̇арияам̣.

    ‘‘Pāricariyānuttariyañca kathaṃ hoti? Idha, bhikkhave, ekacco khattiyampi paricarati, brāhmaṇampi paricarati, gahapatimpi paricarati, uccāvacaṃ vā pana paricarati, samaṇaṃ vā brāhmaṇaṃ vā micchādiṭṭhikaṃ micchāpaṭipannaṃ paricarati. Atthesā, bhikkhave, pāricariyā, nesā natthīti vadāmi. Sā ca kho esā, bhikkhave, pāricariyā hīnā…pe… na nibbānāya saṃvattati. Yo ca kho, bhikkhave, tathāgataṃ vā tathāgatasāvakaṃ vā paricarati niviṭṭhasaddho niviṭṭhapemo ekantagato abhippasanno. Etadānuttariyaṃ, bhikkhave, pāricariyānaṃ sattānaṃ visuddhiyā…pe… nibbānassa sacchikiriyāya, yadidaṃ tathāgataṃ vā tathāgatasāvakaṃ vā paricarati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, pāricariyānuttariyaṃ. Iti dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ.

    ‘‘ануссад̇аануд̇д̇арияан̃жа гат̇ам̣ ход̇и? ид̇ха, бхигкавз, згажжо буд̇д̇алаабхамби ануссарад̇и, д̣̇ааралаабхамби ануссарад̇и, д̇ханалаабхамби ануссарад̇и, ужжааважам̣ ваа бана ануссарад̇и, саман̣ам̣ ваа б̣раахман̣ам̣ ваа мижчаад̣̇идтигам̣ мижчаабадибаннам̣ ануссарад̇и. ад̇т̇зсаа, бхигкавз, ануссад̇и, нзсаа над̇т̇ийд̇и вад̣̇аами. саа жа ко зсаа, бхигкавз, ануссад̇и хийнаа…бз… на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа ануссарад̇и нивидтасад̣̇д̇хо нивидтабзмо зганд̇аг̇ад̇о абхиббасанно. зд̇ад̣̇аануд̇д̇арияам̣, бхигкавз, ануссад̇ийнам̣ сад̇д̇аанам̣ висуд̣̇д̇хияаа…бз… ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа ануссарад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, ануссад̇аануд̇д̇арияам̣. имаани ко, бхигкавз, ча ануд̇д̇арияааний’’д̇и (а. ни. 6.30).

    ‘‘Anussatānuttariyañca kathaṃ hoti? Idha, bhikkhave, ekacco puttalābhampi anussarati, dāralābhampi anussarati, dhanalābhampi anussarati, uccāvacaṃ vā pana anussarati, samaṇaṃ vā brāhmaṇaṃ vā micchādiṭṭhikaṃ micchāpaṭipannaṃ anussarati. Atthesā, bhikkhave, anussati, nesā natthīti vadāmi. Sā ca kho esā, bhikkhave, anussati hīnā…pe… na nibbānāya saṃvattati. Yo ca kho, bhikkhave, tathāgataṃ vā tathāgatasāvakaṃ vā anussarati niviṭṭhasaddho niviṭṭhapemo ekantagato abhippasanno. Etadānuttariyaṃ, bhikkhave, anussatīnaṃ sattānaṃ visuddhiyā…pe… nibbānassa sacchikiriyāya, yadidaṃ tathāgataṃ vā tathāgatasāvakaṃ vā anussarati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, anussatānuttariyaṃ. Imāni kho, bhikkhave, cha anuttariyānī’’ti (a. ni. 6.30).

    сад̇д̇а нид̣̇д̣̇асавад̇т̇уунийд̇и зд̇т̇а над̇т̇и зд̇асса д̣̇асаад̇и нид̣̇д̣̇асо. нид̣̇д̣̇асасса нид̣̇д̣̇асабхаавасса вад̇т̇ууни гааран̣аани нид̣̇д̣̇асавад̇т̇ууни. кийн̣аасаво хи д̣̇асавассагаалз бариниб̣б̣уд̇о буна бадисанд̇хияаа абхааваа буна д̣̇асавассо на ход̇ийд̇и нид̣̇д̣̇асод̇и вужжад̇и. на гзвалан̃жа д̣̇асавассова на ход̇и, нававассоби…бз… згамухуд̇д̇игоби на ход̇иязва. на гзвалан̃жа д̣̇асавассагаалз бариниб̣б̣уд̇о, сад̇д̇авассигагаалз бариниб̣б̣уд̇оби ниссад̇д̇о нид̣̇д̣̇асо нимухуд̇д̇о ход̇иязва. д̇ид̇т̇ияасамаяз уббаннавохаарам̣ бана саасанз кийн̣аасавасса ааробзд̇ваа д̇ад̇т̇а д̇аад̣̇исасса абхаавам̣, ид̇ха жа саб̣бхаавам̣ д̣̇ассзнд̇о бхаг̇аваа д̇аад̣̇исасабхаавасса гааран̣аани ‘‘сад̇д̇а нид̣̇д̣̇асавад̇т̇ууний’’д̇и ааха. яат̇ааха –

    Satta niddasavatthūnīti ettha natthi etassa dasāti niddaso. Niddasassa niddasabhāvassa vatthūni kāraṇāni niddasavatthūni. Khīṇāsavo hi dasavassakāle parinibbuto puna paṭisandhiyā abhāvā puna dasavasso na hotīti niddasoti vuccati. Na kevalañca dasavassova na hoti, navavassopi…pe… ekamuhuttikopi na hotiyeva. Na kevalañca dasavassakāle parinibbuto, sattavassikakāle parinibbutopi nissatto niddaso nimuhutto hotiyeva. Titthiyasamaye uppannavohāraṃ pana sāsane khīṇāsavassa āropetvā tattha tādisassa abhāvaṃ, idha ca sabbhāvaṃ dassento bhagavā tādisasabhāvassa kāraṇāni ‘‘satta niddasavatthūnī’’ti āha. Yathāha –

    ‘‘сад̇д̇имаани, бхигкавз, нид̣̇д̣̇асавад̇т̇ууни. гад̇амаани сад̇д̇а? ид̇ха, бхигкавз, бхигку сигкаасамаад̣̇аанз д̇иб̣б̣ажчанд̣̇о ход̇и, ааяад̇ин̃жа сигкаасамаад̣̇аанз авиг̇ад̇абзмо. д̇хамманисанд̇ияаа д̇иб̣б̣ажчанд̣̇о ход̇и, ааяад̇ин̃жа д̇хамманисанд̇ияаа авиг̇ад̇абзмо. ижчаавинаяз д̇иб̣б̣ажчанд̣̇о ход̇и, ааяад̇ин̃жа ижчаавинаяз авиг̇ад̇абзмо. бадисаллаанз д̇иб̣б̣ажчанд̣̇о ход̇и, ааяад̇ин̃жа бадисаллаанз авиг̇ад̇абзмо. вийрияаарамбхз д̇иб̣б̣ажчанд̣̇о ход̇и, ааяад̇ин̃жа вийрияаарамбхз авиг̇ад̇абзмо . сад̇инзбаггз д̇иб̣б̣ажчанд̣̇о ход̇и, ааяад̇ин̃жа сад̇инзбаггз авиг̇ад̇абзмо. д̣̇идтибадивзд̇хз д̇иб̣б̣ажчанд̣̇о ход̇и, ааяад̇ин̃жа д̣̇идтибадивзд̇хз авиг̇ад̇абзмо. имаани ко, бхигкавз, сад̇д̇а нид̣̇д̣̇асавад̇т̇ууний’’д̇и (а. ни. 7.20).

    ‘‘Sattimāni, bhikkhave, niddasavatthūni. Katamāni satta? Idha, bhikkhave, bhikkhu sikkhāsamādāne tibbacchando hoti, āyatiñca sikkhāsamādāne avigatapemo. Dhammanisantiyā tibbacchando hoti, āyatiñca dhammanisantiyā avigatapemo. Icchāvinaye tibbacchando hoti, āyatiñca icchāvinaye avigatapemo. Paṭisallāne tibbacchando hoti, āyatiñca paṭisallāne avigatapemo. Vīriyārambhe tibbacchando hoti, āyatiñca vīriyārambhe avigatapemo . Satinepakke tibbacchando hoti, āyatiñca satinepakke avigatapemo. Diṭṭhipaṭivedhe tibbacchando hoti, āyatiñca diṭṭhipaṭivedhe avigatapemo. Imāni kho, bhikkhave, satta niddasavatthūnī’’ti (a. ni. 7.20).

    т̇зроби д̇ат̇зва д̣̇зсанам̣ уд̣̇д̇харид̇ваа ‘‘сад̇д̇а нид̣̇д̣̇асавад̇т̇ууний’’д̇и ааха.

    Theropi tatheva desanaṃ uddharitvā ‘‘satta niddasavatthūnī’’ti āha.

    адта абхибхааяад̇анаанийд̇и зд̇т̇а абхибхуяяамаанаани ааяад̇анаани зд̇зсам̣ жхаанаананд̇и абхибхааяад̇анаани, жхаанаани. ааяад̇анаанийд̇и ад̇хидтаанадтзна ааяад̇анасан̇каад̇аани гасин̣аарамман̣аани. н̃аан̣уд̇д̇ариго хи буг̇г̇ало висад̣̇ан̃аан̣о ‘‘гим̣ зд̇т̇а аарамман̣з самаабаж̇ж̇ид̇аб̣б̣ам̣. на маяхам̣ жид̇д̇згаг̇г̇ад̇аагаран̣з бхааро ад̇т̇ий’’д̇и, д̇аани аарамман̣аани абхибхавид̇ваа самаабаж̇ж̇ад̇и, саха нимид̇д̇уббаад̣̇знзвзд̇т̇а аббанам̣ ниб̣б̣ад̇д̇зд̇ийд̇и ад̇т̇о. звам̣ уббаад̣̇ид̇аани жхаанаани ‘‘абхибхааяад̇анааний’’д̇и вужжанд̇и.

    Aṭṭha abhibhāyatanānīti ettha abhibhuyyamānāni āyatanāni etesaṃ jhānānanti abhibhāyatanāni, jhānāni. Āyatanānīti adhiṭṭhānaṭṭhena āyatanasaṅkhātāni kasiṇārammaṇāni. Ñāṇuttariko hi puggalo visadañāṇo ‘‘kiṃ ettha ārammaṇe samāpajjitabbaṃ. Na mayhaṃ cittekaggatākaraṇe bhāro atthī’’ti, tāni ārammaṇāni abhibhavitvā samāpajjati, saha nimittuppādenevettha appanaṃ nibbattetīti attho. Evaṃ uppāditāni jhānāni ‘‘abhibhāyatanānī’’ti vuccanti.

    ‘‘гад̇амаани (а. ни. 8.65) адта? аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ батамам̣ абхибхааяад̇анам̣.

    ‘‘Katamāni (a. ni. 8.65) aṭṭha? Ajjhattaṃ rūpasaññī eko bahiddhā rūpāni passati parittāni suvaṇṇadubbaṇṇāni, ‘tāni abhibhuyya jānāmi passāmī’ti evaṃsaññī hoti. Idaṃ paṭhamaṃ abhibhāyatanaṃ.

    ‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ д̣̇уд̇ияам̣ абхибхааяад̇анам̣.

    ‘‘Ajjhattaṃ rūpasaññī eko bahiddhā rūpāni passati appamāṇāni suvaṇṇadubbaṇṇāni, ‘tāni abhibhuyya jānāmi passāmī’ti evaṃsaññī hoti. Idaṃ dutiyaṃ abhibhāyatanaṃ.

    ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ д̇ад̇ияам̣ абхибхааяад̇анам̣.

    ‘‘Ajjhattaṃ arūpasaññī eko bahiddhā rūpāni passati parittāni suvaṇṇadubbaṇṇāni, ‘tāni abhibhuyya jānāmi passāmī’ti evaṃsaññī hoti. Idaṃ tatiyaṃ abhibhāyatanaṃ.

    ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ жад̇уд̇т̇ам̣ абхибхааяад̇анам̣.

    ‘‘Ajjhattaṃ arūpasaññī eko bahiddhā rūpāni passati appamāṇāni suvaṇṇadubbaṇṇāni, ‘tāni abhibhuyya jānāmi passāmī’ti evaṃsaññī hoti. Idaṃ catutthaṃ abhibhāyatanaṃ.

    ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани. сзяяат̇ааби наама умаабубпам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣, звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ бан̃жамам̣ абхибхааяад̇анам̣.

    ‘‘Ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni. Seyyathāpi nāma umāpupphaṃ nīlaṃ nīlavaṇṇaṃ nīlanidassanaṃ nīlanibhāsaṃ, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ nīlaṃ nīlavaṇṇaṃ nīlanidassanaṃ nīlanibhāsaṃ, evameva ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni, ‘tāni abhibhuyya jānāmi passāmī’ti evaṃsaññī hoti. Idaṃ pañcamaṃ abhibhāyatanaṃ.

    ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани. сзяяат̇ааби наама ган̣игаарабубпам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣, звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ чадтам̣ абхибхааяад̇анам̣.

    ‘‘Ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni. Seyyathāpi nāma kaṇikārapupphaṃ pītaṃ pītavaṇṇaṃ pītanidassanaṃ pītanibhāsaṃ, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ pītaṃ pītavaṇṇaṃ pītanidassanaṃ pītanibhāsaṃ, evameva ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni, ‘tāni abhibhuyya jānāmi passāmī’ti evaṃsaññī hoti. Idaṃ chaṭṭhaṃ abhibhāyatanaṃ.

    ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани. сзяяат̇ааби наама б̣анд̇хуж̇ийвагабубпам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣, звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ сад̇д̇амам̣ абхибхааяад̇анам̣.

    ‘‘Ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. Seyyathāpi nāma bandhujīvakapupphaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ, evameva ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni, ‘tāni abhibhuyya jānāmi passāmī’ti evaṃsaññī hoti. Idaṃ sattamaṃ abhibhāyatanaṃ.

    ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани. сзяяат̇ааби наама осад̇хид̇аарагаа од̣̇аад̇аа од̣̇аад̇аван̣н̣аа од̣̇аад̇анид̣̇ассанаа од̣̇аад̇анибхаасаа, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ од̣̇аад̇ам̣ од̣̇аад̇аван̣н̣ам̣ од̣̇аад̇анид̣̇ассанам̣ од̣̇аад̇анибхаасам̣, звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ адтамам̣ абхибхааяад̇анам̣. имаани адта абхибхааяад̇анаани (а. ни. 8.65; д̣̇ий. ни. 3.358).

    ‘‘Ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni. Seyyathāpi nāma osadhitārakā odātā odātavaṇṇā odātanidassanā odātanibhāsā, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ odātaṃ odātavaṇṇaṃ odātanidassanaṃ odātanibhāsaṃ, evameva ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni, ‘tāni abhibhuyya jānāmi passāmī’ti evaṃsaññī hoti. Idaṃ aṭṭhamaṃ abhibhāyatanaṃ. Imāni aṭṭha abhibhāyatanāni (a. ni. 8.65; dī. ni. 3.358).

    нава анубуб̣б̣авихаараад̇и буб̣б̣ам̣ буб̣б̣ам̣ ану анубуб̣б̣ам̣, анубуб̣б̣ам̣ вихарид̇аб̣б̣ад̇о самаабаж̇ж̇ид̇аб̣б̣ад̇о вихаараа анубуб̣б̣авихаараа, анубадибаадияаа самаабаж̇ж̇ид̇аб̣б̣авихаараад̇и ад̇т̇о.

    Nava anupubbavihārāti pubbaṃ pubbaṃ anu anupubbaṃ, anupubbaṃ viharitabbato samāpajjitabbato vihārā anupubbavihārā, anupaṭipāṭiyā samāpajjitabbavihārāti attho.

    ‘‘гад̇амз нава? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и, д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇ий’’д̇и (а. ни. 9.33; д̣̇ий. ни. 3.343, 359) вуд̇д̇аа нава анубуб̣б̣авихаараава.

    ‘‘Katame nava? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato sampajāno, sukhañca kāyena paṭisaṃvedeti, yaṃ taṃ ariyā ācikkhanti ‘upekkhako satimā sukhavihārī’ti, tatiyaṃ jhānaṃ upasampajja viharati. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharatī’’ti (a. ni. 9.33; dī. ni. 3.343, 359) vuttā nava anupubbavihārāva.

    д̣̇аса ниж̇ж̇аравад̇т̇уунийд̇и мижчаад̣̇идтаад̣̇ийни ниж̇ж̇араяанд̇и наасаяанд̇ийд̇и ниж̇ж̇араани. вад̇т̇уунийд̇и гааран̣аани. ниж̇ж̇араани жа д̇аани вад̇т̇ууни жаад̇и ниж̇ж̇аравад̇т̇ууни. саммаад̣̇идтаад̣̇ийнам̣ зд̇ам̣ ад̇хиважанам̣.

    Dasa nijjaravatthūnīti micchādiṭṭhādīni nijjarayanti nāsayantīti nijjarāni. Vatthūnīti kāraṇāni. Nijjarāni ca tāni vatthūni cāti nijjaravatthūni. Sammādiṭṭhādīnaṃ etaṃ adhivacanaṃ.

    ‘‘гад̇амаани (а. ни. 10.106; д̣̇ий. ни. 3.360) д̣̇аса? саммаад̣̇идтигасса, бхигкавз, мижчаад̣̇идти ниж̇ж̇ин̣н̣аа ход̇и. яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Katamāni (a. ni. 10.106; dī. ni. 3.360) dasa? Sammādiṭṭhikassa, bhikkhave, micchādiṭṭhi nijjiṇṇā hoti. Ye ca micchādiṭṭhipaccayā aneke pāpakā akusalā dhammā sambhavanti, te cassa nijjiṇṇā honti, sammādiṭṭhipaccayā ca aneke kusalā dhammā bhāvanāpāripūriṃ gacchanti.

    ‘‘саммаасан̇габбасса, бхигкавз, мижчаасан̇габбо ниж̇ж̇ин̣н̣о ход̇и. яз жа мижчаасан̇габбабажжаяаа анзгз баабагаа агусалаа д̇хаммаа самбхаванд̇и , д̇з жасса ниж̇ж̇ин̣н̣аа хонд̇и, саммаасан̇габбабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammāsaṅkappassa, bhikkhave, micchāsaṅkappo nijjiṇṇo hoti. Ye ca micchāsaṅkappapaccayā aneke pāpakā akusalā dhammā sambhavanti , te cassa nijjiṇṇā honti, sammāsaṅkappapaccayā ca aneke kusalā dhammā bhāvanāpāripūriṃ gacchanti.

    ‘‘саммааваажасса, бхигкавз, мижчааваажаа ниж̇ж̇ин̣н̣аа ход̇и. яз жа мижчааваажаабажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммааваажаабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammāvācassa, bhikkhave, micchāvācā nijjiṇṇā hoti. Ye ca micchāvācāpaccayā aneke pāpakā akusalā dhammā sambhavanti, te cassa nijjiṇṇā honti, sammāvācāpaccayā ca aneke kusalā dhammā bhāvanāpāripūriṃ gacchanti.

    ‘‘саммаагамманд̇асса, бхигкавз, мижчаагамманд̇о ниж̇ж̇ин̣н̣о ход̇и. яз жа мижчаагамманд̇абажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммаагамманд̇абажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammākammantassa, bhikkhave, micchākammanto nijjiṇṇo hoti. Ye ca micchākammantapaccayā aneke pāpakā akusalā dhammā sambhavanti, te cassa nijjiṇṇā honti, sammākammantapaccayā ca aneke kusalā dhammā bhāvanāpāripūriṃ gacchanti.

    ‘‘саммааааж̇ийвасса, бхигкавз, мижчааааж̇ийво ниж̇ж̇ин̣н̣о ход̇и. яз жа мижчааааж̇ийвабажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммааааж̇ийвабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammāājīvassa, bhikkhave, micchāājīvo nijjiṇṇo hoti. Ye ca micchāājīvapaccayā aneke pāpakā akusalā dhammā sambhavanti, te cassa nijjiṇṇā honti, sammāājīvapaccayā ca aneke kusalā dhammā bhāvanāpāripūriṃ gacchanti.

    ‘‘саммаавааяаамасса, бхигкавз, мижчаавааяаамо ниж̇ж̇ин̣н̣о ход̇и. яз жа мижчаавааяаамабажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммаавааяаамабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammāvāyāmassa, bhikkhave, micchāvāyāmo nijjiṇṇo hoti. Ye ca micchāvāyāmapaccayā aneke pāpakā akusalā dhammā sambhavanti, te cassa nijjiṇṇā honti, sammāvāyāmapaccayā ca aneke kusalā dhammā bhāvanāpāripūriṃ gacchanti.

    ‘‘саммаасад̇исса, бхигкавз, мижчаасад̇и ниж̇ж̇ин̣н̣аа ход̇и. яз жа мижчаасад̇ибажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммаасад̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammāsatissa, bhikkhave, micchāsati nijjiṇṇā hoti. Ye ca micchāsatipaccayā aneke pāpakā akusalā dhammā sambhavanti, te cassa nijjiṇṇā honti, sammāsatipaccayā ca aneke kusalā dhammā bhāvanāpāripūriṃ gacchanti.

    ‘‘саммаасамаад̇хисса, бхигкавз, мижчаасамаад̇хи ниж̇ж̇ин̣н̣о ход̇и. яз жа мижчаасамаад̇хибажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммаасамаад̇хибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammāsamādhissa, bhikkhave, micchāsamādhi nijjiṇṇo hoti. Ye ca micchāsamādhipaccayā aneke pāpakā akusalā dhammā sambhavanti, te cassa nijjiṇṇā honti, sammāsamādhipaccayā ca aneke kusalā dhammā bhāvanāpāripūriṃ gacchanti.

    ‘‘саммаан̃аан̣исса, бхигкавз, мижчаан̃аан̣ам̣ ниж̇ж̇ин̣н̣ам̣ ход̇и. яз жа мижчаан̃аан̣абажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммаан̃аан̣абажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.

    ‘‘Sammāñāṇissa, bhikkhave, micchāñāṇaṃ nijjiṇṇaṃ hoti. Ye ca micchāñāṇapaccayā aneke pāpakā akusalā dhammā sambhavanti, te cassa nijjiṇṇā honti, sammāñāṇapaccayā ca aneke kusalā dhammā bhāvanāpāripūriṃ gacchanti.

    ‘‘саммаавимуд̇д̇исса , бхигкавз, мижчаавимуд̇д̇и ниж̇ж̇ин̣н̣аа ход̇и. яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и, д̇з жасса ниж̇ж̇ин̣н̣аа хонд̇и, саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇ий’’д̇и (а. ни. 10.106; д̣̇ий. ни. 3.360) вуд̇д̇аани д̣̇аса ниж̇ж̇аравад̇т̇ууни.

    ‘‘Sammāvimuttissa , bhikkhave, micchāvimutti nijjiṇṇā hoti. Ye ca micchāvimuttipaccayā aneke pāpakā akusalā dhammā sambhavanti, te cassa nijjiṇṇā honti, sammāvimuttipaccayā ca aneke kusalā dhammā bhāvanāpāripūriṃ gacchantī’’ti (a. ni. 10.106; dī. ni. 3.360) vuttāni dasa nijjaravatthūni.

    3. саб̣б̣ам̣, бхигкавз, абхин̃н̃зяяанд̇иаад̣̇и бхаг̇авад̇аа вуд̇д̇ам̣ ид̇ха аахарид̇ваа д̣̇ассид̇анд̇и взд̣̇ид̇аб̣б̣ам̣. гин̃жа-ид̇и жа-гааро бад̣̇абууран̣амад̇д̇з нибаад̇о. жагкаад̣̇ийни д̇им̣са виссаж̇ж̇анаани часу д̣̇ваарзсу згзгасмим̣ бан̃жа бан̃жа гад̇ваа д̣̇ваараарамман̣абавад̇д̇иггамзна нид̣̇д̣̇идтаани. д̇ад̇т̇а д̣̇увид̇хам̣ жагку – мам̣сажагку бан̃н̃аажагку жа. д̇зсу б̣уд̣̇д̇хажагку саманд̇ажагку н̃аан̣ажагку д̣̇иб̣б̣ажагку д̇хаммажагкууд̇и бан̃жавид̇хам̣ бан̃н̃аажагку. ‘‘ад̣̇д̣̇асам̣ ко ахам̣, бхигкавз, б̣уд̣̇д̇хажагкунаа логам̣ вологзнд̇о’’д̇и (ма. ни. 1.283; 2.339; махаава. 9) ид̣̇ам̣ б̣уд̣̇д̇хажагку наама. ‘‘саманд̇ажагку вужжад̇и саб̣б̣ан̃н̃уд̇ан̃н̃аан̣а’’нд̇и (жуул̣ани. д̇ход̇агамаан̣авабужчаанид̣̇д̣̇зса 32; могхарааж̇амаан̣авабужчаанид̣̇д̣̇зса 85) ид̣̇ам̣ саманд̇ажагку наама. ‘‘жагкум̣ уд̣̇абаад̣̇и н̃аан̣ам̣ уд̣̇абаад̣̇ий’’д̇и (сам̣. ни. 5.1081; махаава. 15) ид̣̇ам̣ н̃аан̣ажагку наама. ‘‘ад̣̇д̣̇асам̣ ко ахам̣, бхигкавз, д̣̇иб̣б̣зна жагкунаа висуд̣̇д̇хзнаа’’д̇и (ма. ни. 1.285) ид̣̇ам̣ д̣̇иб̣б̣ажагку наама. ‘‘вираж̇ам̣ вийд̇амалам̣ д̇хаммажагкум̣ уд̣̇абаад̣̇ий’’д̇и (ма. ни. 2.395) ид̣̇ам̣ хздтимамаг̇г̇ад̇д̇аяасан̇каад̇ам̣ н̃аан̣ам̣ д̇хаммажагку наама.

    3.Sabbaṃ, bhikkhave, abhiññeyyantiādi bhagavatā vuttaṃ idha āharitvā dassitanti veditabbaṃ. Kiñca-iti ca-kāro padapūraṇamatte nipāto. Cakkhādīni tiṃsa vissajjanāni chasu dvāresu ekekasmiṃ pañca pañca katvā dvārārammaṇapavattikkamena niddiṭṭhāni. Tattha duvidhaṃ cakkhu – maṃsacakkhu paññācakkhu ca. Tesu buddhacakkhu samantacakkhu ñāṇacakkhu dibbacakkhu dhammacakkhūti pañcavidhaṃ paññācakkhu. ‘‘Addasaṃ kho ahaṃ, bhikkhave, buddhacakkhunā lokaṃ volokento’’ti (ma. ni. 1.283; 2.339; mahāva. 9) idaṃ buddhacakkhu nāma. ‘‘Samantacakkhu vuccati sabbaññutaññāṇa’’nti (cūḷani. dhotakamāṇavapucchāniddesa 32; mogharājamāṇavapucchāniddesa 85) idaṃ samantacakkhu nāma. ‘‘Cakkhuṃ udapādi ñāṇaṃ udapādī’’ti (saṃ. ni. 5.1081; mahāva. 15) idaṃ ñāṇacakkhu nāma. ‘‘Addasaṃ kho ahaṃ, bhikkhave, dibbena cakkhunā visuddhenā’’ti (ma. ni. 1.285) idaṃ dibbacakkhu nāma. ‘‘Virajaṃ vītamalaṃ dhammacakkhuṃ udapādī’’ti (ma. ni. 2.395) idaṃ heṭṭhimamaggattayasaṅkhātaṃ ñāṇaṃ dhammacakkhu nāma.

    мам̣сажагкуби сасамбхааражагку , басаад̣̇ажагкууд̇и д̣̇увид̇хам̣ ход̇и. явааяам̣ агкигуубагз бад̇идтид̇о хздтаа агкигуубагадтигзна убари бхамугадтигзна убхад̇о агкигуудзхи б̣ахид̣̇д̇хаа агкибакумзхи барижчинно агкигуубагамаж̇жхаа нигканд̇зна нхаарусуд̇д̇агзна мад̇т̇алун̇г̇з ааб̣ад̣̇д̇хо сзд̇аган̣хаад̇иган̣хаман̣д̣алавижид̇д̇о мам̣сабин̣д̣о, ид̣̇ам̣ сасамбхааражагку наама. яо бана зд̇т̇а сид̇о зд̇т̇а бадиб̣ад̣̇д̇хо жад̇уннам̣ махаабхууд̇аанам̣ убаад̣̇ааяа басаад̣̇о, ид̣̇ам̣ басаад̣̇ажагку наама. ид̣̇амид̇хаад̇хиббзд̇ам̣. д̇ад̣̇зд̇ам̣ д̇асса сасамбхааражагкуно сзд̇аман̣д̣алабаригкид̇д̇асса ган̣хаман̣д̣аласса маж̇жхз абхимукз тид̇аанам̣ сарийрасан̣таануббад̇д̇ид̣̇зсз д̣̇идтиман̣д̣алз сад̇д̇асу бижубадалзсу аасид̇д̇ад̇злам̣ бижубадалаани вияа сад̇д̇а агкибадалаани б̣яаабзд̇ваа бамаан̣ад̇о муг̇г̇авид̣̇аламад̇д̇ам̣ жагкувин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. д̇ам̣ жагкад̇ийд̇и жагку, руубам̣ ассаад̣̇зд̇и вибхаавзд̇и жаад̇и ад̇т̇о. руубаяанд̇ийд̇и руубаа, ван̣н̣авигаарам̣ аабаж̇ж̇амаанаа хад̣̇аяан̇г̇ад̇абхаавам̣ багаасзнд̇ийд̇и ад̇т̇о. жагкуд̇о бавад̇д̇ам̣ вин̃н̃аан̣ам̣, жагкусса ваа вин̃н̃аан̣ам̣ жагкувин̃н̃аан̣ам̣. пусад̇ийд̇и пассо. убасаг̇г̇зна бад̣̇ам̣ ман̣д̣зд̇ваа сампассод̇и вуд̇д̇ам̣. жагкуд̇о бавад̇д̇о сампассо жагкусампассо. жагкусампассабажжаяаад̇и жагкувин̃н̃аан̣асамбаяуд̇д̇апассабажжаяаа. взд̣̇аяид̇анд̇и винд̣̇анам̣, взд̣̇анаад̇и ад̇т̇о. д̇ад̣̇зва сукаяад̇ийд̇и сукам̣, яассуббаж̇ж̇ад̇и, д̇ам̣ сукид̇ам̣ гарод̇ийд̇и ад̇т̇о. судту ваа каад̣̇ад̇и, канад̇и жа гааяажид̇д̇ааб̣аад̇ханд̇и сукам̣. д̣̇угкаяад̇ийд̇и д̣̇угкам̣, яассуббаж̇ж̇ад̇и, д̇ам̣ д̣̇угкид̇ам̣ гарод̇ийд̇и ад̇т̇о. на д̣̇угкам̣ на суканд̇и ад̣̇угкамасукам̣. ма-гааро бад̣̇асанд̇хивасзна вуд̇д̇о. со бана жагкусампассо ад̇д̇анаа самбаяуд̇д̇ааяа взд̣̇анааяа сахаж̇аад̇а ан̃н̃аман̃н̃аниссаяа вибаагааахаарасамбаяуд̇д̇аад̇т̇иавиг̇ад̇авасзна адтад̇хаа бажжаяо ход̇и, самбадижчанасамбаяуд̇д̇ааяа ананд̇арасамананд̇араананд̇аруубаниссаяанад̇т̇ивиг̇ад̇авасзнабан̃жад̇хаа, санд̇ийран̣аад̣̇исамбаяуд̇д̇аанам̣ убаниссаяавасзнзва бажжаяо ход̇и.

    Maṃsacakkhupi sasambhāracakkhu , pasādacakkhūti duvidhaṃ hoti. Yvāyaṃ akkhikūpake patiṭṭhito heṭṭhā akkhikūpakaṭṭhikena upari bhamukaṭṭhikena ubhato akkhikūṭehi bahiddhā akkhipakhumehi paricchinno akkhikūpakamajjhā nikkhantena nhārusuttakena matthaluṅge ābaddho setakaṇhātikaṇhamaṇḍalavicitto maṃsapiṇḍo, idaṃ sasambhāracakkhu nāma. Yo pana ettha sito ettha paṭibaddho catunnaṃ mahābhūtānaṃ upādāya pasādo, idaṃ pasādacakkhu nāma. Idamidhādhippetaṃ. Tadetaṃ tassa sasambhāracakkhuno setamaṇḍalaparikkhittassa kaṇhamaṇḍalassa majjhe abhimukhe ṭhitānaṃ sarīrasaṇṭhānuppattidese diṭṭhimaṇḍale sattasu picupaṭalesu āsittatelaṃ picupaṭalāni viya satta akkhipaṭalāni byāpetvā pamāṇato muggavidalamattaṃ cakkhuviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Taṃ cakkhatīti cakkhu, rūpaṃ assādeti vibhāveti cāti attho. Rūpayantīti rūpā, vaṇṇavikāraṃ āpajjamānā hadayaṅgatabhāvaṃ pakāsentīti attho. Cakkhuto pavattaṃ viññāṇaṃ, cakkhussa vā viññāṇaṃ cakkhuviññāṇaṃ. Phusatīti phasso. Upasaggena padaṃ maṇḍetvā samphassoti vuttaṃ. Cakkhuto pavatto samphasso cakkhusamphasso. Cakkhusamphassapaccayāti cakkhuviññāṇasampayuttaphassapaccayā. Vedayitanti vindanaṃ, vedanāti attho. Tadeva sukhayatīti sukhaṃ, yassuppajjati, taṃ sukhitaṃ karotīti attho. Suṭṭhu vā khādati, khanati ca kāyacittābādhanti sukhaṃ. Dukkhayatīti dukkhaṃ, yassuppajjati, taṃ dukkhitaṃ karotīti attho. Na dukkhaṃ na sukhanti adukkhamasukhaṃ. Ma-kāro padasandhivasena vutto. So pana cakkhusamphasso attanā sampayuttāya vedanāya sahajāta aññamaññanissaya vipākaāhārasampayuttaatthiavigatavasena aṭṭhadhā paccayo hoti, sampaṭicchanasampayuttāya anantarasamanantaraanantarūpanissayanatthivigatavasenapañcadhā, santīraṇādisampayuttānaṃ upanissayavaseneva paccayo hoti.

    сун̣аад̇ийд̇и сод̇ам̣. д̇ам̣ сасамбхаарасод̇аб̣иласса анд̇о д̇ануд̇амб̣аломаажид̇з ан̇г̇уливзд̇хагасан̣таанз бад̣̇зсз сод̇авин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. саббанд̇ийд̇и сад̣̇д̣̇аа, уд̣̇аахарийяанд̇ийд̇и ад̇т̇о. гхааяад̇ийд̇и гхаанам̣. д̇ам̣ сасамбхаарагхаанаб̣иласса анд̇о аж̇абад̣̇асан̣таанз бад̣̇зсз гхаанавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. г̇анд̇хаяанд̇ийд̇и г̇анд̇хаа, ад̇д̇ано вад̇т̇ум̣ суужзнд̇ийд̇и ад̇т̇о. ж̇ийвид̇амавхааяад̇ийд̇и ж̇ивхаа, сааяанадтзна ваа ж̇ивхаа. саа сасамбхаараж̇ивхааяа ад̇иаг̇г̇амуулабассаани важ̇ж̇зд̇ваа убаримад̇аламаж̇жхз бхиннауббалад̣̇алаг̇г̇асан̣таанз бад̣̇зсз ж̇ивхаавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанаа д̇идтад̇и. расанд̇и д̇з сад̇д̇аад̇и расаа, ассаад̣̇знд̇ийд̇и ад̇т̇о. гужчид̇аанам̣ саасавад̇хаммаанам̣ ааяод̇и гааяо. ааяод̇и уббад̇д̇ид̣̇зсо. со яаавад̇аа имасмим̣ гааяз убаад̣̇ин̣н̣аббавад̇д̇и наама ад̇т̇и, д̇ад̇т̇а язбхуяязна гааяабасаад̣̇о гааяавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаано д̇идтад̇и. пусийяанд̇ийд̇и подтаб̣б̣аа. мунаад̇ийд̇и мано, виж̇аанаад̇ийд̇и ад̇т̇о. ад̇д̇ано лагкан̣ам̣ д̇хаарзнд̇ийд̇и д̇хаммаа . манод̇и сахааваж̇ж̇анам̣ бхаван̇г̇ам̣. д̇хаммаад̇и д̣̇ваад̣̇асабабхзд̣̇аа д̇хаммаарамман̣аа д̇хаммаа. мановин̃н̃аан̣анд̇и ж̇аванамановин̃н̃аан̣ам̣. маносампассод̇и д̇ам̣самбаяуд̇д̇о пассо. со самбаяуд̇д̇ааяа взд̣̇анааяа вибаагабажжаяаваж̇ж̇зхи сзсзхи сад̇д̇ахи бажжаяо ход̇и, ананд̇арааяа д̇зхзва, сзсаанам̣ убаниссаяавасзнзва бажжаяо ход̇и.

    Suṇātīti sotaṃ. Taṃ sasambhārasotabilassa anto tanutambalomācite aṅgulivedhakasaṇṭhāne padese sotaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Sappantīti saddā, udāharīyantīti attho. Ghāyatīti ghānaṃ. Taṃ sasambhāraghānabilassa anto ajapadasaṇṭhāne padese ghānaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Gandhayantīti gandhā, attano vatthuṃ sūcentīti attho. Jīvitamavhāyatīti jivhā, sāyanaṭṭhena vā jivhā. Sā sasambhārajivhāya atiaggamūlapassāni vajjetvā uparimatalamajjhe bhinnauppaladalaggasaṇṭhāne padese jivhāviññāṇādīnaṃ yathārahaṃ vatthudvārabhāvaṃ sādhayamānā tiṭṭhati. Rasanti te sattāti rasā, assādentīti attho. Kucchitānaṃ sāsavadhammānaṃ āyoti kāyo. Āyoti uppattideso. So yāvatā imasmiṃ kāye upādiṇṇappavatti nāma atthi, tattha yebhuyyena kāyapasādo kāyaviññāṇādīnaṃ yathārahaṃ vatthudvārabhāvaṃ sādhayamāno tiṭṭhati. Phusīyantīti phoṭṭhabbā. Munātīti mano, vijānātīti attho. Attano lakkhaṇaṃ dhārentīti dhammā. Manoti sahāvajjanaṃ bhavaṅgaṃ. Dhammāti dvādasapabhedā dhammārammaṇā dhammā. Manoviññāṇanti javanamanoviññāṇaṃ. Manosamphassoti taṃsampayutto phasso. So sampayuttāya vedanāya vipākapaccayavajjehi sesehi sattahi paccayo hoti, anantarāya teheva, sesānaṃ upanissayavaseneva paccayo hoti.

    руубаад̣̇ийни бан̃жа виссаж̇ж̇анаани канд̇хавасзна нид̣̇д̣̇идтаани. сийд̇аад̣̇ийхи руббад̇и бийл̣ийяад̇ийд̇и руубам̣. взд̣̇аяад̇ийд̇и взд̣̇анаа. сан̃ж̇аанаад̇ийд̇и сан̃н̃аа. сан̇каронд̇ийд̇и сан̇каараа. виж̇аанаад̇ийд̇и вин̃н̃аан̣ам̣. жагкаад̣̇ийни д̇хаммавижаарабарияанд̇аани д̣̇аса чаггавасзна, садти виссаж̇ж̇анаани бияаруубасаад̇аруубавасзна нид̣̇д̣̇идтаани. жагкусампассаж̇аад̣̇игаа взд̣̇анаа д̇ам̣д̇ам̣самбаяуд̇д̇аава. руубзсу сан̃н̃аа руубасан̃н̃аа. сан̃жзд̇аяад̇ийд̇и сан̃жзд̇анаа, абхисанд̣̇ахад̇ийд̇и ад̇т̇о. д̇асад̇ийд̇и д̇ан̣хаа, бибаасад̇ийд̇и ад̇т̇о. вид̇аггзд̇ийд̇и вид̇агго, вид̇агганам̣ ваа вид̇агго, уухананд̇и вуд̇д̇ам̣ ход̇и. аарамман̣з д̇зна жид̇д̇ам̣ вижарад̇ийд̇и вижааро, вижаран̣ам̣ ваа вижааро, анусан̃жаран̣анд̇и вуд̇д̇ам̣ ход̇и.

    Rūpādīni pañca vissajjanāni khandhavasena niddiṭṭhāni. Sītādīhi ruppati pīḷīyatīti rūpaṃ. Vedayatīti vedanā. Sañjānātīti saññā. Saṅkharontīti saṅkhārā. Vijānātīti viññāṇaṃ. Cakkhādīni dhammavicārapariyantāni dasa chakkavasena, saṭṭhi vissajjanāni piyarūpasātarūpavasena niddiṭṭhāni. Cakkhusamphassajādikā vedanā taṃtaṃsampayuttāva. Rūpesu saññā rūpasaññā. Sañcetayatīti sañcetanā, abhisandahatīti attho. Tasatīti taṇhā, pipāsatīti attho. Vitakketīti vitakko, vitakkanaṃ vā vitakko, ūhananti vuttaṃ hoti. Ārammaṇe tena cittaṃ vicaratīti vicāro, vicaraṇaṃ vā vicāro, anusañcaraṇanti vuttaṃ hoti.

    4. бат̇авийд̇хаад̇аад̣̇ийни ча виссаж̇ж̇анаани сам̣кид̇д̇зна наамаруубававад̇т̇аанавасзна нид̣̇д̣̇идтаани. бад̇т̇адад̇д̇аа бат̇авий. аббзд̇и, аабийяад̇и, аббааяад̇ийд̇и ваа аабо. д̇зж̇аяад̇ийд̇и д̇зж̇о. вааяад̇ийд̇и вааяо. на гассад̇и на нигассад̇и, гасид̇ум̣ чинд̣̇ид̇ум̣ бхинд̣̇ид̇ум̣ ваа на саггаад̇и аагаасо. ниссад̇д̇адтзна д̇хаад̇у.

    4.Pathavīdhātādīni cha vissajjanāni saṃkhittena nāmarūpavavatthānavasena niddiṭṭhāni. Patthaṭattā pathavī. Appeti, āpīyati, appāyatīti vā āpo. Tejayatīti tejo. Vāyatīti vāyo. Na kassati na nikassati, kasituṃ chindituṃ bhindituṃ vā na sakkāti ākāso. Nissattaṭṭhena dhātu.

    бат̇авийгасин̣аад̣̇ийни д̣̇аса виссаж̇ж̇анаани гасин̣абхааванаавасзна нид̣̇д̣̇идтаани. гасин̣анд̇и сагалапаран̣авасзна гасин̣аман̣д̣аламби д̇асмим̣ убадтид̇анимид̇д̇амби д̇ад̣̇аарамман̣ам̣ жхаанамби вужжад̇и. ид̇ха бана жхаанам̣ ад̇хиббзд̇ам̣. аад̣̇имхи жад̇д̇аари махаабхууд̇агасин̣аарамман̣аани жхаанаани, д̇ад̇о бараани жад̇д̇аари ван̣н̣агасин̣аарамман̣аани. аагаасагасин̣анд̇и барижчзд̣̇аагаасо, д̇ад̣̇аарамман̣ан̃жа жхаанам̣, гасин̣уг̇гхаадимаагаасо, д̇ад̣̇аарамман̣ан̃жа аагаасаанан̃жааяад̇анам̣. вин̃н̃аан̣агасин̣анд̇и аагаасаанан̃жааяад̇анавин̃н̃аан̣ам̣, д̇ад̣̇аарамман̣ан̃жа вин̃н̃аан̣ан̃жааяад̇анам̣.

    Pathavīkasiṇādīni dasa vissajjanāni kasiṇabhāvanāvasena niddiṭṭhāni. Kasiṇanti sakalapharaṇavasena kasiṇamaṇḍalampi tasmiṃ upaṭṭhitanimittampi tadārammaṇaṃ jhānampi vuccati. Idha pana jhānaṃ adhippetaṃ. Ādimhi cattāri mahābhūtakasiṇārammaṇāni jhānāni, tato parāni cattāri vaṇṇakasiṇārammaṇāni. Ākāsakasiṇanti paricchedākāso, tadārammaṇañca jhānaṃ, kasiṇugghāṭimākāso, tadārammaṇañca ākāsānañcāyatanaṃ. Viññāṇakasiṇanti ākāsānañcāyatanaviññāṇaṃ, tadārammaṇañca viññāṇañcāyatanaṃ.

    гзсаад̣̇ийни д̣̇вад̇д̇им̣са виссаж̇ж̇анаани д̣̇вад̇д̇им̣саагаарагаммадтаанавасзна нид̣̇д̣̇идтаани. д̇зсу бана гзсаад̣̇ийсу бадигуулад̇о убадтид̇зсу гааяаг̇ад̇аасад̇ивасзна асубхагаммадтаанам̣ ход̇и, ван̣н̣ад̇о убадтид̇зсу гасин̣агаммадтаанам̣ ход̇и, д̇хаад̇уд̇о убадтид̇зсу жад̇уд̇хаад̇увавад̇т̇аанагаммадтаанам̣ ход̇и, гзсаад̇иаад̣̇ийни жа бадигуулад̇о ван̣н̣ад̇о ваа убадтид̇аанам̣ д̇ад̣̇аарамман̣аани жхаанаани, д̇хаад̇уд̇о убадтид̇асса д̇з жа годтаасаа д̇ад̣̇аарамман̣аа жа д̇хаад̇убхааванаа взд̣̇ид̇аб̣б̣аа.

    Kesādīni dvattiṃsa vissajjanāni dvattiṃsākārakammaṭṭhānavasena niddiṭṭhāni. Tesu pana kesādīsu paṭikūlato upaṭṭhitesu kāyagatāsativasena asubhakammaṭṭhānaṃ hoti, vaṇṇato upaṭṭhitesu kasiṇakammaṭṭhānaṃ hoti, dhātuto upaṭṭhitesu catudhātuvavatthānakammaṭṭhānaṃ hoti, kesātiādīni ca paṭikūlato vaṇṇato vā upaṭṭhitānaṃ tadārammaṇāni jhānāni, dhātuto upaṭṭhitassa te ca koṭṭhāsā tadārammaṇā ca dhātubhāvanā veditabbā.

    гзсаа убхосу бассзсу ган̣н̣ажуул̣игаахи бурад̇о налааданд̇зна, бажчад̇о жа г̇алаваадагзна барижчиннаа сийсагадаахавзтанажаммз вийхаг̇г̇амад̇д̇ам̣ бависид̇ваа тид̇аа анзгасад̇асахассасан̇каа.

    Kesā ubhosu passesu kaṇṇacūḷikāhi purato nalāṭantena, pacchato ca galavāṭakena paricchinnā sīsakaṭāhaveṭhanacamme vīhaggamattaṃ pavisitvā ṭhitā anekasatasahassasaṅkhā.

    ломаа табзд̇ваа гзсаад̣̇ийнам̣ бад̇идтид̇огаасам̣ хад̇т̇ад̇алабаад̣̇ад̇алаани жа язбхуяязна сарийражаммз наванавуд̇ияаа ломагуубасахассзсу лигкаамад̇д̇ам̣ бависид̇ваа тид̇аа.

    Lomā ṭhapetvā kesādīnaṃ patiṭṭhitokāsaṃ hatthatalapādatalāni ca yebhuyyena sarīracamme navanavutiyā lomakūpasahassesu likkhāmattaṃ pavisitvā ṭhitā.

    накаа ан̇г̇улийнам̣ аг̇г̇абидтзсу тид̇аа вийсад̇и.

    Nakhā aṅgulīnaṃ aggapiṭṭhesu ṭhitā vīsati.

    д̣̇анд̇аа д̣̇вийсу хан̣угадтигзсу тид̇аа язбхуяязна д̣̇вад̇д̇им̣са.

    Dantā dvīsu haṇukaṭṭhikesu ṭhitā yebhuyyena dvattiṃsa.

    д̇ажо сагаласарийрам̣ барияонанд̇хид̇ваа баагадагиломагасса убари чавияаа хздтаа тид̇ам̣ жаммам̣.

    Taco sakalasarīraṃ pariyonandhitvā pākaṭakilomakassa upari chaviyā heṭṭhā ṭhitaṃ cammaṃ.

    мам̣сам̣ саад̇хигаани д̇ийн̣и адтисад̇аани анулимбид̇ваа тид̇аани навамам̣сабзсисад̇аани.

    Maṃsaṃ sādhikāni tīṇi aṭṭhisatāni anulimpitvā ṭhitāni navamaṃsapesisatāni.

    нхааруу сагаласарийрз адтийни ааб̣анд̇хид̇ваа тид̇аани нава нхаарусад̇аани.

    Nhārū sakalasarīre aṭṭhīni ābandhitvā ṭhitāni nava nhārusatāni.

    адтий сагаласарийрз хздтаа адтийнам̣ убари тид̇аани саад̇хигаани д̇ийн̣и адтисад̇аани.

    Aṭṭhī sakalasarīre heṭṭhā aṭṭhīnaṃ upari ṭhitāni sādhikāni tīṇi aṭṭhisatāni.

    адтимин̃ж̇аа д̇зсам̣ д̇зсам̣ адтийнам̣ аб̣бханд̇арз тид̇аа мин̃ж̇аа.

    Aṭṭhimiñjā tesaṃ tesaṃ aṭṭhīnaṃ abbhantare ṭhitā miñjā.

    ваггам̣ г̇алаваадагаа нигканд̇зна згамуулзна т̇огам̣ г̇анд̇ваа д̣̇вид̇хаа бхиннзна т̇ууланхаарунаа виниб̣ад̣̇д̇хаа худ̇ваа хад̣̇аяамам̣сам̣ баригкибид̇ваа тид̇аа д̣̇вз мам̣сабин̣д̣игаа.

    Vakkaṃ galavāṭakā nikkhantena ekamūlena thokaṃ gantvā dvidhā bhinnena thūlanhārunā vinibaddhā hutvā hadayamaṃsaṃ parikkhipitvā ṭhitā dve maṃsapiṇḍikā.

    хад̣̇аяам̣ сарийраб̣бханд̇арз д̣̇виннам̣ т̇анаанам̣ маж̇жхз тид̇ам̣ анд̇о жид̇д̇асанниссаяам̣ ад̣дхабасад̇амад̇д̇алохид̇абун̣н̣ам̣ буннааг̇адтибад̇идтаанамад̇д̇ааваадагам̣ хад̣̇аяамам̣сам̣.

    Hadayaṃ sarīrabbhantare dvinnaṃ thanānaṃ majjhe ṭhitaṃ anto cittasannissayaṃ aḍḍhapasatamattalohitapuṇṇaṃ punnāgaṭṭhipatiṭṭhānamattāvāṭakaṃ hadayamaṃsaṃ.

    яаганам̣ д̣̇виннам̣ т̇анаанам̣ аб̣бханд̇арз д̣̇агкин̣абассам̣ ниссааяа тид̇ам̣ яамагамам̣сабадалам̣.

    Yakanaṃ dvinnaṃ thanānaṃ abbhantare dakkhiṇapassaṃ nissāya ṭhitaṃ yamakamaṃsapaṭalaṃ.

    гиломагам̣ хад̣̇аяаваггаани бадижчаад̣̇зд̇ваа тид̇ам̣ бадижчаннагиломагасан̇каад̇ан̃жа сагаласарийрз жаммасса хздтад̇о мам̣сам̣ барияонанд̇хид̇ваа тид̇ам̣ аббадижчаннагиломагасан̇каад̇ан̃жаад̇и д̣̇увид̇хам̣ барияонаханамам̣сам̣.

    Kilomakaṃ hadayavakkāni paṭicchādetvā ṭhitaṃ paṭicchannakilomakasaṅkhātañca sakalasarīre cammassa heṭṭhato maṃsaṃ pariyonandhitvā ṭhitaṃ appaṭicchannakilomakasaṅkhātañcāti duvidhaṃ pariyonahanamaṃsaṃ.

    бихагам̣ хад̣̇аяасса ваамабассз уд̣̇арабадаласса мад̇т̇агабассам̣ ниссааяа тид̇ам̣ уд̣̇араж̇ивхаамам̣сам̣.

    Pihakaṃ hadayassa vāmapasse udarapaṭalassa matthakapassaṃ nissāya ṭhitaṃ udarajivhāmaṃsaṃ.

    бабпаасам̣ сарийраб̣бханд̇арз д̣̇виннам̣ т̇анаанам̣ анд̇арз хад̣̇аяаяаганаанам̣ убари чаад̣̇зд̇ваа оламб̣анд̇ам̣ тид̇ам̣ д̣̇вад̇д̇им̣самам̣сакан̣д̣аббабхзд̣̇ам̣ бабпаасамам̣сам̣.

    Papphāsaṃ sarīrabbhantare dvinnaṃ thanānaṃ antare hadayayakanānaṃ upari chādetvā olambantaṃ ṭhitaṃ dvattiṃsamaṃsakhaṇḍappabhedaṃ papphāsamaṃsaṃ.

    анд̇ам̣ убари г̇алаваадагз хздтаа гарийсамаг̇г̇з виниб̣анд̇хад̇д̇аа г̇алаваадагагарийсамаг̇г̇абарияанд̇з сарийраб̣бханд̇арз тид̇аа бурисасса д̣̇вад̇д̇им̣сахад̇т̇аа ид̇т̇ияаа адтавийсад̇ихад̇т̇аа згавийсад̇ияаа таанзсу обхаг̇г̇аа анд̇авадди.

    Antaṃ upari galavāṭake heṭṭhā karīsamagge vinibandhattā galavāṭakakarīsamaggapariyante sarīrabbhantare ṭhitā purisassa dvattiṃsahatthā itthiyā aṭṭhavīsatihatthā ekavīsatiyā ṭhānesu obhaggā antavaṭṭi.

    анд̇аг̇ун̣ам̣ анд̇абхог̇з згад̇о аг̇аланд̇з ааб̣анд̇хид̇ваа згавийсад̇ияаа анд̇абхог̇аанам̣ анд̇араа тид̇ам̣ б̣анд̇ханам̣.

    Antaguṇaṃ antabhoge ekato agalante ābandhitvā ekavīsatiyā antabhogānaṃ antarā ṭhitaṃ bandhanaṃ.

    уд̣̇арияам̣ д̣̇анд̇амусаласан̃жун̣н̣ид̇ам̣ ж̇ивхаахад̇т̇абаривад̇д̇ид̇ам̣ кзл̣алаалаабалиб̣уд̣̇д̇хам̣ д̇ам̣кан̣авиг̇ад̇аван̣н̣аг̇анд̇харасаад̣̇исамбад̣̇ам̣ д̇анд̇авааяакалисуваанавамат̇усад̣̇исам̣ нибад̇ид̇ваа бид̇д̇асзмхаваад̇абаливзтид̇ам̣ худ̇ваа уд̣̇араг̇г̇исанд̇аабавзг̇агут̇ид̇ам̣ гимигулаагулам̣ убаруубари пзн̣аб̣уб̣б̣ул̣агаани мун̃жанд̇ам̣ барамагасамб̣угад̣̇уг̇г̇анд̇хаж̇зг̇ужчабхаавам̣ аабаж̇ж̇ид̇ваа аамаасаяасан̇каад̇з убаринаабхианд̇абадалз тид̇ам̣ наанаббагаарагам̣ асид̇абийд̇акааяид̇асааяид̇ам̣.

    Udariyaṃ dantamusalasañcuṇṇitaṃ jivhāhatthaparivattitaṃ kheḷalālāpalibuddhaṃ taṃkhaṇavigatavaṇṇagandharasādisampadaṃ tantavāyakhalisuvānavamathusadisaṃ nipatitvā pittasemhavātapaliveṭhitaṃ hutvā udaraggisantāpavegakuthitaṃ kimikulākulaṃ uparūpari pheṇabubbuḷakāni muñcantaṃ paramakasambukaduggandhajegucchabhāvaṃ āpajjitvā āmāsayasaṅkhāte uparinābhiantapaṭale ṭhitaṃ nānappakārakaṃ asitapītakhāyitasāyitaṃ.

    гарийсам̣ баггаасаяасан̇каад̇з хздтаа наабхибидтиган̣дагамуулаанам̣ анд̇арз уб̣б̣зд̇хзна адтан̇г̇уламад̇д̇з анд̇аавасаанз тид̇ам̣ важжам̣.

    Karīsaṃ pakkāsayasaṅkhāte heṭṭhā nābhipiṭṭhikaṇṭakamūlānaṃ antare ubbedhena aṭṭhaṅgulamatte antāvasāne ṭhitaṃ vaccaṃ.

    бид̇д̇ам̣ хад̣̇аяамам̣сабабпаасаанам̣ анд̇арз яаганамам̣сам̣ ниссааяа тид̇ам̣ махаагосаад̇агийгосагасад̣̇исз бид̇д̇агосагз тид̇ам̣ б̣ад̣̇д̇хабид̇д̇асан̇каад̇ан̃жа, гзсаломанакад̣̇анд̇аанам̣ мам̣савинимуд̇д̇адтаанан̃жзва т̇ад̣̇д̇хасугкажамман̃жа табзд̇ваа авасзсам̣ сарийрам̣ б̣яаабзд̇ваа тид̇ам̣ аб̣ад̣̇д̇хабид̇д̇асан̇каад̇ан̃жаад̇и д̣̇увид̇хам̣ бид̇д̇ам̣.

    Pittaṃ hadayamaṃsapapphāsānaṃ antare yakanamaṃsaṃ nissāya ṭhitaṃ mahākosātakīkosakasadise pittakosake ṭhitaṃ baddhapittasaṅkhātañca, kesalomanakhadantānaṃ maṃsavinimuttaṭṭhānañceva thaddhasukkhacammañca ṭhapetvā avasesaṃ sarīraṃ byāpetvā ṭhitaṃ abaddhapittasaṅkhātañcāti duvidhaṃ pittaṃ.

    сзмхам̣ уд̣̇арабадалз тид̇ам̣ згабад̇т̇абуураббамаан̣ам̣ сзмхам̣.

    Semhaṃ udarapaṭale ṭhitaṃ ekapatthapūrappamāṇaṃ semhaṃ.

    буб̣б̣о каан̣уган̣дагабахаран̣аг̇г̇иж̇аалаад̣̇ийхи абхихад̇з ваа сарийраббад̣̇зсз аб̣бханд̇арад̇хаад̇угкобхавасзна ваа уббаннзсу г̇ан̣д̣абийл̣агаад̣̇ийсу барибаггалохид̇абарин̣аамо. лохид̇ам̣ яаганасса хздтаабхааг̇ам̣ буурзд̇ваа хад̣̇аяаваггабабпаасаанам̣ убари т̇огам̣ т̇огам̣ баг̇гхаранд̇ам̣ ваггахад̣̇аяаяаганабабпаасз д̇змаяамаанам̣ тид̇ам̣ згабад̇т̇абуурамад̇д̇ам̣ саннижид̇алохид̇асан̇каад̇ан̃жа, гзсаломанакад̣̇анд̇аанам̣ мам̣савинимуд̇д̇адтаанан̃жзва т̇ад̣̇д̇хасугкажамман̃жа табзд̇ваа д̇хаманиж̇аалаанусаарзна саб̣б̣ам̣ убаад̣̇ин̣н̣асарийрам̣ парид̇ваа тид̇ам̣ сам̣саран̣алохид̇асан̇каад̇ан̃жаад̇и д̣̇увид̇хам̣ лохид̇ам̣.

    Pubbo khāṇukaṇṭakapaharaṇaggijālādīhi abhihate vā sarīrappadese abbhantaradhātukkhobhavasena vā uppannesu gaṇḍapīḷakādīsu paripakkalohitapariṇāmo. Lohitaṃ yakanassa heṭṭhābhāgaṃ pūretvā hadayavakkapapphāsānaṃ upari thokaṃ thokaṃ paggharantaṃ vakkahadayayakanapapphāse temayamānaṃ ṭhitaṃ ekapatthapūramattaṃ sannicitalohitasaṅkhātañca, kesalomanakhadantānaṃ maṃsavinimuttaṭṭhānañceva thaddhasukkhacammañca ṭhapetvā dhamanijālānusārena sabbaṃ upādiṇṇasarīraṃ pharitvā ṭhitaṃ saṃsaraṇalohitasaṅkhātañcāti duvidhaṃ lohitaṃ.

    сзд̣̇о аг̇г̇исанд̇аабасуурияасанд̇аабауд̇увигаараад̣̇ийхи санд̇ад̇д̇з сарийрз саб̣б̣агзсаломагуубавиварзхи баг̇гхаран̣агааабод̇хаад̇у.

    Sedo aggisantāpasūriyasantāpautuvikārādīhi santatte sarīre sabbakesalomakūpavivarehi paggharaṇakaāpodhātu.

    мзд̣̇о т̇ууласса сагаласарийрз жаммамам̣санд̇арз гисасса ж̇ан̇гхамам̣саад̣̇ийни ниссааяа тид̇о т̇инасинзхо.

    Medo thūlassa sakalasarīre cammamaṃsantare kisassa jaṅghamaṃsādīni nissāya ṭhito thinasineho.

    ассу соманассад̣̇оманассависабхааг̇аахаарауд̇уухи самудтахид̇ваа агкигуубагз буурзд̇ваа д̇идтанд̇ий ваа баг̇гхаранд̇ий ваа аабод̇хаад̇у.

    Assu somanassadomanassavisabhāgāhārautūhi samuṭṭhahitvā akkhikūpake pūretvā tiṭṭhantī vā paggharantī vā āpodhātu.

    васаа аг̇г̇исанд̇аабасуурияасанд̇аабауд̇увисабхааг̇зхи усмааж̇аад̇зсу язбхуяязна хад̇т̇ад̇алахад̇т̇абидтибаад̣̇ад̇алабаад̣̇абидтинаасаабуданалаадаам̣сагуудзсу тид̇о вилийнасинзхо.

    Vasā aggisantāpasūriyasantāpautuvisabhāgehi usmājātesu yebhuyyena hatthatalahatthapiṭṭhipādatalapādapiṭṭhināsāpuṭanalāṭaaṃsakūṭesu ṭhito vilīnasineho.

    кзл̣о д̇ат̇ааруубам̣ аахаарам̣ бассанд̇асса ваа саранд̇асса ваа мукз ваа табзнд̇асса хад̣̇аяам̣ ваа аагилааяанд̇асса гисмин̃жид̣̇зва ваа ж̇иг̇ужчам̣ уббаад̣̇знд̇асса бхияяо уббаж̇ж̇ид̇ваа убхохи габолабассзхи оруяха ж̇ивхааяа д̇идтамаанаа пзн̣амиссаа аабод̇хаад̇у.

    Kheḷo tathārūpaṃ āhāraṃ passantassa vā sarantassa vā mukhe vā ṭhapentassa hadayaṃ vā ākilāyantassa kismiñcideva vā jigucchaṃ uppādentassa bhiyyo uppajjitvā ubhohi kapolapassehi oruyha jivhāya tiṭṭhamānā pheṇamissā āpodhātu.

    син̇гхаан̣игаа висабхааг̇аахаарауд̇увасзна сан̃ж̇аад̇ад̇хаад̇угкобхасса ваа род̣̇анд̇асса ваа анд̇осийсз мад̇т̇алун̇г̇ад̇о г̇алид̇ваа д̇аалумад̇т̇агавиварзна од̇арид̇ваа наасаабудз буурзд̇ваа д̇идтанд̇ам̣ ваа баг̇гхаранд̇ам̣ ваа бууд̇и асужи бижчилам̣.

    Siṅghāṇikā visabhāgāhārautuvasena sañjātadhātukkhobhassa vā rodantassa vā antosīse matthaluṅgato galitvā tālumatthakavivarena otaritvā nāsāpuṭe pūretvā tiṭṭhantaṃ vā paggharantaṃ vā pūti asuci picchilaṃ.

    ласигаа адтисанд̇хийнам̣ аб̣бхан̃ж̇анагижжам̣ саад̇хаяамаанам̣ асийд̇исад̇асанд̇хийнам̣ аб̣бханд̇арз тид̇ам̣ бижчилагун̣абам̣.

    Lasikā aṭṭhisandhīnaṃ abbhañjanakiccaṃ sādhayamānaṃ asītisatasandhīnaṃ abbhantare ṭhitaṃ picchilakuṇapaṃ.

    муд̇д̇ам̣ аахаарауд̇увасзна вад̇т̇ибудаб̣бханд̇арз тид̇аа аабод̇хаад̇у.

    Muttaṃ āhārautuvasena vatthipuṭabbhantare ṭhitā āpodhātu.

    мад̇т̇алун̇г̇ам̣ сийсагадаахаб̣бханд̇арз жад̇д̇ааро сиб̣б̣инимаг̇г̇з ниссааяа тид̇о жад̇убин̣д̣асамод̇хаано мин̃ж̇арааси.

    Matthaluṅgaṃ sīsakaṭāhabbhantare cattāro sibbinimagge nissāya ṭhito catupiṇḍasamodhāno miñjarāsi.

    жагкааяад̇анаад̣̇ийни д̣̇ваад̣̇аса виссаж̇ж̇анаани д̣̇ваад̣̇асааяад̇анавасзна нид̣̇д̣̇идтаани. ааяад̇анад̇о, ааяаанам̣ д̇ананад̇о, ааяад̇асса жа наяанад̇о ааяад̇анам̣. жагкуруубаад̣̇ийсу хи д̇ам̣д̇ам̣д̣̇ваараарамман̣аа жид̇д̇ажзд̇асигаа д̇хаммаа сзна сзна анубхаванаад̣̇инаа гижжзна ааяад̇анд̇и удтаханд̇и гхаданд̇и, вааяаманд̇ийд̇и вуд̇д̇ам̣ ход̇и. д̇з жа бана ааяабхууд̇з д̇хаммз зд̇аани д̇анонд̇и, вид̇т̇аарзнд̇ийд̇и вуд̇д̇ам̣ ход̇и. ид̣̇ан̃жа анамад̇аг̇г̇з сам̣саарз бавад̇д̇ам̣ ад̇ийва ааяад̇ам̣ сам̣саарад̣̇угкам̣ яаава на нивад̇д̇ад̇и, д̇аава наяанд̇и, бавад̇д̇аяанд̇ийд̇и вуд̇д̇ам̣ ход̇и.

    Cakkhāyatanādīni dvādasa vissajjanāni dvādasāyatanavasena niddiṭṭhāni. Āyatanato, āyānaṃ tananato, āyatassa ca nayanato āyatanaṃ. Cakkhurūpādīsu hi taṃtaṃdvārārammaṇā cittacetasikā dhammā sena sena anubhavanādinā kiccena āyatanti uṭṭhahanti ghaṭanti, vāyamantīti vuttaṃ hoti. Te ca pana āyabhūte dhamme etāni tanonti, vitthārentīti vuttaṃ hoti. Idañca anamatagge saṃsāre pavattaṃ atīva āyataṃ saṃsāradukkhaṃ yāva na nivattati, tāva nayanti, pavattayantīti vuttaṃ hoti.

    абижа ниваасадтаанадтзна аагарадтзна самосаран̣адтаанадтзна сан̃ж̇аад̇ид̣̇зсадтзна гааран̣адтзна жа ааяад̇анам̣ . д̇ат̇аа хи логз ‘‘иссарааяад̇анам̣ ваасуд̣̇звааяад̇ана’’нд̇иаад̣̇ийсу ниваасадтаанам̣ ‘‘ааяад̇ана’’нд̇и вужжад̇и. ‘‘суван̣н̣ааяад̇анам̣ раж̇ад̇ааяад̇ана’’нд̇иаад̣̇ийсу аагаро. саасанз бана ‘‘манорамз ааяад̇анз, сзванд̇и нам̣ вихан̇г̇амаа’’д̇иаад̣̇ийсу (а. ни. 5.38) самосаран̣адтаанам̣. ‘‘д̣̇агкин̣аабат̇о г̇уннам̣ ааяад̇ана’’нд̇иаад̣̇ийсу сан̃ж̇аад̇ид̣̇зсо. ‘‘д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇иааяад̇анз’’д̇иаад̣̇ийсу (а. ни. 3.102; 5.23) гааран̣ам̣. жагкуаад̣̇ийсу жааби д̇з д̇з жид̇д̇ажзд̇асигаа д̇хаммаа нивасанд̇и д̇ад̣̇ааяад̇д̇авуд̇д̇ид̇ааяаад̇и жагкаад̣̇аяо нзсам̣ ниваасадтаанам̣ , жагкаад̣̇ийсу жа д̇з аагин̣н̣аа д̇анниссаяад̇д̇аа д̇ад̣̇аарамман̣ад̇д̇аа жаад̇и жагкаад̣̇аяо жа нзсам̣ аагаро, д̇ад̇т̇а д̇ад̇т̇а вад̇т̇уд̣̇ваараарамман̣авасзна самосаран̣ад̇о жагкаад̣̇аяо жа нзсам̣ самосаран̣адтаанам̣, д̇ам̣ниссаяаарамман̣абхаавзна д̇ад̇т̇зва уббад̇д̇ид̇о жагкаад̣̇аяо жа нзсам̣ сан̃ж̇аад̇ид̣̇зсо, жагкаад̣̇ийнам̣ абхаавз абхаавад̇о жагкаад̣̇аяо жа нзсам̣ гааран̣анд̇и яат̇аавуд̇д̇знад̇т̇зна жагку жа д̇ам̣ ааяад̇анан̃жаад̇и жагкааяад̇анам̣. звам̣ сзсааниби.

    Apica nivāsaṭṭhānaṭṭhena ākaraṭṭhena samosaraṇaṭṭhānaṭṭhena sañjātidesaṭṭhena kāraṇaṭṭhena ca āyatanaṃ . Tathā hi loke ‘‘issarāyatanaṃ vāsudevāyatana’’ntiādīsu nivāsaṭṭhānaṃ ‘‘āyatana’’nti vuccati. ‘‘Suvaṇṇāyatanaṃ rajatāyatana’’ntiādīsu ākaro. Sāsane pana ‘‘manorame āyatane, sevanti naṃ vihaṅgamā’’tiādīsu (a. ni. 5.38) samosaraṇaṭṭhānaṃ. ‘‘Dakkhiṇāpatho gunnaṃ āyatana’’ntiādīsu sañjātideso. ‘‘Tatra tatreva sakkhibhabbataṃ pāpuṇāti sati satiāyatane’’tiādīsu (a. ni. 3.102; 5.23) kāraṇaṃ. Cakkhuādīsu cāpi te te cittacetasikā dhammā nivasanti tadāyattavuttitāyāti cakkhādayo nesaṃ nivāsaṭṭhānaṃ , cakkhādīsu ca te ākiṇṇā tannissayattā tadārammaṇattā cāti cakkhādayo ca nesaṃ ākaro, tattha tattha vatthudvārārammaṇavasena samosaraṇato cakkhādayo ca nesaṃ samosaraṇaṭṭhānaṃ, taṃnissayārammaṇabhāvena tattheva uppattito cakkhādayo ca nesaṃ sañjātideso, cakkhādīnaṃ abhāve abhāvato cakkhādayo ca nesaṃ kāraṇanti yathāvuttenatthena cakkhu ca taṃ āyatanañcāti cakkhāyatanaṃ. Evaṃ sesānipi.

    жагкуд̇хаад̇аад̣̇ийни адтаараса виссаж̇ж̇анаани адтаарасад̇хаад̇увасзна нид̣̇д̣̇идтаани. жагкаад̣̇ийсу згзго д̇хаммо яат̇аасамбхавам̣ вид̣̇ахад̇и, д̇хийяад̇з, вид̇хаанам̣ вид̇хийяад̇з, зд̇ааяа, зд̇т̇а ваа д̇хийяад̇ийд̇и д̇хаад̇у. логияаа хи д̇хаад̇уяо гааран̣абхаавзна вавад̇т̇ид̇аа худ̇ваа суван̣н̣араж̇ад̇аад̣̇ид̇хаад̇уяо вияа суван̣н̣араж̇ад̇аад̣̇им̣, анзгаббагаарам̣ сам̣саарад̣̇угкам̣ вид̣̇аханд̇и. бхаарахаарзхи жа бхааро вияа сад̇д̇зхи д̇хийяанд̇з, д̇хаарийяанд̇ийд̇и ад̇т̇о. д̣̇угкавид̇хаанамад̇д̇амзва жзд̇аа авасавад̇д̇анад̇о. зд̇аахи жа гаран̣абхууд̇аахи сам̣саарад̣̇угкам̣ сад̇д̇зхи анувид̇хийяад̇и. д̇ат̇аавихид̇ан̃жзд̇ам̣ зд̇аасвзва д̇хийяад̇и, табийяад̇ийд̇и ад̇т̇о. абижа яат̇аа д̇ид̇т̇ияаанам̣ ад̇д̇аа наама сабхаавад̇о над̇т̇и, на звамзд̇аа. зд̇аа бана ад̇д̇ано сабхаавам̣ д̇хаарзнд̇ийд̇и д̇хаад̇уяо. яат̇аа жа логз вижид̇д̇аа харид̇ааламаносилаад̣̇аяо сзлааваяаваа д̇хаад̇уяод̇и вужжанд̇и, звамзд̇ааби д̇хаад̇уяо вияаад̇и д̇хаад̇уяо. вижид̇д̇аа хзд̇аа н̃аан̣анзяяааваяаваад̇и. яат̇аа ваа сарийрасан̇каад̇асса самуд̣̇ааяасса аваяавабхууд̇зсу расасон̣ид̇аад̣̇ийсу ан̃н̃аман̃н̃ависабхааг̇алагкан̣абарижчиннзсу д̇хаад̇усаман̃н̃аа, звамзвзд̇зсуби бан̃жагканд̇хасан̇каад̇асса ад̇д̇абхаавасса аваяавзсу д̇хаад̇усаман̃н̃аа взд̣̇ид̇аб̣б̣аа. ан̃н̃аман̃н̃ависабхааг̇алагкан̣абарижчиннаа хзд̇з жагкаад̣̇аяод̇и. абижа д̇хаад̇ууд̇и ниж̇ж̇ийвамад̇д̇ассзд̇ам̣ ад̇хиважанам̣. д̇ат̇аа хи бхаг̇аваа ‘‘чад̇хаад̇уро аяам̣ бхигку бурисо’’д̇иаад̣̇ийсу (ма. ни. 3.343-344) ж̇ийвасан̃н̃аасамуухананад̇т̇ам̣ д̇хаад̇уд̣̇зсанам̣ агаасийд̇и. яат̇аавуд̇д̇знад̇т̇зна жагку жа д̇ам̣ д̇хаад̇у жаад̇и жагкуд̇хаад̇у. звам̣ сзсааби. манод̇хаад̇ууд̇и жа д̇иссо манод̇хаад̇уяо. д̇хаммад̇хаад̇ууд̇и взд̣̇анаасан̃н̃аасан̇каарагканд̇хаа сол̣аса сукумаруубаани ниб̣б̣аанан̃жа. мановин̃н̃аан̣ад̇хаад̇ууд̇и часад̇д̇ад̇и мановин̃н̃аан̣ад̇хаад̇уяо.

    Cakkhudhātādīni aṭṭhārasa vissajjanāni aṭṭhārasadhātuvasena niddiṭṭhāni. Cakkhādīsu ekeko dhammo yathāsambhavaṃ vidahati, dhīyate, vidhānaṃ vidhīyate, etāya, ettha vā dhīyatīti dhātu. Lokiyā hi dhātuyo kāraṇabhāvena vavatthitā hutvā suvaṇṇarajatādidhātuyo viya suvaṇṇarajatādiṃ, anekappakāraṃ saṃsāradukkhaṃ vidahanti. Bhārahārehi ca bhāro viya sattehi dhīyante, dhārīyantīti attho. Dukkhavidhānamattameva cetā avasavattanato. Etāhi ca karaṇabhūtāhi saṃsāradukkhaṃ sattehi anuvidhīyati. Tathāvihitañcetaṃ etāsveva dhīyati, ṭhapīyatīti attho. Apica yathā titthiyānaṃ attā nāma sabhāvato natthi, na evametā. Etā pana attano sabhāvaṃ dhārentīti dhātuyo. Yathā ca loke vicittā haritālamanosilādayo selāvayavā dhātuyoti vuccanti, evametāpi dhātuyo viyāti dhātuyo. Vicittā hetā ñāṇaneyyāvayavāti. Yathā vā sarīrasaṅkhātassa samudāyassa avayavabhūtesu rasasoṇitādīsu aññamaññavisabhāgalakkhaṇaparicchinnesu dhātusamaññā, evamevetesupi pañcakkhandhasaṅkhātassa attabhāvassa avayavesu dhātusamaññā veditabbā. Aññamaññavisabhāgalakkhaṇaparicchinnā hete cakkhādayoti. Apica dhātūti nijjīvamattassetaṃ adhivacanaṃ. Tathā hi bhagavā ‘‘chadhāturo ayaṃ bhikkhu puriso’’tiādīsu (ma. ni. 3.343-344) jīvasaññāsamūhananatthaṃ dhātudesanaṃ akāsīti. Yathāvuttenatthena cakkhu ca taṃ dhātu cāti cakkhudhātu. Evaṃ sesāpi. Manodhātūti ca tisso manodhātuyo. Dhammadhātūti vedanāsaññāsaṅkhārakkhandhā soḷasa sukhumarūpāni nibbānañca. Manoviññāṇadhātūti chasattati manoviññāṇadhātuyo.

    жагкунд̣̇рияаад̣̇ийни б̣аавийсад̇и виссаж̇ж̇анаани б̣аавийсад̇инд̣̇рияавасзна нид̣̇д̣̇идтаани. жагкумзва д̣̇ассаналагкан̣з инд̣̇адтам̣ гаарзд̇ийд̇и жагкунд̣̇рияам̣. сод̇амзва саваналагкан̣з инд̣̇адтам̣ гаарзд̇ийд̇и сод̇инд̣̇рияам̣. гхаанамзва гхааяаналагкан̣з инд̣̇адтам̣ гаарзд̇ийд̇и гхаанинд̣̇рияам̣. ж̇ивхаа зва сааяаналагкан̣з инд̣̇адтам̣ гаарзд̇ийд̇и ж̇ивхинд̣̇рияам̣. гааяо зва пусаналагкан̣з инд̣̇адтам̣ гаарзд̇ийд̇и гааяинд̣̇рияам̣. манад̇з ид̇и мано, виж̇аанаад̇ийд̇и ад̇т̇о. адтагат̇аажарияаа банааху – наалияаа минамаано вияа махаад̇улааяа д̇хаараяамаано вияа жа аарамман̣ам̣ манад̇и ж̇аанаад̇ийд̇и мано, д̇ад̣̇зва мананалагкан̣з инд̣̇адтам̣ гаарзд̇ийд̇и манинд̣̇рияам̣.

    Cakkhundriyādīni bāvīsati vissajjanāni bāvīsatindriyavasena niddiṭṭhāni. Cakkhumeva dassanalakkhaṇe indaṭṭhaṃ kāretīti cakkhundriyaṃ. Sotameva savanalakkhaṇe indaṭṭhaṃ kāretīti sotindriyaṃ. Ghānameva ghāyanalakkhaṇe indaṭṭhaṃ kāretīti ghānindriyaṃ. Jivhā eva sāyanalakkhaṇe indaṭṭhaṃ kāretīti jivhindriyaṃ. Kāyo eva phusanalakkhaṇe indaṭṭhaṃ kāretīti kāyindriyaṃ. Manate iti mano, vijānātīti attho. Aṭṭhakathācariyā panāhu – nāliyā minamāno viya mahātulāya dhārayamāno viya ca ārammaṇaṃ manati jānātīti mano, tadeva mananalakkhaṇe indaṭṭhaṃ kāretīti manindriyaṃ.

    ж̇ийванд̇и д̇зна д̇ам̣сахаж̇аад̇аа д̇хаммаад̇и ж̇ийвид̇ам̣, д̇ад̣̇зва анубааланалагкан̣з инд̣̇адтам̣ гаарзд̇ийд̇и ж̇ийвид̇инд̣̇рияам̣. д̇ам̣ руубаж̇ийвид̇инд̣̇рияам̣ аруубаж̇ийвид̇инд̣̇рияанд̇и д̣̇увид̇хам̣. саб̣б̣агаммаж̇аруубасахаж̇ам̣ сахаж̇аруубаанубааланам̣ руубаж̇ийвид̇инд̣̇рияам̣, саб̣б̣ажид̇д̇асахаж̇ам̣ сахаж̇ааруубаанубааланам̣ аруубаж̇ийвид̇инд̣̇рияам̣.

    Jīvanti tena taṃsahajātā dhammāti jīvitaṃ, tadeva anupālanalakkhaṇe indaṭṭhaṃ kāretīti jīvitindriyaṃ. Taṃ rūpajīvitindriyaṃ arūpajīvitindriyanti duvidhaṃ. Sabbakammajarūpasahajaṃ sahajarūpānupālanaṃ rūpajīvitindriyaṃ, sabbacittasahajaṃ sahajaarūpānupālanaṃ arūpajīvitindriyaṃ.

    т̇ийяад̇и сан̇гхаад̇ам̣ г̇ажчад̇и зд̇иссаа г̇аб̣бход̇и ид̇т̇ий, ид̇т̇илин̇г̇аад̣̇ийсу инд̣̇адтам̣ гаарзд̇ийд̇и инд̣̇рияам̣, нияамад̇о ид̇т̇ияаа зва инд̣̇рияам̣ ид̇т̇инд̣̇рияам̣.

    Thīyati saṅghātaṃ gacchati etissā gabbhoti itthī, itthiliṅgādīsu indaṭṭhaṃ kāretīti indriyaṃ, niyamato itthiyā eva indriyaṃ itthindriyaṃ.

    бум̣-вужжад̇и нираяо, бум̣ сан̇каад̇з нираяз рисийяад̇и хим̣сийяад̇ийд̇и бурисо, бурисалин̇г̇аад̣̇ийсу инд̣̇адтам̣ гаарзд̇ийд̇и инд̣̇рияам̣, нияамад̇о бурисассзва инд̣̇рияам̣ бурисинд̣̇рияам̣. д̣̇вийсубзд̇зсу згзгам̣ сабхаавагасса згзгасса гаммаж̇аруубасахаж̇ам̣ ход̇и.

    Puṃ-vuccati nirayo, puṃ saṅkhāte niraye risīyati hiṃsīyatīti puriso, purisaliṅgādīsu indaṭṭhaṃ kāretīti indriyaṃ, niyamato purisasseva indriyaṃ purisindriyaṃ. Dvīsupetesu ekekaṃ sabhāvakassa ekekassa kammajarūpasahajaṃ hoti.

    гусалавибаагагааяавин̃н̃аан̣асамбаяуд̇д̇ам̣ сукам̣, гааяигасаад̇алагкан̣з инд̣̇адтам̣ гаарзд̇ийд̇и инд̣̇рияам̣, сукамзва инд̣̇рияам̣ сукинд̣̇рияам̣.

    Kusalavipākakāyaviññāṇasampayuttaṃ sukhaṃ, kāyikasātalakkhaṇe indaṭṭhaṃ kāretīti indriyaṃ, sukhameva indriyaṃ sukhindriyaṃ.

    агусалавибаагагааяавин̃н̃аан̣асамбаяуд̇д̇ам̣ д̣̇угкам̣, гааяигаасаад̇алагкан̣з инд̣̇адтам̣ гаарзд̇ийд̇и инд̣̇рияам̣, д̣̇угкамзва инд̣̇рияам̣ д̣̇угкинд̣̇рияам̣.

    Akusalavipākakāyaviññāṇasampayuttaṃ dukkhaṃ, kāyikaasātalakkhaṇe indaṭṭhaṃ kāretīti indriyaṃ, dukkhameva indriyaṃ dukkhindriyaṃ.

    бийд̇исоманассаяог̇ад̇о собханам̣ мано ассаад̇и сумано, суманасса бхааво соманассам̣, жзд̇асигасаад̇алагкан̣з инд̣̇адтам̣ гаарзд̇ийд̇и инд̣̇рияам̣, соманассамзва инд̣̇рияам̣ соманассинд̣̇рияам̣.

    Pītisomanassayogato sobhanaṃ mano assāti sumano, sumanassa bhāvo somanassaṃ, cetasikasātalakkhaṇe indaṭṭhaṃ kāretīti indriyaṃ, somanassameva indriyaṃ somanassindriyaṃ.

    д̣̇оманассаяог̇ад̇о д̣̇удту мано ассаад̇и, хийнавзд̣̇анад̇д̇аа ваа гужчид̇ам̣ мано ассаад̇и д̣̇уммано, д̣̇умманасса бхааво д̣̇оманассам̣, жзд̇асигаасаад̇алагкан̣з инд̣̇адтам̣ гаарзд̇ийд̇и инд̣̇рияам̣, д̣̇оманассамзва инд̣̇рияам̣ д̣̇оманассинд̣̇рияам̣. сукад̣̇угкаагаарабавад̇д̇им̣ убзгкад̇и маж̇жхад̇д̇аагаарасан̣тид̇ад̇д̇аа д̇знаагаарзна бавад̇д̇ад̇ийд̇и убзгкаа, маж̇жхад̇д̇алагкан̣з инд̣̇адтам̣ гаарзд̇ийд̇и инд̣̇рияам̣, убзгкаа зва инд̣̇рияам̣ убзгкинд̣̇рияам̣.

    Domanassayogato duṭṭhu mano assāti, hīnavedanattā vā kucchitaṃ mano assāti dummano, dummanassa bhāvo domanassaṃ, cetasikaasātalakkhaṇe indaṭṭhaṃ kāretīti indriyaṃ, domanassameva indriyaṃ domanassindriyaṃ. Sukhadukkhākārapavattiṃ upekkhati majjhattākārasaṇṭhitattā tenākārena pavattatīti upekkhā, majjhattalakkhaṇe indaṭṭhaṃ kāretīti indriyaṃ, upekkhā eva indriyaṃ upekkhindriyaṃ.

    сад̣̇д̣̇аханд̇и зд̇ааяа, саяам̣ ваа сад̣̇д̣̇ахад̇и, сад̣̇д̣̇аханамад̇д̇амзва ваа зсаад̇и сад̣̇д̇хаа, ассад̣̇д̇хияасса абхибхаванад̇о ад̇хибад̇иад̇т̇зна инд̣̇рияам̣, ад̇химогкалагкан̣з ваа инд̣̇адтам̣ гаарзд̇ийд̇и инд̣̇рияам̣, сад̣̇д̇хааязва инд̣̇рияам̣ сад̣̇д̇хинд̣̇рияам̣.

    Saddahanti etāya, sayaṃ vā saddahati, saddahanamattameva vā esāti saddhā, assaddhiyassa abhibhavanato adhipatiatthena indriyaṃ, adhimokkhalakkhaṇe vā indaṭṭhaṃ kāretīti indriyaṃ, saddhāyeva indriyaṃ saddhindriyaṃ.

    вийрабхааво вийрияам̣, вийраанам̣ ваа гаммам̣, вид̇хинаа ваа наязна ийраяид̇аб̣б̣ам̣ бавад̇д̇аяид̇аб̣б̣анд̇и вийрияам̣, госаж̇ж̇асса абхибхаванад̇о ад̇хибад̇иад̇т̇зна инд̣̇рияам̣, баг̇г̇ахан̣алагкан̣з ваа инд̣̇адтам̣ гаарзд̇ийд̇и инд̣̇рияам̣, вийрияамзва инд̣̇рияам̣ вийрияинд̣̇рияам̣.

    Vīrabhāvo vīriyaṃ, vīrānaṃ vā kammaṃ, vidhinā vā nayena īrayitabbaṃ pavattayitabbanti vīriyaṃ, kosajjassa abhibhavanato adhipatiatthena indriyaṃ, paggahaṇalakkhaṇe vā indaṭṭhaṃ kāretīti indriyaṃ, vīriyameva indriyaṃ vīriyindriyaṃ.

    саранд̇и д̇ааяа, саяам̣ ваа сарад̇и, саран̣амад̇д̇амзва ваа зсаад̇и сад̇и, мудтасажжасса абхибхаванад̇о ад̇хибад̇иад̇т̇зна инд̣̇рияам̣, убадтааналагкан̣з ваа инд̣̇адтам̣ гаарзд̇ийд̇и инд̣̇рияам̣, сад̇и зва инд̣̇рияам̣ сад̇инд̣̇рияам̣.

    Saranti tāya, sayaṃ vā sarati, saraṇamattameva vā esāti sati, muṭṭhasaccassa abhibhavanato adhipatiatthena indriyaṃ, upaṭṭhānalakkhaṇe vā indaṭṭhaṃ kāretīti indriyaṃ, sati eva indriyaṃ satindriyaṃ.

    аарамман̣з жид̇д̇ам̣ саммаа аад̇хияад̇и табзд̇ийд̇и самаад̇хи, вигкзбасса абхибхаванад̇о ад̇хибад̇иад̇т̇зна инд̣̇рияам̣, авигкзбалагкан̣з ваа инд̣̇адтам̣ гаарзд̇ийд̇и инд̣̇рияам̣, самаад̇хи зва инд̣̇рияам̣ самаад̇хинд̣̇рияам̣.

    Ārammaṇe cittaṃ sammā ādhiyati ṭhapetīti samādhi, vikkhepassa abhibhavanato adhipatiatthena indriyaṃ, avikkhepalakkhaṇe vā indaṭṭhaṃ kāretīti indriyaṃ, samādhi eva indriyaṃ samādhindriyaṃ.

    ‘‘ид̣̇ам̣ д̣̇угка’’нд̇иаад̣̇инаа наязна арияасажжаани баж̇аанаад̇ийд̇и бан̃н̃аа. адтагат̇ааяам̣ бана ‘‘анижжам̣ д̣̇угкаманад̇д̇аад̇и бан̃н̃аабанавасзна бан̃н̃аа’’д̇и вуд̇д̇ам̣. авиж̇ж̇ааяа абхибхаванад̇о ад̇хибад̇иад̇т̇зна инд̣̇рияам̣, д̣̇ассаналагкан̣з ваа инд̣̇адтам̣ гаарзд̇ийд̇и инд̣̇рияам̣, бан̃н̃аа зва инд̣̇рияам̣ бан̃н̃инд̣̇рияам̣.

    ‘‘Idaṃ dukkha’’ntiādinā nayena ariyasaccāni pajānātīti paññā. Aṭṭhakathāyaṃ pana ‘‘aniccaṃ dukkhamanattāti paññāpanavasena paññā’’ti vuttaṃ. Avijjāya abhibhavanato adhipatiatthena indriyaṃ, dassanalakkhaṇe vā indaṭṭhaṃ kāretīti indriyaṃ, paññā eva indriyaṃ paññindriyaṃ.

    анамад̇аг̇г̇з сам̣саараваддз анан̃н̃аад̇ам̣ амад̇ам̣ бад̣̇ам̣ жад̇усажжад̇хаммамзва ваа ж̇ааниссаамийд̇и бадибаннасса уббаж̇ж̇анад̇о инд̣̇рияадтасамбхавад̇о жа анан̃н̃аад̇ан̃н̃ассаамийд̇инд̣̇рияам̣. сод̇аабад̇д̇имаг̇г̇ан̃аан̣ассзд̇ам̣ наамам̣.

    Anamatagge saṃsāravaṭṭe anaññātaṃ amataṃ padaṃ catusaccadhammameva vā jānissāmīti paṭipannassa uppajjanato indriyaṭṭhasambhavato ca anaññātaññassāmītindriyaṃ. Sotāpattimaggañāṇassetaṃ nāmaṃ.

    батамамаг̇г̇зна н̃аад̇ам̣ марияаад̣̇ам̣ анад̇иггамид̇ваа д̇зсам̣язва д̇зна маг̇г̇зна н̃аад̇аанам̣ жад̇усажжад̇хаммаанамзва ж̇аананад̇о инд̣̇рияадтасамбхавад̇о жа ааж̇аананагам̣ инд̣̇рияам̣ ан̃н̃инд̣̇рияам̣. сод̇аабад̇д̇ипалаад̣̇ийсу часу таанзсу н̃аан̣ассзд̇ам̣ наамам̣.

    Paṭhamamaggena ñātaṃ mariyādaṃ anatikkamitvā tesaṃyeva tena maggena ñātānaṃ catusaccadhammānameva jānanato indriyaṭṭhasambhavato ca ājānanakaṃ indriyaṃ aññindriyaṃ. Sotāpattiphalādīsu chasu ṭhānesu ñāṇassetaṃ nāmaṃ.

    ан̃н̃аад̇аавино жад̇усажжзсу нидтид̇ан̃аан̣агижжасса кийн̣аасавасса уббаж̇ж̇анад̇о инд̣̇рияадтасамбхавад̇о жа ан̃н̃аад̇аавинд̣̇рияам̣, ан̃н̃аад̇аавийнам̣ ваа жад̇уусу сажжзсу нидтид̇агижжаанам̣ жад̇д̇аари сажжаани бадивиж̇жхид̇ваа тид̇аанам̣ д̇хаммаанам̣ аб̣бханд̇арз инд̣̇адтасаад̇ханзна ан̃н̃аад̇аавинд̣̇рияам̣. арахад̇д̇апалан̃аан̣ассзд̇ам̣ наамам̣. саб̣б̣аанибзд̇аани яат̇ааяог̇ам̣ инд̣̇алин̇г̇адтзна инд̣̇ад̣̇зсид̇адтзна инд̣̇ад̣̇идтадтзна инд̣̇асидтадтзна инд̣̇аж̇удтадтзна жа инд̣̇рияаани. бхаг̇аваа хи саммаасамб̣уд̣̇д̇хо барамиссарияабхаавад̇о инд̣̇о, гусалаагусалан̃жа гаммам̣ гаммзсу гассажи иссарияаабхаавад̇о. д̇знзвзд̇т̇а гаммаж̇анид̇аани инд̣̇рияаани гусалаагусалагаммам̣ уллин̇г̇знд̇и , д̇зна жа сидтаанийд̇и инд̣̇алин̇г̇адтзна инд̣̇асидтадтзна жа инд̣̇рияаани. саб̣б̣аанзва банзд̇аани бхаг̇авад̇аа мунинд̣̇зна яат̇аабхууд̇ад̇о багаасид̇аани абхисамб̣уд̣̇д̇хаани жаад̇и инд̣̇ад̣̇зсид̇адтзна инд̣̇ад̣̇идтадтзна жа инд̣̇рияаани. д̇знзва жа бхаг̇авад̇аа мунинд̣̇зна гаанижи г̇ожараасзванааяа, гаанижи бхааванаасзванааяа сзвид̇аанийд̇и инд̣̇аж̇удтадтзнаби инд̣̇рияаани. аби жа аад̇хибажжасан̇каад̇зна иссарияадтзнаби зд̇аани инд̣̇рияаани. жагкувин̃н̃аан̣аад̣̇ибавад̇д̇ияан̃хи жагкаад̣̇ийнам̣ сид̣̇д̇хамаад̇хибажжам̣ д̇асмим̣ д̇игкз д̇игкад̇д̇аа манд̣̇з жа манд̣̇ад̇д̇аад̇и.

    Aññātāvino catusaccesu niṭṭhitañāṇakiccassa khīṇāsavassa uppajjanato indriyaṭṭhasambhavato ca aññātāvindriyaṃ, aññātāvīnaṃ vā catūsu saccesu niṭṭhitakiccānaṃ cattāri saccāni paṭivijjhitvā ṭhitānaṃ dhammānaṃ abbhantare indaṭṭhasādhanena aññātāvindriyaṃ. Arahattaphalañāṇassetaṃ nāmaṃ. Sabbānipetāni yathāyogaṃ indaliṅgaṭṭhena indadesitaṭṭhena indadiṭṭhaṭṭhena indasiṭṭhaṭṭhena indajuṭṭhaṭṭhena ca indriyāni. Bhagavā hi sammāsambuddho paramissariyabhāvato indo, kusalākusalañca kammaṃ kammesu kassaci issariyābhāvato. Tenevettha kammajanitāni indriyāni kusalākusalakammaṃ ulliṅgenti , tena ca siṭṭhānīti indaliṅgaṭṭhena indasiṭṭhaṭṭhena ca indriyāni. Sabbāneva panetāni bhagavatā munindena yathābhūtato pakāsitāni abhisambuddhāni cāti indadesitaṭṭhena indadiṭṭhaṭṭhena ca indriyāni. Teneva ca bhagavatā munindena kānici gocarāsevanāya, kānici bhāvanāsevanāya sevitānīti indajuṭṭhaṭṭhenapi indriyāni. Api ca ādhipaccasaṅkhātena issariyaṭṭhenapi etāni indriyāni. Cakkhuviññāṇādipavattiyañhi cakkhādīnaṃ siddhamādhipaccaṃ tasmiṃ tikkhe tikkhattā mande ca mandattāti.

    5.

    5.

    гаамад̇хаад̇уаад̣̇ийни д̣̇ваад̣̇аса виссаж̇ж̇анаани бхаваббабхзд̣̇авасзна нид̣̇д̣̇идтаани. гаамарааг̇асан̇каад̇зна гаамзна яуд̇д̇аа д̇хаад̇у гаамад̇хаад̇у, гаамасан̇каад̇аа ваа д̇хаад̇у гаамад̇хаад̇у.

    Kāmadhātuādīni dvādasa vissajjanāni bhavappabhedavasena niddiṭṭhāni. Kāmarāgasaṅkhātena kāmena yuttā dhātu kāmadhātu, kāmasaṅkhātā vā dhātu kāmadhātu.

    гаамам̣ бахааяа руубзна яуд̇д̇аа д̇хаад̇у руубад̇хаад̇у, руубасан̇каад̇аа ваа д̇хаад̇у руубад̇хаад̇у.

    Kāmaṃ pahāya rūpena yuttā dhātu rūpadhātu, rūpasaṅkhātā vā dhātu rūpadhātu.

    гааман̃жа руубан̃жа бахааяа аруубзна яуд̇д̇аа д̇хаад̇у аруубад̇хаад̇у, аруубасан̇каад̇аа ваа д̇хаад̇у аруубад̇хаад̇у.

    Kāmañca rūpañca pahāya arūpena yuttā dhātu arūpadhātu, arūpasaṅkhātā vā dhātu arūpadhātu.

    д̇аа зва д̇хаад̇уяо буна бхавабарияааязна вуд̇д̇аа. бхавад̇ийд̇и хи бхавод̇и вужжад̇и. сан̃н̃ааяа яуд̇д̇о бхаво сан̃н̃аабхаво, сан̃н̃аасахаг̇ад̇о ваа бхаво сан̃н̃аабхаво, сан̃н̃аа ваа зд̇т̇а бхавз ад̇т̇ийд̇и сан̃н̃аабхаво. со гаамабхаво жа асан̃н̃аабхавамуд̇д̇о руубабхаво жа нзвасан̃н̃аанаасан̃н̃аабхавамуд̇д̇о аруубабхаво жа ход̇и.

    Tā eva dhātuyo puna bhavapariyāyena vuttā. Bhavatīti hi bhavoti vuccati. Saññāya yutto bhavo saññābhavo, saññāsahagato vā bhavo saññābhavo, saññā vā ettha bhave atthīti saññābhavo. So kāmabhavo ca asaññābhavamutto rūpabhavo ca nevasaññānāsaññābhavamutto arūpabhavo ca hoti.

    на сан̃н̃аабхаво асан̃н̃аабхаво, со руубабхавзгад̣̇зсо.

    Na saññābhavo asaññābhavo, so rūpabhavekadeso.

    ол̣ааригад̇д̇аабхаавад̇о нзвасан̃н̃аа, сукумад̇д̇зна самбхавад̇о наасан̃н̃аад̇и нзвасан̃н̃аанаасан̃н̃аа, д̇ааяа яуд̇д̇о бхаво нзвасан̃н̃аанаасан̃н̃аабхаво. ат̇а ваа ол̣ааригааяа сан̃н̃ааяа абхааваа, сукумааяа жа бхааваа нзвасан̃н̃аанаасан̃н̃аа асмим̣ бхавзд̇и нзвасан̃н̃аанаасан̃н̃аабхаво, со аруубабхавзгад̣̇зсо.

    Oḷārikattābhāvato nevasaññā, sukhumattena sambhavato nāsaññāti nevasaññānāsaññā, tāya yutto bhavo nevasaññānāsaññābhavo. Atha vā oḷārikāya saññāya abhāvā, sukhumāya ca bhāvā nevasaññānāsaññā asmiṃ bhaveti nevasaññānāsaññābhavo, so arūpabhavekadeso.

    згзна руубагканд̇хзна вогин̣н̣о бхаво згзна вогааро асса бхавассаад̇и згавогаарабхаво, со асан̃н̃абхавова.

    Ekena rūpakkhandhena vokiṇṇo bhavo ekena vokāro assa bhavassāti ekavokārabhavo, so asaññabhavova.

    жад̇уухи аруубагканд̇хзхи вогин̣н̣о бхаво жад̇уухи вогааро асса бхавассаад̇и жад̇увогаарабхаво , со аруубабхаво зва.

    Catūhi arūpakkhandhehi vokiṇṇo bhavo catūhi vokāro assa bhavassāti catuvokārabhavo, so arūpabhavo eva.

    бан̃жахи канд̇хзхи вогин̣н̣о бхаво бан̃жахи вогааро асса бхавассаад̇и бан̃жавогаарабхаво, со гаамабхаво жа руубабхавзгад̣̇зсо жа ход̇и.

    Pañcahi khandhehi vokiṇṇo bhavo pañcahi vokāro assa bhavassāti pañcavokārabhavo, so kāmabhavo ca rūpabhavekadeso ca hoti.

    6. батамаж̇жхаанаад̣̇ийни д̣̇ваад̣̇аса виссаж̇ж̇анаани жхаанасамаабад̇д̇ивасзна нид̣̇д̣̇идтаани. жхаананд̇и ид̇ха б̣рахмавихаарамад̇д̇ам̣ ад̇хиббзд̇ам̣. вид̇аггавижаарабийд̇исукажид̇д̇згаг̇г̇ад̇аасамбаяуд̇д̇ам̣ батамам̣ жхаанам̣. бийд̇исукажид̇д̇згаг̇г̇ад̇аасамбаяуд̇д̇ам̣ д̣̇уд̇ияам̣ жхаанам̣. сукажид̇д̇згаг̇г̇ад̇аасамбаяуд̇д̇ам̣ д̇ад̇ияам̣ жхаанам̣. убзгкаажид̇д̇згаг̇г̇ад̇аасамбаяуд̇д̇ам̣ жад̇уд̇т̇ам̣ жхаанам̣.

    6.Paṭhamajjhānādīni dvādasa vissajjanāni jhānasamāpattivasena niddiṭṭhāni. Jhānanti idha brahmavihāramattaṃ adhippetaṃ. Vitakkavicārapītisukhacittekaggatāsampayuttaṃ paṭhamaṃ jhānaṃ. Pītisukhacittekaggatāsampayuttaṃ dutiyaṃ jhānaṃ. Sukhacittekaggatāsampayuttaṃ tatiyaṃ jhānaṃ. Upekkhācittekaggatāsampayuttaṃ catutthaṃ jhānaṃ.

    мзд̣̇ад̇и мзж̇ж̇ад̇ийд̇и мзд̇д̇аа, синияхад̇ийд̇и ад̇т̇о. мид̇д̇з ваа бхаваа, мид̇д̇асса ваа зсаа бавад̇д̇ийд̇и мзд̇д̇аа, бажжанийгад̇хаммзхи муд̇д̇ад̇д̇аа аарамман̣з жаад̇химуд̇д̇ад̇д̇аа вимуд̇д̇и, жзд̇асо вимуд̇д̇и жзд̇овимуд̇д̇и, мзд̇д̇аа зва жзд̇овимуд̇д̇и мзд̇д̇аажзд̇овимуд̇д̇и.

    Medati mejjatīti mettā, siniyhatīti attho. Mitte vā bhavā, mittassa vā esā pavattīti mettā, paccanīkadhammehi muttattā ārammaṇe cādhimuttattā vimutti, cetaso vimutti cetovimutti, mettā eva cetovimutti mettācetovimutti.

    гарун̣аа вуд̇д̇ад̇т̇аа зва.

    Karuṇā vuttatthā eva.

    мод̣̇анд̇и д̇ааяа д̇ам̣саман̇г̇ино, саяам̣ ваа мод̣̇ад̇и, мод̣̇анамад̇д̇амзва ваа д̇анд̇и муд̣̇ид̇аа. ‘‘авзраа хонд̇уу’’д̇иаад̣̇иб̣яаабаараббахаанзна маж̇жхад̇д̇абхаавуубаг̇аманзна жа убзгкад̇ийд̇и убзгкаа. мзд̇д̇аад̣̇аяо д̇аяо б̣рахмавихаараа батамаад̣̇ийхи д̇ийхи жхаанзхи яуд̇д̇аа. убзгкааб̣рахмавихааро жад̇уд̇т̇аж̇жхаанзна яуд̇д̇о.

    Modanti tāya taṃsamaṅgino, sayaṃ vā modati, modanamattameva vā tanti muditā. ‘‘Averā hontū’’tiādibyāpārappahānena majjhattabhāvūpagamanena ca upekkhatīti upekkhā. Mettādayo tayo brahmavihārā paṭhamādīhi tīhi jhānehi yuttā. Upekkhābrahmavihāro catutthajjhānena yutto.

    паран̣авасзна над̇т̇и зд̇асса анд̇од̇и ананд̇о. аагаасо ананд̇о аагаасаананд̇о, гасин̣уг̇гхаадимаагаасо . аагаасаананд̇оязва аагаасаанан̃жам̣, д̇ам̣ аагаасаанан̃жам̣ ад̇хидтаанадтзна ааяад̇анамасса сасамбаяуд̇д̇ад̇хаммасса жхаанасса ‘‘д̣̇зваанам̣ д̣̇звааяад̇анамиваа’’д̇и аагаасаанан̃жааяад̇анам̣. аагаасаанан̃жааяад̇анамзва самаабад̇д̇и аагаасаанан̃жааяад̇анасамаабад̇д̇и. паран̣авасзна жа над̇т̇и зд̇асса анд̇од̇и ананд̇ам̣, д̇ам̣ аагаасаарамман̣ам̣ вин̃н̃аан̣ам̣. ананд̇амзва аанан̃жам̣, вин̃н̃аан̣ам̣ аанан̃жам̣ ‘‘вин̃н̃аан̣аанан̃жа’’нд̇и авад̇ваа ‘‘вин̃н̃аан̣ан̃жа’’нд̇и вуд̇д̇ам̣. аяан̃хзд̇т̇а рул̣хисад̣̇д̣̇о. д̇ам̣ вин̃н̃аан̣ан̃жам̣ ад̇хидтаанадтзна ааяад̇анамасса сасамбаяуд̇д̇ад̇хаммасса жхаанасса ‘‘д̣̇зваанам̣ д̣̇звааяад̇анамиваа’’д̇и вин̃н̃аан̣ан̃жааяад̇анам̣. над̇т̇и зд̇асса гин̃жананд̇и агин̃жанам̣, анд̇амасо бхан̇г̇амад̇д̇амби асса авасидтам̣ над̇т̇ийд̇и вуд̇д̇ам̣ ход̇и. агин̃жанасса бхааво аагин̃жан̃н̃ам̣. аагаасаанан̃жааяад̇анавин̃н̃аан̣аабхаавассзд̇ам̣ ад̇хиважанам̣. д̇ам̣ аагин̃жан̃н̃ам̣. ад̇хидтаанадтзна ааяад̇анамасса сасамбаяуд̇д̇ад̇хаммасса жхаанасса ‘‘д̣̇зваанам̣ д̣̇звааяад̇анамиваа’’д̇и аагин̃жан̃н̃ааяад̇анам̣. ол̣ааригааяа сан̃н̃ааяа абхаавад̇о, сукумааяа жа бхаавад̇о нзвасса сасамбаяуд̇д̇ад̇хаммасса жхаанасса сан̃н̃аа наасан̃н̃аад̇и нзвасан̃н̃аанаасан̃н̃ам̣. нзвасан̃н̃аанаасан̃н̃ан̃жа д̇ам̣ манааяад̇анад̇хаммааяад̇анабарияаабаннад̇д̇аа ааяад̇анан̃жаад̇и нзвасан̃н̃аанаасан̃н̃ааяад̇анам̣. ат̇а ваа яааяамзд̇т̇а сан̃н̃аа саа бадусан̃н̃аагижжам̣ гаад̇ум̣ асамад̇т̇ад̇ааяа нзвасан̃н̃аа, сан̇каараавасзсасукумабхаавзна виж̇ж̇амаанад̇д̇аа наасан̃н̃аад̇и нзвасан̃н̃аанаасан̃н̃аа, нзвасан̃н̃аанаасан̃н̃аа жа саа сзсад̇хаммаанам̣ ад̇хидтаанадтзна ааяад̇анан̃жаад̇и нзвасан̃н̃аанаасан̃н̃ааяад̇анам̣. аагин̃жан̃н̃ааяад̇анаарамман̣ааяа самаабад̇д̇ияаа зд̇ам̣ ад̇хиважанам̣. на гзвалам̣ зд̇т̇а сан̃н̃аа зд̣̇исий, ат̇а ко взд̣̇анааби нзвавзд̣̇анаа наавзд̣̇анаа. жид̇д̇амби нзважид̇д̇ам̣ наажид̇д̇ам̣. пассоби нзвапассо наапассо. зса наяо сзсасамбаяуд̇д̇ад̇хаммзсу. сан̃н̃аасийсзна банааяам̣ д̣̇зсанаа гад̇аад̇и.

    Pharaṇavasena natthi etassa antoti ananto. Ākāso ananto ākāsānanto, kasiṇugghāṭimākāso . Ākāsānantoyeva ākāsānañcaṃ, taṃ ākāsānañcaṃ adhiṭṭhānaṭṭhena āyatanamassa sasampayuttadhammassa jhānassa ‘‘devānaṃ devāyatanamivā’’ti ākāsānañcāyatanaṃ. Ākāsānañcāyatanameva samāpatti ākāsānañcāyatanasamāpatti. Pharaṇavasena ca natthi etassa antoti anantaṃ, taṃ ākāsārammaṇaṃ viññāṇaṃ. Anantameva ānañcaṃ, viññāṇaṃ ānañcaṃ ‘‘viññāṇānañca’’nti avatvā ‘‘viññāṇañca’’nti vuttaṃ. Ayañhettha ruḷhisaddo. Taṃ viññāṇañcaṃ adhiṭṭhānaṭṭhena āyatanamassa sasampayuttadhammassa jhānassa ‘‘devānaṃ devāyatanamivā’’ti viññāṇañcāyatanaṃ. Natthi etassa kiñcananti akiñcanaṃ, antamaso bhaṅgamattampi assa avasiṭṭhaṃ natthīti vuttaṃ hoti. Akiñcanassa bhāvo ākiñcaññaṃ. Ākāsānañcāyatanaviññāṇābhāvassetaṃ adhivacanaṃ. Taṃ ākiñcaññaṃ. Adhiṭṭhānaṭṭhena āyatanamassa sasampayuttadhammassa jhānassa ‘‘devānaṃ devāyatanamivā’’ti ākiñcaññāyatanaṃ. Oḷārikāya saññāya abhāvato, sukhumāya ca bhāvato nevassa sasampayuttadhammassa jhānassa saññā nāsaññāti nevasaññānāsaññaṃ. Nevasaññānāsaññañca taṃ manāyatanadhammāyatanapariyāpannattā āyatanañcāti nevasaññānāsaññāyatanaṃ. Atha vā yāyamettha saññā sā paṭusaññākiccaṃ kātuṃ asamatthatāya nevasaññā, saṅkhārāvasesasukhumabhāvena vijjamānattā nāsaññāti nevasaññānāsaññā, nevasaññānāsaññā ca sā sesadhammānaṃ adhiṭṭhānaṭṭhena āyatanañcāti nevasaññānāsaññāyatanaṃ. Ākiñcaññāyatanārammaṇāya samāpattiyā etaṃ adhivacanaṃ. Na kevalaṃ ettha saññā edisī, atha kho vedanāpi nevavedanā nāvedanā. Cittampi nevacittaṃ nācittaṃ. Phassopi nevaphasso nāphasso. Esa nayo sesasampayuttadhammesu. Saññāsīsena panāyaṃ desanā katāti.

    авиж̇ж̇аад̣̇ийни д̣̇ваад̣̇аса виссаж̇ж̇анаани бадижжасамуббаад̣̇ан̇г̇авасзна нид̣̇д̣̇идтаани. буурзд̇ум̣ аяуд̇д̇адтзна гааяад̣̇ужжарид̇аад̣̇и авинд̣̇ияам̣ наама, алад̣̇д̇хаб̣б̣анд̇и ад̇т̇о. д̇ам̣ авинд̣̇ияам̣ винд̣̇ад̇ийд̇и авиж̇ж̇аа. д̇аб̣б̣ибарийд̇ад̇о гааяасужарид̇аад̣̇и винд̣̇ияам̣ наама, д̇ам̣ винд̣̇ияам̣ на винд̣̇ад̇ийд̇и авиж̇ж̇аа. канд̇хаанам̣ раасадтам̣, ааяад̇анаанам̣ ааяад̇анадтам̣, д̇хаад̇уунам̣ сун̃н̃адтам̣, инд̣̇рияаанам̣ ад̇хибад̇ияадтам̣, сажжаанам̣ д̇ат̇адтам̣ авид̣̇ид̇ам̣ гарод̇ийд̇и авиж̇ж̇аа. д̣̇угкаад̣̇ийнам̣ бийл̣анаад̣̇ивасзна вуд̇д̇ам̣ жад̇уб̣б̣ид̇хам̣ жад̇уб̣б̣ид̇хам̣ ад̇т̇ам̣ авид̣̇ид̇ам̣ гарод̇ийд̇иби авиж̇ж̇аа, анд̇авирахид̇з сам̣саарз саб̣б̣аяониг̇ад̇ибхававин̃н̃аан̣адтид̇исад̇д̇ааваасзсу сад̇д̇з ж̇аваабзд̇ийд̇и авиж̇ж̇аа, барамад̇т̇ад̇о авиж̇ж̇амаанзсу ид̇т̇ибурисаад̣̇ийсу ж̇авад̇и, виж̇ж̇амаанзсуби канд̇хаад̣̇ийсу на ж̇авад̇ийд̇и авиж̇ж̇аа, аби жа жагкувин̃н̃аан̣аад̣̇ийнам̣ вад̇т̇аарамман̣аанам̣ бадижжасамуббаад̣̇абадижжасамуббаннаанан̃жа д̇хаммаанам̣ чаад̣̇анад̇оби авиж̇ж̇аа. сан̇кад̇амабхисан̇каронд̇ийд̇и сан̇каараа. виж̇аанаад̇ийд̇и вин̃н̃аан̣ам̣. намад̇ийд̇и наамам̣, наамаяад̇ийд̇и ваа наамам̣. руббад̇ийд̇и руубам̣. ааяз д̇анод̇и , ааяад̇ан̃жа наяад̇ийд̇и ааяад̇анам̣. пусад̇ийд̇и пассо. взд̣̇аяад̇ийд̇и взд̣̇анаа. барид̇ассад̇ийд̇и д̇ан̣хаа. убаад̣̇ияад̇и бхусам̣ г̇ан̣хаад̇ийд̇и убаад̣̇аанам̣. бхавад̇и, бхааваяад̇ийд̇и ваа бхаво. ж̇ананам̣ ж̇аад̇и. ж̇ийран̣ам̣ ж̇араа. маранд̇и зд̇знаад̇и маран̣ам̣.

    Avijjādīni dvādasa vissajjanāni paṭiccasamuppādaṅgavasena niddiṭṭhāni. Pūretuṃ ayuttaṭṭhena kāyaduccaritādi avindiyaṃ nāma, aladdhabbanti attho. Taṃ avindiyaṃ vindatīti avijjā. Tabbiparītato kāyasucaritādi vindiyaṃ nāma, taṃ vindiyaṃ na vindatīti avijjā. Khandhānaṃ rāsaṭṭhaṃ, āyatanānaṃ āyatanaṭṭhaṃ, dhātūnaṃ suññaṭṭhaṃ, indriyānaṃ adhipatiyaṭṭhaṃ, saccānaṃ tathaṭṭhaṃ aviditaṃ karotīti avijjā. Dukkhādīnaṃ pīḷanādivasena vuttaṃ catubbidhaṃ catubbidhaṃ atthaṃ aviditaṃ karotītipi avijjā, antavirahite saṃsāre sabbayonigatibhavaviññāṇaṭṭhitisattāvāsesu satte javāpetīti avijjā, paramatthato avijjamānesu itthipurisādīsu javati, vijjamānesupi khandhādīsu na javatīti avijjā, api ca cakkhuviññāṇādīnaṃ vatthārammaṇānaṃ paṭiccasamuppādapaṭiccasamuppannānañca dhammānaṃ chādanatopi avijjā. Saṅkhatamabhisaṅkharontīti saṅkhārā. Vijānātīti viññāṇaṃ. Namatīti nāmaṃ, nāmayatīti vā nāmaṃ. Ruppatīti rūpaṃ. Āye tanoti , āyatañca nayatīti āyatanaṃ. Phusatīti phasso. Vedayatīti vedanā. Paritassatīti taṇhā. Upādiyati bhusaṃ gaṇhātīti upādānaṃ. Bhavati, bhāvayatīti vā bhavo. Jananaṃ jāti. Jīraṇaṃ jarā. Maranti etenāti maraṇaṃ.

    7. д̣̇угкаад̣̇ийни адтасад̇аани адта жа виссаж̇ж̇анаани жад̇усажжаяож̇анаавасзна нид̣̇д̣̇идтаани. ‘‘д̣̇угкам̣ абхин̃н̃зяяа’’нд̇иаад̣̇ийсу хи чаннам̣ жад̇уггаанам̣ васзна жад̇увийсад̇и виссаж̇ж̇анаани ‘‘жагку ж̇араамаран̣а’’нд̇и бзяяаалз ‘‘жагку абхин̃н̃зяяам̣ сод̇ам̣ абхин̃н̃зяяа’’нд̇иаад̣̇инаа ‘‘ж̇аад̇и абхин̃н̃зяяаа’’д̇и барияосаанзна бан̃жанавуд̇аад̇хигзна виссаж̇ж̇анасад̇зна яож̇зд̇ваа вуд̇д̇аани. бан̃жанавуд̇аад̇хигам̣ жад̇уггасад̇ам̣ ход̇и, д̇зсам̣ жад̇уггаанам̣ васзна асийд̇иад̇хигаани сад̇д̇а виссаж̇ж̇анасад̇аани. ‘‘ж̇араамаран̣ам̣ абхин̃н̃зяяа’’нд̇иаад̣̇игз жад̇уггз ‘‘жад̇д̇аари виссаж̇ж̇анааний’’д̇и звам̣ саб̣б̣аани адта жа сад̇аани адта жа виссаж̇ж̇анаани хонд̇и. зд̇т̇а жа д̇асса д̇асса д̇хаммасса бад̇хаанабхууд̇о бажжаяо самуд̣̇аяод̇и взд̣̇ид̇аб̣б̣о. саб̣б̣асан̇каарзхи сун̃н̃ам̣ ниб̣б̣аанам̣ нирод̇ход̇и взд̣̇ид̇аб̣б̣ам̣. анан̃н̃аад̇ан̃н̃ассаамийд̇инд̣̇рияаад̣̇ийнам̣ д̇ин̣н̣амби хи логуд̇д̇аринд̣̇рияаанам̣ зд̇т̇а абхаавам̣ санд̇хааяа анан̃н̃аад̇ан̃н̃ассаамийд̇инд̣̇рияанирод̇ход̇иаад̣̇и яуж̇ж̇ад̇и . нирод̇хаг̇ааминибадибад̣̇аад̇и жа саб̣б̣ад̇т̇а арияамаг̇г̇о зва. зван̃хи вужжамаанз палзби маг̇г̇авохаарасамбхавад̇о ан̃н̃инд̣̇рияаан̃н̃аад̇аавинд̣̇рияаанамби яуж̇ж̇ад̇и. буна д̣̇угкаад̣̇ийнам̣ барин̃н̃адтаад̣̇ивасзна адтасад̇аани адта жа виссаж̇ж̇анаани нид̣̇д̣̇идтаани, буна д̣̇угкаад̣̇ийнам̣ барин̃н̃аабадивзд̇хадтаад̣̇ивасзна адтасад̇аани адта жа виссаж̇ж̇анаани нид̣̇д̣̇идтаани. барин̃н̃аа жа саа бадивиж̇жхид̇аб̣б̣адтзна бадивзд̇хо жаад̇и барин̃н̃аабадивзд̇хо. барин̃н̃аабадивзд̇хова ад̇т̇о барин̃н̃аабадивзд̇хадто.

    7.Dukkhādīni aṭṭhasatāni aṭṭha ca vissajjanāni catusaccayojanāvasena niddiṭṭhāni. ‘‘Dukkhaṃ abhiññeyya’’ntiādīsu hi channaṃ catukkānaṃ vasena catuvīsati vissajjanāni ‘‘cakkhu jarāmaraṇa’’nti peyyāle ‘‘cakkhu abhiññeyyaṃ sotaṃ abhiññeyya’’ntiādinā ‘‘jāti abhiññeyyā’’ti pariyosānena pañcanavutādhikena vissajjanasatena yojetvā vuttāni. Pañcanavutādhikaṃ catukkasataṃ hoti, tesaṃ catukkānaṃ vasena asītiadhikāni satta vissajjanasatāni. ‘‘Jarāmaraṇaṃ abhiññeyya’’ntiādike catukke ‘‘cattāri vissajjanānī’’ti evaṃ sabbāni aṭṭha ca satāni aṭṭha ca vissajjanāni honti. Ettha ca tassa tassa dhammassa padhānabhūto paccayo samudayoti veditabbo. Sabbasaṅkhārehi suññaṃ nibbānaṃ nirodhoti veditabbaṃ. Anaññātaññassāmītindriyādīnaṃ tiṇṇampi hi lokuttarindriyānaṃ ettha abhāvaṃ sandhāya anaññātaññassāmītindriyanirodhotiādi yujjati . Nirodhagāminipaṭipadāti ca sabbattha ariyamaggo eva. Evañhi vuccamāne phalepi maggavohārasambhavato aññindriyaaññātāvindriyānampi yujjati. Puna dukkhādīnaṃ pariññaṭṭhādivasena aṭṭhasatāni aṭṭha ca vissajjanāni niddiṭṭhāni, puna dukkhādīnaṃ pariññāpaṭivedhaṭṭhādivasena aṭṭhasatāni aṭṭha ca vissajjanāni niddiṭṭhāni. Pariññā ca sā paṭivijjhitabbaṭṭhena paṭivedho cāti pariññāpaṭivedho. Pariññāpaṭivedhova attho pariññāpaṭivedhaṭṭho.

    8. буна д̇аанзва д̣̇угкаад̣̇ийни ж̇араамаран̣абарияанд̇аани д̣̇виад̇хигаани д̣̇вз бад̣̇асад̇аани самуд̣̇аяаад̣̇ийхи сад̇д̇ахи сад̇д̇ахи бад̣̇зхи яож̇зд̇ваа д̣̇виад̇хигаанам̣ д̣̇виннам̣ адтагасад̇аанам̣ васзна сахассан̃жа ча жа сад̇аани сол̣аса жа виссаж̇ж̇анаани нид̣̇д̣̇идтаани. д̇ад̇т̇а бад̇хаанабхууд̇о бажжаяо самуд̣̇аяо, д̇асса нирод̇хо самуд̣̇аяанирод̇хо. чанд̣̇о зва рааг̇о чанд̣̇арааг̇о, д̣̇угкз сукасан̃н̃ааяа д̣̇угкасса чанд̣̇арааг̇о, д̇асса нирод̇хо чанд̣̇арааг̇анирод̇хо. д̣̇угкам̣ бадижжа уббаж̇ж̇амаанам̣ сукам̣ соманассам̣ д̣̇угкасса ассаад̣̇о. д̣̇угкасса анижжад̇аа д̣̇угкасса вибарин̣аамад̇хаммад̇аа д̣̇угкасса аад̣̇ийнаво. д̣̇угкз чанд̣̇арааг̇авинаяо чанд̣̇арааг̇аббахаанам̣ д̣̇угкасса ниссаран̣ам̣. ‘‘яам̣ ко бана гин̃жи бхууд̇ам̣ сан̇кад̇ам̣ бадижжасамуббаннам̣ нирод̇хо д̇асса ниссаран̣а’’нд̇и (бади. ма. 1.24) важанад̇о ниб̣б̣аанамзва д̣̇угкасса ниссаран̣ам̣. ‘‘д̣̇угканирод̇хо самуд̣̇аяанирод̇хо чанд̣̇арааг̇анирод̇хо д̣̇угкасса ниссаран̣а’’нд̇и наанаасан̇кад̇абадибагкавасзна наанаабарияааяаважанзхи жад̇уусу таанзсу ниб̣б̣аанамзва вуд̇д̇анд̇и взд̣̇ид̇аб̣б̣ам̣. гзжи бана ‘‘аахаарасамуд̣̇аяаа д̣̇угкасамуд̣̇аяо аахааранирод̇хаа д̣̇угканирод̇хо сарасавасзна самуд̣̇аяанирод̇хо, ат̇а ваа уд̣̇аяаб̣б̣аяад̣̇ассанзна самуд̣̇аяанирод̇хо саха вибассанааяа маг̇г̇о чанд̣̇арааг̇анирод̇хо’’д̇и вад̣̇анд̇и. зван̃жа вужжамаанз логуд̇д̇аринд̣̇рияаанам̣ авибассануубаг̇ад̇д̇аа на саб̣б̣асаад̇хааран̣ам̣ ход̇ийд̇и батамам̣ вуд̇д̇анаяова г̇ахзд̇аб̣б̣о. логуд̇д̇аринд̣̇риязсу хи чанд̣̇арааг̇аабхаавад̇оязва чанд̣̇арааг̇анирод̇ход̇и яуж̇ж̇ад̇и. сарийрз чанд̣̇арааг̇знзва сарийрзгад̣̇зсзсу гзсаад̣̇ийсуби чанд̣̇арааг̇о гад̇ова ход̇и, ж̇араамаран̣аванд̇зсу чанд̣̇арааг̇знзва ж̇араамаран̣зсуби чанд̣̇арааг̇о гад̇ова ход̇и. звам̣ ассаад̣̇аад̣̇ийнавааби яож̇зд̇аб̣б̣аа. буна д̣̇угкаад̣̇ийни ж̇араамаран̣абарияанд̇аани д̣̇виад̇хигаани д̣̇вз бад̣̇асад̇аани самуд̣̇аяаад̣̇ийхи чахи чахи бад̣̇зхи яож̇зд̇ваа д̣̇виад̇хигаанам̣ д̣̇виннам̣ сад̇д̇агасад̇аанам̣ васзна наяасахассан̃жа жад̇д̇аари жа сад̇аани жуд̣̇д̣̇аса жа виссаж̇ж̇анаани нид̣̇д̣̇идтаани.

    8. Puna tāneva dukkhādīni jarāmaraṇapariyantāni dviadhikāni dve padasatāni samudayādīhi sattahi sattahi padehi yojetvā dviadhikānaṃ dvinnaṃ aṭṭhakasatānaṃ vasena sahassañca cha ca satāni soḷasa ca vissajjanāni niddiṭṭhāni. Tattha padhānabhūto paccayo samudayo, tassa nirodho samudayanirodho. Chando eva rāgo chandarāgo, dukkhe sukhasaññāya dukkhassa chandarāgo, tassa nirodho chandarāganirodho. Dukkhaṃ paṭicca uppajjamānaṃ sukhaṃ somanassaṃ dukkhassa assādo. Dukkhassa aniccatā dukkhassa vipariṇāmadhammatā dukkhassa ādīnavo. Dukkhe chandarāgavinayo chandarāgappahānaṃ dukkhassa nissaraṇaṃ. ‘‘Yaṃ kho pana kiñci bhūtaṃ saṅkhataṃ paṭiccasamuppannaṃ nirodho tassa nissaraṇa’’nti (paṭi. ma. 1.24) vacanato nibbānameva dukkhassa nissaraṇaṃ. ‘‘Dukkhanirodho samudayanirodho chandarāganirodho dukkhassa nissaraṇa’’nti nānāsaṅkhatapaṭipakkhavasena nānāpariyāyavacanehi catūsu ṭhānesu nibbānameva vuttanti veditabbaṃ. Keci pana ‘‘āhārasamudayā dukkhasamudayo āhāranirodhā dukkhanirodho sarasavasena samudayanirodho, atha vā udayabbayadassanena samudayanirodho saha vipassanāya maggo chandarāganirodho’’ti vadanti. Evañca vuccamāne lokuttarindriyānaṃ avipassanūpagattā na sabbasādhāraṇaṃ hotīti paṭhamaṃ vuttanayova gahetabbo. Lokuttarindriyesu hi chandarāgābhāvatoyeva chandarāganirodhoti yujjati. Sarīre chandarāgeneva sarīrekadesesu kesādīsupi chandarāgo katova hoti, jarāmaraṇavantesu chandarāgeneva jarāmaraṇesupi chandarāgo katova hoti. Evaṃ assādādīnavāpi yojetabbā. Puna dukkhādīni jarāmaraṇapariyantāni dviadhikāni dve padasatāni samudayādīhi chahi chahi padehi yojetvā dviadhikānaṃ dvinnaṃ sattakasatānaṃ vasena nayasahassañca cattāri ca satāni cuddasa ca vissajjanāni niddiṭṭhāni.

    9. ид̣̇аани руубаад̣̇ийни ж̇араамаран̣абарияанд̇аани згаад̇хигаани д̣̇вз бад̣̇асад̇аани сад̇д̇ахи анубассанаахи яож̇зд̇ваа нид̣̇д̣̇исид̇ум̣ батамам̣ д̇аава анижжаанубассанаад̣̇аяо сад̇д̇а анубассанаа нид̣̇д̣̇идтаа. д̇аани саб̣б̣аани сад̇д̇ахи суд̣̇д̇хигаанубассанаависсаж̇ж̇анзхи сад̣̇д̇хим̣ сахассан̃жа жад̇д̇аари жа сад̇аани жуд̣̇д̣̇аса жа виссаж̇ж̇анаани хонд̇и. анижжанд̇и анубассанаа анижжаанубассанаа. саа нижжасан̃н̃аабадибагкаа. д̣̇угканд̇и анубассанаа д̣̇угкаанубассанаа. саа сукасан̃н̃аабадибагкаа. анад̇д̇аад̇и анубассанаа анад̇д̇аанубассанаа. саа ад̇д̇асан̃н̃аабадибагкаа. д̇иссаннам̣ анубассанаанам̣ барибуурад̇д̇аа ниб̣б̣инд̣̇ад̇ийд̇и ниб̣б̣ид̣̇аа, ниб̣б̣ид̣̇аа жа саа анубассанаа жаад̇и ниб̣б̣ид̣̇аанубассанаа. саа нанд̣̇ибадибагкаа. жад̇ассаннам̣ анубассанаанам̣ барибуурад̇д̇аа вираж̇ж̇ад̇ийд̇и вирааг̇о, вирааг̇о жа со анубассанаа жаад̇и вирааг̇аанубассанаа. саа рааг̇абадибагкаа. бан̃жаннам̣ анубассанаанам̣ барибуурад̇д̇аа рааг̇ам̣ нирод̇хзд̇ийд̇и нирод̇хо, нирод̇хо жа со анубассанаа жаад̇и нирод̇хаанубассанаа. саа самуд̣̇аяабадибагкаа. чаннам̣ анубассанаанам̣ барибуурад̇д̇аа бадиниссаж̇ж̇ад̇ийд̇и бадиниссаг̇г̇о, бадиниссаг̇г̇о жа со анубассанаа жаад̇и бадиниссаг̇г̇аанубассанаа. саа аад̣̇аанабадибагкаа. логуд̇д̇аринд̣̇рияаанам̣ асад̇иби вибассануубаг̇ад̇д̇з ‘‘саб̣б̣з сан̇каараа анижжаа, саб̣б̣з сан̇каараа д̣̇угкаа, саб̣б̣з д̇хаммаа анад̇д̇аа’’д̇и (д̇ха. ба. 277-279; бади. ма. 1.31) важанад̇о д̇зсамби анижжад̣̇угкаанад̇д̇ад̇д̇аа д̇ад̇т̇а нижжасукад̇д̇асан̃н̃аанам̣ нанд̣̇ияаа рааг̇асса жа абхааваа нирод̇хаванд̇аанийд̇и анубассанад̇о барижжааг̇абадиниссаг̇г̇абагканд̣̇анабадиниссаг̇г̇асамбхавад̇о жа д̇зхиби сад̇д̇а анубассанаа яож̇ид̇аад̇и взд̣̇ид̇аб̣б̣аа. ж̇араамаран̣аванд̇зсу анижжаад̣̇ид̇о д̣̇идтзсу ж̇араамаран̣амби анижжаад̣̇ид̇о д̣̇идтам̣ наама ход̇и, ж̇араамаран̣аванд̇зсу ниб̣б̣инд̣̇анд̇о вираж̇ж̇анд̇о ж̇араамаран̣з ниб̣б̣инно жа вирад̇д̇о жа ход̇и, ж̇араамаран̣аванд̇зсу нирод̇хад̇о д̣̇идтзсу ж̇араамаран̣амби нирод̇хад̇о д̣̇идтам̣ наама ход̇и, ж̇араамаран̣аванд̇зсу бадиниссаж̇ж̇анд̇о ж̇араамаран̣ам̣ бадиниссаж̇ж̇анд̇ова ход̇ийд̇и ж̇араамаран̣зхи сад̇д̇а анубассанаа яож̇ид̇аад̇и взд̣̇ид̇аб̣б̣аа.

    9. Idāni rūpādīni jarāmaraṇapariyantāni ekādhikāni dve padasatāni sattahi anupassanāhi yojetvā niddisituṃ paṭhamaṃ tāva aniccānupassanādayo satta anupassanā niddiṭṭhā. Tāni sabbāni sattahi suddhikaanupassanāvissajjanehi saddhiṃ sahassañca cattāri ca satāni cuddasa ca vissajjanāni honti. Aniccanti anupassanā aniccānupassanā. Sā niccasaññāpaṭipakkhā. Dukkhanti anupassanā dukkhānupassanā. Sā sukhasaññāpaṭipakkhā. Anattāti anupassanā anattānupassanā. Sā attasaññāpaṭipakkhā. Tissannaṃ anupassanānaṃ paripūrattā nibbindatīti nibbidā, nibbidā ca sā anupassanā cāti nibbidānupassanā. Sā nandipaṭipakkhā. Catassannaṃ anupassanānaṃ paripūrattā virajjatīti virāgo, virāgo ca so anupassanā cāti virāgānupassanā. Sā rāgapaṭipakkhā. Pañcannaṃ anupassanānaṃ paripūrattā rāgaṃ nirodhetīti nirodho, nirodho ca so anupassanā cāti nirodhānupassanā. Sā samudayapaṭipakkhā. Channaṃ anupassanānaṃ paripūrattā paṭinissajjatīti paṭinissaggo, paṭinissaggo ca so anupassanā cāti paṭinissaggānupassanā. Sā ādānapaṭipakkhā. Lokuttarindriyānaṃ asatipi vipassanūpagatte ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti (dha. pa. 277-279; paṭi. ma. 1.31) vacanato tesampi aniccadukkhānattattā tattha niccasukhattasaññānaṃ nandiyā rāgassa ca abhāvā nirodhavantānīti anupassanato pariccāgapaṭinissaggapakkhandanapaṭinissaggasambhavato ca tehipi satta anupassanā yojitāti veditabbā. Jarāmaraṇavantesu aniccādito diṭṭhesu jarāmaraṇampi aniccādito diṭṭhaṃ nāma hoti, jarāmaraṇavantesu nibbindanto virajjanto jarāmaraṇe nibbinno ca viratto ca hoti, jarāmaraṇavantesu nirodhato diṭṭhesu jarāmaraṇampi nirodhato diṭṭhaṃ nāma hoti, jarāmaraṇavantesu paṭinissajjanto jarāmaraṇaṃ paṭinissajjantova hotīti jarāmaraṇehi satta anupassanā yojitāti veditabbā.

    10. ид̣̇аани аад̣̇ийнаван̃аан̣асса вад̇т̇убхууд̇аанам̣ уббаад̣̇аад̣̇ийнам̣ бан̃жаннам̣ аарамман̣аанам̣ васзна уббаад̣̇аад̣̇ийни д̇зсам̣ взважанаани бан̃жад̣̇аса виссаж̇ж̇анаани нид̣̇д̣̇идтаани, санд̇ибад̣̇ан̃аан̣асса д̇аббадибагкаарамман̣авасзна ануббаад̣̇аад̣̇ийни бан̃жад̣̇аса виссаж̇ж̇анаани нид̣̇д̣̇идтаани, буна д̇аанзва уббаад̣̇аануббаад̣̇аад̣̇ийни бад̣̇аани яуг̇ал̣агавасзна яож̇зд̇ваа д̇им̣са виссаж̇ж̇анаани нид̣̇д̣̇идтаани. звам̣ имасмим̣ наязва садти виссаж̇ж̇анаани хонд̇и. д̇ад̇т̇а уббаад̣̇од̇и буримагаммабажжаяаа ид̇ха уббад̇д̇и. бавад̇д̇анд̇и д̇ат̇аауббаннасса бавад̇д̇и. нимид̇д̇анд̇и саб̣б̣амби сан̇кааранимид̇д̇ам̣. яог̇ааважарасса хи сан̇каараа сасан̣таанаа вияа убадтаханд̇и, д̇асмаа нимид̇д̇анд̇и вужжанд̇и. ааяууханаад̇и ааяад̇им̣ бадисанд̇хихзд̇убхууд̇ам̣ гаммам̣. д̇ан̃хи абхисан̇каран̣адтзна ааяууханаад̇и вужжад̇и.

    10. Idāni ādīnavañāṇassa vatthubhūtānaṃ uppādādīnaṃ pañcannaṃ ārammaṇānaṃ vasena uppādādīni tesaṃ vevacanāni pañcadasa vissajjanāni niddiṭṭhāni, santipadañāṇassa tappaṭipakkhārammaṇavasena anuppādādīni pañcadasa vissajjanāni niddiṭṭhāni, puna tāneva uppādānuppādādīni padāni yugaḷakavasena yojetvā tiṃsa vissajjanāni niddiṭṭhāni. Evaṃ imasmiṃ nayeva saṭṭhi vissajjanāni honti. Tattha uppādoti purimakammapaccayā idha uppatti. Pavattanti tathāuppannassa pavatti. Nimittanti sabbampi saṅkhāranimittaṃ. Yogāvacarassa hi saṅkhārā sasaṇṭhānā viya upaṭṭhahanti, tasmā nimittanti vuccanti. Āyūhanāti āyatiṃ paṭisandhihetubhūtaṃ kammaṃ. Tañhi abhisaṅkharaṇaṭṭhena āyūhanāti vuccati.

    бадисанд̇хийд̇и ааяад̇им̣ уббад̇д̇и. саа хи бхаванд̇арабадисанд̇хаанад̇о бадисанд̇хийд̇и вужжад̇и. г̇ад̇ийд̇и яааяа г̇ад̇ияаа саа бадисанд̇хи ход̇и. саа хи г̇анд̇аб̣б̣ад̇о г̇ад̇ийд̇и вужжад̇и. ниб̣б̣ад̇д̇ийд̇и канд̇хаанам̣ ниб̣б̣ад̇д̇анам̣. убабад̇д̇ийд̇и ‘‘самаабаннасса ваа убабаннасса ваа’’д̇и (бади. ма. 1.72) звам̣ вуд̇д̇аа вибаагабавад̇д̇и. ж̇аад̇ийд̇и ж̇ананам̣. д̇ад̇т̇а д̇ад̇т̇а ниб̣б̣ад̇д̇амаанаанам̣ сад̇д̇аанам̣ яз яз канд̇хаа баад̇убхаванд̇и, д̇зсам̣ д̇зсам̣ батамам̣ баад̇убхааво. ж̇араад̇и ж̇ийран̣ам̣. саа д̣̇увид̇хаа тид̇ан̃н̃ат̇ад̇д̇алагкан̣асан̇каад̇ам̣ сан̇кад̇алагкан̣ан̃жа кан̣д̣ижжаад̣̇исаммад̇о санд̇ад̇ияам̣ згабхавабарияаабаннаканд̇хаанам̣ бураан̣абхааво жа. саа ид̇ха ад̇хиббзд̇аа. б̣яаад̇хийд̇и д̇хаад̇угкобхабажжаяасамудтид̇о бид̇д̇асзмхаваад̇асаннибаад̇ауд̇увибарин̣аамависамабарихаараубаггамагаммавибаагавасзна адтавид̇хо ааб̣аад̇хо. вивид̇хам̣ д̣̇угкам̣ аад̣̇ахад̇и вид̣̇ахад̇ийд̇и б̣яаад̇хи, б̣яаад̇хаяад̇и д̇аабзд̇и, гамбаяад̇ийд̇и ваа б̣яаад̇хи. маран̣анд̇и маранд̇и зд̇знаад̇и маран̣ам̣. д̇ам̣ д̣̇увид̇хам̣ ваяалагкан̣асан̇каад̇ам̣ сан̇кад̇алагкан̣ан̃жа згабхавабарияаабаннаж̇ийвид̇инд̣̇рияаббаб̣анд̇хавижчзд̣̇о жа. д̇ам̣ ид̇ха ад̇хиббзд̇ам̣.

    Paṭisandhīti āyatiṃ uppatti. Sā hi bhavantarapaṭisandhānato paṭisandhīti vuccati. Gatīti yāya gatiyā sā paṭisandhi hoti. Sā hi gantabbato gatīti vuccati. Nibbattīti khandhānaṃ nibbattanaṃ. Upapattīti ‘‘samāpannassa vā upapannassa vā’’ti (paṭi. ma. 1.72) evaṃ vuttā vipākapavatti. Jātīti jananaṃ. Tattha tattha nibbattamānānaṃ sattānaṃ ye ye khandhā pātubhavanti, tesaṃ tesaṃ paṭhamaṃ pātubhāvo. Jarāti jīraṇaṃ. Sā duvidhā ṭhitaññathattalakkhaṇasaṅkhātaṃ saṅkhatalakkhaṇañca khaṇḍiccādisammato santatiyaṃ ekabhavapariyāpannakhandhānaṃ purāṇabhāvo ca. Sā idha adhippetā. Byādhīti dhātukkhobhapaccayasamuṭṭhito pittasemhavātasannipātautuvipariṇāmavisamaparihāraupakkamakammavipākavasena aṭṭhavidho ābādho. Vividhaṃ dukkhaṃ ādahati vidahatīti byādhi, byādhayati tāpeti, kampayatīti vā byādhi. Maraṇanti maranti etenāti maraṇaṃ. Taṃ duvidhaṃ vayalakkhaṇasaṅkhātaṃ saṅkhatalakkhaṇañca ekabhavapariyāpannajīvitindriyappabandhavicchedo ca. Taṃ idha adhippetaṃ.

    согод̇и сожанам̣. н̃аад̇ибхог̇арог̇асийлад̣̇идтиб̣яасанзхи пудтасса жид̇д̇асанд̇аабо. барид̣̇звод̇и барид̣̇званам̣. н̃аад̇иб̣яасанаад̣̇ийхиязва пудтасса важийбалаабо. убааяаасод̇и бхусо ааяаасо. н̃аад̇иб̣яасанаад̣̇ийхиязва пудтасса ад̇химад̇д̇ажзд̇од̣̇угкаббабхаавид̇о д̣̇осоязва. зд̇т̇а жа уббаад̣̇аад̣̇аяо бан̃жзва аад̣̇ийнаван̃аан̣асса вад̇т̇увасзна вуд̇д̇аа, сзсаа д̇зсам̣ взважанавасзна. ‘‘ниб̣б̣ад̇д̇ий’’д̇и хи уббаад̣̇асса, ‘‘ж̇аад̇ий’’д̇и бадисанд̇хияаа взважанам̣, ‘‘г̇ад̇и убабад̇д̇ий’’д̇и ид̣̇ам̣ д̣̇ваяам̣ бавад̇д̇асса, ж̇араад̣̇аяо нимид̇д̇ассаад̇и. ануббаад̣̇аад̣̇иважанзхи бана ниб̣б̣аанамзва вуд̇д̇ам̣.

    Sokoti socanaṃ. Ñātibhogarogasīladiṭṭhibyasanehi phuṭṭhassa cittasantāpo. Paridevoti paridevanaṃ. Ñātibyasanādīhiyeva phuṭṭhassa vacīpalāpo. Upāyāsoti bhuso āyāso. Ñātibyasanādīhiyeva phuṭṭhassa adhimattacetodukkhappabhāvito dosoyeva. Ettha ca uppādādayo pañceva ādīnavañāṇassa vatthuvasena vuttā, sesā tesaṃ vevacanavasena. ‘‘Nibbattī’’ti hi uppādassa, ‘‘jātī’’ti paṭisandhiyā vevacanaṃ, ‘‘gati upapattī’’ti idaṃ dvayaṃ pavattassa, jarādayo nimittassāti. Anuppādādivacanehi pana nibbānameva vuttaṃ.

    буна д̇аанзва уббаад̣̇аануббаад̣̇аад̣̇ийни садти бад̣̇аани д̣̇угкасукабад̣̇зхи яож̇зд̇ваа садти виссаж̇ж̇анаани, бхаяакзмабад̣̇зхи яож̇зд̇ваа садти виссаж̇ж̇анаани, саамисанираамисабад̣̇зхи яож̇зд̇ваа садти виссаж̇ж̇анаани, сан̇каараниб̣б̣аанабад̣̇зхи яож̇зд̇ваа садти виссаж̇ж̇анаани нид̣̇д̣̇идтаани. д̇ад̇т̇а д̣̇угканд̇и анижжад̇д̇аа д̣̇угкам̣. д̣̇угкабадибагкад̇о сукам̣. яам̣ д̣̇угкам̣, д̇ам̣ бхаяам̣. бхаяабадибагкад̇о кзмам̣. яам̣ бхаяам̣, д̇ам̣ ваддаамисалогаамисзхи авиббамуд̇д̇ад̇д̇аа саамисам̣. саамисабадибагкад̇о нираамисам̣. яам̣ саамисам̣, д̇ам̣ сан̇каарамад̇д̇амзва. сан̇каарабадибагкад̇о санд̇ад̇д̇аа ниб̣б̣аанам̣. сан̇каараа хи аад̣̇ид̇д̇аа, ниб̣б̣аанам̣ санд̇анд̇и. д̣̇угкаагаарзна бхаяаагаарзна саамисаагаарзна сан̇каараагаарзнаад̇и звам̣ д̇зна д̇зна аагаарзна бавад̇д̇им̣ санд̇хааяа д̇ат̇аа д̇ат̇аа вуд̇д̇анд̇и взд̣̇ид̇аб̣б̣анд̇и.

    Puna tāneva uppādānuppādādīni saṭṭhi padāni dukkhasukhapadehi yojetvā saṭṭhi vissajjanāni, bhayakhemapadehi yojetvā saṭṭhi vissajjanāni, sāmisanirāmisapadehi yojetvā saṭṭhi vissajjanāni, saṅkhāranibbānapadehi yojetvā saṭṭhi vissajjanāni niddiṭṭhāni. Tattha dukkhanti aniccattā dukkhaṃ. Dukkhapaṭipakkhato sukhaṃ. Yaṃ dukkhaṃ, taṃ bhayaṃ. Bhayapaṭipakkhato khemaṃ. Yaṃ bhayaṃ, taṃ vaṭṭāmisalokāmisehi avippamuttattā sāmisaṃ. Sāmisapaṭipakkhato nirāmisaṃ. Yaṃ sāmisaṃ, taṃ saṅkhāramattameva. Saṅkhārapaṭipakkhato santattā nibbānaṃ. Saṅkhārā hi ādittā, nibbānaṃ santanti. Dukkhākārena bhayākārena sāmisākārena saṅkhārākārenāti evaṃ tena tena ākārena pavattiṃ sandhāya tathā tathā vuttanti veditabbanti.

    11. бариг̇г̇ахадтаад̣̇ийни згад̇им̣са виссаж̇ж̇анаани арияамаг̇г̇агкан̣авасзна нид̣̇д̣̇идтаани. арияамаг̇г̇асамбаяуд̇д̇аа хи д̇хаммаа аад̣̇ид̇о бабхуд̇и уббаад̣̇анад̇т̇ам̣ бариг̇г̇аяханд̇з ид̇и бариг̇г̇ахаа, д̇зсам̣ сабхааво бариг̇г̇ахадто. д̇зсам̣язва ан̃н̃аман̃н̃абариваарабхаавзна бариваарадто. бхааванаабаарибууривасзна барибуурадто. д̇зсам̣язва самаад̇хивасзна згаарамман̣абариг̇г̇ахамабзгкид̇ваа згаг̇г̇адто. наанаарамман̣авигкзбаабхаавамабзгкид̇ваа авигкзбадто. вийрияавасзна баг̇г̇ахадто. самаад̇хивасзна уд̣̇агзна нхаанийяажун̣н̣аанам̣ вияа авиббагин̣н̣ад̇аа ависаарадто. самаад̇хияог̇зна алулид̇ад̇д̇аа анаавиладто. авигамбид̇ад̇д̇аа анин̃ж̇анадто. згад̇д̇убадтаанавасзнаад̇и самаад̇хияог̇зна жа згаарамман̣з бхусам̣ бад̇идтаанавасзна жа. тид̇адтод̇и аарамман̣з нижжалабхаавзна бад̇идтид̇адто. д̇асса ниб̣б̣аанаарамман̣асса ааламб̣анабхаавзна аарамман̣адто. д̇ад̇т̇зва нигаамажаарабхаавзна г̇ожарадто. ниссаран̣абахаанабхаавзна ниб̣б̣аанасса бахаанадто. гилзсабарижжааг̇авасзна арияамаг̇г̇асса барижжааг̇адто. д̣̇убхад̇о вудтаанавасзна вудтаанадто. нимид̇д̇абавад̇д̇зхи нивад̇д̇анавасзна нивад̇д̇анадто. ниб̣б̣уд̇ад̇д̇аа санд̇адто. ад̇аббагад̇д̇аа уд̇д̇амад̇д̇аа жа бан̣ийд̇адто. гилзсзхи вимуд̇д̇ад̇д̇аа, аарамман̣з жа ад̇химуд̇д̇ад̇д̇аа вимуд̇д̇адто. аасаваанам̣ ависаяабхаавзна барисуд̣̇д̇хад̇д̇аа анаасавадто. гилзсаганд̇аарасам̣саараганд̇аараад̇иггаманзна д̇аран̣адто. сан̇кааранимид̇д̇аабхаавзна анимид̇д̇адто. д̇ан̣хаабан̣ид̇хиабхаавзна аббан̣ихид̇адто. ад̇д̇асаараабхаавзна сун̃н̃ад̇адто. вимуд̇д̇ирасзна згарасад̇ааяа, самат̇авибассанаанам̣ згарасад̇ааяа ваа згарасадто. самат̇авибассанаанам̣ ан̃н̃аман̃н̃ам̣ анад̇ивад̇д̇анадто. д̇зсам̣язва яуг̇анад̣̇д̇хадто. арияамаг̇г̇асса сан̇каарад̇о ниг̇г̇аманз нияяаанадто. ниб̣б̣аанасамбаабанзна хзд̇удто. ниб̣б̣аанабажжагкагаран̣зна д̣̇ассанадто. ад̇хибад̇ибхаавзна аад̇хибад̇зяяадтод̇и.

    11.Pariggahaṭṭhādīni ekatiṃsa vissajjanāni ariyamaggakkhaṇavasena niddiṭṭhāni. Ariyamaggasampayuttā hi dhammā ādito pabhuti uppādanatthaṃ pariggayhante iti pariggahā, tesaṃ sabhāvo pariggahaṭṭho. Tesaṃyeva aññamaññaparivārabhāvena parivāraṭṭho. Bhāvanāpāripūrivasena paripūraṭṭho. Tesaṃyeva samādhivasena ekārammaṇapariggahamapekkhitvā ekaggaṭṭho. Nānārammaṇavikkhepābhāvamapekkhitvā avikkhepaṭṭho. Vīriyavasena paggahaṭṭho. Samādhivasena udakena nhānīyacuṇṇānaṃ viya avippakiṇṇatā avisāraṭṭho. Samādhiyogena alulitattā anāvilaṭṭho. Avikampitattā aniñjanaṭṭho. Ekattupaṭṭhānavasenāti samādhiyogena ca ekārammaṇe bhusaṃ patiṭṭhānavasena ca. Ṭhitaṭṭhoti ārammaṇe niccalabhāvena patiṭṭhitaṭṭho. Tassa nibbānārammaṇassa ālambanabhāvena ārammaṇaṭṭho. Tattheva nikāmacārabhāvena gocaraṭṭho. Nissaraṇapahānabhāvena nibbānassa pahānaṭṭho. Kilesapariccāgavasena ariyamaggassa pariccāgaṭṭho. Dubhato vuṭṭhānavasena vuṭṭhānaṭṭho. Nimittapavattehi nivattanavasena nivattanaṭṭho. Nibbutattā santaṭṭho. Atappakattā uttamattā ca paṇītaṭṭho. Kilesehi vimuttattā, ārammaṇe ca adhimuttattā vimuttaṭṭho. Āsavānaṃ avisayabhāvena parisuddhattā anāsavaṭṭho. Kilesakantārasaṃsārakantārātikkamanena taraṇaṭṭho. Saṅkhāranimittābhāvena animittaṭṭho. Taṇhāpaṇidhiabhāvena appaṇihitaṭṭho. Attasārābhāvena suññataṭṭho. Vimuttirasena ekarasatāya, samathavipassanānaṃ ekarasatāya vā ekarasaṭṭho. Samathavipassanānaṃ aññamaññaṃ anativattanaṭṭho. Tesaṃyeva yuganaddhaṭṭho. Ariyamaggassa saṅkhārato niggamane niyyānaṭṭho. Nibbānasampāpanena hetuṭṭho. Nibbānapaccakkhakaraṇena dassanaṭṭho. Adhipatibhāvena ādhipateyyaṭṭhoti.

    12. самат̇аад̣̇ийни жад̇д̇аари виссаж̇ж̇анаани самат̇авибассанаавасзна нид̣̇д̣̇идтаани. анижжаад̣̇ивасзна ану ану бассанад̇о анубассанадто. яуг̇анад̣̇д̇хасса самат̇авибассанаад̣̇ваяасса згарасабхаавзна анад̇ивад̇д̇анадто. сигкаад̣̇ийни нава виссаж̇ж̇анаани арияамаг̇г̇асса аад̣̇имаж̇жхабарияосаанавасзна нид̣̇д̣̇идтаани. сигкид̇аб̣б̣ад̇д̇аа сигкаа . д̇ассаа самаад̣̇аад̇аб̣б̣ад̇о самаад̣̇аанадто. сийлз бад̇идтааяа гаммадтаанавасзна г̇ахид̇асса аарамман̣асса бхааванаабавад̇д̇идтаанад̇д̇аа г̇ожарадтаанад̇д̇аа жа г̇ожарадто. самат̇агаалз вибассанаагаалз ваа госаж̇ж̇авасзна лийнасса жид̇д̇асса д̇хаммавижаяавийрияабийд̇исамб̣ож̇жхан̇г̇абхааванаавасзна уссааханадто баг̇г̇ахадто. уд̣̇д̇хажжавасзна уд̣̇д̇хад̇асса жид̇д̇асса бассад̣̇д̇хисамаад̇хиубзгкаасамб̣ож̇жхан̇г̇абхааванаавасзна саннисийд̣̇аабанадто ниг̇г̇ахадто. убхо висуд̣̇д̇хаананд̇и убхад̇о висуд̣̇д̇хаанам̣, лийнуд̣̇д̇хад̇абагкад̇о ниваарзд̇ваа висуд̣̇д̇хаанам̣ жид̇д̇аананд̇и ад̇т̇о. маж̇жхимабхаавз тид̇аанам̣ санд̇ад̇ивасзна бавад̇д̇амаанаанам̣ жид̇д̇аанам̣ васзна б̣ахуважанам̣ гад̇анд̇и взд̣̇ид̇аб̣б̣ам̣. уссааханасаннисийд̣̇аабанзсу саб̣яаабаараабхааво аж̇жхубзгканадто. самаббавад̇д̇асса жид̇д̇асса васзна бхааванаа висзсаад̇хиг̇амадто. арияамаг̇г̇абаад̇убхаававасзна уд̇д̇арибадивзд̇хадто. арияамаг̇г̇асид̣̇д̇хажад̇усажжабадивзд̇хавасзна сажжаабхисамаяадто. паласамаабад̇д̇ивасзна нирод̇хз бад̇идтаабагадто. саа хи д̇ам̣саман̇г̇ибуг̇г̇алам̣ нирод̇хасан̇каад̇з ниб̣б̣аанз бад̇идтаабзд̇и.

    12.Samathādīni cattāri vissajjanāni samathavipassanāvasena niddiṭṭhāni. Aniccādivasena anu anu passanato anupassanaṭṭho. Yuganaddhassa samathavipassanādvayassa ekarasabhāvena anativattanaṭṭho. Sikkhādīni nava vissajjanāni ariyamaggassa ādimajjhapariyosānavasena niddiṭṭhāni. Sikkhitabbattā sikkhā. Tassā samādātabbato samādānaṭṭho. Sīle patiṭṭhāya kammaṭṭhānavasena gahitassa ārammaṇassa bhāvanāpavattiṭṭhānattā gocaraṭṭhānattā ca gocaraṭṭho. Samathakāle vipassanākāle vā kosajjavasena līnassa cittassa dhammavicayavīriyapītisambojjhaṅgabhāvanāvasena ussāhanaṭṭho paggahaṭṭho. Uddhaccavasena uddhatassa cittassa passaddhisamādhiupekkhāsambojjhaṅgabhāvanāvasena sannisīdāpanaṭṭho niggahaṭṭho. Ubho visuddhānanti ubhato visuddhānaṃ, līnuddhatapakkhato nivāretvā visuddhānaṃ cittānanti attho. Majjhimabhāve ṭhitānaṃ santativasena pavattamānānaṃ cittānaṃ vasena bahuvacanaṃ katanti veditabbaṃ. Ussāhanasannisīdāpanesu sabyāpārābhāvo ajjhupekkhanaṭṭho. Samappavattassa cittassa vasena bhāvanā visesādhigamaṭṭho. Ariyamaggapātubhāvavasena uttaripaṭivedhaṭṭho. Ariyamaggasiddhacatusaccapaṭivedhavasena saccābhisamayaṭṭho. Phalasamāpattivasena nirodhe patiṭṭhāpakaṭṭho. Sā hi taṃsamaṅgipuggalaṃ nirodhasaṅkhāte nibbāne patiṭṭhāpeti.

    сад̣̇д̇хинд̣̇рияаад̣̇ийни бан̃жа виссаж̇ж̇анаани инд̣̇рияадтавасзна вуд̇д̇аани. ад̇химогкадтод̇и ад̇химужжанадто. убадтаанадтод̇и аарамман̣ам̣ убзжжа бад̇идтаанадто. д̣̇ассанадтод̇и сабхаавабзгканадто. сад̣̇д̇хааб̣алаад̣̇ийни бан̃жа виссаж̇ж̇анаани б̣аладтавасзна нид̣̇д̣̇идтаани. агамбияадтзна сад̣̇д̇хаава б̣аланд̇и сад̣̇д̇хааб̣алам̣. ассад̣̇д̇хиязд̇и ассад̣̇д̇хиязна. ассад̣̇д̇хияанд̇и жа сад̣̇д̇хаабадибагкабхууд̇о жид̇д̇уббаад̣̇о. агамбияадтод̇и агамбзд̇аб̣б̣адто, гамбзд̇ум̣ на саггаад̇и ад̇т̇о. госаж̇ж̇зд̇и гусийд̇абхаавасан̇каад̇зна т̇инамид̣̇д̇хзна. бамаад̣̇зд̇и сад̇ибадибагкзна жид̇д̇уббаад̣̇зна. уд̣̇д̇хажжзд̇и авуубасамасан̇каад̇зна уд̣̇д̇хажжзна. авиж̇ж̇ааяаад̇и мохзна. сад̇исамб̣ож̇жхан̇г̇аад̣̇ийни сад̇д̇а виссаж̇ж̇анаани б̣ож̇жхан̇г̇адтавасзна нид̣̇д̣̇идтаани. б̣уж̇жханагасса ан̇г̇о б̣ож̇жхан̇г̇о. басад̇т̇о сунд̣̇аро жа б̣ож̇жхан̇г̇о самб̣ож̇жхан̇г̇о, сад̇иязва самб̣ож̇жхан̇г̇о сад̇исамб̣ож̇жхан̇г̇о. д̇хаммз вижинаад̇ийд̇и д̇хаммавижаяо. бан̃н̃ааязд̇ам̣ наамам̣. бавижаяадтод̇и вижаарадто. бийнаяад̇ийд̇и бийд̇и. паран̣адтод̇и висаран̣адто. бассамбханам̣ бассад̣̇д̇хи . убасамадтод̇и нид̣̇д̣̇арат̇адто. убабад̇д̇ид̇о игкад̇ийд̇и убзгкаа, самам̣ бзгкад̇и абагкабад̇ид̇аава худ̇ваа бзгкад̇ийд̇и ад̇т̇о. саа ид̇ха д̇ад̇рамаж̇жхад̇д̇убзгкаа, б̣ож̇жхан̇г̇убзгкаад̇иби д̇ассаа наамам̣. самаваахид̇алагкан̣ад̇д̇аа бадисан̇каанадто.

    Saddhindriyādīni pañca vissajjanāni indriyaṭṭhavasena vuttāni. Adhimokkhaṭṭhoti adhimuccanaṭṭho. Upaṭṭhānaṭṭhoti ārammaṇaṃ upecca patiṭṭhānaṭṭho. Dassanaṭṭhoti sabhāvapekkhanaṭṭho. Saddhābalādīni pañca vissajjanāni balaṭṭhavasena niddiṭṭhāni. Akampiyaṭṭhena saddhāva balanti saddhābalaṃ. Assaddhiyeti assaddhiyena. Assaddhiyanti ca saddhāpaṭipakkhabhūto cittuppādo. Akampiyaṭṭhoti akampetabbaṭṭho, kampetuṃ na sakkāti attho. Kosajjeti kusītabhāvasaṅkhātena thinamiddhena. Pamādeti satipaṭipakkhena cittuppādena. Uddhacceti avūpasamasaṅkhātena uddhaccena. Avijjāyāti mohena. Satisambojjhaṅgādīni satta vissajjanāni bojjhaṅgaṭṭhavasena niddiṭṭhāni. Bujjhanakassa aṅgo bojjhaṅgo. Pasattho sundaro ca bojjhaṅgo sambojjhaṅgo, satiyeva sambojjhaṅgo satisambojjhaṅgo. Dhamme vicinātīti dhammavicayo. Paññāyetaṃ nāmaṃ. Pavicayaṭṭhoti vicāraṭṭho. Pīnayatīti pīti. Pharaṇaṭṭhoti visaraṇaṭṭho. Passambhanaṃ passaddhi. Upasamaṭṭhoti niddarathaṭṭho. Upapattito ikkhatīti upekkhā, samaṃ pekkhati apakkhapatitāva hutvā pekkhatīti attho. Sā idha tatramajjhattupekkhā, bojjhaṅgupekkhātipi tassā nāmaṃ. Samavāhitalakkhaṇattā paṭisaṅkhānaṭṭho.

    саммаад̣̇идтаад̣̇ийни адта виссаж̇ж̇анаани маг̇г̇авасзна нид̣̇д̣̇идтаани. саммаа бассад̇и, саммаа ваа д̇ааяа бассанд̇и, басад̇т̇аа сунд̣̇араа ваа д̣̇идтийд̇и саммаад̣̇идти. д̇ассаа саммаад̣̇идтияаа. саммаа сан̇габбзд̇и, саммаа ваа д̇зна сан̇габбзнд̇и, басад̇т̇о сунд̣̇аро ваа сан̇габбод̇и саммаасан̇габбо. абхиробанадтод̇и жид̇д̇асса аарамман̣ааробанадто. аарамман̣аабхиниробанадтод̇иби баато. саммаа вад̣̇ад̇и , саммаа ваа д̇ааяа вад̣̇анд̇и, басад̇т̇аа сунд̣̇араа ваа ваажаад̇и саммааваажаа. мижчааваажаавирад̇ияаа зд̇ам̣ наамам̣. бариг̇г̇ахадтод̇и жад̇уб̣б̣ид̇хаважийсам̣варабариг̇г̇ахадто. саммаа гарод̇и, саммаа ваа д̇зна гаронд̇и, басад̇т̇ам̣ сунд̣̇арам̣ ваа гамманд̇и саммаагаммам̣, саммаагаммамзва саммаагамманд̇о. мижчаагамманд̇авирад̇ияаа зд̇ам̣ наамам̣. самудтаанадтод̇и д̇ивид̇хагааяасам̣варасамудтаанадто. саммаа ааж̇ийвад̇и, саммаа ваа д̇зна ааж̇ийванд̇и, басад̇т̇о сунд̣̇аро ваа ааж̇ийвод̇и саммааааж̇ийво. мижчааж̇ийвавирад̇ияаа зд̇ам̣ наамам̣. вод̣̇аанадтод̇и барисуд̣̇д̇хадто. саммаа вааяамад̇и, саммаа ваа д̇зна вааяаманд̇и, басад̇т̇о сунд̣̇аро ваа вааяаамод̇и саммаавааяаамо. саммаа сарад̇и, саммаа ваа д̇ааяа саранд̇и, басад̇т̇аа сунд̣̇араа ваа сад̇ийд̇и саммаасад̇и. саммаа самаад̇хияад̇и, саммаа ваа д̇зна самаад̇хияанд̇и, басад̇т̇о сунд̣̇аро ваа самаад̇хийд̇и саммаасамаад̇хи.

    Sammādiṭṭhādīni aṭṭha vissajjanāni maggavasena niddiṭṭhāni. Sammā passati, sammā vā tāya passanti, pasatthā sundarā vā diṭṭhīti sammādiṭṭhi. Tassā sammādiṭṭhiyā. Sammā saṅkappeti, sammā vā tena saṅkappenti, pasattho sundaro vā saṅkappoti sammāsaṅkappo. Abhiropanaṭṭhoti cittassa ārammaṇāropanaṭṭho. Ārammaṇābhiniropanaṭṭhotipi pāṭho. Sammā vadati , sammā vā tāya vadanti, pasatthā sundarā vā vācāti sammāvācā. Micchāvācāviratiyā etaṃ nāmaṃ. Pariggahaṭṭhoti catubbidhavacīsaṃvarapariggahaṭṭho. Sammā karoti, sammā vā tena karonti, pasatthaṃ sundaraṃ vā kammanti sammākammaṃ, sammākammameva sammākammanto. Micchākammantaviratiyā etaṃ nāmaṃ. Samuṭṭhānaṭṭhoti tividhakāyasaṃvarasamuṭṭhānaṭṭho. Sammā ājīvati, sammā vā tena ājīvanti, pasattho sundaro vā ājīvoti sammāājīvo. Micchājīvaviratiyā etaṃ nāmaṃ. Vodānaṭṭhoti parisuddhaṭṭho. Sammā vāyamati, sammā vā tena vāyamanti, pasattho sundaro vā vāyāmoti sammāvāyāmo. Sammā sarati, sammā vā tāya saranti, pasatthā sundarā vā satīti sammāsati. Sammā samādhiyati, sammā vā tena samādhiyanti, pasattho sundaro vā samādhīti sammāsamādhi.

    13. инд̣̇рияаад̣̇ийни д̣̇аса виссаж̇ж̇анаани раасигад̇ваа анубуб̣б̣абадибаадивасзна нид̣̇д̣̇идтаани. аад̇хибад̇зяяадтод̇и инд̣̇адтагаран̣авасзна ад̇хибад̇иад̇т̇о. агамбияадтод̇и бадибагкзхи гамбзд̇ум̣ асаггун̣зяяадто. нияяаанадтод̇и логияалогуд̇д̇араанамби бадибагкад̇о ниг̇г̇аманадто. хзд̇удтод̇и мижчаад̣̇идтаад̣̇ийнам̣ бахаанааяа саммаад̣̇идтаад̣̇аяо хзд̇ууд̇и ваа саб̣б̣зби саммаад̣̇идтаад̣̇аяо ниб̣б̣аанасамбаабагахзд̇ууд̇и ваа хзд̇удто. сад̇ибадтаанзсу аарамман̣зсу огканд̣̇ид̇ваа багканд̣̇ид̇ваа убадтаанад̇о убадтаанам̣, сад̇иязва убадтаанам̣ сад̇ибадтаанам̣. гааяавзд̣̇анаажид̇д̇ад̇хаммзсу банассаа асубхад̣̇угкаанижжаанад̇д̇аагаараг̇ахан̣авасз субхасуканижжад̇д̇асан̃н̃аабахаанагижжасаад̇ханавасзна жа бавад̇д̇ид̇о жад̇уд̇хаа бхзд̣̇о ход̇и. зд̇аани буб̣б̣абхааг̇з наанаажид̇д̇зсу лаб̣бханд̇и, маг̇г̇агкан̣з бана згааязва сад̇и жад̇д̇аари наамаани лабхад̇и.

    13.Indriyādīni dasa vissajjanāni rāsikatvā anupubbapaṭipāṭivasena niddiṭṭhāni. Ādhipateyyaṭṭhoti indaṭṭhakaraṇavasena adhipatiattho. Akampiyaṭṭhoti paṭipakkhehi kampetuṃ asakkuṇeyyaṭṭho. Niyyānaṭṭhoti lokiyalokuttarānampi paṭipakkhato niggamanaṭṭho. Hetuṭṭhoti micchādiṭṭhādīnaṃ pahānāya sammādiṭṭhādayo hetūti vā sabbepi sammādiṭṭhādayo nibbānasampāpakahetūti vā hetuṭṭho. Satipaṭṭhānesu ārammaṇesu okkhanditvā pakkhanditvā upaṭṭhānato upaṭṭhānaṃ, satiyeva upaṭṭhānaṃ satipaṭṭhānaṃ. Kāyavedanācittadhammesu panassā asubhadukkhāniccānattākāragahaṇavase subhasukhaniccattasaññāpahānakiccasādhanavasena ca pavattito catudhā bhedo hoti. Etāni pubbabhāge nānācittesu labbhanti, maggakkhaṇe pana ekāyeva sati cattāri nāmāni labhati.

    саммаббад̇хаанзсу бад̣̇аханд̇и зд̇знаад̇и бад̇хаанам̣, собханам̣ бад̇хаанам̣ саммаббад̇хаанам̣. саммаа ваа бад̣̇аханд̇и зд̇знаад̇и саммаббад̇хаанам̣, собханам̣ ваа д̇ам̣ гилзсавируубад̇д̇авирахад̇о бад̇хаанан̃жа хид̇асуканибпаад̣̇агад̇д̇зна сздтабхаавааваханад̇о бад̇хаанабхаавагаран̣ад̇о ваа саммаббад̇хаанам̣. вийрияассзд̇ам̣ ад̇хиважанам̣. уббаннаануббаннаанам̣ ануббаннуббаннаанан̃жа агусалагусалаанам̣ д̇хаммаанам̣ бахаанаануббад̇д̇иуббаад̣̇адтид̇игижжасаад̇ханавасзна бавад̇д̇ид̇о банасса жад̇уд̇хаа бхзд̣̇о ход̇и. зд̇ааниби буб̣б̣абхааг̇з наанаажид̇д̇зсу лаб̣бханд̇и, маг̇г̇агкан̣з бана згамзва вийрияам̣ жад̇д̇аари наамаани лабхад̇и. бад̣̇аханадтод̇и уссааханадто. бад̇хаанадтод̇иби баато, соязвад̇т̇о.

    Sammappadhānesu padahanti etenāti padhānaṃ, sobhanaṃ padhānaṃ sammappadhānaṃ. Sammā vā padahanti etenāti sammappadhānaṃ, sobhanaṃ vā taṃ kilesavirūpattavirahato padhānañca hitasukhanipphādakattena seṭṭhabhāvāvahanato padhānabhāvakaraṇato vā sammappadhānaṃ. Vīriyassetaṃ adhivacanaṃ. Uppannānuppannānaṃ anuppannuppannānañca akusalakusalānaṃ dhammānaṃ pahānānuppattiuppādaṭṭhitikiccasādhanavasena pavattito panassa catudhā bhedo hoti. Etānipi pubbabhāge nānācittesu labbhanti, maggakkhaṇe pana ekameva vīriyaṃ cattāri nāmāni labhati. Padahanaṭṭhoti ussāhanaṭṭho. Padhānaṭṭhotipi pāṭho, soyevattho.

    ид̣̇д̇хибаад̣̇аананд̇и зд̇т̇а чанд̣̇авийрияажид̇д̇авиймам̣саасу згзго иж̇жхад̇ийд̇и ид̣̇д̇хи, самиж̇жхад̇и нибпаж̇ж̇ад̇ийд̇и ад̇т̇о. иж̇жханд̇и ваа зд̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и ид̣̇д̇хи, батамзнад̇т̇зна ид̣̇д̇хи зва баад̣̇о ид̣̇д̇хибаад̣̇о, ид̣̇д̇хигодтаасод̇и ад̇т̇о. д̣̇уд̇иязнад̇т̇зна ид̣̇д̇хияаа баад̣̇од̇и ид̣̇д̇хибаад̣̇о. баад̣̇од̇и бад̇идтаа, ад̇хиг̇амуубааяод̇и ад̇т̇о. д̇зна хи яасмаа убаруубари висзсасан̇каад̇ам̣ ид̣̇д̇хим̣ баж̇ж̇анд̇и баабун̣анд̇и, д̇асмаа баад̣̇од̇и вужжад̇и. зд̇з чанд̣̇аад̣̇аяо буб̣б̣абхааг̇з ад̇хибад̇ивасзна наанаажид̇д̇зсу лаб̣бханд̇и, маг̇г̇агкан̣з бана сахзва лаб̣бханд̇и. иж̇жханадтод̇и нибпаж̇ж̇анадто бад̇идтаанадто ваа. сажжаананд̇и жад̇уннам̣ арияасажжаанам̣. д̇ат̇адтод̇и яат̇аасабхаавадто. имаани адта виссаж̇ж̇анаани логияалогуд̇д̇арамиссагаани. баяог̇аананд̇и жад̇уннам̣ арияамаг̇г̇абаяог̇аанам̣. бадиббассад̣̇д̇хадтод̇и жад̇уннам̣ арияапалаанам̣ бадиббассад̣̇д̇хадто. маг̇г̇абаяог̇о хи палагкан̣з бадиббассад̣̇д̇хо ход̇и нидтид̇агижжад̇д̇аа. маг̇г̇абаяог̇аанам̣ палод̣̇аязна бадиббассад̣̇д̇хабхааво ваа. палаанам̣ сажчигирияадтод̇и арияапалаанам̣ бажжавзгкан̣авасзна бажжагкагаран̣адто. аарамман̣асажчигирияаа вуд̇д̇аа ход̇и, палагкан̣з бадилаабхасажчигирияаа ваа. вид̇аггаад̣̇ийни бан̃жа виссаж̇ж̇анаани жхаанан̇г̇авасзна нид̣̇д̣̇идтаани. вид̇агганам̣ вид̇агго, уухананд̇и вуд̇д̇ам̣ ход̇и. вижаран̣ам̣ вижааро, анусан̃жаран̣анд̇и вуд̇д̇ам̣ ход̇и. убавижаарадтод̇и анумаж̇ж̇анадто. абхисанд̣̇анадтод̇и д̇зманадто самаад̇хивасзна жид̇д̇асса згаг̇г̇адто.

    Iddhipādānanti ettha chandavīriyacittavīmaṃsāsu ekeko ijjhatīti iddhi, samijjhati nipphajjatīti attho. Ijjhanti vā etāya sattā iddhā vuddhā ukkaṃsagatā hontīti iddhi, paṭhamenatthena iddhi eva pādo iddhipādo, iddhikoṭṭhāsoti attho. Dutiyenatthena iddhiyā pādoti iddhipādo. Pādoti patiṭṭhā, adhigamūpāyoti attho. Tena hi yasmā uparūpari visesasaṅkhātaṃ iddhiṃ pajjanti pāpuṇanti, tasmā pādoti vuccati. Ete chandādayo pubbabhāge adhipativasena nānācittesu labbhanti, maggakkhaṇe pana saheva labbhanti. Ijjhanaṭṭhoti nipphajjanaṭṭho patiṭṭhānaṭṭho vā. Saccānanti catunnaṃ ariyasaccānaṃ. Tathaṭṭhoti yathāsabhāvaṭṭho. Imāni aṭṭha vissajjanāni lokiyalokuttaramissakāni. Payogānanti catunnaṃ ariyamaggapayogānaṃ. Paṭippassaddhaṭṭhoti catunnaṃ ariyaphalānaṃ paṭippassaddhaṭṭho. Maggapayogo hi phalakkhaṇe paṭippassaddho hoti niṭṭhitakiccattā. Maggapayogānaṃ phalodayena paṭippassaddhabhāvo vā. Phalānaṃ sacchikiriyaṭṭhoti ariyaphalānaṃ paccavekkhaṇavasena paccakkhakaraṇaṭṭho. Ārammaṇasacchikiriyā vuttā hoti, phalakkhaṇe paṭilābhasacchikiriyā vā. Vitakkādīni pañca vissajjanāni jhānaṅgavasena niddiṭṭhāni. Vitakkanaṃ vitakko, ūhananti vuttaṃ hoti. Vicaraṇaṃ vicāro, anusañcaraṇanti vuttaṃ hoti. Upavicāraṭṭhoti anumajjanaṭṭho. Abhisandanaṭṭhoti temanaṭṭho samādhivasena cittassa ekaggaṭṭho.

    ааваж̇ж̇анаад̣̇ийни бан̃жад̣̇аса виссаж̇ж̇анаани багин̣н̣агавасзна нид̣̇д̣̇идтаани. бан̃жад̣̇ваараманод̣̇ваарзсу бхаван̇г̇аарамман̣ад̇о ан̃н̃аарамман̣з жид̇д̇асанд̇аанам̣ намзнд̇аанам̣ д̣̇виннам̣ жид̇д̇аанам̣ ааваж̇ж̇анадто. вин̃н̃аан̣асса виж̇аананадто. бан̃н̃ааяа баж̇аананадто. сан̃н̃ааяа сан̃ж̇аананадто. самаад̇хисса згод̣̇адто. д̣̇уд̇ияаж̇жхаанасмин̃хи самаад̇хи зго уд̣̇зд̇ийд̇и згод̣̇ийд̇и вужжад̇и, вид̇аггавижаарзхи анаж̇жхаарул̣хад̇д̇аа аг̇г̇о сздто худ̇ваа уббаж̇ж̇ад̇ийд̇и ад̇т̇о. сздтоби хи логз згод̇и вужжад̇и. вид̇аггавижааравирахид̇о ваа зго асахааяо худ̇ваа уд̣̇зд̇ийд̇иби ваддад̇и. саб̣б̣оби ваа гусаласамаад̇хи нийваран̣аад̣̇ийнам̣ уд̣̇д̇хажжассзва ваа бадибагкад̇д̇аа д̇зхи анаж̇жхаарул̣ход̇и аг̇г̇о худ̇ваа уд̣̇зд̇ийд̇и ваа д̇зхи вирахид̇од̇и асахааяо худ̇ваа уд̣̇зд̇ийд̇и ваа згод̣̇ийд̇и яуж̇ж̇ад̇и. абхин̃н̃ааяа н̃аад̇адтод̇и н̃аад̇абарин̃н̃ааяа сабхааваж̇аананадто. барин̃н̃ааяа д̇ийран̣адтод̇и д̇ийран̣абарин̃н̃ааяа анижжаад̣̇ид̇о убабаригкан̣адто. бахаанасса барижжааг̇адтод̇и бахаанабарин̃н̃ааяа бадибагкабаж̇аханадто. самаббавад̇д̇ааяа бхааванааяа згарасадто. пассанадтод̇и пусанадто винд̣̇анадто. бийл̣аабхаараваханаад̣̇инаа канд̇хадто. сун̃н̃аад̣̇инаа д̇хаад̇удто. сагасагамарияаад̣̇ааяад̇анаад̣̇инаа ааяад̇анадто. бажжаязхи сан̇г̇амма гад̇авасзна сан̇кад̇адто. д̇аб̣б̣ибарийд̇зна асан̇кад̇адто.

    Āvajjanādīni pañcadasa vissajjanāni pakiṇṇakavasena niddiṭṭhāni. Pañcadvāramanodvāresu bhavaṅgārammaṇato aññārammaṇe cittasantānaṃ namentānaṃ dvinnaṃ cittānaṃ āvajjanaṭṭho. Viññāṇassa vijānanaṭṭho. Paññāya pajānanaṭṭho. Saññāya sañjānanaṭṭho. Samādhissa ekodaṭṭho. Dutiyajjhānasmiñhi samādhi eko udetīti ekodīti vuccati, vitakkavicārehi anajjhāruḷhattā aggo seṭṭho hutvā uppajjatīti attho. Seṭṭhopi hi loke ekoti vuccati. Vitakkavicāravirahito vā eko asahāyo hutvā udetītipi vaṭṭati. Sabbopi vā kusalasamādhi nīvaraṇādīnaṃ uddhaccasseva vā paṭipakkhattā tehi anajjhāruḷhoti aggo hutvā udetīti vā tehi virahitoti asahāyo hutvā udetīti vā ekodīti yujjati. Abhiññāya ñātaṭṭhoti ñātapariññāya sabhāvajānanaṭṭho. Pariññāya tīraṇaṭṭhoti tīraṇapariññāya aniccādito upaparikkhaṇaṭṭho. Pahānassa pariccāgaṭṭhoti pahānapariññāya paṭipakkhapajahanaṭṭho. Samappavattāya bhāvanāya ekarasaṭṭho. Phassanaṭṭhoti phusanaṭṭho vindanaṭṭho. Pīḷābhāravahanādinā khandhaṭṭho. Suññādinā dhātuṭṭho. Sakasakamariyādāyatanādinā āyatanaṭṭho. Paccayehi saṅgamma katavasena saṅkhataṭṭho. Tabbiparītena asaṅkhataṭṭho.

    14. жид̇д̇адтаад̣̇ийни бан̃жад̣̇аса виссаж̇ж̇анаани жид̇д̇асамб̣анд̇хзна нид̣̇д̣̇идтаани. жид̇д̇адтод̇и зд̇т̇а аарамман̣ам̣ жинд̇зд̇ийд̇и жид̇д̇ам̣, виж̇аанаад̇ийд̇и ад̇т̇о. яам̣ банзд̇т̇а ж̇аванам̣ ход̇и, д̇ам̣ ж̇аванавийт̇ивасзна ад̇д̇ано санд̇аанам̣ жинод̇ийд̇иби жид̇д̇ам̣, яам̣ вибаагам̣ ход̇и, д̇ам̣ гаммагилзсзхи жид̇анд̇иби жид̇д̇ам̣, саб̣б̣амби яат̇аануруубам̣ жид̇д̇ад̇ааяа жид̇д̇ам̣, жид̇д̇агаран̣ад̇ааяа жид̇д̇ам̣, яам̣ ваддасса бажжаяо ход̇и, д̇ам̣ сам̣саарад̣̇угкам̣ жинод̇ийд̇иби жид̇д̇ам̣. звам̣ аарамман̣з жид̇д̇ад̇аад̣̇ид̇о жид̇д̇адто. жид̇д̇уббаад̣̇анз палуббаад̣̇анз ваа наасса анд̇арамад̇т̇ийд̇и ананд̇арам̣, ананд̇арасса бхааво аананд̇арияам̣, жид̇д̇асса аананд̇арияам̣ жид̇д̇аананд̇арияам̣, со жид̇д̇аананд̇арияадто. арахад̇о жуд̇ижид̇д̇ам̣ важ̇ж̇зд̇ваа яасса гассажи самананд̇аранируд̣̇д̇хасса жид̇д̇асса ананд̇аражид̇д̇уббаад̣̇анз самад̇т̇абхааво маг̇г̇ажид̇д̇асса ананд̇арам̣ палуббаад̣̇анз самад̇т̇абхаавод̇и ад̇хиббааяо. жид̇д̇асса вудтаанадтод̇и г̇од̇рабхужид̇д̇асса нимид̇д̇ад̇о, маг̇г̇ажид̇д̇асса нимид̇д̇абавад̇д̇ад̇о вудтаанадто. жид̇д̇асса вивадданадтод̇и д̇ассзва жид̇д̇ад̣̇ваяасса яат̇аавуд̇д̇ад̇о вудтид̇асса ниб̣б̣аанз вивадданадто. жид̇д̇асса хзд̇удтод̇и жид̇д̇асса хзд̇убажжаяабхууд̇аанам̣ наваннам̣ хзд̇уунам̣ хзд̇удто. жид̇д̇асса бажжаяадтод̇и жид̇д̇асса вад̇т̇аарамман̣аад̣̇ийнам̣ анзгзсам̣ бажжаяаанам̣ бажжаяадто. жид̇д̇асса вад̇т̇удтод̇и жид̇д̇асса вад̇т̇убхууд̇аанам̣ жагкусод̇агхаанаж̇ивхаагааяахад̣̇аяавад̇т̇уунам̣ вад̇т̇удто. жид̇д̇асса бхуумадтод̇и жид̇д̇асса уббад̇д̇ид̣̇зсавасзна гаамааважараад̣̇ибхуумиад̇т̇о. жид̇д̇асса аарамман̣адтод̇и руубаад̣̇иаарамман̣адто. барижид̇ассаарамман̣асса сан̃жаран̣адтаанадтзна г̇ожарадто. убари вуд̇д̇авин̃н̃аан̣ажарияаавасзна жарияадто. ат̇а ваа баяог̇асамуд̣̇аажаарадто жарияадто. жид̇д̇асса г̇аманаабхаавзби д̣̇уурасанд̇игаарамман̣аг̇ахан̣авасзна г̇ад̇адто. абхинийхаарадтод̇и г̇ахид̇аарамман̣ад̇о ан̃н̃аарамман̣аманасигаарад̇т̇ам̣ жид̇д̇асса абхинийхаран̣адто. жид̇д̇асса нияяаанадтод̇и маг̇г̇ажид̇д̇асса ваддад̇о нияяаанадто. ‘‘нзгкаммам̣ бадилад̣̇д̇хасса гаамажчанд̣̇ад̇о жид̇д̇ам̣ ниссадам̣ ход̇ий’’д̇иаад̣̇инаа (бади. ма. 1.24, 191 т̇огам̣ висад̣̇исам̣) наязна жид̇д̇асса ниссаран̣адто.

    14.Cittaṭṭhādīni pañcadasa vissajjanāni cittasambandhena niddiṭṭhāni. Cittaṭṭhoti ettha ārammaṇaṃ cintetīti cittaṃ, vijānātīti attho. Yaṃ panettha javanaṃ hoti, taṃ javanavīthivasena attano santānaṃ cinotītipi cittaṃ, yaṃ vipākaṃ hoti, taṃ kammakilesehi citantipi cittaṃ, sabbampi yathānurūpaṃ cittatāya cittaṃ, cittakaraṇatāya cittaṃ, yaṃ vaṭṭassa paccayo hoti, taṃ saṃsāradukkhaṃ cinotītipi cittaṃ. Evaṃ ārammaṇe cittatādito cittaṭṭho. Cittuppādane phaluppādane vā nāssa antaramatthīti anantaraṃ, anantarassa bhāvo ānantariyaṃ, cittassa ānantariyaṃ cittānantariyaṃ, so cittānantariyaṭṭho. Arahato cuticittaṃ vajjetvā yassa kassaci samanantaraniruddhassa cittassa anantaracittuppādane samatthabhāvo maggacittassa anantaraṃ phaluppādane samatthabhāvoti adhippāyo. Cittassa vuṭṭhānaṭṭhoti gotrabhucittassa nimittato, maggacittassa nimittapavattato vuṭṭhānaṭṭho. Cittassa vivaṭṭanaṭṭhoti tasseva cittadvayassa yathāvuttato vuṭṭhitassa nibbāne vivaṭṭanaṭṭho. Cittassa hetuṭṭhoti cittassa hetupaccayabhūtānaṃ navannaṃ hetūnaṃ hetuṭṭho. Cittassa paccayaṭṭhoti cittassa vatthārammaṇādīnaṃ anekesaṃ paccayānaṃ paccayaṭṭho. Cittassa vatthuṭṭhoti cittassa vatthubhūtānaṃ cakkhusotaghānajivhākāyahadayavatthūnaṃ vatthuṭṭho. Cittassa bhūmaṭṭhoti cittassa uppattidesavasena kāmāvacarādibhūmiattho. Cittassa ārammaṇaṭṭhoti rūpādiārammaṇaṭṭho. Paricitassārammaṇassa sañcaraṇaṭṭhānaṭṭhena gocaraṭṭho. Upari vuttaviññāṇacariyāvasena cariyaṭṭho. Atha vā payogasamudācāraṭṭho cariyaṭṭho. Cittassa gamanābhāvepi dūrasantikārammaṇagahaṇavasena gataṭṭho. Abhinīhāraṭṭhoti gahitārammaṇato aññārammaṇamanasikāratthaṃ cittassa abhinīharaṇaṭṭho. Cittassa niyyānaṭṭhoti maggacittassa vaṭṭato niyyānaṭṭho. ‘‘Nekkhammaṃ paṭiladdhassa kāmacchandato cittaṃ nissaṭaṃ hotī’’tiādinā (paṭi. ma. 1.24, 191 thokaṃ visadisaṃ) nayena cittassa nissaraṇaṭṭho.

    15. згад̇д̇аад̣̇ийни д̣̇ваажад̇д̇аалийса виссаж̇ж̇анаани згад̇д̇асамб̣анд̇хзна нид̣̇д̣̇идтаани. згад̇д̇зд̇и аарамман̣згад̇д̇з, згаарамман̣зд̇и ад̇т̇о. батамаж̇жхаанавасзна багканд̣̇анадто. д̣̇уд̇ияаж̇жхаанавасзна басийд̣̇анадто. д̇ад̇ияаж̇жхаанавасзна санд̇идтанадто. жад̇уд̇т̇аж̇жхаанавасзна мужжанадто. бажжавзгкан̣авасзна зд̇ам̣ санд̇анд̇и бассанадто. яаанийгад̇адтаад̣̇аяо бан̃жа самаад̇хисса васийбхаавависзсаа. яаанийгад̇адтод̇и яуд̇д̇аяаанасад̣̇исагад̇адто. вад̇т̇угад̇адтод̇и бад̇идтадтзна вад̇т̇у вияа гад̇адто. анудтид̇адтод̇и бажжубадтид̇адто. барижид̇адтод̇и саманд̇ад̇о жид̇адто. сусамаарад̣̇д̇хадтод̇и судту самаарад̣̇д̇хадто , сугад̇адтод̇и ад̇т̇о. ааваж̇ж̇анасамаабаж̇ж̇анаад̇хидтаанавудтаанабажжавзгкан̣авасид̇аавасзна ваа бадибаадияаа бан̃жа бад̣̇аани яож̇зд̇аб̣б̣аани. гасин̣аад̣̇иаарамман̣абхааванааяа сикааббад̇д̇агаалз жид̇д̇ажзд̇асигаанам̣ бариг̇г̇ахабариваарабарибуурадто. д̇зсам̣язва саммаа самаахид̇ад̇д̇аа згаарамман̣з самосаран̣зна самод̇хаанадто. д̇зсам̣язва б̣алаббад̇д̇ияаа аарамман̣ам̣ абхибхавид̇ваа бад̇идтаанавасзна ад̇хидтаанадто. самат̇асса вибассанааяа ваа аад̣̇ид̇о, аад̣̇арзна ваа сзванавасзна аасзванадто. вад̣дханавасзна бхааванадто . бунаббунам̣ гаран̣авасзна б̣ахулийгаммадто. б̣ахулийгад̇асса судту самудтид̇авасзна сусамуг̇г̇ад̇адто. сусамуг̇г̇ад̇асса бажжанийгзхи судту вимуд̇д̇ивасзна аарамман̣з жа судту ад̇химуд̇д̇ивасзна сувимуд̇д̇адто.

    15.Ekattādīni dvācattālīsa vissajjanāni ekattasambandhena niddiṭṭhāni. Ekatteti ārammaṇekatte, ekārammaṇeti attho. Paṭhamajjhānavasena pakkhandanaṭṭho. Dutiyajjhānavasena pasīdanaṭṭho. Tatiyajjhānavasena santiṭṭhanaṭṭho. Catutthajjhānavasena muccanaṭṭho. Paccavekkhaṇavasena etaṃ santanti passanaṭṭho. Yānīkataṭṭhādayo pañca samādhissa vasībhāvavisesā. Yānīkataṭṭhoti yuttayānasadisakataṭṭho. Vatthukataṭṭhoti patiṭṭhaṭṭhena vatthu viya kataṭṭho. Anuṭṭhitaṭṭhoti paccupaṭṭhitaṭṭho. Paricitaṭṭhoti samantato citaṭṭho. Susamāraddhaṭṭhoti suṭṭhu samāraddhaṭṭho , sukataṭṭhoti attho. Āvajjanasamāpajjanaadhiṭṭhānavuṭṭhānapaccavekkhaṇavasitāvasena vā paṭipāṭiyā pañca padāni yojetabbāni. Kasiṇādiārammaṇabhāvanāya sikhāppattakāle cittacetasikānaṃ pariggahaparivāraparipūraṭṭho. Tesaṃyeva sammā samāhitattā ekārammaṇe samosaraṇena samodhānaṭṭho. Tesaṃyeva balappattiyā ārammaṇaṃ abhibhavitvā patiṭṭhānavasena adhiṭṭhānaṭṭho. Samathassa vipassanāya vā ādito, ādarena vā sevanavasena āsevanaṭṭho. Vaḍḍhanavasena bhāvanaṭṭho. Punappunaṃ karaṇavasena bahulīkammaṭṭho. Bahulīkatassa suṭṭhu samuṭṭhitavasena susamuggataṭṭho. Susamuggatassa paccanīkehi suṭṭhu vimuttivasena ārammaṇe ca suṭṭhu adhimuttivasena suvimuttaṭṭho.

    б̣уж̇жханадтаад̣̇ийни жад̇д̇аари бад̣̇аани б̣ож̇жхан̇г̇авасзна вуд̇д̇аани. сод̇аабад̇д̇имаг̇г̇аб̣ож̇жхан̇г̇аанам̣ б̣уж̇жханадто. сагад̣̇ааг̇аамимаг̇г̇аб̣ож̇жхан̇г̇аанам̣ ануб̣уж̇жханадто. анааг̇аамимаг̇г̇аб̣ож̇жхан̇г̇аанам̣ бадиб̣уж̇жханадто. арахад̇д̇амаг̇г̇аб̣ож̇жхан̇г̇аанам̣ самб̣уж̇жханадто. вибассанааб̣ож̇жхан̇г̇аанам̣ ваа б̣уж̇жханадто. д̣̇ассанамаг̇г̇аб̣ож̇жхан̇г̇аанам̣ ануб̣уж̇жханадто. бхааванаамаг̇г̇аб̣ож̇жхан̇г̇аанам̣ бадиб̣уж̇жханадто. палаб̣ож̇жхан̇г̇аанам̣ самб̣уж̇жханадто. яат̇аавуд̇д̇анаязнзва б̣ож̇жхан̇г̇аанам̣ д̇асса д̇асса буг̇г̇аласса б̣од̇ханаад̣̇игаран̣зна б̣од̇ханадтаад̣̇аяо жад̇д̇ааро ад̇т̇аа взд̣̇ид̇аб̣б̣аа. яат̇аавуд̇д̇аанам̣язва б̣ож̇жхан̇г̇аанам̣ б̣уж̇жханадтзна ‘‘б̣од̇хо’’д̇и лад̣̇д̇ханаамасса буг̇г̇аласса багкз бхавад̇д̇аа б̣од̇хибагкияаа наама. д̇зсам̣ яат̇аавуд̇д̇аанам̣язва б̣од̇хибагкияадтаад̣̇аяо жад̇д̇ааро ад̇т̇аа взд̣̇ид̇аб̣б̣аа. вибассанаабан̃н̃аавасзна ж̇од̇анадто. гамад̇о жад̇умаг̇г̇абан̃н̃аавасзна уж̇ж̇од̇анаануж̇ж̇од̇анабадиж̇ж̇од̇анасан̃ж̇од̇анадто. гамад̇о жад̇умаг̇г̇абан̃н̃аавасзна ваа ж̇од̇анадтаад̣̇аяо, палабан̃н̃аавасзна сан̃ж̇од̇анадто взд̣̇ид̇аб̣б̣о.

    Bujjhanaṭṭhādīni cattāri padāni bojjhaṅgavasena vuttāni. Sotāpattimaggabojjhaṅgānaṃ bujjhanaṭṭho. Sakadāgāmimaggabojjhaṅgānaṃ anubujjhanaṭṭho. Anāgāmimaggabojjhaṅgānaṃ paṭibujjhanaṭṭho. Arahattamaggabojjhaṅgānaṃ sambujjhanaṭṭho. Vipassanābojjhaṅgānaṃ vā bujjhanaṭṭho. Dassanamaggabojjhaṅgānaṃ anubujjhanaṭṭho. Bhāvanāmaggabojjhaṅgānaṃ paṭibujjhanaṭṭho. Phalabojjhaṅgānaṃ sambujjhanaṭṭho. Yathāvuttanayeneva bojjhaṅgānaṃ tassa tassa puggalassa bodhanādikaraṇena bodhanaṭṭhādayo cattāro atthā veditabbā. Yathāvuttānaṃyeva bojjhaṅgānaṃ bujjhanaṭṭhena ‘‘bodho’’ti laddhanāmassa puggalassa pakkhe bhavattā bodhipakkhiyā nāma. Tesaṃ yathāvuttānaṃyeva bodhipakkhiyaṭṭhādayo cattāro atthā veditabbā. Vipassanāpaññāvasena jotanaṭṭho. Kamato catumaggapaññāvasena ujjotanānujjotanapaṭijjotanasañjotanaṭṭho. Kamato catumaggapaññāvasena vā jotanaṭṭhādayo, phalapaññāvasena sañjotanaṭṭho veditabbo.

    16. бад̇аабанадтаад̣̇ийни адтаараса виссаж̇ж̇анаани арияамаг̇г̇авасзна нид̣̇д̣̇идтаани. арияамаг̇г̇о хи яассуббаж̇ж̇ад̇и, д̇ам̣ бад̇аабзд̇и бабхаасзд̇и вирожаабзд̇ийд̇и бад̇аабано, д̇асса бад̇аабанадто. д̇ассзва ад̇ибабхассарабхаавзна саяам̣ вирожанадто. гилзсаанам̣ висосанзна санд̇аабанадто. амаланиб̣б̣аанаарамман̣ад̇д̇аа амаладто. самбаяуд̇д̇амалаабхаавзна вималадто. аарамман̣агаран̣амалаабхаавз ниммаладто. ат̇а ваа сод̇аабад̇д̇имаг̇г̇асса амаладто. сагад̣̇ааг̇аамианааг̇аамимаг̇г̇аанам̣ вималадто. арахад̇д̇амаг̇г̇асса ниммаладто. ат̇а ваа саавагамаг̇г̇асса амаладто. бажжзгаб̣уд̣̇д̇хамаг̇г̇асса вималадто. саммаасамб̣уд̣̇д̇хамаг̇г̇асса ниммаладто. гилзсависамаабхаавзна самадто. ‘‘саммаа маанаабхисамаяаа’’д̇иаад̣̇ийсу (ма. ни. 1.28; а. ни. 3.33; 5.200) вияа гилзсаббахаанадтзна самаяадто. вигкамбханад̇ад̣̇ан̇г̇асамужчзд̣̇абадиббассад̣̇д̇хиниссаран̣асан̇каад̇зсу бан̃жасу вивзгзсу самужчзд̣̇авивзгад̇д̇аа вивзгадто, винаабхаавадто. ниссаран̣авивзгз ниб̣б̣аанз жаран̣ад̇о вивзгажарияадто. бан̃жасу вирааг̇зсу самужчзд̣̇авирааг̇ад̇д̇аа вирааг̇адто, вираж̇ж̇анадто. ниссаран̣авирааг̇з ниб̣б̣аанз жаран̣ад̇о вирааг̇ажарияадто. бан̃жасу нирод̇хзсу самужчзд̣̇анирод̇хад̇д̇аа нирод̇хадто. д̣̇угканирод̇хз ниб̣б̣аанз жаран̣ад̇о нирод̇хажарияадто. барижжааг̇абагканд̣̇анавосаг̇г̇ад̇д̇аа восаг̇г̇адто. арияамаг̇г̇о хи самужчзд̣̇авасзна гилзсаббахаанад̇о барижжааг̇авосаг̇г̇о, аарамман̣агаран̣зна ниб̣б̣аанабагканд̣̇анад̇о багканд̣̇анавосаг̇г̇о жа. вибассанаа бана д̇ад̣̇ан̇г̇авасзна гилзсаббахаанад̇о барижжааг̇авосаг̇г̇о, д̇анниннабхаавзна ниб̣б̣аанабагканд̣̇анад̇о багканд̣̇анавосаг̇г̇о. на со ид̇ха ад̇хиббзд̇о. восаг̇г̇абхаавзна жаран̣ад̇о восаг̇г̇ажарияадто. бан̃жасу вимуд̇д̇ийсу самужчзд̣̇авимуд̇д̇ид̇д̇аа вимуд̇д̇адто. ниссаран̣авимуд̇д̇ияам̣ жаран̣ад̇о вимуд̇д̇ижарияадто.

    16.Patāpanaṭṭhādīni aṭṭhārasa vissajjanāni ariyamaggavasena niddiṭṭhāni. Ariyamaggo hi yassuppajjati, taṃ patāpeti pabhāseti virocāpetīti patāpano, tassa patāpanaṭṭho. Tasseva atipabhassarabhāvena sayaṃ virocanaṭṭho. Kilesānaṃ visosanena santāpanaṭṭho. Amalanibbānārammaṇattā amalaṭṭho. Sampayuttamalābhāvena vimalaṭṭho. Ārammaṇakaraṇamalābhāve nimmalaṭṭho. Atha vā sotāpattimaggassa amalaṭṭho. Sakadāgāmianāgāmimaggānaṃ vimalaṭṭho. Arahattamaggassa nimmalaṭṭho. Atha vā sāvakamaggassa amalaṭṭho. Paccekabuddhamaggassa vimalaṭṭho. Sammāsambuddhamaggassa nimmalaṭṭho. Kilesavisamābhāvena samaṭṭho. ‘‘Sammā mānābhisamayā’’tiādīsu (ma. ni. 1.28; a. ni. 3.33; 5.200) viya kilesappahānaṭṭhena samayaṭṭho. Vikkhambhanatadaṅgasamucchedapaṭippassaddhinissaraṇasaṅkhātesu pañcasu vivekesu samucchedavivekattā vivekaṭṭho, vinābhāvaṭṭho. Nissaraṇaviveke nibbāne caraṇato vivekacariyaṭṭho. Pañcasu virāgesu samucchedavirāgattā virāgaṭṭho, virajjanaṭṭho. Nissaraṇavirāge nibbāne caraṇato virāgacariyaṭṭho. Pañcasu nirodhesu samucchedanirodhattā nirodhaṭṭho. Dukkhanirodhe nibbāne caraṇato nirodhacariyaṭṭho. Pariccāgapakkhandanavosaggattā vosaggaṭṭho. Ariyamaggo hi samucchedavasena kilesappahānato pariccāgavosaggo, ārammaṇakaraṇena nibbānapakkhandanato pakkhandanavosaggo ca. Vipassanā pana tadaṅgavasena kilesappahānato pariccāgavosaggo, tanninnabhāvena nibbānapakkhandanato pakkhandanavosaggo. Na so idha adhippeto. Vosaggabhāvena caraṇato vosaggacariyaṭṭho. Pañcasu vimuttīsu samucchedavimuttittā vimuttaṭṭho. Nissaraṇavimuttiyaṃ caraṇato vimutticariyaṭṭho.

    чанд̣̇авийрияажид̇д̇авиймам̣саасан̇каад̇зсу жад̇уусу ид̣̇д̇хибаад̣̇зсу згзгаид̣̇д̇хибаад̣̇авасзна д̣̇аса д̣̇аса гад̇ваа жад̇урид̣̇д̇хибаад̣̇авасзна чанд̣̇адтаад̣̇ийни жад̇д̇аалийса виссаж̇ж̇анаани нид̣̇д̣̇идтаани. гад̇д̇угамяад̇адто чанд̣̇адто. чанд̣̇ам̣ сийсам̣ гад̇ваа бхааванаарамбхагаалз мууладто. сахаж̇аад̇аанам̣ бад̇идтаабхаавзна баад̣̇адто. бад̣̇адтод̇и ваа баато. ид̣̇д̇хибаад̣̇ад̇д̇аа ад̇хибад̇ибхаавзна бад̇хаанадто. баяог̇агаалз иж̇жханадто. сад̣̇д̇хаасамбаяог̇зна ад̇химогкадто. вийрияасамбаяог̇зна баг̇г̇ахадто. сад̇исамбаяог̇зна убадтаанадто. самаад̇хисамбаяог̇зна авигкзбадто. бан̃н̃аасамбаяог̇зна д̣̇ассанадто. баг̇г̇ахадто вийрияадто. вийрияам̣ сийсам̣ гад̇ваа бхааванаарамбхагаалз мууладто. саяам̣ вийрияад̇д̇аа баг̇г̇ахадто. жинд̇анадтаад̣̇иго жид̇д̇адто. жид̇д̇ам̣ сийсам̣ гад̇ваа бхааванаарамбхагаалз мууладто. убабаригканадто виймам̣садто. виймам̣сам̣ сийсам̣ гад̇ваа бхааванаарамбхагаалз мууладто. саяам̣ виймам̣сад̇д̇аа д̣̇ассанадто.

    Chandavīriyacittavīmaṃsāsaṅkhātesu catūsu iddhipādesu ekekaiddhipādavasena dasa dasa katvā caturiddhipādavasena chandaṭṭhādīni cattālīsa vissajjanāni niddiṭṭhāni. Kattukamyataṭṭho chandaṭṭho. Chandaṃ sīsaṃ katvā bhāvanārambhakāle mūlaṭṭho. Sahajātānaṃ patiṭṭhābhāvena pādaṭṭho. Padaṭṭhoti vā pāṭho. Iddhipādattā adhipatibhāvena padhānaṭṭho. Payogakāle ijjhanaṭṭho. Saddhāsampayogena adhimokkhaṭṭho. Vīriyasampayogena paggahaṭṭho. Satisampayogena upaṭṭhānaṭṭho. Samādhisampayogena avikkhepaṭṭho. Paññāsampayogena dassanaṭṭho. Paggahaṭṭho vīriyaṭṭho. Vīriyaṃ sīsaṃ katvā bhāvanārambhakāle mūlaṭṭho. Sayaṃ vīriyattā paggahaṭṭho. Cintanaṭṭhādiko cittaṭṭho. Cittaṃ sīsaṃ katvā bhāvanārambhakāle mūlaṭṭho. Upaparikkhanaṭṭho vīmaṃsaṭṭho. Vīmaṃsaṃ sīsaṃ katvā bhāvanārambhakāle mūlaṭṭho. Sayaṃ vīmaṃsattā dassanaṭṭho.

    17. д̣̇угкасса бийл̣анадтод̇иаад̣̇ийни сол̣аса виссаж̇ж̇анаани сажжаанам̣ д̇ат̇алагкан̣авасзна нид̣̇д̣̇идтаани. д̣̇угкад̣̇ассанзнзва бийл̣анадто. д̣̇угкааяууханасамуд̣̇аяад̣̇ассанзна сан̇кад̇адто. саб̣б̣агилзсасанд̇аабахарасусийд̇аламаг̇г̇ад̣̇ассанзна санд̇аабадто. авибарин̣аамад̇хамманирод̇хад̣̇ассанзна вибарин̣аамадто. самуд̣̇аяад̣̇ассанзнзва ааяууханадто. самуд̣̇аяааяуухид̇ад̣̇угкад̣̇ассанзна нид̣̇аанадто. висан̃н̃ог̇абхууд̇анирод̇хад̣̇ассанзна сан̃н̃ог̇адто. нияяаанабхууд̇амаг̇г̇ад̣̇ассанзна балиб̣од̇хадто. нирод̇хад̣̇ассанзнзва ниссаран̣адто. авивзгабхууд̇асамуд̣̇аяад̣̇ассанзна вивзгадто. сан̇кад̇абхууд̇амаг̇г̇ад̣̇ассанзна асан̇кад̇адто. висабхууд̇ад̣̇угкад̣̇ассанзна амад̇адто. маг̇г̇ад̣̇ассанзнзва нияяаанадто. ниб̣б̣аанасамбад̇д̇ияаа ахзд̇убхууд̇асамуд̣̇аяад̣̇ассанзна хзд̇удто. суд̣̇уд̣̇д̣̇асанирод̇хад̣̇ассанзна д̣̇ассанадто. габан̣аж̇анасад̣̇исад̣̇угкад̣̇ассанзна ул̣аарагуласад̣̇исо аад̇хибад̇зяяадто баад̇убхавад̇ийд̇и. звам̣ д̇ам̣д̇ам̣сажжад̣̇ассанзна д̇ад̣̇ан̃н̃асажжад̣̇ассанзна жа згзгасса сажжасса жад̇д̇ааро жад̇д̇ааро лагкан̣адтаа вуд̇д̇аа.

    17.Dukkhassa pīḷanaṭṭhotiādīni soḷasa vissajjanāni saccānaṃ tathalakkhaṇavasena niddiṭṭhāni. Dukkhadassaneneva pīḷanaṭṭho. Dukkhāyūhanasamudayadassanena saṅkhataṭṭho. Sabbakilesasantāpaharasusītalamaggadassanena santāpaṭṭho. Avipariṇāmadhammanirodhadassanena vipariṇāmaṭṭho. Samudayadassaneneva āyūhanaṭṭho. Samudayāyūhitadukkhadassanena nidānaṭṭho. Visaññogabhūtanirodhadassanena saññogaṭṭho. Niyyānabhūtamaggadassanena palibodhaṭṭho. Nirodhadassaneneva nissaraṇaṭṭho. Avivekabhūtasamudayadassanena vivekaṭṭho. Saṅkhatabhūtamaggadassanena asaṅkhataṭṭho. Visabhūtadukkhadassanena amataṭṭho. Maggadassaneneva niyyānaṭṭho. Nibbānasampattiyā ahetubhūtasamudayadassanena hetuṭṭho. Sududdasanirodhadassanena dassanaṭṭho. Kapaṇajanasadisadukkhadassanena uḷārakulasadiso ādhipateyyaṭṭho pātubhavatīti. Evaṃ taṃtaṃsaccadassanena tadaññasaccadassanena ca ekekassa saccassa cattāro cattāro lakkhaṇaṭṭhā vuttā.

    д̇ат̇адтаад̣̇ийни д̣̇ваад̣̇аса виссаж̇ж̇анаани саб̣б̣ад̇хаммасан̇г̇аахагад̣̇ваад̣̇асабад̣̇авасзна нид̣̇д̣̇идтаани. д̇ат̇адтод̇и яат̇аасабхаавадто. анад̇д̇адтод̇и ад̇д̇авирахид̇адто. сажжадтод̇и ависам̣ваад̣̇анадто. бадивзд̇хадтод̇и бадивиж̇жхид̇аб̣б̣адто. абхиж̇аананадтод̇и абхиж̇аанид̇аб̣б̣адто. бариж̇аананадтод̇и н̃аад̇ад̇ийран̣абарин̃н̃ааяа бариж̇аанид̇аб̣б̣адто. д̇хаммадтод̇и сабхаавад̇хааран̣аад̣̇иад̇т̇о. д̇хаад̇удтод̇и сун̃н̃аад̣̇иад̇т̇о. н̃аад̇адтод̇и ж̇аанид̇ум̣ саггун̣зяяадто. сажчигирияадтод̇и сажчигаад̇аб̣б̣адто. пассанадтод̇и н̃аан̣зна пусид̇аб̣б̣адто. абхисамаяадтод̇и бажжавзгкан̣ан̃аан̣зна абхисаммааг̇анд̇аб̣б̣адто, н̃аан̣зна бадилабхид̇аб̣б̣адто ваа. бадилаабхоби хи ‘‘ад̇т̇аабхисамаяаа д̇хийро’’д̇иаад̣̇ийсу (сам̣. ни. 1.130) вияа абхисамаяод̇и вужжад̇и.

    Tathaṭṭhādīni dvādasa vissajjanāni sabbadhammasaṅgāhakadvādasapadavasena niddiṭṭhāni. Tathaṭṭhoti yathāsabhāvaṭṭho. Anattaṭṭhoti attavirahitaṭṭho. Saccaṭṭhoti avisaṃvādanaṭṭho. Paṭivedhaṭṭhoti paṭivijjhitabbaṭṭho. Abhijānanaṭṭhoti abhijānitabbaṭṭho. Parijānanaṭṭhoti ñātatīraṇapariññāya parijānitabbaṭṭho. Dhammaṭṭhoti sabhāvadhāraṇādiattho. Dhātuṭṭhoti suññādiattho. Ñātaṭṭhoti jānituṃ sakkuṇeyyaṭṭho. Sacchikiriyaṭṭhoti sacchikātabbaṭṭho. Phassanaṭṭhoti ñāṇena phusitabbaṭṭho. Abhisamayaṭṭhoti paccavekkhaṇañāṇena abhisammāgantabbaṭṭho, ñāṇena paṭilabhitabbaṭṭho vā. Paṭilābhopi hi ‘‘atthābhisamayā dhīro’’tiādīsu (saṃ. ni. 1.130) viya abhisamayoti vuccati.

    18. нзгкаммаад̣̇ийни сад̇д̇а виссаж̇ж̇анаани убажаараж̇жхаанавасзна нид̣̇д̣̇идтаани. нзгкамманд̇и гаамажчанд̣̇асса бадибагко алобхо. аалогасан̃н̃аад̇и т̇инамид̣̇д̇хасса бадибагкз аалоганимид̇д̇з сан̃н̃аа. авигкзбод̇и уд̣̇д̇хажжасса бадибагко самаад̇хи. д̇хаммававад̇т̇аананд̇и вижигижчааяа бадибагкам̣ н̃аан̣ам̣. н̃аан̣анд̇и авиж̇ж̇ааяа бадибагкам̣ н̃аан̣ам̣. баамож̇ж̇анд̇и арад̇ибадибагкаа бийд̇и. батамаж̇жхаанаад̣̇ийни адта виссаж̇ж̇анаани руубааруубасамаабад̇д̇ивасзна нид̣̇д̣̇идтаани. хздтаа бана руубасамаабад̇д̇иананд̇арам̣ руубаж̇жхаанасамб̣анд̇хзна жад̇д̇ааро б̣рахмавихаараа нид̣̇д̣̇идтаа.

    18. Nekkhammādīni satta vissajjanāni upacārajjhānavasena niddiṭṭhāni. Nekkhammanti kāmacchandassa paṭipakkho alobho. Ālokasaññāti thinamiddhassa paṭipakkhe ālokanimitte saññā. Avikkhepoti uddhaccassa paṭipakkho samādhi. Dhammavavatthānanti vicikicchāya paṭipakkhaṃ ñāṇaṃ. Ñāṇanti avijjāya paṭipakkhaṃ ñāṇaṃ. Pāmojjanti aratipaṭipakkhā pīti. Paṭhamajjhānādīni aṭṭha vissajjanāni rūpārūpasamāpattivasena niddiṭṭhāni. Heṭṭhā pana rūpasamāpattianantaraṃ rūpajjhānasambandhena cattāro brahmavihārā niddiṭṭhā.

    анижжаанубассанаад̣̇ийни логуд̇д̇арамаг̇г̇асса буб̣б̣абхааг̇з адтаарасамахаавибассанаавасзна нид̣̇д̣̇идтаани. хздтаа бана руубаад̣̇ийхи яож̇ануубаг̇аа сад̇д̇а анубассанаа зва вуд̇д̇аа, ид̇ха бана саб̣б̣ааби вуд̇д̇аа. галаабасаммасанауд̣̇аяаб̣б̣аяаанубассанаа гасмаа на вуд̇д̇аад̇и жз? д̇аасам̣ д̣̇виннам̣ васзна анижжаанубассанаад̣̇ийнам̣ сиж̇жханад̇о имаасу вуд̇д̇аасу д̇аа д̣̇взби вуд̇д̇аава хонд̇и, анижжаанубассанаад̣̇ийхи ваа винаа д̇аасам̣ д̣̇виннам̣ аббавад̇д̇ид̇о имаасу вуд̇д̇аасу д̇аа д̣̇взби вуд̇д̇аава хонд̇и. каяаанубассанаад̇и бажжуббаннаанам̣ руубагканд̇хаад̣̇ийнам̣ бхан̇г̇ад̣̇ассанан̃аан̣ан̃жа д̇ам̣д̇ам̣канд̇хабхан̇г̇ад̣̇ассанаананд̇арам̣ д̇ад̣̇аарамман̣ажид̇д̇ажзд̇асигабхан̇г̇ад̣̇ассанан̃аан̣ан̃жа. ваяаанубассанаад̇и бажжуббаннаанам̣ канд̇хаанам̣ бхан̇г̇ад̣̇ассанаананд̇арам̣ д̇ад̣̇анваязнзва ад̇ийд̇аанааг̇ад̇аканд̇хаанам̣ бхан̇г̇ад̣̇ассанан̃аан̣ам̣. вибарин̣аамаанубассанаад̇и д̇асмим̣ бхан̇г̇асан̇каад̇з нирод̇хз ад̇химуд̇д̇ад̇д̇аа, ат̇а саб̣б̣зби ад̇ийд̇аанааг̇ад̇абажжуббаннаа канд̇хаа вибарин̣аамаванд̇од̇и саб̣б̣зсам̣ вибарин̣аамад̣̇ассанан̃аан̣ам̣. анимид̇д̇аанубассанаад̇и звам̣ саб̣б̣асан̇каараанам̣ вибарин̣аамам̣ д̣̇исваа анижжад̇о вибассанд̇асса анижжаанубассанаава нижжанимид̇д̇абаж̇аханавасзна нижжанимид̇д̇аабхааваа анимид̇д̇аанубассанаа наама ход̇и. аббан̣ихид̇аанубассанаад̇и анижжаанубассанаананд̇арам̣ бавад̇д̇аа д̣̇угкаанубассанаава сукабад̇т̇анаабаж̇аханавасзна бан̣ид̇хиабхааваа аббан̣ихид̇аанубассанаа наама ход̇и.

    Aniccānupassanādīni lokuttaramaggassa pubbabhāge aṭṭhārasamahāvipassanāvasena niddiṭṭhāni. Heṭṭhā pana rūpādīhi yojanūpagā satta anupassanā eva vuttā, idha pana sabbāpi vuttā. Kalāpasammasanaudayabbayānupassanā kasmā na vuttāti ce? Tāsaṃ dvinnaṃ vasena aniccānupassanādīnaṃ sijjhanato imāsu vuttāsu tā dvepi vuttāva honti, aniccānupassanādīhi vā vinā tāsaṃ dvinnaṃ appavattito imāsu vuttāsu tā dvepi vuttāva honti. Khayānupassanāti paccuppannānaṃ rūpakkhandhādīnaṃ bhaṅgadassanañāṇañca taṃtaṃkhandhabhaṅgadassanānantaraṃ tadārammaṇacittacetasikabhaṅgadassanañāṇañca. Vayānupassanāti paccuppannānaṃ khandhānaṃ bhaṅgadassanānantaraṃ tadanvayeneva atītānāgatakhandhānaṃ bhaṅgadassanañāṇaṃ. Vipariṇāmānupassanāti tasmiṃ bhaṅgasaṅkhāte nirodhe adhimuttattā, atha sabbepi atītānāgatapaccuppannā khandhā vipariṇāmavantoti sabbesaṃ vipariṇāmadassanañāṇaṃ. Animittānupassanāti evaṃ sabbasaṅkhārānaṃ vipariṇāmaṃ disvā aniccato vipassantassa aniccānupassanāva niccanimittapajahanavasena niccanimittābhāvā animittānupassanā nāma hoti. Appaṇihitānupassanāti aniccānupassanānantaraṃ pavattā dukkhānupassanāva sukhapatthanāpajahanavasena paṇidhiabhāvā appaṇihitānupassanā nāma hoti.

    сун̃н̃ад̇аанубассанаад̇и д̣̇угкаанубассанаананд̇арам̣ бавад̇д̇аа анад̇д̇аанубассанаава ад̇д̇аабхинивзсабаж̇аханавасзна ад̇д̇асун̃н̃ад̇аад̣̇ассанад̇о сун̃н̃ад̇аанубассанаа наама ход̇и. ад̇хибан̃н̃аад̇хаммавибассанаад̇и звам̣ сан̇каараанам̣ бхан̇г̇ам̣ бассид̇ваа бассид̇ваа анижжаад̣̇ид̇о вибассанд̇асса сан̇каараава бхиж̇ж̇анд̇и, сан̇каараанам̣ маран̣ам̣ на ан̃н̃о гожи ад̇т̇ийд̇и бхан̇г̇авасзна сун̃н̃ад̇ам̣ г̇ахзд̇ваа бавад̇д̇аа вибассанаа. саа хи ад̇хибан̃н̃аа жа д̇хаммзсу жа вибассанаад̇и гад̇ваа ад̇хибан̃н̃аад̇хаммавибассанаад̇и вужжад̇и. яат̇аабхууд̇ан̃аан̣ад̣̇ассананд̇и бхан̇г̇ам̣ д̣̇исваа д̣̇исваа ‘‘сабхаяаа сан̇каараа’’д̇и бавад̇д̇ам̣ бхаяад̇убадтаанан̃аан̣ам̣. аад̣̇ийнаваанубассанаад̇и бхаяад̇убадтаанавасзна уббаннам̣ саб̣б̣абхаваад̣̇ийсу аад̣̇ийнавад̣̇ассанан̃аан̣ам̣. ‘‘яаа жа бхаяад̇убадтаанз бан̃н̃аа яан̃жа аад̣̇ийнавз н̃аан̣ам̣ яаа жа ниб̣б̣ид̣̇аа, имз д̇хаммаа згад̇т̇аа, б̣яан̃ж̇анамзва наана’’нд̇и (бади. ма. 1.227) важанад̇о бхаяад̇убадтаанаад̣̇ийнаваанубассанаасу вуд̇д̇аасу ниб̣б̣ид̣̇аанубассанаа ид̇хааби вуд̇д̇аава ход̇и. аад̣̇ид̇о жад̇уд̇т̇ам̣ гад̇ваа вуд̇д̇ад̇д̇аа банид̇ха на вуд̇д̇аа. бадисан̇каанубассанаад̇и мун̃жид̇угамяад̇аан̃аан̣авасзна уббаннам̣ мун̃жанасса убааяагаран̣ам̣ бадисан̇каанубассанаасан̃н̃ид̇ам̣ анижжад̣̇угкаанад̇д̇аанубассанаан̃аан̣ам̣. ‘‘яаа жа мун̃жид̇угамяад̇аа яаа жа бадисан̇каанубассанаа яаа жа сан̇каарубзгкаа, имз д̇хаммаа згад̇т̇аа, б̣яан̃ж̇анамзва наана’’нд̇и (бади. ма. 1.227) важанад̇о бадисан̇каанубассанааяа вуд̇д̇ааяа мун̃жид̇угамяад̇аасан̇каарубзгкаан̃аан̣аани вуд̇д̇аанзва хонд̇и. вивадданаанубассанаад̇и ануломан̃аан̣авасзна уббаннам̣ г̇од̇рабхун̃аан̣ам̣. ануломан̃аан̣зна г̇од̇рабхун̃аан̣асса сиж̇жханад̇о г̇од̇рабхун̃аан̣з вуд̇д̇з ануломан̃аан̣ам̣ вуд̇д̇амзва ход̇и. зван̃хи адтаарасаннам̣ махаавибассанаанам̣ бадибаади вужжамаанаа баал̣ияаа самзд̇и. вуд̇д̇ан̃хи инд̣̇рияагат̇ааяам̣ –

    Suññatānupassanāti dukkhānupassanānantaraṃ pavattā anattānupassanāva attābhinivesapajahanavasena attasuññatādassanato suññatānupassanā nāma hoti. Adhipaññādhammavipassanāti evaṃ saṅkhārānaṃ bhaṅgaṃ passitvā passitvā aniccādito vipassantassa saṅkhārāva bhijjanti, saṅkhārānaṃ maraṇaṃ na añño koci atthīti bhaṅgavasena suññataṃ gahetvā pavattā vipassanā. Sā hi adhipaññā ca dhammesu ca vipassanāti katvā adhipaññādhammavipassanāti vuccati. Yathābhūtañāṇadassananti bhaṅgaṃ disvā disvā ‘‘sabhayā saṅkhārā’’ti pavattaṃ bhayatupaṭṭhānañāṇaṃ. Ādīnavānupassanāti bhayatupaṭṭhānavasena uppannaṃ sabbabhavādīsu ādīnavadassanañāṇaṃ. ‘‘Yā ca bhayatupaṭṭhāne paññā yañca ādīnave ñāṇaṃ yā ca nibbidā, ime dhammā ekatthā, byañjanameva nāna’’nti (paṭi. ma. 1.227) vacanato bhayatupaṭṭhānādīnavānupassanāsu vuttāsu nibbidānupassanā idhāpi vuttāva hoti. Ādito catutthaṃ katvā vuttattā panidha na vuttā. Paṭisaṅkhānupassanāti muñcitukamyatāñāṇavasena uppannaṃ muñcanassa upāyakaraṇaṃ paṭisaṅkhānupassanāsaññitaṃ aniccadukkhānattānupassanāñāṇaṃ. ‘‘Yā ca muñcitukamyatā yā ca paṭisaṅkhānupassanā yā ca saṅkhārupekkhā, ime dhammā ekatthā, byañjanameva nāna’’nti (paṭi. ma. 1.227) vacanato paṭisaṅkhānupassanāya vuttāya muñcitukamyatāsaṅkhārupekkhāñāṇāni vuttāneva honti. Vivaṭṭanānupassanāti anulomañāṇavasena uppannaṃ gotrabhuñāṇaṃ. Anulomañāṇena gotrabhuñāṇassa sijjhanato gotrabhuñāṇe vutte anulomañāṇaṃ vuttameva hoti. Evañhi aṭṭhārasannaṃ mahāvipassanānaṃ paṭipāṭi vuccamānā pāḷiyā sameti. Vuttañhi indriyakathāyaṃ –

    ‘‘буб̣б̣абхааг̇з бан̃жахинд̣̇риязхи батамаж̇жхаанавасзна бан̃жинд̣̇рияаани ниссадаани хонд̇и, батамз жхаанз бан̃жахинд̣̇риязхи д̣̇уд̇ияаж̇жхаанавасзна бан̃жинд̣̇рияаани ниссадаани хонд̇ий’’д̇и (бади. ма. 1.192) –

    ‘‘Pubbabhāge pañcahindriyehi paṭhamajjhānavasena pañcindriyāni nissaṭāni honti, paṭhame jhāne pañcahindriyehi dutiyajjhānavasena pañcindriyāni nissaṭāni hontī’’ti (paṭi. ma. 1.192) –

    аад̣̇инаа наязна яаава арахад̇д̇апалаа уд̇д̇аруд̇д̇арибадибаадияаа инд̣̇рияаани вуд̇д̇аани. д̇асмаа адтаараса махаавибассанаа яат̇аавуд̇д̇аггамзна баал̣ияаа яуж̇ж̇анд̇и. висуд̣̇д̇химаг̇г̇з бана –

    Ādinā nayena yāva arahattaphalā uttaruttaripaṭipāṭiyā indriyāni vuttāni. Tasmā aṭṭhārasa mahāvipassanā yathāvuttakkamena pāḷiyā yujjanti. Visuddhimagge pana –

    ‘‘каяаанубассанаад̇и гханавиниб̣бхог̇ам̣ гад̇ваа анижжам̣ каяадтзнаад̇и звам̣ каяам̣ бассад̇о н̃аан̣ам̣. вибарин̣аамаанубассанаад̇и руубасад̇д̇агааруубасад̇д̇агаад̣̇ивасзна д̇ам̣ д̇ам̣ барижчзд̣̇ам̣ ад̇иггамма ан̃н̃ат̇аа бавад̇д̇ид̣̇ассанам̣. уббаннасса ваа ж̇арааяа жзва маран̣зна жа д̣̇вийхаагаарзхи вибарин̣аамад̣̇ассанам̣. яат̇аабхууд̇ан̃аан̣ад̣̇ассананд̇и сабажжаяанаамаруубабариг̇г̇ахо’’д̇и (висуд̣̇д̇хи. 2.850) –

    ‘‘Khayānupassanāti ghanavinibbhogaṃ katvā aniccaṃ khayaṭṭhenāti evaṃ khayaṃ passato ñāṇaṃ. Vipariṇāmānupassanāti rūpasattakaarūpasattakādivasena taṃ taṃ paricchedaṃ atikkamma aññathā pavattidassanaṃ. Uppannassa vā jarāya ceva maraṇena ca dvīhākārehi vipariṇāmadassanaṃ. Yathābhūtañāṇadassananti sapaccayanāmarūpapariggaho’’ti (visuddhi. 2.850) –

    вуд̇д̇ам̣. д̇ам̣ д̇ааяа баал̣ияаа вируд̣̇д̇хам̣ вияа д̣̇иссад̇и. вивадданаанубассанаад̇и сан̇каарубзгкаа жзва ануломан̃жаад̇и вуд̇д̇ам̣. д̇ан̃жа баал̣ияаа вируд̣̇д̇хам̣ вияа д̣̇иссад̇и. жарияаагат̇ааяан̃хи –

    Vuttaṃ. Taṃ tāya pāḷiyā viruddhaṃ viya dissati. Vivaṭṭanānupassanāti saṅkhārupekkhā ceva anulomañcāti vuttaṃ. Tañca pāḷiyā viruddhaṃ viya dissati. Cariyākathāyañhi –

    ‘‘анижжаанубассанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа. анижжаанубассанаа н̃аан̣ажарияаа…бз… бадисан̇каанубассанад̇т̇ааяа ааваж̇ж̇анагирияааб̣яаагад̇аа вин̃н̃аан̣ажарияаа. бадисан̇каанубассанаа н̃аан̣ажарияаа’’д̇и (бади. ма. 1.71) –

    ‘‘Aniccānupassanatthāya āvajjanakiriyābyākatā viññāṇacariyā. Aniccānupassanā ñāṇacariyā…pe… paṭisaṅkhānupassanatthāya āvajjanakiriyābyākatā viññāṇacariyā. Paṭisaṅkhānupassanā ñāṇacariyā’’ti (paṭi. ma. 1.71) –

    яасса яасса н̃аан̣асса висум̣ висум̣ ааваж̇ж̇анам̣ лаб̣бхад̇и, д̇асса д̇асса висум̣ висум̣ ааваж̇ж̇анам̣ вуд̇д̇ам̣. вивадданаанубассанааяа бана ааваж̇ж̇анам̣ авад̇ваава ‘‘вивадданаанубассанаа н̃аан̣ажарияаа’’д̇и вуд̇д̇ам̣. яад̣̇и сан̇каарубзгкаануломан̃аан̣аани вивадданаанубассанаа наама сияум̣, д̇ад̣̇ааваж̇ж̇анасамбхаваа д̇ад̣̇ад̇т̇ааяа жа ааваж̇ж̇анам̣ вад̣̇зяяа, на жа д̇ад̣̇ад̇т̇ааяа ааваж̇ж̇анам̣ вуд̇д̇ам̣. г̇од̇рабхун̃аан̣асса бана висум̣ ааваж̇ж̇анам̣ над̇т̇и ануломааваж̇ж̇анавийт̇ияам̣язва уббад̇д̇ид̇о. д̇асмаа вивадданаанубассанад̇т̇ааяа ааваж̇ж̇анасса авуд̇д̇ад̇д̇аа г̇од̇рабхун̃аан̣амзва ‘‘вивадданаанубассанаа’’д̇и яуж̇ж̇ад̇и.

    Yassa yassa ñāṇassa visuṃ visuṃ āvajjanaṃ labbhati, tassa tassa visuṃ visuṃ āvajjanaṃ vuttaṃ. Vivaṭṭanānupassanāya pana āvajjanaṃ avatvāva ‘‘vivaṭṭanānupassanā ñāṇacariyā’’ti vuttaṃ. Yadi saṅkhārupekkhānulomañāṇāni vivaṭṭanānupassanā nāma siyuṃ, tadāvajjanasambhavā tadatthāya ca āvajjanaṃ vadeyya, na ca tadatthāya āvajjanaṃ vuttaṃ. Gotrabhuñāṇassa pana visuṃ āvajjanaṃ natthi anulomāvajjanavīthiyaṃyeva uppattito. Tasmā vivaṭṭanānupassanatthāya āvajjanassa avuttattā gotrabhuñāṇameva ‘‘vivaṭṭanānupassanā’’ti yujjati.

    19. сод̇аабад̇д̇имаг̇г̇аад̣̇ийни адта виссаж̇ж̇анаани логуд̇д̇арамаг̇г̇апалавасзна нид̣̇д̣̇идтаани. сод̇асса аабаж̇ж̇анам̣ сод̇аабад̇д̇и, сод̇аабад̇д̇и зва маг̇г̇о сод̇аабад̇д̇имаг̇г̇о. сод̇аабад̇д̇ияаа палам̣ сод̇аабад̇д̇ипалам̣, самаабаж̇ж̇ийяад̇ийд̇и самаабад̇д̇и, сод̇аабад̇д̇ипаламзва самаабад̇д̇и сод̇аабад̇д̇ипаласамаабад̇д̇и. бадисанд̇хивасзна сагим̣язва имам̣ логам̣ ааг̇ажчад̇ийд̇и сагад̣̇ааг̇аамий, д̇асса маг̇г̇о сагад̣̇ааг̇аамимаг̇г̇о. сагад̣̇ааг̇аамисса палам̣ сагад̣̇ааг̇аамипалам̣. бадисанд̇хивасзнзва гаамабхавам̣ на ааг̇ажчад̇ийд̇и анааг̇аамий, д̇асса маг̇г̇о анааг̇аамимаг̇г̇о. анааг̇аамисса палам̣ анааг̇аамипалам̣. гилзсзхи аарагад̇д̇аа, гилзсаарийнам̣ хад̇ад̇д̇аа, сам̣сааражаггасса араанам̣ хад̇ад̇д̇аа, баабагаран̣з рахаабхааваа, бажжаяаад̣̇ийнам̣ арахад̇д̇аа арахам̣, арахад̇о бхааво арахад̇д̇ам̣. гим̣ д̇ам̣? арахад̇д̇апалам̣. арахад̇д̇асса маг̇г̇о арахад̇д̇амаг̇г̇о. арахад̇д̇амзва палам̣ арахад̇д̇апалам̣.

    19.Sotāpattimaggādīni aṭṭha vissajjanāni lokuttaramaggaphalavasena niddiṭṭhāni. Sotassa āpajjanaṃ sotāpatti, sotāpatti eva maggo sotāpattimaggo. Sotāpattiyā phalaṃ sotāpattiphalaṃ, samāpajjīyatīti samāpatti, sotāpattiphalameva samāpatti sotāpattiphalasamāpatti. Paṭisandhivasena sakiṃyeva imaṃ lokaṃ āgacchatīti sakadāgāmī, tassa maggo sakadāgāmimaggo. Sakadāgāmissa phalaṃ sakadāgāmiphalaṃ. Paṭisandhivaseneva kāmabhavaṃ na āgacchatīti anāgāmī, tassa maggo anāgāmimaggo. Anāgāmissa phalaṃ anāgāmiphalaṃ. Kilesehi ārakattā, kilesārīnaṃ hatattā, saṃsāracakkassa arānaṃ hatattā, pāpakaraṇe rahābhāvā, paccayādīnaṃ arahattā arahaṃ, arahato bhāvo arahattaṃ. Kiṃ taṃ? Arahattaphalaṃ. Arahattassa maggo arahattamaggo. Arahattameva phalaṃ arahattaphalaṃ.

    ‘‘ад̇химогкадтзна сад̣̇д̇хинд̣̇рияа’’нд̇иаад̣̇ийни ‘‘д̇ат̇адтзна сажжаа’’д̇ибарияанд̇аани д̇зд̇д̇им̣са виссаж̇ж̇анаани нид̣̇д̣̇идтаани. хздтаа ‘‘сад̣̇д̇хинд̣̇рияасса ад̇химогкадто’’д̇иаад̣̇ийхи д̇зд̇д̇им̣сааяа виссаж̇ж̇анзхи самаанаани. гзвалан̃хи д̇ад̇т̇а д̇хаммзхи ад̇т̇аа нид̣̇д̣̇идтаа, ид̇ха ад̇т̇зхи д̇хаммаа нид̣̇д̣̇идтаад̇и аяам̣ висзсо. ‘‘авигкзбадтзна самат̇о’’д̇иаад̣̇ийнан̃жа жад̇уннам̣ виссаж̇ж̇анаанам̣ хздтаа ‘‘самат̇асса авигкзбадто’’д̇иаад̣̇ийнан̃жа жад̇уннам̣ виссаж̇ж̇анаанам̣ висзсо вуд̇д̇анаязнзва взд̣̇ид̇аб̣б̣о.

    ‘‘Adhimokkhaṭṭhena saddhindriya’’ntiādīni ‘‘tathaṭṭhena saccā’’tipariyantāni tettiṃsa vissajjanāni niddiṭṭhāni. Heṭṭhā ‘‘saddhindriyassa adhimokkhaṭṭho’’tiādīhi tettiṃsāya vissajjanehi samānāni. Kevalañhi tattha dhammehi atthā niddiṭṭhā, idha atthehi dhammā niddiṭṭhāti ayaṃ viseso. ‘‘Avikkhepaṭṭhena samatho’’tiādīnañca catunnaṃ vissajjanānaṃ heṭṭhā ‘‘samathassa avikkhepaṭṭho’’tiādīnañca catunnaṃ vissajjanānaṃ viseso vuttanayeneva veditabbo.

    сам̣варадтзнаад̇иаад̣̇ийни адта виссаж̇ж̇анаани сийлаад̣̇иб̣алабарияосаанад̇хаммавасзна нид̣̇д̣̇идтаани. сийлависуд̣̇д̇хийд̇и субарисуд̣̇д̇хабаад̇имогкасам̣вараад̣̇ижад̇уб̣б̣ид̇хам̣ сийлам̣ д̣̇уссийляамалависод̇ханад̇о. жид̇д̇ависуд̣̇д̇хийд̇и саубажаараа адта самаабад̇д̇ияо. жид̇д̇асийсзна хзд̇т̇а самаад̇хи вуд̇д̇о. со жид̇д̇амалависод̇ханад̇о жид̇д̇ависуд̣̇д̇хи. д̣̇идтивисуд̣̇д̇хийд̇и наамаруубаанам̣ яат̇аасабхаавад̣̇ассанам̣ сад̇д̇ад̣̇идтималависод̇ханад̇о д̣̇идтивисуд̣̇д̇хи. муд̇д̇адтзнаад̇и д̇ад̣̇ан̇г̇авасзна убаггилзсад̇о вимуд̇д̇адтзна аарамман̣з жа ад̇химуд̇д̇адтзна. вимогкод̇и д̇ад̣̇ан̇г̇авимогко. бадивзд̇хадтзна виж̇ж̇аад̇и буб̣б̣зниваасаануссад̇ин̃аан̣ам̣ буримабхавабадивзд̇хадтзна виж̇ж̇аа, д̣̇иб̣б̣ажагкун̃аан̣ам̣ сад̇д̇аанам̣ жуд̇уубабаад̇абадивзд̇хадтзна виж̇ж̇аа, аасаваанам̣ каяз н̃аан̣ам̣ сажжабадивзд̇хадтзна виж̇ж̇аа. бадивзд̇хадтзнаад̇и ж̇аананадтзна. барижжааг̇адтзна вимуд̇д̇ийд̇и яам̣ яам̣ барижжад̇д̇ам̣, д̇ад̇о д̇ад̇о вимуд̇д̇ад̇д̇аа палавимуд̇д̇и. самужчзд̣̇адтзна каяз н̃аан̣анд̇и гилзсасамужчинд̣̇анад̇т̇зна гилзсагкаяагарз арияамаг̇г̇з н̃аан̣ам̣. бадиббассад̣̇д̇хадтзна ануббаад̣̇з н̃аан̣анд̇и маг̇г̇агижжасан̇каад̇абаяог̇абадиббассад̣̇д̇хад̇д̇аа бадисанд̇хивасзна ануббаад̣̇абхууд̇з д̇ам̣д̇ам̣маг̇г̇аваж̇жхагилзсаанам̣ ануббаад̣̇абарияосаанз уббаннз арияапалз н̃аан̣ам̣.

    Saṃvaraṭṭhenātiādīni aṭṭha vissajjanāni sīlādibalapariyosānadhammavasena niddiṭṭhāni. Sīlavisuddhīti suparisuddhapātimokkhasaṃvarādicatubbidhaṃ sīlaṃ dussīlyamalavisodhanato. Cittavisuddhīti saupacārā aṭṭha samāpattiyo. Cittasīsena hettha samādhi vutto. So cittamalavisodhanato cittavisuddhi. Diṭṭhivisuddhīti nāmarūpānaṃ yathāsabhāvadassanaṃ sattadiṭṭhimalavisodhanato diṭṭhivisuddhi. Muttaṭṭhenāti tadaṅgavasena upakkilesato vimuttaṭṭhena ārammaṇe ca adhimuttaṭṭhena. Vimokkhoti tadaṅgavimokkho. Paṭivedhaṭṭhena vijjāti pubbenivāsānussatiñāṇaṃ purimabhavapaṭivedhaṭṭhena vijjā, dibbacakkhuñāṇaṃ sattānaṃ cutūpapātapaṭivedhaṭṭhena vijjā, āsavānaṃ khaye ñāṇaṃ saccapaṭivedhaṭṭhena vijjā. Paṭivedhaṭṭhenāti jānanaṭṭhena. Pariccāgaṭṭhena vimuttīti yaṃ yaṃ pariccattaṃ, tato tato vimuttattā phalavimutti. Samucchedaṭṭhena khaye ñāṇanti kilesasamucchindanatthena kilesakkhayakare ariyamagge ñāṇaṃ. Paṭippassaddhaṭṭhena anuppāde ñāṇanti maggakiccasaṅkhātapayogapaṭippassaddhattā paṭisandhivasena anuppādabhūte taṃtaṃmaggavajjhakilesānaṃ anuppādapariyosāne uppanne ariyaphale ñāṇaṃ.

    20. чанд̣̇о мууладтзнаад̇иаад̣̇ийни нава виссаж̇ж̇анаани арияамаг̇г̇асса аад̣̇имаж̇жхабарияосаанавасзна нид̣̇д̣̇идтаани. чанд̣̇о мууладтзнаад̇и гусалаанам̣ д̇хаммаанам̣ гад̇д̇угамяад̇аачанд̣̇о бадибад̇д̇ияаа жа нибпад̇д̇ияаа жа муулад̇д̇аа мууладтзна. манасигааро самудтаанадтзнаад̇и яонисоманасигааро саб̣б̣агусалад̇хаммз самудтаабзд̇ийд̇и самудтаанадтзна. пассо самод̇хаанадтзнаад̇и яасмаа д̇ан̣хааяа висзсзна взд̣̇анаа бад̇хаанагааран̣ам̣, д̇ан̣хаа жа бахийяамаанаа висзсзна взд̣̇анааяа барин̃н̃аад̇ааяа бахийяад̇и, д̇ассаа жа взд̣̇анааяа пассова бад̇хаанагааран̣ам̣, д̇асмим̣ барин̃н̃аад̇з взд̣̇анаа барин̃н̃аад̇аа ход̇и, д̇асмаа сад̇д̇асу абхин̃н̃зяяавад̇т̇уусу пассо батамам̣ вуд̇д̇о. со жа д̇игасаннибаад̇асан̇каад̇асса ад̇д̇ано гааран̣асса васзна бавзд̣̇ид̇ад̇д̇аа ‘‘д̇игасаннибаад̇абажжубадтаано’’д̇и вуд̇д̇ад̇д̇аа самод̇хаанадтзна абхин̃н̃зяяо. гзжи бана ‘‘н̃аан̣апассо пассо’’д̇и вад̣̇анд̇и.

    20.Chando mūlaṭṭhenātiādīni nava vissajjanāni ariyamaggassa ādimajjhapariyosānavasena niddiṭṭhāni. Chando mūlaṭṭhenāti kusalānaṃ dhammānaṃ kattukamyatāchando paṭipattiyā ca nipphattiyā ca mūlattā mūlaṭṭhena. Manasikāro samuṭṭhānaṭṭhenāti yonisomanasikāro sabbakusaladhamme samuṭṭhāpetīti samuṭṭhānaṭṭhena. Phasso samodhānaṭṭhenāti yasmā taṇhāya visesena vedanā padhānakāraṇaṃ, taṇhā ca pahīyamānā visesena vedanāya pariññātāya pahīyati, tassā ca vedanāya phassova padhānakāraṇaṃ, tasmiṃ pariññāte vedanā pariññātā hoti, tasmā sattasu abhiññeyyavatthūsu phasso paṭhamaṃ vutto. So ca tikasannipātasaṅkhātassa attano kāraṇassa vasena paveditattā ‘‘tikasannipātapaccupaṭṭhāno’’ti vuttattā samodhānaṭṭhena abhiññeyyo. Keci pana ‘‘ñāṇaphasso phasso’’ti vadanti.

    яасмаа бана взд̣̇анаа жид̇д̇ажзд̇асигз ад̇д̇ано васз вад̇д̇аабаяамаанаа д̇ад̇т̇а самосарад̇и бависад̇и, жид̇д̇асанд̇аанамзва ваа бависад̇и, д̇асмаа самосаран̣адтзна абхин̃н̃зяяаад̇и вуд̇д̇аа. гзжи бана ‘‘саб̣б̣ааниби барин̃н̃зяяаани взд̣̇анаасу самосаранд̇и, взд̣̇анаасу барин̃н̃аад̇аасу саб̣б̣ам̣ д̇ан̣хаавад̇т̇у барин̃н̃аад̇ам̣ ход̇и. д̇ам̣ гисса хзд̇у? взд̣̇анаабажжаяаа хи саб̣б̣ааби д̇ан̣хаа. д̇асмаа взд̣̇анаа самосаран̣адтзна абхин̃н̃зяяаа’’д̇и вад̣̇анд̇и. яасмаа саб̣б̣аг̇обаанасийнам̣ ааб̣анд̇ханад̇о гуудааг̇аараган̣н̣игаа вияа жид̇д̇ажзд̇асигаанам̣ самбин̣д̣анад̇о самаад̇хи гусалаанам̣ д̇хаммаанам̣ бамуко ход̇и ж̇здтаго, д̇асмаа самаад̇хи бамукадтзнаад̇и вуд̇д̇ам̣. баамукадтзнаад̇иби баато. яасмаа самат̇авибассанам̣ бхаавзнд̇асса аарамман̣уубадтаанаад̇хибад̇и ход̇и сад̇и, сад̇ияаа убадтид̇з аарамман̣з саб̣б̣зби гусалаа д̇хаммаа сагам̣ сагам̣ гижжам̣ саад̇хзнд̇и, д̇асмаа сад̇и аад̇хибад̇зяяадтзнаад̇и вуд̇д̇ам̣. бан̃н̃аа д̇ад̣̇уд̇д̇арадтзнаад̇и арияамаг̇г̇абан̃н̃аа д̇зсам̣ гусалаанам̣ д̇хаммаанам̣ уд̇д̇арадтзна сздтадтзна абхин̃н̃зяяаа. ат̇а ваа д̇ад̇о гилзсзхи, сам̣саараваддад̇о ваа уд̇д̇арад̇и самад̇иггамад̇ийд̇и д̇ад̣̇уд̇д̇араа, д̇ассаа ад̇т̇о д̇ад̣̇уд̇д̇арадто. д̇зна д̇ад̣̇уд̇д̇арадтзна. д̇ад̇уд̇д̇арадтзнаад̇иби баато, д̇ад̇о уд̇д̇арадтзнаад̇и ад̇т̇о. вимуд̇д̇и саарадтзнаад̇и палавимуд̇д̇и абарихаанивасзна т̇ирад̇д̇аа сааро, д̇ам̣ ад̇иггамид̇ваа ан̃н̃асса бариязсид̇аб̣б̣асса абхаавад̇оби сааро. саа вимуд̇д̇и д̇зна саарадтзна абхин̃н̃зяяаа. амад̇ог̇ад̇хам̣ ниб̣б̣аананд̇и над̇т̇и зд̇асса маран̣асан̇каад̇ам̣ мад̇анд̇и амад̇ам̣, гилзсависабадибагкад̇д̇аа аг̇ад̣̇анд̇иби амад̇ам̣ , сажчигирияааяа сад̇д̇аанам̣ бад̇идтаабхууд̇анд̇и ог̇ад̇хам̣, сам̣саарад̣̇угкасанд̇ибхууд̇ад̇д̇аа ниб̣б̣уд̇анд̇и ниб̣б̣аанам̣, над̇т̇зд̇т̇а д̇ан̣хаасан̇каад̇ам̣ ваананд̇иби ниб̣б̣аанам̣. д̇ам̣ саасанасса нидтаабхууд̇ад̇д̇аа барияосаанадтзна абхин̃н̃зяяам̣. звам̣ имасмим̣ абхин̃н̃зяяанид̣̇д̣̇зсз сад̇д̇асахассаани сад̇д̇асад̇аани жад̇д̇аалийсан̃жа виссаж̇ж̇анаани хонд̇и.

    Yasmā pana vedanā cittacetasike attano vase vattāpayamānā tattha samosarati pavisati, cittasantānameva vā pavisati, tasmā samosaraṇaṭṭhena abhiññeyyāti vuttā. Keci pana ‘‘sabbānipi pariññeyyāni vedanāsu samosaranti, vedanāsu pariññātāsu sabbaṃ taṇhāvatthu pariññātaṃ hoti. Taṃ kissa hetu? Vedanāpaccayā hi sabbāpi taṇhā. Tasmā vedanā samosaraṇaṭṭhena abhiññeyyā’’ti vadanti. Yasmā sabbagopānasīnaṃ ābandhanato kūṭāgārakaṇṇikā viya cittacetasikānaṃ sampiṇḍanato samādhi kusalānaṃ dhammānaṃ pamukho hoti jeṭṭhako, tasmā samādhi pamukhaṭṭhenāti vuttaṃ. Pāmukhaṭṭhenātipi pāṭho. Yasmā samathavipassanaṃ bhāventassa ārammaṇūpaṭṭhānādhipati hoti sati, satiyā upaṭṭhite ārammaṇe sabbepi kusalā dhammā sakaṃ sakaṃ kiccaṃ sādhenti, tasmā sati ādhipateyyaṭṭhenāti vuttaṃ. Paññā taduttaraṭṭhenāti ariyamaggapaññā tesaṃ kusalānaṃ dhammānaṃ uttaraṭṭhena seṭṭhaṭṭhena abhiññeyyā. Atha vā tato kilesehi, saṃsāravaṭṭato vā uttarati samatikkamatīti taduttarā, tassā attho taduttaraṭṭho. Tena taduttaraṭṭhena. Tatuttaraṭṭhenātipi pāṭho, tato uttaraṭṭhenāti attho. Vimutti sāraṭṭhenāti phalavimutti aparihānivasena thirattā sāro, taṃ atikkamitvā aññassa pariyesitabbassa abhāvatopi sāro. Sā vimutti tena sāraṭṭhena abhiññeyyā. Amatogadhaṃ nibbānanti natthi etassa maraṇasaṅkhātaṃ matanti amataṃ, kilesavisapaṭipakkhattā agadantipi amataṃ , sacchikiriyāya sattānaṃ patiṭṭhābhūtanti ogadhaṃ, saṃsāradukkhasantibhūtattā nibbutanti nibbānaṃ, natthettha taṇhāsaṅkhātaṃ vānantipi nibbānaṃ. Taṃ sāsanassa niṭṭhābhūtattā pariyosānaṭṭhena abhiññeyyaṃ. Evaṃ imasmiṃ abhiññeyyaniddese sattasahassāni sattasatāni cattālīsañca vissajjanāni honti.

    ид̣̇аани д̇зсам̣ звам̣ нид̣̇д̣̇идтаанам̣ д̇хаммаанам̣ ‘‘яз яз д̇хаммаа абхин̃н̃аад̇аа, д̇з д̇з д̇хаммаа н̃аад̇аа хонд̇ий’’д̇и ниг̇аманам̣ гарод̇и, д̇асса абхимукам̣ гад̇ваа н̃аад̇аа хонд̇ийд̇и ад̇хиббааяо. д̇ам̣н̃аад̇адтзна н̃аан̣анд̇и д̇зсам̣ вуд̇д̇аббагаараанам̣ д̇хаммаанам̣ ж̇аананадтзна н̃аан̣ам̣. баж̇аананадтзна бан̃н̃аад̇и багаарад̇о ж̇аананадтзна бан̃н̃аа. д̇зна вужжад̇ийд̇иаад̣̇ид̇о бужчид̇абужчаа ниг̇амзд̇ваа д̣̇ассид̇аа. д̇зна гааран̣зна ‘‘имз д̇хаммаа абхин̃н̃зяяаад̇и сод̇аавад̇хаанам̣, д̇ам̣баж̇аананаа бан̃н̃аа суд̇амаяз н̃аан̣а’’нд̇и вужжад̇ийд̇и ад̇т̇од̇и.

    Idāni tesaṃ evaṃ niddiṭṭhānaṃ dhammānaṃ ‘‘ye ye dhammā abhiññātā, te te dhammā ñātā hontī’’ti nigamanaṃ karoti, tassa abhimukhaṃ katvā ñātā hontīti adhippāyo. Taṃñātaṭṭhena ñāṇanti tesaṃ vuttappakārānaṃ dhammānaṃ jānanaṭṭhena ñāṇaṃ. Pajānanaṭṭhena paññāti pakārato jānanaṭṭhena paññā. Tena vuccatītiādito pucchitapucchā nigametvā dassitā. Tena kāraṇena ‘‘ime dhammā abhiññeyyāti sotāvadhānaṃ, taṃpajānanā paññā sutamaye ñāṇa’’nti vuccatīti atthoti.

    сад̣̇д̇хаммаббагаасинияаа бадисамбхид̣̇аамаг̇г̇адтагат̇ааяа

    Saddhammappakāsiniyā paṭisambhidāmaggaṭṭhakathāya

    абхин̃н̃зяяанид̣̇д̣̇зсаван̣н̣анаа нидтид̇аа.

    Abhiññeyyaniddesavaṇṇanā niṭṭhitā.




    Next: барин̃н̃зяяанид̣̇д̣̇зсаван̣н̣анаа • Pariññeyyaniddesavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. суд̇амаяан̃аан̣анид̣̇д̣̇зсо • 1. Sutamayañāṇaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact