| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
18. ஆசரியவத்தகதா²
18. Ācariyavattakathā
75. கிந்தாயந்தி எத்த² ஏகாரலோபவஸேன ஸந்தி⁴ ஹோதீதி ஆஹ ‘‘கிங்தே அய’’ந்தி. ‘‘ஓவதி³தப்³போ³தி’’இமினா ஓவதி³யோதி எத்த² ண்யபச்சயஸ்ஸ கம்மத்த²ங் த³ஸ்ஸேதி. ‘‘தத³த்தா²யா’’தி இமினா ‘‘யதி³த³ங் க³ணப³ந்தி⁴க’’ந்தி உத்தரவாக்யே யங்ஸத்³த³ங் தி³ஸ்வா புப்³ப³வாக்யே தங்ஸத்³த³ங் ஞாபேதி, தஸ்ஸ பா³ஹுல்லஸ்ஸ அத்தா²யாதி அத்தோ².
75.Kintāyanti ettha ekāralopavasena sandhi hotīti āha ‘‘kiṃte aya’’nti. ‘‘Ovaditabboti’’iminā ovadiyoti ettha ṇyapaccayassa kammatthaṃ dasseti. ‘‘Tadatthāyā’’ti iminā ‘‘yadidaṃ gaṇabandhika’’nti uttaravākye yaṃsaddaṃ disvā pubbavākye taṃsaddaṃ ñāpeti, tassa bāhullassa atthāyāti attho.
76. ஸோதி பஸூரோ பரிப்³பா³ஜகோ. தேனாதி உதா³யித்தே²ரேன. ஸஹத⁴ம்மிகந்தி ஸஹ த⁴ம்மேன காரணேன. ப்³யத்தோ தாவ புப்³பே³ வுத்தலக்க²ணோ ஹோது, படிப³லோ பன கத²ங் ஞாதப்³போ³தி ஆஹ ‘‘யோ பனா’’திஆதி³ . யோ பன ஸக்கோதீதி ஸம்ப³ந்தோ⁴. சாதி ஸச்சங். ஏதந்தி படிப³லத்தங், ‘‘பஞ்சஹி…பே॰… வினேது’’ந்திவசனங் வா.
76.Soti pasūro paribbājako. Tenāti udāyittherena. Sahadhammikanti saha dhammena kāraṇena. Byatto tāva pubbe vuttalakkhaṇo hotu, paṭibalo pana kathaṃ ñātabboti āha ‘‘yo panā’’tiādi . Yo pana sakkotīti sambandho. Cāti saccaṃ. Etanti paṭibalattaṃ, ‘‘pañcahi…pe… vinetu’’ntivacanaṃ vā.
77. தித்தி²யபக்க²ஸங்கந்தேஸூதி தித்தி²யஸங்கா²தங் ஸாஸனஸ்ஸ படிபக்க²ங் ஸங்கமந்தேஸு. ஆசாரஸமாசாரஸிக்கா²பனகந்தி அதிவிய சரிதப்³ப³ங் ஆபி⁴ஸமாசாரிகஸீலங் ஸிக்கா²பனகங். இமினா ஆசாரங் ஸிக்கா²பேதீதி ஆசரியோதி வசனத்த²ங் த³ஸ்ஸேதி. நாமமத்தமேவாதி ‘‘ஆசரியோ’’தி வா ‘‘அந்தேவாஸிகோ’’தி வா நாமமத்தமேவ. நானந்தி உபஜ்ஜா²யதோ வா ஸத்³தி⁴விஹாரிகதோ வா நானங்.
77.Titthiyapakkhasaṅkantesūti titthiyasaṅkhātaṃ sāsanassa paṭipakkhaṃ saṅkamantesu. Ācārasamācārasikkhāpanakanti ativiya caritabbaṃ ābhisamācārikasīlaṃ sikkhāpanakaṃ. Iminā ācāraṃ sikkhāpetīti ācariyoti vacanatthaṃ dasseti. Nāmamattamevāti ‘‘ācariyo’’ti vā ‘‘antevāsiko’’ti vā nāmamattameva. Nānanti upajjhāyato vā saddhivihārikato vā nānaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 18. ஆசரியவத்தகதா² • 18. Ācariyavattakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஆசரியவத்தகதா² • Ācariyavattakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஆசரியவத்தகதா²வண்ணனா • Ācariyavattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஆசரியவத்தகதா²வண்ணனா • Ācariyavattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஆசரியவத்தகதா²வண்ணனா • Ācariyavattakathāvaṇṇanā
