| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. аб̣яаагад̇аваг̇г̇о
6. Abyākatavaggo
1. аб̣яаагад̇асуд̇д̇ам̣
1. Abyākatasuttaṃ
54. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у го бажжаяо язна суд̇авад̇о арияасаавагасса вижигижчаа нуббаж̇ж̇ад̇и аб̣яаагад̇авад̇т̇уусуу’’д̇и?
54. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu ko paccayo yena sutavato ariyasāvakassa vicikicchā nuppajjati abyākatavatthūsū’’ti?
‘‘д̣̇идтинирод̇хаа ко, бхигку, суд̇авад̇о арияасаавагасса вижигижчаа нуббаж̇ж̇ад̇и аб̣яаагад̇авад̇т̇уусу. ‘ход̇и д̇ат̇ааг̇ад̇о барам̣ маран̣аа’д̇и ко, бхигку, д̣̇идтиг̇ад̇амзд̇ам̣; ‘на ход̇и д̇ат̇ааг̇ад̇о барам̣ маран̣аа’д̇и ко, бхигку, д̣̇идтиг̇ад̇амзд̇ам̣; ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇и ко, бхигку, д̣̇идтиг̇ад̇амзд̇ам̣; ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ко, бхигку, д̣̇идтиг̇ад̇амзд̇ам̣. ассуд̇аваа, бхигку, бут̇уж̇ж̇ано д̣̇идтим̣ наббаж̇аанаад̇и, д̣̇идтисамуд̣̇аяам̣ наббаж̇аанаад̇и, д̣̇идтинирод̇хам̣ наббаж̇аанаад̇и, д̣̇идтинирод̇хаг̇ааминим̣ бадибад̣̇ам̣ наббаж̇аанаад̇и. д̇асса саа д̣̇идти бавад̣дхад̇и, со на баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, на баримужжад̇и д̣̇угкасмаад̇и вад̣̇аами.
‘‘Diṭṭhinirodhā kho, bhikkhu, sutavato ariyasāvakassa vicikicchā nuppajjati abyākatavatthūsu. ‘Hoti tathāgato paraṃ maraṇā’ti kho, bhikkhu, diṭṭhigatametaṃ; ‘na hoti tathāgato paraṃ maraṇā’ti kho, bhikkhu, diṭṭhigatametaṃ; ‘hoti ca na ca hoti tathāgato paraṃ maraṇā’ti kho, bhikkhu, diṭṭhigatametaṃ; ‘neva hoti na na hoti tathāgato paraṃ maraṇā’ti kho, bhikkhu, diṭṭhigatametaṃ. Assutavā, bhikkhu, puthujjano diṭṭhiṃ nappajānāti, diṭṭhisamudayaṃ nappajānāti, diṭṭhinirodhaṃ nappajānāti, diṭṭhinirodhagāminiṃ paṭipadaṃ nappajānāti. Tassa sā diṭṭhi pavaḍḍhati, so na parimuccati jātiyā jarāya maraṇena sokehi paridevehi dukkhehi domanassehi upāyāsehi, na parimuccati dukkhasmāti vadāmi.
‘‘суд̇аваа жа ко, бхигку, арияасааваго д̣̇идтим̣ баж̇аанаад̇и, д̣̇идтисамуд̣̇аяам̣ баж̇аанаад̇и, д̣̇идтинирод̇хам̣ баж̇аанаад̇и, д̣̇идтинирод̇хаг̇ааминим̣ бадибад̣̇ам̣ баж̇аанаад̇и. д̇асса саа д̣̇идти нируж̇жхад̇и, со баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, баримужжад̇и д̣̇угкасмаад̇и вад̣̇аами. звам̣ ж̇аанам̣ ко, бхигку, суд̇аваа арияасааваго звам̣ бассам̣ ‘ход̇и д̇ат̇ааг̇ад̇о барам̣ маран̣аа’д̇иби на б̣яаагарод̇и; ‘на ход̇и д̇ат̇ааг̇ад̇о барам̣ маран̣аа’д̇иби на б̣яаагарод̇и; ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇иби на б̣яаагарод̇и; ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на б̣яаагарод̇и. звам̣ ж̇аанам̣ ко, бхигку, суд̇аваа арияасааваго звам̣ бассам̣ звам̣ аб̣яаагаран̣ад̇хаммо ход̇и аб̣яаагад̇авад̇т̇уусу . звам̣ ж̇аанам̣ ко, бхигку, суд̇аваа арияасааваго звам̣ бассам̣ на чамбхад̇и, на гамбад̇и, на взд̇хад̇и, на санд̇аасам̣ аабаж̇ж̇ад̇и аб̣яаагад̇авад̇т̇уусу.
‘‘Sutavā ca kho, bhikkhu, ariyasāvako diṭṭhiṃ pajānāti, diṭṭhisamudayaṃ pajānāti, diṭṭhinirodhaṃ pajānāti, diṭṭhinirodhagāminiṃ paṭipadaṃ pajānāti. Tassa sā diṭṭhi nirujjhati, so parimuccati jātiyā jarāya maraṇena sokehi paridevehi dukkhehi domanassehi upāyāsehi, parimuccati dukkhasmāti vadāmi. Evaṃ jānaṃ kho, bhikkhu, sutavā ariyasāvako evaṃ passaṃ ‘hoti tathāgato paraṃ maraṇā’tipi na byākaroti; ‘na hoti tathāgato paraṃ maraṇā’tipi na byākaroti; ‘hoti ca na ca hoti tathāgato paraṃ maraṇā’tipi na byākaroti; ‘neva hoti na na hoti tathāgato paraṃ maraṇā’tipi na byākaroti. Evaṃ jānaṃ kho, bhikkhu, sutavā ariyasāvako evaṃ passaṃ evaṃ abyākaraṇadhammo hoti abyākatavatthūsu . Evaṃ jānaṃ kho, bhikkhu, sutavā ariyasāvako evaṃ passaṃ na chambhati, na kampati, na vedhati, na santāsaṃ āpajjati abyākatavatthūsu.
‘‘‘ход̇и д̇ат̇ааг̇ад̇о барам̣ маран̣аа’д̇и ко, бхигку, д̇ан̣хааг̇ад̇амзд̇ам̣…бз… сан̃н̃ааг̇ад̇амзд̇ам̣ …бз… ман̃н̃ид̇амзд̇ам̣…бз… бабан̃жид̇амзд̇ам̣…бз… убаад̣̇аанаг̇ад̇амзд̇ам̣…бз… ‘ход̇и д̇ат̇ааг̇ад̇о барам̣ маран̣аа’д̇и ко, бхигку, виббадисааро зсо; ‘на ход̇и д̇ат̇ааг̇ад̇о барам̣ маран̣аа’д̇и ко, бхигку, виббадисааро зсо; ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇и ко, бхигку, виббадисааро зсо; ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ко, бхигку, виббадисааро зсо. ассуд̇аваа, бхигку, бут̇уж̇ж̇ано виббадисаарам̣ наббаж̇аанаад̇и, виббадисаарасамуд̣̇аяам̣ наббаж̇аанаад̇и, виббадисааранирод̇хам̣ наббаж̇аанаад̇и, виббадисааранирод̇хаг̇ааминим̣ бадибад̣̇ам̣ наббаж̇аанаад̇и. д̇асса со виббадисааро бавад̣дхад̇и, со на баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, на баримужжад̇и д̣̇угкасмаад̇и вад̣̇аами.
‘‘‘Hoti tathāgato paraṃ maraṇā’ti kho, bhikkhu, taṇhāgatametaṃ…pe… saññāgatametaṃ …pe… maññitametaṃ…pe… papañcitametaṃ…pe… upādānagatametaṃ…pe… ‘hoti tathāgato paraṃ maraṇā’ti kho, bhikkhu, vippaṭisāro eso; ‘na hoti tathāgato paraṃ maraṇā’ti kho, bhikkhu, vippaṭisāro eso; ‘hoti ca na ca hoti tathāgato paraṃ maraṇā’ti kho, bhikkhu, vippaṭisāro eso; ‘neva hoti na na hoti tathāgato paraṃ maraṇā’ti kho, bhikkhu, vippaṭisāro eso. Assutavā, bhikkhu, puthujjano vippaṭisāraṃ nappajānāti, vippaṭisārasamudayaṃ nappajānāti, vippaṭisāranirodhaṃ nappajānāti, vippaṭisāranirodhagāminiṃ paṭipadaṃ nappajānāti. Tassa so vippaṭisāro pavaḍḍhati, so na parimuccati jātiyā jarāya maraṇena sokehi paridevehi dukkhehi domanassehi upāyāsehi, na parimuccati dukkhasmāti vadāmi.
‘‘суд̇аваа жа ко, бхигку, арияасааваго виббадисаарам̣ баж̇аанаад̇и, виббадисаарасамуд̣̇аяам̣ баж̇аанаад̇и, виббадисааранирод̇хам̣ баж̇аанаад̇и , виббадисааранирод̇хаг̇ааминим̣ бадибад̣̇ам̣ баж̇аанаад̇и. д̇асса со виббадисааро нируж̇жхад̇и, со баримужжад̇и ж̇аад̇ияаа…бз… д̣̇угкасмаад̇и вад̣̇аами. звам̣ ж̇аанам̣ ко, бхигку, суд̇аваа арияасааваго звам̣ бассам̣ ‘ход̇и д̇ат̇ааг̇ад̇о барам̣ маран̣аа’д̇иби на б̣яаагарод̇и…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇иби на б̣яаагарод̇и. звам̣ ж̇аанам̣ ко, бхигку, суд̇аваа арияасааваго звам̣ бассам̣ звам̣ аб̣яаагаран̣ад̇хаммо ход̇и аб̣яаагад̇авад̇т̇уусу. звам̣ ж̇аанам̣ ко, бхигку, суд̇аваа арияасааваго звам̣ бассам̣ на чамбхад̇и, на гамбад̇и, на взд̇хад̇и, на санд̇аасам̣ аабаж̇ж̇ад̇и аб̣яаагад̇авад̇т̇уусу. аяам̣ ко, бхигку, хзд̇у аяам̣ бажжаяо язна суд̇авад̇о арияасаавагасса вижигижчаа нуббаж̇ж̇ад̇и аб̣яаагад̇авад̇т̇уусуу’’д̇и. батамам̣.
‘‘Sutavā ca kho, bhikkhu, ariyasāvako vippaṭisāraṃ pajānāti, vippaṭisārasamudayaṃ pajānāti, vippaṭisāranirodhaṃ pajānāti , vippaṭisāranirodhagāminiṃ paṭipadaṃ pajānāti. Tassa so vippaṭisāro nirujjhati, so parimuccati jātiyā…pe… dukkhasmāti vadāmi. Evaṃ jānaṃ kho, bhikkhu, sutavā ariyasāvako evaṃ passaṃ ‘hoti tathāgato paraṃ maraṇā’tipi na byākaroti…pe… ‘neva hoti na na hoti tathāgato paraṃ maraṇā’tipi na byākaroti. Evaṃ jānaṃ kho, bhikkhu, sutavā ariyasāvako evaṃ passaṃ evaṃ abyākaraṇadhammo hoti abyākatavatthūsu. Evaṃ jānaṃ kho, bhikkhu, sutavā ariyasāvako evaṃ passaṃ na chambhati, na kampati, na vedhati, na santāsaṃ āpajjati abyākatavatthūsu. Ayaṃ kho, bhikkhu, hetu ayaṃ paccayo yena sutavato ariyasāvakassa vicikicchā nuppajjati abyākatavatthūsū’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. аб̣яаагад̇асуд̇д̇аван̣н̣анаа • 1. Abyākatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. аб̣яаагад̇асуд̇д̇аад̣̇иван̣н̣анаа • 1-2. Abyākatasuttādivaṇṇanā
