| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. абхисамаяанд̇арааяагарабан̃хо
7. Abhisamayantarāyakarapañho
7. ‘‘бханд̇з нааг̇асзна, ид̇ха яо гожи г̇ихий баарааж̇игам̣ аж̇жхаабанно бхавзяяа, со абарзна самаязна баб̣б̣ааж̇зяяа, ад̇д̇анааби со на ж̇аанзяяа ‘г̇ихибаарааж̇игам̣ аж̇жхаабанносмий’д̇и, наби д̇асса ан̃н̃о гожи аажигкзяяа ‘г̇ихибаарааж̇игам̣ аж̇жхаабанносий’д̇и. со жа д̇ат̇ад̇д̇ааяа бадибаж̇ж̇зяяа, аби ну д̇асса д̇хаммаабхисамаяо бхавзяяаа’’д̇и? ‘‘на хи, махаарааж̇аа’’д̇и. ‘‘гзна, бханд̇з, гааран̣знаа’’д̇и? ‘‘яо д̇асса хзд̇у д̇хаммаабхисамаяааяа, со д̇асса самужчинно, д̇асмаа д̇хаммаабхисамаяо на бхавад̇ий’’д̇и.
7. ‘‘Bhante nāgasena, idha yo koci gihī pārājikaṃ ajjhāpanno bhaveyya, so aparena samayena pabbājeyya, attanāpi so na jāneyya ‘gihipārājikaṃ ajjhāpannosmī’ti, napi tassa añño koci ācikkheyya ‘gihipārājikaṃ ajjhāpannosī’ti. So ca tathattāya paṭipajjeyya, api nu tassa dhammābhisamayo bhaveyyā’’ti? ‘‘Na hi, mahārājā’’ti. ‘‘Kena, bhante, kāraṇenā’’ti? ‘‘Yo tassa hetu dhammābhisamayāya, so tassa samucchinno, tasmā dhammābhisamayo na bhavatī’’ti.
‘‘бханд̇з нааг̇асзна, д̇умхз бхан̣ат̇а ‘ж̇аананд̇асса гуггужжам̣ ход̇и, гуггужжз сад̇и ааваран̣ам̣ ход̇и, аавадз жид̇д̇з д̇хаммаабхисамаяо на ход̇ий’д̇и. имасса бана аж̇аананд̇асса агуггужжаж̇аад̇асса санд̇ажид̇д̇асса вихарад̇о гзна гааран̣зна д̇хаммаабхисамаяо на ход̇и, висамзна висамзнзсо бан̃хо г̇ажчад̇и, жинд̇зд̇ваа висаж̇ж̇зт̇аа’’д̇и.
‘‘Bhante nāgasena, tumhe bhaṇatha ‘jānantassa kukkuccaṃ hoti, kukkucce sati āvaraṇaṃ hoti, āvaṭe citte dhammābhisamayo na hotī’ti. Imassa pana ajānantassa akukkuccajātassa santacittassa viharato kena kāraṇena dhammābhisamayo na hoti, visamena visameneso pañho gacchati, cintetvā visajjethā’’ti.
‘‘рухад̇и , махаарааж̇а, сугадтз сугалалз ман̣д̣акзд̇д̇з саарад̣̇ам̣ сукасаяид̇ам̣ б̣ийж̇а’’нд̇и? ‘‘аама, бханд̇з’’д̇и. ‘‘аби ну, махаарааж̇а, д̇ан̃н̃зва б̣ийж̇ам̣ гханасзласилаад̇алз рухзяяаа’’д̇и? ‘‘на хи, бханд̇з’’д̇и. ‘‘гисса бана, махаарааж̇а, д̇ан̃н̃зва б̣ийж̇ам̣ галалз рухад̇и, гисса гханасзлз на рухад̇ий’’д̇и? ‘‘над̇т̇и, бханд̇з, д̇асса б̣ийж̇асса руханааяа гханасзлз хзд̇у, ахзд̇унаа б̣ийж̇ам̣ на рухад̇ий’’д̇и. ‘‘звамзва ко, махаарааж̇а, язна хзд̇унаа д̇асса д̇хаммаабхисамаяо бхавзяяа, со д̇асса хзд̇у самужчинно, ахзд̇унаа д̇хаммаабхисамаяо на ход̇и.
‘‘Ruhati , mahārāja, sukaṭṭhe sukalale maṇḍakhette sāradaṃ sukhasayitaṃ bīja’’nti? ‘‘Āma, bhante’’ti. ‘‘Api nu, mahārāja, taññeva bījaṃ ghanaselasilātale ruheyyā’’ti? ‘‘Na hi, bhante’’ti. ‘‘Kissa pana, mahārāja, taññeva bījaṃ kalale ruhati, kissa ghanasele na ruhatī’’ti? ‘‘Natthi, bhante, tassa bījassa ruhanāya ghanasele hetu, ahetunā bījaṃ na ruhatī’’ti. ‘‘Evameva kho, mahārāja, yena hetunā tassa dhammābhisamayo bhaveyya, so tassa hetu samucchinno, ahetunā dhammābhisamayo na hoti.
‘‘яат̇аа ваа бана, махаарааж̇а, д̣̇ан̣д̣алзд̣д̣улаг̇ул̣амуг̇г̇араа бат̇авияаа таанамубаг̇ажчанд̇и, аби ну, махаарааж̇а, д̇з язва д̣̇ан̣д̣алзд̣д̣улаг̇ул̣амуг̇г̇араа г̇аг̇анз таанамубаг̇ажчанд̇ий’’д̇и? ‘‘на хи бханд̇з’’д̇и. ‘‘гим̣ банзд̇т̇а, махаарааж̇а, гааран̣ам̣, язна гааран̣зна д̇з язва д̣̇ан̣д̣алзд̣д̣улаг̇ул̣амуг̇г̇араа бат̇авияаа таанамубаг̇ажчанд̇и, гзна гааран̣зна г̇аг̇анз на д̇идтанд̇ий’’д̇и? ‘‘над̇т̇и, бханд̇з, д̇зсам̣ д̣̇ан̣д̣алзд̣д̣улаг̇ул̣амуг̇г̇араанам̣ бад̇идтаанааяа аагаасз хзд̇у, ахзд̇унаа на д̇идтанд̇ий’’д̇и . ‘‘звамзва ко, махаарааж̇а, д̇асса д̇зна д̣̇осзна абхисамаяахзд̇у самужчинно, хзд̇усамуг̇гхаад̇з ахзд̇унаа абхисамаяо на ход̇ийд̇и.
‘‘Yathā vā pana, mahārāja, daṇḍaleḍḍulaguḷamuggarā pathaviyā ṭhānamupagacchanti, api nu, mahārāja, te yeva daṇḍaleḍḍulaguḷamuggarā gagane ṭhānamupagacchantī’’ti? ‘‘Na hi bhante’’ti. ‘‘Kiṃ panettha, mahārāja, kāraṇaṃ, yena kāraṇena te yeva daṇḍaleḍḍulaguḷamuggarā pathaviyā ṭhānamupagacchanti, kena kāraṇena gagane na tiṭṭhantī’’ti? ‘‘Natthi, bhante, tesaṃ daṇḍaleḍḍulaguḷamuggarānaṃ patiṭṭhānāya ākāse hetu, ahetunā na tiṭṭhantī’’ti . ‘‘Evameva kho, mahārāja, tassa tena dosena abhisamayahetu samucchinno, hetusamugghāte ahetunā abhisamayo na hotīti.
‘‘яат̇аа ваа бана, махаарааж̇а, т̇алз аг̇г̇и ж̇алад̇и, аби ну ко, махаарааж̇а, со язва аг̇г̇и уд̣̇агз ж̇алад̇ий’’д̇и? ‘‘на хи, бханд̇з’’д̇и. ‘‘гим̣ банзд̇т̇а, махаарааж̇а, гааран̣ам̣, язна гааран̣зна со язва аг̇г̇и т̇алз ж̇алад̇и, гзна гааран̣зна уд̣̇агз на ж̇алад̇ий’’д̇и? ‘‘над̇т̇и, бханд̇з, аг̇г̇исса ж̇аланааяа уд̣̇агз хзд̇у, ахзд̇унаа на ж̇алад̇ий’’д̇и. ‘‘звамзва ко, махаарааж̇а, д̇асса д̇зна д̣̇осзна абхисамаяахзд̇у самужчинно, хзд̇усамуг̇гхаад̇з ахзд̇унаа д̇хаммаабхисамаяо на ход̇ий’’д̇и.
‘‘Yathā vā pana, mahārāja, thale aggi jalati, api nu kho, mahārāja, so yeva aggi udake jalatī’’ti? ‘‘Na hi, bhante’’ti. ‘‘Kiṃ panettha, mahārāja, kāraṇaṃ, yena kāraṇena so yeva aggi thale jalati, kena kāraṇena udake na jalatī’’ti? ‘‘Natthi, bhante, aggissa jalanāya udake hetu, ahetunā na jalatī’’ti. ‘‘Evameva kho, mahārāja, tassa tena dosena abhisamayahetu samucchinno, hetusamugghāte ahetunā dhammābhisamayo na hotī’’ti.
‘‘бханд̇з нааг̇асзна, бунабзд̇ам̣ ад̇т̇ам̣ жинд̇зхи, на мз д̇ад̇т̇а жид̇д̇асан̃н̃ад̇д̇и бхавад̇и, аж̇аананд̇асса асад̇и гуггужжз ааваран̣ам̣ ход̇ийд̇и, гааран̣зна мам̣ сан̃н̃аабзхий’’д̇и. ‘‘аби ну, махаарааж̇а, висам̣ халаахалам̣ аж̇аананд̇зна кааяид̇ам̣ ж̇ийвид̇ам̣ харад̇ий’’д̇и? ‘‘аама, бханд̇з’’д̇и. ‘‘звамзва ко, махаарааж̇а, аж̇аананд̇знаби гад̇ам̣ баабам̣ абхисамаяанд̇арааяагарам̣ ход̇и.
‘‘Bhante nāgasena, punapetaṃ atthaṃ cintehi, na me tattha cittasaññatti bhavati, ajānantassa asati kukkucce āvaraṇaṃ hotīti, kāraṇena maṃ saññāpehī’’ti. ‘‘Api nu, mahārāja, visaṃ halāhalaṃ ajānantena khāyitaṃ jīvitaṃ haratī’’ti? ‘‘Āma, bhante’’ti. ‘‘Evameva kho, mahārāja, ajānantenapi kataṃ pāpaṃ abhisamayantarāyakaraṃ hoti.
‘‘аби ну, махаарааж̇а, аг̇г̇и аж̇аанид̇ваа аггаманд̇ам̣ д̣ахад̇ий’’д̇и? ‘‘аама, бханд̇з’’д̇и. ‘‘звамзва ко, махаарааж̇а, аж̇аананд̇знаби гад̇ам̣ баабам̣ абхисамаяанд̇арааяагарам̣ ход̇и.
‘‘Api nu, mahārāja, aggi ajānitvā akkamantaṃ ḍahatī’’ti? ‘‘Āma, bhante’’ti. ‘‘Evameva kho, mahārāja, ajānantenapi kataṃ pāpaṃ abhisamayantarāyakaraṃ hoti.
‘‘аби ну, махаарааж̇а, аж̇аананд̇ам̣ аасийвисо д̣ам̣сид̇ваа ж̇ийвид̇ам̣ харад̇ий’’д̇и? ‘‘аама, бханд̇з’’д̇и. ‘‘звамзва ко, махаарааж̇а, аж̇аананд̇знаби гад̇ам̣ баабам̣ абхисамаяанд̇арааяагарам̣ ход̇и.
‘‘Api nu, mahārāja, ajānantaṃ āsīviso ḍaṃsitvā jīvitaṃ haratī’’ti? ‘‘Āma, bhante’’ti. ‘‘Evameva kho, mahārāja, ajānantenapi kataṃ pāpaṃ abhisamayantarāyakaraṃ hoti.
‘‘нану, махаарааж̇а, гаалин̇г̇арааж̇аа саман̣аголан̃н̃о сад̇д̇арад̇анабаригин̣н̣о хад̇т̇ирад̇анамабхируяха гулад̣̇ассанааяа г̇ажчанд̇о аж̇аананд̇оби наасагки б̣од̇химан̣д̣асса убарид̇о г̇анд̇ум̣, ид̣̇амзд̇т̇а, махаарааж̇а, гааран̣ам̣, язна гааран̣зна аж̇аананд̇знаби гад̇ам̣ баабам̣ абхисамаяанд̇арааяагарам̣ ход̇ий’’д̇и? ‘‘ж̇инабхаасид̇ам̣ , бханд̇з нааг̇асзна, гааран̣ам̣ на саггаа бадиггосид̇ум̣, зсовзд̇асса ад̇т̇о д̇ат̇аа самбадижчаамий’’д̇и.
‘‘Nanu, mahārāja, kāliṅgarājā samaṇakolañño sattaratanaparikiṇṇo hatthiratanamabhiruyha kuladassanāya gacchanto ajānantopi nāsakkhi bodhimaṇḍassa uparito gantuṃ, idamettha, mahārāja, kāraṇaṃ, yena kāraṇena ajānantenapi kataṃ pāpaṃ abhisamayantarāyakaraṃ hotī’’ti? ‘‘Jinabhāsitaṃ , bhante nāgasena, kāraṇaṃ na sakkā paṭikkosituṃ, esovetassa attho tathā sampaṭicchāmī’’ti.
абхисамаяанд̇арааяагарабан̃хо сад̇д̇амо.
Abhisamayantarāyakarapañho sattamo.
