| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
3. абхисамаяагат̇аа
3. Abhisamayakathā
19. абхисамаяод̇и . гзна абхисамзд̇и? жид̇д̇зна абхисамзд̇и.
19.Abhisamayoti . Kena abhisameti? Cittena abhisameti.
хан̃жи жид̇д̇зна абхисамзд̇и, д̇зна хи ан̃н̃аан̣ий абхисамзд̇и? на ан̃н̃аан̣ий абхисамзд̇и. н̃аан̣зна абхисамзд̇и.
Hañci cittena abhisameti, tena hi aññāṇī abhisameti? Na aññāṇī abhisameti. Ñāṇena abhisameti.
хан̃жи н̃аан̣зна абхисамзд̇и, д̇зна хи ажид̇д̇зна жа н̃аан̣зна жа ажид̇д̇аго 1 абхисамзд̇и? на ажид̇д̇аго абхисамзд̇и. жид̇д̇зна жа н̃аан̣зна жа абхисамзд̇и.
Hañci ñāṇena abhisameti, tena hi acittena ca ñāṇena ca acittako 2 abhisameti? Na acittako abhisameti. Cittena ca ñāṇena ca abhisameti.
хан̃жи жид̇д̇зна жа н̃аан̣зна жа абхисамзд̇и, д̇зна хи гаамааважаражид̇д̇зна жа н̃аан̣зна жа абхисамзд̇и? на гаамааважаражид̇д̇зна жа н̃аан̣зна жа абхисамзд̇и.
Hañci cittena ca ñāṇena ca abhisameti, tena hi kāmāvacaracittena ca ñāṇena ca abhisameti? Na kāmāvacaracittena ca ñāṇena ca abhisameti.
д̇зна хи руубааважаражид̇д̇зна жа н̃аан̣зна жа абхисамзд̇и? на руубааважаражид̇д̇зна жа н̃аан̣зна жа абхисамзд̇и.
Tena hi rūpāvacaracittena ca ñāṇena ca abhisameti? Na rūpāvacaracittena ca ñāṇena ca abhisameti.
д̇зна хи аруубааважаражид̇д̇зна жа н̃аан̣зна жа абхисамзд̇и? на аруубааважаражид̇д̇зна жа н̃аан̣зна жа абхисамзд̇и.
Tena hi arūpāvacaracittena ca ñāṇena ca abhisameti? Na arūpāvacaracittena ca ñāṇena ca abhisameti.
д̇зна хи гаммассагад̇ажид̇д̇зна жа н̃аан̣зна жа абхисамзд̇и? на гаммассагад̇ажид̇д̇зна жа н̃аан̣зна жа абхисамзд̇и.
Tena hi kammassakatacittena ca ñāṇena ca abhisameti? Na kammassakatacittena ca ñāṇena ca abhisameti.
д̇зна хи сажжаануломигажид̇д̇зна жа н̃аан̣зна жа абхисамзд̇и? на сажжаануломигажид̇д̇зна жа н̃аан̣зна жа абхисамзд̇и.
Tena hi saccānulomikacittena ca ñāṇena ca abhisameti? Na saccānulomikacittena ca ñāṇena ca abhisameti.
д̇зна хи ад̇ийд̇ажид̇д̇зна жа н̃аан̣зна жа абхисамзд̇и? на ад̇ийд̇ажид̇д̇зна жа н̃аан̣зна жа абхисамзд̇и.
Tena hi atītacittena ca ñāṇena ca abhisameti? Na atītacittena ca ñāṇena ca abhisameti.
д̇зна хи анааг̇ад̇ажид̇д̇зна жа н̃аан̣зна жа абхисамзд̇и? на анааг̇ад̇ажид̇д̇зна жа н̃аан̣зна жа абхисамзд̇и.
Tena hi anāgatacittena ca ñāṇena ca abhisameti? Na anāgatacittena ca ñāṇena ca abhisameti.
д̇зна хи бажжуббанналогияажид̇д̇зна жа н̃аан̣зна жа абхисамзд̇и? на бажжуббанналогияажид̇д̇зна жа н̃аан̣зна жа абхисамзд̇и. логуд̇д̇арамаг̇г̇агкан̣з бажжуббаннажид̇д̇зна жа н̃аан̣зна жа абхисамзд̇и.
Tena hi paccuppannalokiyacittena ca ñāṇena ca abhisameti? Na paccuppannalokiyacittena ca ñāṇena ca abhisameti. Lokuttaramaggakkhaṇe paccuppannacittena ca ñāṇena ca abhisameti.
гат̇ам̣ логуд̇д̇арамаг̇г̇агкан̣з бажжуббаннажид̇д̇зна жа н̃аан̣зна жа абхисамзд̇и? логуд̇д̇арамаг̇г̇агкан̣з уббаад̣̇аад̇хибад̇зяяам̣ жид̇д̇ам̣ н̃аан̣асса хзд̇у бажжаяо жа. д̇ам̣самбаяуд̇д̇ам̣ нирод̇хаг̇ожарам̣ д̣̇ассанаад̇хибад̇зяяам̣ н̃аан̣ам̣ жид̇д̇асса хзд̇у бажжаяо жа. д̇ам̣самбаяуд̇д̇ам̣ н̃аан̣ам̣ нирод̇хаг̇ожарам̣. звам̣ логуд̇д̇арамаг̇г̇агкан̣з бажжуббаннажид̇д̇зна жа н̃аан̣зна жа абхисамзд̇и.
Kathaṃ lokuttaramaggakkhaṇe paccuppannacittena ca ñāṇena ca abhisameti? Lokuttaramaggakkhaṇe uppādādhipateyyaṃ cittaṃ ñāṇassa hetu paccayo ca. Taṃsampayuttaṃ nirodhagocaraṃ dassanādhipateyyaṃ ñāṇaṃ cittassa hetu paccayo ca. Taṃsampayuttaṃ ñāṇaṃ nirodhagocaraṃ. Evaṃ lokuttaramaggakkhaṇe paccuppannacittena ca ñāṇena ca abhisameti.
20. гим̣ ну зд̇д̇агоязва абхисамаяод̇и? на хи. логуд̇д̇арамаг̇г̇агкан̣з д̣̇ассанаабхисамаяо саммаад̣̇идти, абхиниробанаабхисамаяо саммаасан̇габбо, бариг̇г̇ахаабхисамаяо саммааваажаа, самудтаанаабхисамаяо саммаагамманд̇о, вод̣̇аанаабхисамаяо саммааааж̇ийво, баг̇г̇ахаабхисамаяо саммаавааяаамо, убадтаанаабхисамаяо саммаасад̇и, авигкзбаабхисамаяо саммаасамаад̇хи; убадтаанаабхисамаяо сад̇исамб̣ож̇жхан̇г̇о, бавижаяаабхисамаяо д̇хаммавижаяасамб̣ож̇жхан̇г̇о, баг̇г̇ахаабхисамаяо вийрияасамб̣ож̇жхан̇г̇о, паран̣аабхисамаяо бийд̇исамб̣ож̇жхан̇г̇о, убасамаабхисамаяо бассад̣̇д̇хисамб̣ож̇жхан̇г̇о, авигкзбаабхисамаяо самаад̇хисамб̣ож̇жхан̇г̇о, бадисан̇каанаабхисамаяо убзгкаасамб̣ож̇жхан̇г̇о; ассад̣̇д̇хияз агамбияаабхисамаяо сад̣̇д̇хааб̣алам̣, госаж̇ж̇з агамбияаабхисамаяо вийрияаб̣алам̣, бамаад̣̇з агамбияаабхисамаяо сад̇иб̣алам̣, уд̣̇д̇хажжз агамбияаабхисамаяо самаад̇хиб̣алам̣, авиж̇ж̇ааяа агамбияаабхисамаяо бан̃н̃ааб̣алам̣; ад̇химогкаабхисамаяо сад̣̇д̇хинд̣̇рияам̣, баг̇г̇ахаабхисамаяо вийрияинд̣̇рияам̣, убадтаанаабхисамаяо сад̇инд̣̇рияам̣, авигкзбаабхисамаяо самаад̇хинд̣̇рияам̣, д̣̇ассанаабхисамаяо бан̃н̃инд̣̇рияам̣. аад̇хибад̇зяяадтзна инд̣̇рияаабхисамаяо, агамбияадтзна б̣алаабхисамаяо, нияяаанадтзна б̣ож̇жхан̇г̇аабхисамаяо, хзд̇удтзна маг̇г̇аабхисамаяо, убадтаанадтзна сад̇ибадтаанаабхисамаяо, бад̣̇ахадтзна саммаббад̇хаанаабхисамаяо , иж̇жханадтзна ид̣̇д̇хибаад̣̇аабхисамаяо, д̇ат̇адтзна сажжаабхисамаяо, авигкзбадтзна самат̇аабхисамаяо, анубассанадтзна вибассанаабхисамаяо, згарасадтзна самат̇авибассанаабхисамаяо, анад̇ивад̇д̇анадтзна яуг̇анад̣̇д̇хаабхисамаяо, сам̣варадтзна сийлависуд̣̇д̇хиабхисамаяо, авигкзбадтзна висуд̣̇д̇хиабхисамаяо, д̣̇ассанадтзна д̣̇идтивисуд̣̇д̇хиабхисамаяо, муд̇д̇адтзна вимогкаабхисамаяо, бадивзд̇хадтзна виж̇ж̇аабхисамаяо, барижжааг̇адтзна вимуд̇д̇иабхисамаяо, самужчзд̣̇адтзна каяз н̃аан̣ам̣ абхисамаяо. чанд̣̇о мууладтзна абхисамаяо, манасигааро самудтаанадтзна абхисамаяо, пассо самод̇хаанадтзна абхисамаяо, взд̣̇анаа самосаран̣адтзна абхисамаяо, самаад̇хи бамукадтзна абхисамаяо , сад̇и аад̇хибад̇зяяадтзна абхисамаяо, бан̃н̃аа д̇ад̇уд̇д̇арадтзна абхисамаяо, вимуд̇д̇и саарадтзна абхисамаяо, амад̇ог̇ад̇хам̣ ниб̣б̣аанам̣ барияосаанадтзна абхисамаяо.
20.Kiṃnu ettakoyeva abhisamayoti? Na hi.Lokuttaramaggakkhaṇe dassanābhisamayo sammādiṭṭhi, abhiniropanābhisamayo sammāsaṅkappo, pariggahābhisamayo sammāvācā, samuṭṭhānābhisamayo sammākammanto, vodānābhisamayo sammāājīvo, paggahābhisamayo sammāvāyāmo, upaṭṭhānābhisamayo sammāsati, avikkhepābhisamayo sammāsamādhi; upaṭṭhānābhisamayo satisambojjhaṅgo, pavicayābhisamayo dhammavicayasambojjhaṅgo, paggahābhisamayo vīriyasambojjhaṅgo, pharaṇābhisamayo pītisambojjhaṅgo, upasamābhisamayo passaddhisambojjhaṅgo, avikkhepābhisamayo samādhisambojjhaṅgo, paṭisaṅkhānābhisamayo upekkhāsambojjhaṅgo; assaddhiye akampiyābhisamayo saddhābalaṃ, kosajje akampiyābhisamayo vīriyabalaṃ, pamāde akampiyābhisamayo satibalaṃ, uddhacce akampiyābhisamayo samādhibalaṃ, avijjāya akampiyābhisamayo paññābalaṃ; adhimokkhābhisamayo saddhindriyaṃ, paggahābhisamayo vīriyindriyaṃ, upaṭṭhānābhisamayo satindriyaṃ, avikkhepābhisamayo samādhindriyaṃ, dassanābhisamayo paññindriyaṃ. Ādhipateyyaṭṭhena indriyābhisamayo, akampiyaṭṭhena balābhisamayo, niyyānaṭṭhena bojjhaṅgābhisamayo, hetuṭṭhena maggābhisamayo, upaṭṭhānaṭṭhena satipaṭṭhānābhisamayo, padahaṭṭhena sammappadhānābhisamayo , ijjhanaṭṭhena iddhipādābhisamayo, tathaṭṭhena saccābhisamayo, avikkhepaṭṭhena samathābhisamayo, anupassanaṭṭhena vipassanābhisamayo, ekarasaṭṭhena samathavipassanābhisamayo, anativattanaṭṭhena yuganaddhābhisamayo, saṃvaraṭṭhena sīlavisuddhiabhisamayo, avikkhepaṭṭhena visuddhiabhisamayo, dassanaṭṭhena diṭṭhivisuddhiabhisamayo, muttaṭṭhena vimokkhābhisamayo, paṭivedhaṭṭhena vijjābhisamayo, pariccāgaṭṭhena vimuttiabhisamayo, samucchedaṭṭhena khaye ñāṇaṃ abhisamayo. Chando mūlaṭṭhena abhisamayo, manasikāro samuṭṭhānaṭṭhena abhisamayo, phasso samodhānaṭṭhena abhisamayo, vedanā samosaraṇaṭṭhena abhisamayo, samādhi pamukhaṭṭhena abhisamayo , sati ādhipateyyaṭṭhena abhisamayo, paññā tatuttaraṭṭhena abhisamayo, vimutti sāraṭṭhena abhisamayo, amatogadhaṃ nibbānaṃ pariyosānaṭṭhena abhisamayo.
21. гим̣ ну зд̇д̇агоязва абхисамаяод̇и? на хи. сод̇аабад̇д̇имаг̇г̇агкан̣з д̣̇ассанаабхисамаяо саммаад̣̇идти…бз… амад̇ог̇ад̇хам̣ ниб̣б̣аанам̣ барияосаанадтзна абхисамаяо.
21. Kiṃ nu ettakoyeva abhisamayoti? Na hi. Sotāpattimaggakkhaṇe dassanābhisamayo sammādiṭṭhi…pe… amatogadhaṃ nibbānaṃ pariyosānaṭṭhena abhisamayo.
гим̣ ну зд̇д̇агоязва абхисамаяод̇и? на хи. сод̇аабад̇д̇ипалагкан̣з д̣̇ассанаабхисамаяо саммаад̣̇идти…бз… бадиббассад̣̇д̇хадтзна ануббаад̣̇з н̃аан̣ам̣ абхисамаяо. чанд̣̇о мууладтзна абхисамаяо…бз… амад̇ог̇ад̇хам̣ 5 ниб̣б̣аанам̣ барияосаанадтзна абхисамаяо.
Kiṃ nu ettakoyeva abhisamayoti? Na hi. Sotāpattiphalakkhaṇe dassanābhisamayo sammādiṭṭhi…pe… paṭippassaddhaṭṭhena anuppāde ñāṇaṃ abhisamayo. Chando mūlaṭṭhena abhisamayo…pe… amatogadhaṃ 5 nibbānaṃ pariyosānaṭṭhena abhisamayo.
гим̣ ну зд̇д̇агоязва абхисамаяод̇и?
Kiṃ nu ettakoyeva abhisamayoti?
на хи. сагад̣̇ааг̇аамимаг̇г̇агкан̣з…бз… сагад̣̇ааг̇аамипалагкан̣з… анааг̇аамимаг̇г̇агкан̣з… анааг̇аамипалагкан̣з… арахад̇д̇амаг̇г̇агкан̣з…бз… арахад̇д̇апалагкан̣з д̣̇ассанаабхисамаяо саммаад̣̇идти, абхиниробанаабхисамаяо саммаасан̇габбо…бз… бадиббассад̣̇д̇хадтзна ануббаад̣̇з н̃аан̣ам̣ абхисамаяо. чанд̣̇о мууладтзна абхисамаяо…бз… амад̇ог̇ад̇хам̣ ниб̣б̣аанам̣ барияосаанадтзна абхисамаяо.
Na hi. Sakadāgāmimaggakkhaṇe…pe… sakadāgāmiphalakkhaṇe… anāgāmimaggakkhaṇe… anāgāmiphalakkhaṇe… arahattamaggakkhaṇe…pe… arahattaphalakkhaṇe dassanābhisamayo sammādiṭṭhi, abhiniropanābhisamayo sammāsaṅkappo…pe… paṭippassaddhaṭṭhena anuppāde ñāṇaṃ abhisamayo. Chando mūlaṭṭhena abhisamayo…pe… amatogadhaṃ nibbānaṃ pariyosānaṭṭhena abhisamayo.
явааяам̣ 3 гилзсз баж̇ахад̇и, ад̇ийд̇з гилзсз баж̇ахад̇и…бз… анааг̇ад̇з гилзсз баж̇ахад̇и, бажжуббаннз гилзсз баж̇ахад̇и, ад̇ийд̇з гилзсз баж̇ахад̇ийд̇и. хан̃жи ад̇ийд̇з гилзсз баж̇ахад̇и, д̇зна хи кийн̣ам̣ кзбзд̇и, нируд̣̇д̇хам̣ нирод̇хзд̇и, виг̇ад̇ам̣ виг̇амзд̇и, ад̇т̇ан̇г̇ад̇ам̣ ад̇т̇ан̇г̇амзд̇и, ад̇ийд̇ам̣ яам̣ на ад̇т̇и д̇ам̣ баж̇ахад̇ийд̇и? на ад̇ийд̇з гилзсз баж̇ахад̇ийд̇и. анааг̇ад̇з гилзсз баж̇ахад̇ийд̇и. хан̃жи анааг̇ад̇з гилзсз баж̇ахад̇и, д̇зна хи аж̇аад̇ам̣ баж̇ахад̇и, аниб̣б̣ад̇д̇ам̣ баж̇ахад̇и, ануббаннам̣ баж̇ахад̇и, абаад̇убхууд̇ам̣ баж̇ахад̇и, анааг̇ад̇ам̣ яам̣ на ад̇т̇и д̇ам̣ баж̇ахад̇ийд̇и? на анааг̇ад̇з гилзсз баж̇ахад̇ийд̇и. бажжуббаннз гилзсз баж̇ахад̇ийд̇и. хан̃жи бажжуббаннз гилзсз баж̇ахад̇и, д̇зна хи рад̇д̇о рааг̇ам̣ баж̇ахад̇и, д̣̇удто д̣̇осам̣ баж̇ахад̇и, муул̣хо мохам̣ баж̇ахад̇и, виниб̣ад̣̇д̇хо маанам̣ баж̇ахад̇и, бараамадто д̣̇идтим̣ баж̇ахад̇и ,
Yvāyaṃ 4 kilese pajahati, atīte kilese pajahati…pe… anāgate kilese pajahati, paccuppanne kilese pajahati, atīte kilese pajahatīti. Hañci atīte kilese pajahati, tena hi khīṇaṃ khepeti, niruddhaṃ nirodheti, vigataṃ vigameti, atthaṅgataṃ atthaṅgameti, atītaṃ yaṃ na atthi taṃ pajahatīti? Na atīte kilese pajahatīti. Anāgate kilese pajahatīti. Hañci anāgate kilese pajahati, tena hi ajātaṃ pajahati, anibbattaṃ pajahati, anuppannaṃ pajahati, apātubhūtaṃ pajahati, anāgataṃ yaṃ na atthi taṃ pajahatīti? Na anāgate kilese pajahatīti. Paccuppanne kilese pajahatīti. Hañci paccuppanne kilese pajahati, tena hi ratto rāgaṃ pajahati, duṭṭho dosaṃ pajahati, mūḷho mohaṃ pajahati, vinibaddho mānaṃ pajahati, parāmaṭṭho diṭṭhiṃ pajahati ,
вигкзбаг̇ад̇о уд̣̇д̇хажжам̣ баж̇ахад̇и, анидтан̇г̇ад̇о вижигижчам̣ баж̇ахад̇и, т̇аамаг̇ад̇о анусаяам̣ баж̇ахад̇и, ган̣хасуггад̇хаммаа яуг̇анад̣̇д̇хаа самамзва вад̇д̇анд̇и, сам̣гилзсигаа 5 маг̇г̇абхааванаа ход̇и?
Vikkhepagato uddhaccaṃ pajahati, aniṭṭhaṅgato vicikicchaṃ pajahati, thāmagato anusayaṃ pajahati, kaṇhasukkadhammā yuganaddhā samameva vattanti, saṃkilesikā 6 maggabhāvanā hoti?
на хи ад̇ийд̇з гилзсз баж̇ахад̇и, на анааг̇ад̇з гилзсз баж̇ахад̇и, на бажжуббаннз гилзсз баж̇ахад̇ийд̇и. хан̃жи на ад̇ийд̇з гилзсз баж̇ахад̇и, на анааг̇ад̇з…бз… на бажжуббаннз гилзсз баж̇ахад̇и, д̇зна хи над̇т̇и маг̇г̇абхааванаа, над̇т̇и паласажчигирияаа, над̇т̇и гилзсаббахаанам̣, над̇т̇и д̇хаммаабхисамаяод̇и? ад̇т̇и маг̇г̇абхааванаа, ад̇т̇и паласажчигирияаа, ад̇т̇и гилзсаббахаанам̣, ад̇т̇и д̇хаммаабхисамаяо. яат̇аа гат̇ам̣ вияа? сзяяат̇ааби д̇арун̣о ругко аж̇аад̇апало. д̇амзнам̣ бурисо муулам̣ чинд̣̇зяяа. яз д̇асса ругкасса аж̇аад̇апалаа, д̇з аж̇аад̇ааязва на ж̇ааяанд̇и, аниб̣б̣ад̇д̇ааязва на ниб̣б̣ад̇д̇анд̇и, ануббаннааязва на уббаж̇ж̇анд̇и, абаад̇убхууд̇ааязва на баад̇убхаванд̇и. звамзвам̣ уббаад̣̇о хзд̇у, уббаад̣̇о бажжаяо гилзсаанам̣ ниб̣б̣ад̇д̇ияаад̇и. уббаад̣̇з аад̣̇ийнавам̣ д̣̇исваа ануббаад̣̇з жид̇д̇ам̣ багканд̣̇ад̇и. ануббаад̣̇з жид̇д̇асса багканд̣̇ад̇д̇аа яз уббаад̣̇абажжаяаа гилзсаа ниб̣б̣ад̇д̇зяяум̣, д̇з аж̇аад̇ааязва на ж̇ааяанд̇и, аниб̣б̣ад̇д̇ааязва на ниб̣б̣ад̇д̇анд̇и, ануббаннааязва на уббаж̇ж̇анд̇и, абаад̇убхууд̇ааязва на баад̇убхаванд̇и. звам̣ хзд̇унирод̇хаа д̣̇угканирод̇хо. бавад̇д̇ам̣ хзд̇у, нимид̇д̇ам̣ хзд̇у, ааяууханаа хзд̇у. ааяууханаа бажжаяо гилзсаанам̣ ниб̣б̣ад̇д̇ияаад̇и. ааяууханз аад̣̇ийнавам̣ д̣̇исваа анааяууханз жид̇д̇ам̣ багканд̣̇ад̇и. анааяууханз жид̇д̇асса багканд̣̇ад̇д̇аа, яз ааяууханабажжаяаа гилзсаа ниб̣б̣ад̇д̇зяяум̣, д̇з аж̇аад̇ааязва на ж̇ааяанд̇и, аниб̣б̣ад̇д̇ааязва на ниб̣б̣ад̇д̇анд̇и, ануббаннааязва на уббаж̇ж̇анд̇и, абаад̇убхууд̇ааязва на баад̇убхаванд̇и. звам̣ хзд̇унирод̇хаа д̣̇угканирод̇хо. звам̣ ад̇т̇и маг̇г̇абхааванаа, ад̇т̇и паласажчигирияаа, ад̇т̇и гилзсаббахаанам̣, ад̇т̇и д̇хаммаабхисамаяод̇и.
Na hi atīte kilese pajahati, na anāgate kilese pajahati, na paccuppanne kilese pajahatīti. Hañci na atīte kilese pajahati, na anāgate…pe… na paccuppanne kilese pajahati, tena hi natthi maggabhāvanā, natthi phalasacchikiriyā, natthi kilesappahānaṃ, natthi dhammābhisamayoti? Atthi maggabhāvanā, atthi phalasacchikiriyā, atthi kilesappahānaṃ, atthi dhammābhisamayo. Yathā kathaṃ viya? Seyyathāpi taruṇo rukkho ajātaphalo. Tamenaṃ puriso mūlaṃ chindeyya. Ye tassa rukkhassa ajātaphalā, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evamevaṃ uppādo hetu, uppādo paccayo kilesānaṃ nibbattiyāti. Uppāde ādīnavaṃ disvā anuppāde cittaṃ pakkhandati. Anuppāde cittassa pakkhandattā ye uppādapaccayā kilesā nibbatteyyuṃ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evaṃ hetunirodhā dukkhanirodho. Pavattaṃ hetu, nimittaṃ hetu, āyūhanā hetu. Āyūhanā paccayo kilesānaṃ nibbattiyāti. Āyūhane ādīnavaṃ disvā anāyūhane cittaṃ pakkhandati. Anāyūhane cittassa pakkhandattā, ye āyūhanapaccayā kilesā nibbatteyyuṃ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evaṃ hetunirodhā dukkhanirodho. Evaṃ atthi maggabhāvanā, atthi phalasacchikiriyā, atthi kilesappahānaṃ, atthi dhammābhisamayoti.
абхисамаяагат̇аа нидтид̇аа.
Abhisamayakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / абхисамаяагат̇ааван̣н̣анаа • Abhisamayakathāvaṇṇanā
