| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੪. ਚੁਦ੍ਦਸਮવਗ੍ਗੋ
14. Cuddasamavaggo
(੧੪੩) ੮. ਅਬ੍ਯਾਕਤਕਥਾ
(143) 8. Abyākatakathā
੭੦੬. ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। વਿਪਾਕਾਬ੍ਯਾਕਤਂ ਕਿਰਿਯਾਬ੍ਯਾਕਤਂ ਰੂਪਂ ਨਿਬ੍ਬਾਨਂ ਚਕ੍ਖਾਯਤਨਂ…ਪੇ॰… ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। ਦਿਟ੍ਠਿਗਤਸਮ੍ਪਯੁਤ੍ਤੋ ਫਸ੍ਸੋ ਅਬ੍ਯਾਕਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। ਦਿਟ੍ਠਿਗਤਸਮ੍ਪਯੁਤ੍ਤਾ વੇਦਨਾ…ਪੇ॰… ਸਞ੍ਞਾ…ਪੇ॰… ਚੇਤਨਾ…ਪੇ॰… ਚਿਤ੍ਤਂ ਅਬ੍ਯਾਕਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
706. Diṭṭhigataṃ abyākatanti? Āmantā. Vipākābyākataṃ kiriyābyākataṃ rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… diṭṭhigataṃ abyākatanti? Āmantā. Diṭṭhigatasampayutto phasso abyākatoti? Na hevaṃ vattabbe…pe… diṭṭhigataṃ abyākatanti? Āmantā. Diṭṭhigatasampayuttā vedanā…pe… saññā…pe… cetanā…pe… cittaṃ abyākatanti? Na hevaṃ vattabbe…pe….
ਦਿਟ੍ਠਿਗਤਸਮ੍ਪਯੁਤ੍ਤੋ ਫਸ੍ਸੋ ਅਕੁਸਲੋਤਿ? ਆਮਨ੍ਤਾ। ਦਿਟ੍ਠਿਗਤਂ ਅਕੁਸਲਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦਿਟ੍ਠਿਗਤਸਮ੍ਪਯੁਤ੍ਤਾ વੇਦਨਾ ਸਞ੍ਞਾ ਚੇਤਨਾ ਚਿਤ੍ਤਂ ਅਕੁਸਲਨ੍ਤਿ? ਆਮਨ੍ਤਾ। ਦਿਟ੍ਠਿਗਤਂ ਅਕੁਸਲਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Diṭṭhigatasampayutto phasso akusaloti? Āmantā. Diṭṭhigataṃ akusalanti? Na hevaṃ vattabbe…pe… diṭṭhigatasampayuttā vedanā saññā cetanā cittaṃ akusalanti? Āmantā. Diṭṭhigataṃ akusalanti? Na hevaṃ vattabbe…pe….
੭੦੭. ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। ਅਫਲਂ ਅવਿਪਾਕਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਸਫਲਂ ਸવਿਪਾਕਨ੍ਤਿ? ਆਮਨ੍ਤਾ। ਹਞ੍ਚਿ ਸਫਲਂ ਸવਿਪਾਕਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਿਟ੍ਠਿਗਤਂ ਅਬ੍ਯਾਕਤ’’ਨ੍ਤਿ।
707. Diṭṭhigataṃ abyākatanti? Āmantā. Aphalaṃ avipākanti? Na hevaṃ vattabbe…pe… nanu saphalaṃ savipākanti? Āmantā. Hañci saphalaṃ savipākaṃ, no ca vata re vattabbe – ‘‘diṭṭhigataṃ abyākata’’nti.
ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। ਨਨੁ ਮਿਚ੍ਛਾਦਿਟ੍ਠਿਪਰਮਾਨਿ વਜ੍ਜਾਨਿ 1 વੁਤ੍ਤਾਨਿ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਮਿਚ੍ਛਾਦਿਟ੍ਠਿਪਰਮਾਨਿ વਜ੍ਜਾਨਿ વੁਤ੍ਤਾਨਿ ਭਗવਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਿਟ੍ਠਿਗਤਂ ਅਬ੍ਯਾਕਤ’’ਨ੍ਤਿ।
Diṭṭhigataṃ abyākatanti? Āmantā. Nanu micchādiṭṭhiparamāni vajjāni 2 vuttāni bhagavatāti? Āmantā. Hañci micchādiṭṭhiparamāni vajjāni vuttāni bhagavatā, no ca vata re vattabbe – ‘‘diṭṭhigataṃ abyākata’’nti.
ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਮਿਚ੍ਛਾਦਿਟ੍ਠਿਸ੍ਸ ਖੋ ਅਹਂ, ਪੁਣ੍ਣ, ਦ੍વਿਨ੍ਨਂ ਗਤੀਨਂ ਅਞ੍ਞਤਰਂ ਗਤਿਂ વਦਾਮਿ – ਨਿਰਯਂ વਾ ਤਿਰਚ੍ਛਾਨਯੋਨਿਂ વਾ’’ਤਿ 9! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਦਿਟ੍ਠਿਗਤਂ ਅਬ੍ਯਾਕਤ’’ਨ੍ਤਿ।
Diṭṭhigataṃ abyākatanti? Āmantā. Nanu vuttaṃ bhagavatā – ‘‘micchādiṭṭhissa kho ahaṃ, puṇṇa, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā’’ti 10! Attheva suttantoti? Āmantā. Tena hi na vattabbaṃ – ‘‘diṭṭhigataṃ abyākata’’nti.
੭੦੮. ਨ વਤ੍ਤਬ੍ਬਂ – ‘‘ਦਿਟ੍ਠਿਗਤਂ ਅਬ੍ਯਾਕਤ’’ਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘‘ਸਸ੍ਸਤੋ ਲੋਕੋ’ਤਿ ਖੋ, વਚ੍ਛ, ਅਬ੍ਯਾਕਤਮੇਤਂ, ‘ਅਸਸ੍ਸਤੋ ਲੋਕੋ’ਤਿ ਖੋ, વਚ੍ਛ, ਅਬ੍ਯਾਕਤਮੇਤਂ, ‘ਅਨ੍ਤવਾ ਲੋਕੋ’ਤਿ ਖੋ, વਚ੍ਛ, ਅਬ੍ਯਾਕਤਮੇਤਂ, ‘ਅਨਨ੍ਤવਾ ਲੋਕੋ’ਤਿ ਖੋ, વਚ੍ਛ…ਪੇ॰… ‘ਤਂ ਜੀવਂ ਤਂ ਸਰੀਰ’ਨ੍ਤਿ ਖੋ, વਚ੍ਛ…ਪੇ॰… ‘ਅਞ੍ਞਂ ਜੀવਂ ਅਞ੍ਞਂ ਸਰੀਰ’ਨ੍ਤਿ ਖੋ , વਚ੍ਛ…ਪੇ॰… ‘ਹੋਤਿ ਤਥਾਗਤੋ ਪਰਂ ਮਰਣਾ’ਤਿ ਖੋ, વਚ੍ਛ…ਪੇ॰… ‘ਨ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ ਖੋ, વਚ੍ਛ…ਪੇ॰… ‘ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ ਖੋ, વਚ੍ਛ…ਪੇ॰… ‘ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ ਖੋ, વਚ੍ਛ, ਅਬ੍ਯਾਕਤਮੇਤ’’ਨ੍ਤਿ 11! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ।
708. Na vattabbaṃ – ‘‘diṭṭhigataṃ abyākata’’nti? Āmantā. Nanu vuttaṃ bhagavatā – ‘‘‘sassato loko’ti kho, vaccha, abyākatametaṃ, ‘asassato loko’ti kho, vaccha, abyākatametaṃ, ‘antavā loko’ti kho, vaccha, abyākatametaṃ, ‘anantavā loko’ti kho, vaccha…pe… ‘taṃ jīvaṃ taṃ sarīra’nti kho, vaccha…pe… ‘aññaṃ jīvaṃ aññaṃ sarīra’nti kho , vaccha…pe… ‘hoti tathāgato paraṃ maraṇā’ti kho, vaccha…pe… ‘na hoti tathāgato paraṃ maraṇā’ti kho, vaccha…pe… ‘hoti ca na ca hoti tathāgato paraṃ maraṇā’ti kho, vaccha…pe… ‘neva hoti na na hoti tathāgato paraṃ maraṇā’ti kho, vaccha, abyākatameta’’nti 12! Attheva suttantoti? Āmantā. Tena hi diṭṭhigataṃ abyākatanti.
ਦਿਟ੍ਠਿਗਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਮਿਚ੍ਛਾਦਿਟ੍ਠਿਕਸ੍ਸ, ਭਿਕ੍ਖવੇ, ਪੁਰਿਸਪੁਗ੍ਗਲਸ੍ਸ ਯਞ੍ਚੇવ ਕਾਯਕਮ੍ਮਂ ਯਥਾਦਿਟ੍ਠਿਸਮਤ੍ਤਂ ਸਮਾਦਿਨ੍ਨਂ, ਯਞ੍ਚ વਚੀਕਮ੍ਮਂ…ਪੇ॰… ਯਞ੍ਚ ਮਨੋਕਮ੍ਮਂ, ਯਾ ਚ ਚੇਤਨਾ, ਯਾ ਚ ਪਤ੍ਥਨਾ, ਯੋ ਚ ਪਣਿਧਿ, ਯੇ ਚ ਸਙ੍ਖਾਰਾ, ਸਬ੍ਬੇ ਤੇ ਧਮ੍ਮਾ ਅਨਿਟ੍ਠਾਯ ਅਕਨ੍ਤਾਯ ਅਮਨਾਪਾਯ ਅਹਿਤਾਯ ਦੁਕ੍ਖਾਯ ਸਂવਤ੍ਤਨ੍ਤੀ’’ਤਿ 13! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਦਿਟ੍ਠਿਗਤਂ ਅਬ੍ਯਾਕਤ’’ਨ੍ਤਿ।
Diṭṭhigataṃ abyākatanti? Āmantā. Nanu vuttaṃ bhagavatā – ‘‘micchādiṭṭhikassa, bhikkhave, purisapuggalassa yañceva kāyakammaṃ yathādiṭṭhisamattaṃ samādinnaṃ, yañca vacīkammaṃ…pe… yañca manokammaṃ, yā ca cetanā, yā ca patthanā, yo ca paṇidhi, ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṃvattantī’’ti 14! Attheva suttantoti? Āmantā. Tena hi na vattabbaṃ – ‘‘diṭṭhigataṃ abyākata’’nti.
ਅਬ੍ਯਾਕਤਕਥਾ ਨਿਟ੍ਠਿਤਾ।
Abyākatakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਅਬ੍ਯਾਕਤਕਥਾવਣ੍ਣਨਾ • 8. Abyākatakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੮. ਅਬ੍ਯਾਕਤਕਥਾવਣ੍ਣਨਾ • 8. Abyākatakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੮. ਅਬ੍ਯਾਕਤਕਥਾવਣ੍ਣਨਾ • 8. Abyākatakathāvaṇṇanā
