| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
3. аажаамад̣̇ааяигаавимаанаван̣н̣анаа
3. Ācāmadāyikāvimānavaṇṇanā
бин̣д̣ааяа д̇з жаранд̇ассаад̇и аажаамад̣̇ааяигаавимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна рааж̇аг̇ахз ан̃н̃ад̇арам̣ гулам̣ ахиваад̇арог̇зна убад̣̇д̣̇уд̇ам̣ ахоси. д̇ад̇т̇а саб̣б̣з ж̇анаа мад̇аа табзд̇ваа згам̣ ид̇т̇им̣. саа г̇зхам̣ г̇зхаг̇ад̇ан̃жа саб̣б̣ам̣ д̇ханад̇хан̃н̃ам̣ чад̣д̣зд̇ваа маран̣абхаяабхийд̇аа бхид̇д̇ичид̣̇д̣̇зна балаад̇аа анаат̇аа худ̇ваа бараг̇зхам̣ г̇анд̇ваа д̇асса бидтибассз васад̇и. д̇асмим̣ г̇зхз мануссаа гарун̣ааяанд̇аа угкалиаад̣̇ийсу авасидтам̣ яааг̇убхад̇д̇ааажаамаад̣̇им̣ д̇ассаа д̣̇знд̇и. саа д̇ам̣ бхун̃ж̇ид̇ваа ж̇ийвигам̣ габбзд̇и.
Piṇḍāyate carantassāti ācāmadāyikāvimānaṃ. Tassa kā uppatti? Bhagavā rājagahe viharati veḷuvane kalandakanivāpe. Tena kho pana samayena rājagahe aññataraṃ kulaṃ ahivātarogena upaddutaṃ ahosi. Tattha sabbe janā matā ṭhapetvā ekaṃ itthiṃ. Sā gehaṃ gehagatañca sabbaṃ dhanadhaññaṃ chaḍḍetvā maraṇabhayabhītā bhittichiddena palātā anāthā hutvā paragehaṃ gantvā tassa piṭṭhipasse vasati. Tasmiṃ gehe manussā karuṇāyantā ukkhaliādīsu avasiṭṭhaṃ yāgubhattaācāmādiṃ tassā denti. Sā taṃ bhuñjitvā jīvikaṃ kappeti.
д̇зна жа самаязна ааяасмаа махаагассабо сад̇д̇аахам̣ нирод̇хасамаабад̇д̇им̣ самаабаж̇ж̇ид̇ваа д̇ад̇о вудтид̇о ‘‘гам̣ ну ко ахам̣ аж̇ж̇а аахаарабадиг̇г̇ахан̣зна ануг̇г̇ахзссаами, д̣̇уг̇г̇ад̇ид̇о жа д̣̇угкад̇о жа можзссаамий’’д̇и жинд̇знд̇о д̇ам̣ ид̇т̇им̣ аасаннамаран̣ам̣ нираяасам̣вад̇д̇аниган̃жассаа гаммам̣ гад̇огаасам̣ д̣̇исваа ‘‘аяам̣ маяи г̇ад̇з ад̇д̇анаа лад̣̇д̇хам̣ аажаамам̣ д̣̇ассад̇и, д̇знзва ниммаанарад̇ид̣̇звалогз уббаж̇ж̇иссад̇и, звам̣ нираяуубабад̇д̇ид̇о можзд̇ваа ханд̣̇аахам̣ имиссаа саг̇г̇асамбад̇д̇им̣ нибпаад̣̇зссаамий’’д̇и буб̣б̣ан̣хасамаяам̣ ниваасзд̇ваа бад̇д̇ажийварам̣ аад̣̇ааяа д̇ассаа нивзсанадтаанаабхимуко г̇ажчад̇и. ат̇а сагго д̣̇зваанаминд̣̇о ан̃н̃аад̇агавзсзна анзгарасам̣ анзгасуубаб̣яан̃ж̇анам̣ д̣̇иб̣б̣аахаарам̣ убанзси. д̇ам̣ н̃ад̇ваа т̇зро ‘‘госияа, д̇вам̣ гад̇агусало, гасмаа звам̣ гароси, маа д̣̇уг̇г̇ад̇аанам̣ габан̣аанам̣ самбад̇д̇им̣ вилумбий’’д̇и бадигкибид̇ваа д̇ассаа ид̇т̇ияаа бурад̇о адтааси.
Tena ca samayena āyasmā mahākassapo sattāhaṃ nirodhasamāpattiṃ samāpajjitvā tato vuṭṭhito ‘‘kaṃ nu kho ahaṃ ajja āhārapaṭiggahaṇena anuggahessāmi, duggatito ca dukkhato ca mocessāmī’’ti cintento taṃ itthiṃ āsannamaraṇaṃ nirayasaṃvattanikañcassā kammaṃ katokāsaṃ disvā ‘‘ayaṃ mayi gate attanā laddhaṃ ācāmaṃ dassati, teneva nimmānaratidevaloke uppajjissati, evaṃ nirayūpapattito mocetvā handāhaṃ imissā saggasampattiṃ nipphādessāmī’’ti pubbaṇhasamayaṃ nivāsetvā pattacīvaraṃ ādāya tassā nivesanaṭṭhānābhimukho gacchati. Atha sakko devānamindo aññātakavesena anekarasaṃ anekasūpabyañjanaṃ dibbāhāraṃ upanesi. Taṃ ñatvā thero ‘‘kosiya, tvaṃ katakusalo, kasmā evaṃ karosi, mā duggatānaṃ kapaṇānaṃ sampattiṃ vilumpī’’ti paṭikkhipitvā tassā itthiyā purato aṭṭhāsi.
саа т̇зрам̣ д̣̇исваа ‘‘аяам̣ махаанубхааво т̇зро, имасса д̣̇аад̇аб̣б̣аяуд̇д̇агам̣ каад̣̇анийяам̣ ваа бхож̇анийяам̣ ваа ид̇ха над̇т̇и, ид̣̇ан̃жа гилидтабхааж̇анаг̇ад̇ам̣ д̇ин̣ажун̣н̣араж̇аанугин̣н̣ам̣ алон̣ам̣ сийд̇алам̣ аббарасам̣ аажаамаган̃ж̇ияамад̇д̇ам̣ зд̣̇исасса д̣̇аад̇ум̣ на уссахаамий’’д̇и жинд̇зд̇ваа ‘‘ад̇ижчат̇аа’’д̇и ааха. т̇зро згабад̣̇анигкзбамад̇д̇ам̣ абасаггид̇ваа адтааси. г̇зхаваасино мануссаа бхигкам̣ убанзсум̣, т̇зро на самбадижчад̇и. саа д̣̇уг̇г̇ад̇ид̇т̇ий ‘‘мамзва ануг̇г̇ахад̇т̇ааяа ид̇хааг̇ад̇о, мама санд̇агамзва бадиг̇г̇ахзд̇угаамо’’д̇и н̃ад̇ваа басаннамаанасаа аад̣̇араж̇аад̇аа д̇ам̣ аажаамам̣ т̇зрасса бад̇д̇з аагири. т̇зро д̇ассаа басаад̣̇асам̣вад̣̇д̇ханад̇т̇ам̣ бхун̃ж̇анаагаарам̣ д̣̇ассзси, мануссаа аасанам̣ бан̃н̃аабзсум̣. т̇зро д̇ад̇т̇а нисийд̣̇ид̇ваа д̇ам̣ аажаамам̣ бхун̃ж̇ид̇ваа бивид̇ваа онийд̇абад̇д̇абаан̣ий анумод̣̇анам̣ гад̇ваа д̇ам̣ д̣̇уг̇г̇ад̇ид̇т̇им̣ ‘‘д̇вам̣ ид̇о д̇ад̇ияз ад̇д̇абхаавз мама маад̇аа ахосий’’д̇и вад̇ваа г̇ад̇о. саа д̇зна т̇зрз ад̇ибасаад̣̇ан̃жа уббаад̣̇зд̇ваа д̇ассаа рад̇д̇ияаа батамаяаамз гаалам̣ гад̇ваа ниммаанарад̇ийнам̣ д̣̇зваанам̣ сахаб̣яад̇ам̣ убабаж̇ж̇и. ат̇а сагго д̣̇зварааж̇аа д̇ассаа гаалагад̇абхаавам̣ н̃ад̇ваа ‘‘гад̇т̇а ну ко уббаннаа’’д̇и ааваж̇ж̇знд̇о д̇аавад̇им̣сзсу ад̣̇исваа рад̇д̇ияаа маж̇жхимаяаамз ааяасманд̇ам̣ махаагассабам̣ убасан̇гамид̇ваа д̇ассаа ниб̣б̣ад̇д̇адтаанам̣ бужчанд̇о –
Sā theraṃ disvā ‘‘ayaṃ mahānubhāvo thero, imassa dātabbayuttakaṃ khādanīyaṃ vā bhojanīyaṃ vā idha natthi, idañca kiliṭṭhabhājanagataṃ tiṇacuṇṇarajānukiṇṇaṃ aloṇaṃ sītalaṃ apparasaṃ ācāmakañjiyamattaṃ edisassa dātuṃ na ussahāmī’’ti cintetvā ‘‘aticchathā’’ti āha. Thero ekapadanikkhepamattaṃ apasakkitvā aṭṭhāsi. Gehavāsino manussā bhikkhaṃ upanesuṃ, thero na sampaṭicchati. Sā duggatitthī ‘‘mameva anuggahatthāya idhāgato, mama santakameva paṭiggahetukāmo’’ti ñatvā pasannamānasā ādarajātā taṃ ācāmaṃ therassa patte ākiri. Thero tassā pasādasaṃvaddhanatthaṃ bhuñjanākāraṃ dassesi, manussā āsanaṃ paññāpesuṃ. Thero tattha nisīditvā taṃ ācāmaṃ bhuñjitvā pivitvā onītapattapāṇī anumodanaṃ katvā taṃ duggatitthiṃ ‘‘tvaṃ ito tatiye attabhāve mama mātā ahosī’’ti vatvā gato. Sā tena there atipasādañca uppādetvā tassā rattiyā paṭhamayāme kālaṃ katvā nimmānaratīnaṃ devānaṃ sahabyataṃ upapajji. Atha sakko devarājā tassā kālakatabhāvaṃ ñatvā ‘‘kattha nu kho uppannā’’ti āvajjento tāvatiṃsesu adisvā rattiyā majjhimayāme āyasmantaṃ mahākassapaṃ upasaṅkamitvā tassā nibbattaṭṭhānaṃ pucchanto –
185.
185.
‘‘бин̣д̣ааяа д̇з жаранд̇асса, д̇ун̣хийбхууд̇асса д̇идтад̇о;
‘‘Piṇḍāya te carantassa, tuṇhībhūtassa tiṭṭhato;
д̣̇алид̣̇д̣̇аа габан̣аа наарий, барааг̇аарам̣ абассид̇аа.
Daliddā kapaṇā nārī, parāgāraṃ apassitā.
186.
186.
‘‘яаа д̇з ад̣̇ааси аажаамам̣, басаннаа сзхи баан̣ибхи;
‘‘Yā te adāsi ācāmaṃ, pasannā sehi pāṇibhi;
саа хид̇ваа маанусам̣ д̣̇зхам̣, гам̣ ну саа д̣̇исад̇ам̣ г̇ад̇аа’’д̇и. –
Sā hitvā mānusaṃ dehaṃ, kaṃ nu sā disataṃ gatā’’ti. –
д̣̇вз г̇аат̇аа абхааси.
Dve gāthā abhāsi.
185. д̇ад̇т̇а бин̣д̣ааяаад̇и бин̣д̣абаад̇ад̇т̇ааяа. д̇ун̣хийбхууд̇асса д̇идтад̇од̇и ид̣̇ам̣ бин̣д̣ааяа жаран̣аагаарад̣̇ассанам̣, уд̣̇д̣̇исса д̇идтад̇од̇и ад̇т̇о. д̣̇алид̣̇д̣̇аад̇и д̣̇уг̇г̇ад̇аа. габан̣аад̇и вараагий. ‘‘д̣̇алид̣̇д̣̇аа’’д̇и иминаа д̇ассаа бхог̇абаариж̇ун̃н̃ам̣ д̣̇ассзд̇и, ‘‘габан̣аа’’д̇и иминаа н̃аад̇ибаариж̇ун̃н̃ам̣. барааг̇аарам̣ абассид̇аад̇и бараг̇зхам̣ ниссид̇аа, барзсам̣ гхарз б̣ахибидтичад̣̇анам̣ ниссааяа васанд̇ий.
185. Tattha piṇḍāyāti piṇḍapātatthāya. Tuṇhībhūtassa tiṭṭhatoti idaṃ piṇḍāya caraṇākāradassanaṃ, uddissa tiṭṭhatoti attho. Daliddāti duggatā. Kapaṇāti varākī. ‘‘Daliddā’’ti iminā tassā bhogapārijuññaṃ dasseti, ‘‘kapaṇā’’ti iminā ñātipārijuññaṃ. Parāgāraṃ apassitāti paragehaṃ nissitā, paresaṃ ghare bahipiṭṭhichadanaṃ nissāya vasantī.
186. гам̣ ну саа д̣̇исад̇ам̣ г̇ад̇аад̇и часу гаамад̣̇звалогзсу уббаж̇ж̇анавасзна гам̣ наама д̣̇исам̣ г̇ад̇аа. ид̇и сагго ‘‘т̇зрзна д̇ат̇аа гад̇аануг̇г̇ахаа ул̣аарааяа д̣̇иб̣б̣асамбад̇д̇ияаа бхааг̇иний, на жа д̣̇иссад̇ий’’д̇и хздтаа д̣̇вийсу д̣̇звалогзсу абассанд̇о сам̣саяаабанно бужчад̇и.
186.Kaṃnu sā disataṃ gatāti chasu kāmadevalokesu uppajjanavasena kaṃ nāma disaṃ gatā. Iti sakko ‘‘therena tathā katānuggahā uḷārāya dibbasampattiyā bhāginī, na ca dissatī’’ti heṭṭhā dvīsu devalokesu apassanto saṃsayāpanno pucchati.
ат̇асса т̇зро –
Athassa thero –
187.
187.
‘‘бин̣д̣ааяа мз жаранд̇асса, д̇ун̣хийбхууд̇асса д̇идтад̇о;
‘‘Piṇḍāya me carantassa, tuṇhībhūtassa tiṭṭhato;
д̣̇алид̣̇д̣̇аа габан̣аа наарий, барааг̇аарам̣ абассид̇аа.
Daliddā kapaṇā nārī, parāgāraṃ apassitā.
188.
188.
‘‘яаа мз ад̣̇ааси аажаамам̣, басаннаа сзхи баан̣ибхи;
‘‘Yā me adāsi ācāmaṃ, pasannā sehi pāṇibhi;
саа хид̇ваа маанусам̣ д̣̇зхам̣, виббамуд̇д̇аа ид̇о жуд̇аа.
Sā hitvā mānusaṃ dehaṃ, vippamuttā ito cutā.
189.
189.
‘‘ниммаанарад̇ино наама, санд̇и д̣̇зваа махид̣̇д̇хигаа;
‘‘Nimmānaratino nāma, santi devā mahiddhikā;
д̇ад̇т̇а саа сукид̇аа наарий, мод̣̇ад̇аажаамад̣̇ааяигаа’’д̇и. –
Tattha sā sukhitā nārī, modatācāmadāyikā’’ti. –
бужчид̇анияаамзнзва бадиважанам̣ д̣̇знд̇о д̇ассаа ниб̣б̣ад̇д̇адтаанам̣ гат̇зси.
Pucchitaniyāmeneva paṭivacanaṃ dento tassā nibbattaṭṭhānaṃ kathesi.
188. д̇ад̇т̇а виббамуд̇д̇аад̇и д̇ад̇о мануссад̣̇обхаг̇г̇ияад̇о барамагаарун̃н̃авуд̇д̇ид̇о виббамуд̇д̇аа абаг̇ад̇аа.
188. Tattha vippamuttāti tato manussadobhaggiyato paramakāruññavuttito vippamuttā apagatā.
189. мод̣̇ад̇аажаамад̣̇ааяигаад̇и аажаамамад̇д̇ад̣̇ааяигаа, сааби наама бан̃жамз гаамасаг̇г̇з д̣̇иб̣б̣асамбад̇д̇ияаа мод̣̇ад̇и, басса д̇аава кзд̇д̇асамбад̇д̇ипаланд̇и д̣̇ассзд̇и.
189.Modatācāmadāyikāti ācāmamattadāyikā, sāpi nāma pañcame kāmasagge dibbasampattiyā modati, passa tāva khettasampattiphalanti dasseti.
буна сагго д̇ассаа д̣̇аанасса махабпалад̇ам̣ махаанисам̣сад̇ан̃жа суд̇ваа д̇ам̣ т̇омзнд̇о –
Puna sakko tassā dānassa mahapphalataṃ mahānisaṃsatañca sutvā taṃ thomento –
190.
190.
‘‘ахо д̣̇аанам̣ вараагияаа, гассабз суббад̇идтид̇ам̣;
‘‘Aho dānaṃ varākiyā, kassape suppatiṭṭhitaṃ;
бараабхад̇зна д̣̇аанзна, иж̇жхид̇т̇а вад̇а д̣̇агкин̣аа.
Parābhatena dānena, ijjhittha vata dakkhiṇā.
191.
191.
‘‘яаа махзсид̇д̇ам̣ гаарзяяа, жаггавад̇д̇исса рааж̇ино;
‘‘Yā mahesittaṃ kāreyya, cakkavattissa rājino;
наарий саб̣б̣ан̇г̇агаляаан̣ий, бхад̇д̇у жааномад̣̇ассигаа;
Nārī sabbaṅgakalyāṇī, bhattu cānomadassikā;
зд̇ассаажаамад̣̇аанасса, галам̣ нааг̇гхад̇и сол̣асим̣.
Etassācāmadānassa, kalaṃ nāgghati soḷasiṃ.
192.
192.
‘‘суд̇ам̣ нигкаа сад̇ам̣ ассаа, сад̇ам̣ ассад̇арийрат̇аа;
‘‘Sutaṃ nikkhā sataṃ assā, sataṃ assatarīrathā;
сад̇ам̣ ган̃н̃аасахассаани, аамуд̇д̇аман̣игун̣д̣алаа;
Sataṃ kaññāsahassāni, āmuttamaṇikuṇḍalā;
зд̇ассаажаамад̣̇аанасса, галам̣ нааг̇гханд̇и сол̣асим̣.
Etassācāmadānassa, kalaṃ nāgghanti soḷasiṃ.
193.
193.
‘‘сад̇ам̣ хзмавад̇аа нааг̇аа, ийсаад̣̇анд̇аа уруул̣хаваа;
‘‘Sataṃ hemavatā nāgā, īsādantā urūḷhavā;
суван̣н̣агажчаа мид̇ан̇г̇аа, хзмагаббанаваасасаа;
Suvaṇṇakacchā mitaṅgā, hemakappanavāsasā;
зд̇ассаажаамад̣̇аанасса, галам̣ нааг̇ажчанд̇и сол̣асим̣.
Etassācāmadānassa, kalaṃ nāgacchanti soḷasiṃ.
194.
194.
‘‘жад̇уннамаби д̣̇ийбаанам̣, иссарам̣ яод̇ха гаараяз;
‘‘Catunnamapi dīpānaṃ, issaraṃ yodha kāraye;
зд̇ассаажаамад̣̇аанасса, галам̣ нааг̇гхад̇и сол̣аси’’нд̇и. – ааха;
Etassācāmadānassa, kalaṃ nāgghati soḷasi’’nti. – āha;
190. д̇ад̇т̇а аход̇и ажчарияад̇т̇з нибаад̇о. вараагияаад̇и габан̣ияаа. бараабхад̇знаад̇и барад̇о аанийд̇зна, барзсам̣ гхарад̇о ужчаажарияааяа лад̣̇д̇хзнаад̇и ад̇т̇о. д̣̇аанзнаад̇и д̣̇аад̇аб̣б̣зна аажаамамад̇д̇зна д̣̇зяяад̇хаммзна. иж̇жхид̇т̇а вад̇а д̣̇агкин̣аад̇и д̣̇агкин̣аа д̣̇аанам̣ ахо нибпаж̇ж̇ид̇т̇а, ахо махабпалаа махааж̇уд̇игаа махаавибпаараа ахувад̇т̇аад̇и ад̇т̇о.
190. Tattha ahoti acchariyatthe nipāto. Varākiyāti kapaṇiyā. Parābhatenāti parato ānītena, paresaṃ gharato ucchācariyāya laddhenāti attho. Dānenāti dātabbena ācāmamattena deyyadhammena. Ijjhittha vata dakkhiṇāti dakkhiṇā dānaṃ aho nipphajjittha, aho mahapphalā mahājutikā mahāvipphārā ahuvatthāti attho.
191. ид̣̇аани ‘‘ид̇т̇ирад̇анаад̣̇ийниби д̇асса д̣̇аанасса сад̇абхааг̇амби сахассабхааг̇амби на убзнд̇ий’’д̇и д̣̇ассзд̇ум̣ ‘‘яаа махзсид̇д̇ам̣ гаарзяяаа’’д̇иаад̣̇и вуд̇д̇ам̣. д̇ад̇т̇а саб̣б̣ан̇г̇агаляаан̣ийд̇и ‘‘наад̇ид̣̇ийгхаа наад̇ирассаа наад̇игисаа наад̇ит̇уулаа наад̇игаал̣ий наажжод̣̇аад̇аа ад̇игганд̇аа маанусаван̣н̣ам̣ аббад̇д̇аа д̣̇иб̣б̣аван̣н̣а’’нд̇и звам̣ вуд̇д̇зхи саб̣б̣зхи ан̇г̇зхи гааран̣зхи, саб̣б̣зхи ваа ан̇г̇абажжан̇г̇зхи галяаан̣ий собханаа сунд̣̇араа. бхад̇д̇у жааномад̣̇ассигаад̇и саамигасса алаамагад̣̇ассанаа саад̇исаяам̣ д̣̇ассанийяаа баасаад̣̇игаа. зд̇ассаажаамад̣̇аанасса, галам̣ нааг̇гхад̇и сол̣асинд̇и зд̇асса зд̇ааяа д̣̇иннасса аажаамад̣̇аанасса палам̣ сол̣асабхааг̇ам̣ гад̇ваа д̇ад̇о згам̣ бхааг̇ам̣ буна сол̣асабхааг̇ам̣ гад̇ваа г̇ахид̇абхааг̇асан̇каад̇ам̣ сол̣асим̣ галам̣ жаггавад̇д̇иран̃н̃о ид̇т̇ирад̇анабхаавоби нааг̇гхад̇и наанубход̇и на баабун̣аад̇и. ‘‘суван̣н̣асса бан̃жад̣̇асад̇харан̣ам̣ нигка’’нд̇и вад̣̇анд̇и, ‘‘сад̇ад̇харан̣а’’нд̇и абарз.
191. Idāni ‘‘itthiratanādīnipi tassa dānassa satabhāgampi sahassabhāgampi na upentī’’ti dassetuṃ ‘‘yā mahesittaṃ kāreyyā’’tiādi vuttaṃ. Tattha sabbaṅgakalyāṇīti ‘‘nātidīghā nātirassā nātikisā nātithūlā nātikāḷī nāccodātā atikkantā mānusavaṇṇaṃ appattā dibbavaṇṇa’’nti evaṃ vuttehi sabbehi aṅgehi kāraṇehi, sabbehi vā aṅgapaccaṅgehi kalyāṇī sobhanā sundarā. Bhattu cānomadassikāti sāmikassa alāmakadassanā sātisayaṃ dassanīyā pāsādikā. Etassācāmadānassa, kalaṃ nāgghati soḷasinti etassa etāya dinnassa ācāmadānassa phalaṃ soḷasabhāgaṃ katvā tato ekaṃ bhāgaṃ puna soḷasabhāgaṃ katvā gahitabhāgasaṅkhātaṃ soḷasiṃ kalaṃ cakkavattirañño itthiratanabhāvopi nāgghati nānubhoti na pāpuṇāti. ‘‘Suvaṇṇassa pañcadasadharaṇaṃ nikkha’’nti vadanti, ‘‘satadharaṇa’’nti apare.
193. хзмавад̇аад̇и химавад̇и ж̇аад̇аа, хзмавад̇аж̇аад̇игаа ваа. д̇з хи маханд̇аа т̇аамаж̇авасамбаннаа жа хонд̇и. ийсаад̣̇анд̇аад̇и рат̇ийсаасад̣̇исад̣̇анд̇аа, т̇огам̣язва аванад̇ад̣̇анд̇аад̇и ад̇т̇о. д̇зна висаалагад̣̇аатийбхаавам̣ ниваарзд̇и. уруул̣хаваад̇и т̇аамаж̇авабараггамзхи б̣рууханд̇о, маханд̇ам̣ яуд̣̇д̇хагижжам̣ вахид̇ум̣ самад̇т̇аад̇и ад̇т̇о. суван̣н̣агажчаад̇и хзмамаяаг̇ийвзяяагабадимуггаа. гажчасийсзна хи саб̣б̣ам̣ хад̇т̇ияог̇г̇ам̣ вад̣̇ад̇и. хзмагаббанаваасасаад̇и суван̣н̣акажид̇аг̇аж̇ад̇т̇аран̣аган̇ганаад̣̇ихад̇т̇аалан̇гаарасамбаннаа.
193.Hemavatāti himavati jātā, hemavatajātikā vā. Te hi mahantā thāmajavasampannā ca honti. Īsādantāti rathīsāsadisadantā, thokaṃyeva avanatadantāti attho. Tena visālakadāṭhībhāvaṃ nivāreti. Urūḷhavāti thāmajavaparakkamehi brūhanto, mahantaṃ yuddhakiccaṃ vahituṃ samatthāti attho. Suvaṇṇakacchāti hemamayagīveyyakapaṭimukkā. Kacchasīsena hi sabbaṃ hatthiyoggaṃ vadati. Hemakappanavāsasāti suvaṇṇakhacitagajattharaṇakaṅkanādihatthālaṅkārasampannā.
194. жад̇уннамаби д̣̇ийбаанам̣ иссаранд̇и д̣̇висахассабарид̇д̇ад̣̇ийбабариваараанам̣ ж̇амб̣уд̣̇ийбаад̣̇ийнам̣ жад̇уннам̣ махаад̣̇ийбаанам̣ иссарияам̣. д̇зна сад̇д̇арад̇анасамуж̇ж̇алам̣ сагалам̣ жаггавад̇д̇исирим̣ вад̣̇ад̇и. яам̣ банзд̇т̇а, д̇ам̣ хздтаа вуд̇д̇анаяамзва.
194.Catunnamapi dīpānaṃ issaranti dvisahassaparittadīpaparivārānaṃ jambudīpādīnaṃ catunnaṃ mahādīpānaṃ issariyaṃ. Tena sattaratanasamujjalaṃ sakalaṃ cakkavattisiriṃ vadati. Yaṃ panettha, taṃ heṭṭhā vuttanayameva.
ид̇ха саггзна д̣̇зварааж̇зна ад̇д̇анаа жа вуд̇д̇ам̣ саб̣б̣ам̣ ааяасмаа махаагассабад̇т̇зро бхаг̇авад̇о аарожзси. бхаг̇аваа д̇ам̣ адтуббад̇д̇им̣ гад̇ваа самбад̇д̇абарисааяа вид̇т̇аарзна д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Idha sakkena devarājena attanā ca vuttaṃ sabbaṃ āyasmā mahākassapatthero bhagavato ārocesi. Bhagavā taṃ aṭṭhuppattiṃ katvā sampattaparisāya vitthārena dhammaṃ desesi. Sā desanā mahājanassa sātthikā ahosīti.
аажаамад̣̇ааяигаавимаанаван̣н̣анаа нидтид̇аа.
Ācāmadāyikāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 3. аажаамад̣̇ааяигаавимаанавад̇т̇у • 3. Ācāmadāyikāvimānavatthu
