| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๒. พาวีสติมวโคฺค
22. Bāvīsatimavaggo
(๒๑๕) ๘. อพฺยากตกถา
(215) 8. Abyākatakathā
๙๐๑. สพฺพํ สุปินคตสฺส จิตฺตํ อพฺยากตนฺติ? อามนฺตาฯ สุปินเนฺตน ปาณํ หเนยฺยาติ? อามนฺตาฯ หญฺจิ สุปินเนฺตน ปาณํ หเนยฺย, โน จ วต เร วตฺตเพฺพ – ‘‘สพฺพํ สุปินคตสฺส จิตฺตํ อพฺยากต’’นฺติฯ
901. Sabbaṃ supinagatassa cittaṃ abyākatanti? Āmantā. Supinantena pāṇaṃ haneyyāti? Āmantā. Hañci supinantena pāṇaṃ haneyya, no ca vata re vattabbe – ‘‘sabbaṃ supinagatassa cittaṃ abyākata’’nti.
สุปินเนฺตน อทินฺนํ อาทิเยยฺย…เป.… มุสา ภเณยฺย, ปิสุณํ ภเณยฺย, ผรุสํ ภเณยฺย, สมฺผํ ปลเปยฺย, สนฺธิํ ฉิเนฺทยฺย, นิโลฺลปํ หเรยฺย, เอกาคาริกํ กเรยฺย, ปริปเนฺถ ติเฎฺฐยฺย, ปรทารํ คเจฺฉยฺย, คามฆาตกํ กเรยฺย, นิคมฆาตกํ กเรยฺย, สุปินเนฺตน เมถุนํ ธมฺมํ ปฎิเสเวยฺย , สุปินคตสฺส อสุจิ มุเจฺจยฺย, สุปินเนฺตน ทานํ ทเทยฺย, จีวรํ ทเทยฺย, ปิณฺฑปาตํ ทเทยฺย, เสนาสนํ ทเทยฺย, คิลานปจฺจยเภสชฺชปริกฺขารํ ทเทยฺย, ขาทนียํ ทเทยฺย, โภชนียํ ทเทยฺย, ปานียํ ทเทยฺย, เจติยํ วเนฺทยฺย, เจติเย มาลํ อาโรเปยฺย, คนฺธํ อาโรเปยฺย , วิเลปนํ อาโรเปยฺย…เป.… เจติยํ อภิทกฺขิณํ กเรยฺยาติ? อามนฺตา ฯ หญฺจิ สุปินเนฺตน เจติยํ อภิทกฺขิณํ กเรยฺย, โน จ วต เร วตฺตเพฺพ – ‘‘สพฺพํ สุปินคตสฺส จิตฺตํ อพฺยากต’’นฺติฯ
Supinantena adinnaṃ ādiyeyya…pe… musā bhaṇeyya, pisuṇaṃ bhaṇeyya, pharusaṃ bhaṇeyya, samphaṃ palapeyya, sandhiṃ chindeyya, nillopaṃ hareyya, ekāgārikaṃ kareyya, paripanthe tiṭṭheyya, paradāraṃ gaccheyya, gāmaghātakaṃ kareyya, nigamaghātakaṃ kareyya, supinantena methunaṃ dhammaṃ paṭiseveyya , supinagatassa asuci mucceyya, supinantena dānaṃ dadeyya, cīvaraṃ dadeyya, piṇḍapātaṃ dadeyya, senāsanaṃ dadeyya, gilānapaccayabhesajjaparikkhāraṃ dadeyya, khādanīyaṃ dadeyya, bhojanīyaṃ dadeyya, pānīyaṃ dadeyya, cetiyaṃ vandeyya, cetiye mālaṃ āropeyya, gandhaṃ āropeyya , vilepanaṃ āropeyya…pe… cetiyaṃ abhidakkhiṇaṃ kareyyāti? Āmantā . Hañci supinantena cetiyaṃ abhidakkhiṇaṃ kareyya, no ca vata re vattabbe – ‘‘sabbaṃ supinagatassa cittaṃ abyākata’’nti.
๙๐๒. น วตฺตพฺพํ – ‘‘สพฺพํ สุปินคตสฺส จิตฺตํ อพฺยากต’’นฺติ? อามนฺตาฯ นนุ สุปินคตสฺส จิตฺตํ อโพฺพหาริยํ วุตฺตํ ภควตาติ? อามนฺตาฯ หญฺจิ สุปินคตสฺส จิตฺตํ อโพฺพหาริยํ วุตฺตํ ภควตา, เตน วต เร วตฺตเพฺพ – ‘‘สพฺพํ สุปินคตสฺส จิตฺตํ อพฺยากต’’นฺติฯ
902. Na vattabbaṃ – ‘‘sabbaṃ supinagatassa cittaṃ abyākata’’nti? Āmantā. Nanu supinagatassa cittaṃ abbohāriyaṃ vuttaṃ bhagavatāti? Āmantā. Hañci supinagatassa cittaṃ abbohāriyaṃ vuttaṃ bhagavatā, tena vata re vattabbe – ‘‘sabbaṃ supinagatassa cittaṃ abyākata’’nti.
อพฺยากตกถา นิฎฺฐิตาฯ
Abyākatakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. อพฺยากตกถาวณฺณนา • 8. Abyākatakathāvaṇṇanā
