| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཨབྷིསནྡསུཏྟཾ
9. Abhisandasuttaṃ
༣༩. ‘‘ཨཊྛིམེ , བྷིཀྑཝེ, པུཉྙཱབྷིསནྡཱ ཀུསལཱབྷིསནྡཱ སུཁསྶཱཧཱརཱ སོཝགྒིཀཱ སུཁཝིཔཱཀཱ སགྒསཾཝཏྟནིཀཱ, ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟནྟི། ཀཏམེ ཨཊྛ? ཨིདྷ, བྷིཀྑཝེ, ཨརིཡསཱཝཀོ བུདྡྷཾ སརཎཾ གཏོ ཧོཏི། ཨཡཾ, བྷིཀྑཝེ, པཋམོ པུཉྙཱབྷིསནྡོ ཀུསལཱབྷིསནྡོ སུཁསྶཱཧཱརོ སོཝགྒིཀོ སུཁཝིཔཱཀོ སགྒསཾཝཏྟནིཀོ, ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟཏི།
39. ‘‘Aṭṭhime , bhikkhave, puññābhisandā kusalābhisandā sukhassāhārā sovaggikā sukhavipākā saggasaṃvattanikā, iṭṭhāya kantāya manāpāya hitāya sukhāya saṃvattanti. Katame aṭṭha? Idha, bhikkhave, ariyasāvako buddhaṃ saraṇaṃ gato hoti. Ayaṃ, bhikkhave, paṭhamo puññābhisando kusalābhisando sukhassāhāro sovaggiko sukhavipāko saggasaṃvattaniko, iṭṭhāya kantāya manāpāya hitāya sukhāya saṃvattati.
‘‘པུན ཙཔརཾ, བྷིཀྑཝེ, ཨརིཡསཱཝཀོ དྷམྨཾ སརཎཾ གཏོ ཧོཏི། ཨཡཾ, བྷིཀྑཝེ, དུཏིཡོ པུཉྙཱབྷིསནྡོ…པེ॰… སཾཝཏྟཏི།
‘‘Puna caparaṃ, bhikkhave, ariyasāvako dhammaṃ saraṇaṃ gato hoti. Ayaṃ, bhikkhave, dutiyo puññābhisando…pe… saṃvattati.
‘‘པུན ཙཔརཾ, བྷིཀྑཝེ, ཨརིཡསཱཝཀོ སངྒྷཾ སརཎཾ གཏོ ཧོཏི། ཨཡཾ, བྷིཀྑཝེ, ཏཏིཡོ པུཉྙཱབྷིསནྡོ ཀུསལཱབྷིསནྡོ སུཁསྶཱཧཱརོ སོཝགྒིཀོ སུཁཝིཔཱཀོ སགྒསཾཝཏྟནིཀོ, ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟཏི།
‘‘Puna caparaṃ, bhikkhave, ariyasāvako saṅghaṃ saraṇaṃ gato hoti. Ayaṃ, bhikkhave, tatiyo puññābhisando kusalābhisando sukhassāhāro sovaggiko sukhavipāko saggasaṃvattaniko, iṭṭhāya kantāya manāpāya hitāya sukhāya saṃvattati.
1 ‘‘པཉྩིམཱནི , བྷིཀྑཝེ, དཱནཱནི མཧཱདཱནཱནི ཨགྒཉྙཱནི རཏྟཉྙཱནི ཝཾསཉྙཱནི པོརཱཎཱནི ཨསཾཀིཎྞཱནི ཨསཾཀིཎྞཔུབྦཱནི, ན སཾཀིཡནྟི ན སཾཀིཡིསྶནྟི, ཨཔྤཊིཀུཊྛཱནི 2 སམཎེཧི བྲཱཧྨཎེཧི ཝིཉྙཱུཧི། ཀཏམཱནི པཉྩ? ཨིདྷ, བྷིཀྑཝེ, ཨརིཡསཱཝཀོ པཱཎཱཏིཔཱཏཾ པཧཱཡ པཱཎཱཏིཔཱཏཱ པཊིཝིརཏོ ཧོཏི། པཱཎཱཏིཔཱཏཱ པཊིཝིརཏོ, བྷིཀྑཝེ, ཨརིཡསཱཝཀོ ཨཔརིམཱཎཱནཾ སཏྟཱནཾ ཨབྷཡཾ དེཏི, ཨཝེརཾ དེཏི, ཨབྱཱབཛ྄ཛྷཾ 3 དེཏི། ཨཔརིམཱཎཱནཾ སཏྟཱནཾ ཨབྷཡཾ དཏྭཱ ཨཝེརཾ དཏྭཱ ཨབྱཱབཛ྄ཛྷཾ དཏྭཱ ཨཔརིམཱཎསྶ ཨབྷཡསྶ ཨཝེརསྶ ཨབྱཱབཛ྄ཛྷསྶ བྷཱགཱི ཧོཏི། ཨིདཾ, བྷིཀྑཝེ, པཋམཾ དཱནཾ མཧཱདཱནཾ ཨགྒཉྙཾ རཏྟཉྙཾ ཝཾསཉྙཾ པོརཱཎཾ ཨསཾཀིཎྞཾ ཨསཾཀིཎྞཔུབྦཾ, ན སཾཀིཡཏི ན སཾཀིཡིསྶཏི, ཨཔྤཊིཀུཊྛཾ སམཎེཧི བྲཱཧྨཎེཧི ཝིཉྙཱུཧི། ཨཡཾ, བྷིཀྑཝེ, ཙཏུཏྠོ པུཉྙཱབྷིསནྡོ ཀུསལཱབྷིསནྡོ སུཁསྶཱཧཱརོ སོཝགྒིཀོ སུཁཝིཔཱཀོ སགྒསཾཝཏྟནིཀོ, ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟཏི།
4 ‘‘Pañcimāni , bhikkhave, dānāni mahādānāni aggaññāni rattaññāni vaṃsaññāni porāṇāni asaṃkiṇṇāni asaṃkiṇṇapubbāni, na saṃkiyanti na saṃkiyissanti, appaṭikuṭṭhāni 5 samaṇehi brāhmaṇehi viññūhi. Katamāni pañca? Idha, bhikkhave, ariyasāvako pāṇātipātaṃ pahāya pāṇātipātā paṭivirato hoti. Pāṇātipātā paṭivirato, bhikkhave, ariyasāvako aparimāṇānaṃ sattānaṃ abhayaṃ deti, averaṃ deti, abyābajjhaṃ 6 deti. Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti. Idaṃ, bhikkhave, paṭhamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ, na saṃkiyati na saṃkiyissati, appaṭikuṭṭhaṃ samaṇehi brāhmaṇehi viññūhi. Ayaṃ, bhikkhave, catuttho puññābhisando kusalābhisando sukhassāhāro sovaggiko sukhavipāko saggasaṃvattaniko, iṭṭhāya kantāya manāpāya hitāya sukhāya saṃvattati.
‘‘པུན ཙཔརཾ, བྷིཀྑཝེ, ཨརིཡསཱཝཀོ ཨདིནྣཱདཱནཾ པཧཱཡ ཨདིནྣཱདཱནཱ པཊིཝིརཏོ ཧོཏི…པེ॰… ཀཱམེསུམིཙྪཱཙཱརཾ པཧཱཡ ཀཱམེསུམིཙྪཱཙཱརཱ པཊིཝིརཏོ ཧོཏི…པེ॰… མུསཱཝཱདཾ པཧཱཡ མུསཱཝཱདཱ པཊིཝིརཏོ ཧོཏི…པེ॰… སུརཱམེརཡམཛྫཔམཱདཊྛཱནཾ པཧཱཡ སུརཱམེརཡམཛྫཔམཱདཊྛཱནཱ པཊིཝིརཏོ ཧོཏི། སུརཱམེརཡམཛྫཔམཱདཊྛཱནཱ པཊིཝིརཏོ, བྷིཀྑཝེ, ཨརིཡསཱཝཀོ ཨཔརིམཱཎཱནཾ སཏྟཱནཾ ཨབྷཡཾ དེཏི ཨཝེརཾ དེཏི ཨབྱཱབཛ྄ཛྷཾ དེཏི། ཨཔརིམཱཎཱནཾ སཏྟཱནཾ ཨབྷཡཾ དཏྭཱ ཨཝེརཾ དཏྭཱ ཨབྱཱབཛ྄ཛྷཾ དཏྭཱ, ཨཔརིམཱཎསྶ ཨབྷཡསྶ ཨཝེརསྶ ཨབྱཱབཛ྄ཛྷསྶ བྷཱགཱི ཧོཏི། ཨིདཾ, བྷིཀྑཝེ, པཉྩམཾ དཱནཾ མཧཱདཱནཾ ཨགྒཉྙཾ རཏྟཉྙཾ ཝཾསཉྙཾ པོརཱཎཾ ཨསཾཀིཎྞཾ ཨསཾཀིཎྞཔུབྦཾ, ན སཾཀིཡཏི ན སཾཀིཡིསྶཏི, ཨཔྤཊིཀུཊྛཾ སམཎེཧི བྲཱཧྨཎེཧི ཝིཉྙཱུཧི། ཨཡཾ ཁོ, བྷིཀྑཝེ, ཨཊྛམོ པུཉྙཱབྷིསནྡོ ཀུསལཱབྷིསནྡོ སུཁསྶཱཧཱརོ སོཝགྒིཀོ སུཁཝིཔཱཀོ སགྒསཾཝཏྟནིཀོ, ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟཏི། ཨིམེ ཁོ, བྷིཀྑཝེ, ཨཊྛ པུཉྙཱབྷིསནྡཱ ཀུསལཱབྷིསནྡཱ སུཁསྶཱཧཱརཱ སོཝགྒིཀཱ སུཁཝིཔཱཀཱ སགྒསཾཝཏྟནིཀཱ, ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟནྟཱི’’ཏི། ནཝམཾ།
‘‘Puna caparaṃ, bhikkhave, ariyasāvako adinnādānaṃ pahāya adinnādānā paṭivirato hoti…pe… kāmesumicchācāraṃ pahāya kāmesumicchācārā paṭivirato hoti…pe… musāvādaṃ pahāya musāvādā paṭivirato hoti…pe… surāmerayamajjapamādaṭṭhānaṃ pahāya surāmerayamajjapamādaṭṭhānā paṭivirato hoti. Surāmerayamajjapamādaṭṭhānā paṭivirato, bhikkhave, ariyasāvako aparimāṇānaṃ sattānaṃ abhayaṃ deti averaṃ deti abyābajjhaṃ deti. Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā, aparimāṇassa abhayassa averassa abyābajjhassa bhāgī hoti. Idaṃ, bhikkhave, pañcamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ, na saṃkiyati na saṃkiyissati, appaṭikuṭṭhaṃ samaṇehi brāhmaṇehi viññūhi. Ayaṃ kho, bhikkhave, aṭṭhamo puññābhisando kusalābhisando sukhassāhāro sovaggiko sukhavipāko saggasaṃvattaniko, iṭṭhāya kantāya manāpāya hitāya sukhāya saṃvattati. Ime kho, bhikkhave, aṭṭha puññābhisandā kusalābhisandā sukhassāhārā sovaggikā sukhavipākā saggasaṃvattanikā, iṭṭhāya kantāya manāpāya hitāya sukhāya saṃvattantī’’ti. Navamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. ཨབྷིསནྡསུཏྟཝཎྞནཱ • 9. Abhisandasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩-༡༠. ཨབྷིསནྡསུཏྟཱདིཝཎྞནཱ • 9-10. Abhisandasuttādivaṇṇanā
