| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๖. อพฺยากตวโคฺค
6. Abyākatavaggo
๑. อพฺยากตสุตฺตวณฺณนา
1. Abyākatasuttavaṇṇanā
๕๔. ฉฎฺฐวคฺคสฺส ปฐเม อพฺยากตวตฺถูสูติ เอกํสาทิวเสน อกถิตวตฺถูสุฯ ตถาคโตติ สโตฺตฯ ทิฎฺฐิคตเมตนฺติ มิจฺฉาทิฎฺฐิมตฺตกเมตํ, น ตาย ทิฎฺฐิยา คหิตสโตฺต นาม อตฺถิฯ ปฎิปทนฺติ อริยมคฺคํฯ น ฉมฺภตีติ ทิฎฺฐิวเสน น กมฺปติฯ เสสปเทสุปิ เอเสว นโยฯ ตณฺหาคตนฺติ ทิฎฺฐิตณฺหาฯ สญฺญาคตาทีสุปิ เอเสว นโยฯ ทิฎฺฐิสญฺญา เอว เหตฺถ สญฺญาคตํ, ทิฎฺฐินิสฺสิตมาโนเยว ทิฎฺฐิมญฺญิตเมว วา มญฺญิตํ, ทิฎฺฐิปปโญฺจว ปปญฺจิตํ, ทิฎฺฐุปาทานเมว อุปาทานํ, ทิฎฺฐิยา วิรูปํ ปฎิสรณภาโวเยว วิปฺปฎิสาโร นามาติ เวทิตโพฺพฯ เอตฺถ จ ทิฎฺฐิคฺคหเณน ทฺวาสฎฺฐิ ทิฎฺฐิโย, ทิฎฺฐินิโรธคามินิปฎิปทาคหเณน โสตาปตฺติมโคฺค คหิโตติฯ
54. Chaṭṭhavaggassa paṭhame abyākatavatthūsūti ekaṃsādivasena akathitavatthūsu. Tathāgatoti satto. Diṭṭhigatametanti micchādiṭṭhimattakametaṃ, na tāya diṭṭhiyā gahitasatto nāma atthi. Paṭipadanti ariyamaggaṃ. Na chambhatīti diṭṭhivasena na kampati. Sesapadesupi eseva nayo. Taṇhāgatanti diṭṭhitaṇhā. Saññāgatādīsupi eseva nayo. Diṭṭhisaññā eva hettha saññāgataṃ, diṭṭhinissitamānoyeva diṭṭhimaññitameva vā maññitaṃ, diṭṭhipapañcova papañcitaṃ, diṭṭhupādānameva upādānaṃ, diṭṭhiyā virūpaṃ paṭisaraṇabhāvoyeva vippaṭisāro nāmāti veditabbo. Ettha ca diṭṭhiggahaṇena dvāsaṭṭhi diṭṭhiyo, diṭṭhinirodhagāminipaṭipadāgahaṇena sotāpattimaggo gahitoti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. อพฺยากตสุตฺตํ • 1. Abyākatasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๒. อพฺยากตสุตฺตาทิวณฺณนา • 1-2. Abyākatasuttādivaṇṇanā
