| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. аб̣яаагад̇аваг̇г̇о
6. Abyākatavaggo
1-2. аб̣яаагад̇асуд̇д̇аад̣̇иван̣н̣анаа
1-2. Abyākatasuttādivaṇṇanā
54-55. чадтаваг̇г̇асса батамам̣ сувин̃н̃зяяамзва. д̣̇уд̇ияз ад̇ийд̇з ад̇д̇абхаавз ниб̣б̣ад̇д̇агам̣ гамманд̇и ‘‘буримагаммабхавасмим̣ мохо авиж̇ж̇аа, ааяууханаа сан̇каараа, ниганд̇и д̇ан̣хаа, убаг̇аманам̣ убаад̣̇аанам̣, жзд̇анаа бхаво’’д̇и звамааг̇ад̇ам̣ сабаригкаарам̣ бан̃жавид̇хам̣ гаммаваддамааха. зд̇арахи мз ад̇д̇абхааво на сияаад̇и вин̃н̃аан̣анаамаруубасал̣ааяад̇анапассавзд̣̇анаасахид̇ам̣ бажжуббаннам̣ бан̃жавид̇хам̣ вибаагаваддамааха. яам̣ ад̇т̇иганд̇и яам̣ барамад̇т̇ад̇о виж̇ж̇амаанагам̣. д̇знааха ‘‘бхууд̇а’’нд̇и. д̇ан̃хи бажжаяаниб̣б̣ад̇д̇ад̇ааяа ‘‘бхууд̇а’’нд̇и вужжад̇и. д̇ам̣ баж̇ахаамийд̇и д̇аббадиб̣ад̣̇д̇хажчанд̣̇арааг̇аббахаанзна д̇ад̇о зва ааяад̇им̣ ануббад̇д̇ид̇хаммад̇аабаад̣̇анавасзна баж̇ахаами барижжаж̇аами. харид̇анд̇анд̇и (ма. ни. адта. 1.303) харид̇амзва. анд̇а-сад̣̇д̣̇зна бад̣̇авад̣дханам̣ гад̇ам̣ яат̇аа ‘‘вананд̇ам̣ суд̇д̇анд̇а’’нд̇и, аллад̇ин̣аад̣̇ийни ааг̇амма ниб̣б̣ааяад̇ийд̇и ад̇т̇о. бат̇анд̇анд̇и махаамаг̇г̇ам̣. сзланд̇анд̇и баб̣б̣ад̇ам̣. уд̣̇аганд̇анд̇и уд̣̇агам̣. раман̣ийяам̣ ваа бхуумибхааг̇анд̇и д̇ин̣аг̇умб̣аад̣̇ирахид̇ам̣ вивид̇д̇ам̣ аб̣бхогаасабхуумибхааг̇ам̣. анаахаараад̇и абажжаяаа нирубаад̣̇аанаа. сзсамзд̇т̇а уд̇д̇аанамзва.
54-55. Chaṭṭhavaggassa paṭhamaṃ suviññeyyameva. Dutiye atīte attabhāve nibbattakaṃ kammanti ‘‘purimakammabhavasmiṃ moho avijjā, āyūhanā saṅkhārā, nikanti taṇhā, upagamanaṃ upādānaṃ, cetanā bhavo’’ti evamāgataṃ saparikkhāraṃ pañcavidhaṃ kammavaṭṭamāha. Etarahi me attabhāvo na siyāti viññāṇanāmarūpasaḷāyatanaphassavedanāsahitaṃ paccuppannaṃ pañcavidhaṃ vipākavaṭṭamāha. Yaṃ atthikanti yaṃ paramatthato vijjamānakaṃ. Tenāha ‘‘bhūta’’nti. Tañhi paccayanibbattatāya ‘‘bhūta’’nti vuccati. Taṃ pajahāmīti tappaṭibaddhacchandarāgappahānena tato eva āyatiṃ anuppattidhammatāpādanavasena pajahāmi pariccajāmi. Haritantanti (ma. ni. aṭṭha. 1.303) haritameva. Anta-saddena padavaḍḍhanaṃ kataṃ yathā ‘‘vanantaṃ suttanta’’nti, allatiṇādīni āgamma nibbāyatīti attho. Pathantanti mahāmaggaṃ. Selantanti pabbataṃ. Udakantanti udakaṃ. Ramaṇīyaṃ vā bhūmibhāganti tiṇagumbādirahitaṃ vivittaṃ abbhokāsabhūmibhāgaṃ. Anāhārāti apaccayā nirupādānā. Sesamettha uttānameva.
аб̣яаагад̇асуд̇д̇аад̣̇иван̣н̣анаа нидтид̇аа.
Abyākatasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. аб̣яаагад̇асуд̇д̇ам̣ • 1. Abyākatasuttaṃ
2. бурисаг̇ад̇исуд̇д̇ам̣ • 2. Purisagatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. аб̣яаагад̇асуд̇д̇аван̣н̣анаа • 1. Abyākatasuttavaṇṇanā
2. бурисаг̇ад̇исуд̇д̇аван̣н̣анаа • 2. Purisagatisuttavaṇṇanā
