| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൮. അബ്യാകതകഥാവണ്ണനാ
8. Abyākatakathāvaṇṇanā
൭൦൬-൭൦൮. ഇദാനി അബ്യാകതകഥാ നാമ ഹോതി. തത്ഥ വിപാകകിരിയരൂപനിബ്ബാനസങ്ഖാതം ചതുബ്ബിധം അബ്യാകതം അവിപാകത്താ അബ്യാകതന്തി വുത്തം. ദിട്ഠിഗതം ‘‘സസ്സതോ ലോകോതി ഖോ, വച്ഛ, അബ്യാകതമേത’’ന്തി (സം॰ നി॰ ൪.൪൧൬ ഥോകം വിസദിസം) സസ്സതാദിഭാവേന അകഥിതത്താ. യേസം പന ഇമം വിഭാഗം അഗ്ഗഹേത്വാ പുരിമാബ്യാകതം വിയ ദിട്ഠിഗതമ്പി അബ്യാകതന്തി ലദ്ധി, സേയ്യഥാപി അന്ധകാനഞ്ചേവ ഉത്തരാപഥകാനഞ്ച; തേസം തം വിഭാഗം ദസ്സേതും ദിട്ഠിഗതം അബ്യാകതന്തി പുച്ഛാ സകവാദിസ്സ, പടിഞ്ഞാ ഇതരസ്സ. സേസമേത്ഥ യഥാപാളിമേവ നിയ്യാതീതി.
706-708. Idāni abyākatakathā nāma hoti. Tattha vipākakiriyarūpanibbānasaṅkhātaṃ catubbidhaṃ abyākataṃ avipākattā abyākatanti vuttaṃ. Diṭṭhigataṃ ‘‘sassato lokoti kho, vaccha, abyākatameta’’nti (saṃ. ni. 4.416 thokaṃ visadisaṃ) sassatādibhāvena akathitattā. Yesaṃ pana imaṃ vibhāgaṃ aggahetvā purimābyākataṃ viya diṭṭhigatampi abyākatanti laddhi, seyyathāpi andhakānañceva uttarāpathakānañca; tesaṃ taṃ vibhāgaṃ dassetuṃ diṭṭhigataṃ abyākatanti pucchā sakavādissa, paṭiññā itarassa. Sesamettha yathāpāḷimeva niyyātīti.
അബ്യാകതകഥാവണ്ണനാ.
Abyākatakathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൪൩) ൮. അബ്യാകതകഥാ • (143) 8. Abyākatakathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൮. അബ്യാകതകഥാവണ്ണനാ • 8. Abyākatakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൮. അബ്യാകതകഥാവണ്ണനാ • 8. Abyākatakathāvaṇṇanā
