| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
аажарияавад̇д̇агат̇аа
Ācariyavattakathā
75. гинд̇ааяам̣ бхигку ход̇ийд̇и гим̣ д̇з аяам̣ бхигку ход̇и. ан̃н̃зхи овад̣̇ияо анусаасияод̇и ан̃н̃зхи овад̣̇ид̇аб̣б̣о жзва анусаасид̇аб̣б̣о жа. б̣аахуллааяа аавад̇д̇о яад̣̇ид̣̇ам̣ г̇ан̣аб̣анд̇хиганд̇и г̇ан̣аб̣анд̇хо зд̇асса б̣аахулласса ад̇т̇ийд̇и г̇ан̣аб̣анд̇хигам̣, б̣аахуллам̣. яам̣ ид̣̇ам̣ г̇ан̣аб̣анд̇хигам̣ наама б̣аахуллам̣, д̇ад̣̇ад̇т̇ааяа ад̇илахум̣ д̇вам̣ аабаннод̇и вуд̇д̇ам̣ ход̇и.
75.Kintāyaṃ bhikkhu hotīti kiṃ te ayaṃ bhikkhu hoti. Aññehi ovadiyo anusāsiyoti aññehi ovaditabbo ceva anusāsitabbo ca. Bāhullāya āvatto yadidaṃ gaṇabandhikanti gaṇabandho etassa bāhullassa atthīti gaṇabandhikaṃ, bāhullaṃ. Yaṃ idaṃ gaṇabandhikaṃ nāma bāhullaṃ, tadatthāya atilahuṃ tvaṃ āpannoti vuttaṃ hoti.
76. аб̣яад̇д̇аад̇и бан̃н̃аавзяяад̇д̇иязна вирахид̇аа. ан̃н̃ад̇д̇ароби ан̃н̃ад̇ид̇т̇ияабуб̣б̣од̇и басууро бариб̣б̣ааж̇аго. со гира ‘‘д̇хаммам̣ т̇знзссаамий’’д̇и уд̣̇ааяид̇т̇зрасса санд̇игз баб̣б̣аж̇ид̇ваа д̇зна сахад̇хаммигам̣ вужжамаано д̇асса ваад̣̇ам̣ ааробзси. ануж̇аанаами бхигкавз б̣яад̇д̇зна бхигкунаад̇иаад̣̇имхи б̣яад̇д̇о буб̣б̣з бхигкуноваад̣̇агаван̣н̣анааяам̣ вуд̇д̇алагкан̣оязва. яо бана анд̇зваасино ваа сад̣̇д̇хивихааригасса ваа г̇илаанасса саггод̇и убадтаанаад̣̇ийни гаад̇ум̣, аяам̣ ид̇ха бадиб̣алод̇и ад̇хиббзд̇о. вуд̇д̇амби жзд̇ам̣ –
76.Abyattāti paññāveyyattiyena virahitā. Aññattaropi aññatitthiyapubboti pasūro paribbājako. So kira ‘‘dhammaṃ thenessāmī’’ti udāyittherassa santike pabbajitvā tena sahadhammikaṃ vuccamāno tassa vādaṃ āropesi. Anujānāmi bhikkhave byattena bhikkhunātiādimhi byatto pubbe bhikkhunovādakavaṇṇanāyaṃ vuttalakkhaṇoyeva. Yo pana antevāsino vā saddhivihārikassa vā gilānassa sakkoti upaṭṭhānādīni kātuṃ, ayaṃ idha paṭibaloti adhippeto. Vuttampi cetaṃ –
‘‘бан̃жахубаали , ан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣, ниссаяо д̣̇аад̇аб̣б̣о, сааман̣зро убадтаабзд̇аб̣б̣о. гад̇амзхи бан̃жахи? бадиб̣ало ход̇и анд̇зваасим̣ ваа сад̣̇д̇хивихаарим̣ ваа г̇илаанам̣ убадтаад̇ум̣ ваа убадтаабзд̇ум̣ ваа, анабхирад̇ам̣ вуубагаасзд̇ум̣ ваа вуубагаасаабзд̇ум̣ ваа, уббаннам̣ гуггужжам̣ д̇хаммад̇о винод̣̇зд̇ум̣, абхид̇хаммз винзд̇ум̣, абхивинаяз винзд̇уу’’нд̇и (бари. 418).
‘‘Pañcahupāli , aṅgehi samannāgatena bhikkhunā upasampādetabbaṃ, nissayo dātabbo, sāmaṇero upaṭṭhāpetabbo. Katamehi pañcahi? Paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā, anabhirataṃ vūpakāsetuṃ vā vūpakāsāpetuṃ vā, uppannaṃ kukkuccaṃ dhammato vinodetuṃ, abhidhamme vinetuṃ, abhivinaye vinetū’’nti (pari. 418).
77. багкасан̇ганд̇зсууд̇и д̇ид̇т̇ияабагкасан̇ганд̇зсу. ануж̇аанаами бхигкавз аажарияанд̇и аажаарасамаажаарасигкаабанагам̣ аажарияам̣ ануж̇аанаами. аажарияо бхигкавз анд̇зваасигамхийд̇иаад̣̇и саб̣б̣ам̣ ‘‘убаж̇жхааяо бхигкавз сад̣̇д̇хивихааригамхий’’д̇иаад̣̇инаа наязна вуд̇д̇авасзнзва взд̣̇ид̇аб̣б̣ам̣. наамамад̇д̇амзва хи зд̇т̇а наанам̣.
77.Pakkhasaṅkantesūti titthiyapakkhasaṅkantesu. Anujānāmi bhikkhave ācariyanti ācārasamācārasikkhāpanakaṃ ācariyaṃ anujānāmi. Ācariyo bhikkhave antevāsikamhītiādi sabbaṃ ‘‘upajjhāyo bhikkhave saddhivihārikamhī’’tiādinā nayena vuttavaseneva veditabbaṃ. Nāmamattameva hi ettha nānaṃ.
аажарияавад̇д̇агат̇аа нидтид̇аа.
Ācariyavattakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 18. аажарияавад̇д̇агат̇аа • 18. Ācariyavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 18. аажарияавад̇д̇агат̇аа • 18. Ācariyavattakathā
