| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๙-๑๐. อภิสนฺทสุตฺตาทิวณฺณนา
9-10. Abhisandasuttādivaṇṇanā
๓๙-๔๐. นวเม ปุญฺญาภิสนฺทาติ ปุญฺญนทิโยฯ กุสลาภิสนฺทาติ กุสลานํ ปวาหาฯ สุขสฺสาหาราติ สุขปจฺจยาฯ อคฺคานีติ ญาตตฺตา อคฺคญฺญานิฯ จิรรตฺตํ ญาตตฺตา รตฺตญฺญานิฯ อริยานํ สาธูนํ วํสานีติ ญาตตฺตา วํสญฺญานิฯ โปราณานํ อาทิปุริสานํ เอตานีติ โปราณานิฯ สพฺพโส เกนจิปิ ปกาเรน สาธูหิ น กิณฺณานิ น ขิตฺตานิ ฉฑฺฑิตานีติ อสํกิณฺณานิฯ อยญฺจ นโย เนสํ ยถา อตีเต, เอวํ เอตรหิ อนาคเต จาติ อาห ‘‘อสํกิณฺณปุพฺพานิ น สํกิยนฺติ น สํกิยิสฺสนฺตี’’ติฯ ตโต เอว อปฺปฎิกุฎฺฐานิฯ น หิ กทาจิ วิญฺญู สมณพฺราหฺมณา หิํสาทิปาปธมฺมํ อนุชานนฺติฯ อปริมาณานํ สตฺตานํ อภยํ เทตีติ สเพฺพสุ ภูเตสุ นิหิตทณฺฑตฺตา สกลสฺสปิ สตฺตกายสฺส ภยาภาวํ เทติฯ อเวรนฺติ เวราภาวํฯ อพฺยาพชฺฌนฺติ นิทฺทุกฺขตํฯ เอวเมตฺถ สเงฺขปโต ปาฬิวณฺณนา เวทิตพฺพาฯ ทสเม นตฺถิ วตฺตพฺพํฯ
39-40. Navame puññābhisandāti puññanadiyo. Kusalābhisandāti kusalānaṃ pavāhā. Sukhassāhārāti sukhapaccayā. Aggānīti ñātattā aggaññāni. Cirarattaṃ ñātattā rattaññāni. Ariyānaṃ sādhūnaṃ vaṃsānīti ñātattā vaṃsaññāni. Porāṇānaṃ ādipurisānaṃ etānīti porāṇāni. Sabbaso kenacipi pakārena sādhūhi na kiṇṇāni na khittāni chaḍḍitānīti asaṃkiṇṇāni. Ayañca nayo nesaṃ yathā atīte, evaṃ etarahi anāgate cāti āha ‘‘asaṃkiṇṇapubbāni na saṃkiyanti na saṃkiyissantī’’ti. Tato eva appaṭikuṭṭhāni. Na hi kadāci viññū samaṇabrāhmaṇā hiṃsādipāpadhammaṃ anujānanti. Aparimāṇānaṃ sattānaṃ abhayaṃ detīti sabbesu bhūtesu nihitadaṇḍattā sakalassapi sattakāyassa bhayābhāvaṃ deti. Averanti verābhāvaṃ. Abyābajjhanti niddukkhataṃ. Evamettha saṅkhepato pāḷivaṇṇanā veditabbā. Dasame natthi vattabbaṃ.
อภิสนฺทสุตฺตาทิวณฺณนา นิฎฺฐิตาฯ
Abhisandasuttādivaṇṇanā niṭṭhitā.
ทานวคฺควณฺณนา นิฎฺฐิตาฯ
Dānavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๙. อภิสนฺทสุตฺตํ • 9. Abhisandasuttaṃ
๑๐. ทุจฺจริตวิปากสุตฺตํ • 10. Duccaritavipākasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๙. อภิสนฺทสุตฺตวณฺณนา • 9. Abhisandasuttavaṇṇanā
๑๐. ทุจฺจริตวิปากสุตฺตวณฺณนา • 10. Duccaritavipākasuttavaṇṇanā
