| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. аб̣яаагаран̣ийяабан̃хо
2. Abyākaraṇīyapañho
2. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘над̇т̇аананд̣̇а д̇ат̇ааг̇ад̇асса д̇хаммзсу аажарияамудтий’д̇и, буна жа т̇зрзна маалугяабуд̇д̇зна 1 бан̃хам̣ будто на б̣яаагааси. зсо ко, бханд̇з нааг̇асзна, бан̃хо д̣̇ваяанд̇о 2 зганд̇аниссид̇о бхависсад̇и аж̇аананзна ваа г̇уяхагаран̣зна ваа. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘над̇т̇аананд̣̇а д̇ат̇ааг̇ад̇асса д̇хаммзсу аажарияамудтий’д̇и, д̇зна хи т̇зрасса маалугяабуд̇д̇асса аж̇аананд̇зна на б̣яаагад̇ам̣. яад̣̇и ж̇аананд̇зна на б̣яаагад̇ам̣, д̇зна хи ад̇т̇и д̇ат̇ааг̇ад̇асса д̇хаммзсу аажарияамудти. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
2. ‘‘Bhante nāgasena, bhāsitampetaṃ bhagavatā ‘natthānanda tathāgatassa dhammesu ācariyamuṭṭhī’ti, puna ca therena mālukyaputtena 3 pañhaṃ puṭṭho na byākāsi. Eso kho, bhante nāgasena, pañho dvayanto 4 ekantanissito bhavissati ajānanena vā guyhakaraṇena vā. Yadi, bhante nāgasena, bhagavatā bhaṇitaṃ ‘natthānanda tathāgatassa dhammesu ācariyamuṭṭhī’ti, tena hi therassa mālukyaputtassa ajānantena na byākataṃ. Yadi jānantena na byākataṃ, tena hi atthi tathāgatassa dhammesu ācariyamuṭṭhi. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘над̇т̇аананд̣̇а д̇ат̇ааг̇ад̇асса д̇хаммзсу аажарияамудтий’д̇и, аб̣яаагад̇о жа т̇зрзна маалугяабуд̇д̇зна бужчид̇о бан̃хо, д̇ан̃жа бана на аж̇аананд̇зна на г̇уяхагаран̣зна. жад̇д̇ааримаани, махаарааж̇а, бан̃хаб̣яаагаран̣аани. гад̇амаани жад̇д̇аари? згам̣саб̣яаагаран̣ийяо бан̃хо вибхаж̇ж̇аб̣яаагаран̣ийяо бан̃хо бадибужчааб̣яаагаран̣ийяо бан̃хо табанийяо бан̃ход̇и.
‘‘Bhāsitampetaṃ, mahārāja, bhagavatā ‘natthānanda tathāgatassa dhammesu ācariyamuṭṭhī’ti, abyākato ca therena mālukyaputtena pucchito pañho, tañca pana na ajānantena na guyhakaraṇena. Cattārimāni, mahārāja, pañhabyākaraṇāni. Katamāni cattāri? Ekaṃsabyākaraṇīyo pañho vibhajjabyākaraṇīyo pañho paṭipucchābyākaraṇīyo pañho ṭhapanīyo pañhoti.
‘‘гад̇амо жа, махаарааж̇а, згам̣саб̣яаагаран̣ийяо бан̃хо? ‘руубам̣ анижжа’нд̇и згам̣саб̣яаагаран̣ийяо бан̃хо, ‘взд̣̇анаа анижжаа’д̇и…бз… ‘сан̃н̃аа анижжаа’д̇и…бз… ‘сан̇каараа анижжаа’д̇и…бз… ‘вин̃н̃аан̣ам̣ анижжа’’нд̇и згам̣саб̣яаагаран̣ийяо бан̃хо, аяам̣ згам̣саб̣яаагаран̣ийяо бан̃хо.
‘‘Katamo ca, mahārāja, ekaṃsabyākaraṇīyo pañho? ‘Rūpaṃ anicca’nti ekaṃsabyākaraṇīyo pañho, ‘vedanā aniccā’ti…pe… ‘saññā aniccā’ti…pe… ‘saṅkhārā aniccā’ti…pe… ‘viññāṇaṃ anicca’’nti ekaṃsabyākaraṇīyo pañho, ayaṃ ekaṃsabyākaraṇīyo pañho.
‘‘гад̇амо вибхаж̇ж̇аб̣яаагаран̣ийяо бан̃хо? ‘анижжам̣ бана рууба’нд̇и вибхаж̇ж̇аб̣яаагаран̣ийяо бан̃хо, ‘анижжаа бана взд̣̇анаа’д̇и…бз… ‘анижжаа бана сан̃н̃аа’д̇и…бз… ‘анижжаа бана сан̇каараа’д̇и…бз… ‘анижжам̣ бана вин̃н̃аан̣а’нд̇и вибхаж̇ж̇аб̣яаагаран̣ийяо бан̃хо, аяам̣ вибхаж̇ж̇аб̣яаагаран̣ийяо бан̃хо.
‘‘Katamo vibhajjabyākaraṇīyo pañho? ‘Aniccaṃ pana rūpa’nti vibhajjabyākaraṇīyo pañho, ‘aniccā pana vedanā’ti…pe… ‘aniccā pana saññā’ti…pe… ‘aniccā pana saṅkhārā’ti…pe… ‘aniccaṃ pana viññāṇa’nti vibhajjabyākaraṇīyo pañho, ayaṃ vibhajjabyākaraṇīyo pañho.
‘‘гад̇амо бадибужчааб̣яаагаран̣ийяо бан̃хо? ‘гим̣ ну ко жагкунаа саб̣б̣ам̣ виж̇аанаад̇ий’д̇и аяам̣ бадибужчааб̣яаагаран̣ийяо бан̃хо.
‘‘Katamo paṭipucchābyākaraṇīyo pañho? ‘Kiṃ nu kho cakkhunā sabbaṃ vijānātī’ti ayaṃ paṭipucchābyākaraṇīyo pañho.
‘‘гад̇амо табанийяо бан̃хо? ‘сассад̇о лого’д̇и табанийяо бан̃хо, ‘асассад̇о лого’д̇и. ‘анд̇аваа лого’д̇и. ‘ананд̇аваа лого’д̇и. ‘анд̇аваа жа ананд̇аваа жа лого’д̇и. ‘нзванд̇аваа наананд̇аваа лого’д̇и. ‘д̇ам̣ ж̇ийвам̣ д̇ам̣ сарийра’нд̇и. ‘ан̃н̃ам̣ ж̇ийвам̣ ан̃н̃ам̣ сарийра’нд̇и. ‘ход̇и д̇ат̇ааг̇ад̇о барам̣ маран̣аа’д̇и. ‘на ход̇и д̇ат̇ааг̇ад̇о барам̣ маран̣аа’д̇и. ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇и. ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и табанийяо бан̃хо, аяам̣ табанийяо бан̃хо.
‘‘Katamo ṭhapanīyo pañho? ‘Sassato loko’ti ṭhapanīyo pañho, ‘asassato loko’ti. ‘Antavā loko’ti. ‘Anantavā loko’ti. ‘Antavā ca anantavā ca loko’ti. ‘Nevantavā nānantavā loko’ti. ‘Taṃ jīvaṃ taṃ sarīra’nti. ‘Aññaṃ jīvaṃ aññaṃ sarīra’nti. ‘Hoti tathāgato paraṃ maraṇā’ti. ‘Na hoti tathāgato paraṃ maraṇā’ti. ‘Hoti ca na ca hoti tathāgato paraṃ maraṇā’ti. ‘Neva hoti na na hoti tathāgato paraṃ maraṇā’ti ṭhapanīyo pañho, ayaṃ ṭhapanīyo pañho.
‘‘бхаг̇аваа, махаарааж̇а, т̇зрасса маалугяабуд̇д̇асса д̇ам̣ табанийяам̣ бан̃хам̣ на б̣яаагааси. со бана бан̃хо гим̣ гааран̣аа табанийяо? на д̇асса д̣̇ийбанааяа хзд̇у ваа гааран̣ам̣ ваа ад̇т̇и, д̇асмаа со бан̃хо табанийяо. над̇т̇и б̣уд̣̇д̇хаанам̣ бхаг̇аванд̇аанам̣ агааран̣амахзд̇угам̣ г̇ирамуд̣̇ийран̣а’’нд̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Bhagavā, mahārāja, therassa mālukyaputtassa taṃ ṭhapanīyaṃ pañhaṃ na byākāsi. So pana pañho kiṃ kāraṇā ṭhapanīyo? Na tassa dīpanāya hetu vā kāraṇaṃ vā atthi, tasmā so pañho ṭhapanīyo. Natthi buddhānaṃ bhagavantānaṃ akāraṇamahetukaṃ giramudīraṇa’’nti. ‘‘Sādhu, bhante nāgasena, evametaṃ tathā sampaṭicchāmī’’ti.
аб̣яаагаран̣ийяабан̃хо д̣̇уд̇ияо.
Abyākaraṇīyapañho dutiyo.
Footnotes:
