| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೮. ಅಬ್ಯಾಕತಕಥಾವಣ್ಣನಾ
8. Abyākatakathāvaṇṇanā
೭೦೬-೭೦೮. ಇದಾನಿ ಅಬ್ಯಾಕತಕಥಾ ನಾಮ ಹೋತಿ। ತತ್ಥ ವಿಪಾಕಕಿರಿಯರೂಪನಿಬ್ಬಾನಸಙ್ಖಾತಂ ಚತುಬ್ಬಿಧಂ ಅಬ್ಯಾಕತಂ ಅವಿಪಾಕತ್ತಾ ಅಬ್ಯಾಕತನ್ತಿ ವುತ್ತಂ। ದಿಟ್ಠಿಗತಂ ‘‘ಸಸ್ಸತೋ ಲೋಕೋತಿ ಖೋ, ವಚ್ಛ, ಅಬ್ಯಾಕತಮೇತ’’ನ್ತಿ (ಸಂ॰ ನಿ॰ ೪.೪೧೬ ಥೋಕಂ ವಿಸದಿಸಂ) ಸಸ್ಸತಾದಿಭಾವೇನ ಅಕಥಿತತ್ತಾ। ಯೇಸಂ ಪನ ಇಮಂ ವಿಭಾಗಂ ಅಗ್ಗಹೇತ್ವಾ ಪುರಿಮಾಬ್ಯಾಕತಂ ವಿಯ ದಿಟ್ಠಿಗತಮ್ಪಿ ಅಬ್ಯಾಕತನ್ತಿ ಲದ್ಧಿ, ಸೇಯ್ಯಥಾಪಿ ಅನ್ಧಕಾನಞ್ಚೇವ ಉತ್ತರಾಪಥಕಾನಞ್ಚ; ತೇಸಂ ತಂ ವಿಭಾಗಂ ದಸ್ಸೇತುಂ ದಿಟ್ಠಿಗತಂ ಅಬ್ಯಾಕತನ್ತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸೇಸಮೇತ್ಥ ಯಥಾಪಾಳಿಮೇವ ನಿಯ್ಯಾತೀತಿ।
706-708. Idāni abyākatakathā nāma hoti. Tattha vipākakiriyarūpanibbānasaṅkhātaṃ catubbidhaṃ abyākataṃ avipākattā abyākatanti vuttaṃ. Diṭṭhigataṃ ‘‘sassato lokoti kho, vaccha, abyākatameta’’nti (saṃ. ni. 4.416 thokaṃ visadisaṃ) sassatādibhāvena akathitattā. Yesaṃ pana imaṃ vibhāgaṃ aggahetvā purimābyākataṃ viya diṭṭhigatampi abyākatanti laddhi, seyyathāpi andhakānañceva uttarāpathakānañca; tesaṃ taṃ vibhāgaṃ dassetuṃ diṭṭhigataṃ abyākatanti pucchā sakavādissa, paṭiññā itarassa. Sesamettha yathāpāḷimeva niyyātīti.
ಅಬ್ಯಾಕತಕಥಾವಣ್ಣನಾ।
Abyākatakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೪೩) ೮. ಅಬ್ಯಾಕತಕಥಾ • (143) 8. Abyākatakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೮. ಅಬ್ಯಾಕತಕಥಾವಣ್ಣನಾ • 8. Abyākatakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೮. ಅಬ್ಯಾಕತಕಥಾವಣ್ಣನಾ • 8. Abyākatakathāvaṇṇanā
