| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. ажарим̣суд̇д̇ам̣
3. Acariṃsuttaṃ
116. саавад̇т̇ияам̣ вихарад̇и…бз… ‘‘бат̇авийд̇хаад̇уяаахам̣, бхигкавз, ассаад̣̇абариязсанам̣ ажарим̣, яо бат̇авийд̇хаад̇уяаа ассаад̣̇о д̇ад̣̇аж̇жхаг̇амам̣, яаавад̇аа бат̇авийд̇хаад̇уяаа ассаад̣̇о бан̃н̃ааяа мз со суд̣̇идто. бат̇авийд̇хаад̇уяаахам̣, бхигкавз, аад̣̇ийнавабариязсанам̣ ажарим̣, яо бат̇авийд̇хаад̇уяаа аад̣̇ийнаво д̇ад̣̇аж̇жхаг̇амам̣ , яаавад̇аа бат̇авийд̇хаад̇уяаа аад̣̇ийнаво бан̃н̃ааяа мз со суд̣̇идто. бат̇авийд̇хаад̇уяаахам̣, бхигкавз, ниссаран̣абариязсанам̣ ажарим̣, яам̣ бат̇авийд̇хаад̇уяаа ниссаран̣ам̣ д̇ад̣̇аж̇жхаг̇амам̣, яаавад̇аа бат̇авийд̇хаад̇уяаа ниссаран̣ам̣ бан̃н̃ааяа мз д̇ам̣ суд̣̇идтам̣’’.
116. Sāvatthiyaṃ viharati…pe… ‘‘pathavīdhātuyāhaṃ, bhikkhave, assādapariyesanaṃ acariṃ, yo pathavīdhātuyā assādo tadajjhagamaṃ, yāvatā pathavīdhātuyā assādo paññāya me so sudiṭṭho. Pathavīdhātuyāhaṃ, bhikkhave, ādīnavapariyesanaṃ acariṃ, yo pathavīdhātuyā ādīnavo tadajjhagamaṃ , yāvatā pathavīdhātuyā ādīnavo paññāya me so sudiṭṭho. Pathavīdhātuyāhaṃ, bhikkhave, nissaraṇapariyesanaṃ acariṃ, yaṃ pathavīdhātuyā nissaraṇaṃ tadajjhagamaṃ, yāvatā pathavīdhātuyā nissaraṇaṃ paññāya me taṃ sudiṭṭhaṃ’’.
‘‘аабод̇хаад̇уяаахам̣, бхигкавз…бз… д̇зж̇од̇хаад̇уяаахам̣, бхигкавз… вааяод̇хаад̇уяаахам̣, бхигкавз, ассаад̣̇абариязсанам̣ ажарим̣, яо вааяод̇хаад̇уяаа ассаад̣̇о д̇ад̣̇аж̇жхаг̇амам̣, яаавад̇аа вааяод̇хаад̇уяаа ассаад̣̇о бан̃н̃ааяа мз со суд̣̇идто. вааяод̇хаад̇уяаахам̣, бхигкавз, аад̣̇ийнавабариязсанам̣ ажарим̣, яо вааяод̇хаад̇уяаа аад̣̇ийнаво д̇ад̣̇аж̇жхаг̇амам̣, яаавад̇аа вааяод̇хаад̇уяаа аад̣̇ийнаво бан̃н̃ааяа мз со суд̣̇идто. вааяод̇хаад̇уяаахам̣, бхигкавз, ниссаран̣абариязсанам̣ ажарим̣, яам̣ вааяод̇хаад̇уяаа ниссаран̣ам̣ д̇ад̣̇аж̇жхаг̇амам̣, яаавад̇аа вааяод̇хаад̇уяаа ниссаран̣ам̣ бан̃н̃ааяа мз д̇ам̣ суд̣̇идтам̣.
‘‘Āpodhātuyāhaṃ, bhikkhave…pe… tejodhātuyāhaṃ, bhikkhave… vāyodhātuyāhaṃ, bhikkhave, assādapariyesanaṃ acariṃ, yo vāyodhātuyā assādo tadajjhagamaṃ, yāvatā vāyodhātuyā assādo paññāya me so sudiṭṭho. Vāyodhātuyāhaṃ, bhikkhave, ādīnavapariyesanaṃ acariṃ, yo vāyodhātuyā ādīnavo tadajjhagamaṃ, yāvatā vāyodhātuyā ādīnavo paññāya me so sudiṭṭho. Vāyodhātuyāhaṃ, bhikkhave, nissaraṇapariyesanaṃ acariṃ, yaṃ vāyodhātuyā nissaraṇaṃ tadajjhagamaṃ, yāvatā vāyodhātuyā nissaraṇaṃ paññāya me taṃ sudiṭṭhaṃ.
‘‘яаавагийван̃жаахам̣, бхигкавз, имаасам̣ жад̇уннам̣ д̇хаад̇уунам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ на аб̣бхан̃н̃аасим̣, нзва д̇ааваахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бажжан̃н̃аасим̣.
‘‘Yāvakīvañcāhaṃ, bhikkhave, imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ na abbhaññāsiṃ, neva tāvāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddhoti paccaññāsiṃ.
‘‘яад̇о жа кваахам̣, бхигкавз, имаасам̣ жад̇уннам̣ д̇хаад̇уунам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃аасим̣, ат̇аахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бажжан̃н̃аасим̣. н̃аан̣ан̃жа бана мз д̣̇ассанам̣ уд̣̇абаад̣̇и – ‘агуббаа мз вимуд̇д̇и, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и. д̇ад̇ияам̣.
‘‘Yato ca khvāhaṃ, bhikkhave, imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññāsiṃ, athāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddhoti paccaññāsiṃ. Ñāṇañca pana me dassanaṃ udapādi – ‘akuppā me vimutti, ayamantimā jāti, natthi dāni punabbhavo’’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. ажарим̣суд̇д̇аван̣н̣анаа • 3. Acariṃsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. ажарим̣суд̇д̇аван̣н̣анаа • 3. Acariṃsuttavaṇṇanā
