| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៩-១០. អភិសន្ទសុត្តាទិវណ្ណនា
9-10. Abhisandasuttādivaṇṇanā
៣៩-៤០. នវមេ បុញ្ញាភិសន្ទាតិ បុញ្ញនទិយោ។ កុសលាភិសន្ទាតិ កុសលានំ បវាហា។ សុខស្សាហារាតិ សុខបច្ចយា។ អគ្គានីតិ ញាតត្តា អគ្គញ្ញានិ។ ចិររត្តំ ញាតត្តា រត្តញ្ញានិ។ អរិយានំ សាធូនំ វំសានីតិ ញាតត្តា វំសញ្ញានិ។ បោរាណានំ អាទិបុរិសានំ ឯតានីតិ បោរាណានិ។ សព្ពសោ កេនចិបិ បការេន សាធូហិ ន កិណ្ណានិ ន ខិត្តានិ ឆឌ្ឌិតានីតិ អសំកិណ្ណានិ។ អយញ្ច នយោ នេសំ យថា អតីតេ, ឯវំ ឯតរហិ អនាគតេ ចាតិ អាហ ‘‘អសំកិណ្ណបុព្ពានិ ន សំកិយន្តិ ន សំកិយិស្សន្តី’’តិ។ តតោ ឯវ អប្បដិកុដ្ឋានិ។ ន ហិ កទាចិ វិញ្ញូ សមណព្រាហ្មណា ហិំសាទិបាបធម្មំ អនុជានន្តិ។ អបរិមាណានំ សត្តានំ អភយំ ទេតីតិ សព្ពេសុ ភូតេសុ និហិតទណ្ឌត្តា សកលស្សបិ សត្តកាយស្ស ភយាភាវំ ទេតិ។ អវេរន្តិ វេរាភាវំ។ អព្យាពជ្ឈន្តិ និទ្ទុក្ខតំ។ ឯវមេត្ថ សង្ខេបតោ បាឡិវណ្ណនា វេទិតព្ពា។ ទសមេ នត្ថិ វត្តព្ពំ។
39-40. Navame puññābhisandāti puññanadiyo. Kusalābhisandāti kusalānaṃ pavāhā. Sukhassāhārāti sukhapaccayā. Aggānīti ñātattā aggaññāni. Cirarattaṃ ñātattā rattaññāni. Ariyānaṃ sādhūnaṃ vaṃsānīti ñātattā vaṃsaññāni. Porāṇānaṃ ādipurisānaṃ etānīti porāṇāni. Sabbaso kenacipi pakārena sādhūhi na kiṇṇāni na khittāni chaḍḍitānīti asaṃkiṇṇāni. Ayañca nayo nesaṃ yathā atīte, evaṃ etarahi anāgate cāti āha ‘‘asaṃkiṇṇapubbāni na saṃkiyanti na saṃkiyissantī’’ti. Tato eva appaṭikuṭṭhāni. Na hi kadāci viññū samaṇabrāhmaṇā hiṃsādipāpadhammaṃ anujānanti. Aparimāṇānaṃ sattānaṃ abhayaṃ detīti sabbesu bhūtesu nihitadaṇḍattā sakalassapi sattakāyassa bhayābhāvaṃ deti. Averanti verābhāvaṃ. Abyābajjhanti niddukkhataṃ. Evamettha saṅkhepato pāḷivaṇṇanā veditabbā. Dasame natthi vattabbaṃ.
អភិសន្ទសុត្តាទិវណ្ណនា និដ្ឋិតា។
Abhisandasuttādivaṇṇanā niṭṭhitā.
ទានវគ្គវណ្ណនា និដ្ឋិតា។
Dānavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៩. អភិសន្ទសុត្តំ • 9. Abhisandasuttaṃ
១០. ទុច្ចរិតវិបាកសុត្តំ • 10. Duccaritavipākasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៩. អភិសន្ទសុត្តវណ្ណនា • 9. Abhisandasuttavaṇṇanā
១០. ទុច្ចរិតវិបាកសុត្តវណ្ណនា • 10. Duccaritavipākasuttavaṇṇanā
