| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. அப்³யாகதவக்³கோ³
6. Abyākatavaggo
1. அப்³யாகதஸுத்தவண்ணனா
1. Abyākatasuttavaṇṇanā
54. ச²ட்ட²வக்³க³ஸ்ஸ பட²மே அப்³யாகதவத்தூ²ஸூதி ஏகங்ஸாதி³வஸேன அகதி²தவத்தூ²ஸு. ததா²க³தோதி ஸத்தோ. தி³ட்டி²க³தமேதந்தி மிச்சா²தி³ட்டி²மத்தகமேதங், ந தாய தி³ட்டி²யா க³ஹிதஸத்தோ நாம அத்தி². படிபத³ந்தி அரியமக்³க³ங். ந ச²ம்ப⁴தீதி தி³ட்டி²வஸேன ந கம்பதி. ஸேஸபதே³ஸுபி ஏஸேவ நயோ. தண்ஹாக³தந்தி தி³ட்டி²தண்ஹா. ஸஞ்ஞாக³தாதீ³ஸுபி ஏஸேவ நயோ. தி³ட்டி²ஸஞ்ஞா ஏவ ஹெத்த² ஸஞ்ஞாக³தங், தி³ட்டி²னிஸ்ஸிதமானோயேவ தி³ட்டி²மஞ்ஞிதமேவ வா மஞ்ஞிதங், தி³ட்டி²பபஞ்சோவ பபஞ்சிதங், தி³ட்டு²பாதா³னமேவ உபாதா³னங், தி³ட்டி²யா விரூபங் படிஸரணபா⁴வோயேவ விப்படிஸாரோ நாமாதி வேதி³தப்³போ³. எத்த² ச தி³ட்டி²க்³க³ஹணேன த்³வாஸட்டி² தி³ட்டி²யோ, தி³ட்டி²னிரோத⁴கா³மினிபடிபதா³க³ஹணேன ஸோதாபத்திமக்³கோ³ க³ஹிதோதி.
54. Chaṭṭhavaggassa paṭhame abyākatavatthūsūti ekaṃsādivasena akathitavatthūsu. Tathāgatoti satto. Diṭṭhigatametanti micchādiṭṭhimattakametaṃ, na tāya diṭṭhiyā gahitasatto nāma atthi. Paṭipadanti ariyamaggaṃ. Na chambhatīti diṭṭhivasena na kampati. Sesapadesupi eseva nayo. Taṇhāgatanti diṭṭhitaṇhā. Saññāgatādīsupi eseva nayo. Diṭṭhisaññā eva hettha saññāgataṃ, diṭṭhinissitamānoyeva diṭṭhimaññitameva vā maññitaṃ, diṭṭhipapañcova papañcitaṃ, diṭṭhupādānameva upādānaṃ, diṭṭhiyā virūpaṃ paṭisaraṇabhāvoyeva vippaṭisāro nāmāti veditabbo. Ettha ca diṭṭhiggahaṇena dvāsaṭṭhi diṭṭhiyo, diṭṭhinirodhagāminipaṭipadāgahaṇena sotāpattimaggo gahitoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. அப்³யாகதஸுத்தங் • 1. Abyākatasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-2. அப்³யாகதஸுத்தாதி³வண்ணனா • 1-2. Abyākatasuttādivaṇṇanā
