| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
ਆਚਰਿਯਗੁਣਂ
Ācariyaguṇaṃ
‘‘ਭਨ੍ਤੇ ਨਾਗਸੇਨ, ਅਯਂ ਭੂਮਿਭਾਗੋ ਅਟ੍ਠ ਮਨ੍ਤਦੋਸવਿવਜ੍ਜਿਤੋ, ਅਹਞ੍ਚ ਲੋਕੇ ਪਰਮੋ ਮਨ੍ਤਿਸਹਾਯੋ 1, ਗੁਯ੍ਹਮਨੁਰਕ੍ਖੀ ਚਾਹਂ ਯਾવਾਹਂ ਜੀવਿਸ੍ਸਾਮਿ ਤਾવ ਗੁਯ੍ਹਮਨੁਰਕ੍ਖਿਸ੍ਸਾਮਿ, ਅਟ੍ਠਹਿ ਚ ਮੇ ਕਾਰਣੇਹਿ ਬੁਦ੍ਧਿ ਪਰਿਣਾਮਂ ਗਤਾ, ਦੁਲ੍ਲਭੋ ਏਤਰਹਿ ਮਾਦਿਸੋ ਅਨ੍ਤੇવਾਸੀ, ਸਮ੍ਮਾ ਪਟਿਪਨ੍ਨੇ ਅਨ੍ਤੇવਾਸਿਕੇ ਯੇ ਆਚਰਿਯਾਨਂ ਪਞ੍ਚવੀਸਤਿ ਆਚਰਿਯਗੁਣਾ, ਤੇਹਿ ਗੁਣੇਹਿ ਆਚਰਿਯੇਨ ਸਮ੍ਮਾ ਪਟਿਪਜ੍ਜਿਤਬ੍ਬਂ। ਕਤਮੇ ਪਞ੍ਚવੀਸਤਿ ਗੁਣਾ?
‘‘Bhante nāgasena, ayaṃ bhūmibhāgo aṭṭha mantadosavivajjito, ahañca loke paramo mantisahāyo 2, guyhamanurakkhī cāhaṃ yāvāhaṃ jīvissāmi tāva guyhamanurakkhissāmi, aṭṭhahi ca me kāraṇehi buddhi pariṇāmaṃ gatā, dullabho etarahi mādiso antevāsī, sammā paṭipanne antevāsike ye ācariyānaṃ pañcavīsati ācariyaguṇā, tehi guṇehi ācariyena sammā paṭipajjitabbaṃ. Katame pañcavīsati guṇā?
‘‘ਇਧ, ਭਨ੍ਤੇ ਨਾਗਸੇਨ, ਆਚਰਿਯੇਨ ਅਨ੍ਤੇવਾਸਿਮ੍ਹਿ ਸਤਤਂ ਸਮਿਤਂ ਆਰਕ੍ਖਾ ਉਪਟ੍ਠਪੇਤਬ੍ਬਾ, ਅਸੇવਨਸੇવਨਾ ਜਾਨਿਤਬ੍ਬਾ, ਪਮਤ੍ਤਾਪ੍ਪਮਤ੍ਤਾ ਜਾਨਿਤਬ੍ਬਾ, ਸੇਯ੍ਯવਕਾਸੋ ਜਾਨਿਤਬ੍ਬੋ, ਗੇਲਞ੍ਞਂ ਜਾਨਿਤਬ੍ਬਂ, ਭੋਜਨਸ੍ਸ 3 ਲਦ੍ਧਾਲਦ੍ਧਂ ਜਾਨਿਤਬ੍ਬਂ, વਿਸੇਸੋ ਜਾਨਿਤਬ੍ਬੋ, ਪਤ੍ਤਗਤਂ ਸਂવਿਭਜਿਤਬ੍ਬਂ, ਅਸ੍ਸਾਸਿਤਬ੍ਬੋ ‘ਮਾ ਭਾਯਿ, ਅਤ੍ਥੋ ਤੇ ਅਭਿਕ੍ਕਮਤੀ’ਤਿ, ‘ਇਮਿਨਾ ਪੁਗ੍ਗਲੇਨ ਪਟਿਚਰਤੀ’ਤਿ 4 ਪਟਿਚਾਰੋ ਜਾਨਿਤਬ੍ਬੋ, ਗਾਮੇ ਪਟਿਚਾਰੋ ਜਾਨਿਤਬ੍ਬੋ, વਿਹਾਰੇ ਪਟਿਚਾਰੋ ਜਾਨਿਤਬ੍ਬੋ, ਨ ਤੇਨ ਹਾਸੋ ਦવੋ ਕਾਤਬ੍ਬੋ 5, ਤੇਨ ਸਹ ਆਲਾਪੋ ਕਾਤਬ੍ਬੋ, ਛਿਦ੍ਦਂ ਦਿਸ੍વਾ ਅਧਿવਾਸੇਤਬ੍ਬਂ, ਸਕ੍ਕਚ੍ਚਕਾਰਿਨਾ ਭવਿਤਬ੍ਬਂ, ਅਖਣ੍ਡਕਾਰਿਨਾ ਭવਿਤਬ੍ਬਂ, ਅਰਹਸ੍ਸਕਾਰਿਨਾ ਭવਿਤਬ੍ਬਂ, ਨਿਰવਸੇਸਕਾਰਿਨਾ ਭવਿਤਬ੍ਬਂ, ‘ਜਨੇਮਿਮਂ 6 ਸਿਪ੍ਪੇਸੂ’ਤਿ ਜਨਕਚਿਤ੍ਤਂ ਉਪਟ੍ਠਪੇਤਬ੍ਬਂ, ‘ਕਥਂ ਅਯਂ ਨ ਪਰਿਹਾਯੇਯ੍ਯਾ’ਤਿ વਡ੍ਢਿਚਿਤ੍ਤਂ ਉਪਟ੍ਠਪੇਤਬ੍ਬਂ, ‘ਬਲવਂ ਇਮਂ ਕਰੋਮਿ ਸਿਕ੍ਖਾਬਲੇਨਾ’ਤਿ ਚਿਤ੍ਤਂ ਉਪਟ੍ਠਪੇਤਬ੍ਬਂ, ਮੇਤ੍ਤਚਿਤ੍ਤਂ ਉਪਟ੍ਠਪੇਤਬ੍ਬਂ, ਆਪਦਾਸੁ ਨ વਿਜਹਿਤਬ੍ਬਂ, ਕਰਣੀਯੇ ਨਪ੍ਪਮਜ੍ਜਿਤਬ੍ਬਂ, ਖਲਿਤੇ ਧਮ੍ਮੇਨ ਪਗ੍ਗਹੇਤਬ੍ਬੋਤਿ। ਇਮੇ ਖੋ, ਭਨ੍ਤੇ, ਪਞ੍ਚવੀਸਤਿ ਆਚਰਿਯਸ੍ਸ ਆਚਰਿਯਗੁਣਾ, ਤੇਹਿ ਗੁਣੇਹਿ ਮਯਿ ਸਮ੍ਮਾ ਪਟਿਪਜ੍ਜਸ੍ਸੁ, ਸਂਸਯੋ ਮੇ, ਭਨ੍ਤੇ, ਉਪ੍ਪਨ੍ਨੋ, ਅਤ੍ਥਿ ਮੇਣ੍ਡਕਪਞ੍ਹਾ ਜਿਨਭਾਸਿਤਾ , ਅਨਾਗਤੇ ਅਦ੍ਧਾਨੇ ਤਤ੍ਥ વਿਗ੍ਗਹੋ ਉਪ੍ਪਜ੍ਜਿਸ੍ਸਤਿ, ਅਨਾਗਤੇ ਚ ਅਦ੍ਧਾਨੇ ਦੁਲ੍ਲਭਾ ਭવਿਸ੍ਸਨ੍ਤਿ ਤੁਮ੍ਹਾਦਿਸਾ ਬੁਦ੍ਧਿਮਨ੍ਤੋ, ਤੇਸੁ ਮੇ ਪਞ੍ਹੇਸੁ ਚਕ੍ਖੁਂ ਦੇਹਿ ਪਰવਾਦਾਨਂ ਨਿਗ੍ਗਹਾਯਾ’’ਤਿ।
‘‘Idha, bhante nāgasena, ācariyena antevāsimhi satataṃ samitaṃ ārakkhā upaṭṭhapetabbā, asevanasevanā jānitabbā, pamattāppamattā jānitabbā, seyyavakāso jānitabbo, gelaññaṃ jānitabbaṃ, bhojanassa 7 laddhāladdhaṃ jānitabbaṃ, viseso jānitabbo, pattagataṃ saṃvibhajitabbaṃ, assāsitabbo ‘mā bhāyi, attho te abhikkamatī’ti, ‘iminā puggalena paṭicaratī’ti 8 paṭicāro jānitabbo, gāme paṭicāro jānitabbo, vihāre paṭicāro jānitabbo, na tena hāso davo kātabbo 9, tena saha ālāpo kātabbo, chiddaṃ disvā adhivāsetabbaṃ, sakkaccakārinā bhavitabbaṃ, akhaṇḍakārinā bhavitabbaṃ, arahassakārinā bhavitabbaṃ, niravasesakārinā bhavitabbaṃ, ‘janemimaṃ 10 sippesū’ti janakacittaṃ upaṭṭhapetabbaṃ, ‘kathaṃ ayaṃ na parihāyeyyā’ti vaḍḍhicittaṃ upaṭṭhapetabbaṃ, ‘balavaṃ imaṃ karomi sikkhābalenā’ti cittaṃ upaṭṭhapetabbaṃ, mettacittaṃ upaṭṭhapetabbaṃ, āpadāsu na vijahitabbaṃ, karaṇīye nappamajjitabbaṃ, khalite dhammena paggahetabboti. Ime kho, bhante, pañcavīsati ācariyassa ācariyaguṇā, tehi guṇehi mayi sammā paṭipajjassu, saṃsayo me, bhante, uppanno, atthi meṇḍakapañhā jinabhāsitā , anāgate addhāne tattha viggaho uppajjissati, anāgate ca addhāne dullabhā bhavissanti tumhādisā buddhimanto, tesu me pañhesu cakkhuṃ dehi paravādānaṃ niggahāyā’’ti.
Footnotes:
