| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. অব্যাবজ্ঝসুত্তং
9. Abyābajjhasuttaṃ
২৪০. ‘‘চতূহি , ভিক্খৰে, ধম্মেহি সমন্নাগতো যথাভতং নিক্খিত্তো এৰং নিরযে। কতমেহি চতূহি? সব্যাবজ্ঝেন কাযকম্মেন, সব্যাবজ্ঝেন ৰচীকম্মেন, সব্যাবজ্ঝেন মনোকম্মেন, সব্যাবজ্ঝায দিট্ঠিযা – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং নিরযে।
240. ‘‘Catūhi , bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Sabyābajjhena kāyakammena, sabyābajjhena vacīkammena, sabyābajjhena manokammena, sabyābajjhāya diṭṭhiyā – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘চতূহি , ভিক্খৰে, ধম্মেহি সমন্নাগতো যথাভতং নিক্খিত্তো এৰং সগ্গে। কতমেহি চতূহি? অব্যাবজ্ঝেন কাযকম্মেন, অব্যাবজ্ঝেন ৰচীকম্মেন, অব্যাবজ্ঝেন মনোকম্মেন, অব্যাবজ্ঝায দিট্ঠিযা – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং সগ্গে’’তি। নৰমং।
‘‘Catūhi , bhikkhave, dhammehi samannāgato yathābhataṃ nikkhitto evaṃ sagge. Katamehi catūhi? Abyābajjhena kāyakammena, abyābajjhena vacīkammena, abyābajjhena manokammena, abyābajjhāya diṭṭhiyā – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Navamaṃ.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩-৯. সোণকাযনসুত্তাদিৰণ্ণনা • 3-9. Soṇakāyanasuttādivaṇṇanā
