аажарияабарамбарагат̇ааван̣н̣анаа

‘‘гзнаабхад̇а’’нд̇и имам̣ бан̃хам̣ висаж̇ж̇знд̇зна ж̇амб̣уд̣̇ийбз д̇аава аажарияабарамбараа яаава д̇ад̇ияасан̇г̇ийд̇и, д̇аава д̣̇ассзд̇ваа ид̣̇аани сийхал̣ад̣̇ийбз аажарияабарамбарам̣ д̣̇ассзд̇ум̣ ‘‘д̇ад̇ияасан̇г̇ахад̇о бана уд̣̇д̇ха’’нд̇иаад̣̇и аарад̣̇д̇хам̣. имам̣ д̣̇ийбанд̇и имам̣ д̇амб̣абан̣н̣ид̣̇ийбам̣. ган̃жи гааланд̇и гисмин̃жи гаалз. бораан̣аад̇и адтагат̇аажарияаа. бхад̣̇д̣̇анаамод̇и бхад̣̇д̣̇асаалад̇т̇зро. наамасса згад̣̇зсзнаби хи вохааро д̣̇иссад̇и ‘‘д̣̇звад̣̇ад̇д̇о д̣̇ад̇д̇о’’д̇и яат̇аа. ааг̇ум̣ на гаронд̇ийд̇и нааг̇аа. винаяабидагам̣ ваажаяим̣сууд̇и самб̣анд̇хо. д̇амб̣абан̣н̣ияаад̇и бхуммаважанам̣. нигааяз бан̃жа ваажзсунд̇и винаяаабхид̇хаммаваж̇ж̇з д̣̇ийгханигааяаад̣̇игз бан̃жа нигааяз жа ваажзсум̣. сад̇д̇а жзва багаран̣зд̇и д̇хаммасан̇г̇ан̣ийвибхан̇г̇аад̣̇игз сад̇д̇а абхид̇хаммаббагаран̣з жа ваажзсунд̇и ад̇т̇о. асани вияа силужжаяз гилзсз мзд̇хад̇и хим̣сад̇ийд̇и мзд̇хаа, киббам̣ г̇ахан̣ад̇хааран̣адтзна ваа мзд̇хаа, бан̃н̃аа, саа зд̇асса ад̇т̇ийд̇и мзд̇хаавий. д̇ибздагод̇и д̇ийн̣и бидагаани зд̇асса ад̇т̇ийд̇и д̇ибздаго, д̇збидагод̇и вуд̇д̇ам̣ ход̇и, д̇ибидагабарияад̇д̇ид̇харод̇и ад̇т̇о. д̇аарагаанам̣ рааж̇аад̇и д̇аарагарааж̇аа, жанд̣̇имаа. ад̇ирожат̇аад̇и ад̇ивияа вирожид̇т̇а. бубпанаамод̇и махаабад̣̇умад̇т̇зро. сад̣̇д̇хаммавам̣саговид̣̇од̇и сад̣̇д̇хаммад̇анд̇ияаа говид̣̇о. бубпанаамод̇и суманад̇т̇зро. ж̇амб̣уд̣̇ийбз бад̇идтид̇од̇и суманад̇т̇зро гира згасмим̣ самаяз сийхал̣ад̣̇ийбамхи саасанз осаггамаанз ж̇амб̣уд̣̇ийбам̣ г̇анд̇ваа уг̇г̇ан̣хид̇ваа саасанам̣ анурагканд̇о д̇ад̇т̇зва бад̇идтааси. маг̇г̇аговид̣̇аад̇и саг̇г̇амаг̇г̇амогкамаг̇г̇зсу говид̣̇аа.

бхаарам̣ гад̇ваад̇и д̇зсам̣ д̇зсам̣ бхигкуунам̣ саасанам̣ бхаарам̣ гад̇ваа, бадиб̣ад̣̇д̇хам̣ гад̇ваад̇и ад̇т̇о. ‘‘д̇з д̇з бхигкуу д̇ад̇т̇а д̇ад̇т̇а бзсзсий’’д̇и сан̇кзбад̇о вуд̇д̇амзвад̇т̇ам̣ вид̇т̇аарзд̇ваа д̣̇ассзнд̇о ааха ‘‘маж̇жханд̇игад̇т̇зрам̣ гасмийраг̇анд̇хаарарадтам̣ бзсзсий’’д̇иаад̣̇и. махим̣сагаман̣д̣аланд̇и анд̇хагарадтам̣ вад̣̇анд̇и. ванаваасинд̇и ванаваасирадтам̣. ад̇д̇аа бан̃жамо зд̇зсанд̇и ад̇д̇абан̃жамаа, д̇ам̣ д̇ам̣ д̣̇исаабхааг̇ам̣ бан̃жа бан̃жзва бхигкуу аг̇амам̣сууд̇и вуд̇д̇ам̣ ход̇и.

ид̣̇аани д̇ад̇т̇а д̇ад̇т̇а г̇ад̇аанам̣ т̇зраанам̣ гижжаанубхаавам̣ д̣̇ассзд̇угаамо маж̇жханд̇игад̇т̇зрасса г̇ад̇адтаанз гижжам̣ д̇аава д̣̇ассзнд̇о ‘‘д̇зна ко бана самаязна гасмийраг̇анд̇хаарарадтз’’д̇иаад̣̇имааха. гарагавассанд̇и химабаад̇анагавассам̣. хараабзд̇ваад̇и уд̣̇агогхзна хараабзд̇ваа. араваал̣ад̣̇ахабидтияанд̇и араваал̣ад̣̇ахасса уд̣̇агабидтияам̣. чиннабхиннабадад̇харод̇и сад̇т̇агзна чиннам̣ ран̇г̇зна бхиннам̣ ван̣н̣авигаарамаабаннам̣ бадам̣ д̇хаарзд̇ийд̇и чиннабхиннабадад̇харо. ат̇а ваа сад̇т̇агзна чиннаанам̣ г̇ихивад̇т̇ависабхааг̇аанам̣ гаасааваанам̣ д̇хааран̣ад̇о чиннабхиннабадад̇харо. бхан̣д̣ууд̇и мун̣д̣аго. гаасаававасанод̇и гаасаававад̇т̇анивад̇т̇о. магкам̣ асахамаанод̇и т̇зрам̣ бадижжа ад̇д̇ано санд̇аанз уббаннам̣ барзсам̣ г̇ун̣амагканалагкан̣ам̣ магкам̣ асахамаано санд̇хаарзд̇ум̣ ад̇хисахид̇ум̣ вуубасамзд̇ум̣ асаггонд̇о. бхим̣санагаанийд̇и бхзраваарамман̣аани. д̇аани д̣̇ассзд̇ум̣ ‘‘д̇ад̇о д̇ад̇о бхусаа ваад̇аа вааяанд̇ий’’д̇иаад̣̇имааха. бхусаа ваад̇аад̇и ругкабхзд̣̇анабаб̣б̣ад̇агууданибаад̇анасамад̇т̇аа б̣алававаад̇аа. асанияо паланд̇ийд̇и асанияо бхиж̇ж̇анд̇и, бад̇анд̇ийд̇и вуд̇д̇ам̣ ход̇и. бахаран̣авудтияод̇и анзгаббагаараа аавуд̇хавудтияо. нид̣̇д̇хамат̇аад̇и г̇ахзд̇ваа абанзт̇а. бхим̣санаганд̇и нааг̇арааж̇асса гааяигаваажасигабаяог̇аж̇анид̇абхаяанимид̇д̇ам̣ виббагаарам̣.

мз бхаяабхзравам̣ ж̇анзд̇ум̣ бадиб̣ало на асса на бхавзяяаад̇и самб̣анд̇хо. д̇ад̇т̇а бхаяабхзравам̣ наама куд̣̇д̣̇аанукуд̣̇д̣̇агам̣ бхаяам̣. ат̇а ваа бхаяанд̇и жид̇д̇уд̇раасабхаяам̣, бадигхабхаяассзд̇ам̣ ад̇хиважанам̣. бхзраванд̇и бхаяаж̇анагамаарамман̣ам̣. сажзби д̇вам̣ махим̣ саб̣б̣анд̇и сажзби д̇вам̣ махаанааг̇а саб̣б̣ам̣ махим̣ самуд̣̇д̣̇зна саха сасамуд̣̇д̣̇ам̣ баб̣б̣ад̇зна саха сабаб̣б̣ад̇ам̣ угкибид̇ваа мамуубари маяхам̣ сийсобари кибзяяаасийд̇и ад̇т̇о. мз бхаяабхзравам̣ ж̇анзд̇ум̣ нзва саггун̣зяяаасийд̇и самб̣анд̇хо. ан̃н̃ад̣̇ад̇т̇ууд̇и згам̣сзна. д̇авзвасса вигхаад̇о ураг̇аад̇хибаад̇и ураг̇аанам̣ нааг̇аанам̣ ад̇хибад̇и рааж̇а д̇ава зва вигхаад̇о д̣̇угкам̣ вихим̣саа асса бхавзяяаад̇и ад̇т̇о.

д̇хаммияаа гат̇ааяа санд̣̇ассзд̇ваад̇иаад̣̇ийсу д̇ан̇кан̣аануруубааяа д̇хаммад̣̇зсанааяа д̣̇идтад̇хаммасамбарааяигам̣ ад̇т̇ам̣ санд̣̇ассзд̇ваа гусалз д̇хаммз самаад̣̇абзд̇ваа г̇ан̣хаабзд̇ваа д̇ад̇т̇а жа нам̣ самуд̇д̇зж̇зд̇ваа сауссаахам̣ гад̇ваа д̇ааяа жа сауссаахад̇ааяа ан̃н̃зхи жа виж̇ж̇амаанаг̇ун̣зхи самбахам̣сзд̇ваа д̇осзд̇ваад̇и ад̇т̇о. т̇зрзна гад̇ам̣ нааг̇аанусаасанам̣ д̣̇ассзнд̇о ‘‘ат̇ааяасмаа’’д̇иаад̣̇имааха. д̇ад̇т̇а ид̇о уд̣̇д̇хам̣ яат̇аа бурзд̇и яат̇аа д̇умхз ид̇о бурз сад̣̇д̇хаммасавануббад̇д̇ивирахид̇агаалз барасса год̇хам̣ уббаад̣̇аяид̇т̇а, ид̣̇аани ид̇о бадтааяа уд̣̇д̇хам̣ анааг̇ад̇з год̇хан̃жа маа ж̇анаяид̇т̇а, виж̇аад̇амаад̇уяааби буд̇д̇з синзхажчзд̣̇анам̣ саб̣б̣авинаасамуулагам̣ сассагхаад̇аган̃жа маа гарид̇т̇аад̇и ад̇т̇о. сукагаамаа хи баан̣инод̇и зд̇т̇а хи-сад̣̇д̣̇о гааран̣обад̣̇зсз, яасмаа саб̣б̣з сад̇д̇аа сукагаамаа, д̇асмаа хид̇асукаубажчзд̣̇агарам̣ сассагхаад̇ан̃жа маа гарот̇аад̇и вуд̇д̇ам̣ ход̇и.

яат̇аанусидтанд̇и яам̣ яам̣ анусидтам̣ яат̇аанусидтам̣, анусидтам̣ анад̇иггамма ваа яат̇аанусидтам̣, т̇зрзна д̣̇инноваад̣̇ам̣ анад̇иггаммаад̇и вуд̇д̇ам̣ ход̇и. д̇хаммаабхисамаяо ахосийд̇и батамамаг̇г̇апалаад̇хиг̇амо ахосийд̇и вад̣̇анд̇и. гуласад̇асахассанд̇и иминаа бурисаанам̣ сад̇асахассам̣ д̣̇ассзд̇и. гасмийраг̇анд̇хаараад̇и гасмийраг̇анд̇хаарарадтаваасино. гаасаавабаж̇ж̇од̇аад̇и бхигкуунам̣ нивад̇т̇абааруд̇агаасаававад̇т̇зхи обхаасид̇аа. исиваад̇абадиваад̇аад̇и бхигкуунам̣ ниваасанабаарубанаваад̇зна жзва хад̇т̇абаад̣̇аанам̣ самин̃ж̇анабасааран̣аад̣̇иваад̇зна жа саманд̇ад̇о б̣ийж̇ияамаанаа ахзсум̣. д̣̇удтанд̇и губид̇ам̣. б̣анд̇ханаад̇и сам̣саараб̣анд̇ханад̇о.

д̇хаммажагкунд̇и хздтаамаг̇г̇ад̇д̇аяз н̃аан̣ам̣. гзжи банзд̇т̇а ‘‘батамамаг̇г̇ан̃аан̣амзва д̇з бадилабхим̣суу’’д̇и вад̣̇анд̇и. жод̣̇зд̇ваа д̣̇звад̣̇ууд̇зхийд̇и (ма. ни. адта. 3.263 аад̣̇аяо) д̣̇звад̣̇ууд̇асуд̇д̇анд̇ад̣̇зсанаавасзна (ма. ни. 3.261 аад̣̇аяо) д̣̇ахарагумааро ж̇арааж̇ин̣н̣асад̇д̇о г̇илаанасад̇д̇о гаммагааран̣аа гаммагааран̣игаа ваа мад̇асад̇д̇од̇и имзхи бан̃жахи д̣̇звад̣̇ууд̇зхи жод̣̇зд̇ваа овад̣̇ид̇ваа, сам̣взг̇ам̣ уббаад̣̇зд̇ваад̇и ад̇т̇о. д̣̇ахарагумаараад̣̇аяо хи д̇ад̇т̇а ‘‘д̣̇звад̣̇ууд̇аа’’д̇и вужжанд̇и. д̇ат̇аа хи д̣̇ахарагумааро ад̇т̇ад̇о звам̣ вад̣̇ад̇и наама ‘‘бассат̇а бхо маяхамби д̇умхаагам̣ вияа хад̇т̇абаад̣̇аа ад̇т̇и, сагз банамхи муд̇д̇агарийсз балибанно, ад̇д̇ано д̇хаммад̇ааяа удтахид̇ваа нахааяид̇ум̣ на саггоми, ‘ахам̣ гилидто, нахаабзт̇а ма’нд̇и вад̇д̇умби на саггоми, ж̇аад̇ид̇омхи абаримуд̇д̇ад̇ааяа зд̣̇исо ж̇аад̇о, на ко банаахамзва, д̇умхзби ж̇аад̇ид̇о абаримуд̇д̇аава. яат̇зва хи маяхам̣, звам̣ д̇умхаагамби ж̇аад̇и ааг̇амиссад̇и, ид̇и д̇ассаа бурз ааг̇аманаава галяаан̣ам̣ гарот̇аа’’д̇и. д̇знзса д̣̇звад̣̇ууд̇о наама ж̇аад̇о.

ж̇арааж̇ин̣н̣асад̇д̇оби ад̇т̇ад̇о звам̣ вад̣̇ад̇и наама ‘‘бассат̇а бхо ахамби д̇умхз вияа д̇арун̣о ахосим̣ ууруб̣алаб̣аахуб̣алаж̇авасамбанно, д̇асса мз д̇аа б̣алаж̇авасамбад̇д̇ияо анд̇арахид̇аа, хад̇т̇абаад̣̇аа хад̇т̇абаад̣̇агижжан̃жа на гаронд̇и, ж̇арааяамхи абаримуд̇д̇ад̇ааяа зд̣̇исо ж̇аад̇о, на ко банаахамзва, д̇умхзби ж̇арааяа абаримуд̇д̇аава. яат̇зва хи маяхам̣, звам̣ д̇умхаагамби ж̇араа ааг̇амиссад̇и, ид̇и д̇ассаа бурз ааг̇аманаава галяаан̣ам̣ гарот̇аа’’д̇и. д̇знзса д̣̇звад̣̇ууд̇о наама ж̇аад̇о.

г̇илаанасад̇д̇оби ад̇т̇ад̇о звам̣ вад̣̇ад̇и наама ‘‘бассат̇а бхо ахамби д̇умхз вияа нирог̇о ахосим̣, сомхи зд̇арахи б̣яаад̇хинаа абхихад̇о сагз муд̇д̇агарийсз балибанно, удтаад̇умби на саггоми, виж̇ж̇амаанааби мз хад̇т̇абаад̣̇аа хад̇т̇абаад̣̇агижжам̣ на гаронд̇и, б̣яаад̇хид̇омхи абаримуд̇д̇ад̇ааяа зд̣̇исо ж̇аад̇о, на ко банаахамзва, д̇умхзби б̣яаад̇хид̇о абаримуд̇д̇аава. яат̇зва хи маяхам̣, звам̣ д̇умхаагамби б̣яаад̇хи ааг̇амиссад̇и, ид̇и д̇асса бурз ааг̇аманаава галяаан̣ам̣ гарот̇аа’’д̇и. д̇знзса д̣̇звад̣̇ууд̇о наама ж̇аад̇о.

гаммагааран̣аа гаммагааран̣игаа ваа жад̇уд̇т̇о д̣̇звад̣̇ууд̇од̇и взд̣̇ид̇аб̣б̣аа. д̇ад̇т̇а гаммагааран̣абагкз д̣̇вад̇д̇им̣са д̇аава гаммагааран̣аа ад̇т̇ад̇о звам̣ вад̣̇анд̇и наама ‘‘маяам̣ ниб̣б̣ад̇д̇амаанаа на ругкз ваа баасаан̣з ваа ниб̣б̣ад̇д̇аама, д̇умхаад̣̇исаанам̣ сарийрз ниб̣б̣ад̇д̇аама, ид̇и амхаагам̣ бурз ниб̣б̣ад̇д̇ид̇ова галяаан̣ам̣ гарот̇аа’’д̇и. д̇знзд̇аа д̣̇звад̣̇ууд̇аа наама ж̇аад̇аа. гаммагааран̣игааби ад̇т̇ад̇о звам̣ вад̣̇анд̇и наама ‘‘маяам̣ д̣̇вад̇д̇им̣са гаммагааран̣аа гаронд̇аа на ругкаад̣̇ийсу гарома, д̇умхаад̣̇исзсу сад̇д̇зсуязва гарома, ид̇и амхаагам̣ д̇умхзсу бурз гаммагааран̣аагааран̣ад̇ова галяаан̣ам̣ гарот̇аа’’д̇и. д̇знзд̇зби д̣̇звад̣̇ууд̇аа наама ж̇аад̇аа.

мад̇агасад̇д̇оби ад̇т̇ад̇о звам̣ вад̣̇ад̇и наама ‘‘бассат̇а бхо мам̣ аамагасусаанз чад̣д̣ид̇ам̣ уд̣̇д̇хумаад̇агаад̣̇ибхаавам̣ бад̇д̇ам̣, маран̣ад̇омхи абаримуд̇д̇ад̇ааяа зд̣̇исо ж̇аад̇о, на ко банаахамзва, д̇умхзби маран̣ад̇о абаримуд̇д̇аава. яат̇зва хи маяхам̣, звам̣ д̇умхаагамби маран̣ам̣ ааг̇амиссад̇и, ид̇и д̇асса бурз ааг̇аманаава галяаан̣ам̣ гарот̇аа’’д̇и. д̇знзса д̣̇звад̣̇ууд̇о наама ж̇аад̇о. д̇асмаа д̣̇ахарагумаараад̣̇аяо зд̇т̇а ‘‘д̣̇звад̣̇ууд̇аа’’д̇и взд̣̇ид̇аб̣б̣аа.

анамад̇аг̇г̇ияанд̇и анамад̇аг̇г̇асам̣яуд̇д̇ам̣ (сам̣. ни. 2.124). д̇хаммаамад̇ам̣ бааязсийд̇и логуд̇д̇арад̇хаммаамад̇ам̣ баанам̣ бадилаабхагаран̣авасзна бааязсийд̇и ад̇т̇о. самад̇хигаанийд̇и сахаад̇хигаани. сахад̇т̇о хзд̇т̇а сам̣сад̣̇д̣̇о. исийд̇и сийлагканд̇хаад̣̇аяо д̇хаммагканд̇хз зси г̇авзси бариязсийд̇и исийд̇и вужжад̇и. бан̃жа радтаанийд̇и бан̃жавид̇хажийнарадтаани. химаванд̇ам̣ г̇анд̇ваа д̇хаммажаггаббавад̇д̇анам̣ багаасзнд̇о яагкасзнам̣ басаад̣̇аяийд̇и яож̇зд̇аб̣б̣ам̣.

д̇зна жа самаязнаад̇и д̇асмим̣ самаяз д̇зсам̣ г̇аманад̇о буб̣б̣абхааг̇агаалз. лад̣̇д̇хам̣ бхависсад̇ийд̇и взссаван̣асанд̇игаа лад̣̇д̇хам̣ бхависсад̇и. взг̇асаад̇и взг̇зна. саманд̇ад̇о аарагкам̣ табзсийд̇и ‘‘ид̇о бадтааяа маа бависанд̇уу’’д̇и ад̇хидтаанавасзна саманд̇аа аарагкам̣ табзси. ад̣дхуд̣дхаани сахассаанийд̇и ад̣дхзна жад̇уд̇т̇аани ад̣дхуд̣дхаани, ад̇ирзгабан̃жасад̇аани д̇ийн̣и сахассаанийд̇и вуд̇д̇ам̣ ход̇и. д̣̇ияад̣дхасахассанд̇и ад̣дхзна д̣̇уд̇ияам̣ д̣̇ияад̣дхам̣, ад̇ирзгабан̃жасад̇ам̣ згам̣ сахассанд̇и ад̇т̇о. сон̣уд̇д̇араад̇и сон̣о жа уд̇д̇аро жа сон̣уд̇д̇араа. нид̣̇д̇хамзд̇ваанаад̇и балаабзд̇ваана. ад̣̇зсисунд̇и ад̣̇зсаяум̣.

аж̇жхидтод̇и аан̣ад̇д̇о. буна д̣̇аанийд̇и зд̇т̇а д̣̇аанийд̇и нибаад̇амад̇д̇ам̣, буна ааг̇ажчзяяаама ваа на ваад̇и ад̇т̇о. рааж̇аг̇аханаг̇арабаривад̇д̇агзнаад̇и рааж̇аг̇аханаг̇арам̣ бариваж̇ж̇зд̇ваа д̇ад̇о б̣ахи д̇ам̣ бад̣̇агкин̣ам̣ гад̇ваа г̇ад̇амаг̇г̇зна г̇аманзна ваа. ид̣̇аани т̇зрамаад̇уяаа вздисанаг̇арз ниваасагааран̣ам̣ д̣̇ассзд̇ум̣ д̇асса наг̇арасса д̇ассаа ж̇аад̇ибхуумибхаавам̣ т̇зрасса жа адтуббад̇д̇им̣ д̣̇ассзнд̇о ‘‘асого гира гумаарагаалз’’д̇иаад̣̇имааха.

аяам̣ банзд̇т̇а анубуб̣б̣игат̇аа – буб̣б̣з гира морияавам̣сз ж̇аад̇асса жанд̣̇аг̇уд̇д̇асса наама ран̃н̃о буд̇д̇о б̣инд̣̇усааро наама гумааро бид̇у ажжаязна баадалибуд̇д̇амхи наг̇арз рааж̇аа ахоси. д̇асса д̣̇вз буд̇д̇аа сауд̣̇арияаа ахзсум̣, д̇зсам̣ згуунасад̇амад̇д̇аа взмаад̇игабхаад̇аро ахзсум̣. рааж̇аа бана д̇зсам̣ саб̣б̣аж̇здтагасса асогагумаарасса убараж̇ж̇адтаанан̃жа аванд̇ирадтан̃жа д̣̇ад̇ваа ат̇згад̣̇ивасам̣ ад̇д̇ано убадтаанам̣ ааг̇ад̇ам̣ д̣̇исваа ‘‘д̇аад̇а, убарааж̇а, д̇ава радтам̣ г̇анд̇ваа д̇ад̇т̇а уж̇ж̇знийнаг̇арз васаахий’’д̇и аан̣аабзси. со бид̇у важанзна д̇ам̣ уж̇ж̇зним̣ г̇ажчанд̇о анд̇араамаг̇г̇з вздисаг̇иринаг̇арз вздисанаамагасса сздтисса гхарз ниваасам̣ убаг̇анд̇ваа д̇асса сздтисса д̇хийд̇арам̣ лагкан̣асамбаннам̣ яоб̣б̣анаббад̇д̇ам̣ вздисаг̇ирим̣ наама гумаарим̣ д̣̇исваа д̇ааяа бадиб̣ад̣̇д̇хажид̇д̇о маад̇аабид̇уунам̣ гат̇аабзд̇ваа д̇ам̣ д̇зхи д̣̇иннам̣ бадилабхид̇ваа д̇ааяа сад̣̇д̇хим̣ сам̣ваасам̣ габбзси. саа д̇зна сам̣ваасзна сан̃ж̇аад̇аг̇аб̣бхаа худ̇ваа д̇ад̇о уж̇ж̇зним̣ нийд̇аа махинд̣̇агумаарам̣ ж̇анаяи. д̇ад̇о вассад̣̇ваяз ад̇игганд̇з сан̇гхамид̇д̇ан̃жа д̇хийд̇арам̣ убалабхид̇ваа убарааж̇зна сад̣̇д̇хим̣ д̇ад̇т̇а васад̇и. убарааж̇асса бана бид̇аа б̣инд̣̇усааро маран̣аман̃жз нибанно буд̇д̇ам̣ асогагумаарам̣ сарид̇ваа д̇ам̣ баггосаабзд̇ум̣ уж̇ж̇зним̣ мануссз бзсзси. д̇з д̇ад̇о уж̇ж̇зним̣ г̇анд̇ваа асогасса д̇ам̣ бавад̇д̇им̣ аарожзсум̣. д̇зсам̣ важанзна со бид̇у санд̇игам̣ д̇урид̇аг̇аманзнааг̇ажчанд̇о анд̇араамаг̇г̇з вздисаг̇иринаг̇арамхи буд̇д̇ад̣̇аарз табзд̇ваа бид̇у санд̇агам̣ баадалибуд̇д̇анаг̇арам̣ г̇анд̇ваа г̇ад̇асамананд̇арамзва гаалагад̇асса бид̇уно сарийрагижжам̣ гаараабзд̇ваа д̇ад̇о згуунасад̇амад̇д̇з взмаад̇игабхаад̇аро жа гхаад̇аабзд̇ваа вихад̇аган̣даго худ̇ваа д̇ад̇т̇а чад̇д̇ам̣ уссаабзд̇ваа абхисзгам̣ г̇ан̣хи. д̇ад̣̇ааби т̇зрамаад̇аа д̣̇аарагз ран̃н̃о санд̇игам̣ бзсзд̇ваа саяам̣ д̇ад̇т̇зва вздисаг̇иринаг̇арз васи. д̇зна вуд̇д̇ам̣ ‘‘саа д̇асса маад̇аа д̇зна самаязна н̃аад̇игхарз васий’’д̇и.

ааробзсийд̇и бадибаад̣̇зси. амхаагам̣ ид̇ха гад̇д̇аб̣б̣агижжам̣ нидтид̇анд̇и маад̇у д̣̇ассанасса гад̇абхаавам̣ санд̇хааяааха. анубхавад̇у д̇аава мз бид̇араа бзсид̇ам̣ абхисзганд̇иаад̣̇ийсу абхисзгабзсанаад̣̇игат̇аа вид̇т̇аарзна уд̇д̇арад̇о аави бхависсад̇и. чан̣ад̇т̇анд̇и чан̣анимид̇д̇ам̣, чан̣ахзд̇ууд̇и ад̇т̇о, саяам̣ чан̣агийл̣ам̣ агаад̇угаамод̇и вуд̇д̇ам̣ ход̇и. д̇ад̣̇аа гира д̣̇зваанам̣бияад̇иссо ж̇здтамууламаасабун̣н̣амияам̣ нагкад̇д̇ам̣ гхосаабзд̇ваа ‘‘салилагийл̣аачан̣ам̣ гарот̇аа’’д̇и амажжз аан̣аабзд̇ваа саяам̣ миг̇авам̣ гийл̣ид̇угаамо миссагабаб̣б̣ад̇ам̣ аг̇амааси. миссагабаб̣б̣ад̇анд̇и бам̣субаасаан̣амиссагад̇д̇аа звам̣лад̣̇д̇ханаамам̣ баб̣б̣ад̇ам̣. д̣̇идтасажжод̇и анааг̇аамимаг̇г̇зна бадивид̣̇д̇хасажжо, анааг̇аамипалам̣ бад̇д̇од̇и вуд̇д̇ам̣ ход̇и. со гира т̇зрзна ад̇д̇ано маад̇уд̣̇звияаа д̣̇зсид̇ам̣ д̇хаммам̣ суд̇ваа анааг̇аамипалам̣ сажчаагааси, со жа т̇зрасса бхааг̇инзяяод̇и взд̣̇ид̇аб̣б̣о. д̇ат̇аа хи т̇зрасса маад̇уд̣̇звияаа бхаг̇иний д̇ассаа д̇хийд̇аа, д̇ассаа аяам̣ буд̇д̇о. вуд̇д̇ан̃хзд̇ам̣ махаавам̣сз –

‘‘д̣̇звияаа бхаг̇иний д̇хийд̇у, буд̇д̇о бхан̣д̣уганаамаго;

т̇зрзна д̣̇звияаа д̇хаммам̣, суд̇ваа д̣̇зсид̇амзва д̇у;

анааг̇аамипалам̣ бад̇ваа, васи т̇зрасса санд̇игз’’д̇и.

саммаасамб̣уд̣̇д̇хзна жа д̇умхз б̣яаагад̇аад̇и б̣од̇химуулз зва б̣уд̣̇д̇хажагкунаа логам̣ вологзд̇ваа д̇амб̣абан̣н̣ид̣̇ийбам̣ д̣̇исваа анааг̇ад̇з д̇асса д̣̇ийбасса самбад̇д̇им̣ д̣̇идтзна саммаасамб̣уд̣̇д̇хзна ‘‘анааг̇ад̇з махинд̣̇о наама бхигку д̇амб̣абан̣н̣ид̣̇ийбам̣ басаад̣̇зссад̇ий’’д̇и д̇умхз б̣яаагад̇аа. д̇ад̇т̇а д̇амб̣абан̣н̣ид̣̇ийбанд̇и д̣̇ийбаваасино вуд̇д̇аа. инд̣̇рияабаробарияад̇д̇ан̃аан̣ам̣ аасаяаанусаяан̃аан̣ан̃жа ‘‘б̣уд̣̇д̇хажагкуу’’д̇и вужжад̇и. д̇зна бана инд̣̇рияабаробараад̣̇им̣ винаа ан̃н̃ам̣ на саггаа д̣̇адтунд̇и ‘‘вологзнд̇о’’д̇и авад̇ваа ‘‘вологзд̇ваа’’д̇и вуд̇д̇ам̣. зд̇амад̇т̇анд̇и ‘‘анааг̇ад̇з махинд̣̇о наама бхигку д̇амб̣абан̣н̣ид̣̇ийбам̣ басаад̣̇зссад̇ий’’д̇и имамад̇т̇ам̣.

вздисаг̇иримхи рааж̇аг̇ахзд̇и д̣̇звияаа гад̇авихаарз. гаалова г̇аманасса, г̇ажчаама д̣̇ийбамуд̇д̇аманд̇и яож̇зд̇аб̣б̣ам̣. ид̣̇ан̃жа д̇зсам̣ баривид̇агганид̣̇ассанам̣. бал̣инаад̇и аагаасам̣ багканд̣̇им̣су. амб̣арзд̇и аагаасз. звамаагаасам̣ багканд̣̇ид̇ваа гим̣ д̇з агам̣сууд̇и жзд̇ияабаб̣б̣ад̇з нибад̇им̣сууд̇и д̣̇ассзнд̇о ааха ‘‘звамуббад̇ид̇аа т̇зраа, нибад̇им̣су наг̇уд̇д̇амз’’д̇и. ид̣̇аани д̇асса баб̣б̣ад̇асса бад̇идтид̇адтаанам̣ т̇зраанан̃жа д̇ад̇т̇а нибад̇ид̇адтаанам̣ д̣̇ассзд̇ум̣ ‘‘бурад̇о бурасздтассаа’’д̇иаад̣̇иг̇аат̇амааха. бурад̇од̇и баажийнад̣̇исаабхааг̇з. бурасздтассаад̇и анураад̇хабурасан̇каад̇асса бураварасса. мзгхасаннибхзд̇и саманд̇ад̇о нийлаван̣н̣ад̇д̇аа нийламахаамзгхасад̣̇исз. сийлагуудамхийд̇и звам̣наамагз баб̣б̣ад̇агуудз. хам̣саава наг̇амуд̣̇д̇ханийд̇и баб̣б̣ад̇амуд̣̇д̇хани хам̣саа вияа.

д̇ад̇т̇а бана бад̇идтаханд̇о гад̣̇аа бад̇идтахийд̇и ааха ‘‘звам̣ иддияаад̣̇ийхи сад̣̇д̇хи’’нд̇иаад̣̇и. бариниб̣б̣аанад̇од̇и бариниб̣б̣аанавассад̇о д̇ам̣ авад̇хибхууд̇ам̣ мун̃жид̇ваа д̇ад̇о уд̣̇д̇хам̣ д̣̇виннам̣ вассасад̇аанам̣ убари чад̇д̇им̣сад̇имз вассзд̇и ад̇т̇о г̇ахзд̇аб̣б̣о. гат̇ам̣ взд̣̇ид̇аб̣б̣од̇и ааха ‘‘аж̇аад̇асад̇д̇усса хий’’д̇иаад̣̇и. д̇асмим̣язва вассзд̇и зд̇т̇а яасмим̣ сам̣важчарз яасмин̃жа д̣̇ивасз бхаг̇аваа бариниб̣б̣уд̇о, д̇асмим̣ сам̣важчарз д̇асмим̣язва жа д̣̇ивасз виж̇аяагумааро имам̣ д̣̇ийбамааг̇ад̇од̇и вад̣̇анд̇и. вуд̇д̇ан̃хзд̇ам̣ –

‘‘лан̇гааяам̣ виж̇аяасанаамаго гумааро,

од̇ин̣н̣о т̇ирамад̇и д̇амб̣абан̣н̣ид̣̇ийбз;

саалаанам̣ яамагаг̇ун̣аанаманд̇арасмим̣,

ниб̣б̣аад̇ум̣ саяид̇ад̣̇инз д̇ат̇ааг̇ад̇ассаа’’д̇и.

сийхагумаарасса буд̇д̇од̇и зд̇т̇а гаалин̇г̇арааж̇ад̇хийд̇у гужчисмим̣ сийхасса ж̇аад̇о гумааро сийхагумаарод̇и взд̣̇ид̇аб̣б̣о, буб̣б̣з амануссааваасад̇д̇аа ааха ‘‘мануссааваасам̣ агаасий’’д̇и. жуд̣̇д̣̇асамз вассзд̇и жуд̣̇д̣̇асамз вассз самбад̇д̇з. ид̇ха виж̇аяо гааламагаасийд̇и имасмим̣ д̇амб̣абан̣н̣ид̣̇ийбз виж̇аяарааж̇агумааро адтад̇им̣са вассаани раж̇ж̇ам̣ гаарзд̇ваа гааламагааси. д̇ат̇аа хи аж̇аад̇асад̇д̇у рааж̇аа д̣̇вад̇д̇им̣са вассаани раж̇ж̇ам̣ гаарзси, уд̣̇аяабхад̣̇д̣̇о сол̣аса вассаани, д̇асмаа аж̇аад̇асад̇д̇усса адтамавассам̣ ид̇ха виж̇аяасса батамавассанд̇и гад̇ваа д̇ад̇о уд̣̇д̇хам̣ аж̇аад̇асад̇д̇усса жад̇увийсад̇и вассаани уд̣̇аяабхад̣̇д̣̇асса жуд̣̇д̣̇аса вассаанийд̇и виж̇аяасса адтад̇им̣са вассаани барибуурим̣су. д̇ат̇аа жа вуд̇д̇ам̣ –

‘‘виж̇аяо лан̇гамааг̇амма, сад̇т̇у ниб̣б̣аанаваасарз;

адтад̇им̣са самаагааси, раж̇ж̇ам̣ яагкавимад̣̇д̣̇аго’’д̇и.

‘‘уд̣̇аяабхад̣̇д̣̇асса бан̃жад̣̇асамз вассз бан̣д̣уваасуд̣̇зво наама имасмим̣ д̣̇ийбз раж̇ж̇ам̣ баабун̣ий’’д̇и вуд̇д̇ад̇д̇аа уд̣̇аяабхад̣̇д̣̇асса жуд̣̇д̣̇асамавассасан̇каад̇ам̣ згам̣ вассам̣ имасмим̣ д̣̇ийбз виж̇аяасса бан̣д̣уваасуд̣̇звасса жа анд̇арз сийхал̣ам̣ арааж̇игам̣ худ̇ваа тид̇анд̇и взд̣̇ид̇аб̣б̣ам̣. д̇асмин̃хи вассз виж̇аяарааж̇асса амажжаа убад̇иссам̣ наама амажжам̣ ж̇здтагам̣ гад̇ваа д̇асса наамзна гад̇з убад̇иссаг̇аамз васанд̇аа арааж̇игам̣ раж̇ж̇аманусаасим̣су. вуд̇д̇ан̃хзд̇ам̣ –

‘‘д̇асмим̣ мад̇з амажжаа д̇з, бзгканд̇аа кад̇д̇ияааг̇амам̣;

убад̇иссаг̇аамз тад̇ваана, радтам̣ саманусаасисум̣.

‘‘мад̇з виж̇аяарааж̇амхи, кад̇д̇ияааг̇аманаа бураа;

згам̣ вассам̣ аяам̣ лан̇гаа-д̣̇ийбо ааси арааж̇иго’’д̇и.

д̇ад̇т̇аад̇и ж̇амб̣уд̣̇ийбз. ид̇ха бан̣д̣уваасуд̣̇зво гааламагаасийд̇и имасмим̣ сийхал̣ад̣̇ийбз бан̣д̣уваасуд̣̇зво д̇им̣са вассаани раж̇ж̇аманусаасид̇ваа гааламагааси. д̇ат̇аа хи уд̣̇аяабхад̣̇д̣̇асса ананд̇арам̣ ануруд̣̇д̇хо жа мун̣д̣о жа адта вассаани раж̇ж̇аманусаасим̣су, д̇ад̣̇ананд̇арам̣ нааг̇ад̣̇аасаго жад̇увийсад̇и вассаани, д̇асмаа уд̣̇аяабхад̣̇д̣̇асса бан̃жад̣̇асамасол̣асамавассзхи сад̣̇д̇хим̣ ануруд̣̇д̇хасса жа мун̣д̣асса жа адта вассаани, нааг̇ад̣̇аасагасса жа жад̇увийсад̇ивассзсу вийсад̇и вассаанийд̇и бан̣д̣уваасуд̣̇звасса ран̃н̃о д̇им̣са вассаани барибуурим̣су. д̇знзва вуд̇д̇ам̣ –

‘‘д̇ад̇о бан̣д̣уваасуд̣̇зво, раж̇ж̇ам̣ д̇им̣са самаа агаа’’д̇и;

д̇ад̇т̇аад̇и ж̇амб̣уд̣̇ийбз. сад̇д̇арасамз вассзд̇и сад̇д̇арасамз вассз самбад̇д̇з. д̇ат̇аа хи нааг̇ад̣̇аасагасса ананд̇араа сусунааг̇о адтаараса вассаани раж̇ж̇ам̣ гаарзси, д̇асмаа нааг̇ад̣̇аасагасса жад̇увийсад̇ивассзсу вийсад̇и вассаани табзд̇ваа сзсзхи жад̇уухи вассзхи сад̣̇д̇хим̣ сусунааг̇асса адтаарасасу вассзсу сол̣аса вассаанийд̇и ид̇ха абхаяаран̃н̃о вийсад̇и вассаани барибуурим̣су. вуд̇д̇ан̃хзд̇ам̣ –

‘‘абхаяо вийсад̇и вассаани, лан̇гаараж̇ж̇амагаараяий’’д̇и;

д̣̇аамаригод̇и яуд̣̇д̇хагаараго жоро. бан̣д̣угаабхаяо бана абхаяасса бхааг̇инзяяо рааж̇ааязва, на жоро, б̣алаггаарзна бана раж̇ж̇асса г̇ахид̇ад̇д̇аа ‘‘д̣̇аамариго’’д̇и вуд̇д̇ам̣. раж̇ж̇ам̣ аг̇г̇ахзсийд̇и згад̣̇зсасса г̇ахид̇ад̇д̇аа вуд̇д̇ам̣. абхаяасса хи вийсад̇имз вассз на д̇аава саб̣б̣ам̣ раж̇ж̇амаг̇г̇ахзсийд̇и. д̇ат̇аа хи вийсад̇имавассад̇о бадтааяа абхаяасса нава бхаад̇игз ад̇д̇ано маад̇улз д̇ад̇т̇а д̇ад̇т̇а яуд̣̇д̇хам̣ гад̇ваа гхаад̇знд̇асса анабхисид̇д̇ассзва сад̇д̇араса вассаани ад̇иггамим̣су, д̇ад̇оязва жа д̇аани рааж̇асун̃н̃аани наама ахзсум̣. д̇ат̇аа жа вуд̇д̇ам̣ –

‘‘бан̣д̣угаабхаяаран̃н̃о жа, абхаяасса жа анд̇арз;

рааж̇асун̃н̃аани вассаани, ахзсум̣ д̣̇аса сад̇д̇а жаа’’д̇и.

д̇ад̇т̇аад̇и ж̇амб̣уд̣̇ийбз. бан̣д̣угассаад̇и бан̣д̣угаабхаяасса. бхавад̇и хи згад̣̇зсзнаби вохааро ‘‘д̣̇звад̣̇ад̇д̇о д̣̇ад̇д̇о’’д̇и яат̇аа. сад̇д̇араса вассаани барибуурим̣сууд̇и анабхисид̇д̇ассзва барибуурим̣су. зд̇т̇а жа гаал̣аасогасса сол̣асамавассам̣ табзд̇ваа баннараса вассаани хздтаа сусунааг̇асса сад̇д̇арасамаадтаарасамавассаани жа д̣̇вз г̇ахзд̇ваа сад̇д̇араса вассаани г̇ан̣ид̇аб̣б̣аани. д̇аани хздтаа згзна вассзна саха адтаараса хонд̇ийд̇и д̇аани рааж̇асун̃н̃аани сад̇д̇араса вассаани хздтаа виж̇аяабан̣д̣уваасуд̣̇зварааж̇уунаманд̇арз арааж̇игзна згзна вассзна сад̣̇д̇хим̣ адтаараса рааж̇асун̃н̃авассаани наама хонд̇и.

жанд̣̇аг̇уд̇д̇асса жуд̣̇д̣̇асамз вассз ид̇ха бан̣д̣угаабхаяо гааламагаасийд̇и жанд̣̇аг̇уд̇д̇асса жуд̣̇д̣̇асамз вассз имасмим̣ д̇амб̣абан̣н̣ид̣̇ийбз бан̣д̣угаабхаяо наама рааж̇аа сад̇д̇ад̇и вассаани раж̇ж̇аманусаасид̇ваа гааламагааси. д̇ат̇аа хи сусунааг̇асса буд̇д̇о гаал̣аасого адтавийсад̇и вассаани раж̇ж̇ам̣ гаарзси. д̇ад̇о д̇асса буд̇д̇аа д̣̇аса бхаад̇угаа д̣̇взвийсад̇и вассаани раж̇ж̇ам̣ гаарзсум̣, д̇зсам̣ бажчаа нава нанд̣̇аа д̣̇взвийсад̇и, жанд̣̇аг̇уд̇д̇о жад̇увийсад̇и вассаани раж̇ж̇ам̣ гаарзси. д̇ад̇т̇а гаал̣аасогасса адтавийсад̇ивассзсу баннараса вассаани хздтаа г̇ахид̇аанийд̇и д̇аани табзд̇ваа сзсаани д̇зраса вассаани, д̣̇асабхаад̇угаанам̣ д̣̇взвийсад̇и, д̇ат̇аа навананд̣̇аанам̣ д̣̇взвийсад̇и, жанд̣̇аг̇уд̇д̇асса жуд̣̇д̣̇асамавассам̣ табзд̇ваа д̇зраса вассаанийд̇и бан̣д̣угаабхаяасса сад̇д̇ад̇и вассаани барибуурим̣су. д̇ат̇аа жа вуд̇д̇ам̣ –

‘‘бан̣д̣угаабхаяанаамасса, ран̃н̃о вассаани сад̇д̇ад̇ий’’д̇и;

д̇ад̇т̇а асогад̇хаммарааж̇асса сад̇д̇арасамз вассз ид̇ха мудасиварааж̇аа гааламагаасийд̇и д̇асмим̣ ж̇амб̣уд̣̇ийбз асогад̇хаммарааж̇асса сад̇д̇арасамз вассз ид̇ха мудасиво наама рааж̇аа садти вассаани раж̇ж̇аманусаасид̇ваа гааламагааси . д̇ат̇аа хи жанд̣̇аг̇уд̇д̇асса буд̇д̇о б̣инд̣̇усааро адтавийсад̇и вассаани раж̇ж̇ам̣ гаарзси, д̇ад̇о д̇асса буд̇д̇о асогад̇хаммарааж̇аа раж̇ж̇ам̣ баабун̣и, д̇асмаа жанд̣̇аг̇уд̇д̇асса хздтаа вуд̇д̇зсу жад̇увийсад̇ивассзсу д̇зраса вассаани г̇ахид̇аанийд̇и д̇аани табзд̇ваа сзсаани згаад̣̇аса вассаани, б̣инд̣̇усаарасса адтавийсад̇и вассаани, асогасса анабхисид̇д̇асса жад̇д̇аари вассаани, абхисид̇д̇асса сад̇д̇араса вассаанийд̇и звам̣ садти вассаани ид̇ха мудасивасса барибуурим̣су. д̇ат̇аа жа вуд̇д̇ам̣ –

‘‘мудасиво садти вассаани, лан̇гаараж̇ж̇амагаараяий’’д̇и;

д̣̇зваанам̣бияад̇иссо раж̇ж̇ам̣ баабун̣ийд̇и асогад̇хаммарааж̇асса адтаарасамз вассз баабун̣и. ид̣̇аани бариниб̣б̣уд̇з бхаг̇авад̇и аж̇аад̇асад̇д̇уаад̣̇ийнам̣ вассаг̇ан̣анаавасзна бариниб̣б̣аанад̇о д̣̇виннам̣ вассасад̇аанам̣ убари чад̇д̇им̣сад̇и вассаани згад̇о г̇ан̣зд̇ваа д̣̇ассзнд̇о ааха ‘‘бариниб̣б̣уд̇з жа саммаасамб̣уд̣̇д̇хз’’д̇иаад̣̇и. д̇ад̇т̇а аж̇аад̇асад̇д̇усса жад̇увийсад̇ийд̇и бариниб̣б̣аанавассасан̇каад̇ам̣ адтамавассам̣ мун̃жид̇ваа вуд̇д̇ам̣. асогасса буд̇д̇агаа д̣̇аса бхаад̇угарааж̇аанод̇и гаал̣аасогасса буд̇д̇аа бхад̣̇д̣̇асзно горан̣д̣аван̣н̣о ман̇гуро саб̣б̣ан̃ж̇ахо ж̇аалиго убхаго сан̃жаяо гораб̣яо нанд̣̇ивад̣дхано бан̃жамагод̇и имз д̣̇аса бхаад̇угарааж̇аанод̇и взд̣̇ид̇аб̣б̣аа. уг̇г̇асзнананд̣̇о бан̣д̣угананд̣̇о бан̣д̣уг̇ад̇инанд̣̇о бхууд̇абаалананд̣̇о радтабаалананд̣̇о г̇овисаан̣агананд̣̇о савид̣̇д̇хагананд̣̇о гзваддагананд̣̇о д̇ханананд̣̇од̇и имз нава нанд̣̇аад̇и взд̣̇ид̇аб̣б̣аа. зд̇зна рааж̇авам̣саанусаарзнаад̇и зд̇зна ж̇амб̣уд̣̇ийбаваасирааж̇уунам̣ вам̣саанусаарзна взд̣̇ид̇аб̣б̣амзд̇анд̇и ад̇т̇о.

д̇амб̣абан̣н̣ид̣̇ийбаваасийнамби буна рааж̇уунам̣ васзна звам̣ г̇ан̣анаа взд̣̇ид̇аб̣б̣аа – саммаасамб̣уд̣̇д̇хасса бариниб̣б̣аанавассам̣ ид̇ха виж̇аяасса батамам̣ вассанд̇и гад̇ваа д̇ам̣ абанзд̇ваа бариниб̣б̣аанавассад̇о уд̣̇д̇хам̣ виж̇аяасса сад̇д̇ад̇им̣са вассаани, д̇ад̇о арааж̇игамзгавассам̣, бан̣д̣уваасуд̣̇звасса д̇им̣са вассаани, абхаяасса вийсад̇и вассаани, бан̣д̣угаабхаяасса абхисзгад̇о буб̣б̣з сад̇д̇араса вассаани, абхисид̇д̇асса сад̇д̇ад̇и вассаани, мудасивасса садти вассаани, д̣̇зваанам̣бияад̇иссасса батамам̣ вассанд̇и звам̣ бариниб̣б̣аанад̇о д̣̇виннам̣ вассасад̇аанам̣ убари чад̇д̇им̣са вассаани взд̣̇ид̇аб̣б̣аани.

ж̇здтамаасасса бун̣н̣амияам̣ ж̇здтанагкад̇д̇ам̣ мууланагкад̇д̇ам̣ ваа ход̇ийд̇и ааха ‘‘ж̇здтамууланагкад̇д̇ам̣ наама ход̇ий’’д̇и. д̇асмим̣ бана нагкад̇д̇з гад̇д̇аб̣б̣ачан̣амби д̇анниссаяад̇д̇аа д̇амзва наамам̣ лабхад̇ийд̇и взд̣̇ид̇аб̣б̣ам̣. миг̇аванд̇и миг̇аанам̣ ваананад̇о хзсанад̇о б̣аад̇ханад̇о миг̇аванд̇и лад̣̇д̇хасаман̃н̃ам̣ миг̇авам̣. рохид̇амиг̇аруубанд̇и г̇оган̣н̣амиг̇авзсам̣. ж̇ияанд̇и д̇хануж̇ияам̣. ануб̣анд̇ханд̇од̇и бад̣̇асаа ануд̇хааванд̇о. мамам̣язва рааж̇аа бассад̇ууд̇и зд̇т̇а ‘‘амхзсу б̣ахуусу д̣̇идтзсу рааж̇аа ад̇ивияа бхааяиссад̇ий’’д̇и иминаа гааран̣зна ад̇д̇аанамзва д̣̇ассзд̇ум̣ ‘‘мамам̣язва бассад̇уу’’д̇и ад̇хидтаасийд̇и взд̣̇ид̇аб̣б̣ам̣. ‘‘жинд̇зсий’’д̇и вад̇ваа д̇асса жинд̇анаагаарам̣ д̣̇ассзнд̇о ааха ‘‘имасмим̣ д̣̇ийбз ж̇аад̇о’’д̇иаад̣̇и. т̇зро д̇асса баривид̇аггам̣ ж̇аанид̇ваа ад̇д̇ано сабхаавам̣ гат̇зд̇ваа д̇ам̣ ассаасзд̇угаамо ‘‘саман̣аа маяам̣ махаарааж̇аа’’д̇иаад̣̇имааха. махаарааж̇а маяам̣ саман̣аа наама, д̇вам̣ баривид̇аггам̣ маа агаасийд̇и вуд̇д̇ам̣ ход̇и. д̇авзва анугамбааяаад̇и д̇ава анугамбад̇т̇ааяа зва ааг̇ад̇аа, на вимукабхаавад̇т̇ааяаад̇и ад̇хиббааяо. ‘‘имз саман̣аа наамаа’’д̇и аж̇аананд̇асса ‘‘саман̣аа маяам̣, махаарааж̇аа’’д̇и гасмаа т̇зро аахаад̇и жз? асогад̇хаммарааж̇зна бзсид̇асаасанзнзва буб̣б̣з г̇ахид̇асаман̣асан̃н̃ам̣ саарзд̇ум̣ звамаахаад̇и. имамад̇т̇ам̣ вибхаавзд̇ум̣ ‘‘д̇зна жа самаязнаа’’д̇иаад̣̇и вуд̇д̇ам̣.

ад̣̇идтаа худ̇ваа сахааяагаад̇и ад̣̇идтасахааяагаа, ан̃н̃аман̃н̃ам̣ ад̣̇исваава сахааяагабхаавам̣ убаг̇ад̇аад̇и вуд̇д̇ам̣ ход̇и. чаад̇абаб̣б̣ад̇абаад̣̇зд̇и чаад̇аваахасса наама баб̣б̣ад̇асса баад̣̇з. д̇ам̣ гира баб̣б̣ад̇ам̣ анураад̇хабураа буб̣б̣ад̣̇агкин̣ад̣̇исаабхааг̇з ад̇ирзгаяож̇анад̣̇ваяамад̇т̇агз д̇идтад̇и. д̇амхи таанз бажчаа сад̣̇д̇хаад̇иссо наама махаарааж̇аа вихаарам̣ гаараабзси, д̇ам̣ ‘‘чаад̇авихаара’’нд̇и вохарим̣су. ‘‘рат̇аяадтиббамаан̣аад̇и ааяаамад̇о жа ааваддад̇о жа рат̇абад̇од̣̇зна самаббамаан̣аа’’д̇и д̇ийсуби г̇ан̣тибад̣̇зсу вуд̇д̇ам̣. махаавам̣сзби вуд̇д̇ам̣ –

‘‘чаад̇абаб̣б̣ад̇абаад̣̇амхи , д̇иссо жа взл̣уяадтияо;

ж̇аад̇аа рат̇абад̇од̣̇зна, самаанаа баримаан̣ад̇о’’д̇и.

г̇ан̣тибад̣̇з бана ‘‘рат̇аяадтиббамаан̣аад̇и рат̇асса д̇хаж̇аяадтиббамаан̣аа’’д̇и вуд̇д̇ам̣. уббаж̇ж̇им̣сууд̇и д̇асса абхисзгасамагааламзва уббаж̇ж̇им̣су. звамуд̇д̇ариби вагкамаанаанам̣ ажчарияаанам̣ баад̇убхааво взд̣̇ид̇аб̣б̣о. д̇ат̇аа жа вуд̇д̇ам̣ махаавам̣сз –

‘‘д̣̇зваанам̣бияад̇иссо со, рааж̇ааси бид̇уажжаяз;

д̇ассаабхисзгзна самам̣, б̣ахуунажчарияаанахуу’’д̇и.

згаа лад̇аа яадти наамаад̇и ган̃жаналад̇ааяа бадиман̣д̣ид̇ад̇д̇аа звам̣лад̣̇д̇ханаамаа згаа яадти ахоси. д̇ам̣ алан̇гарид̇ваа уббанналад̇аад̇и д̇ам̣ раж̇ад̇аван̣н̣ам̣ яадтим̣ алан̇гарид̇ваа д̇ад̇т̇зва жид̇д̇агаммагад̇аа вияа уббанналад̇аа. кааяад̇ийд̇и д̣̇иссад̇и. гин̃ж̇агкаанийд̇и гзсараани. зд̇аани жа бубпаяадтияам̣ нийлабубпаад̣̇ийни сагун̣аяадтияан̃жа наанаббагаараа миг̇абагкино д̇ад̇т̇зва жид̇д̇агаммагад̇аа вияа бан̃н̃ааяанд̇ийд̇и д̣̇адтаб̣б̣ам̣. сзд̇аа раж̇ад̇аяадтийваад̇и раж̇ад̇амаяаяадти вияа згаа яадти сзд̇аван̣н̣аад̇и ад̇т̇о. лад̇аад̇и д̇ад̇т̇зва жид̇д̇агаммагад̇аа вияа д̣̇иссамааналад̇аа. нийлаад̣̇и яаад̣̇исам̣ бубпанд̇и яаад̣̇исам̣ логз нийлаад̣̇ибубпам̣ ад̇т̇и, д̇аад̣̇исам̣ бубпаяадтимхи кааяад̇ийд̇и ад̇т̇о.

анзгавихид̇ам̣ рад̇анам̣ уббаж̇ж̇ийд̇и анзгаббагаарам̣ рад̇анам̣ самуд̣̇д̣̇ад̇о саяамзва д̇ийрам̣ аарухид̇ваа взланд̇з уумивзг̇аабхиж̇аад̇амарияаад̣̇авадди вияа уббаж̇ж̇и, удтахид̇ваа адтаасийд̇и ад̇т̇о. д̇амб̣абан̣н̣ияам̣ бана адта муд̇д̇аа уббаж̇ж̇им̣сууд̇и зд̇т̇ааби д̇амб̣абан̣н̣ияам̣ самуд̣̇д̣̇ад̇о саяамзва удтахид̇ваа ж̇аад̇ид̇о адта муд̇д̇аа самуд̣̇д̣̇ад̇ийрз вуд̇д̇анаязнзва тид̇аад̇и взд̣̇ид̇аб̣б̣аа. вуд̇д̇ан̃хзд̇ам̣ махаавам̣сз –

‘‘лан̇гаад̣̇ийбамхи сагалз, нид̇хаяо рад̇анаани жа;

анд̇отид̇аани уг̇г̇анд̇ваа, бат̇авийд̇аламаарухум̣.

‘‘лан̇гаад̣̇ийбасамийбамхи, бхиннанаавааг̇ад̇аани жа;

д̇ад̇ра ж̇аад̇аани жа т̇алам̣, рад̇анаани самаарухум̣.

‘‘хаяаг̇аж̇аа рат̇аамалагаа, валаяан̇г̇уливзтагаа;

гагуд̇хапалаа баагад̇игаа, ижжзд̇аа адта ж̇аад̇ид̇о.

‘‘муд̇д̇аа самуд̣̇д̣̇аа уг̇г̇анд̇ваа, д̇ийрз вадди вияа тид̇аа;

д̣̇зваанам̣бияад̇иссасса, саб̣б̣абун̃н̃авиж̇амбхид̇а’’нд̇и.

хаяамуд̇д̇аад̇и ассаруубасан̣таанамуд̇д̇аа. г̇аж̇амуд̇д̇аад̇и хад̇т̇ируубасан̣таанаа. звам̣ саб̣б̣ад̇т̇а д̇ам̣д̇ам̣сан̣таанавасзна муд̇д̇аабхзд̣̇о взд̣̇ид̇аб̣б̣о. ан̇г̇уливзтагамуд̇д̇аад̇и ан̇г̇улийяагасан̣таанаа, муд̣̇д̣̇игаасан̣таанаад̇и ад̇т̇о. гагуд̇хапаламуд̇д̇аад̇и гагуд̇харугкапалаагаараа б̣ахуу асаамуд̣̇д̣̇игаа муд̇д̇аа. рааж̇агагуд̇хабхан̣д̣аанийд̇и рааж̇аарахауд̇д̇амабхан̣д̣аани. д̇аани саруубзна д̣̇ассзнд̇о ааха ‘‘чад̇д̇ам̣ жаамара’’нд̇иаад̣̇и. ан̃н̃ан̃жа б̣ахувид̇хам̣ бан̣н̣аагаарам̣ бахин̣ийд̇и самб̣анд̇хо. сан̇канд̇и абхисзгаасин̃жанагам̣ саамуд̣̇д̣̇игам̣ д̣̇агкин̣ааваддам̣ сан̇кам̣. анод̇ад̇д̇од̣̇агамзва ‘‘г̇ан̇г̇од̣̇ага’’нд̇и вуд̇д̇ам̣. вад̣дхамаананд̇и алан̇гааражун̣н̣ам̣. ‘‘нахаанажун̣н̣а’’нд̇и гзжи. вадам̣саганд̇и ган̣н̣абил̣анд̇ханавадам̣саганд̇и вуд̇д̇ам̣ ход̇и. ‘‘вадам̣сагам̣ ган̣н̣ажуул̣игадтаанз оламб̣ага’’нд̇иби вад̣̇анд̇и. бхин̇г̇ааранд̇и суван̣н̣амаяам̣ махаабхин̇г̇аарам̣. ‘‘магарамукасан̣таанаа б̣алигаммаад̣̇игаран̣ад̇т̇ам̣ гад̇аа бхааж̇анавигад̇ий’’д̇иби вад̣̇анд̇и. нанд̣̇ияаавадданд̇и гаагабад̣̇асан̣таанаа ман̇г̇алад̇т̇ам̣ гад̇аа суван̣н̣абхааж̇анавигад̇и. ган̃н̃анд̇и кад̇д̇ияагумаарим̣. ад̇ховимам̣ д̣̇уссаяуг̇анд̇и гилидтз ж̇аад̇з аг̇г̇имхи багкид̇д̇амад̇д̇з барисуд̣̇д̇хабхаавамубаг̇ажчанд̇ам̣ ад̇ховимам̣ д̣̇уссаяуг̇ам̣. хад̇т̇абун̃чананд̇и бийд̇аван̣н̣ам̣ махаг̇гхам̣ хад̇т̇абун̃чанабадам̣. харижанд̣̇ананд̇и хариван̣н̣ажанд̣̇анам̣, суван̣н̣аван̣н̣ажанд̣̇ананд̇и ад̇т̇о. лохид̇ажанд̣̇анам̣ ваа, г̇осид̇ажанд̣̇ананд̇и ад̇т̇о. д̇ам̣ гира уд̣̇д̇ханз гут̇ид̇ад̇зламхи багкид̇д̇амад̇д̇ам̣ сагаламби д̇злам̣ аг̇г̇ин̃жа ниб̣б̣аабанасамад̇т̇ам̣ жанд̣̇анам̣. д̇знзва ‘‘г̇осид̇ажанд̣̇ана’’нд̇и вужжад̇и. г̇осад̣̇д̣̇зна хи ж̇алам̣ вужжад̇и, д̇ам̣ вияа сид̇ам̣ жанд̣̇анам̣ г̇осид̇ажанд̣̇анам̣. нааг̇абхаванасамбхавам̣ арун̣аван̣н̣амад̇д̇игам̣. харийд̇агам̣ аамалаганд̇и аг̇ад̣̇ахарийд̇агам̣ аг̇ад̣̇аамалагам̣. д̇ам̣ киббамзва сарийрамаласод̇ханаад̣̇игаран̣асамад̇т̇ам̣ ход̇и.

ун̣хийсанд̇и ун̣хийсабаддам̣. взтананд̇и сийсавзтанам̣. саарабааман̇г̇анд̇и уд̇д̇амам̣ рад̇анабааман̇г̇асуд̇д̇ам̣. вад̇т̇агодиганд̇и вад̇т̇аяуг̇амзва. нааг̇амаахаданд̇и нааг̇зхи аахадам̣. ма-гааро бад̣̇асанд̇хигаро. амад̇осад̇ханд̇и звам̣наамигаа г̇ул̣игаж̇аад̇и, амад̇асад̣̇исагижжад̇д̇аа звам̣ вужжад̇и. д̇ам̣ гира барибант̇ам̣ вид̇хамзд̇ваа саб̣б̣ад̇т̇а саад̇хзнд̇зхи аг̇ад̣̇осад̇хасамбхаарзхи яож̇зд̇ваа ваддзд̇ваа гад̇ам̣ г̇ул̣игам̣. д̇ам̣ бана рааж̇уунам̣ мукасод̇хананахаанабарияосаанз махад̇аа барихаарзна убанзнд̇и. д̇зна д̇з ан̇г̇арааг̇ам̣ наама гаронд̇и, гаронд̇аа жа яат̇аарахам̣ д̣̇вийхи д̇ийхи аг̇ад̣̇осад̇харан̇г̇ад̇илагаахи налаадагаам̣сагуудаурамаж̇жхасан̇каад̇ам̣ ан̇г̇ам̣ саж̇ж̇зд̇ваа ан̇г̇арааг̇ам̣ гаронд̇ийд̇и взд̣̇ид̇аб̣б̣ам̣. саа бана г̇ул̣игаа ахивижчигаад̣̇ийнамби висам̣ ханад̇и, д̇знаби д̇ам̣ вужжад̇и ‘‘амад̇осад̇ха’’нд̇и.

ахам̣ б̣уд̣̇д̇хан̃жаад̇иаад̣̇ийсу саб̣б̣ад̇хаммз яаат̇аавад̇о аб̣уж̇жхи бадиб̣уж̇жхийд̇и б̣уд̣̇д̇ход̇и сан̇кяам̣ г̇ад̇ам̣ саммаасамб̣уд̣̇д̇хан̃жа, ад̇хиг̇ад̇амаг̇г̇з сажчигад̇анирод̇хз яат̇аанусидтам̣ бадибаж̇ж̇амаанз жа абааязсу абад̇амаанз д̇хаарзд̇ийд̇и д̇хаммод̇и сан̇кяам̣ г̇ад̇ам̣ барияад̇д̇ияаа сад̣̇д̇хим̣ нава логуд̇д̇арад̇хамман̃жа, д̣̇идтисийласааман̃н̃зна сам̣хад̇ад̇д̇аа сан̇гход̇и сан̇кяам̣ г̇ад̇ам̣ арияасаавагасан̇гхан̃жа ахам̣ саран̣ам̣ г̇ад̇о барааяан̣анд̇и убаг̇ад̇о, бхаж̇им̣ сзвинд̇и ад̇т̇о. ат̇а ваа хим̣сад̇и д̇аббасаад̣̇ад̇аг̇г̇аругад̇аахи вихад̇агилзсзна д̇аббарааяан̣ад̇аагаараббавад̇д̇зна жид̇д̇уббаад̣̇зна саран̣аг̇ад̇аанам̣ д̇знзва саран̣аг̇аманзна бхаяам̣ санд̇аасам̣ д̣̇угкам̣ д̣̇уг̇г̇ад̇им̣ баригилзсам̣ ханад̇и винаасзд̇ийд̇и саран̣ам̣, рад̇анад̇д̇аяассзд̇ам̣ ад̇хиважанам̣. абижа саммаасамб̣уд̣̇д̇хо хид̇з бавад̇д̇анзна ахид̇аа жа нивад̇д̇анзна сад̇д̇аанам̣ бхаяам̣ хим̣сад̇ийд̇и саран̣анд̇и вужжад̇и. д̇хаммоби бхаваганд̇аараа уд̇д̇ааран̣зна ассаасад̣̇аанзна жа сад̇д̇аанам̣ бхаяам̣ хим̣сад̇ийд̇и саран̣анд̇и вужжад̇и. сан̇гхоби аббагаанамби гаараанам̣ вибулапалабадилаабхагаран̣зна сад̇д̇аанам̣ бхаяам̣ хим̣сад̇ийд̇и саран̣анд̇и вужжад̇и. иминаа ад̇т̇зна саран̣абхууд̇ам̣ рад̇анад̇д̇аяам̣ д̇знзва гааран̣зна саран̣анд̇и г̇ад̇о аваг̇ад̇о, ж̇аанинд̇и ад̇т̇о. убаасагад̇д̇ам̣ д̣̇зсзсинд̇и рад̇анад̇д̇аяам̣ убаасад̇ийд̇и убаасагод̇и звам̣ д̣̇ассид̇ам̣ убаасагабхаавам̣ маяи абхинивидтам̣ ваажааяа багаасзсинд̇и ад̇т̇о, ‘‘убаасагохам̣ аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇о’’д̇и звам̣ убаасагад̇д̇ам̣ бадивзд̣̇зсинд̇и вуд̇д̇ам̣ ход̇и. сагяабуд̇д̇асса саасанзд̇и сагяасса суд̣̇д̇ход̣̇анасса буд̇д̇о со бхаг̇аваа сагяабуд̇д̇о, д̇асса сагяабуд̇д̇асса саасанзд̇и ад̇т̇о. сад̣̇д̇хаад̇и сад̣̇д̇хааяа, ‘‘саяам̣ абхин̃н̃аа сажчигад̇ваа’’д̇иаад̣̇ийсу вияа яагааралобо д̣̇адтаб̣б̣о. убзхийд̇и убаг̇ажча.

асогаран̃н̃аа бзсид̇зна абхисзгзнаад̇и асогаран̃н̃аа бзсид̇зна абхисзгубагаран̣зна. яад̣̇аа хи д̣̇зваанам̣бияад̇иссо махаарааж̇аа ад̇д̇ано сахааяасса д̇хаммаасогаран̃н̃о ид̇о взл̣уяадтияаад̣̇аяо махаарахз бан̣н̣аагаарз бзсзси. д̇ад̣̇аа соби д̇з д̣̇исваа басийд̣̇ид̇ваа ад̇ивияа д̇удто ‘‘имзхи ад̇ирзгад̇арам̣ гим̣ наама махаг̇гхам̣ бадибан̣н̣аагаарам̣ сахааяасса мз бзсзссаамий’’д̇и амажжзхи сад̣̇д̇хим̣ манд̇зд̇ваа лан̇гаад̣̇ийбз абхисзгабарихаарам̣ бужчид̇ваа ‘‘на д̇ад̇т̇а ийд̣̇исо абхисзгабарихааро ад̇т̇ий’’д̇и суд̇ваа ‘‘саад̇ху вад̇а мз сахааяасса абхисзгабарихаарам̣ бзсзссаамий’’д̇и вад̇ваа саамуд̣̇д̣̇игасан̇каад̣̇ийни д̇ийн̣и сан̇каани жа г̇ан̇г̇од̣̇аган̃жа арун̣аван̣н̣амад̇д̇иган̃жа адтадта кад̇д̇ияаб̣раахман̣аг̇ахабад̇иган̃н̃ааяо жа суван̣н̣араж̇ад̇алохамад̇д̇игаамаяагхадз жа адтахи сздтигулзхи сад̣̇д̇хим̣ адта амажжагулаани жаад̇и звам̣ саб̣б̣адтагам̣ наама ид̇ха бзсзси ‘‘имзхи мз сахааяасса буна абхисзгам̣ гарот̇аа’’д̇и, ан̃н̃ан̃жа абхисзгад̇т̇ааяа б̣ахум̣ бан̣н̣аагаарам̣ бзсзси. д̇зна вуд̇д̇ам̣ ‘‘асогаран̃н̃аа бзсид̇зна абхисзгзнаа’’д̇и. зго маасо абхисид̇д̇асса ассаад̇и згамаасаабхисид̇д̇о. гат̇ам̣ бана д̇асса д̇ад̣̇аа згамаасаабхисид̇д̇ад̇аа вин̃н̃ааяад̇ийд̇и ааха ‘‘висаакабун̣н̣амааяам̣ хисса абхисзгамагам̣суу’’д̇и, буб̣б̣з гад̇аабхисзгассаби асогаран̃н̃аа бзсид̇зна анаг̇гхзна барихаарзна висаакабун̣н̣амааяам̣ буна абхисзгамагам̣сууд̇и ад̇т̇о. вуд̇д̇ан̃хзд̇ам̣ махаавам̣сз –

‘‘д̇з миг̇асирамаасасса, аад̣̇ижанд̣̇од̣̇аяам̣ д̣̇инз;

абхисид̇д̇ан̃жа лан̇гинд̣̇ам̣, амажжаа саамибхад̇д̇ино.

‘‘д̇хаммаасогасса важанам̣, суд̇ваа саамихид̇з рад̇аа;

бунааби абхисзжим̣су, лан̇гаахид̇асукз рад̇а’’нд̇и.

д̣̇ийбавам̣сзби жзд̇ам̣ вуд̇д̇ам̣ –

‘‘висаакамаасз д̣̇ваад̣̇асияам̣, ж̇амб̣уд̣̇ийбаа ид̇хааг̇ад̇аа;

абхисзгам̣ сабариваарам̣, асогад̇хаммзна бзсид̇ам̣.

‘‘д̣̇уд̇ияам̣ абхисин̃жид̇т̇а, рааж̇аанам̣ д̣̇зваанам̣бияам̣;

абхисид̇д̇о д̣̇уд̇ияаабхисзгзна, висаакамаасз убосат̇з.

‘‘д̇ад̇о маасз ад̇иггамма, ж̇здтамаасз убосат̇з;

махинд̣̇о сад̇д̇амо худ̇ваа, ж̇амб̣уд̣̇ийбаа ид̇хааг̇ад̇о’’д̇и.

д̇ад̣̇аа бана д̇асса ран̃н̃о висаакабун̣н̣амааяа абхисзгасса гад̇ад̇д̇аа д̇ад̇о бабхуд̇и яааваж̇ж̇ад̇анаа висаакабун̣н̣амааяамзва абхисзгагаран̣амаажин̣н̣ам̣. абхисзгавид̇хаанан̃жзд̇т̇а звам̣ взд̣̇ид̇аб̣б̣ам̣ – абхисзгаман̇г̇алад̇т̇ам̣ алан̇гад̇аббадияад̇д̇асса ман̣д̣абасса анд̇о гад̇асса уд̣̇умб̣арасаакаман̣д̣абасса маж̇жхз суббад̇идтид̇з уд̣̇умб̣арабхад̣̇д̣̇абийтамхи абхисзгаарахам̣ абхиж̇ажжам̣ кад̇д̇ияам̣ нисийд̣̇аабзд̇ваа батамам̣ д̇аава ман̇г̇алаабхаран̣абхуусид̇аа ж̇аад̇исамбаннаа кад̇д̇ияаган̃н̃аа г̇ан̇г̇од̣̇агабун̣н̣ам̣ саамуд̣̇д̣̇игам̣ д̣̇агкин̣ааваддасан̇кам̣ убхохи хад̇т̇зхи саггажжам̣ г̇ахзд̇ваа сийсобари уссаабзд̇ваа д̇зна д̇асса муд̣̇д̇хани абхисзгод̣̇агам̣ абхисин̃жад̇и, зван̃жа вад̣̇зд̇и ‘‘д̣̇зва, д̇ам̣ саб̣б̣зби кад̇д̇ияаг̇ан̣аа ад̇д̇аанамаарагкан̣ад̇т̇ам̣ иминаа абхисзгзна абхисзгигам̣ махаарааж̇ам̣ гаронд̇и, д̇вам̣ рааж̇ад̇хаммзсу тид̇о д̇хаммзна самзна раж̇ж̇ам̣ гаарзхи, зд̇зсу кад̇д̇ияаг̇ан̣зсу д̇вам̣ буд̇д̇асинзхаанугамбааяа сахид̇ажид̇д̇о хид̇асамамзд̇д̇ажид̇д̇о жа бхава, рагкааваран̣аг̇уд̇д̇ияаа д̇зсам̣ рагкид̇о жа бхаваахий’’д̇и.

д̇ад̇о буна бурохид̇оби бурохижжадтаанаануруубаалан̇гаарзхи алан̇гад̇аббадияад̇д̇о г̇ан̇г̇од̣̇агабун̣н̣ам̣ раж̇ад̇амаяасан̇кам̣ убхохи хад̇т̇зхи саггажжам̣ г̇ахзд̇ваа д̇асса сийсобари уссаабзд̇ваа д̇зна д̇асса муд̣̇д̇хани абхисзгод̣̇агам̣ абхисин̃жад̇и, зван̃жа вад̣̇зд̇и ‘‘д̣̇зва, д̇ам̣ саб̣б̣зби б̣раахман̣аг̇ан̣аа ад̇д̇аанамаарагкан̣ад̇т̇ам̣ иминаа абхисзгзна абхисзгигам̣ махаарааж̇ам̣ гаронд̇и, д̇вам̣ рааж̇ад̇хаммзсу тид̇о д̇хаммзна самзна раж̇ж̇ам̣ гаарзхи, зд̇зсу б̣раахман̣зсу д̇вам̣ буд̇д̇асинзхаанугамбааяа сахид̇ажид̇д̇о хид̇асамамзд̇д̇ажид̇д̇о жа бхава, рагкааваран̣аг̇уд̇д̇ияаа д̇зсам̣ рагкид̇о жа бхаваахий’’д̇и.

д̇ад̇о буна сздтиби сздтидтаанаануруубабхуусанабхуусид̇о г̇ан̇г̇од̣̇агабун̣н̣ам̣ рад̇анамаяасан̇кам̣ убхохи хад̇т̇зхи саггажжам̣ г̇ахзд̇ваа д̇асса сийсобари уссаабзд̇ваа д̇зна д̇асса муд̣̇д̇хани абхисзгод̣̇агам̣ абхисин̃жад̇и, зван̃жа вад̣̇зд̇и ‘‘д̣̇зва д̇ам̣ саб̣б̣зби г̇ахабад̇иг̇ан̣аа ад̇д̇аанамаарагкан̣ад̇т̇ам̣ иминаа абхисзгзна абхисзгигам̣ махаарааж̇ам̣ гаронд̇и, д̇вам̣ рааж̇ад̇хаммзсу тид̇о д̇хаммзна самзна раж̇ж̇ам̣ гаарзхи, зд̇зсу г̇ахабад̇иг̇ан̣зсу д̇вам̣ буд̇д̇асинзхаанугамбааяа сахид̇ажид̇д̇о хид̇асамамзд̇д̇ажид̇д̇о жа бхава, рагкааваран̣аг̇уд̇д̇ияаа д̇зсам̣ рагкид̇о жа бхаваахий’’д̇и.

д̇з бана д̇асса звам̣ вад̣̇анд̇аа ‘‘сажз д̇вам̣ амхаагам̣ важанаануруубзна раж̇ж̇ам̣ гаарзссаси, ижжзд̇ам̣ гусалам̣. но жз гаарзссаси, д̇ава муд̣̇д̇хаа сад̇д̇ад̇хаа палад̇уу’’д̇и звам̣ ран̃н̃о абхисабанд̇и вияаад̇и д̣̇адтаб̣б̣ам̣. имасмим̣ бана д̣̇ийбз д̣̇зваанам̣бияад̇иссасса муд̣̇д̇хани д̇хаммаасогзнзва ид̇ха бзсид̇аа кад̇д̇ияаган̃н̃ааязва анод̇ад̇д̇од̣̇агабун̣н̣зна саамуд̣̇д̣̇игад̣̇агкин̣ааваддасан̇кзна абхисзгод̣̇агам̣ абхисин̃жийд̇и вад̣̇анд̇и. ид̣̇ан̃жа яат̇аавуд̇д̇ам̣ абхисзгавид̇хаанам̣ маж̇жхиманигааяз жуул̣асийханаад̣̇асуд̇д̇аван̣н̣анааяам̣ сийхал̣адтагат̇ааяамби ‘‘батамам̣ д̇аава абхисзгам̣ г̇ан̣ханд̇аанам̣ рааж̇уунам̣ суван̣н̣амаяаад̣̇ийни д̇ийн̣и сан̇каани жа г̇ан̇г̇од̣̇аган̃жа кад̇д̇ияаган̃н̃ан̃жа лад̣̇д̇хум̣ ваддад̇ий’’д̇иаад̣̇инаа вуд̇д̇анд̇и вад̣̇анд̇и.

саммод̣̇анийяам̣ гат̇ам̣ гат̇аяамаанод̇и бийд̇ибаамож̇ж̇асан̇каад̇асаммод̣̇аж̇ананад̇о саммод̣̇ид̇ум̣ яуд̇д̇абхаавад̇о жа саммод̣̇анийяам̣ ‘‘гажжи бханд̇з каманийяам̣, гажжи яаабанийяам̣, гажжи во аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихааро’’д̇и звамаад̣̇игат̇ам̣ гат̇аяамаано. ча ж̇анз д̣̇ассзсийд̇и ран̃н̃аа сад̣̇д̇хим̣ ааг̇ад̇аанам̣ ‘‘на имз яагкаа, мануссаа имз’’д̇и сан̃ж̇аананад̇т̇ам̣ бхан̣д̣угасса убаасагасса аанийд̇ад̇д̇аа д̇зна сад̣̇д̇хим̣ ча ж̇анз д̣̇ассзси. д̇звиж̇ж̇аад̇и буб̣б̣зниваасад̣̇иб̣б̣ажагкуаасавагкаяасан̇каад̇аахи д̇ийхи виж̇ж̇аахи саманнааг̇ад̇аа. ид̣̇д̇хиббад̇д̇аад̇и ид̣̇д̇хивид̇хан̃аан̣ам̣ бад̇д̇аа. жзд̇обарияаговид̣̇аад̇и барзсам̣ жид̇д̇аажаарз гусалаа. звамзд̇т̇а бан̃жа абхин̃н̃аа саруубзна вуд̇д̇аа, д̣̇иб̣б̣асод̇ам̣ бана д̇аасам̣ васзна ааг̇ад̇амзва ход̇и. б̣ахууд̇и зваруубаа чал̣абхин̃н̃аа б̣уд̣̇д̇хасаавагаа б̣ахуу г̇ан̣анабат̇ам̣ ад̇игганд̇аа сагалаж̇амб̣уд̣̇ийбам̣ гаасаавабаж̇ж̇од̇ам̣ гад̇ваа вижаранд̇ийд̇и. гзжи бана ‘‘д̇звиж̇ж̇аа ид̣̇д̇хиббад̇д̇аа жа кийн̣аасаваа жзд̇обарияаговид̣̇аа гзжи кийн̣аасаваад̇и висум̣ яож̇зд̇ваа ‘араханд̇о’д̇и иминаа сугкавибассагаа вуд̇д̇аа’’д̇и вад̣̇анд̇и.

бан̃н̃аавзяяад̇д̇ияанд̇и бан̃н̃аабаадавам̣, бан̃н̃ааяа д̇игкависад̣̇абхааванд̇и ад̇т̇о. аасаннанд̇и аасаннз тид̇ам̣. саад̇ху махаарааж̇а бан̣д̣ид̇осийд̇и рааж̇аанам̣ басам̣сад̇и. буна виймам̣санд̇о ‘‘ад̇т̇и бана д̇з махаарааж̇аа’’д̇иаад̣̇имааха. жуул̣ахад̇т̇ибад̣̇обамасуд̇д̇анд̇ам̣ гат̇зсийд̇и ‘‘аяам̣ рааж̇аа ‘имз саман̣аа наама ийд̣̇исаа, сийлаад̣̇ибадибад̇д̇и жа д̇зсам̣ ийд̣̇исий’д̇и жа на ж̇аанаад̇и, ханд̣̇а нам̣ имааяа жуул̣ахад̇т̇ибад̣̇обамасуд̇д̇анд̇ад̣̇зсанааяа саман̣абхаавуубаг̇аманам̣ саман̣абадибад̇д̇ин̃жа вин̃н̃аабзссаамий’’д̇и жинд̇зд̇ваа батамам̣ жуул̣ахад̇т̇ибад̣̇обамасуд̇д̇анд̇ам̣ гат̇зси. д̇ад̇т̇а хи –

‘‘звамзва ко, б̣раахман̣а, ид̇ха д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно…бз… саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и, д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о, со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и, со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и ‘самб̣аад̇хо гхарааваасо раж̇обат̇о, аб̣бхогаасо баб̣б̣аж̇ж̇аа, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣, яаннуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и.

‘‘со звам̣ баб̣б̣аж̇ид̇о самаано бхигкуунам̣ сигкаасааж̇ийвасамаабанно баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о, лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и.

‘‘ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и д̣̇иннаад̣̇ааяий д̣̇иннабаадиган̇кий, ат̇знзна сужибхууд̇зна ад̇д̇анаа вихарад̇ий’’д̇и (ма. ни. 1.291-292) –

звамаад̣̇инаа саасанз сад̣̇д̇хаабадилаабхам̣ бадилад̣̇д̇хасад̣̇д̇хзхи жа баб̣б̣аж̇ж̇убаг̇аманам̣ баб̣б̣аж̇ид̇зхи жа бадибаж̇ж̇ид̇аб̣б̣аа сийлагканд̇хаад̣̇аяо д̇хаммаа багаасид̇аа.

рааж̇аа суд̇д̇анд̇ам̣ сун̣анд̇оязва ан̃н̃аасийд̇и ‘‘со б̣ийж̇аг̇аамабхууд̇аг̇аамасамаарамбхаа бадивирад̇о ход̇и, згабхад̇д̇иго ход̇и рад̇д̇убарад̇о вирад̇о вигаалабхож̇анаа’’д̇и звам̣ д̇асмим̣ суд̇д̇анд̇з (ма. ни. 1.293) ааг̇ад̇ад̇д̇аа д̇ам̣ сун̣анд̇оязва ан̃н̃ааси. ид̇хзва васиссаамаад̇и на д̇аава рад̇д̇ияаа убадтид̇ад̇д̇аа анааг̇ад̇аважанамагааси. ааг̇ад̇апалод̇и анааг̇аамипалам̣ санд̇хааяааха, самбад̇д̇аанааг̇аамипалод̇и ад̇т̇о. д̇ад̇оязва жа висзсад̇о авибарийд̇авид̣̇ид̇асад̇т̇усаасанад̇д̇аа вин̃н̃аад̇асаасано. ид̣̇аани баб̣б̣аж̇иссад̇ийд̇и г̇ихилин̇г̇зна аанийд̇агижжасса нидтид̇ад̇д̇аа звамааха. ажирабагганд̇асса ран̃н̃од̇и ран̃н̃з ажирабагганд̇зд̇и ад̇т̇о. ад̇хидтахид̇ваад̇и анд̇од̇амб̣абан̣н̣ид̣̇ийбз самааг̇ад̇аа сун̣анд̇ууд̇и ад̇хидтахид̇ваа.

бхуумад̇т̇аран̣асан̇кзбзнаад̇и бхуумад̇т̇аран̣аагаарзна. уббаад̇абаатагаад̇и нимид̇д̇абаатагаа, нзмид̇д̇агаад̇и ад̇т̇о. г̇ахид̇аа д̣̇аани имзхи бат̇авийд̇и аасанаанам̣ бат̇авияам̣ ад̇т̇ад̇ад̇д̇аа звамаахам̣су. бад̇идтахиссад̇ийд̇и жинд̇знд̇од̇и зд̇т̇а д̇зна гааран̣зна саасанабад̇идтаанасса абхаавад̇о авассам̣ бад̇идтаханд̇асса саасанасса буб̣б̣анимид̇д̇амид̣̇анд̇и звам̣ буб̣б̣анимид̇д̇абхаавзна саллагкзсийд̇и взд̣̇ид̇аб̣б̣ам̣. бан̣ийд̇знаад̇и уд̇д̇амзна. сахад̇т̇аад̇и сахад̇т̇зна санд̇аббзд̇ваад̇и судту д̇аббзд̇ваа, барибун̣н̣ам̣ сухид̇ам̣ яаавад̣̇ад̇т̇ам̣ гад̇ваад̇и ад̇т̇о. бзд̇авад̇т̇ум̣ вимаанавад̇т̇ум̣ сажжасам̣яуд̇д̇ан̃жа гат̇зсийд̇и д̣̇зсанаавид̇хигусало т̇зро ж̇анасса сам̣взг̇ам̣ ж̇анзд̇ум̣ батамам̣ бзд̇авад̇т̇ум̣ гат̇зд̇ваа д̇ад̣̇ананд̇арам̣ сам̣взг̇аж̇аад̇ам̣ ж̇анам̣ ассаасзд̇ум̣ саг̇г̇агат̇аавасзна вимаанавад̇т̇ун̃жа гат̇зд̇ваа д̇ад̣̇ананд̇арам̣ бадилад̣̇д̇хассаасаанам̣ ‘‘маа зд̇т̇а ассаад̣̇ам̣ гарот̇а ниб̣б̣аанам̣ винаа на ан̃н̃ам̣ гин̃жи сан̇каараг̇ад̇ам̣ д̇хувам̣ наама ад̇т̇и, д̇асмаа барамассаасагам̣ ниб̣б̣аанамад̇хиг̇анд̇ум̣ вааяамат̇аа’’д̇и сажжабадивзд̇хад̇т̇ааяа уссаахам̣ ж̇анзнд̇о анд̇з сажжасам̣яуд̇д̇ам̣ гат̇зсийд̇и взд̣̇ид̇аб̣б̣ам̣.

д̇зсам̣ суд̇ваад̇и д̇зсам̣ санд̇игаа т̇зраанам̣ г̇ун̣агат̇ам̣ суд̇ваа. ран̃н̃о сам̣вид̣̇ид̇ам̣ гад̇ваад̇и ран̃н̃о нивзд̣̇анам̣ гад̇ваа, рааж̇аанам̣ бадивзд̣̇аяид̇ваад̇и ад̇т̇о. алам̣ г̇ажчаамаад̇и бурасса ажжаасаннад̇д̇аа сааруббам̣ на ход̇ийд̇и бадибагкибанд̇о ааха. мзгхаванам̣ наама уяяаананд̇и махаамзгхавануяяаанам̣. д̇асса гира уяяаанасса бхуумиг̇г̇ахан̣ад̣̇ивасз агааламахаамзгхо удтахид̇ваа саб̣б̣ад̇ал̣аагабогкаран̣ияо буурзнд̇о г̇имхаабхихад̇аругкалад̇аад̣̇ийнам̣ ануг̇г̇ан̣ханд̇ова баавасси, д̇зна гааран̣зна д̇ам̣ махаамзгхаванам̣ наама уяяаанам̣ ж̇аад̇ам̣. вуд̇д̇ан̃хзд̇ам̣ махаавам̣сз –

‘‘уяяаанадтаанаг̇г̇ахан̣з, махаамзгхо агаалаж̇о;

баавасси д̇зна уяяаанам̣, махаамзгхаванам̣ ахуу’’д̇и.

сукасаяид̇абхаавам̣ бужчид̇ваад̇и ‘‘гажжи, бханд̇з, ид̇ха сукам̣ саяид̇т̇а, д̇умхаагам̣ ид̇ха ниваасо сука’’нд̇и звам̣ сукасаяид̇абхаавам̣ бужчид̇ваа д̇ад̇о т̇зрзна ‘‘сукасаяид̇амхи, махаарааж̇а, бхигкуунам̣ паасугамид̣̇ам̣ уяяаана’’нд̇и вуд̇д̇з ‘‘звам̣ сад̇и ид̣̇ам̣ но уяяаанам̣ д̣̇ассаамий’’д̇и жинд̇зд̇ваа ‘‘габбад̇и, бханд̇з, бхигкусан̇гхасса аараамо’’д̇и бужчи. имам̣ суд̇д̇анд̇и взл̣уванаараамабадиг̇г̇ахан̣з вуд̇д̇амимам̣ суд̇д̇ам̣. уд̣̇аганд̇и д̣̇агкин̣од̣̇агам̣. махаамзгхавануяяаанам̣ ад̣̇аасийд̇и ‘‘имам̣ махаамзгхавануяяаанам̣ сан̇гхасса д̣̇аммий’’д̇и вад̇ваа ж̇здтамаасасса гаал̣абагкз д̣̇уд̇ияад̣̇ивасз ад̣̇ааси. махаавихаарасса д̣̇агкин̣од̣̇агабаад̇знзва сад̣̇д̇хим̣ бад̇идтид̇абхаавзби на д̇аава д̇ад̇т̇а вихаарагаммам̣ нидтид̇анд̇и ааха ‘‘ид̣̇ан̃жа батамам̣ вихаарадтаанам̣ бхависсад̇ий’’д̇и. бунад̣̇ивасзбийд̇и гаал̣абагкасса д̣̇уд̇ияад̣̇ивасзязва. ад̣дханавамаанам̣ баан̣асахассаананд̇и ад̣дхзна навамаанам̣ баан̣асахассаанам̣, бан̃жасад̇аад̇хигаанам̣ адтасахассаананд̇и ад̇т̇о. ж̇од̇ибаад̇убхаавадтаананд̇и н̃аан̣аалогасса баад̇убхаавадтаанам̣. аббамаад̣̇асуд̇д̇анд̇и ан̇г̇уд̇д̇аранигааяз махаааббамаад̣̇асуд̇д̇ам̣, рааж̇оваад̣̇асуд̇д̇анд̇и вуд̇д̇ам̣ ход̇и.

махажжанд̇и гаран̣ад̇т̇з бажжад̇д̇аважанам̣, махад̇аа рааж̇аанубхаавзнаад̇и ад̇т̇о. д̇умхз ж̇аананад̇т̇анд̇и самб̣анд̇хо. аридто наама амажжод̇и ран̃н̃о бхааг̇инзяяо аридто наама амажжо. бан̃жабан̣н̣аасааяаад̇и зд̇т̇а ‘‘жад̇убан̣н̣аасааяаа’’д̇и вад̇д̇аб̣б̣ам̣. зван̃хи сад̇и убари вужжамаанам̣ ‘‘д̣̇ваасадти араханд̇о’’д̇и важанам̣ самзд̇и. д̇знзва жа сийхал̣абхаасааяа ликид̇з махаавам̣сз ‘‘жад̇убан̣н̣аасааяа сад̣̇д̇хи’’нд̇и вуд̇д̇ам̣. д̣̇асабхаад̇игасамаагулам̣ рааж̇агуланд̇и мудасивасса буд̇д̇зхи абхаяо д̣̇зваанам̣бияад̇иссо махаанааг̇о уд̇д̇ияо мад̇д̇аабхаяо суурад̇иссод̇и звамаад̣̇ийхи д̣̇асахи бхаад̇игзхи самаагин̣н̣ам̣ рааж̇агулам̣. жзд̇ияаг̇иримхи вассам̣ васим̣сууд̇и аасаал̣хийбун̣н̣амад̣̇ивасз ран̃н̃аа д̣̇иннавихаарзязва бадиг̇г̇ахзд̇ваа баадибад̣̇ад̣̇ивасз вассам̣ васим̣су. баваарзд̇ваад̇и махаабавааран̣ааяа баваарзд̇ваа. гад̇д̇игабун̣н̣амааяанд̇и абарагад̇д̇игабун̣н̣амааяам̣. махаамахинд̣̇ад̇т̇зро хи буримигааяам̣ убаг̇анд̇ваа вуд̇т̇авассо махаабавааран̣ааяа баваарзд̇ваа д̇ад̇о згамаасам̣ ад̇иггамма жаад̇умаасинияам̣ бун̣н̣амад̣̇ивасз арияаг̇ан̣абаривуд̇о рааж̇агулам̣ г̇анд̇ваа бхож̇анаавасаанз ‘‘махаарааж̇а, амхзхи жирад̣̇идто саммаасамб̣уд̣̇д̇хо’’д̇иаад̣̇иважанамаб̣рви. зван̃жа гад̇ваа вагкад̇и ‘‘бун̣н̣амааяам̣ махаавийро, жаад̇умаасинияаа ид̇хаа’’д̇и. яам̣ банзд̇т̇а гзнажи вуд̇д̇ам̣ ‘‘вуд̇т̇авассо баваарзд̇ваад̇и жаад̇умаасинияаа бавааран̣ааяаад̇и ад̇т̇о, батамабавааран̣ааяа ваа баваарзд̇ваа згамаасам̣ д̇ад̇т̇зва васид̇ваа гад̇д̇игабун̣н̣амияам̣ авожа, ан̃н̃ат̇аа ‘бун̣н̣амааяам̣ махаавийро’д̇и вуд̇д̇ад̇д̇аа на саггаа г̇ахзд̇у’’нд̇и, д̇ад̇т̇а жаад̇умаасинияаа бавааран̣ааяаад̇и аяамад̇т̇авигаббо на яуж̇ж̇ад̇и. на хи буримигааяа вассуубаг̇ад̇аа жаад̇умаасинияам̣ баваарзнд̇и. жирад̣̇идто саммаасамб̣уд̣̇д̇ход̇и сад̇т̇усса сарийрааваяаво жа саммаасамб̣уд̣̇д̇хоязваад̇и гад̇ваа аваяавз самуд̣̇ааяавохааравасзна звамаахаад̇и д̣̇адтаб̣б̣ам̣ яат̇аа ‘‘самуд̣̇д̣̇о д̣̇идто’’д̇и.

т̇зрзна вуд̇д̇амби г̇аманагааран̣ам̣ табзд̇ваа ид̇ха ваасз баяож̇анамзва д̣̇ассзд̇ваа г̇аманам̣ бадисзд̇хзд̇угаамо ааха ‘‘ахам̣ бханд̇з д̇умхз’’д̇иаад̣̇и. абхиваад̣̇анаад̣̇ийсу аажарияам̣ д̣̇исваа абхиваад̣̇анагаран̣ам̣ абхиваад̣̇анам̣ наама. яасмим̣ ваа д̣̇исаабхааг̇з аажарияо васад̇и ирияаабат̇з габбзнд̇о, д̇ад̇о абхимукова ванд̣̇ид̇ваа г̇ажчад̇и, ванд̣̇ид̇ваа д̇идтад̇и, ванд̣̇ид̇ваа нисийд̣̇ад̇и, ванд̣̇ид̇ваа нибаж̇ж̇ад̇и, ид̣̇ам̣ абхиваад̣̇анам̣ наама. аажарияам̣ бана д̣̇уурад̇ова д̣̇исваа бажжудтааяа бажжуг̇г̇аманагаран̣ам̣ бажжудтаанам̣ наама. аажарияам̣ бана д̣̇исваа ан̃ж̇алим̣ баг̇г̇аяха сийсз табзд̇ваа аажарияам̣ намассад̇и, яасмим̣ д̣̇исаабхааг̇з со васад̇и, д̇ад̣̇абхимукоби д̇ат̇зва намассад̇и, г̇ажчанд̇оби тид̇оби нисинноби ан̃ж̇алим̣ баг̇г̇аяха намассад̇иязваад̇и ид̣̇ам̣ ан̃ж̇алигаммам̣ наама. анужчавигагаммасса бана гаран̣ам̣ саамийжигаран̣ам̣ наама. жийвараад̣̇ийсу хи жийварам̣ д̣̇знд̇о на яам̣ ваа д̇ам̣ ваа д̣̇зд̇и, махаг̇гхам̣ сад̇амуулаг̇гхамби бан̃жасад̇амуулаг̇гхамби сад̇асахассамуулаг̇гхамби д̣̇зд̇иязва. бин̣д̣абаад̇аад̣̇ийсуби зсзва наяо. ид̣̇ам̣ саамийжигаран̣ам̣ наама. сарийрад̇хаад̇уяод̇и сарийрааваяаваа. ан̃н̃аад̇анд̇и ан̃н̃аад̇ам̣, вид̣̇ид̇ам̣ маяаад̇и ад̇т̇о. гуд̇о лажчаамаад̇и гуд̇о лабхиссаама. суманзна сад̣̇д̇хим̣ манд̇зхийд̇и батамамзва сааман̣зрасса гат̇ид̇ад̇д̇аа ваа ‘‘ж̇аанаад̇и зса амхаагамад̇хиббааяа’’нд̇и н̃ад̇ваа ваа звамаахаад̇и д̣̇адтаб̣б̣ам̣.

аббоссугго д̇вам̣ махаарааж̇аад̇и махаарааж̇а д̇вам̣ д̇хаад̇уунам̣ бадилаабхз маа уссуггам̣ гарохи, маа д̇вам̣ д̇ад̇т̇а ваавадо бхава, ан̃н̃ам̣ д̇аяаа гад̇д̇аб̣б̣ам̣ гарохийд̇и ад̇хиббааяо. ид̣̇аани д̇ад̣̇зва ран̃н̃аа гад̇д̇аб̣б̣агижжам̣ д̣̇ассзнд̇о ‘‘вийт̇ияо сод̇хаабзд̇ваа’’д̇иаад̣̇имааха. саб̣б̣ад̇аал̣ааважарз убадтаабзд̇ваад̇и гам̣сад̇аал̣аад̣̇ид̇аал̣ам̣ аважарад̇и зд̇т̇аад̇и д̇аал̣ааважарам̣ вужжад̇и аад̇ад̇авид̇ад̇аад̣̇и саб̣б̣ам̣ д̇уурияабхан̣д̣ам̣. д̇знзва бариниб̣б̣аанасуд̇д̇адтагат̇ааяам̣ ‘‘саб̣б̣ан̃жа д̇аал̣ааважарам̣ саннибаад̇зт̇аад̇и зд̇т̇а саб̣б̣ан̃жа д̇аал̣ааважаранд̇и саб̣б̣ам̣ д̇уурияабхан̣д̣а’’нд̇и вуд̇д̇ам̣. зд̇т̇а бана сахажаран̣анаязна саб̣б̣ад̇уурияабхан̣д̣аанам̣ ваад̣̇агааби г̇ахзд̇ум̣ вадданд̇ийд̇и д̇з саб̣б̣з убадтаабзд̇ваа саннибаад̇зд̇ваад̇и вуд̇д̇ам̣ ход̇и. лажчасийд̇и лабхиссаси. т̇зраа жзд̇ияаг̇иримзва аг̇амам̣сууд̇и рааж̇анивзсанад̇о нигкамид̇ваа буна жзд̇ияаг̇иримзва аг̇амам̣су.

д̇аавад̣̇зваад̇и д̇ам̣ кан̣ам̣язва. баадалибуд̇д̇ад̣̇ваарзд̇и баадалибуд̇д̇анаг̇арад̣̇ваарз. гим̣ бханд̇з сумана аахин̣д̣асийд̇и сумана д̇вам̣ саман̣ад̇хаммам̣ агад̇ваа гасмаа вижарасийд̇и бужчад̇и. жзд̇ияаг̇иримхиязва бад̇идтаабзд̇ваад̇и бажчаа д̇ад̇т̇а вихаарад̇т̇ааяа ааган̇кид̇аб̣б̣абхаавад̇о жзд̇ияаг̇иримхиязва бад̇идтаабзд̇ваа. вад̣дхамаанагажчааяааяаад̇и бажчаабхад̇д̇анд̇и ад̇т̇о. бажчаабхад̇д̇амзва хи чааяаа вад̣дхад̇и. ат̇асса зд̇ад̣̇ахосийд̇и д̇хаад̇ужан̇годагам̣ д̣̇исваа звам̣ жинд̇зси. чад̇д̇ам̣ абанамад̇ууд̇и ид̣̇ам̣ сзд̇ажчад̇д̇ам̣ саяамзва мз сийсобарид̇о д̇хаад̇ужан̇годагаабхимукам̣ худ̇ваа намад̇ууд̇и ад̇т̇о. маяхам̣ мад̇т̇агз бад̇идтаад̇ууд̇и ид̣̇ам̣ д̇хаад̇ужан̇годагам̣ т̇зрасса хад̇т̇ад̇о д̇хаад̇уяаа саха ааг̇анд̇ваа сирасмим̣ мз бад̇идтаад̇ууд̇и ад̇т̇о. богкаравассам̣ наама богкарабад̇д̇аббамаан̣ам̣ валаахагамаж̇жхз удтахид̇ваа гамзна парид̇ваа д̇змзд̇угаамзязва д̇змаяамаанам̣ маханд̇ам̣ худ̇ваа вассад̇и. махаавийрод̇и махаабараггамо. махаавийрааваяавад̇д̇аа жзд̇т̇а сад̇т̇увохаарзна д̇хаад̇уяо зва нид̣̇д̣̇идтаа. д̇хаад̇усарийрзнааг̇аманан̃хи санд̇хааяа аяам̣ г̇аат̇аа вуд̇д̇аа.

бажчимад̣̇исаабхимукова худ̇ваа абасагганд̇од̇и бидтид̇о бидтид̇оязва бажчимад̣̇исаабхимуко худ̇ваа осагганд̇о, г̇ажчанд̇од̇и ад̇т̇о. гин̃жааби зса бажчимад̣̇исам̣ на ологзд̇и, д̇ат̇ааби бажчимад̣̇исам̣ санд̇хааяа г̇ажчад̇ийд̇и ‘‘бажчимад̣̇исаабхимуко’’д̇и вуд̇д̇ам̣. бурад̇т̇имзна д̣̇ваарзна наг̇арам̣ бависид̇ваад̇и зд̇т̇а бидтид̇о бидтид̇оязва ааг̇анд̇ваа д̣̇ваарз самбад̇д̇з баривад̇д̇зд̇ваа уж̇угзнзва наг̇арам̣ баависийд̇и взд̣̇ид̇аб̣б̣ам̣. махзж̇авад̇т̇у наамаад̇и махзж̇анаамагзна яагкзна бариг̇г̇ахид̇ам̣ згам̣ д̣̇звадтаананд̇и взд̣̇ид̇аб̣б̣ам̣ . барибхог̇ажзд̇ияадтаананд̇и зд̇т̇а барибхуд̇д̇уубагаран̣аани нид̣̇ахид̇ваа гад̇ам̣ жзд̇ияам̣ барибхог̇ажзд̇ияанд̇и д̣̇адтаб̣б̣ам̣. д̇ивид̇хан̃хи жзд̇ияам̣ вад̣̇анд̇и барибхог̇ажзд̇ияам̣ д̇хаад̇ужзд̇ияам̣ д̇хаммажзд̇ияанд̇и. д̇ад̇т̇а барибхог̇ажзд̇ияам̣ вуд̇д̇анаяамзва. д̇хаад̇ужзд̇ияам̣ бана д̇хаад̇уяо нид̣̇ахид̇ваа гад̇ам̣. бадижжасамуббаад̣̇аад̣̇иликид̇абод̇т̇агам̣ нид̣̇ахид̇ваа гад̇ам̣ бана д̇хаммажзд̇ияам̣ наама. саарийригам̣ барибхог̇игам̣ уд̣̇д̣̇иссаганд̇и звамби д̇иббабхзд̣̇ам̣ жзд̇ияам̣ вад̣̇анд̇и. аяам̣ бана бабхзд̣̇о бадимааруубассаби уд̣̇д̣̇иссагажзд̇иязнзва сан̇г̇ахид̇ад̇д̇аа судтуд̇арам̣ яуж̇ж̇ад̇и.

гат̇ам̣ бана ид̣̇ам̣ таанам̣ д̇ин̣н̣ам̣ б̣уд̣̇д̇хаанам̣ барибхог̇ажзд̇ияадтаанам̣ ахосийд̇и ааха ‘‘ад̇ийд̇з гираа’’д̇иаад̣̇и. баж̇ж̇арагзнаад̇и зд̇т̇а баж̇ж̇араго наама рог̇о вужжад̇и. со жа яагкаанубхаавзна самуббаннод̇и взд̣̇ид̇аб̣б̣о. д̇ад̣̇аа гира бун̣н̣агаал̣о наама яагко ад̇д̇ано аанубхаавзна мануссаанамби сарийрз баж̇ж̇арагам̣ наама рог̇ам̣ самудтаабзси. вуд̇д̇ан̃хзд̇ам̣ махаавам̣сз –

‘‘рагкасзхи ж̇анассзд̇т̇а, рог̇о баж̇ж̇араго ахуу’’д̇и;

д̣̇ийбавам̣сзби жзд̇ам̣ вуд̇д̇ам̣ –

‘‘рагкасаа жа б̣ахуу д̇ад̇т̇а, баж̇ж̇араа жа самудтид̇аа;

баж̇ж̇арзна б̣ахуу сад̇д̇аа, нассанд̇и д̣̇ийбамуд̇д̇амз’’д̇и.

анаяаб̣яасананд̇и зд̇т̇а анаяод̇и авад̣дхи. гааяигам̣ жзд̇асиган̃жа сукам̣ б̣яасад̇и вигкибад̇и винаасзд̇ийд̇и б̣яасананд̇и д̣̇угкам̣ вужжад̇и. гин̃жааби ‘‘б̣уд̣̇д̇хажагкунаа логам̣ ологзнд̇о’’д̇и вуд̇д̇ам̣, д̇ат̇ааби ‘‘д̇з сад̇д̇з анаяаб̣яасанамаабаж̇ж̇анд̇з д̣̇исваа’’д̇и важанад̇о батамам̣ б̣уд̣̇д̇хажагкунаа логам̣ ологзд̇ваа бажчаа саб̣б̣ан̃н̃уд̇ан̃н̃аан̣зна логам̣ ологзнд̇о д̇з сад̇д̇з анаяаб̣яасанамаабаж̇ж̇анд̇з д̣̇исваад̇и г̇ахзд̇аб̣б̣ам̣. на хи аасаяаанусаяаад̣̇иб̣уд̣̇д̇хажагкусса д̇з сад̇д̇аа анаяаб̣яасанам̣ аабаж̇ж̇анд̇аа д̣̇иссанд̇и. д̣̇уб̣б̣удтигаад̇и висамавассаад̣̇ивасзна д̣̇удтаа асобханаа вудтиязва д̣̇уб̣б̣удтигаа, сассуббад̇д̇ихзд̇убхууд̇аа гааяасукуббад̇д̇исаббааяаа сад̇д̇убагаараа саммаа вудти д̇ад̇т̇а на ход̇ийд̇и ад̇хиббааяо. д̇ад̇оязва жа ‘‘д̣̇уб̣бхигкам̣ д̣̇уссасса’’нд̇и вуд̇д̇ам̣. бхигкааяа абхааво , д̣̇уллабхабхааво ваа д̣̇уб̣бхигкам̣, сулабхаа д̇ад̇т̇а бхигкаа на ход̇ийд̇и вуд̇д̇ам̣ ход̇и. сассаанам̣ абхааво, асамбаннад̇аа ваа д̣̇уссассам̣. д̣̇звод̇и мзгхассзд̇ам̣ наамам̣. саммаад̇хаараманубавзжчийд̇и уд̣̇агад̇хаарам̣ саммаа вимун̃жи, саммаа анубавассийд̇и вуд̇д̇ам̣ ход̇и.

махаавиваад̣̇о ход̇ийд̇и д̇асмим̣ гира гаалз ж̇аяанд̇амахаарааж̇зна жа д̇асса ран̃н̃о ганидтабхаад̇угзна самид̣̇д̇хагумааранаамагзна убарааж̇зна жа сад̣̇д̇хим̣ имасмим̣ д̣̇ийбз махааяуд̣̇д̇хам̣ убадтид̇ам̣. д̇знзд̇ам̣ вуд̇д̇ам̣ ‘‘д̇зна ко бана самаязна ман̣д̣ад̣̇ийбз махаавиваад̣̇о ход̇ий’’д̇и. ход̇ийд̇и гирияаа гааламабзгкид̇ваа вад̇д̇амаанабаяог̇о, виваад̣̇асса бана ад̇ийд̇агаалигад̇д̇ам̣ ‘‘д̇зна ко бана самаязнаа’’д̇и иминаава вин̃н̃ааяад̇и. сад̣̇д̣̇анд̇арасаннид̇хаанзна хзд̇т̇а ад̇ийд̇агаалааваг̇амо яат̇аа ‘‘бхаасад̇з вад̣дхад̇з д̇ад̣̇аа’’д̇и. звам̣ саб̣б̣ад̇т̇а ийд̣̇исзсу таанзсу вад̇д̇амаанабаяог̇о д̣̇адтаб̣б̣о. галахавиг̇г̇ахаж̇аад̇аад̇и зд̇т̇а галахо наама мад̇т̇агаббад̇д̇о гааяагалахоби ваажаагалахоби. д̇ад̇т̇а хад̇т̇абараамаасаад̣̇ивасзна гааязна гаад̇аб̣б̣о галахо гааяагалахо. маммагхадданаад̣̇ивасзна ваажааяа гаад̇аб̣б̣о галахо ваажаагалахо . вибажжанийгаг̇ахан̣ам̣ виг̇г̇ахо. галахасса буб̣б̣абхааг̇з уббанно ан̃н̃аман̃н̃авируд̣̇д̇хаг̇аахо. ат̇а ваа галахо наама ваажаагалахо. ан̃н̃аман̃н̃ам̣ хад̇т̇абараамаасаад̣̇ивасзна вируубам̣ вируд̣̇д̇хам̣ ваа г̇ахан̣ам̣ виг̇г̇ахо гааяагалахо. яат̇аавуд̇д̇о галахо жа виг̇г̇ахо жа ж̇аад̇о сан̃ж̇аад̇о зд̇зсанд̇и галахавиг̇г̇ахаж̇аад̇аа, сан̃ж̇аад̇агалахавиг̇г̇ахаад̇и ад̇т̇о.

д̇аани саасананд̇арад̇хаанзна нассанд̇ийд̇и барияад̇д̇ибадивзд̇хабадибад̇д̇исан̇каад̇асса д̇ивид̇хассаби саасанасса анд̇арад̇хаанзна д̇хаад̇убариниб̣б̣аанз сад̇и д̇аани жзд̇ияаани винассанд̇и. д̇ийн̣и (д̣̇ий. ни. адта. 3.161; вибха. адта. 809) хи бариниб̣б̣аанаани гилзсабариниб̣б̣аанам̣ канд̇хабариниб̣б̣аанам̣ д̇хаад̇убариниб̣б̣аананд̇и, д̇аани бана амхаагам̣ бхаг̇авад̇о васзна звам̣ взд̣̇ид̇аб̣б̣аани. д̇асса хи гилзсабариниб̣б̣аанам̣ б̣од̇хибаллан̇гз ахоси, канд̇хабариниб̣б̣аанам̣ гусинаарааяам̣. д̇хаад̇убариниб̣б̣аанам̣ анааг̇ад̇з бхависсад̇и. саасанасса гира осагганагаалз имасмим̣ д̇амб̣абан̣н̣ид̣̇ийбз д̇хаад̇уяо саннибад̇ид̇ваа махаажзд̇ияам̣ г̇амиссанд̇и, махаажзд̇ияад̇о нааг̇ад̣̇ийбз рааж̇ааяад̇анажзд̇ияам̣, д̇ад̇о махааб̣од̇хибаллан̇гам̣ г̇амиссанд̇и, нааг̇абхаванад̇оби д̣̇звалогад̇оби б̣рахмалогад̇оби д̇хаад̇уяо махааб̣од̇хибаллан̇гамзва г̇амиссанд̇и, саасабамад̇д̇ааби д̇хаад̇у на анд̇араа нассиссад̇и. саб̣б̣аа д̇хаад̇уяо махааб̣од̇хибаллан̇гз раасибхууд̇аа суван̣н̣агканд̇хо вияа згаг̇гханаа худ̇ваа чаб̣б̣ан̣н̣арасмияо виссаж̇ж̇зссанд̇и, д̇аа д̣̇асасахассилогад̇хаад̇ум̣ париссанд̇и. д̇ад̇о д̣̇асасахассажаггаваал̣з д̣̇звад̇аа саннибад̇ид̇ваа ‘‘аж̇ж̇а сад̇т̇аа бариниб̣б̣аад̇и, аж̇ж̇а саасанам̣ осаггад̇и, бажчимад̣̇ассанам̣ д̣̇аани ид̣̇ам̣ амхаага’’нд̇и д̣̇асаб̣аласса бариниб̣б̣уд̇ад̣̇ивасад̇о маханд̇ад̇арам̣ гаарун̃н̃ам̣ гариссанд̇и, табзд̇ваа анааг̇аамикийн̣аасавз авасзсаа сагабхаавзна сан̣таад̇ум̣ на сагкиссанд̇и. д̇хаад̇уусу д̇зж̇од̇хаад̇у удтахид̇ваа яаава б̣рахмалогаа уг̇г̇ажчиссад̇и, саасабамад̇д̇ияааби д̇хаад̇уяаа сад̇и згаж̇аалаава бхависсад̇и, д̇хаад̇уусу барияаад̣̇аанам̣ г̇ад̇аасу барижчиж̇ж̇иссад̇и. звам̣ маханд̇ам̣ аанубхаавам̣ д̣̇ассзд̇ваа д̇хаад̇уусу анд̇арахид̇аасу саасанам̣ анд̇арахид̇ам̣ наама ход̇и.

д̣̇иваа б̣од̇хиругкадтаанз хад̇т̇исаалааяам̣ д̇идтад̇ийд̇и д̣̇иваа вад̇т̇увижинанааяа огаасам̣ гурумаано д̇ад̇о д̇хаад̇ум̣ г̇ахзд̇ваа гумбхз табзд̇ваа сад̇хаад̇угова худ̇ваа д̇идтад̇ийд̇и вад̣̇анд̇и. вуд̇д̇ан̃хзд̇ам̣ махаавам̣сз –

‘‘рад̇д̇им̣ нааг̇онубарияаад̇и, д̇ам̣ таанам̣ со сад̇хаад̇угам̣;

б̣од̇хидтаанамхи саалааяам̣, д̣̇иваа таад̇и сад̇хаад̇уго’’д̇и.

т̇уубабад̇идтаанабхуумим̣ барияааяад̇ийд̇и мад̇т̇агад̇о д̇хаад̇ум̣ д̇ад̇т̇а бад̇идтаабзд̇ваа сад̇хаад̇угам̣ т̇уубабад̇идтаанабхуумим̣ рад̇д̇ибхааг̇з барияааяад̇и, саманд̇ад̇о вижарад̇ийд̇и ад̇т̇о. ж̇ан̇гхаббамаан̣анд̇и бубпадтаанаббамаан̣ам̣. т̇уубагужчид̇о хздтаабхааг̇ан̃хи т̇уубасса ж̇ан̇гхаад̇и вад̣̇анд̇и. д̇хаад̇уоробанад̇т̇ааяаад̇и хад̇т̇игумбхад̇о д̇хаад̇угаран̣д̣агасса оробанад̇т̇ааяа. сагаланаг̇аран̃жа ж̇анабад̣̇о жаад̇и наг̇араваасино ж̇анабад̣̇аваасино жа абхзд̣̇ад̇о наг̇араж̇анабад̣̇асад̣̇д̣̇зхи вуд̇д̇аа ‘‘саб̣б̣о г̇аамо ааг̇ад̇о, ман̃жаа уггудтим̣ гаронд̇ий’’д̇иаад̣̇ийсу вияа. махааж̇анагааязд̇и махааж̇анасамуухз. самуухабарияааяо хзд̇т̇а гааяасад̣̇д̣̇о. згзгад̇хаад̇уббад̣̇зсад̇о д̇зж̇од̣̇аганигкаманаад̣̇ивасзна яамагаяамагам̣ худ̇ваа бавад̇д̇ам̣ баадихаарияам̣ яамагабаадихаарияам̣ . чаннам̣ ван̣н̣аанам̣ расмияо жаад̇и самб̣анд̇хо гаад̇аб̣б̣о. чаннам̣ ван̣н̣аанам̣ уд̣̇агад̇хаараа жаад̇и звамбзд̇т̇а самб̣анд̇хам̣ вад̣̇анд̇и. бариниб̣б̣уд̇зби бхаг̇авад̇и д̇ассаанубхаавзна зваруубам̣ баадихаарияамахосиязваад̇и д̣̇ассзд̇ум̣ ‘‘звам̣ ажинд̇ияаа’’д̇иаад̣̇иг̇аат̇амааха. б̣уд̣̇д̇хад̇хаммаад̇и зд̇т̇а б̣уд̣̇д̇хаг̇ун̣аа.

д̇харамаанагаалзби д̇игкад̇д̇ум̣ ааг̇амаасийд̇и бхаг̇аваа гира абхисамб̣од̇хид̇о навамз маасз пуссабун̣н̣амад̣̇ивасз яагкаад̇хиваасам̣ лан̇гаад̣̇ийбамубаг̇анд̇ваа лан̇гаамаж̇жхз д̇ияож̇анааяад̇з яож̇анавид̇т̇ад̇з махаанааг̇авануяяаанз махааяагкасамааг̇амз убариаагаасз тад̇ваа габбудтаанасамаяз самудтид̇авудтиваад̇аниб̣б̣исзсавассавааяунаа жа логанд̇ариганираяанд̇хагаарасад̣̇исагхоранд̇хагааранигааязна жа сийд̇анараганиб̣б̣исзсаб̣ахаласийд̇зна жа сам̣ваддагааласан̃ж̇аад̇аваад̇асан̇кубхид̇зхи мзгханабхаг̇аж̇ж̇ид̇асад̣̇исзна г̇аг̇анамзд̣̇анийниннаад̣̇зна жа яагкаанам̣ бхаяам̣ санд̇аасам̣ ж̇анзд̇ваа д̇зхи яаажид̇аабхаяо ‘‘д̣̇зт̇а мз самаг̇г̇аа нисийд̣̇анадтаана’’нд̇и вад̇ваа ‘‘д̣̇зма д̇з сагалад̣̇ийбам̣, д̣̇зхи но, маариса, абхаяа’’нд̇и вуд̇д̇з саб̣б̣ам̣ д̇ам̣ убад̣̇д̣̇авам̣ анд̇арад̇хаабзд̇ваа яагкад̣̇ад̇д̇абхуумияаа жаммакан̣д̣ам̣ бад̇т̇арид̇ваа д̇ад̇т̇а нисинно саманд̇ад̇о ж̇аламаанам̣ жаммакан̣д̣ам̣ басаарзд̇ваа габбудтаанаг̇г̇исад̣̇исад̣̇аханаабхибхууд̇аанам̣ ж̇алад̇хисалилабхийд̇аанам̣ саманд̇аа взланд̇з бхаманд̇аанам̣ яагкаанам̣ г̇ирид̣̇ийбам̣ д̣̇ассзд̇ваа д̇зсу д̇ад̇т̇а бад̇идтид̇зсу д̇ам̣ яат̇аатаанз бад̇идтаабзд̇ваа жаммакан̣д̣ам̣ сан̇кибид̇ваа нисинно д̇ад̣̇аа самааг̇ад̇з анзгад̣̇звад̇аасаннибаад̇з д̇хаммам̣ д̣̇зсзд̇ваа анзгабаан̣агодийнам̣ д̇хаммаабхисамаяам̣ гад̇ваа суманагуудаваасинаа махаасуманад̣̇зварааж̇зна самад̇хиг̇ад̇асод̇аабад̇д̇ипалзна яаажид̇абууж̇анийяо сийсам̣ бараамасид̇ваа мудтимад̇д̇аа нийлаамалагзсад̇хаад̇уяо д̇асса д̣̇ад̇ваа ж̇амб̣уд̣̇ийбамаг̇амааси.

д̣̇уд̇ияам̣ абхисамб̣од̇хид̇о бан̃жамз сам̣важчарз жуул̣од̣̇арамаход̣̇араанам̣ ж̇алат̇аланиваасийнам̣ маад̇улабхааг̇инзяяаанам̣ нааг̇арааж̇уунам̣ ман̣ибаллан̇гам̣ ниссааяа убадтид̇амахаасан̇г̇аамз нааг̇аанам̣ махаавинаасам̣ д̣̇исваа жид̇д̇амаасагаал̣абагкасса убосат̇ад̣̇ивасз баад̇ова самид̣̇д̇хасуманзна наама ругкад̣̇звабуд̇д̇зна чад̇д̇ам̣ гад̇ваа д̇хаарид̇арааж̇ааяад̇ано нааг̇ад̣̇ийбам̣ самааг̇анд̇ваа сан̇г̇аамамаж̇жхз аагаасз баллан̇гзна нисинно гхоранд̇хагаарзна нааг̇з санд̇аасзд̇ваа ассаасзнд̇о аалогам̣ д̣̇ассзд̇ваа сан̃ж̇аад̇абийд̇исоманассаанам̣ убаг̇ад̇анааг̇аанам̣ саамаг̇г̇игаран̣ийяам̣ д̇хаммам̣ д̣̇зсзд̇ваа маад̇улабхааг̇инзяязхи д̣̇вийхи нааг̇арааж̇уухи бууж̇ид̇з бат̇авийд̇алаг̇ад̇з ман̣ибаллан̇гз нисинно нааг̇зхи д̣̇иб̣б̣аннабаанзхи санд̇аббид̇о ж̇алат̇аланиваасино асийд̇игодинааг̇з саран̣зсу жа сийлзсу жа бад̇идтаабзд̇ваа д̇зхи намассид̇ум̣ баллан̇ган̃жа рааж̇ааяад̇анабаад̣̇абан̃жа д̇ад̇т̇а бад̇идтаабзд̇ваа ж̇амб̣уд̣̇ийбамаг̇амааси.

д̇ад̇ияамби абхисамб̣од̇хид̇о адтамз сам̣важчарз маход̣̇арамаад̇улзна ман̣иагкиганааг̇арааж̇знаабхияаажид̇о висаакабун̣н̣амад̣̇ивасз бан̃жабхигкусад̇абаривуд̇о галяаан̣ийбад̣̇зсз ман̣иагкигасса бхаванамубаг̇анд̇ваа д̇ад̇т̇а маабид̇аружирарад̇анаман̣д̣абз манохараварабаллан̇гз нисинно нааг̇арааж̇зна д̣̇иб̣б̣аннабаанзхи санд̇аббзд̇ваа нааг̇амаан̣авигаг̇ан̣абаривуд̇зна д̣̇иб̣б̣амаалааг̇анд̇хаад̣̇ийхи бууж̇ид̇о д̇ад̇т̇а д̇хаммам̣ д̣̇зсзд̇ваа вудтааяаасанаа суманагуудз бад̣̇ам̣ д̣̇ассзд̇ваа баб̣б̣ад̇абаад̣̇з д̣̇иваавихаарам̣ гад̇ваа д̣̇ийгхаваабижзд̇ияадтаанз жа мубхияан̇г̇ан̣ажзд̇ияадтаанз жа галяаан̣ийжзд̇ияадтаанз жа махааб̣од̇хидтаанз жа т̇уубаараамадтаанз жа махаажзд̇ияадтаанз жа сасааваго нисийд̣̇ид̇ваа нирод̇хасамаабад̇д̇им̣ самаабаж̇ж̇ид̇ваа силаажзд̇ияадтаанзязва тад̇ваа д̣̇званааг̇з саманусаасид̇ваа ж̇амб̣уд̣̇ийбамаг̇амааси. звам̣ бхаг̇аваа д̇харамаанагаалзби имам̣ д̣̇ийбам̣ д̇игкад̇д̇ум̣ ааг̇амаасийд̇и взд̣̇ид̇аб̣б̣ам̣.

ид̣̇аани д̇ад̣̇зва д̇игкад̇д̇умааг̇аманам̣ сан̇кзбад̇о вибхаавзнд̇о ааха ‘‘батамам̣ яагкад̣̇аманад̇т̇а’’нд̇иаад̣̇и. рагкам̣ гаронд̇од̇и яагкаанам̣ буна абависанад̇т̇ааяа рагкам̣ гаронд̇о. аавиж̇ж̇ийд̇и саманд̇ад̇о вижари. маад̇улабхааг̇инзяяаананд̇и жуул̣од̣̇арамаход̣̇араанам̣. зд̇т̇а бана гин̃жааби бхаг̇аваа самид̣̇д̇хасуманзна наама д̣̇звабуд̇д̇зна сад̣̇д̇хим̣ ааг̇ад̇о, д̇ат̇ааби бажчаасаман̣зна згзнаби бхигкунаа сад̣̇д̇хим̣ анааг̇ад̇ад̇д̇аа ‘‘згагова ааг̇анд̇ваа’’д̇и вуд̇д̇ам̣. д̇ад̣̇ануруубасса барибант̇асса вихад̇ад̇д̇аа ‘‘барил̣аахам̣ вуубасамзд̇ваа’’д̇и вуд̇д̇ам̣. ран̃н̃о бхаад̇аад̇и ран̃н̃о ганидтабхаад̇аа. абхаяод̇и мад̇д̇аабхаяо.

анул̣аа д̣̇звийд̇и ран̃н̃о ж̇здтабхаад̇уж̇ааяаа анул̣аа д̣̇звий. буримагаанам̣ д̇ин̣н̣ам̣ саммаасамб̣уд̣̇д̇хаанам̣ б̣од̇хи бад̇идтаасийд̇и яад̣̇аа хи со гагусанд̇хо наама бхаг̇аваа имасмим̣ д̣̇ийбз мануссз баж̇ж̇арагаабхибхууд̇з анаяаб̣яасанамаабаж̇ж̇анд̇з д̣̇исваа гарун̣ааяа сан̃жод̣̇ид̇ахад̣̇аяо имам̣ д̣̇ийбамааг̇ад̇о, д̇ад̣̇аа д̇ам̣ рог̇абхаяам̣ вуубасамзд̇ваа саннибад̇ид̇аанам̣ д̇хаммам̣ д̣̇зсзнд̇о жад̇ураасийд̇ияаа баан̣асахассаанам̣ д̇хаммаабхисамаяам̣ гад̇ваа сааяанхасамаяз б̣од̇хибад̇идтаанаарахадтаанам̣ г̇анд̇ваа д̇ад̇т̇а самаабад̇д̇им̣ самаабаж̇ж̇ид̇ваа вудтааяа ‘‘мама сирийсамахааб̣од̇хид̇о д̣̇агкин̣амахаасаакамаад̣̇ааяа ружананд̣̇аа бхигкуний ид̇хааг̇ажчад̇уу’’д̇и ад̇хидтааси . саа сад̇т̇у жид̇д̇ам̣ н̃ад̇ваа д̇ан̇кан̣ан̃н̃зва кзмавад̇ийрааж̇ад̇хаанияаа кзмарааж̇аанамаад̣̇ааяа махааб̣од̇химубаг̇анд̇ваа д̣̇агкин̣амахаасаакааяа маносилаалзкам̣ кзмарааж̇зна д̣̇аабзд̇ваа д̇ам̣ саяам̣ чиж̇ж̇ид̇ваа суван̣н̣агадаахз тид̇ам̣ б̣од̇хисаакамаад̣̇ааяа бан̃жасад̇абхигкунийхи жзва д̣̇звад̇аахи жа бариваарид̇аа ид̣̇д̇хияаа ид̇хаанзд̇ваа д̇ат̇ааг̇ад̇зна басаарид̇з д̣̇агкин̣ахад̇т̇з сасуван̣н̣агадаахам̣ махааб̣од̇хим̣ табзси. д̇ам̣ д̇ат̇ааг̇ад̇о абхаяасса наама ран̃н̃о д̣̇ад̇ваа д̇зна д̇асмим̣ самаяз ‘‘махаад̇ид̇т̇авана’’нд̇и бан̃н̃аад̇з махаамзгхавануяяаанз бад̇идтаабзси.

гон̣ааг̇амано жа бхаг̇аваа д̣̇уб̣б̣удтибийл̣ид̇з д̣̇ийбаваасино д̣̇исваа имам̣ д̣̇ийбамааг̇ад̇о д̇ам̣ бхаяам̣ вуубасамзд̇ваа д̇хаммам̣ д̣̇зсзнд̇о жад̇ураасийд̇и баан̣асахассаани маг̇г̇апалзсу бад̇идтаабзд̇ваа буб̣б̣аб̣од̇хидтаанам̣ г̇анд̇ваа самаабад̇д̇ибарияосаанз ‘‘мама уд̣̇умб̣арамахааб̣од̇хид̇о д̣̇агкин̣амахаасаакамаад̣̇ааяа гараганад̇д̇аа бхигкуний ид̇хааг̇ажчад̇уу’’д̇и жинд̇зси. саа бхаг̇авад̇о ад̇хиббааяам̣ вид̣̇ид̇ваа д̇ан̇кан̣ан̃н̃зва собхарааж̇ад̇хаанияаа собхарааж̇аанамаад̣̇ааяа махааб̣од̇химубаг̇анд̇ваа д̣̇агкин̣амахаасаакааяа маносилаалзкам̣ собхарааж̇зна д̣̇аабзд̇ваа д̇ам̣ саяам̣ чиж̇ж̇ид̇ваа хзмагадаахз бад̇идтид̇ам̣ б̣од̇хисаакамаад̣̇ааяа бан̃жасад̇абхигкунийхи сад̣̇д̇хим̣ сураг̇ан̣абаривуд̇аа ид̣̇д̇хияаа ид̇хаахарид̇ваа сад̇т̇аараа басаарид̇ад̣̇агкин̣абаан̣ид̇алз сахзмагадаахам̣ махааб̣од̇хим̣ табзси. д̇ам̣ д̇ат̇ааг̇ад̇о самид̣̇д̇хасса ран̃н̃о д̣̇ад̇ваа д̇зна д̇асмим̣ самаяз ‘‘махаанааг̇авана’’нд̇и сан̇кяам̣ г̇ад̇з махаамзгхавануяяаанз махааб̣од̇хим̣ бад̇идтаабзси.

гассабоби жа бхаг̇аваа убадтид̇арааж̇уубарааж̇аяуд̣̇д̇хзна баан̣ино винаасам̣ д̣̇исваа гарун̣ааяа жод̣̇ид̇о имам̣ д̣̇ийбамааг̇анд̇ваа д̇ам̣ галахам̣ вуубасамзд̇ваа д̇хаммам̣ д̣̇зсзнд̇о жад̇ураасийд̇и баан̣асахассаани маг̇г̇апалам̣ баабзд̇ваа махааб̣од̇хидтаанам̣ г̇анд̇ваа д̇ад̇т̇а самаабад̇д̇им̣ самаабаж̇ж̇ид̇ваа вудтааяа ‘‘мама ниг̇род̇хамахааб̣од̇хид̇о д̣̇агкин̣амахаасаакамаад̣̇ааяа суд̇хаммаа бхигкуний ид̇хааг̇ажчад̇уу’’д̇и ад̇хидтааси. саа бхаг̇авад̇о жид̇д̇ам̣ вид̣̇ид̇ваа д̇ан̇кан̣ан̃н̃зва б̣аараан̣асийрааж̇ад̇хаанияаа б̣рахмад̣̇ад̇д̇арааж̇аанамаад̣̇ааяа махааб̣од̇химубаг̇анд̇ваа д̣̇агкин̣амахаасаакааяа маносилаалзкам̣ б̣рахмад̣̇ад̇д̇зна д̣̇аабзд̇ваа д̇ам̣ саяам̣ чиж̇ж̇ид̇ваа ганагагадаахз тид̇ам̣ б̣од̇хисаакамаад̣̇ааяа бан̃жасад̇абхигкунийбариваараа д̣̇зваг̇ан̣абаривуд̇аа ид̣̇д̇хияаа зд̇т̇а аанзд̇ваа мунинд̣̇зна басаарид̇з д̣̇агкин̣агарад̇алз сасуван̣н̣агадаахам̣ махааб̣од̇хим̣ табзси. д̇ам̣ бхаг̇аваа ж̇аяанд̇аран̃н̃о д̣̇ад̇ваа д̇зна д̇асмим̣ самаяз ‘‘махаасаалавана’’нд̇и сан̇кяам̣ г̇ад̇з махаамзгхавануяяаанз махааб̣од̇хим̣ бад̇идтаабзси. звам̣ имасмим̣ д̣̇ийбз буримагаанам̣ д̇ин̣н̣ам̣ саммаасамб̣уд̣̇д̇хаанам̣ б̣од̇хим̣ бад̇идтаабзси. д̇ам̣ санд̇хааяа звамааха ‘‘имасмин̃жа махаарааж̇а д̣̇ийбз буримагаанам̣ д̇ин̣н̣ам̣ саммаасамб̣уд̣̇д̇хаанам̣ б̣од̇хи бад̇идтаасий’’д̇и.

сарасарам̣сиж̇аалависсаж̇ж̇анагзнаад̇и синид̣̇д̇хад̇ааяа расаванд̇ам̣ ож̇аванд̇ам̣ абхинаварам̣сиж̇аалам̣ виссаж̇ж̇знд̇зна. ат̇а ваа ид̇о жид̇о жа сам̣саран̣ад̇о сарасам̣ саж̇ийвам̣ ж̇ийвамаанам̣ вияа рам̣сиж̇аалам̣ виссаж̇ж̇знд̇зна. ат̇а ваа сарасагаалз д̇харамаанагаалз б̣уд̣̇д̇хзна вияа рам̣сиж̇аалам̣ мун̃жанд̇знаад̇и звамзд̇т̇а ад̇т̇ам̣ ван̣н̣аяанд̇и. згад̣̇ивасзнзва аг̇амаасийд̇и самб̣анд̇хо. бан̃жахи ган̃н̃аасад̇зхийд̇и ад̇д̇ано барижааригзхи бан̃жахи ган̃н̃аасад̇зхи. убассаяам̣ гаараабзд̇ваад̇и бхигкунубассаяам̣ гаараабзд̇ваа. аббзсийд̇и лзкасаасанам̣ бад̇идтаабзси. зван̃жа авожаад̇и рааж̇асанд̣̇зсам̣ аббзд̇ваа т̇зрасса мукасаасанам̣ вин̃н̃аабзнд̇о звам̣ авожа. уд̣̇игкад̇ийд̇и абзгкад̇и бад̇т̇зд̇и.

чиннахад̇т̇ам̣ вияаад̇и чиннахад̇т̇аванд̇ам̣ вияа. чиннаа хад̇т̇аа зд̇ассаад̇и чиннахад̇т̇од̇и ан̃н̃абад̣̇ад̇т̇асамаасо д̣̇адтаб̣б̣о. баб̣б̣аж̇ж̇аабурзгкаараад̇и баб̣б̣аж̇ж̇аабхимукаа, баб̣б̣аж̇ж̇ааяа сан̃ж̇аад̇аабхилаасаа ‘‘гад̣̇аа ну ко баб̣б̣аж̇иссаамий’’д̇и д̇ад̇т̇а уссуггамаабаннаад̇и вуд̇д̇ам̣ ход̇и. мам̣ бадимаанзд̇ийд̇и мам̣ уд̣̇игкад̇и. сад̇т̇зна гхаад̇ам̣ на арахад̇ийд̇и асад̇т̇агхаад̇аарахам̣. химавалаахагаг̇аб̣бханд̇и химабун̣н̣авалаахагаг̇аб̣бхам̣. баадихаарияавасзна ж̇аад̇ам̣ химамзва ‘‘валаахагаг̇аб̣бха’’нд̇иби вад̣̇анд̇и. д̣̇он̣амад̇д̇аад̇и маг̇ад̇ханаал̣ияаа сол̣асанаал̣иббамаан̣аа.

маг̇г̇анд̇и сад̇д̇аяож̇анигам̣ маг̇г̇ам̣. бадиж̇аг̇г̇аабзд̇ваад̇и сод̇хаабзд̇ваа, каан̣уган̣дагаад̣̇ийни хараабзд̇ваа д̇ад̇т̇а б̣ахалавибулаваалугам̣ огираабзд̇ваад̇и вуд̇д̇ам̣ ход̇и. гаммаараван̣н̣анд̇и ран̃н̃о багад̇исуван̣н̣агаараван̣н̣ам̣. навахад̇т̇абаригкзбанд̇и навахад̇т̇аббамаан̣о баригкзбо ассаад̇и навахад̇т̇абаригкзбам̣, баригкзбад̇о навахад̇т̇аббамаан̣анд̇и вуд̇д̇ам̣ ход̇и. ‘‘бан̃жахад̇т̇уб̣б̣зд̇ха’’нд̇иаад̣̇ийсуби иминаава наязна ад̇т̇о взд̣̇ид̇аб̣б̣о. д̇ихад̇т̇авигкамбханд̇и д̇ихад̇т̇аббамаан̣авид̇т̇аарам̣. самуссид̇ад̇хаж̇абадааганд̇и уссаабид̇анийлабийд̇аад̣̇ививид̇хад̇хаж̇абадаагам̣. наанаарад̇анавижид̇д̇анд̇и д̇ад̇т̇а д̇ад̇т̇а ражид̇анаанаарад̇анзхи сувижид̇д̇ам̣. анзгаалан̇гаарабадиман̣д̣ид̇анд̇и басаннаж̇анабууж̇ид̇зхи хад̇т̇уубаг̇аад̣̇ийхи наанаалан̇гаарзхи саж̇ж̇ид̇ам̣. наанаавид̇хагусумасамаагин̣н̣анд̇и убахааравасзна убанийд̇зхи наанаббагаарзхи ван̣н̣аг̇анд̇хасамбаннзхи ж̇алат̇алабубпзхи аагин̣н̣ам̣. анзгад̇уурияасан̇гхудтанд̇и аад̇абхавид̇ад̇аад̣̇ибан̃жан̇г̇игад̇уурияасан̇гхосид̇ам̣. авасзсам̣ ад̣̇ассанам̣ аг̇амаасийд̇и зд̇т̇а ‘‘ханд̣̇а, махаарааж̇а, д̇аяаа г̇ахзд̇аб̣б̣аа аяам̣ саакаа, д̇асса убаниссаяабхууд̇о аяам̣ канд̇хо, на маяам̣ д̇аяаа г̇ахзд̇аб̣б̣аа’’д̇и вад̣̇анд̇аа вияа авасзсаа саакаа сад̇т̇у д̇зж̇асаа ад̣̇ассанамаг̇амам̣сууд̇и вад̣̇анд̇и. г̇авагкаж̇ааласад̣̇исанд̇и бхааванабум̣сагам̣, ж̇аалагаваадасад̣̇исам̣ гад̇ваад̇и ад̇т̇о. жзлугкзбасад̇асахассаани бавад̇д̇им̣сууд̇и д̇зсам̣ д̇зсам̣ ж̇анаанам̣ сийсобари бхаманд̇аанам̣ уд̇д̇араасан̇г̇ажзлаанам̣ угкзбасад̇асахассаани бавад̇д̇им̣сууд̇и ад̇т̇о. мууласад̇знаад̇и д̣̇асасу лзкаасу згзгааяа д̣̇аса д̣̇аса худ̇ваа нигканд̇амууласад̇зна. д̣̇аса махаамуулаад̇и батамалзкааяа нигканд̇ад̣̇асамахаамуулаани.

д̣̇звад̣̇унд̣̇убхияо палим̣сууд̇и д̣̇звад̣̇унд̣̇убхияо т̇аним̣су. д̣̇звад̣̇унд̣̇убхийд̇и жа на зд̇т̇а гаажи бхзрий ад̇хиббзд̇аа, ат̇а ко уббаад̇абхаавзна аагаасаг̇ад̇о ниг̇гхосасад̣̇д̣̇о. д̣̇звод̇и хи мзгхо. д̇асса хи ажчабхаавзна аагаасаван̣н̣асса д̣̇звассаабхаавзна сугкаг̇аж̇ж̇ид̇асан̃н̃ид̇з сад̣̇д̣̇з нижчаранд̇з д̣̇звад̣̇унд̣̇убхийд̇и саман̃н̃аа, д̇асмаа д̣̇звад̣̇унд̣̇убхияо палим̣сууд̇и д̣̇зво сугкаг̇аж̇ж̇ид̇ам̣ г̇аж̇ж̇ийд̇и вуд̇д̇ам̣ ход̇и. баб̣б̣ад̇аанам̣ нажжзхийд̇и бат̇авийгамбзна ид̇о жид̇о жа бхаманд̇аанам̣ баб̣б̣ад̇аанам̣ нажжзхи. яагкаанам̣ хин̇гаарзхийд̇и вимхаяаж̇аад̇аанам̣ яагкаанам̣ вимхаяаббагаасанавасзна бавад̇д̇зхи хин̇гаарасад̣̇д̣̇зхи. яагкаа хи вимхаяаж̇аад̇аа ‘‘хим̣ хи’’нд̇и сад̣̇д̣̇ам̣ нижчаарзнд̇и. т̇уд̇иж̇аббзхийд̇и басам̣сааважанзхи. б̣рахмаанам̣ абподанзхийд̇и бийд̇исоманассаж̇аад̇аанам̣ б̣рахмаанам̣ б̣аахааяам̣ бахаран̣асан̇каад̇зхи абподанзхи. бийд̇исоманассаж̇аад̇аа хи б̣рахмаано ваамахад̇т̇ам̣ самин̃ж̇ид̇ваа д̣̇агкин̣зна хад̇т̇зна б̣аахааяам̣ бахаарам̣ д̣̇знд̇и. згаголаахаланд̇и згад̇о бавад̇д̇аголаахалам̣ . зганиннаад̣̇анд̇и згад̇о бавад̇д̇аниг̇гхосам̣. палад̇о нигканд̇аа чаб̣б̣ан̣н̣арасмияо уж̇угам̣ уг̇г̇анд̇ваа онамид̇ваа жаггаваал̣абаб̣б̣ад̇амукаваддим̣ аахажжа д̇идтанд̇ийд̇и ааха ‘‘сагалажаггаваал̣ам̣ рад̇анаг̇обаанасийвинад̣̇д̇хам̣ вияа гурумаанаа’’д̇и. д̇ан̇кан̣ад̇о жа бана бабхуд̇ийд̇и вуд̇д̇анаязна суван̣н̣агадаахз бад̇идтид̇асса махааб̣од̇хисса чаб̣б̣ан̣н̣арасмийнам̣ виссаж̇ж̇ид̇агаалад̇о бабхуд̇и. химавалаахагаг̇аб̣бхам̣ бависид̇ваа адтаасийд̇и суван̣н̣агадаахзнзва сад̣̇д̇хим̣ уг̇г̇анд̇ваа химод̣̇агабун̣н̣ам̣ валаахагаг̇аб̣бхам̣ бависид̇ваа адтааси. батамам̣ суван̣н̣агадаахз бад̇идтид̇оязва хи б̣од̇хи бажчаа вуд̇д̇аббагаараажчарияабадиман̣д̣ид̇о худ̇ваа химавалаахагаг̇аб̣бхам̣ бависид̇ваа адтааси. д̇знзва вагкад̇и ‘‘батамам̣ суван̣н̣агадаахз бад̇идтахи, д̇ад̇о химаг̇аб̣бхасад̇д̇аахам̣ абхисзгасад̇д̇аахан̃жа вийд̇инаамзд̇ваа’’д̇иаад̣̇и. д̇ад̇оязва жа махаавам̣сзби вуд̇д̇ам̣ –

‘‘звам̣ сад̇зна муулаанам̣, д̇ад̇т̇зсаа г̇анд̇хагад̣̇д̣̇амз;

бад̇идтааси махааб̣од̇хи, басаад̣̇знд̇ий махааж̇анам̣.

‘‘д̇ассаа канд̇хо д̣̇асахад̇т̇о, бан̃жа саакаа манорамаа;

жад̇ухад̇т̇аа жад̇ухад̇т̇аа, д̣̇асад̣дхапаламан̣д̣ид̇аа.

‘‘сахассанд̇у басаакаанам̣, саакаанам̣ д̇аасамааси жа;

звам̣ ааси махааб̣од̇хи, манохарасиринд̇хараа.

‘‘гадаахамхи махааб̣од̇хи, бад̇идтид̇агкан̣з махий;

агамби баадихийраани, ахзсум̣ вивид̇хаани жа.

‘‘саяам̣ наад̣̇зхи д̇уурияаанам̣, д̣̇звзсу маанусзсу жа;

саад̇хугаараниннаад̣̇зхи, д̣̇зваб̣рахмаг̇ан̣асса жа.

‘‘мзгхаанам̣ миг̇абагкийнам̣, яагкаад̣̇ийнам̣ равзхи жа;

равзхи жа махийгамбз, згаголаахалам̣ аху.

‘‘б̣од̇хияаа палабад̇д̇зхи, чаб̣б̣ан̣н̣арам̣сияо субхаа;

нигкамид̇ваа жаггаваал̣ам̣, сагалам̣ собхаяим̣су жа.

‘‘сагадаахаа махааб̣од̇хи, уг̇г̇анд̇ваана д̇ад̇о набхам̣;

адтааси химаг̇аб̣бхамхи, сад̇д̇аахаани ад̣̇ассанаа’’д̇и.

д̇асмаа суван̣н̣агадаахз бад̇идтид̇оязва б̣од̇хи гадаахзнзва сад̣̇д̇хи уг̇г̇анд̇ваа химавалаахагаг̇аб̣бхам̣ бависид̇ваа адтаасийд̇и взд̣̇ид̇аб̣б̣ам̣.

хздтаа бана бхаг̇авад̇о ад̇хидтаанаггамам̣ д̣̇ассзнд̇зна яам̣ вуд̇д̇ам̣ –

‘‘бхаг̇аваа гира махаабариниб̣б̣аанаман̃жз нибанно лан̇гаад̣̇ийбз махааб̣од̇хибад̇идтаабанад̇т̇ааяа асогамахаарааж̇аа махааб̣од̇хиг̇г̇ахан̣ад̇т̇ам̣ г̇амиссад̇и, д̇ад̣̇аа махааб̣од̇хисса д̣̇агкин̣асаакаа саяамзва чиж̇ж̇ид̇ваа суван̣н̣агадаахз бад̇идтаад̇ууд̇и ад̇хидтааси, ид̣̇амзгамад̇хидтаанам̣.

‘‘д̇ад̇т̇а бад̇идтаанагаалз жа ‘махааб̣од̇хи химавалаахагаг̇аб̣бхам̣ бависид̇ваа д̇идтад̇уу’д̇и ад̇хидтааси, ид̣̇ам̣ д̣̇уд̇ияамад̇хидтаанам̣.

‘‘сад̇д̇амз д̣̇ивасз химавалаахагаг̇аб̣бхад̇о оруяха суван̣н̣агадаахз бад̇идтаханд̇о бад̇д̇зхи жа палзхи жа чаб̣б̣ан̣н̣арасмияо мун̃жад̇ууд̇и ад̇хидтааси, ид̣̇ам̣ д̇ад̇ияамад̇хидтаана’’нд̇и.

д̇ам̣ иминаа на самзд̇и. д̇ад̇т̇а хи батамам̣ химавалаахагаг̇аб̣бхам̣ бависид̇ваа бажчаа сад̇д̇амз д̣̇ивасз химавалаахагаг̇аб̣бхад̇о оруяха чаб̣б̣ан̣н̣арам̣сивиссаж̇ж̇анам̣ суван̣н̣агадаахз бад̇идтаханан̃жа вуд̇д̇ам̣, д̇асмаа адтагат̇ааяа буб̣б̣знаабарам̣ на самзд̇и. махаавам̣сз бана ад̇хидтаанзби батамам̣ суван̣н̣агадаахз бад̇идтаханам̣ бажчааязва чаб̣б̣ан̣н̣арам̣сивиссаж̇ж̇анам̣ химавалаахагаг̇аб̣бхабависанан̃жа. вуд̇д̇ан̃хзд̇ам̣ –

‘‘бариниб̣б̣аанаман̃жамхи, нибаннзна ж̇инзна хи;

гад̇ам̣ махааад̇хидтаанам̣, бан̃жагам̣ бан̃жажагкунаа.

‘‘г̇аяхамаанаа махааб̣од̇хи-саакаасогзна д̣̇агкин̣аа;

чиж̇ж̇ид̇ваана саяам̣язва, бад̇идтаад̇у гадаахагз.

‘‘бад̇идтахид̇ваа саа саакаа, чаб̣б̣ан̣н̣арасмияо субхаа;

рааж̇аяанд̇ий д̣̇исаа саб̣б̣аа, палабад̇д̇зхи мун̃жад̇у.

‘‘сасуван̣н̣агадаахаа саа, уг̇г̇анд̇ваана манорамаа;

ад̣̇иссамаанаа сад̇д̇аахам̣, химаг̇аб̣бхамхи д̇идтад̇уу’’д̇и.

б̣од̇хивам̣сзби жа аяамзва ад̇хидтаанаггамо вуд̇д̇о, д̇асмаа адтагат̇ааяам̣ вуд̇д̇о ад̇хидтаанаггамо яат̇аа буб̣б̣знаабарам̣ на вируж̇жхад̇и, д̇ат̇аа виймам̣сид̇ваа г̇ахзд̇аб̣б̣о.

химан̃жа чаб̣б̣ан̣н̣арам̣сияо жа аавад̇д̇ид̇ваа махааб̣од̇химзва бависим̣сууд̇и махааб̣од̇хим̣ бадижчаад̣̇зд̇ваа тид̇ам̣ химан̃жа б̣од̇хид̇о нигканд̇ачаб̣б̣ан̣н̣арасмияо жа аавад̇д̇ид̇ваа бад̣̇агкин̣ам̣ гад̇ваа б̣од̇химзва бависим̣су, б̣од̇хибавидтаа вияа худ̇ваа анд̇арахид̇аад̇и вуд̇д̇ам̣ ход̇и. зд̇т̇а бана ‘‘химан̃жа рам̣сияо жаа’’д̇и аяамзва баато сад̇асод̇хид̇асаммад̇з бораан̣абод̇т̇агз сзсзсу жа саб̣б̣абод̇т̇агзсу д̣̇иссад̇и. махаавам̣сзби жзд̇ам̣ вуд̇д̇ам̣ –

‘‘ад̇ийд̇з д̇амхи сад̇д̇аахз, саб̣б̣з химавалаахагаа;

бависим̣су махааб̣од̇хим̣, саб̣б̣аа д̇аа рам̣сияоби жаа’’д̇и.

гзнажи бана ‘‘бан̃жа рам̣сияо’’д̇и баатам̣ баригаббзд̇ваа яам̣ вуд̇д̇ам̣ ‘‘саб̣б̣ад̣̇исаахи бан̃жа расмияо аавад̇д̇ид̇ваад̇и бан̃жахи палзхи нигканд̇ад̇д̇аа бан̃жа, д̇аа бана чаб̣б̣ан̣н̣ааваа’’д̇и, д̇ам̣ д̇асса саммохавиж̇амбхид̇амад̇д̇анд̇и д̣̇адтаб̣б̣ам̣. барибун̣н̣аканд̇хасаакаабасаакабан̃жапалабадиман̣д̣ид̇од̇и барибун̣н̣аканд̇хасаакаабасаакаахи жзва бан̃жахи жа палзхи бадиман̣д̣ид̇о, саманд̇ад̇о вибхуусид̇од̇и ад̇т̇о. абхисзгам̣ д̣̇ад̇ваад̇и анод̇ад̇д̇од̣̇агзна абхисзгам̣ д̣̇ад̇ваа. махааб̣од̇хидтаанзязва адтаасийд̇и б̣од̇хисамийбзязва васи.

буб̣б̣агад̇д̇игабавааран̣аад̣̇ивасзд̇и ассаяуж̇амаасасса ж̇ун̣хабагкабун̣н̣амияам̣. жаад̇уд̣̇д̣̇асийубосат̇ад̇д̇аа д̣̇висад̇д̇аахз ж̇аад̇з убосат̇о самбад̇д̇од̇и ааха ‘‘гаал̣абагкасса убосат̇ад̣̇ивасз’’д̇и, ассаяуж̇амаасагаал̣абагкасса жаад̇уд̣̇д̣̇асийубосат̇зд̇и ад̇т̇о. баажийнамахаасааламуулз табзсийд̇и наг̇арасса баажийнад̣̇исаабхааг̇з ж̇аад̇асса махаасааларугкасса хздтаа ман̣д̣абам̣ гаарзд̇ваа д̇ад̇т̇а табзси. сад̇д̇арасамз д̣̇ивасзд̇и баадибад̣̇ад̣̇ивасад̇о д̣̇уд̇ияад̣̇ивасз. гад̇д̇игачан̣абууж̇ам̣ ад̣̇д̣̇асаад̇и гад̇д̇игачан̣авасзна б̣од̇хисса гарияамаанам̣ бууж̇ам̣ суманасааман̣зро ад̣̇д̣̇аса, д̣̇исваа жа ааг̇ад̇о саб̣б̣ам̣ д̇ам̣ бавад̇д̇им̣ аарожзси. д̇ам̣ санд̇хааязва жа т̇зро б̣од̇хиаахаран̣ад̇т̇ам̣ бзсзси.

адтаараса д̣̇звад̇аагулаанийд̇и махааб̣од̇хим̣ бариваарзд̇ваа тид̇анааг̇аяагкаад̣̇ид̣̇звад̇аагулаани д̣̇ад̇ваад̇и самб̣анд̇хо. амажжагулаани б̣од̇хисса гад̇д̇аб̣б̣авижааран̣ад̇т̇ааяа ад̣̇ааси, б̣раахман̣агулаани логасаммад̇ад̇д̇аа уд̣̇агаасин̃жанад̇т̇ааяа ад̣̇ааси, гудумб̣ияагулаани б̣од̇хисса гад̇д̇аб̣б̣абууж̇обагаран̣аг̇обанад̇т̇ааяа ад̣̇ааси. ‘‘г̇обагаа рааж̇агаммино д̇ат̇аа д̇аражчаа’’д̇и махааг̇ан̣тибад̣̇з вуд̇д̇ам̣. г̇ан̣тибад̣̇з бана ‘‘г̇обагагулаани б̣од̇хисин̃жанад̇т̇ам̣ кийрад̇хзнубааланад̇т̇ааяа д̇аражчагулаани гаалин̇г̇агулаани виссаасигаани бад̇хаанамануссагулааний’’д̇и вуд̇д̇ам̣. гаалин̇г̇агулаанийд̇и зд̇т̇а ‘‘уд̣̇агаад̣̇иг̇аахагаа гаалин̇г̇аа’’д̇и махааг̇ан̣тибад̣̇з вуд̇д̇ам̣. ‘‘галин̇г̇зсу ж̇анабад̣̇з ж̇аад̇исамбаннагулам̣ гаалин̇г̇агула’’нд̇и гзжи. иминаа бариваарзнаад̇и сахад̇т̇з гаран̣аважанам̣, иминаа вуд̇д̇аббагаарабариваарзна сад̣̇д̇хинд̇и ад̇т̇о. вин̃жхаадавим̣ самад̇иггаммаад̇и рааж̇аа саяамби махааб̣од̇хисса бажжуг̇г̇аманам̣ гаронд̇о сзнан̇г̇абаривуд̇о т̇алабат̇зна г̇ажчанд̇о вин̃жхаадавим̣ наама адавим̣ ад̇иггамид̇ваа. д̇аамалид̇д̇им̣ ануббад̇д̇од̇и д̇аамалид̇д̇им̣ наама д̇ид̇т̇ам̣ самбад̇д̇о. ид̣̇амасса д̇ад̇ияанд̇и суван̣н̣агадаахз бад̇идтид̇амахааб̣од̇хисса раж̇ж̇асамбад̣̇аанам̣ санд̇хааяа вуд̇д̇ам̣. д̇ад̇о буб̣б̣з банзса згаваарам̣ сад̣̇д̇хааяа сагалаж̇амб̣уд̣̇ийбараж̇ж̇зна махааб̣од̇хим̣ бууж̇зсиязва, д̇асмаа д̇зна сад̣̇д̇хим̣ жад̇уд̇т̇амид̣̇ам̣ раж̇ж̇асамбад̣̇аанам̣. махааб̣од̇хим̣ бана яасмим̣ яасмим̣ д̣̇ивасз раж̇ж̇зна бууж̇зси, д̇асмим̣ д̇асмим̣ д̣̇ивасз сагалаж̇амб̣уд̣̇ийбараж̇ж̇ад̇о уббаннам̣ ааяам̣ г̇ахзд̇ваа махааб̣од̇хибууж̇ам̣ гаарзси.

мааг̇асирамаасассаад̇и миг̇асирамаасасса. батамабаадибад̣̇ад̣̇ивасзд̇и суггабагкабаадибад̣̇ад̣̇ивасз. д̇ан̃хи ган̣хабагкабаадибад̣̇ад̣̇ивасам̣ абзгкид̇ваа ‘‘батамабаадибад̣̇ад̣̇иваса’’нд̇и вужжад̇и. ид̣̇ан̃жа имасмим̣ д̣̇ийбз бавад̇д̇амаанавохаарам̣ г̇ахзд̇ваа вуд̇д̇ам̣. д̇ад̇т̇а бана бун̣н̣амид̇о бадтааяа яаава абараа бун̣н̣амий, д̇аава зго маасод̇и вохаарасса бавад̇д̇ад̇д̇аа д̇зна вохаарзна ‘‘д̣̇уд̇ияабаадибад̣̇ад̣̇ивасз’’д̇и вад̇д̇аб̣б̣ам̣ сияаа. д̇ад̇т̇а хи ган̣хабагкабаадибад̣̇ад̣̇ивасам̣ ‘‘батамабаадибад̣̇а’’нд̇и вужжад̇и. угкибид̇ваад̇и махаасааламуулз д̣̇иннзхи сол̣асахи ж̇аад̇исамбаннагулзхи сад̣̇д̇хим̣ угкибид̇ваад̇и вад̣̇анд̇и. г̇ажчад̇и вад̇арзд̇и зд̇т̇а арзд̇и кзд̣̇з. д̇знзвааха ‘‘ганд̣̇ид̇ваа’’д̇и, б̣од̇хияаа ад̣̇ассанам̣ асахамаано род̣̇ид̇ваа барид̣̇звид̇ваад̇и ад̇т̇о. сарасарам̣сиж̇ааланд̇и зд̇т̇а бана хздтаа вуд̇д̇анаязнзва ад̇т̇о взд̣̇ид̇аб̣б̣о. махааб̣од̇хисамаарул̣хаад̇и махааб̣од̇хинаа самаарул̣хаа. бассад̇о бассад̇од̇и анаад̣̇арз саамиважанам̣, бассанд̇ассзваад̇и ад̇т̇о . махаасамуд̣̇д̣̇ад̇алам̣ багканд̇аад̇и махаасамуд̣̇д̣̇асса уд̣̇агад̇алам̣ багканд̣̇и. саманд̇аа яож̇ананд̇и саманд̇ад̇о згзгзна бассзна яож̇анаббамаан̣з бад̣̇зсз. ажжанд̇асам̣яог̇з жзд̇ам̣ убаяог̇аважанам̣. вийжияо вуубасанд̇аад̇и вийжияо на удтахим̣су, наахзсунд̇и вуд̇д̇ам̣ ход̇и. баваж̇ж̇им̣сууд̇и виравим̣су, наад̣̇ам̣ бавад̇д̇аяим̣сууд̇и ад̇т̇о. ругкаад̣̇исанниссид̇аахийд̇и зд̇т̇а аад̣̇и-сад̣̇д̣̇зна баб̣б̣ад̇аад̣̇исанниссид̇аа д̣̇звад̇аа сан̇г̇ан̣хаад̇и.

субан̣н̣аруубзнаад̇и субан̣н̣асад̣̇исзна руубзна. нааг̇агулаани санд̇аасзсийд̇и махааб̣од̇хиг̇г̇ахан̣ад̇т̇ам̣ ааг̇ад̇аани нааг̇агулаани санд̇аасзси, д̇зсам̣ бхаяам̣ уббаад̣̇зд̇ваа балаабзсийд̇и вуд̇д̇ам̣ ход̇и. д̇ад̣̇аа хи самуд̣̇д̣̇аваасино нааг̇аа махааб̣од̇хим̣ г̇ахзд̇ум̣ ваад̇авассанд̇хагаараад̣̇ийхи маханд̇ам̣ вигуб̣б̣анам̣ агам̣су. д̇ад̇о сан̇гхамид̇д̇ад̇т̇зрий г̇арул̣аван̣н̣ам̣ маабзд̇ваа д̇зна г̇арул̣аруубзна аагаасам̣ буураяамаанаа сикаамарийжиж̇аалзна г̇аг̇анам̣ зганд̇хагаарам̣ гад̇ваа багкаббахаараваад̇зна махаасамуд̣̇д̣̇ам̣ аалол̣зд̇ваа сам̣ваддаж̇алад̇хинаад̣̇асад̣̇исзна равзна нааг̇аанам̣ хад̣̇аяаани бхинд̣̇анд̇ий вияа д̇аасзд̇ваа нааг̇з балаабзси. д̇з жа уд̇расд̇аруубаа нааг̇аа ааг̇анд̇ваад̇и д̇з жа вуд̇д̇анаязна уд̇д̇аасид̇аа нааг̇аа буна ааг̇анд̇ваа. д̇ам̣ вибхууд̇инд̇и д̇ам̣ ид̣̇д̇хибаадихаарияасан̇каад̇ам̣ вибхууд̇им̣, д̇ам̣ ажчарияанд̇и вуд̇д̇ам̣ ход̇и. т̇зрий яаажид̇ваад̇и ‘‘аяяз, амхаагам̣ бхаг̇аваа мужалинд̣̇анааг̇арааж̇асса бхог̇аавалим̣ ад̇д̇ано г̇анд̇хагудим̣ гад̇ваа сад̇д̇аахам̣ д̇асса сан̇г̇ахам̣ агааси. абхисамб̣уж̇жханад̣̇ивасз нзран̃ж̇араанад̣̇ийд̇ийрз ад̇д̇ано ужчидтабад̇д̇ам̣ махаагаал̣анааг̇асса виссаж̇ж̇зси. урувзланааг̇зна маабид̇ам̣ висад̇хуумад̣̇аханам̣ аг̇ан̣зд̇ваа д̇асса саран̣асийлаабхаран̣амад̣̇ааси. махаамог̇г̇аллаанад̇т̇зрам̣ бзсзд̇ваа нанд̣̇обананд̣̇анааг̇арааж̇аанам̣ д̣̇амзд̇ваа ниб̣б̣исам̣ агааси. звам̣ со логанааяаго амхаагам̣ убагаараго, д̇вамби но д̣̇осамассарид̇ваа мухуд̇д̇ам̣ махааб̣од̇хим̣ виссаж̇ж̇зд̇ваа нааг̇алогасса саг̇г̇амогкамаг̇г̇ам̣ самбаад̣̇зхий’’д̇и звам̣ яаажид̇ваа. махааб̣од̇хивияог̇ад̣̇угкид̇од̇и махааб̣од̇хивияог̇зна д̣̇угкид̇о сан̃ж̇аад̇амаанасигад̣̇угко. ганд̣̇ид̇ваад̇и имасса барияааяаважанамад̇д̇ам̣ род̣̇ид̇ваад̇и, г̇ун̣агид̇д̇анавасзна ваа бунаббунам̣ род̣̇ид̇ваа, вилаабам̣ гад̇ваад̇и ад̇т̇о.

уд̇д̇арад̣̇ваарад̇од̇и анураад̇хабурасса уд̇д̇арад̣̇ваарад̇о. маг̇г̇ам̣ сод̇хаабзд̇ваад̇и каан̣уган̣дагаад̣̇ийнам̣ уд̣̇д̇хараабанавасзна маг̇г̇ам̣ сод̇хаабзд̇ваа. алан̇гаараабзд̇ваад̇и ваалугаад̣̇ийнам̣ огираабанаад̣̇ивасзна саж̇ж̇зд̇ваа. самуд̣̇д̣̇асаалавад̇т̇усминд̇и самуд̣̇д̣̇аасаннасаалааяа вад̇т̇убхууд̇з бад̣̇зсз. д̇асмим̣ гира бад̣̇зсз тид̇зхи самуд̣̇д̣̇асса д̣̇идтад̇д̇аа д̇ам̣ ажчарияам̣ багаасзд̇ум̣ д̇ад̇т̇а згаа саалаа гад̇аа. саа наамзна ‘‘самуд̣̇д̣̇аасаннасаалаа’’д̇и баагадаа ж̇аад̇аа. вуд̇д̇ан̃хзд̇ам̣ –

‘‘самуд̣̇д̣̇аасаннасаалааяа, таанз тад̇ваа махан̣н̣авз;

ааг̇ажчанд̇ам̣ махааб̣од̇хим̣, махаат̇зрид̣̇д̇хияаад̣̇д̣̇аса.

‘‘д̇асмим̣ таанз гад̇аа саалаа, багаасзд̇ум̣ д̇амаб̣бхуд̇ам̣;

‘самуд̣̇д̣̇аасаннасаалаа’д̇и, наамзнаасид̇ха баагадаа’’д̇и.

д̇ааяа вибхууд̇ияаад̇и д̇ааяа вуд̇д̇аббагаарааяа бууж̇аасаггаараад̣̇исамбад̇д̇ияаа. т̇зрассаад̇и махаамахинд̣̇ад̇т̇зрасса. маг̇г̇асса гира убхосу бассзсу анд̇аранд̇араа бубпзхи гуудааг̇аарасад̣̇исасан̣таанаани бубпажзд̇ияаани гаараабзси. д̇ам̣ санд̇хааязд̇ам̣ вуд̇д̇ам̣ ‘‘анд̇аранд̇арз бубпааг̇гхияаани табзнд̇о’’д̇и. ааг̇ад̇о вад̇арзд̇и зд̇т̇а арзд̇и басам̣сааяам̣, саад̇ху вад̇аад̇и ад̇т̇о. сол̣асахи ж̇аад̇исамбаннагулзхийд̇и адтахи амажжагулзхи адтахи жа б̣раахман̣агулзхийд̇и звам̣ сол̣асахи ж̇аад̇исамбаннагулзхи. самуд̣̇д̣̇ад̇ийрз махааб̣од̇хим̣ табзд̇ваад̇и самуд̣̇д̣̇авзлаад̇алз алан̇гад̇аббадияад̇д̇з раман̣ийяз ман̣д̣абз махааб̣од̇хим̣ табзд̇ваа. звам̣ бана гад̇ваа сагалад̇амб̣абан̣н̣ираж̇ж̇зна махааб̣од̇хим̣ бууж̇зд̇ваа сол̣асаннам̣ гулаанам̣ раж̇ж̇ам̣ нияяаад̇зд̇ваа саяам̣ д̣̇овааригадтаанз тад̇ваа д̇аяо д̣̇ивасз анзгаббагаарам̣ бууж̇ам̣ гаараабзси. д̇ам̣ д̣̇ассзнд̇о ‘‘д̇ийн̣и д̣̇ивасааний’’д̇иаад̣̇имааха. раж̇ж̇ам̣ вижаарзсийд̇и раж̇ж̇ам̣ вижаарзд̇ум̣ виссаж̇ж̇зси, сол̣асахи ваа ж̇аад̇исамбаннагулзхи раж̇ж̇ам̣ вижаараабзсийд̇и ад̇т̇о. жад̇уд̇т̇з д̣̇ивасзд̇и миг̇асирамаасасса суггабагкад̣̇асамияам̣. анубуб̣б̣зна анураад̇хабурам̣ самбад̇д̇од̇и д̣̇асамияам̣ алан̇гад̇аббадияад̇д̇арат̇з махааб̣од̇хим̣ табзд̇ваа ул̣аарабууж̇ам̣ гурумаано баажийнабассавихаарасса бад̇идтаад̇аб̣б̣адтаанамаанзд̇ваа д̇ад̇т̇а сан̇гхасса баад̇араасам̣ бавад̇д̇зд̇ваа махинд̣̇ад̇т̇зрзна бхаасид̇ам̣ нааг̇ад̣̇ийбз д̣̇асаб̣алзна гад̇ам̣ нааг̇ад̣̇аманам̣ суд̇ваа ‘‘саммаасамб̣уд̣̇д̇хзна нисаж̇ж̇аад̣̇инаа барибхуд̇д̇адтаанзсу т̇уубаад̣̇ийхи саггаарам̣ гариссаамий’’д̇и сан̃н̃аан̣ам̣ гаарзд̇ваа д̇ад̇о аахарид̇ваа д̇аваггаб̣раахман̣асса г̇аамад̣̇ваарз табзд̇ваа бууж̇зд̇ваа звам̣ д̇асмим̣ д̇асмим̣ таанз бууж̇ам̣ гад̇ваа иминаа ануггамзна анураад̇хабурам̣ самбад̇д̇о. жаад̇уд̣̇д̣̇асийд̣̇ивасзд̇и миг̇асирамаасассзва суггабагкажаад̇уд̣̇д̣̇асз. вад̣дхамаанагажчааяааяаад̇и чааяааяа вад̣дхамаанасамаяз, сааяанхасамаязд̇и вуд̇д̇ам̣ ход̇и. самаабад̇д̇инд̇и паласамаабад̇д̇им̣. д̇илагабхууд̇зд̇и алан̇гаарабхууд̇з. рааж̇авад̇т̇уд̣̇ваарагодтагадтаанзд̇и рааж̇уяяаанасса д̣̇ваарагодтагадтаанз. ‘‘сагалараж̇ж̇ам̣ махааб̣од̇хисса д̣̇иннабуб̣б̣ад̇д̇аа убажаарад̇т̇ам̣ рааж̇аа д̣̇овааригавзсам̣ г̇ан̣хий’’д̇и вад̣̇анд̇и.

анубуб̣б̣авибассананд̇и уд̣̇аяаб̣б̣аяаад̣̇ианубуб̣б̣авибассанам̣. бадтабзд̇ваад̇и аарабхид̇ваа. ад̇т̇ан̇г̇амид̇зд̇и ад̇т̇ан̇г̇ад̇з. ‘‘саха б̣од̇хибад̇идтаанзнаа’’д̇и вад̇д̇аб̣б̣з вибхад̇д̇ивибарин̣аамам̣ гад̇ваа ‘‘саха б̣од̇хибад̇идтаанаа’’д̇и ниссаггаважанам̣ гад̇ам̣. сад̇и хи сахаяог̇з гаран̣аважанзна бхавид̇аб̣б̣ам̣. махаабат̇авий агамбийд̇и жа ид̣̇ам̣ мукамад̇д̇анид̣̇ассанам̣, ан̃н̃ааниби анзгаани ажчарияаани ахзсум̣язва. д̇ат̇аа хи саха б̣од̇хибад̇идтаанзна уд̣̇агабарияанд̇ам̣ гад̇ваа махаабат̇авий агамби, д̇аани муулаани гадаахамукаваддид̇о уг̇г̇анд̇ваа д̇ам̣ гадаахам̣ винанд̇ханд̇аа бат̇авийд̇аламод̇арим̣су, саманд̇ад̇о д̣̇иб̣б̣агусумаани вассим̣су, аагаасз д̣̇иб̣б̣ад̇уурияаани важ̇ж̇им̣су, махаамзгхо удтахид̇ваа вудтид̇хаарамагааси, аагаасабад̣̇зсаа виравим̣су, виж̇ж̇улад̇аа нижчарим̣су. д̣̇звад̇аа саад̇хугаарамад̣̇ам̣су, самааг̇ад̇аа сагалад̣̇ийбаваасино г̇анд̇хамаалаад̣̇ийхи бууж̇аяим̣су, г̇ахид̇амагаранд̣̇аа манд̣̇амааруд̇аа вааяим̣су, саманд̇ад̇о гханасийд̇алахимавалаахагаа махааб̣од̇хим̣ чаад̣̇аяим̣су. звам̣ б̣од̇хи бат̇авияам̣ бад̇идтахид̇ваа химаг̇аб̣бхз саннисийд̣̇ид̇ваа сад̇д̇аахам̣ логасса ад̣̇ассанам̣ аг̇амааси. химаг̇аб̣бхз саннисийд̣̇ийд̇и химаг̇аб̣бхасса анд̇о адтааси. вибпуранд̇аад̇и вибпуранд̇аа ид̇о жид̇о жа сам̣саранд̇аа. нижчарим̣сууд̇и нигкамим̣су. д̣̇ассим̣сууд̇и бан̃н̃ааяим̣су. саб̣б̣з д̣̇ийбаваасинод̇и саб̣б̣з д̇амб̣абан̣н̣ид̣̇ийбаваасино. уд̇д̇арасаакад̇о згам̣ паланд̇и уд̇д̇арасаакааяа тид̇ам̣ згам̣ палам̣. ‘‘баажийнасаакааяа згам̣ пала’’нд̇иби гзжи. махаааасанадтаанзд̇и буб̣б̣абассз махаасилаасанзна бад̇идтид̇адтаанз. иссараниммаанавихаарзд̇и иссараниммаанасан̇каад̇з гассабаг̇иривихаарз. ‘‘иссараниммаанавихаарз’’д̇и хи буб̣б̣асан̇гзд̇авасзна вуд̇д̇ам̣, ид̣̇аани бана со вихааро ‘‘гассабаг̇ирий’’д̇и бан̃н̃аад̇о. ‘‘иссарасаман̣аараамз’’д̇иби гзжи батанд̇и. д̇ат̇аа жа вуд̇д̇ам̣ –

‘‘д̇аваггаб̣раахман̣аг̇аамз , т̇уубаараамз д̇ат̇зва жа;

иссарасаман̣аараамз, батамз жзд̇ияан̇г̇ан̣з’’д̇и.

яож̇анияааараамзсууд̇и анураад̇хабурасса саманд̇аа яож̇анасса анд̇о гад̇ааараамзсу. саманд̇аа бад̇идтид̇з махааб̣од̇химхийд̇и самб̣анд̇хо. анураад̇хабурасса саманд̇аа звам̣ буд̇д̇анад̇д̇убарамбарааяа махааб̣од̇химхи бад̇идтид̇зд̇и ад̇т̇о. лохабаасаад̣̇адтаанам̣ бууж̇зсийд̇и лохабаасаад̣̇асса гад̇д̇аб̣б̣адтаанам̣ бууж̇зси. ‘‘гин̃жааби лохабаасаад̣̇ам̣ д̣̇зваанам̣бияад̇иссоязва махаарааж̇аа гаарзссад̇и, д̇ат̇ааби д̇асмим̣ самаяз абхаавад̇о ‘анааг̇ад̇з’д̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘д̣̇удтаг̇ааман̣иабхаязнзва гаарид̇о лохабаасаад̣̇о’’д̇и вад̣̇анд̇и. муулаани банасса на д̇аава од̇аранд̇ийд̇и иминаа, махаарааж̇а, имасмим̣ д̣̇ийбз сад̇т̇усаасанам̣ бад̇идтид̇амад̇д̇амзва ахоси, на д̇аава субад̇идтид̇анд̇и д̣̇ассзд̇и, асса сад̇т̇усаасанасса муулаани бана на д̇аава од̇ин̣н̣аанийд̇и звамзд̇т̇а ад̇т̇о взд̣̇ид̇аб̣б̣о. од̇аранд̇ийд̇и хи ад̇ийд̇ад̇т̇з вад̇д̇амаанаважанам̣. д̇знзвааха ‘‘гад̣̇аа бана бханд̇з муулаани од̇ин̣н̣аани наама бхависсанд̇ий’’д̇и. яо амажжо жад̇убан̣н̣аасааяа ж̇здтагаганидтабхаад̇угзхи сад̣̇д̇хим̣ жзд̇ияаг̇иримхи баб̣б̣аж̇ид̇о, д̇ам̣ санд̇хааяа вуд̇д̇ам̣ ‘‘махаааридто бхигкуу’’д̇и. мзгхаван̣н̣аабхаяасса амажжасса баривзн̣адтаанзд̇и мзгхаван̣н̣аабхаяасса ран̃н̃о амажжзна гад̇д̇аб̣б̣асса баривзн̣асса вад̇т̇убхууд̇з таанз. ман̣д̣абаббагааранд̇и ман̣д̣абасад̣̇исам̣. сад̣̇исад̇т̇амби хи багаарасад̣̇д̣̇ам̣ ван̣н̣аяанд̇и. саасанасса муулаани од̇аранд̇аани бассиссаамийд̇и иминаа саасанасса судту бад̇идтаанаагаарам̣ бассиссаамийд̇и д̣̇ийбзд̇и.

мзгхавирахид̇асса ниммалассзва аагаасасса виравид̇ад̇д̇аа ‘‘аагаасам̣ махаавиравам̣ равий’’д̇и вуд̇д̇ам̣. бажжзгаг̇ан̣ийхийд̇и висум̣ висум̣ г̇ан̣аажариязхи. бажжзгам̣ г̇ан̣ам̣ зд̇зсам̣ ад̇т̇ийд̇и бажжзгаг̇ан̣ино. яат̇аа взж̇ж̇о г̇илаанзсу гарун̣ааяа д̇игижчанамзва бурагкад̇ваа виг̇ад̇ажчанд̣̇ад̣̇осо ж̇иг̇ужчанийязсу ван̣зсу г̇уяхадтаанзсу жа бхзсаж̇ж̇алзбанаад̣̇инаа д̇игижчанамзва гарод̇и, звам̣ бхаг̇авааби гилзсаб̣яаад̇хибийл̣ид̇зсу сад̇д̇зсу гарун̣ааяа д̇з сад̇д̇з гилзсаб̣яаад̇хид̣̇угкад̇о можзд̇угаамо авад̇д̇аб̣б̣аарахаани г̇уяхадтаананиссид̇ааниби асаббааяаани вад̣̇анд̇о винаяабан̃н̃ад̇д̇ияаа сад̇д̇аанам̣ гилзсаб̣яаад̇хим̣ д̇игижчад̇и. д̇зна вуд̇д̇ам̣ ‘‘сад̇т̇у гарун̣ааг̇ун̣абарид̣̇ийбага’’нд̇и. анусидтигараананд̇и анусаасанийгараанам̣, яз бхаг̇авад̇о анусаасаним̣ саммаа бадибаж̇ж̇анд̇и, д̇зсанд̇и ад̇т̇о. гааяагаммаважийгаммавибпанд̣̇ид̇авинаяананд̇и гааяаважийд̣̇ваарзсу аж̇жхаажааравасзна бавад̇д̇асса гилзсавибпанд̣̇ид̇асса винаяанагарам̣.

рааж̇инод̇и убаяог̇ад̇т̇з саамиважанам̣, рааж̇аанаманусаасим̣сууд̇и ад̇т̇о. аалоганд̇и н̃аан̣аалогам̣. ниб̣б̣ааяим̣су махзсаяод̇и зд̇т̇а махаамахинд̣̇ад̇т̇зро д̣̇ваад̣̇асавассиго худ̇ваа д̇амб̣абан̣н̣ид̣̇ийбам̣ самбад̇д̇о, д̇ад̇т̇а д̣̇вз вассаани васид̇ваа винаяам̣ бад̇идтабзси. д̣̇ваасадтивассиго худ̇ваа бариниб̣б̣уд̇од̇и вад̣̇анд̇и.

д̇зсам̣ т̇зраанам̣ анд̇зваасигаад̇и д̇зсам̣ махаамахинд̣̇ад̇т̇зраббамукаанам̣ т̇зраанам̣ анд̇зваасигаа. д̇иссад̣̇ад̇д̇аад̣̇аяо бана махаааридтад̇т̇зрасса анд̇зваасигаа, д̇асмаа д̇иссад̣̇ад̇д̇агаал̣асуманад̣̇ийгхасуманаад̣̇аяо махаааридтад̇т̇зрасса анд̇зваасигаа жаад̇и яож̇зд̇аб̣б̣ам̣. анд̇зваасигаанам̣ анд̇зваасигаад̇и убхаяат̇аа вуд̇д̇аанд̇зваасигаанам̣ анд̇зваасигаа. буб̣б̣з вуд̇д̇аббагаараад̇и –

‘‘д̇ад̇о махинд̣̇о иддияо, уд̇д̇ияо самб̣ало д̇ат̇аа;

бхад̣̇д̣̇анаамо жа бан̣д̣ид̇о.

‘‘зд̇з нааг̇аа махаабан̃н̃аа, ж̇амб̣уд̣̇ийбаа ид̇хааг̇ад̇аа;

винаяам̣ д̇з ваажаяим̣су, бидагам̣ д̇амб̣абан̣н̣ияаа.

‘‘нигааяз бан̃жа ваажзсум̣, сад̇д̇а жзва багаран̣з;

д̇ад̇о аридто мзд̇хаавий, д̇иссад̣̇ад̇д̇о жа бан̣д̣ид̇о.

‘‘висаарад̣̇о гаал̣асумано, т̇зро жа д̣̇ийгханаамаго’’д̇и. –

звамаад̣̇инаа буб̣б̣з вуд̇д̇аббагаараа аажарияабарамбараа.

аажарияабарамбарагат̇ааван̣н̣анаа нидтид̇аа.