| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১৮. আচরিযৰত্তকথা
18. Ācariyavattakathā
৭৫. কিন্তাযন্তি এত্থ একারলোপৰসেন সন্ধি হোতীতি আহ ‘‘কিংতে অয’’ন্তি। ‘‘ওৰদিতব্বোতি’’ইমিনা ওৰদিযোতি এত্থ ণ্যপচ্চযস্স কম্মত্থং দস্সেতি। ‘‘তদত্থাযা’’তি ইমিনা ‘‘যদিদং গণবন্ধিক’’ন্তি উত্তরৰাক্যে যংসদ্দং দিস্ৰা পুব্বৰাক্যে তংসদ্দং ঞাপেতি, তস্স বাহুল্লস্স অত্থাযাতি অত্থো।
75.Kintāyanti ettha ekāralopavasena sandhi hotīti āha ‘‘kiṃte aya’’nti. ‘‘Ovaditabboti’’iminā ovadiyoti ettha ṇyapaccayassa kammatthaṃ dasseti. ‘‘Tadatthāyā’’ti iminā ‘‘yadidaṃ gaṇabandhika’’nti uttaravākye yaṃsaddaṃ disvā pubbavākye taṃsaddaṃ ñāpeti, tassa bāhullassa atthāyāti attho.
৭৬. সোতি পসূরো পরিব্বাজকো। তেনাতি উদাযিত্থেরেন। সহধম্মিকন্তি সহ ধম্মেন কারণেন। ব্যত্তো তাৰ পুব্বে ৰুত্তলক্খণো হোতু, পটিবলো পন কথং ঞাতব্বোতি আহ ‘‘যো পনা’’তিআদি । যো পন সক্কোতীতি সম্বন্ধো। চাতি সচ্চং। এতন্তি পটিবলত্তং, ‘‘পঞ্চহি…পে॰… ৰিনেতু’’ন্তিৰচনং ৰা।
76.Soti pasūro paribbājako. Tenāti udāyittherena. Sahadhammikanti saha dhammena kāraṇena. Byatto tāva pubbe vuttalakkhaṇo hotu, paṭibalo pana kathaṃ ñātabboti āha ‘‘yo panā’’tiādi . Yo pana sakkotīti sambandho. Cāti saccaṃ. Etanti paṭibalattaṃ, ‘‘pañcahi…pe… vinetu’’ntivacanaṃ vā.
৭৭. তিত্থিযপক্খসঙ্কন্তেসূতি তিত্থিযসঙ্খাতং সাসনস্স পটিপক্খং সঙ্কমন্তেসু। আচারসমাচারসিক্খাপনকন্তি অতিৰিয চরিতব্বং আভিসমাচারিকসীলং সিক্খাপনকং। ইমিনা আচারং সিক্খাপেতীতি আচরিযোতি ৰচনত্থং দস্সেতি। নামমত্তমেৰাতি ‘‘আচরিযো’’তি ৰা ‘‘অন্তেৰাসিকো’’তি ৰা নামমত্তমেৰ। নানন্তি উপজ্ঝাযতো ৰা সদ্ধিৰিহারিকতো ৰা নানং।
77.Titthiyapakkhasaṅkantesūti titthiyasaṅkhātaṃ sāsanassa paṭipakkhaṃ saṅkamantesu. Ācārasamācārasikkhāpanakanti ativiya caritabbaṃ ābhisamācārikasīlaṃ sikkhāpanakaṃ. Iminā ācāraṃ sikkhāpetīti ācariyoti vacanatthaṃ dasseti. Nāmamattamevāti ‘‘ācariyo’’ti vā ‘‘antevāsiko’’ti vā nāmamattameva. Nānanti upajjhāyato vā saddhivihārikato vā nānaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৮. আচরিযৰত্তকথা • 18. Ācariyavattakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / আচরিযৰত্তকথা • Ācariyavattakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / আচরিযৰত্তকথাৰণ্ণনা • Ācariyavattakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / আচরিযৰত্তকথাৰণ্ণনা • Ācariyavattakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / আচরিযৰত্তকথাৰণ্ণনা • Ācariyavattakathāvaṇṇanā
