| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༨. ཨབྱཱཀཏཀཐཱཝཎྞནཱ
8. Abyākatakathāvaṇṇanā
༧༠༦-༧༠༨. ཨིདཱནི ཨབྱཱཀཏཀཐཱ ནཱམ ཧོཏི། ཏཏྠ ཝིཔཱཀཀིརིཡརཱུཔནིབྦཱནསངྑཱཏཾ ཙཏུབྦིདྷཾ ཨབྱཱཀཏཾ ཨཝིཔཱཀཏྟཱ ཨབྱཱཀཏནྟི ཝུཏྟཾ། དིཊྛིགཏཾ ‘‘སསྶཏོ ལོཀོཏི ཁོ, ཝཙྪ, ཨབྱཱཀཏམེཏ’’ནྟི (སཾ॰ ནི॰ ༤.༤༡༦ ཐོཀཾ ཝིསདིསཾ) སསྶཏཱདིབྷཱཝེན ཨཀཐིཏཏྟཱ། ཡེསཾ པན ཨིམཾ ཝིབྷཱགཾ ཨགྒཧེཏྭཱ པུརིམཱབྱཱཀཏཾ ཝིཡ དིཊྛིགཏམྤི ཨབྱཱཀཏནྟི ལདྡྷི, སེཡྻཐཱཔི ཨནྡྷཀཱནཉྩེཝ ཨུཏྟརཱཔཐཀཱནཉྩ; ཏེསཾ ཏཾ ཝིབྷཱགཾ དསྶེཏུཾ དིཊྛིགཏཾ ཨབྱཱཀཏནྟི པུཙྪཱ སཀཝཱདིསྶ, པཊིཉྙཱ ཨིཏརསྶ། སེསམེཏྠ ཡཐཱཔཱལི༹མེཝ ནིཡྻཱཏཱིཏི།
706-708. Idāni abyākatakathā nāma hoti. Tattha vipākakiriyarūpanibbānasaṅkhātaṃ catubbidhaṃ abyākataṃ avipākattā abyākatanti vuttaṃ. Diṭṭhigataṃ ‘‘sassato lokoti kho, vaccha, abyākatameta’’nti (saṃ. ni. 4.416 thokaṃ visadisaṃ) sassatādibhāvena akathitattā. Yesaṃ pana imaṃ vibhāgaṃ aggahetvā purimābyākataṃ viya diṭṭhigatampi abyākatanti laddhi, seyyathāpi andhakānañceva uttarāpathakānañca; tesaṃ taṃ vibhāgaṃ dassetuṃ diṭṭhigataṃ abyākatanti pucchā sakavādissa, paṭiññā itarassa. Sesamettha yathāpāḷimeva niyyātīti.
ཨབྱཱཀཏཀཐཱཝཎྞནཱ།
Abyākatakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༤༣) ༨. ཨབྱཱཀཏཀཐཱ • (143) 8. Abyākatakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༨. ཨབྱཱཀཏཀཐཱཝཎྞནཱ • 8. Abyākatakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༨. ཨབྱཱཀཏཀཐཱཝཎྞནཱ • 8. Abyākatakathāvaṇṇanā
