| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
18. аажарияавад̇д̇агат̇аа
18. Ācariyavattakathā
74. д̇зна ко бана самаязна ан̃н̃ад̇аро маан̣аваго бхигкуу убасан̇гамид̇ваа баб̣б̣аж̇ж̇ам̣ яаажи. д̇асса бхигкуу бадигажжзва ниссаяз аажигким̣су. со звамааха – ‘‘сажз мз, бханд̇з, баб̣б̣аж̇ид̇з ниссаяз аажигкзяяаат̇а, абхирамзяяаамахам̣ 1. на д̣̇аанаахам̣, бханд̇з, баб̣б̣аж̇иссаами; ж̇зг̇ужчаа мз ниссаяаа бадигуулаа’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, бадигажжзва ниссаяаа аажигкид̇аб̣б̣аа. яо аажигкзяяа, аабад̇д̇и д̣̇уггадасса. ануж̇аанаами, бхигкавз, убасамбаннасамананд̇араа ниссаяз аажигкид̇унд̇и.
74. Tena kho pana samayena aññataro māṇavako bhikkhū upasaṅkamitvā pabbajjaṃ yāci. Tassa bhikkhū paṭikacceva nissaye ācikkhiṃsu. So evamāha – ‘‘sace me, bhante, pabbajite nissaye ācikkheyyātha, abhirameyyāmahaṃ 2. Na dānāhaṃ, bhante, pabbajissāmi; jegucchā me nissayā paṭikūlā’’ti. Bhagavato etamatthaṃ ārocesuṃ. Na, bhikkhave, paṭikacceva nissayā ācikkhitabbā. Yo ācikkheyya, āpatti dukkaṭassa. Anujānāmi, bhikkhave, upasampannasamanantarā nissaye ācikkhitunti.
д̇зна ко бана самаязна бхигкуу д̣̇уваг̇г̇знаби д̇иваг̇г̇знаби г̇ан̣зна убасамбаад̣̇знд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, уунад̣̇асаваг̇г̇зна г̇ан̣зна убасамбаад̣̇зд̇аб̣б̣о. яо убасамбаад̣̇зяяа, аабад̇д̇и д̣̇уггадасса. ануж̇аанаами, бхигкавз, д̣̇асаваг̇г̇зна ваа ад̇ирзгад̣̇асаваг̇г̇зна ваа г̇ан̣зна убасамбаад̣̇зд̇унд̇и .
Tena kho pana samayena bhikkhū duvaggenapi tivaggenapi gaṇena upasampādenti. Bhagavato etamatthaṃ ārocesuṃ. Na, bhikkhave, ūnadasavaggena gaṇena upasampādetabbo. Yo upasampādeyya, āpatti dukkaṭassa. Anujānāmi, bhikkhave, dasavaggena vā atirekadasavaggena vā gaṇena upasampādetunti .
75. д̇зна ко бана самаязна бхигкуу згавассааби д̣̇увассааби сад̣̇д̇хивихааригам̣ убасамбаад̣̇знд̇и. ааяасмааби убасзно ван̇г̇анд̇абуд̇д̇о згавассо сад̣̇д̇хивихааригам̣ убасамбаад̣̇зси. со вассам̣вудто д̣̇увассо згавассам̣ сад̣̇д̇хивихааригам̣ аад̣̇ааяа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇ум̣. ат̇а ко бхаг̇аваа ааяасманд̇ам̣ убасзнам̣ ван̇г̇анд̇абуд̇д̇ам̣ зд̇ад̣̇авожа – ‘‘гажжи, бхигку, каманийяам̣, гажжи яаабанийяам̣, гажжи д̇вам̣ аббагиламат̇зна ад̣̇д̇хаанам̣ ааг̇ад̇о’’д̇и? ‘‘каманийяам̣, бхаг̇аваа, яаабанийяам̣, бхаг̇аваа. аббагиламат̇зна маяам̣, бханд̇з, ад̣̇д̇хаанам̣ ааг̇ад̇аа’’д̇и. ж̇аананд̇ааби д̇ат̇ааг̇ад̇аа бужчанд̇и, ж̇аананд̇ааби на бужчанд̇и, гаалам̣ вид̣̇ид̇ваа бужчанд̇и, гаалам̣ вид̣̇ид̇ваа на бужчанд̇и; ад̇т̇асам̣хид̇ам̣ д̇ат̇ааг̇ад̇аа бужчанд̇и; но анад̇т̇асам̣хид̇ам̣. анад̇т̇асам̣хид̇з сзд̇угхаад̇о д̇ат̇ааг̇ад̇аанам̣. д̣̇вийхи аагаарзхи б̣уд̣̇д̇хаа бхаг̇аванд̇о бхигкуу бадибужчанд̇и – д̇хаммам̣ ваа д̣̇зсзссаама, саавагаанам̣ ваа сигкаабад̣̇ам̣ бан̃н̃абзссаамаад̇и. ат̇а ко бхаг̇аваа ааяасманд̇ам̣ убасзнам̣ ван̇г̇анд̇абуд̇д̇ам̣ зд̇ад̣̇авожа – ‘‘гад̇ивассоси д̇вам̣, бхигкуу’’д̇и? ‘‘д̣̇увассохам̣, бхаг̇аваа’’д̇и. ‘‘аяам̣ бана бхигку гад̇ивассо’’д̇и? ‘‘згавассо, бхаг̇аваа’’д̇и. ‘‘гим̣ д̇ааяам̣ бхигку ход̇ий’’д̇и? ‘‘сад̣̇д̇хивихаариго мз, бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, ан̃н̃зхи овад̣̇ияо анусаасияо ан̃н̃ам̣ овад̣̇ид̇ум̣ анусаасид̇ум̣ ман̃н̃иссаси. ад̇илахум̣ ко д̇вам̣, могхабуриса, б̣аахуллааяа аавад̇д̇о, яад̣̇ид̣̇ам̣ г̇ан̣аб̣анд̇хигам̣. нзд̇ам̣, могхабуриса, аббасаннаанам̣ ваа басаад̣̇ааяа басаннаанам̣ ваа бхияяобхаавааяа’’…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, уунад̣̇асавассзна убасамбаад̣̇зд̇аб̣б̣о. яо убасамбаад̣̇зяяа, аабад̇д̇и д̣̇уггадасса. ануж̇аанаами, бхигкавз, д̣̇асавассзна ваа ад̇ирзгад̣̇асавассзна ваа убасамбаад̣̇зд̇у’’нд̇и.
75. Tena kho pana samayena bhikkhū ekavassāpi duvassāpi saddhivihārikaṃ upasampādenti. Āyasmāpi upaseno vaṅgantaputto ekavasso saddhivihārikaṃ upasampādesi. So vassaṃvuṭṭho duvasso ekavassaṃ saddhivihārikaṃ ādāya yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā āyasmantaṃ upasenaṃ vaṅgantaputtaṃ etadavoca – ‘‘kacci, bhikkhu, khamanīyaṃ, kacci yāpanīyaṃ, kacci tvaṃ appakilamathena addhānaṃ āgato’’ti? ‘‘Khamanīyaṃ, bhagavā, yāpanīyaṃ, bhagavā. Appakilamathena mayaṃ, bhante, addhānaṃ āgatā’’ti. Jānantāpi tathāgatā pucchanti, jānantāpi na pucchanti, kālaṃ viditvā pucchanti, kālaṃ viditvā na pucchanti; atthasaṃhitaṃ tathāgatā pucchanti; no anatthasaṃhitaṃ. Anatthasaṃhite setughāto tathāgatānaṃ. Dvīhi ākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññapessāmāti. Atha kho bhagavā āyasmantaṃ upasenaṃ vaṅgantaputtaṃ etadavoca – ‘‘kativassosi tvaṃ, bhikkhū’’ti? ‘‘Duvassohaṃ, bhagavā’’ti. ‘‘Ayaṃ pana bhikkhu kativasso’’ti? ‘‘Ekavasso, bhagavā’’ti. ‘‘Kiṃ tāyaṃ bhikkhu hotī’’ti? ‘‘Saddhivihāriko me, bhagavā’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, aññehi ovadiyo anusāsiyo aññaṃ ovadituṃ anusāsituṃ maññissasi. Atilahuṃ kho tvaṃ, moghapurisa, bāhullāya āvatto, yadidaṃ gaṇabandhikaṃ. Netaṃ, moghapurisa, appasannānaṃ vā pasādāya pasannānaṃ vā bhiyyobhāvāya’’…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, ūnadasavassena upasampādetabbo. Yo upasampādeyya, āpatti dukkaṭassa. Anujānāmi, bhikkhave, dasavassena vā atirekadasavassena vā upasampādetu’’nti.
76. д̇зна ко бана самаязна бхигкуу – д̣̇асавассамхаа д̣̇асавассамхаад̇и – б̣аалаа аб̣яад̇д̇аа убасамбаад̣̇знд̇и. д̣̇иссанд̇и убаж̇жхааяаа б̣аалаа, сад̣̇д̇хивихааригаа бан̣д̣ид̇аа. д̣̇иссанд̇и убаж̇жхааяаа аб̣яад̇д̇аа, сад̣̇д̇хивихааригаа б̣яад̇д̇аа. д̣̇иссанд̇и убаж̇жхааяаа аббассуд̇аа, сад̣̇д̇хивихааригаа б̣ахуссуд̇аа. д̣̇иссанд̇и убаж̇жхааяаа д̣̇уббан̃н̃аа, сад̣̇д̇хивихааригаа бан̃н̃аванд̇о. ан̃н̃ад̇ароби ан̃н̃ад̇ид̇т̇ияабуб̣б̣о убаж̇жхааязна сахад̇хаммигам̣ вужжамаано убаж̇жхааяасса ваад̣̇ам̣ ааробзд̇ваа д̇ам̣язва д̇ид̇т̇ааяад̇анам̣ сан̇гами. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – гат̇ан̃хи наама бхигкуу – д̣̇асавассамхаа д̣̇асавассамхаад̇и – б̣аалаа аб̣яад̇д̇аа убасамбаад̣̇зссанд̇и. д̣̇иссанд̇и убаж̇жхааяаа б̣аалаа сад̣̇д̇хивихааригаа бан̣д̣ид̇аа, д̣̇иссанд̇и убаж̇жхааяаа аб̣яад̇д̇аа сад̣̇д̇хивихааригаа б̣яад̇д̇аа, д̣̇иссанд̇и убаж̇жхааяаа аббассуд̇аа сад̣̇д̇хивихааригаа б̣ахуссуд̇аа, д̣̇иссанд̇и убаж̇жхааяаа д̣̇уббан̃н̃аа, сад̣̇д̇хивихааригаа бан̃н̃аванд̇од̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ‘‘сажжам̣ гира, бхигкавз, бхигкуу – д̣̇асавассамхаа д̣̇асавассамхаад̇и – б̣аалаа аб̣яад̇д̇аа убасамбаад̣̇знд̇и. д̣̇иссанд̇и убаж̇жхааяаа б̣аалаа, сад̣̇д̇хивихааригаа бан̣д̣ид̇аа, д̣̇иссанд̇и убаж̇жхааяаа аб̣яад̇д̇аа сад̣̇д̇хивихааригаа б̣яад̇д̇аа, д̣̇иссанд̇и убаж̇жхааяаа аббассуд̇аа, сад̣̇д̇хивихааригаа б̣ахуссуд̇аа, д̣̇иссанд̇и убаж̇жхааяаа д̣̇уббан̃н̃аа, сад̣̇д̇хивихааригаа бан̃н̃аванд̇о’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа – д̣̇асавассамхаа д̣̇асавассамхаад̇и – б̣аалаа аб̣яад̇д̇аа убасамбаад̣̇зссанд̇и. д̣̇иссанд̇и убаж̇жхааяаа б̣аалаа, сад̣̇д̇хивихааригаа бан̣д̣ид̇аа, д̣̇иссанд̇и убаж̇жхааяаа аб̣яад̇д̇аа сад̣̇д̇хивихааригаа б̣яад̇д̇аа, д̣̇иссанд̇и убаж̇жхааяаа аббассуд̇аа, сад̣̇д̇хивихааригаа б̣ахуссуд̇аа, д̣̇иссанд̇и убаж̇жхааяаа д̣̇уббан̃н̃аа, сад̣̇д̇хивихааригаа бан̃н̃аванд̇о. нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, б̣аалзна аб̣яад̇д̇зна убасамбаад̣̇зд̇аб̣б̣о. яо убасамбаад̣̇зяяа, аабад̇д̇и д̣̇уггадасса. ануж̇аанаами, бхигкавз, б̣яад̇д̇зна бхигкунаа бадиб̣алзна д̣̇асавассзна ваа ад̇ирзгад̣̇асавассзна ваа убасамбаад̣̇зд̇у’’нд̇и.
76. Tena kho pana samayena bhikkhū – dasavassamhā dasavassamhāti – bālā abyattā upasampādenti. Dissanti upajjhāyā bālā, saddhivihārikā paṇḍitā. Dissanti upajjhāyā abyattā, saddhivihārikā byattā. Dissanti upajjhāyā appassutā, saddhivihārikā bahussutā. Dissanti upajjhāyā duppaññā, saddhivihārikā paññavanto. Aññataropi aññatitthiyapubbo upajjhāyena sahadhammikaṃ vuccamāno upajjhāyassa vādaṃ āropetvā taṃyeva titthāyatanaṃ saṅkami. Ye te bhikkhū appicchā…pe… te ujjhāyanti khiyyanti vipācenti – kathañhi nāma bhikkhū – dasavassamhā dasavassamhāti – bālā abyattā upasampādessanti. Dissanti upajjhāyā bālā saddhivihārikā paṇḍitā, dissanti upajjhāyā abyattā saddhivihārikā byattā, dissanti upajjhāyā appassutā saddhivihārikā bahussutā, dissanti upajjhāyā duppaññā, saddhivihārikā paññavantoti. Atha kho te bhikkhū bhagavato etamatthaṃ ārocesuṃ. ‘‘Saccaṃ kira, bhikkhave, bhikkhū – dasavassamhā dasavassamhāti – bālā abyattā upasampādenti. Dissanti upajjhāyā bālā, saddhivihārikā paṇḍitā, dissanti upajjhāyā abyattā saddhivihārikā byattā, dissanti upajjhāyā appassutā, saddhivihārikā bahussutā, dissanti upajjhāyā duppaññā, saddhivihārikā paññavanto’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā – dasavassamhā dasavassamhāti – bālā abyattā upasampādessanti. Dissanti upajjhāyā bālā, saddhivihārikā paṇḍitā, dissanti upajjhāyā abyattā saddhivihārikā byattā, dissanti upajjhāyā appassutā, saddhivihārikā bahussutā, dissanti upajjhāyā duppaññā, saddhivihārikā paññavanto. Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, bālena abyattena upasampādetabbo. Yo upasampādeyya, āpatti dukkaṭassa. Anujānāmi, bhikkhave, byattena bhikkhunā paṭibalena dasavassena vā atirekadasavassena vā upasampādetu’’nti.
77. д̇зна ко бана самаязна бхигкуу убаж̇жхааязсу багганд̇зсуби виб̣бханд̇зсуби гаалан̇гад̇зсуби багкасан̇ганд̇зсуби анаажарияагаа ановад̣̇ияамаанаа ананусаасияамаанаа д̣̇уннивад̇т̇аа д̣̇уббааруд̇аа анаагаббасамбаннаа бин̣д̣ааяа жаранд̇и, мануссаанам̣ бхун̃ж̇амаанаанам̣ убарибхож̇анзби уд̇д̇идтабад̇д̇ам̣ убанаамзнд̇и, убарикаад̣̇анийязби – убарисааяанийязби – убарибаанийязби уд̇д̇идтабад̇д̇ам̣ убанаамзнд̇и; саамам̣ суубамби од̣̇анамби вин̃н̃аабзд̇ваа бхун̃ж̇анд̇и; бхад̇д̇аг̇г̇зби ужжаасад̣̇д̣̇аа махаасад̣̇д̣̇аа вихаранд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа д̣̇уннивад̇т̇аа д̣̇уббааруд̇аа анаагаббасамбаннаа бин̣д̣ааяа жариссанд̇и; мануссаанам̣ бхун̃ж̇амаанаанам̣ убарибхож̇анзби уд̇д̇идтабад̇д̇ам̣ убанаамзссанд̇и, убарикаад̣̇анийязби – убарисааяанийязби – убарибаанийязби уд̇д̇идтабад̇д̇ам̣ убанаамзссанд̇и; саамам̣ суубамби од̣̇анамби вин̃н̃аабзд̇ваа бхун̃ж̇иссанд̇и; бхад̇д̇аг̇г̇зби ужжаасад̣̇д̣̇аа махаасад̣̇д̣̇аа вихариссанд̇и, сзяяат̇ааби б̣раахман̣аа б̣раахман̣абхож̇анз’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣ …бз… ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. сажжам̣ гира, бхигкавз…бз… сажжам̣, бхаг̇аваад̇и…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси –
77. Tena kho pana samayena bhikkhū upajjhāyesu pakkantesupi vibbhantesupi kālaṅkatesupi pakkhasaṅkantesupi anācariyakā anovadiyamānā ananusāsiyamānā dunnivatthā duppārutā anākappasampannā piṇḍāya caranti, manussānaṃ bhuñjamānānaṃ uparibhojanepi uttiṭṭhapattaṃ upanāmenti, uparikhādanīyepi – uparisāyanīyepi – uparipānīyepi uttiṭṭhapattaṃ upanāmenti; sāmaṃ sūpampi odanampi viññāpetvā bhuñjanti; bhattaggepi uccāsaddā mahāsaddā viharanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā dunnivatthā duppārutā anākappasampannā piṇḍāya carissanti; manussānaṃ bhuñjamānānaṃ uparibhojanepi uttiṭṭhapattaṃ upanāmessanti, uparikhādanīyepi – uparisāyanīyepi – uparipānīyepi uttiṭṭhapattaṃ upanāmessanti; sāmaṃ sūpampi odanampi viññāpetvā bhuñjissanti; bhattaggepi uccāsaddā mahāsaddā viharissanti, seyyathāpi brāhmaṇā brāhmaṇabhojane’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ …pe… atha kho te bhikkhū bhagavato etamatthaṃ ārocesuṃ. Saccaṃ kira, bhikkhave…pe… saccaṃ, bhagavāti…pe… vigarahitvā dhammiṃ kathaṃ katvā bhikkhū āmantesi –
‘‘ануж̇аанаами, бхигкавз, аажарияам̣. аажарияо, бхигкавз, анд̇зваасигамхи буд̇д̇ажид̇д̇ам̣ убадтаабзссад̇и, анд̇зваасиго аажарияамхи бид̇ужид̇д̇ам̣ убадтаабзссад̇и. звам̣ д̇з ан̃н̃аман̃н̃ам̣ саг̇аараваа саббад̇иссаа сабхааг̇авуд̇д̇ино вихаранд̇аа имасмим̣ д̇хаммавинаяз вуд̣̇д̇хим̣ вирул̣хим̣ взбуллам̣ аабаж̇ж̇иссанд̇и. ануж̇аанаами, бхигкавз, д̣̇асавассам̣ ниссааяа вад̇т̇ум̣, д̣̇асавассзна ниссаяам̣ д̣̇аад̇ум̣. зван̃жа бана, бхигкавз, аажарияо г̇ахзд̇аб̣б̣о. згам̣сам̣ уд̇д̇араасан̇г̇ам̣ гарид̇ваа баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘аажарияо мз, бханд̇з, хохи, ааяасмад̇о ниссааяа важчаами; аажарияо мз, бханд̇з, хохи, ааяасмад̇о ниссааяа важчаами; аажарияо мз, бханд̇з, хохи, ааяасмад̇о ниссааяа важчаамий’д̇и. ‘саахууд̇и’ ваа ‘лахууд̇и’ ваа ‘обааяига’нд̇и ваа ‘бад̇ирууба’нд̇и ваа ‘баасаад̣̇игзна самбаад̣̇зхий’д̇и ваа гааязна вин̃н̃аабзд̇и, ваажааяа вин̃н̃аабзд̇и, гааязна ваажааяа вин̃н̃аабзд̇и, г̇ахид̇о ход̇и аажарияо; на гааязна вин̃н̃аабзд̇и, на ваажааяа вин̃н̃аабзд̇и, на гааязна ваажааяа вин̃н̃аабзд̇и, на г̇ахид̇о ход̇и аажарияо.
‘‘Anujānāmi, bhikkhave, ācariyaṃ. Ācariyo, bhikkhave, antevāsikamhi puttacittaṃ upaṭṭhāpessati, antevāsiko ācariyamhi pitucittaṃ upaṭṭhāpessati. Evaṃ te aññamaññaṃ sagāravā sappatissā sabhāgavuttino viharantā imasmiṃ dhammavinaye vuddhiṃ viruḷhiṃ vepullaṃ āpajjissanti. Anujānāmi, bhikkhave, dasavassaṃ nissāya vatthuṃ, dasavassena nissayaṃ dātuṃ. Evañca pana, bhikkhave, ācariyo gahetabbo. Ekaṃsaṃ uttarāsaṅgaṃ karitvā pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ācariyo me, bhante, hohi, āyasmato nissāya vacchāmi; ācariyo me, bhante, hohi, āyasmato nissāya vacchāmi; ācariyo me, bhante, hohi, āyasmato nissāya vacchāmī’ti. ‘Sāhūti’ vā ‘lahūti’ vā ‘opāyika’nti vā ‘patirūpa’nti vā ‘pāsādikena sampādehī’ti vā kāyena viññāpeti, vācāya viññāpeti, kāyena vācāya viññāpeti, gahito hoti ācariyo; na kāyena viññāpeti, na vācāya viññāpeti, na kāyena vācāya viññāpeti, na gahito hoti ācariyo.
78. 3 ‘‘анд̇зваасигзна , бхигкавз, аажарияамхи саммаа вад̇д̇ид̇аб̣б̣ам̣. д̇ад̇рааяам̣ саммаавад̇д̇анаа –
78.4 ‘‘Antevāsikena , bhikkhave, ācariyamhi sammā vattitabbaṃ. Tatrāyaṃ sammāvattanā –
‘‘гаалассзва удтааяа убааханам̣ омун̃жид̇ваа згам̣сам̣ уд̇д̇араасан̇г̇ам̣ гарид̇ваа д̣̇анд̇агадтам̣ д̣̇аад̇аб̣б̣ам̣, мукод̣̇агам̣ д̣̇аад̇аб̣б̣ам̣, аасанам̣ бан̃н̃абзд̇аб̣б̣ам̣. сажз яааг̇у ход̇и, бхааж̇анам̣ д̇ховид̇ваа яааг̇у убанаамзд̇аб̣б̣аа . яааг̇ум̣ бийд̇асса уд̣̇агам̣ д̣̇ад̇ваа бхааж̇анам̣ бадиг̇г̇ахзд̇ваа нийжам̣ гад̇ваа саад̇хугам̣ аббадигхам̣санд̇зна д̇ховид̇ваа бадисаамзд̇аб̣б̣ам̣. аажарияамхи вудтид̇з аасанам̣ уд̣̇д̇харид̇аб̣б̣ам̣. сажз со д̣̇зсо углаабо ход̇и, со д̣̇зсо саммаж̇ж̇ид̇аб̣б̣о.
‘‘Kālasseva uṭṭhāya upāhanaṃ omuñcitvā ekaṃsaṃ uttarāsaṅgaṃ karitvā dantakaṭṭhaṃ dātabbaṃ, mukhodakaṃ dātabbaṃ, āsanaṃ paññapetabbaṃ. Sace yāgu hoti, bhājanaṃ dhovitvā yāgu upanāmetabbā . Yāguṃ pītassa udakaṃ datvā bhājanaṃ paṭiggahetvā nīcaṃ katvā sādhukaṃ appaṭighaṃsantena dhovitvā paṭisāmetabbaṃ. Ācariyamhi vuṭṭhite āsanaṃ uddharitabbaṃ. Sace so deso uklāpo hoti, so deso sammajjitabbo.
‘‘сажз аажарияо г̇аамам̣ бависид̇угаамо ход̇и, ниваасанам̣ д̣̇аад̇аб̣б̣ам̣, бадиниваасанам̣ бадиг̇г̇ахзд̇аб̣б̣ам̣, гааяаб̣анд̇ханам̣ д̣̇аад̇аб̣б̣ам̣, саг̇ун̣ам̣ гад̇ваа сан̇гхаадияо д̣̇аад̇аб̣б̣аа, д̇ховид̇ваа бад̇д̇о сод̣̇аго д̣̇аад̇аб̣б̣о. сажз аажарияо бажчаасаман̣ам̣ ааган̇кад̇и, д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇ваа гааяаб̣анд̇ханам̣ б̣анд̇хид̇ваа саг̇ун̣ам̣ гад̇ваа сан̇гхаадияо баарубид̇ваа г̇ан̣тигам̣ бадимун̃жид̇ваа д̇ховид̇ваа бад̇д̇ам̣ г̇ахзд̇ваа аажарияасса бажчаасаман̣зна ход̇аб̣б̣ам̣. наад̇ид̣̇уурз г̇анд̇аб̣б̣ам̣, наажжаасаннз г̇анд̇аб̣б̣ам̣, бад̇д̇абарияаабаннам̣ бадиг̇г̇ахзд̇аб̣б̣ам̣. на аажарияасса бхан̣амаанасса анд̇аранд̇араа гат̇аа обаад̇зд̇аб̣б̣аа. аажарияо аабад̇д̇исааманд̇аа бхан̣амаано ниваарзд̇аб̣б̣о.
‘‘Sace ācariyo gāmaṃ pavisitukāmo hoti, nivāsanaṃ dātabbaṃ, paṭinivāsanaṃ paṭiggahetabbaṃ, kāyabandhanaṃ dātabbaṃ, saguṇaṃ katvā saṅghāṭiyo dātabbā, dhovitvā patto sodako dātabbo. Sace ācariyo pacchāsamaṇaṃ ākaṅkhati, timaṇḍalaṃ paṭicchādentena parimaṇḍalaṃ nivāsetvā kāyabandhanaṃ bandhitvā saguṇaṃ katvā saṅghāṭiyo pārupitvā gaṇṭhikaṃ paṭimuñcitvā dhovitvā pattaṃ gahetvā ācariyassa pacchāsamaṇena hotabbaṃ. Nātidūre gantabbaṃ, nāccāsanne gantabbaṃ, pattapariyāpannaṃ paṭiggahetabbaṃ. Na ācariyassa bhaṇamānassa antarantarā kathā opātetabbā. Ācariyo āpattisāmantā bhaṇamāno nivāretabbo.
‘‘нивад̇д̇анд̇зна батамад̇арам̣ ааг̇анд̇ваа аасанам̣ бан̃н̃абзд̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣ам̣, бажжуг̇г̇анд̇ваа бад̇д̇ажийварам̣ бадиг̇г̇ахзд̇аб̣б̣ам̣, бадиниваасанам̣ д̣̇аад̇аб̣б̣ам̣, ниваасанам̣ бадиг̇г̇ахзд̇аб̣б̣ам̣. сажз жийварам̣ синнам̣ ход̇и, мухуд̇д̇ам̣ ун̣хз од̇аабзд̇аб̣б̣ам̣, на жа ун̣хз жийварам̣ нид̣̇ахид̇аб̣б̣ам̣. жийварам̣ сан̇гхарид̇аб̣б̣ам̣. жийварам̣ сан̇гхаранд̇зна жад̇уран̇г̇улам̣ ган̣н̣ам̣ уссаарзд̇ваа жийварам̣ сан̇гхарид̇аб̣б̣ам̣ – маа маж̇жхз бхан̇г̇о ахосийд̇и. обхог̇з гааяаб̣анд̇ханам̣ гаад̇аб̣б̣ам̣.
‘‘Nivattantena paṭhamataraṃ āgantvā āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ, paccuggantvā pattacīvaraṃ paṭiggahetabbaṃ, paṭinivāsanaṃ dātabbaṃ, nivāsanaṃ paṭiggahetabbaṃ. Sace cīvaraṃ sinnaṃ hoti, muhuttaṃ uṇhe otāpetabbaṃ, na ca uṇhe cīvaraṃ nidahitabbaṃ. Cīvaraṃ saṅgharitabbaṃ. Cīvaraṃ saṅgharantena caturaṅgulaṃ kaṇṇaṃ ussāretvā cīvaraṃ saṅgharitabbaṃ – mā majjhe bhaṅgo ahosīti. Obhoge kāyabandhanaṃ kātabbaṃ.
‘‘сажз бин̣д̣абаад̇о ход̇и , аажарияо жа бхун̃ж̇ид̇угаамо ход̇и, уд̣̇агам̣ д̣̇ад̇ваа бин̣д̣абаад̇о убанаамзд̇аб̣б̣о. аажарияо баанийязна бужчид̇аб̣б̣о. бхуд̇д̇аависса уд̣̇агам̣ д̣̇ад̇ваа бад̇д̇ам̣ бадиг̇г̇ахзд̇ваа нийжам̣ гад̇ваа саад̇хугам̣ аббадигхам̣санд̇зна д̇ховид̇ваа вод̣̇агам̣ гад̇ваа мухуд̇д̇ам̣ ун̣хз од̇аабзд̇аб̣б̣о, на жа ун̣хз бад̇д̇о нид̣̇ахид̇аб̣б̣о. бад̇д̇ажийварам̣ нигкибид̇аб̣б̣ам̣. бад̇д̇ам̣ нигкибанд̇зна згзна хад̇т̇зна бад̇д̇ам̣ г̇ахзд̇ваа згзна хад̇т̇зна хздтааман̃жам̣ ваа хздтаабийтам̣ ваа бараамасид̇ваа бад̇д̇о нигкибид̇аб̣б̣о. на жа ананд̇арахид̇ааяа бхуумияаа бад̇д̇о нигкибид̇аб̣б̣о. жийварам̣ нигкибанд̇зна згзна хад̇т̇зна жийварам̣ г̇ахзд̇ваа згзна хад̇т̇зна жийваравам̣сам̣ ваа жийварараж̇ж̇ум̣ ваа бамаж̇ж̇ид̇ваа баарад̇о анд̇ам̣ орад̇о бхог̇ам̣ гад̇ваа жийварам̣ нигкибид̇аб̣б̣ам̣. аажарияамхи вудтид̇з аасанам̣ уд̣̇д̇харид̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ бадисаамзд̇аб̣б̣ам̣. сажз со д̣̇зсо углаабо ход̇и, со д̣̇зсо саммаж̇ж̇ид̇аб̣б̣о.
‘‘Sace piṇḍapāto hoti , ācariyo ca bhuñjitukāmo hoti, udakaṃ datvā piṇḍapāto upanāmetabbo. Ācariyo pānīyena pucchitabbo. Bhuttāvissa udakaṃ datvā pattaṃ paṭiggahetvā nīcaṃ katvā sādhukaṃ appaṭighaṃsantena dhovitvā vodakaṃ katvā muhuttaṃ uṇhe otāpetabbo, na ca uṇhe patto nidahitabbo. Pattacīvaraṃ nikkhipitabbaṃ. Pattaṃ nikkhipantena ekena hatthena pattaṃ gahetvā ekena hatthena heṭṭhāmañcaṃ vā heṭṭhāpīṭhaṃ vā parāmasitvā patto nikkhipitabbo. Na ca anantarahitāya bhūmiyā patto nikkhipitabbo. Cīvaraṃ nikkhipantena ekena hatthena cīvaraṃ gahetvā ekena hatthena cīvaravaṃsaṃ vā cīvararajjuṃ vā pamajjitvā pārato antaṃ orato bhogaṃ katvā cīvaraṃ nikkhipitabbaṃ. Ācariyamhi vuṭṭhite āsanaṃ uddharitabbaṃ, pādodakaṃ pādapīṭhaṃ pādakathalikaṃ paṭisāmetabbaṃ. Sace so deso uklāpo hoti, so deso sammajjitabbo.
‘‘сажз аажарияо нахааяид̇угаамо ход̇и, нахаанам̣ бадияаад̣̇зд̇аб̣б̣ам̣. сажз сийд̇зна ад̇т̇о ход̇и, сийд̇ам̣ бадияаад̣̇зд̇аб̣б̣ам̣. сажз ун̣хзна ад̇т̇о ход̇и, ун̣хам̣ бадияаад̣̇зд̇аб̣б̣ам̣.
‘‘Sace ācariyo nahāyitukāmo hoti, nahānaṃ paṭiyādetabbaṃ. Sace sītena attho hoti, sītaṃ paṭiyādetabbaṃ. Sace uṇhena attho hoti, uṇhaṃ paṭiyādetabbaṃ.
‘‘сажз аажарияо ж̇анд̇аагхарам̣ бависид̇угаамо ход̇и, жун̣н̣ам̣ саннзд̇аб̣б̣ам̣, мад̇д̇игаа д̇змзд̇аб̣б̣аа, ж̇анд̇аагхарабийтам̣ аад̣̇ааяа аажарияасса бидтид̇о бидтид̇о г̇анд̇ваа ж̇анд̇аагхарабийтам̣ д̣̇ад̇ваа жийварам̣ бадиг̇г̇ахзд̇ваа згаманд̇ам̣ нигкибид̇аб̣б̣ам̣, жун̣н̣ам̣ д̣̇аад̇аб̣б̣ам̣, мад̇д̇игаа д̣̇аад̇аб̣б̣аа. сажз уссахад̇и, ж̇анд̇аагхарам̣ бависид̇аб̣б̣ам̣. ж̇анд̇аагхарам̣ бависанд̇зна мад̇д̇игааяа мукам̣ магкзд̇ваа бурад̇о жа бажчад̇о жа бадижчаад̣̇зд̇ваа ж̇анд̇аагхарам̣ бависид̇аб̣б̣ам̣. на т̇зрз бхигкуу анубакаж̇ж̇а нисийд̣̇ид̇аб̣б̣ам̣. на наваа бхигкуу аасанзна бадиб̣аахид̇аб̣б̣аа. ж̇анд̇аагхарз аажарияасса баригаммам̣ гаад̇аб̣б̣ам̣. ж̇анд̇аагхараа нигкаманд̇зна ж̇анд̇аагхарабийтам̣ аад̣̇ааяа бурад̇о жа бажчад̇о жа бадижчаад̣̇зд̇ваа ж̇анд̇аагхараа нигкамид̇аб̣б̣ам̣.
‘‘Sace ācariyo jantāgharaṃ pavisitukāmo hoti, cuṇṇaṃ sannetabbaṃ, mattikā temetabbā, jantāgharapīṭhaṃ ādāya ācariyassa piṭṭhito piṭṭhito gantvā jantāgharapīṭhaṃ datvā cīvaraṃ paṭiggahetvā ekamantaṃ nikkhipitabbaṃ, cuṇṇaṃ dātabbaṃ, mattikā dātabbā. Sace ussahati, jantāgharaṃ pavisitabbaṃ. Jantāgharaṃ pavisantena mattikāya mukhaṃ makkhetvā purato ca pacchato ca paṭicchādetvā jantāgharaṃ pavisitabbaṃ. Na there bhikkhū anupakhajja nisīditabbaṃ. Na navā bhikkhū āsanena paṭibāhitabbā. Jantāghare ācariyassa parikammaṃ kātabbaṃ. Jantāgharā nikkhamantena jantāgharapīṭhaṃ ādāya purato ca pacchato ca paṭicchādetvā jantāgharā nikkhamitabbaṃ.
‘‘уд̣̇агзби аажарияасса баригаммам̣ гаад̇аб̣б̣ам̣. нахаад̇зна батамад̇арам̣ уд̇д̇арид̇ваа ад̇д̇ано г̇ад̇д̇ам̣ вод̣̇агам̣ гад̇ваа ниваасзд̇ваа аажарияасса г̇ад̇д̇ад̇о уд̣̇агам̣ бамаж̇ж̇ид̇аб̣б̣ам̣, ниваасанам̣ д̣̇аад̇аб̣б̣ам̣, сан̇гхаади д̣̇аад̇аб̣б̣аа, ж̇анд̇аагхарабийтам̣ аад̣̇ааяа батамад̇арам̣ ааг̇анд̇ваа аасанам̣ бан̃н̃абзд̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣ам̣. аажарияо баанийязна бужчид̇аб̣б̣о. сажз уд̣̇д̣̇исаабзд̇угаамо ход̇и, уд̣̇д̣̇исаабзд̇аб̣б̣о. сажз барибужчид̇угаамо ход̇и, барибужчид̇аб̣б̣о.
‘‘Udakepi ācariyassa parikammaṃ kātabbaṃ. Nahātena paṭhamataraṃ uttaritvā attano gattaṃ vodakaṃ katvā nivāsetvā ācariyassa gattato udakaṃ pamajjitabbaṃ, nivāsanaṃ dātabbaṃ, saṅghāṭi dātabbā, jantāgharapīṭhaṃ ādāya paṭhamataraṃ āgantvā āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ. Ācariyo pānīyena pucchitabbo. Sace uddisāpetukāmo hoti, uddisāpetabbo. Sace paripucchitukāmo hoti, paripucchitabbo.
‘‘яасмим̣ вихаарз аажарияо вихарад̇и, сажз со вихааро углаабо ход̇и, сажз уссахад̇и, сод̇хзд̇аб̣б̣о. вихаарам̣ сод̇хзнд̇зна батамам̣ бад̇д̇ажийварам̣ нийхарид̇ваа згаманд̇ам̣ нигкибид̇аб̣б̣ам̣; нисийд̣̇анабажжад̇т̇аран̣ам̣ нийхарид̇ваа згаманд̇ам̣ нигкибид̇аб̣б̣ам̣; бхисиб̣иб̣б̣оханам̣ нийхарид̇ваа згаманд̇ам̣ нигкибид̇аб̣б̣ам̣; ман̃жо нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, нийхарид̇ваа згаманд̇ам̣ нигкибид̇аб̣б̣о; бийтам̣ нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, нийхарид̇ваа згаманд̇ам̣ нигкибид̇аб̣б̣ам̣; ман̃жабадибаад̣̇агаа нийхарид̇ваа згаманд̇ам̣ нигкибид̇аб̣б̣аа; кзл̣амаллаго нийхарид̇ваа згаманд̇ам̣ нигкибид̇аб̣б̣о ; абассзнапалагам̣ нийхарид̇ваа згаманд̇ам̣ нигкибид̇аб̣б̣ам̣; бхуумад̇т̇аран̣ам̣ яат̇аабан̃н̃ад̇д̇ам̣ саллагкзд̇ваа нийхарид̇ваа згаманд̇ам̣ нигкибид̇аб̣б̣ам̣. сажз вихаарз санд̇аанагам̣ ход̇и, уллогаа батамам̣ охаарзд̇аб̣б̣ам̣, аалогасанд̇хиган̣н̣абхааг̇аа бамаж̇ж̇ид̇аб̣б̣аа. сажз г̇зругабаригаммагад̇аа бхид̇д̇и ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇ид̇аб̣б̣аа. сажз гаал̣аван̣н̣агад̇аа бхууми ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇ид̇аб̣б̣аа. сажз агад̇аа ход̇и бхууми, уд̣̇агзна барибпосид̇ваа саммаж̇ж̇ид̇аб̣б̣аа – маа вихааро раж̇зна ухан̃н̃ийд̇и. сан̇гаарам̣ вижинид̇ваа згаманд̇ам̣ чад̣д̣зд̇аб̣б̣ам̣.
‘‘Yasmiṃ vihāre ācariyo viharati, sace so vihāro uklāpo hoti, sace ussahati, sodhetabbo. Vihāraṃ sodhentena paṭhamaṃ pattacīvaraṃ nīharitvā ekamantaṃ nikkhipitabbaṃ; nisīdanapaccattharaṇaṃ nīharitvā ekamantaṃ nikkhipitabbaṃ; bhisibibbohanaṃ nīharitvā ekamantaṃ nikkhipitabbaṃ; mañco nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, nīharitvā ekamantaṃ nikkhipitabbo; pīṭhaṃ nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, nīharitvā ekamantaṃ nikkhipitabbaṃ; mañcapaṭipādakā nīharitvā ekamantaṃ nikkhipitabbā; kheḷamallako nīharitvā ekamantaṃ nikkhipitabbo ; apassenaphalakaṃ nīharitvā ekamantaṃ nikkhipitabbaṃ; bhūmattharaṇaṃ yathāpaññattaṃ sallakkhetvā nīharitvā ekamantaṃ nikkhipitabbaṃ. Sace vihāre santānakaṃ hoti, ullokā paṭhamaṃ ohāretabbaṃ, ālokasandhikaṇṇabhāgā pamajjitabbā. Sace gerukaparikammakatā bhitti kaṇṇakitā hoti, coḷakaṃ temetvā pīḷetvā pamajjitabbā. Sace kāḷavaṇṇakatā bhūmi kaṇṇakitā hoti, coḷakaṃ temetvā pīḷetvā pamajjitabbā. Sace akatā hoti bhūmi, udakena paripphositvā sammajjitabbā – mā vihāro rajena uhaññīti. Saṅkāraṃ vicinitvā ekamantaṃ chaḍḍetabbaṃ.
‘‘бхуумад̇т̇аран̣ам̣ од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабан̃н̃ад̇д̇ам̣ бан̃н̃абзд̇аб̣б̣ам̣. ман̃жабадибаад̣̇агаа од̇аабзд̇ваа бамаж̇ж̇ид̇ваа ад̇ихарид̇ваа яат̇аатаанз табзд̇аб̣б̣аа. ман̃жо од̇аабзд̇ваа сод̇хзд̇ваа бабподзд̇ваа нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, ад̇ихарид̇ваа яат̇аабан̃н̃ад̇д̇ам̣ бан̃н̃абзд̇аб̣б̣о. бийтам̣ од̇аабзд̇ваа сод̇хзд̇ваа бабподзд̇ваа нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, ад̇ихарид̇ваа яат̇аабан̃н̃ад̇д̇ам̣ бан̃н̃абзд̇аб̣б̣ам̣. бхисиб̣иб̣б̣оханам̣ од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабан̃н̃ад̇д̇ам̣ бан̃н̃абзд̇аб̣б̣ам̣. нисийд̣̇анабажжад̇т̇аран̣ам̣ од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабан̃н̃ад̇д̇ам̣ бан̃н̃абзд̇аб̣б̣ам̣. кзл̣амаллаго од̇аабзд̇ваа бамаж̇ж̇ид̇ваа ад̇ихарид̇ваа яат̇аатаанз табзд̇аб̣б̣о . абассзнапалагам̣ од̇аабзд̇ваа бамаж̇ж̇ид̇ваа ад̇ихарид̇ваа яат̇аатаанз табзд̇аб̣б̣ам̣. бад̇д̇ажийварам̣ нигкибид̇аб̣б̣ам̣. бад̇д̇ам̣ нигкибанд̇зна згзна хад̇т̇зна бад̇д̇ам̣ г̇ахзд̇ваа згзна хад̇т̇зна хздтааман̃жам̣ ваа хздтаабийтам̣ ваа бараамасид̇ваа бад̇д̇о нигкибид̇аб̣б̣о. на жа ананд̇арахид̇ааяа бхуумияаа бад̇д̇о нигкибид̇аб̣б̣о. жийварам̣ нигкибанд̇зна згзна хад̇т̇зна жийварам̣ г̇ахзд̇ваа згзна хад̇т̇зна жийваравам̣сам̣ ваа жийварараж̇ж̇ум̣ ваа бамаж̇ж̇ид̇ваа баарад̇о анд̇ам̣ орад̇о бхог̇ам̣ гад̇ваа жийварам̣ нигкибид̇аб̣б̣ам̣.
‘‘Bhūmattharaṇaṃ otāpetvā sodhetvā papphoṭetvā atiharitvā yathāpaññattaṃ paññapetabbaṃ. Mañcapaṭipādakā otāpetvā pamajjitvā atiharitvā yathāṭhāne ṭhapetabbā. Mañco otāpetvā sodhetvā papphoṭetvā nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, atiharitvā yathāpaññattaṃ paññapetabbo. Pīṭhaṃ otāpetvā sodhetvā papphoṭetvā nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, atiharitvā yathāpaññattaṃ paññapetabbaṃ. Bhisibibbohanaṃ otāpetvā sodhetvā papphoṭetvā atiharitvā yathāpaññattaṃ paññapetabbaṃ. Nisīdanapaccattharaṇaṃ otāpetvā sodhetvā papphoṭetvā atiharitvā yathāpaññattaṃ paññapetabbaṃ. Kheḷamallako otāpetvā pamajjitvā atiharitvā yathāṭhāne ṭhapetabbo . Apassenaphalakaṃ otāpetvā pamajjitvā atiharitvā yathāṭhāne ṭhapetabbaṃ. Pattacīvaraṃ nikkhipitabbaṃ. Pattaṃ nikkhipantena ekena hatthena pattaṃ gahetvā ekena hatthena heṭṭhāmañcaṃ vā heṭṭhāpīṭhaṃ vā parāmasitvā patto nikkhipitabbo. Na ca anantarahitāya bhūmiyā patto nikkhipitabbo. Cīvaraṃ nikkhipantena ekena hatthena cīvaraṃ gahetvā ekena hatthena cīvaravaṃsaṃ vā cīvararajjuṃ vā pamajjitvā pārato antaṃ orato bhogaṃ katvā cīvaraṃ nikkhipitabbaṃ.
‘‘сажз бурад̇т̇имаа сараж̇аа ваад̇аа вааяанд̇и, бурад̇т̇имаа ваад̇абаанаа т̇агзд̇аб̣б̣аа. сажз бажчимаа сараж̇аа ваад̇аа вааяанд̇и, бажчимаа ваад̇абаанаа т̇агзд̇аб̣б̣аа. сажз уд̇д̇араа сараж̇аа ваад̇аа вааяанд̇и, уд̇д̇араа ваад̇абаанаа т̇агзд̇аб̣б̣аа . сажз д̣̇агкин̣аа сараж̇аа ваад̇аа вааяанд̇и, д̣̇агкин̣аа ваад̇абаанаа т̇агзд̇аб̣б̣аа. сажз сийд̇агаало ход̇и, д̣̇иваа ваад̇абаанаа виварид̇аб̣б̣аа, рад̇д̇им̣ т̇агзд̇аб̣б̣аа. сажз ун̣хагаало ход̇и, д̣̇иваа ваад̇абаанаа т̇агзд̇аб̣б̣аа, рад̇д̇им̣ виварид̇аб̣б̣аа.
‘‘Sace puratthimā sarajā vātā vāyanti, puratthimā vātapānā thaketabbā. Sace pacchimā sarajā vātā vāyanti, pacchimā vātapānā thaketabbā. Sace uttarā sarajā vātā vāyanti, uttarā vātapānā thaketabbā . Sace dakkhiṇā sarajā vātā vāyanti, dakkhiṇā vātapānā thaketabbā. Sace sītakālo hoti, divā vātapānā vivaritabbā, rattiṃ thaketabbā. Sace uṇhakālo hoti, divā vātapānā thaketabbā, rattiṃ vivaritabbā.
‘‘сажз баривзн̣ам̣ углаабам̣ ход̇и, баривзн̣ам̣ саммаж̇ж̇ид̇аб̣б̣ам̣. сажз годтаго углаабо ход̇и, годтаго саммаж̇ж̇ид̇аб̣б̣о. сажз убадтаанасаалаа углаабаа ход̇и, убадтаанасаалаа саммаж̇ж̇ид̇аб̣б̣аа. сажз аг̇г̇исаалаа углаабаа ход̇и, аг̇г̇исаалаа саммаж̇ж̇ид̇аб̣б̣аа. сажз важжагуди углаабаа ход̇и, важжагуди саммаж̇ж̇ид̇аб̣б̣аа. сажз баанийяам̣ на ход̇и, баанийяам̣ убадтаабзд̇аб̣б̣ам̣. сажз барибхож̇анийяам̣ на ход̇и, барибхож̇анийяам̣ убадтаабзд̇аб̣б̣ам̣ . сажз аажаманагумбхияам̣ уд̣̇агам̣ на ход̇и, аажаманагумбхияаа уд̣̇агам̣ аасин̃жид̇аб̣б̣ам̣.
‘‘Sace pariveṇaṃ uklāpaṃ hoti, pariveṇaṃ sammajjitabbaṃ. Sace koṭṭhako uklāpo hoti, koṭṭhako sammajjitabbo. Sace upaṭṭhānasālā uklāpā hoti, upaṭṭhānasālā sammajjitabbā. Sace aggisālā uklāpā hoti, aggisālā sammajjitabbā. Sace vaccakuṭi uklāpā hoti, vaccakuṭi sammajjitabbā. Sace pānīyaṃ na hoti, pānīyaṃ upaṭṭhāpetabbaṃ. Sace paribhojanīyaṃ na hoti, paribhojanīyaṃ upaṭṭhāpetabbaṃ . Sace ācamanakumbhiyaṃ udakaṃ na hoti, ācamanakumbhiyā udakaṃ āsiñcitabbaṃ.
‘‘сажз аажарияасса анабхирад̇и уббаннаа ход̇и, анд̇зваасигзна вуубагаасзд̇аб̣б̣о, вуубагаасаабзд̇аб̣б̣о, д̇хаммагат̇аа ваасса гаад̇аб̣б̣аа. сажз аажарияасса гуггужжам̣ уббаннам̣ ход̇и, анд̇зваасигзна винод̣̇зд̇аб̣б̣ам̣, винод̣̇аабзд̇аб̣б̣ам̣, д̇хаммагат̇аа ваасса гаад̇аб̣б̣аа. сажз аажарияасса д̣̇идтиг̇ад̇ам̣ уббаннам̣ ход̇и, анд̇зваасигзна вивзжзд̇аб̣б̣ам̣, вивзжаабзд̇аб̣б̣ам̣, д̇хаммагат̇аа ваасса гаад̇аб̣б̣аа. сажз аажарияо г̇аруд̇хаммам̣ аж̇жхаабанно ход̇и бариваасаарахо, анд̇зваасигзна уссуггам̣ гаад̇аб̣б̣ам̣ – гинд̇и ну ко сан̇гхо аажарияасса бариваасам̣ д̣̇ад̣̇зяяаад̇и. сажз аажарияо муулааяа бадигассанаарахо ход̇и, анд̇зваасигзна уссуггам̣ гаад̇аб̣б̣ам̣ – гинд̇и ну ко сан̇гхо аажарияам̣ муулааяа бадигассзяяаад̇и. сажз аажарияо маанад̇д̇аарахо ход̇и, анд̇зваасигзна уссуггам̣ гаад̇аб̣б̣ам̣ – гинд̇и ну ко сан̇гхо аажарияасса маанад̇д̇ам̣ д̣̇ад̣̇зяяаад̇и. сажз аажарияо аб̣бхаанаарахо ход̇и, анд̇зваасигзна уссуггам̣ гаад̇аб̣б̣ам̣ – гинд̇и ну ко сан̇гхо аажарияам̣ аб̣бхзяяаад̇и . сажз сан̇гхо аажарияасса гаммам̣ гад̇д̇угаамо ход̇и, д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа, анд̇зваасигзна уссуггам̣ гаад̇аб̣б̣ам̣ – гинд̇и ну ко сан̇гхо аажарияасса гаммам̣ на гарзяяа, лахугааяа ваа барин̣аамзяяаад̇и. гад̇ам̣ ваа банасса ход̇и сан̇гхзна гаммам̣, д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа, анд̇зваасигзна уссуггам̣ гаад̇аб̣б̣ам̣ – гинд̇и ну ко аажарияо саммаа вад̇д̇зяяа, ломам̣ баад̇зяяа, нзд̇т̇аарам̣ вад̇д̇зяяа, сан̇гхо д̇ам̣ гаммам̣ бадиббассамбхзяяаад̇и.
‘‘Sace ācariyassa anabhirati uppannā hoti, antevāsikena vūpakāsetabbo, vūpakāsāpetabbo, dhammakathā vāssa kātabbā. Sace ācariyassa kukkuccaṃ uppannaṃ hoti, antevāsikena vinodetabbaṃ, vinodāpetabbaṃ, dhammakathā vāssa kātabbā. Sace ācariyassa diṭṭhigataṃ uppannaṃ hoti, antevāsikena vivecetabbaṃ, vivecāpetabbaṃ, dhammakathā vāssa kātabbā. Sace ācariyo garudhammaṃ ajjhāpanno hoti parivāsāraho, antevāsikena ussukkaṃ kātabbaṃ – kinti nu kho saṅgho ācariyassa parivāsaṃ dadeyyāti. Sace ācariyo mūlāya paṭikassanāraho hoti, antevāsikena ussukkaṃ kātabbaṃ – kinti nu kho saṅgho ācariyaṃ mūlāya paṭikasseyyāti. Sace ācariyo mānattāraho hoti, antevāsikena ussukkaṃ kātabbaṃ – kinti nu kho saṅgho ācariyassa mānattaṃ dadeyyāti. Sace ācariyo abbhānāraho hoti, antevāsikena ussukkaṃ kātabbaṃ – kinti nu kho saṅgho ācariyaṃ abbheyyāti . Sace saṅgho ācariyassa kammaṃ kattukāmo hoti, tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā, antevāsikena ussukkaṃ kātabbaṃ – kinti nu kho saṅgho ācariyassa kammaṃ na kareyya, lahukāya vā pariṇāmeyyāti. Kataṃ vā panassa hoti saṅghena kammaṃ, tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā, antevāsikena ussukkaṃ kātabbaṃ – kinti nu kho ācariyo sammā vatteyya, lomaṃ pāteyya, netthāraṃ vatteyya, saṅgho taṃ kammaṃ paṭippassambheyyāti.
‘‘сажз аажарияасса жийварам̣ д̇ховид̇аб̣б̣ам̣ ход̇и, анд̇зваасигзна д̇ховид̇аб̣б̣ам̣, уссуггам̣ ваа гаад̇аб̣б̣ам̣ – гинд̇и ну ко аажарияасса жийварам̣ д̇ховиязт̇аад̇и. сажз аажарияасса жийварам̣ гаад̇аб̣б̣ам̣ ход̇и, анд̇зваасигзна гаад̇аб̣б̣ам̣, уссуггам̣ ваа гаад̇аб̣б̣ам̣ – гинд̇и ну ко аажарияасса жийварам̣ гариязт̇аад̇и. сажз аажарияасса раж̇анам̣ бажид̇аб̣б̣ам̣ ход̇и, анд̇зваасигзна бажид̇аб̣б̣ам̣, уссуггам̣ ваа гаад̇аб̣б̣ам̣ – гинд̇и ну ко аажарияасса раж̇анам̣ бажиязт̇аад̇и. сажз аажарияасса жийварам̣ раж̇ид̇аб̣б̣ам̣ ход̇и, анд̇зваасигзна раж̇ид̇аб̣б̣ам̣, уссуггам̣ ваа гаад̇аб̣б̣ам̣ – гинд̇и ну ко аажарияасса жийварам̣ раж̇иязт̇аад̇и. жийварам̣ раж̇анд̇зна саад̇хугам̣ самбаривад̇д̇агам̣ самбаривад̇д̇агам̣ раж̇ид̇аб̣б̣ам̣, на жа ажчиннз т̇звз баггамид̇аб̣б̣ам̣.
‘‘Sace ācariyassa cīvaraṃ dhovitabbaṃ hoti, antevāsikena dhovitabbaṃ, ussukkaṃ vā kātabbaṃ – kinti nu kho ācariyassa cīvaraṃ dhoviyethāti. Sace ācariyassa cīvaraṃ kātabbaṃ hoti, antevāsikena kātabbaṃ, ussukkaṃ vā kātabbaṃ – kinti nu kho ācariyassa cīvaraṃ kariyethāti. Sace ācariyassa rajanaṃ pacitabbaṃ hoti, antevāsikena pacitabbaṃ, ussukkaṃ vā kātabbaṃ – kinti nu kho ācariyassa rajanaṃ paciyethāti. Sace ācariyassa cīvaraṃ rajitabbaṃ hoti, antevāsikena rajitabbaṃ, ussukkaṃ vā kātabbaṃ – kinti nu kho ācariyassa cīvaraṃ rajiyethāti. Cīvaraṃ rajantena sādhukaṃ samparivattakaṃ samparivattakaṃ rajitabbaṃ, na ca acchinne theve pakkamitabbaṃ.
‘‘на аажарияам̣ анаабужчаа згажжасса бад̇д̇о д̣̇аад̇аб̣б̣о, на згажжасса бад̇д̇о бадиг̇г̇ахзд̇аб̣б̣о; на згажжасса жийварам̣ д̣̇аад̇аб̣б̣ам̣; на згажжасса жийварам̣ бадиг̇г̇ахзд̇аб̣б̣ам̣; на згажжасса баригкааро д̣̇аад̇аб̣б̣о; на згажжасса баригкааро бадиг̇г̇ахзд̇аб̣б̣о; на згажжасса гзсаа чзд̣̇зд̇аб̣б̣аа; на згажжзна гзсаа чзд̣̇аабзд̇аб̣б̣аа; на згажжасса баригаммам̣ гаад̇аб̣б̣ам̣; на згажжзна баригаммам̣ гаараабзд̇аб̣б̣ам̣; на згажжасса взяяааважжо гаад̇аб̣б̣о; на згажжзна взяяааважжо гаараабзд̇аб̣б̣о; на згажжасса бажчаасаман̣зна ход̇аб̣б̣ам̣; на згажжо бажчаасаман̣о аад̣̇аад̇аб̣б̣о; на згажжасса бин̣д̣абаад̇о нийхарид̇аб̣б̣о; на згажжзна бин̣д̣абаад̇о нийхараабзд̇аб̣б̣о. на аажарияам̣ анаабужчаа г̇аамо бависид̇аб̣б̣о, на сусаанам̣ г̇анд̇аб̣б̣ам̣, на д̣̇исаа баггамид̇аб̣б̣аа. сажз аажарияо г̇илаано ход̇и, яааваж̇ийвам̣ убадтаад̇аб̣б̣о, вудтаанамасса ааг̇амзд̇аб̣б̣а’’нд̇и.
‘‘Na ācariyaṃ anāpucchā ekaccassa patto dātabbo, na ekaccassa patto paṭiggahetabbo; na ekaccassa cīvaraṃ dātabbaṃ; na ekaccassa cīvaraṃ paṭiggahetabbaṃ; na ekaccassa parikkhāro dātabbo; na ekaccassa parikkhāro paṭiggahetabbo; na ekaccassa kesā chedetabbā; na ekaccena kesā chedāpetabbā; na ekaccassa parikammaṃ kātabbaṃ; na ekaccena parikammaṃ kārāpetabbaṃ; na ekaccassa veyyāvacco kātabbo; na ekaccena veyyāvacco kārāpetabbo; na ekaccassa pacchāsamaṇena hotabbaṃ; na ekacco pacchāsamaṇo ādātabbo; na ekaccassa piṇḍapāto nīharitabbo; na ekaccena piṇḍapāto nīharāpetabbo. Na ācariyaṃ anāpucchā gāmo pavisitabbo, na susānaṃ gantabbaṃ, na disā pakkamitabbā. Sace ācariyo gilāno hoti, yāvajīvaṃ upaṭṭhātabbo, vuṭṭhānamassa āgametabba’’nti.
аажарияавад̇д̇ам̣ нидтид̇ам̣.
Ācariyavattaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аажарияавад̇д̇агат̇аа • Ācariyavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 18. аажарияавад̇д̇агат̇аа • 18. Ācariyavattakathā
