| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
аажарияаг̇ун̣ам̣
Ācariyaguṇaṃ
‘‘бханд̇з нааг̇асзна, аяам̣ бхуумибхааг̇о адта манд̇ад̣̇осавиваж̇ж̇ид̇о, ахан̃жа логз барамо манд̇исахааяо 1, г̇уяхаманурагкий жаахам̣ яааваахам̣ ж̇ийвиссаами д̇аава г̇уяхаманурагкиссаами, адтахи жа мз гааран̣зхи б̣уд̣̇д̇хи барин̣аамам̣ г̇ад̇аа, д̣̇уллабхо зд̇арахи маад̣̇исо анд̇зваасий, саммаа бадибаннз анд̇зваасигз яз аажарияаанам̣ бан̃жавийсад̇и аажарияаг̇ун̣аа, д̇зхи г̇ун̣зхи аажариязна саммаа бадибаж̇ж̇ид̇аб̣б̣ам̣. гад̇амз бан̃жавийсад̇и г̇ун̣аа?
‘‘Bhante nāgasena, ayaṃ bhūmibhāgo aṭṭha mantadosavivajjito, ahañca loke paramo mantisahāyo 2, guyhamanurakkhī cāhaṃ yāvāhaṃ jīvissāmi tāva guyhamanurakkhissāmi, aṭṭhahi ca me kāraṇehi buddhi pariṇāmaṃ gatā, dullabho etarahi mādiso antevāsī, sammā paṭipanne antevāsike ye ācariyānaṃ pañcavīsati ācariyaguṇā, tehi guṇehi ācariyena sammā paṭipajjitabbaṃ. Katame pañcavīsati guṇā?
‘‘ид̇ха, бханд̇з нааг̇асзна, аажариязна анд̇зваасимхи сад̇ад̇ам̣ самид̇ам̣ аарагкаа убадтабзд̇аб̣б̣аа, асзванасзванаа ж̇аанид̇аб̣б̣аа, бамад̇д̇ааббамад̇д̇аа ж̇аанид̇аб̣б̣аа, сзяяавагаасо ж̇аанид̇аб̣б̣о, г̇злан̃н̃ам̣ ж̇аанид̇аб̣б̣ам̣, бхож̇анасса 3 лад̣̇д̇хаалад̣̇д̇хам̣ ж̇аанид̇аб̣б̣ам̣, висзсо ж̇аанид̇аб̣б̣о, бад̇д̇аг̇ад̇ам̣ сам̣вибхаж̇ид̇аб̣б̣ам̣, ассаасид̇аб̣б̣о ‘маа бхааяи, ад̇т̇о д̇з абхиггамад̇ий’д̇и, ‘иминаа буг̇г̇алзна бадижарад̇ий’д̇и 4 бадижааро ж̇аанид̇аб̣б̣о, г̇аамз бадижааро ж̇аанид̇аб̣б̣о, вихаарз бадижааро ж̇аанид̇аб̣б̣о, на д̇зна хаасо д̣̇аво гаад̇аб̣б̣о 5, д̇зна саха аалаабо гаад̇аб̣б̣о, чид̣̇д̣̇ам̣ д̣̇исваа ад̇хиваасзд̇аб̣б̣ам̣, саггажжагааринаа бхавид̇аб̣б̣ам̣, акан̣д̣агааринаа бхавид̇аб̣б̣ам̣, арахассагааринаа бхавид̇аб̣б̣ам̣, ниравасзсагааринаа бхавид̇аб̣б̣ам̣, ‘ж̇анзмимам̣ 6 сиббзсуу’д̇и ж̇анагажид̇д̇ам̣ убадтабзд̇аб̣б̣ам̣, ‘гат̇ам̣ аяам̣ на барихааязяяаа’д̇и вад̣дхижид̇д̇ам̣ убадтабзд̇аб̣б̣ам̣, ‘б̣алавам̣ имам̣ гароми сигкааб̣алзнаа’д̇и жид̇д̇ам̣ убадтабзд̇аб̣б̣ам̣, мзд̇д̇ажид̇д̇ам̣ убадтабзд̇аб̣б̣ам̣, аабад̣̇аасу на виж̇ахид̇аб̣б̣ам̣, гаран̣ийяз наббамаж̇ж̇ид̇аб̣б̣ам̣, калид̇з д̇хаммзна баг̇г̇ахзд̇аб̣б̣од̇и. имз ко, бханд̇з, бан̃жавийсад̇и аажарияасса аажарияаг̇ун̣аа, д̇зхи г̇ун̣зхи маяи саммаа бадибаж̇ж̇ассу, сам̣саяо мз, бханд̇з, уббанно, ад̇т̇и мзн̣д̣агабан̃хаа ж̇инабхаасид̇аа , анааг̇ад̇з ад̣̇д̇хаанз д̇ад̇т̇а виг̇г̇ахо уббаж̇ж̇иссад̇и, анааг̇ад̇з жа ад̣̇д̇хаанз д̣̇уллабхаа бхависсанд̇и д̇умхаад̣̇исаа б̣уд̣̇д̇химанд̇о, д̇зсу мз бан̃хзсу жагкум̣ д̣̇зхи бараваад̣̇аанам̣ ниг̇г̇ахааяаа’’д̇и.
‘‘Idha, bhante nāgasena, ācariyena antevāsimhi satataṃ samitaṃ ārakkhā upaṭṭhapetabbā, asevanasevanā jānitabbā, pamattāppamattā jānitabbā, seyyavakāso jānitabbo, gelaññaṃ jānitabbaṃ, bhojanassa 7 laddhāladdhaṃ jānitabbaṃ, viseso jānitabbo, pattagataṃ saṃvibhajitabbaṃ, assāsitabbo ‘mā bhāyi, attho te abhikkamatī’ti, ‘iminā puggalena paṭicaratī’ti 8 paṭicāro jānitabbo, gāme paṭicāro jānitabbo, vihāre paṭicāro jānitabbo, na tena hāso davo kātabbo 9, tena saha ālāpo kātabbo, chiddaṃ disvā adhivāsetabbaṃ, sakkaccakārinā bhavitabbaṃ, akhaṇḍakārinā bhavitabbaṃ, arahassakārinā bhavitabbaṃ, niravasesakārinā bhavitabbaṃ, ‘janemimaṃ 10 sippesū’ti janakacittaṃ upaṭṭhapetabbaṃ, ‘kathaṃ ayaṃ na parihāyeyyā’ti vaḍḍhicittaṃ upaṭṭhapetabbaṃ, ‘balavaṃ imaṃ karomi sikkhābalenā’ti cittaṃ upaṭṭhapetabbaṃ, mettacittaṃ upaṭṭhapetabbaṃ, āpadāsu na vijahitabbaṃ, karaṇīye nappamajjitabbaṃ, khalite dhammena paggahetabboti. Ime kho, bhante, pañcavīsati ācariyassa ācariyaguṇā, tehi guṇehi mayi sammā paṭipajjassu, saṃsayo me, bhante, uppanno, atthi meṇḍakapañhā jinabhāsitā , anāgate addhāne tattha viggaho uppajjissati, anāgate ca addhāne dullabhā bhavissanti tumhādisā buddhimanto, tesu me pañhesu cakkhuṃ dehi paravādānaṃ niggahāyā’’ti.
Footnotes:
