| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৬. অব্যাকতৰগ্গো
6. Abyākatavaggo
১-২. অব্যাকতসুত্তাদিৰণ্ণনা
1-2. Abyākatasuttādivaṇṇanā
৫৪-৫৫. ছট্ঠৰগ্গস্স পঠমং সুৰিঞ্ঞেয্যমেৰ। দুতিযে অতীতে অত্তভাৰে নিব্বত্তকং কম্মন্তি ‘‘পুরিমকম্মভৰস্মিং মোহো অৰিজ্জা, আযূহনা সঙ্খারা, নিকন্তি তণ্হা, উপগমনং উপাদানং, চেতনা ভৰো’’তি এৰমাগতং সপরিক্খারং পঞ্চৰিধং কম্মৰট্টমাহ। এতরহি মে অত্তভাৰো ন সিযাতি ৰিঞ্ঞাণনামরূপসল়াযতনফস্সৰেদনাসহিতং পচ্চুপ্পন্নং পঞ্চৰিধং ৰিপাকৰট্টমাহ। যং অত্থিকন্তি যং পরমত্থতো ৰিজ্জমানকং। তেনাহ ‘‘ভূত’’ন্তি। তঞ্হি পচ্চযনিব্বত্ততায ‘‘ভূত’’ন্তি ৰুচ্চতি। তং পজহামীতি তপ্পটিবদ্ধচ্ছন্দরাগপ্পহানেন ততো এৰ আযতিং অনুপ্পত্তিধম্মতাপাদনৰসেন পজহামি পরিচ্চজামি। হরিতন্তন্তি (ম॰ নি॰ অট্ঠ॰ ১.৩০৩) হরিতমেৰ। অন্ত-সদ্দেন পদৰড্ঢনং কতং যথা ‘‘ৰনন্তং সুত্তন্ত’’ন্তি, অল্লতিণাদীনি আগম্ম নিব্বাযতীতি অত্থো। পথন্তন্তি মহামগ্গং। সেলন্তন্তি পব্বতং। উদকন্তন্তি উদকং। রমণীযং ৰা ভূমিভাগন্তি তিণগুম্বাদিরহিতং ৰিৰিত্তং অব্ভোকাসভূমিভাগং। অনাহারাতি অপচ্চযা নিরুপাদানা। সেসমেত্থ উত্তানমেৰ।
54-55. Chaṭṭhavaggassa paṭhamaṃ suviññeyyameva. Dutiye atīte attabhāve nibbattakaṃ kammanti ‘‘purimakammabhavasmiṃ moho avijjā, āyūhanā saṅkhārā, nikanti taṇhā, upagamanaṃ upādānaṃ, cetanā bhavo’’ti evamāgataṃ saparikkhāraṃ pañcavidhaṃ kammavaṭṭamāha. Etarahi me attabhāvo na siyāti viññāṇanāmarūpasaḷāyatanaphassavedanāsahitaṃ paccuppannaṃ pañcavidhaṃ vipākavaṭṭamāha. Yaṃ atthikanti yaṃ paramatthato vijjamānakaṃ. Tenāha ‘‘bhūta’’nti. Tañhi paccayanibbattatāya ‘‘bhūta’’nti vuccati. Taṃ pajahāmīti tappaṭibaddhacchandarāgappahānena tato eva āyatiṃ anuppattidhammatāpādanavasena pajahāmi pariccajāmi. Haritantanti (ma. ni. aṭṭha. 1.303) haritameva. Anta-saddena padavaḍḍhanaṃ kataṃ yathā ‘‘vanantaṃ suttanta’’nti, allatiṇādīni āgamma nibbāyatīti attho. Pathantanti mahāmaggaṃ. Selantanti pabbataṃ. Udakantanti udakaṃ. Ramaṇīyaṃ vā bhūmibhāganti tiṇagumbādirahitaṃ vivittaṃ abbhokāsabhūmibhāgaṃ. Anāhārāti apaccayā nirupādānā. Sesamettha uttānameva.
অব্যাকতসুত্তাদিৰণ্ণনা নিট্ঠিতা।
Abyākatasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. অব্যাকতসুত্তং • 1. Abyākatasuttaṃ
২. পুরিসগতিসুত্তং • 2. Purisagatisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১. অব্যাকতসুত্তৰণ্ণনা • 1. Abyākatasuttavaṇṇanā
২. পুরিসগতিসুত্তৰণ্ণনা • 2. Purisagatisuttavaṇṇanā
