| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਅਭਿਸਮਯਕਥਾ
3. Abhisamayakathā
੧੯. ਅਭਿਸਮਯੋਤਿ । ਕੇਨ ਅਭਿਸਮੇਤਿ? ਚਿਤ੍ਤੇਨ ਅਭਿਸਮੇਤਿ।
19.Abhisamayoti . Kena abhisameti? Cittena abhisameti.
ਹਞ੍ਚਿ ਚਿਤ੍ਤੇਨ ਅਭਿਸਮੇਤਿ, ਤੇਨ ਹਿ ਅਞ੍ਞਾਣੀ ਅਭਿਸਮੇਤਿ? ਨ ਅਞ੍ਞਾਣੀ ਅਭਿਸਮੇਤਿ। ਞਾਣੇਨ ਅਭਿਸਮੇਤਿ।
Hañci cittena abhisameti, tena hi aññāṇī abhisameti? Na aññāṇī abhisameti. Ñāṇena abhisameti.
ਹਞ੍ਚਿ ਞਾਣੇਨ ਅਭਿਸਮੇਤਿ, ਤੇਨ ਹਿ ਅਚਿਤ੍ਤੇਨ ਚ ਞਾਣੇਨ ਚ ਅਚਿਤ੍ਤਕੋ 1 ਅਭਿਸਮੇਤਿ? ਨ ਅਚਿਤ੍ਤਕੋ ਅਭਿਸਮੇਤਿ। ਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Hañci ñāṇena abhisameti, tena hi acittena ca ñāṇena ca acittako 2 abhisameti? Na acittako abhisameti. Cittena ca ñāṇena ca abhisameti.
ਹਞ੍ਚਿ ਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ, ਤੇਨ ਹਿ ਕਾਮਾવਚਰਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਕਾਮਾવਚਰਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Hañci cittena ca ñāṇena ca abhisameti, tena hi kāmāvacaracittena ca ñāṇena ca abhisameti? Na kāmāvacaracittena ca ñāṇena ca abhisameti.
ਤੇਨ ਹਿ ਰੂਪਾવਚਰਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਰੂਪਾવਚਰਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Tena hi rūpāvacaracittena ca ñāṇena ca abhisameti? Na rūpāvacaracittena ca ñāṇena ca abhisameti.
ਤੇਨ ਹਿ ਅਰੂਪਾવਚਰਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਅਰੂਪਾવਚਰਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Tena hi arūpāvacaracittena ca ñāṇena ca abhisameti? Na arūpāvacaracittena ca ñāṇena ca abhisameti.
ਤੇਨ ਹਿ ਕਮ੍ਮਸ੍ਸਕਤਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਕਮ੍ਮਸ੍ਸਕਤਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Tena hi kammassakatacittena ca ñāṇena ca abhisameti? Na kammassakatacittena ca ñāṇena ca abhisameti.
ਤੇਨ ਹਿ ਸਚ੍ਚਾਨੁਲੋਮਿਕਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਸਚ੍ਚਾਨੁਲੋਮਿਕਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Tena hi saccānulomikacittena ca ñāṇena ca abhisameti? Na saccānulomikacittena ca ñāṇena ca abhisameti.
ਤੇਨ ਹਿ ਅਤੀਤਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਅਤੀਤਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Tena hi atītacittena ca ñāṇena ca abhisameti? Na atītacittena ca ñāṇena ca abhisameti.
ਤੇਨ ਹਿ ਅਨਾਗਤਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਅਨਾਗਤਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Tena hi anāgatacittena ca ñāṇena ca abhisameti? Na anāgatacittena ca ñāṇena ca abhisameti.
ਤੇਨ ਹਿ ਪਚ੍ਚੁਪ੍ਪਨ੍ਨਲੋਕਿਯਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਨ ਪਚ੍ਚੁਪ੍ਪਨ੍ਨਲੋਕਿਯਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ। ਲੋਕੁਤ੍ਤਰਮਗ੍ਗਕ੍ਖਣੇ ਪਚ੍ਚੁਪ੍ਪਨ੍ਨਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Tena hi paccuppannalokiyacittena ca ñāṇena ca abhisameti? Na paccuppannalokiyacittena ca ñāṇena ca abhisameti. Lokuttaramaggakkhaṇe paccuppannacittena ca ñāṇena ca abhisameti.
ਕਥਂ ਲੋਕੁਤ੍ਤਰਮਗ੍ਗਕ੍ਖਣੇ ਪਚ੍ਚੁਪ੍ਪਨ੍ਨਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ? ਲੋਕੁਤ੍ਤਰਮਗ੍ਗਕ੍ਖਣੇ ਉਪ੍ਪਾਦਾਧਿਪਤੇਯ੍ਯਂ ਚਿਤ੍ਤਂ ਞਾਣਸ੍ਸ ਹੇਤੁ ਪਚ੍ਚਯੋ ਚ। ਤਂਸਮ੍ਪਯੁਤ੍ਤਂ ਨਿਰੋਧਗੋਚਰਂ ਦਸ੍ਸਨਾਧਿਪਤੇਯ੍ਯਂ ਞਾਣਂ ਚਿਤ੍ਤਸ੍ਸ ਹੇਤੁ ਪਚ੍ਚਯੋ ਚ। ਤਂਸਮ੍ਪਯੁਤ੍ਤਂ ਞਾਣਂ ਨਿਰੋਧਗੋਚਰਂ। ਏવਂ ਲੋਕੁਤ੍ਤਰਮਗ੍ਗਕ੍ਖਣੇ ਪਚ੍ਚੁਪ੍ਪਨ੍ਨਚਿਤ੍ਤੇਨ ਚ ਞਾਣੇਨ ਚ ਅਭਿਸਮੇਤਿ।
Kathaṃ lokuttaramaggakkhaṇe paccuppannacittena ca ñāṇena ca abhisameti? Lokuttaramaggakkhaṇe uppādādhipateyyaṃ cittaṃ ñāṇassa hetu paccayo ca. Taṃsampayuttaṃ nirodhagocaraṃ dassanādhipateyyaṃ ñāṇaṃ cittassa hetu paccayo ca. Taṃsampayuttaṃ ñāṇaṃ nirodhagocaraṃ. Evaṃ lokuttaramaggakkhaṇe paccuppannacittena ca ñāṇena ca abhisameti.
੨੦. ਕਿਂ ਨੁ ਏਤ੍ਤਕੋਯੇવ ਅਭਿਸਮਯੋਤਿ? ਨ ਹਿ। ਲੋਕੁਤ੍ਤਰਮਗ੍ਗਕ੍ਖਣੇ ਦਸ੍ਸਨਾਭਿਸਮਯੋ ਸਮ੍ਮਾਦਿਟ੍ਠਿ, ਅਭਿਨਿਰੋਪਨਾਭਿਸਮਯੋ ਸਮ੍ਮਾਸਙ੍ਕਪ੍ਪੋ, ਪਰਿਗ੍ਗਹਾਭਿਸਮਯੋ ਸਮ੍ਮਾવਾਚਾ, ਸਮੁਟ੍ਠਾਨਾਭਿਸਮਯੋ ਸਮ੍ਮਾਕਮ੍ਮਨ੍ਤੋ, વੋਦਾਨਾਭਿਸਮਯੋ ਸਮ੍ਮਾਆਜੀવੋ, ਪਗ੍ਗਹਾਭਿਸਮਯੋ ਸਮ੍ਮਾવਾਯਾਮੋ, ਉਪਟ੍ਠਾਨਾਭਿਸਮਯੋ ਸਮ੍ਮਾਸਤਿ, ਅવਿਕ੍ਖੇਪਾਭਿਸਮਯੋ ਸਮ੍ਮਾਸਮਾਧਿ; ਉਪਟ੍ਠਾਨਾਭਿਸਮਯੋ ਸਤਿਸਮ੍ਬੋਜ੍ਝਙ੍ਗੋ, ਪવਿਚਯਾਭਿਸਮਯੋ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ, ਪਗ੍ਗਹਾਭਿਸਮਯੋ વੀਰਿਯਸਮ੍ਬੋਜ੍ਝਙ੍ਗੋ, ਫਰਣਾਭਿਸਮਯੋ ਪੀਤਿਸਮ੍ਬੋਜ੍ਝਙ੍ਗੋ, ਉਪਸਮਾਭਿਸਮਯੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ, ਅવਿਕ੍ਖੇਪਾਭਿਸਮਯੋ ਸਮਾਧਿਸਮ੍ਬੋਜ੍ਝਙ੍ਗੋ, ਪਟਿਸਙ੍ਖਾਨਾਭਿਸਮਯੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ; ਅਸ੍ਸਦ੍ਧਿਯੇ ਅਕਮ੍ਪਿਯਾਭਿਸਮਯੋ ਸਦ੍ਧਾਬਲਂ, ਕੋਸਜ੍ਜੇ ਅਕਮ੍ਪਿਯਾਭਿਸਮਯੋ વੀਰਿਯਬਲਂ, ਪਮਾਦੇ ਅਕਮ੍ਪਿਯਾਭਿਸਮਯੋ ਸਤਿਬਲਂ, ਉਦ੍ਧਚ੍ਚੇ ਅਕਮ੍ਪਿਯਾਭਿਸਮਯੋ ਸਮਾਧਿਬਲਂ, ਅવਿਜ੍ਜਾਯ ਅਕਮ੍ਪਿਯਾਭਿਸਮਯੋ ਪਞ੍ਞਾਬਲਂ; ਅਧਿਮੋਕ੍ਖਾਭਿਸਮਯੋ ਸਦ੍ਧਿਨ੍ਦ੍ਰਿਯਂ, ਪਗ੍ਗਹਾਭਿਸਮਯੋ વੀਰਿਯਿਨ੍ਦ੍ਰਿਯਂ, ਉਪਟ੍ਠਾਨਾਭਿਸਮਯੋ ਸਤਿਨ੍ਦ੍ਰਿਯਂ, ਅવਿਕ੍ਖੇਪਾਭਿਸਮਯੋ ਸਮਾਧਿਨ੍ਦ੍ਰਿਯਂ, ਦਸ੍ਸਨਾਭਿਸਮਯੋ ਪਞ੍ਞਿਨ੍ਦ੍ਰਿਯਂ। ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਾਭਿਸਮਯੋ, ਅਕਮ੍ਪਿਯਟ੍ਠੇਨ ਬਲਾਭਿਸਮਯੋ, ਨਿਯ੍ਯਾਨਟ੍ਠੇਨ ਬੋਜ੍ਝਙ੍ਗਾਭਿਸਮਯੋ, ਹੇਤੁਟ੍ਠੇਨ ਮਗ੍ਗਾਭਿਸਮਯੋ, ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਾਭਿਸਮਯੋ, ਪਦਹਟ੍ਠੇਨ ਸਮ੍ਮਪ੍ਪਧਾਨਾਭਿਸਮਯੋ , ਇਜ੍ਝਨਟ੍ਠੇਨ ਇਦ੍ਧਿਪਾਦਾਭਿਸਮਯੋ, ਤਥਟ੍ਠੇਨ ਸਚ੍ਚਾਭਿਸਮਯੋ, ਅવਿਕ੍ਖੇਪਟ੍ਠੇਨ ਸਮਥਾਭਿਸਮਯੋ, ਅਨੁਪਸ੍ਸਨਟ੍ਠੇਨ વਿਪਸ੍ਸਨਾਭਿਸਮਯੋ, ਏਕਰਸਟ੍ਠੇਨ ਸਮਥવਿਪਸ੍ਸਨਾਭਿਸਮਯੋ, ਅਨਤਿવਤ੍ਤਨਟ੍ਠੇਨ ਯੁਗਨਦ੍ਧਾਭਿਸਮਯੋ, ਸਂવਰਟ੍ਠੇਨ ਸੀਲવਿਸੁਦ੍ਧਿਅਭਿਸਮਯੋ, ਅવਿਕ੍ਖੇਪਟ੍ਠੇਨ વਿਸੁਦ੍ਧਿਅਭਿਸਮਯੋ, ਦਸ੍ਸਨਟ੍ਠੇਨ ਦਿਟ੍ਠਿવਿਸੁਦ੍ਧਿਅਭਿਸਮਯੋ, ਮੁਤ੍ਤਟ੍ਠੇਨ વਿਮੋਕ੍ਖਾਭਿਸਮਯੋ, ਪਟਿવੇਧਟ੍ਠੇਨ વਿਜ੍ਜਾਭਿਸਮਯੋ, ਪਰਿਚ੍ਚਾਗਟ੍ਠੇਨ વਿਮੁਤ੍ਤਿਅਭਿਸਮਯੋ, ਸਮੁਚ੍ਛੇਦਟ੍ਠੇਨ ਖਯੇ ਞਾਣਂ ਅਭਿਸਮਯੋ। ਛਨ੍ਦੋ ਮੂਲਟ੍ਠੇਨ ਅਭਿਸਮਯੋ, ਮਨਸਿਕਾਰੋ ਸਮੁਟ੍ਠਾਨਟ੍ਠੇਨ ਅਭਿਸਮਯੋ, ਫਸ੍ਸੋ ਸਮੋਧਾਨਟ੍ਠੇਨ ਅਭਿਸਮਯੋ, વੇਦਨਾ ਸਮੋਸਰਣਟ੍ਠੇਨ ਅਭਿਸਮਯੋ, ਸਮਾਧਿ ਪਮੁਖਟ੍ਠੇਨ ਅਭਿਸਮਯੋ , ਸਤਿ ਆਧਿਪਤੇਯ੍ਯਟ੍ਠੇਨ ਅਭਿਸਮਯੋ, ਪਞ੍ਞਾ ਤਤੁਤ੍ਤਰਟ੍ਠੇਨ ਅਭਿਸਮਯੋ, વਿਮੁਤ੍ਤਿ ਸਾਰਟ੍ਠੇਨ ਅਭਿਸਮਯੋ, ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਅਭਿਸਮਯੋ।
20.Kiṃnu ettakoyeva abhisamayoti? Na hi.Lokuttaramaggakkhaṇe dassanābhisamayo sammādiṭṭhi, abhiniropanābhisamayo sammāsaṅkappo, pariggahābhisamayo sammāvācā, samuṭṭhānābhisamayo sammākammanto, vodānābhisamayo sammāājīvo, paggahābhisamayo sammāvāyāmo, upaṭṭhānābhisamayo sammāsati, avikkhepābhisamayo sammāsamādhi; upaṭṭhānābhisamayo satisambojjhaṅgo, pavicayābhisamayo dhammavicayasambojjhaṅgo, paggahābhisamayo vīriyasambojjhaṅgo, pharaṇābhisamayo pītisambojjhaṅgo, upasamābhisamayo passaddhisambojjhaṅgo, avikkhepābhisamayo samādhisambojjhaṅgo, paṭisaṅkhānābhisamayo upekkhāsambojjhaṅgo; assaddhiye akampiyābhisamayo saddhābalaṃ, kosajje akampiyābhisamayo vīriyabalaṃ, pamāde akampiyābhisamayo satibalaṃ, uddhacce akampiyābhisamayo samādhibalaṃ, avijjāya akampiyābhisamayo paññābalaṃ; adhimokkhābhisamayo saddhindriyaṃ, paggahābhisamayo vīriyindriyaṃ, upaṭṭhānābhisamayo satindriyaṃ, avikkhepābhisamayo samādhindriyaṃ, dassanābhisamayo paññindriyaṃ. Ādhipateyyaṭṭhena indriyābhisamayo, akampiyaṭṭhena balābhisamayo, niyyānaṭṭhena bojjhaṅgābhisamayo, hetuṭṭhena maggābhisamayo, upaṭṭhānaṭṭhena satipaṭṭhānābhisamayo, padahaṭṭhena sammappadhānābhisamayo , ijjhanaṭṭhena iddhipādābhisamayo, tathaṭṭhena saccābhisamayo, avikkhepaṭṭhena samathābhisamayo, anupassanaṭṭhena vipassanābhisamayo, ekarasaṭṭhena samathavipassanābhisamayo, anativattanaṭṭhena yuganaddhābhisamayo, saṃvaraṭṭhena sīlavisuddhiabhisamayo, avikkhepaṭṭhena visuddhiabhisamayo, dassanaṭṭhena diṭṭhivisuddhiabhisamayo, muttaṭṭhena vimokkhābhisamayo, paṭivedhaṭṭhena vijjābhisamayo, pariccāgaṭṭhena vimuttiabhisamayo, samucchedaṭṭhena khaye ñāṇaṃ abhisamayo. Chando mūlaṭṭhena abhisamayo, manasikāro samuṭṭhānaṭṭhena abhisamayo, phasso samodhānaṭṭhena abhisamayo, vedanā samosaraṇaṭṭhena abhisamayo, samādhi pamukhaṭṭhena abhisamayo , sati ādhipateyyaṭṭhena abhisamayo, paññā tatuttaraṭṭhena abhisamayo, vimutti sāraṭṭhena abhisamayo, amatogadhaṃ nibbānaṃ pariyosānaṭṭhena abhisamayo.
੨੧. ਕਿਂ ਨੁ ਏਤ੍ਤਕੋਯੇવ ਅਭਿਸਮਯੋਤਿ? ਨ ਹਿ। ਸੋਤਾਪਤ੍ਤਿਮਗ੍ਗਕ੍ਖਣੇ ਦਸ੍ਸਨਾਭਿਸਮਯੋ ਸਮ੍ਮਾਦਿਟ੍ਠਿ…ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਅਭਿਸਮਯੋ।
21. Kiṃ nu ettakoyeva abhisamayoti? Na hi. Sotāpattimaggakkhaṇe dassanābhisamayo sammādiṭṭhi…pe… amatogadhaṃ nibbānaṃ pariyosānaṭṭhena abhisamayo.
ਕਿਂ ਨੁ ਏਤ੍ਤਕੋਯੇવ ਅਭਿਸਮਯੋਤਿ? ਨ ਹਿ। ਸੋਤਾਪਤ੍ਤਿਫਲਕ੍ਖਣੇ ਦਸ੍ਸਨਾਭਿਸਮਯੋ ਸਮ੍ਮਾਦਿਟ੍ਠਿ…ਪੇ॰… ਪਟਿਪ੍ਪਸ੍ਸਦ੍ਧਟ੍ਠੇਨ ਅਨੁਪ੍ਪਾਦੇ ਞਾਣਂ ਅਭਿਸਮਯੋ। ਛਨ੍ਦੋ ਮੂਲਟ੍ਠੇਨ ਅਭਿਸਮਯੋ…ਪੇ॰… ਅਮਤੋਗਧਂ ੫ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਅਭਿਸਮਯੋ।
Kiṃ nu ettakoyeva abhisamayoti? Na hi. Sotāpattiphalakkhaṇe dassanābhisamayo sammādiṭṭhi…pe… paṭippassaddhaṭṭhena anuppāde ñāṇaṃ abhisamayo. Chando mūlaṭṭhena abhisamayo…pe… amatogadhaṃ 5 nibbānaṃ pariyosānaṭṭhena abhisamayo.
ਕਿਂ ਨੁ ਏਤ੍ਤਕੋਯੇવ ਅਭਿਸਮਯੋਤਿ?
Kiṃ nu ettakoyeva abhisamayoti?
ਨ ਹਿ। ਸਕਦਾਗਾਮਿਮਗ੍ਗਕ੍ਖਣੇ…ਪੇ॰… ਸਕਦਾਗਾਮਿਫਲਕ੍ਖਣੇ… ਅਨਾਗਾਮਿਮਗ੍ਗਕ੍ਖਣੇ… ਅਨਾਗਾਮਿਫਲਕ੍ਖਣੇ… ਅਰਹਤ੍ਤਮਗ੍ਗਕ੍ਖਣੇ…ਪੇ॰… ਅਰਹਤ੍ਤਫਲਕ੍ਖਣੇ ਦਸ੍ਸਨਾਭਿਸਮਯੋ ਸਮ੍ਮਾਦਿਟ੍ਠਿ, ਅਭਿਨਿਰੋਪਨਾਭਿਸਮਯੋ ਸਮ੍ਮਾਸਙ੍ਕਪ੍ਪੋ…ਪੇ॰… ਪਟਿਪ੍ਪਸ੍ਸਦ੍ਧਟ੍ਠੇਨ ਅਨੁਪ੍ਪਾਦੇ ਞਾਣਂ ਅਭਿਸਮਯੋ। ਛਨ੍ਦੋ ਮੂਲਟ੍ਠੇਨ ਅਭਿਸਮਯੋ…ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਅਭਿਸਮਯੋ।
Na hi. Sakadāgāmimaggakkhaṇe…pe… sakadāgāmiphalakkhaṇe… anāgāmimaggakkhaṇe… anāgāmiphalakkhaṇe… arahattamaggakkhaṇe…pe… arahattaphalakkhaṇe dassanābhisamayo sammādiṭṭhi, abhiniropanābhisamayo sammāsaṅkappo…pe… paṭippassaddhaṭṭhena anuppāde ñāṇaṃ abhisamayo. Chando mūlaṭṭhena abhisamayo…pe… amatogadhaṃ nibbānaṃ pariyosānaṭṭhena abhisamayo.
ਯ੍વਾਯਂ 3 ਕਿਲੇਸੇ ਪਜਹਤਿ, ਅਤੀਤੇ ਕਿਲੇਸੇ ਪਜਹਤਿ…ਪੇ॰… ਅਨਾਗਤੇ ਕਿਲੇਸੇ ਪਜਹਤਿ, ਪਚ੍ਚੁਪ੍ਪਨ੍ਨੇ ਕਿਲੇਸੇ ਪਜਹਤਿ, ਅਤੀਤੇ ਕਿਲੇਸੇ ਪਜਹਤੀਤਿ। ਹਞ੍ਚਿ ਅਤੀਤੇ ਕਿਲੇਸੇ ਪਜਹਤਿ, ਤੇਨ ਹਿ ਖੀਣਂ ਖੇਪੇਤਿ, ਨਿਰੁਦ੍ਧਂ ਨਿਰੋਧੇਤਿ, વਿਗਤਂ વਿਗਮੇਤਿ, ਅਤ੍ਥਙ੍ਗਤਂ ਅਤ੍ਥਙ੍ਗਮੇਤਿ, ਅਤੀਤਂ ਯਂ ਨ ਅਤ੍ਥਿ ਤਂ ਪਜਹਤੀਤਿ? ਨ ਅਤੀਤੇ ਕਿਲੇਸੇ ਪਜਹਤੀਤਿ। ਅਨਾਗਤੇ ਕਿਲੇਸੇ ਪਜਹਤੀਤਿ। ਹਞ੍ਚਿ ਅਨਾਗਤੇ ਕਿਲੇਸੇ ਪਜਹਤਿ, ਤੇਨ ਹਿ ਅਜਾਤਂ ਪਜਹਤਿ, ਅਨਿਬ੍ਬਤ੍ਤਂ ਪਜਹਤਿ, ਅਨੁਪ੍ਪਨ੍ਨਂ ਪਜਹਤਿ, ਅਪਾਤੁਭੂਤਂ ਪਜਹਤਿ, ਅਨਾਗਤਂ ਯਂ ਨ ਅਤ੍ਥਿ ਤਂ ਪਜਹਤੀਤਿ? ਨ ਅਨਾਗਤੇ ਕਿਲੇਸੇ ਪਜਹਤੀਤਿ। ਪਚ੍ਚੁਪ੍ਪਨ੍ਨੇ ਕਿਲੇਸੇ ਪਜਹਤੀਤਿ। ਹਞ੍ਚਿ ਪਚ੍ਚੁਪ੍ਪਨ੍ਨੇ ਕਿਲੇਸੇ ਪਜਹਤਿ, ਤੇਨ ਹਿ ਰਤ੍ਤੋ ਰਾਗਂ ਪਜਹਤਿ, ਦੁਟ੍ਠੋ ਦੋਸਂ ਪਜਹਤਿ, ਮੂਲ਼੍ਹੋ ਮੋਹਂ ਪਜਹਤਿ, વਿਨਿਬਦ੍ਧੋ ਮਾਨਂ ਪਜਹਤਿ, ਪਰਾਮਟ੍ਠੋ ਦਿਟ੍ਠਿਂ ਪਜਹਤਿ ,
Yvāyaṃ 4 kilese pajahati, atīte kilese pajahati…pe… anāgate kilese pajahati, paccuppanne kilese pajahati, atīte kilese pajahatīti. Hañci atīte kilese pajahati, tena hi khīṇaṃ khepeti, niruddhaṃ nirodheti, vigataṃ vigameti, atthaṅgataṃ atthaṅgameti, atītaṃ yaṃ na atthi taṃ pajahatīti? Na atīte kilese pajahatīti. Anāgate kilese pajahatīti. Hañci anāgate kilese pajahati, tena hi ajātaṃ pajahati, anibbattaṃ pajahati, anuppannaṃ pajahati, apātubhūtaṃ pajahati, anāgataṃ yaṃ na atthi taṃ pajahatīti? Na anāgate kilese pajahatīti. Paccuppanne kilese pajahatīti. Hañci paccuppanne kilese pajahati, tena hi ratto rāgaṃ pajahati, duṭṭho dosaṃ pajahati, mūḷho mohaṃ pajahati, vinibaddho mānaṃ pajahati, parāmaṭṭho diṭṭhiṃ pajahati ,
વਿਕ੍ਖੇਪਗਤੋ ਉਦ੍ਧਚ੍ਚਂ ਪਜਹਤਿ, ਅਨਿਟ੍ਠਙ੍ਗਤੋ વਿਚਿਕਿਚ੍ਛਂ ਪਜਹਤਿ, ਥਾਮਗਤੋ ਅਨੁਸਯਂ ਪਜਹਤਿ, ਕਣ੍ਹਸੁਕ੍ਕਧਮ੍ਮਾ ਯੁਗਨਦ੍ਧਾ ਸਮਮੇવ વਤ੍ਤਨ੍ਤਿ, ਸਂਕਿਲੇਸਿਕਾ 5 ਮਗ੍ਗਭਾવਨਾ ਹੋਤਿ?
Vikkhepagato uddhaccaṃ pajahati, aniṭṭhaṅgato vicikicchaṃ pajahati, thāmagato anusayaṃ pajahati, kaṇhasukkadhammā yuganaddhā samameva vattanti, saṃkilesikā 6 maggabhāvanā hoti?
ਨ ਹਿ ਅਤੀਤੇ ਕਿਲੇਸੇ ਪਜਹਤਿ, ਨ ਅਨਾਗਤੇ ਕਿਲੇਸੇ ਪਜਹਤਿ, ਨ ਪਚ੍ਚੁਪ੍ਪਨ੍ਨੇ ਕਿਲੇਸੇ ਪਜਹਤੀਤਿ। ਹਞ੍ਚਿ ਨ ਅਤੀਤੇ ਕਿਲੇਸੇ ਪਜਹਤਿ, ਨ ਅਨਾਗਤੇ…ਪੇ॰… ਨ ਪਚ੍ਚੁਪ੍ਪਨ੍ਨੇ ਕਿਲੇਸੇ ਪਜਹਤਿ, ਤੇਨ ਹਿ ਨਤ੍ਥਿ ਮਗ੍ਗਭਾવਨਾ, ਨਤ੍ਥਿ ਫਲਸਚ੍ਛਿਕਿਰਿਯਾ, ਨਤ੍ਥਿ ਕਿਲੇਸਪ੍ਪਹਾਨਂ, ਨਤ੍ਥਿ ਧਮ੍ਮਾਭਿਸਮਯੋਤਿ? ਅਤ੍ਥਿ ਮਗ੍ਗਭਾવਨਾ, ਅਤ੍ਥਿ ਫਲਸਚ੍ਛਿਕਿਰਿਯਾ, ਅਤ੍ਥਿ ਕਿਲੇਸਪ੍ਪਹਾਨਂ, ਅਤ੍ਥਿ ਧਮ੍ਮਾਭਿਸਮਯੋ। ਯਥਾ ਕਥਂ વਿਯ? ਸੇਯ੍ਯਥਾਪਿ ਤਰੁਣੋ ਰੁਕ੍ਖੋ ਅਜਾਤਫਲੋ। ਤਮੇਨਂ ਪੁਰਿਸੋ ਮੂਲਂ ਛਿਨ੍ਦੇਯ੍ਯ। ਯੇ ਤਸ੍ਸ ਰੁਕ੍ਖਸ੍ਸ ਅਜਾਤਫਲਾ, ਤੇ ਅਜਾਤਾਯੇવ ਨ ਜਾਯਨ੍ਤਿ, ਅਨਿਬ੍ਬਤ੍ਤਾਯੇવ ਨ ਨਿਬ੍ਬਤ੍ਤਨ੍ਤਿ, ਅਨੁਪ੍ਪਨ੍ਨਾਯੇવ ਨ ਉਪ੍ਪਜ੍ਜਨ੍ਤਿ, ਅਪਾਤੁਭੂਤਾਯੇવ ਨ ਪਾਤੁਭવਨ੍ਤਿ। ਏવਮੇવਂ ਉਪ੍ਪਾਦੋ ਹੇਤੁ, ਉਪ੍ਪਾਦੋ ਪਚ੍ਚਯੋ ਕਿਲੇਸਾਨਂ ਨਿਬ੍ਬਤ੍ਤਿਯਾਤਿ। ਉਪ੍ਪਾਦੇ ਆਦੀਨવਂ ਦਿਸ੍વਾ ਅਨੁਪ੍ਪਾਦੇ ਚਿਤ੍ਤਂ ਪਕ੍ਖਨ੍ਦਤਿ। ਅਨੁਪ੍ਪਾਦੇ ਚਿਤ੍ਤਸ੍ਸ ਪਕ੍ਖਨ੍ਦਤ੍ਤਾ ਯੇ ਉਪ੍ਪਾਦਪਚ੍ਚਯਾ ਕਿਲੇਸਾ ਨਿਬ੍ਬਤ੍ਤੇਯ੍ਯੁਂ, ਤੇ ਅਜਾਤਾਯੇવ ਨ ਜਾਯਨ੍ਤਿ, ਅਨਿਬ੍ਬਤ੍ਤਾਯੇવ ਨ ਨਿਬ੍ਬਤ੍ਤਨ੍ਤਿ, ਅਨੁਪ੍ਪਨ੍ਨਾਯੇવ ਨ ਉਪ੍ਪਜ੍ਜਨ੍ਤਿ, ਅਪਾਤੁਭੂਤਾਯੇવ ਨ ਪਾਤੁਭવਨ੍ਤਿ। ਏવਂ ਹੇਤੁਨਿਰੋਧਾ ਦੁਕ੍ਖਨਿਰੋਧੋ। ਪવਤ੍ਤਂ ਹੇਤੁ, ਨਿਮਿਤ੍ਤਂ ਹੇਤੁ, ਆਯੂਹਨਾ ਹੇਤੁ। ਆਯੂਹਨਾ ਪਚ੍ਚਯੋ ਕਿਲੇਸਾਨਂ ਨਿਬ੍ਬਤ੍ਤਿਯਾਤਿ। ਆਯੂਹਨੇ ਆਦੀਨવਂ ਦਿਸ੍વਾ ਅਨਾਯੂਹਨੇ ਚਿਤ੍ਤਂ ਪਕ੍ਖਨ੍ਦਤਿ। ਅਨਾਯੂਹਨੇ ਚਿਤ੍ਤਸ੍ਸ ਪਕ੍ਖਨ੍ਦਤ੍ਤਾ, ਯੇ ਆਯੂਹਨਪਚ੍ਚਯਾ ਕਿਲੇਸਾ ਨਿਬ੍ਬਤ੍ਤੇਯ੍ਯੁਂ, ਤੇ ਅਜਾਤਾਯੇવ ਨ ਜਾਯਨ੍ਤਿ, ਅਨਿਬ੍ਬਤ੍ਤਾਯੇવ ਨ ਨਿਬ੍ਬਤ੍ਤਨ੍ਤਿ, ਅਨੁਪ੍ਪਨ੍ਨਾਯੇવ ਨ ਉਪ੍ਪਜ੍ਜਨ੍ਤਿ, ਅਪਾਤੁਭੂਤਾਯੇવ ਨ ਪਾਤੁਭવਨ੍ਤਿ। ਏવਂ ਹੇਤੁਨਿਰੋਧਾ ਦੁਕ੍ਖਨਿਰੋਧੋ। ਏવਂ ਅਤ੍ਥਿ ਮਗ੍ਗਭਾવਨਾ, ਅਤ੍ਥਿ ਫਲਸਚ੍ਛਿਕਿਰਿਯਾ, ਅਤ੍ਥਿ ਕਿਲੇਸਪ੍ਪਹਾਨਂ, ਅਤ੍ਥਿ ਧਮ੍ਮਾਭਿਸਮਯੋਤਿ।
Na hi atīte kilese pajahati, na anāgate kilese pajahati, na paccuppanne kilese pajahatīti. Hañci na atīte kilese pajahati, na anāgate…pe… na paccuppanne kilese pajahati, tena hi natthi maggabhāvanā, natthi phalasacchikiriyā, natthi kilesappahānaṃ, natthi dhammābhisamayoti? Atthi maggabhāvanā, atthi phalasacchikiriyā, atthi kilesappahānaṃ, atthi dhammābhisamayo. Yathā kathaṃ viya? Seyyathāpi taruṇo rukkho ajātaphalo. Tamenaṃ puriso mūlaṃ chindeyya. Ye tassa rukkhassa ajātaphalā, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evamevaṃ uppādo hetu, uppādo paccayo kilesānaṃ nibbattiyāti. Uppāde ādīnavaṃ disvā anuppāde cittaṃ pakkhandati. Anuppāde cittassa pakkhandattā ye uppādapaccayā kilesā nibbatteyyuṃ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evaṃ hetunirodhā dukkhanirodho. Pavattaṃ hetu, nimittaṃ hetu, āyūhanā hetu. Āyūhanā paccayo kilesānaṃ nibbattiyāti. Āyūhane ādīnavaṃ disvā anāyūhane cittaṃ pakkhandati. Anāyūhane cittassa pakkhandattā, ye āyūhanapaccayā kilesā nibbatteyyuṃ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evaṃ hetunirodhā dukkhanirodho. Evaṃ atthi maggabhāvanā, atthi phalasacchikiriyā, atthi kilesappahānaṃ, atthi dhammābhisamayoti.
ਅਭਿਸਮਯਕਥਾ ਨਿਟ੍ਠਿਤਾ।
Abhisamayakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਅਭਿਸਮਯਕਥਾવਣ੍ਣਨਾ • Abhisamayakathāvaṇṇanā
