| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
3. абхисамаяагат̇аа
3. Abhisamayakathā
абхисамаяагат̇ааван̣н̣анаа
Abhisamayakathāvaṇṇanā
19.
19.
ид̣̇аани ид̣̇д̇хигат̇аананд̇арам̣ барамид̣̇д̇хибхууд̇ам̣ абхисамаяам̣ д̣̇ассзнд̇зна гат̇ид̇ааяа абхисамаяагат̇ааяа абуб̣б̣ад̇т̇аануван̣н̣анаа. д̇ад̇т̇а абхисамаяод̇и сажжаанам̣ абхимукзна самааг̇амо, бадивзд̇ход̇и ад̇т̇о. гзна абхисамзд̇ийд̇и гим̣ вуд̇д̇ам̣ ход̇и? ‘‘звам̣ махад̇т̇ияо ко, бхигкавз, д̇хаммаабхисамаяо’’д̇иаад̣̇ийсу (сам̣. ни. 2.74) суд̇д̇абад̣̇зсу яо со абхисамаяод̇и вуд̇д̇о, д̇асмим̣ абхисамаяз вад̇д̇амаанз абхисамзд̇аа буг̇г̇ало гзна д̇хаммзна сажжаани абхисамзд̇и, абхимуко худ̇ваа самааг̇ажчад̇и, бадивиж̇жхад̇ийд̇и вуд̇д̇ам̣ ход̇ийд̇и. аяам̣ д̇аава жод̣̇агасса бужчаа. жид̇д̇зна абхисамзд̇ийд̇и жид̇д̇ам̣ винаа абхисамаяаабхаавад̇о д̇ат̇аа виссаж̇ж̇анам̣. хан̃жийд̇иаад̣̇и буна жод̣̇анаа. хан̃жи яад̣̇ийд̇и ад̇т̇о. ‘‘жид̇д̇знаа’’д̇и вуд̇д̇ад̇д̇аа д̇зна хи ан̃н̃аан̣ий абхисамзд̇ийд̇и ааха. на ан̃н̃аан̣ий абхисамзд̇ийд̇и жид̇д̇амад̇д̇знзва абхисамаяаабхаавад̇о бадигкзбо. н̃аан̣зна абхисамзд̇ийд̇и бадин̃н̃аа. буна хан̃жийд̇иаад̣̇и ‘‘н̃аан̣знаа’’д̇и вуд̇д̇ад̇д̇аа ан̃н̃аан̣ий ажид̇д̇агод̇и жод̣̇анаа. на ажид̇д̇аго абхисамзд̇ийд̇и ажид̇д̇агасса абхисамаяаабхаавад̇о бадигкзбо. жид̇д̇зна жаад̇иаад̣̇и бадин̃н̃аа. буна хан̃жийд̇иаад̣̇и саб̣б̣ажид̇д̇ан̃аан̣асаад̇хааран̣авасзна жод̣̇анаа. сзсажод̣̇анаависсаж̇ж̇анзсуби зсзва наяо.
Idāni iddhikathānantaraṃ paramiddhibhūtaṃ abhisamayaṃ dassentena kathitāya abhisamayakathāya apubbatthānuvaṇṇanā. Tattha abhisamayoti saccānaṃ abhimukhena samāgamo, paṭivedhoti attho. Kenaabhisametīti kiṃ vuttaṃ hoti? ‘‘Evaṃ mahatthiyo kho, bhikkhave, dhammābhisamayo’’tiādīsu (saṃ. ni. 2.74) suttapadesu yo so abhisamayoti vutto, tasmiṃ abhisamaye vattamāne abhisametā puggalo kena dhammena saccāni abhisameti, abhimukho hutvā samāgacchati, paṭivijjhatīti vuttaṃ hotīti. Ayaṃ tāva codakassa pucchā. Cittena abhisametīti cittaṃ vinā abhisamayābhāvato tathā vissajjanaṃ. Hañcītiādi puna codanā. Hañci yadīti attho. ‘‘Cittenā’’ti vuttattā tena hi aññāṇī abhisametīti āha. Na aññāṇī abhisametīti cittamatteneva abhisamayābhāvato paṭikkhepo. Ñāṇena abhisametīti paṭiññā. Puna hañcītiādi ‘‘ñāṇenā’’ti vuttattā aññāṇī acittakoti codanā. Na acittako abhisametīti acittakassa abhisamayābhāvato paṭikkhepo. Cittena cātiādi paṭiññā. Puna hañcītiādi sabbacittañāṇasādhāraṇavasena codanā. Sesacodanāvissajjanesupi eseva nayo.
барад̇о бана гаммассагад̇ажид̇д̇зна жа н̃аан̣зна жаад̇и гаммассагаа сад̇д̇аад̇и звам̣ гаммассагад̇ааяа бавад̇д̇ажид̇д̇зна жа н̃аан̣зна жа. сажжаануломигажид̇д̇зна жа н̃аан̣зна жаад̇и сажжабадивзд̇хасса анугуулад̇д̇аа сажжаануломигасан̇каад̇зна вибассанаасамбаяуд̇д̇ажид̇д̇зна жа вибассанаан̃аан̣зна жа. гат̇анд̇и яат̇аа абхисамаяо ход̇и, д̇ат̇аа гат̇зд̇угамяад̇аа бужчаа. уббаад̣̇аад̇хибад̇зяяанд̇и яасмаа жид̇д̇асса уббаад̣̇з асад̇и жзд̇асигаанам̣ уббаад̣̇о над̇т̇и. аарамман̣аг̇г̇ахан̣ан̃хи жид̇д̇ам̣ д̇зна саха уббаж̇ж̇амаанаа жзд̇асигаа гат̇ам̣ аарамман̣з аг̇г̇ахид̇з уббаж̇ж̇иссанд̇и. абхид̇хаммзби жид̇д̇уббаад̣̇знзва жзд̇асигаа вибхад̇д̇аа, д̇асмаа маг̇г̇ан̃аан̣асса уббаад̣̇з ад̇хибад̇ибхууд̇ам̣ жид̇д̇анд̇и ад̇т̇о. н̃аан̣ассаад̇и маг̇г̇ан̃аан̣асса. хзд̇у бажжаяо жаад̇и ж̇анаго жа убад̇т̇амбхаго жа. д̇ам̣самбаяуд̇д̇анд̇и д̇зна н̃аан̣зна самбаяуд̇д̇ам̣. нирод̇хаг̇ожаранд̇и ниб̣б̣аанаарамман̣ам̣. д̣̇ассанаад̇хибад̇зяяанд̇и сзсаанам̣ д̣̇ассанагижжаабхааваа ниб̣б̣аанад̣̇ассанз ад̇хибад̇ибхууд̇ам̣. жид̇д̇ассаад̇и маг̇г̇асамбаяуд̇д̇ажид̇д̇асса. д̇ам̣самбаяуд̇д̇анд̇и д̇зна жид̇д̇зна самбаяуд̇д̇ам̣.
Parato pana kammassakatacittena ca ñāṇena cāti kammassakā sattāti evaṃ kammassakatāya pavattacittena ca ñāṇena ca. Saccānulomikacittena ca ñāṇena cāti saccapaṭivedhassa anukūlattā saccānulomikasaṅkhātena vipassanāsampayuttacittena ca vipassanāñāṇena ca. Kathanti yathā abhisamayo hoti, tathā kathetukamyatā pucchā. Uppādādhipateyyanti yasmā cittassa uppāde asati cetasikānaṃ uppādo natthi. Ārammaṇaggahaṇañhi cittaṃ tena saha uppajjamānā cetasikā kathaṃ ārammaṇe aggahite uppajjissanti. Abhidhammepi cittuppādeneva cetasikā vibhattā, tasmā maggañāṇassa uppāde adhipatibhūtaṃ cittanti attho. Ñāṇassāti maggañāṇassa. Hetu paccayo cāti janako ca upatthambhako ca. Taṃsampayuttanti tena ñāṇena sampayuttaṃ. Nirodhagocaranti nibbānārammaṇaṃ. Dassanādhipateyyanti sesānaṃ dassanakiccābhāvā nibbānadassane adhipatibhūtaṃ. Cittassāti maggasampayuttacittassa. Taṃsampayuttanti tena cittena sampayuttaṃ.
20.
20.
яасмаа зд̇амби барияааяам̣, на гзвалам̣ жид̇д̇ан̃аан̣зхиязва абхисамаяо, ат̇а ко саб̣б̣зби маг̇г̇асамбаяуд̇д̇ажид̇д̇ажзд̇асигаа д̇хаммаа сажжаабхисамаяагижжасаад̇ханавасзна абхисамаяо наама хонд̇и, д̇асмаа д̇амби барияааяам̣ д̣̇ассзд̇угаамо гим̣ ну зд̇д̇агоязва абхисамаяод̇и бужчид̇ваа на хийд̇и д̇ам̣ важанам̣ бадигкибид̇ваа логуд̇д̇арамаг̇г̇агкан̣зд̇иаад̣̇имааха. д̣̇ассанаабхисамаяод̇и д̣̇ассанабхууд̇о абхисамаяо. зса наяо сзсзсуби. сажжаад̇и сажжан̃аан̣аани. маг̇г̇ан̃аан̣амзва ниб̣б̣аанаанубассанадтзна вибассанаа. вимогкод̇и маг̇г̇авимогко. виж̇ж̇аад̇и маг̇г̇ан̃аан̣амзва. вимуд̇д̇ийд̇и самужчзд̣̇авимуд̇д̇и. ниб̣б̣аанам̣ абхисамийяад̇ийд̇и абхисамаяо, сзсаа абхисамзнд̇и зд̇зхийд̇и абхисамаяаа.
Yasmā etampi pariyāyaṃ, na kevalaṃ cittañāṇehiyeva abhisamayo, atha kho sabbepi maggasampayuttacittacetasikā dhammā saccābhisamayakiccasādhanavasena abhisamayo nāma honti, tasmā tampi pariyāyaṃ dassetukāmo kiṃ nu ettakoyeva abhisamayoti pucchitvā na hīti taṃ vacanaṃ paṭikkhipitvā lokuttaramaggakkhaṇetiādimāha. Dassanābhisamayoti dassanabhūto abhisamayo. Esa nayo sesesupi. Saccāti saccañāṇāni. Maggañāṇameva nibbānānupassanaṭṭhena vipassanā. Vimokkhoti maggavimokkho. Vijjāti maggañāṇameva. Vimuttīti samucchedavimutti. Nibbānaṃ abhisamīyatīti abhisamayo, sesā abhisamenti etehīti abhisamayā.
21.
21.
буна маг̇г̇апалавасзна абхисамаяам̣ бхинд̣̇ид̇ваа д̣̇ассзд̇ум̣ гим̣ нууд̇иаад̣̇имааха. палагкан̣з банзд̇т̇а яасмаа самужчзд̣̇анадтзна каяз н̃аан̣ам̣ на лаб̣бхад̇и, д̇асмаа бадиббассад̣̇д̇хадтзна ануббаад̣̇з н̃аан̣анд̇и вуд̇д̇ам̣. сзсам̣ бана яат̇аануруубам̣ взд̣̇ид̇аб̣б̣анд̇и. ид̣̇аани яасмаа гилзсаббахаанз сад̇и абхисамаяо ход̇и, абхисамаяз жа сад̇и гилзсаббахаанам̣ ход̇и, д̇асмаа жод̣̇анаабуб̣б̣ан̇г̇амам̣ гилзсаббахаанам̣ д̣̇ассзд̇угаамо явааяанд̇иаад̣̇имааха. д̇ад̇т̇а явааяанд̇и яо аяам̣ маг̇г̇адто арияабуг̇г̇ало. звамаад̣̇игаани банзд̇т̇а жад̇д̇аари важанаани жод̣̇агасса бужчаа. буна ад̇ийд̇з гилзсз баж̇ахад̇ийд̇и ид̣̇ам̣ жод̣̇анааяа огаасад̣̇аанад̇т̇ам̣ виссаж̇ж̇анам̣. кийн̣анд̇и бхан̇г̇авасзна кийн̣ам̣. нируд̣̇д̇ханд̇и санд̇аанавасзна бунаббунам̣ ануббад̇д̇ияаа нируд̣̇д̇хам̣. виг̇ад̇анд̇и вад̇д̇амаанагкан̣ад̇о абаг̇ад̇ам̣. виг̇амзд̇ийд̇и абаг̇амаяад̇и. ад̇т̇ан̇г̇ад̇анд̇и абхаавам̣ г̇ад̇ам̣. ад̇т̇ан̇г̇амзд̇ийд̇и абхаавам̣ г̇амаяад̇и. д̇ад̇т̇а д̣̇осам̣ д̣̇ассзд̇ваа на ад̇ийд̇з гилзсз баж̇ахад̇ийд̇и бадигкид̇д̇ам̣. анааг̇ад̇ажод̣̇анааяа аж̇аад̇анд̇и ж̇аад̇им̣ аббад̇д̇ам̣. аниб̣б̣ад̇д̇анд̇и сабхаавам̣ аббад̇д̇ам̣. ануббаннанд̇и уббаад̣̇ад̇о бабхуд̇и уд̣̇д̇хам̣ на бадибаннам̣. абаад̇убхууд̇анд̇и бажжуббаннабхаавзна жид̇д̇асса абаад̇убхууд̇ам̣. ад̇ийд̇аанааг̇ад̇з баж̇ахад̇о бахаад̇аб̣б̣аанам̣ над̇т̇ид̇ааяа апало вааяаамо аабаж̇ж̇ад̇ийд̇и д̇ад̣̇убхаяамби бадигкид̇д̇ам̣. рад̇д̇о рааг̇ам̣ баж̇ахад̇ийд̇и вад̇д̇амаанзна рааг̇зна рад̇д̇о д̇амзва рааг̇ам̣ баж̇ахад̇и. вад̇д̇амаанагилзсзсуби зсзва наяо. т̇аамаг̇ад̇од̇и т̇ирасабхаавам̣ г̇ад̇о. ган̣хасуггаад̇и агусалаа жа гусалаа жа д̇хаммаа яуг̇анад̣̇д̇хаа самамзва вад̇д̇анд̇ийд̇и аабаж̇ж̇ад̇ийд̇и ад̇т̇о. сам̣гилзсигаад̇и звам̣ сам̣гилзсаанам̣ самбаяуд̇д̇абхаавз сад̇и сам̣гилзсз нияуд̇д̇аа маг̇г̇абхааванаа ход̇ийд̇и аабаж̇ж̇ад̇ийд̇и ад̇т̇о. звам̣ бажжуббаннз баж̇ахад̇о вааяаамзна сад̣̇д̇хим̣ бахаад̇аб̣б̣аанам̣ ад̇т̇ид̇ааяа сам̣гилзсигаа жа маг̇г̇абхааванаа ход̇и, вааяаамо жа апало ход̇и. на хи бажжуббаннаанам̣ гилзсаанам̣ жид̇д̇авиббаяуд̇д̇ад̇аа наама ад̇т̇ийд̇и.
Puna maggaphalavasena abhisamayaṃ bhinditvā dassetuṃ kiṃ nūtiādimāha. Phalakkhaṇe panettha yasmā samucchedanaṭṭhena khaye ñāṇaṃ na labbhati, tasmā paṭippassaddhaṭṭhena anuppāde ñāṇanti vuttaṃ. Sesaṃ pana yathānurūpaṃ veditabbanti. Idāni yasmā kilesappahāne sati abhisamayo hoti, abhisamaye ca sati kilesappahānaṃ hoti, tasmā codanāpubbaṅgamaṃ kilesappahānaṃ dassetukāmo yvāyantiādimāha. Tattha yvāyanti yo ayaṃ maggaṭṭho ariyapuggalo. Evamādikāni panettha cattāri vacanāni codakassa pucchā. Puna atīte kilese pajahatīti idaṃ codanāya okāsadānatthaṃ vissajjanaṃ. Khīṇanti bhaṅgavasena khīṇaṃ. Niruddhanti santānavasena punappunaṃ anuppattiyā niruddhaṃ. Vigatanti vattamānakkhaṇato apagataṃ. Vigametīti apagamayati. Atthaṅgatanti abhāvaṃ gataṃ. Atthaṅgametīti abhāvaṃ gamayati. Tattha dosaṃ dassetvā na atīte kilese pajahatīti paṭikkhittaṃ. Anāgatacodanāya ajātanti jātiṃ appattaṃ. Anibbattanti sabhāvaṃ appattaṃ. Anuppannanti uppādato pabhuti uddhaṃ na paṭipannaṃ. Apātubhūtanti paccuppannabhāvena cittassa apātubhūtaṃ. Atītānāgate pajahato pahātabbānaṃ natthitāya aphalo vāyāmo āpajjatīti tadubhayampi paṭikkhittaṃ. Ratto rāgaṃ pajahatīti vattamānena rāgena ratto tameva rāgaṃ pajahati. Vattamānakilesesupi eseva nayo. Thāmagatoti thirasabhāvaṃ gato. Kaṇhasukkāti akusalā ca kusalā ca dhammā yuganaddhā samameva vattantīti āpajjatīti attho. Saṃkilesikāti evaṃ saṃkilesānaṃ sampayuttabhāve sati saṃkilese niyuttā maggabhāvanā hotīti āpajjatīti attho. Evaṃ paccuppanne pajahato vāyāmena saddhiṃ pahātabbānaṃ atthitāya saṃkilesikā ca maggabhāvanā hoti, vāyāmo ca aphalo hoti. Na hi paccuppannānaṃ kilesānaṃ cittavippayuttatā nāma atthīti.
на хийд̇и жад̇уд̇хаа вуд̇д̇асса важанасса бадигкзбо. ад̇т̇ийд̇и бадиж̇аананам̣. яат̇аа гат̇ам̣ вияаад̇и ад̇т̇ибхаавасса уд̣̇аахаран̣ад̣̇ассанад̇т̇ам̣ бужчаа. яат̇аа ад̇т̇и, д̇ам̣ гзна багаарзна вияа ад̇т̇и, гим̣ вияа ад̇т̇ийд̇и ад̇т̇о. сзяяат̇аабийд̇и яат̇аа наама. д̇арун̣аругкод̇и палад̣̇ааяагабхаавад̣̇ийбанад̇т̇ам̣ д̇арун̣аг̇г̇ахан̣ам̣. аж̇аад̇апалод̇и палад̣̇ааяагад̇д̇зби сад̇и палаг̇г̇ахан̣ад̇о бурзгаалаг̇г̇ахан̣ам̣. д̇амзнанд̇и д̇ам̣ ругкам̣. знанд̇и нибаад̇амад̇д̇ам̣, д̇ам̣ зд̇анд̇и ваа ад̇т̇о. муулам̣ чинд̣̇зяяаад̇и муулад̇о чинд̣̇зяяа. аж̇аад̇апалаад̇и аж̇аад̇аани палаани. звамзванд̇и звам̣ звам̣. уббаад̣̇о бавад̇д̇ам̣ нимид̇д̇ам̣ ааяууханаад̇и жад̇уухиби бажжуббаннаканд̇хасанд̇аанамзва вуд̇д̇ам̣. яасмин̃хи канд̇хасанд̇аанз яам̣ яам̣ маг̇г̇ан̃аан̣ам̣ уббаж̇ж̇ад̇и, д̇зна д̇зна маг̇г̇ан̃аан̣зна бахаад̇аб̣б̣аанам̣ гилзсаанам̣ д̇ам̣ канд̇хасанд̇аанам̣ аб̣ийж̇ам̣ ход̇и, д̇асса аб̣ийж̇абхууд̇ад̇д̇аа д̇аббажжаяаа д̇з д̇з гилзсаа ануббаннаа зва на уббаж̇ж̇анд̇и. аад̣̇ийнавам̣ д̣̇исваад̇и анижжаад̣̇ид̇о аад̣̇ийнавам̣ д̣̇исваа. ануббаад̣̇од̇иаад̣̇ийхи жад̇уухи ниб̣б̣аанамзва вуд̇д̇ам̣. жид̇д̇ам̣ багканд̣̇ад̇ийд̇и маг̇г̇асамбаяуд̇д̇ам̣ жид̇д̇ам̣ багканд̣̇ад̇и. хзд̇унирод̇хаа д̣̇угканирод̇ход̇и гилзсаанам̣ б̣ийж̇абхууд̇асса санд̇аанасса ануббаад̣̇анирод̇хаа анааг̇ад̇агканд̇хабхууд̇асса д̣̇угкасса хзд̇убхууд̇аанам̣ гилзсаанам̣ ануббаад̣̇анирод̇хо ход̇и. звам̣ д̣̇угкасса хзд̇убхууд̇агилзсаанам̣ ануббаад̣̇анирод̇хаа д̣̇угкасса ануббаад̣̇анирод̇хо ход̇и. звам̣ гилзсаббахаанаяуд̇д̇исаб̣бхаавад̇о зва ад̇т̇и маг̇г̇абхааванаад̇иаад̣̇имааха. адтагат̇ааяам̣ (висуд̣̇д̇хи. 2.832) бана ‘‘зд̇зна гим̣ д̣̇ийбид̇ам̣ ход̇и? бхуумилад̣̇д̇хаанам̣ гилзсаанам̣ бахаанам̣ д̣̇ийбид̇ам̣ ход̇и. бхуумилад̣̇д̇хаа бана гим̣ ад̇ийд̇аа анааг̇ад̇аа, уд̣̇ааху бажжуббаннаад̇и? бхуумилад̣̇д̇хуббаннааязва наамаа’’д̇и вад̇ваа гат̇ид̇агилзсаббахаанасса вид̇т̇аарагат̇аа суд̇амаяан̃аан̣агат̇ааяа маг̇г̇асажжанид̣̇д̣̇зсаван̣н̣анааяам̣ вуд̇д̇анаязнзва взд̣̇ид̇аб̣б̣аа, ид̇ха бана маг̇г̇ан̃аан̣зна бахаад̇аб̣б̣аа гилзсааязва ад̇хиббзд̇аад̇и.
Na hīti catudhā vuttassa vacanassa paṭikkhepo. Atthīti paṭijānanaṃ. Yathā kathaṃ viyāti atthibhāvassa udāharaṇadassanatthaṃ pucchā. Yathā atthi, taṃ kena pakārena viya atthi, kiṃ viya atthīti attho. Seyyathāpīti yathā nāma. Taruṇarukkhoti phaladāyakabhāvadīpanatthaṃ taruṇaggahaṇaṃ. Ajātaphaloti phaladāyakattepi sati phalaggahaṇato purekālaggahaṇaṃ. Tamenanti taṃ rukkhaṃ. Enanti nipātamattaṃ, taṃ etanti vā attho. Mūlaṃ chindeyyāti mūlato chindeyya. Ajātaphalāti ajātāni phalāni. Evamevanti evaṃ evaṃ. Uppādo pavattaṃ nimittaṃ āyūhanāti catūhipi paccuppannakhandhasantānameva vuttaṃ. Yasmiñhi khandhasantāne yaṃ yaṃ maggañāṇaṃ uppajjati, tena tena maggañāṇena pahātabbānaṃ kilesānaṃ taṃ khandhasantānaṃ abījaṃ hoti, tassa abījabhūtattā tappaccayā te te kilesā anuppannā eva na uppajjanti. Ādīnavaṃ disvāti aniccādito ādīnavaṃ disvā. Anuppādotiādīhi catūhi nibbānameva vuttaṃ. Cittaṃ pakkhandatīti maggasampayuttaṃ cittaṃ pakkhandati. Hetunirodhā dukkhanirodhoti kilesānaṃ bījabhūtassa santānassa anuppādanirodhā anāgatakkhandhabhūtassa dukkhassa hetubhūtānaṃ kilesānaṃ anuppādanirodho hoti. Evaṃ dukkhassa hetubhūtakilesānaṃ anuppādanirodhā dukkhassa anuppādanirodho hoti. Evaṃ kilesappahānayuttisabbhāvato eva atthi maggabhāvanātiādimāha. Aṭṭhakathāyaṃ (visuddhi. 2.832) pana ‘‘etena kiṃ dīpitaṃ hoti? Bhūmiladdhānaṃ kilesānaṃ pahānaṃ dīpitaṃ hoti. Bhūmiladdhā pana kiṃ atītā anāgatā, udāhu paccuppannāti? Bhūmiladdhuppannāyeva nāmā’’ti vatvā kathitakilesappahānassa vitthārakathā sutamayañāṇakathāya maggasaccaniddesavaṇṇanāyaṃ vuttanayeneva veditabbā, idha pana maggañāṇena pahātabbā kilesāyeva adhippetāti.
абхисамаяагат̇ааван̣н̣анаа нидтид̇аа.
Abhisamayakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 3. абхисамаяагат̇аа • 3. Abhisamayakathā
