| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. аб̣яаагад̇агат̇ааван̣н̣анаа
8. Abyākatakathāvaṇṇanā
901-902. ид̣̇аани аб̣яаагад̇агат̇аа наама ход̇и. д̇ад̇т̇а ‘‘ад̇т̇зсаа, бхигкавз, жзд̇анаа, саа жа ко аб̣б̣охааригаа’’д̇и (баараа. 235) важанад̇о ‘‘саб̣б̣ам̣ субинаг̇ад̇асса жид̇д̇ам̣ аб̣яаагад̇а’’нд̇и язсам̣ лад̣̇д̇хи, сзяяат̇ааби згажжаанам̣ уд̇д̇араабат̇агаанан̃н̃зва, д̇з санд̇хааяа бужчаа сагаваад̣̇исса, бадин̃н̃аа ид̇арасса. сзсамзд̇т̇а яат̇аа баал̣имзва нияяаад̇и. субинаг̇ад̇асса жид̇д̇ам̣ аб̣б̣охаариганд̇и ид̣̇ам̣ аабад̇д̇им̣ санд̇хааяа вуд̇д̇ам̣. субинаг̇ад̇асса хи баан̣аад̇ибаад̇аад̣̇ивасзна гин̃жааби агусалажид̇д̇ам̣ бавад̇д̇ад̇и, вад̇т̇увигобанам̣ бана над̇т̇ийд̇и на саггаа д̇ад̇т̇а аабад̇д̇им̣ бан̃н̃абзд̇ум̣. иминаа гааран̣зна д̇ам̣ аб̣б̣охааригам̣, на аб̣яаагад̇ад̇д̇аад̇и.
901-902. Idāni abyākatakathā nāma hoti. Tattha ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato ‘‘sabbaṃ supinagatassa cittaṃ abyākata’’nti yesaṃ laddhi, seyyathāpi ekaccānaṃ uttarāpathakānaññeva, te sandhāya pucchā sakavādissa, paṭiññā itarassa. Sesamettha yathā pāḷimeva niyyāti. Supinagatassa cittaṃ abbohārikanti idaṃ āpattiṃ sandhāya vuttaṃ. Supinagatassa hi pāṇātipātādivasena kiñcāpi akusalacittaṃ pavattati, vatthuvikopanaṃ pana natthīti na sakkā tattha āpattiṃ paññapetuṃ. Iminā kāraṇena taṃ abbohārikaṃ, na abyākatattāti.
аб̣яаагад̇агат̇ааван̣н̣анаа.
Abyākatakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (215) 8. аб̣яаагад̇агат̇аа • (215) 8. Abyākatakathā
