| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
11. аажарияаанаажарияабан̃хо
11. Ācariyānācariyapañho
11. ‘‘бханд̇з, нааг̇асзна, бхаасид̇амбзд̇ам̣ бхаг̇авад̇аа –
11. ‘‘Bhante, nāgasena, bhāsitampetaṃ bhagavatā –
‘‘‘на мз аажарияо ад̇т̇и, сад̣̇исо мз на виж̇ж̇ад̇и;
‘‘‘Na me ācariyo atthi, sadiso me na vijjati;
сад̣̇звагасмим̣ логасмим̣, над̇т̇и мз бадибуг̇г̇ало’д̇и 1.
Sadevakasmiṃ lokasmiṃ, natthi me paṭipuggalo’ti 2.
‘‘буна жа бхан̣ид̇ам̣ ‘ид̇и ко, бхигкавз, аал̣ааро гаалаамо аажарияо мз самаано анд̇зваасим̣ мам̣ самаанам̣ ад̇д̇анаа самасамам̣ табзси, ул̣аарааяа жа мам̣ бууж̇ааяа бууж̇зсий’д̇и. яад̣̇и, бханд̇з нааг̇асзна, д̇ат̇ааг̇ад̇зна бхан̣ид̇ам̣ ‘на мз аажарияо ад̇т̇и, сад̣̇исо мз на виж̇ж̇ад̇и. сад̣̇звагасмим̣ логасмим̣, над̇т̇и мз бадибуг̇г̇ало’д̇и, д̇зна хи ‘ид̇и ко, бхигкавз, аал̣ааро гаалаамо аажарияо мз самаано анд̇зваасим̣ мам̣ самаанам̣ ад̇д̇анаа самасамам̣ табзсий’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘ид̇и ко, бхигкавз, аал̣ааро гаалаамо аажарияо мз самаано анд̇зваасим̣ мам̣ самаанам̣ ад̇д̇анаа самасамам̣ табзсий’д̇и, д̇зна хи ‘на мз аажарияо ад̇т̇и, сад̣̇исо мз на виж̇ж̇ад̇и. сад̣̇звагасмим̣ логасмим̣, над̇т̇и мз бадибуг̇г̇ало’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Puna ca bhaṇitaṃ ‘iti kho, bhikkhave, āḷāro kālāmo ācariyo me samāno antevāsiṃ maṃ samānaṃ attanā samasamaṃ ṭhapesi, uḷārāya ca maṃ pūjāya pūjesī’ti. Yadi, bhante nāgasena, tathāgatena bhaṇitaṃ ‘na me ācariyo atthi, sadiso me na vijjati. Sadevakasmiṃ lokasmiṃ, natthi me paṭipuggalo’ti, tena hi ‘iti kho, bhikkhave, āḷāro kālāmo ācariyo me samāno antevāsiṃ maṃ samānaṃ attanā samasamaṃ ṭhapesī’ti yaṃ vacanaṃ, taṃ micchā. Yadi tathāgatena bhaṇitaṃ ‘iti kho, bhikkhave, āḷāro kālāmo ācariyo me samāno antevāsiṃ maṃ samānaṃ attanā samasamaṃ ṭhapesī’ti, tena hi ‘na me ācariyo atthi, sadiso me na vijjati. Sadevakasmiṃ lokasmiṃ, natthi me paṭipuggalo’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣ , махаарааж̇а, д̇ат̇ааг̇ад̇зна ‘на мз аажарияо ад̇т̇и, сад̣̇исо мз на виж̇ж̇ад̇и. сад̣̇звагасмим̣ логасмим̣, над̇т̇и мз бадибуг̇г̇ало’д̇и, бхан̣ид̇ан̃жа ‘ид̇и ко, бхигкавз, аал̣ааро гаалаамо аажарияо мз самаано анд̇зваасим̣ мам̣ самаанам̣ ад̇д̇анаа самасамам̣ табзси, ул̣аарааяа жа мам̣ бууж̇ааяа бууж̇зсий’д̇и.
‘‘Bhāsitampetaṃ , mahārāja, tathāgatena ‘na me ācariyo atthi, sadiso me na vijjati. Sadevakasmiṃ lokasmiṃ, natthi me paṭipuggalo’ti, bhaṇitañca ‘iti kho, bhikkhave, āḷāro kālāmo ācariyo me samāno antevāsiṃ maṃ samānaṃ attanā samasamaṃ ṭhapesi, uḷārāya ca maṃ pūjāya pūjesī’ti.
‘‘д̇ан̃жа бана важанам̣ буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аажарияабхаавам̣ санд̇хааяа бхаасид̇ам̣.
‘‘Tañca pana vacanaṃ pubbeva sambodhā anabhisambuddhassa bodhisattasseva sato ācariyabhāvaṃ sandhāya bhāsitaṃ.
‘бан̃жимз, махаарааж̇а, буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇асса сад̇о аажарияаа, язхи анусидто б̣од̇хисад̇д̇о д̇ад̇т̇а д̇ад̇т̇а д̣̇ивасам̣ вийд̇инаамзси. гад̇амз бан̃жа? яз д̇з, махаарааж̇а, адта б̣раахман̣аа ж̇аад̇амад̇д̇з б̣од̇хисад̇д̇з лагкан̣аани бариг̇г̇ан̣хим̣су, сзяяат̇ийд̣̇ам̣, раамо д̇хаж̇о лагкан̣о манд̇ий яан̃н̃о суяаамо субхож̇о суд̣̇ад̇д̇од̇и. д̇з д̇асса сод̇т̇им̣ бавзд̣̇аяид̇ваа рагкаагаммам̣ агам̣су, д̇з жа батамам̣ аажарияаа.
‘Pañcime, mahārāja, pubbeva sambodhā anabhisambuddhassa bodhisattassa sato ācariyā, yehi anusiṭṭho bodhisatto tattha tattha divasaṃ vītināmesi. Katame pañca? Ye te, mahārāja, aṭṭha brāhmaṇā jātamatte bodhisatte lakkhaṇāni pariggaṇhiṃsu, seyyathīdaṃ, rāmo dhajo lakkhaṇo mantī yañño suyāmo subhojo sudattoti. Te tassa sotthiṃ pavedayitvā rakkhākammaṃ akaṃsu, te ca paṭhamaṃ ācariyā.
‘‘буна жабарам̣, махаарааж̇а, б̣од̇хисад̇д̇асса бид̇аа суд̣̇д̇ход̣̇ано рааж̇аа яам̣ д̇зна самаязна абхиж̇аад̇ам̣ уд̣̇ижжаж̇аад̇иманд̇ам̣ бад̣̇агам̣ взяяаагаран̣ам̣ чал̣ан̇г̇аванд̇ам̣ саб̣б̣амид̇д̇ам̣ наама б̣раахман̣ам̣ убанзд̇ваа сован̣н̣зна бхин̇г̇аарзна 3 уд̣̇агам̣ он̣ож̇зд̇ваа ‘имам̣ гумаарам̣ сигкаабзхий’д̇и ад̣̇ааси, аяам̣ д̣̇уд̇ияо аажарияо.
‘‘Puna caparaṃ, mahārāja, bodhisattassa pitā suddhodano rājā yaṃ tena samayena abhijātaṃ udiccajātimantaṃ padakaṃ veyyākaraṇaṃ chaḷaṅgavantaṃ sabbamittaṃ nāma brāhmaṇaṃ upanetvā sovaṇṇena bhiṅgārena 4 udakaṃ oṇojetvā ‘imaṃ kumāraṃ sikkhāpehī’ti adāsi, ayaṃ dutiyo ācariyo.
‘‘буна жабарам̣, махаарааж̇а, яаа саа д̣̇звад̇аа б̣од̇хисад̇д̇ам̣ сам̣взж̇зсий, яассаа важанам̣ суд̇ваа б̣од̇хисад̇д̇о сам̣виг̇г̇о уб̣б̣иг̇г̇о д̇асмим̣ язва кан̣з нзгкаммам̣ нигкамид̇ваа баб̣б̣аж̇и, аяам̣ д̇ад̇ияо аажарияо.
‘‘Puna caparaṃ, mahārāja, yā sā devatā bodhisattaṃ saṃvejesī, yassā vacanaṃ sutvā bodhisatto saṃviggo ubbiggo tasmiṃ yeva khaṇe nekkhammaṃ nikkhamitvā pabbaji, ayaṃ tatiyo ācariyo.
‘‘буна жабарам̣, махаарааж̇а, аал̣ааро гаалаамо аагин̃жан̃н̃ааяад̇анасса баригаммам̣ аажигки, аяам̣ жад̇уд̇т̇о аажарияо.
‘‘Puna caparaṃ, mahārāja, āḷāro kālāmo ākiñcaññāyatanassa parikammaṃ ācikkhi, ayaṃ catuttho ācariyo.
‘‘буна жабарам̣, махаарааж̇а, уд̣̇аго раамабуд̇д̇о нзвасан̃н̃аанаасан̃н̃ааяад̇анасса баригаммам̣ аажигки 5, аяам̣ бан̃жамо аажарияо. имз ко, махаарааж̇а, буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇асса сад̇о бан̃жа аажарияаа. д̇з жа бана аажарияаа логияз д̇хаммз. имасмин̃жа бана, махаарааж̇а, логуд̇д̇арз д̇хаммз саб̣б̣ан̃н̃уд̇ан̃аан̣аббадивзд̇хааяа над̇т̇и д̇ат̇ааг̇ад̇асса ануд̇д̇аро анусаасаго, саяамбхуу , махаарааж̇а, д̇ат̇ааг̇ад̇о анаажарияаго, д̇асмаа гааран̣аа д̇ат̇ааг̇ад̇зна бхан̣ид̇ам̣ ‘на мз аажарияо ад̇т̇и, сад̣̇исо мз на виж̇ж̇ад̇и. сад̣̇звагасмим̣ логасмим̣, над̇т̇и мз бадибуг̇г̇ало’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Puna caparaṃ, mahārāja, udako rāmaputto nevasaññānāsaññāyatanassa parikammaṃ ācikkhi 6, ayaṃ pañcamo ācariyo. Ime kho, mahārāja, pubbeva sambodhā anabhisambuddhassa bodhisattassa sato pañca ācariyā. Te ca pana ācariyā lokiye dhamme. Imasmiñca pana, mahārāja, lokuttare dhamme sabbaññutañāṇappaṭivedhāya natthi tathāgatassa anuttaro anusāsako, sayambhū , mahārāja, tathāgato anācariyako, tasmā kāraṇā tathāgatena bhaṇitaṃ ‘na me ācariyo atthi, sadiso me na vijjati. Sadevakasmiṃ lokasmiṃ, natthi me paṭipuggalo’ti. ‘‘Sādhu, bhante nāgasena, evametaṃ tathā sampaṭicchāmī’’ti.
аажарияаанаажарияабан̃хо згаад̣̇асамо.
Ācariyānācariyapañho ekādasamo.
сант̇ававаг̇г̇о бан̃жамо.
Santhavavaggo pañcamo.
имасмим̣ ваг̇г̇з згаад̣̇аса бан̃хо.
Imasmiṃ vagge ekādasa pañho.
мзн̣д̣агабан̃хо нидтид̇о.
Meṇḍakapañho niṭṭhito.
Footnotes:
