| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೧೮. ಆಚರಿಯವತ್ತಕಥಾ
18. Ācariyavattakathā
೭೫. ಕಿನ್ತಾಯನ್ತಿ ಏತ್ಥ ಏಕಾರಲೋಪವಸೇನ ಸನ್ಧಿ ಹೋತೀತಿ ಆಹ ‘‘ಕಿಂತೇ ಅಯ’’ನ್ತಿ। ‘‘ಓವದಿತಬ್ಬೋತಿ’’ಇಮಿನಾ ಓವದಿಯೋತಿ ಏತ್ಥ ಣ್ಯಪಚ್ಚಯಸ್ಸ ಕಮ್ಮತ್ಥಂ ದಸ್ಸೇತಿ। ‘‘ತದತ್ಥಾಯಾ’’ತಿ ಇಮಿನಾ ‘‘ಯದಿದಂ ಗಣಬನ್ಧಿಕ’’ನ್ತಿ ಉತ್ತರವಾಕ್ಯೇ ಯಂಸದ್ದಂ ದಿಸ್ವಾ ಪುಬ್ಬವಾಕ್ಯೇ ತಂಸದ್ದಂ ಞಾಪೇತಿ, ತಸ್ಸ ಬಾಹುಲ್ಲಸ್ಸ ಅತ್ಥಾಯಾತಿ ಅತ್ಥೋ।
75.Kintāyanti ettha ekāralopavasena sandhi hotīti āha ‘‘kiṃte aya’’nti. ‘‘Ovaditabboti’’iminā ovadiyoti ettha ṇyapaccayassa kammatthaṃ dasseti. ‘‘Tadatthāyā’’ti iminā ‘‘yadidaṃ gaṇabandhika’’nti uttaravākye yaṃsaddaṃ disvā pubbavākye taṃsaddaṃ ñāpeti, tassa bāhullassa atthāyāti attho.
೭೬. ಸೋತಿ ಪಸೂರೋ ಪರಿಬ್ಬಾಜಕೋ। ತೇನಾತಿ ಉದಾಯಿತ್ಥೇರೇನ। ಸಹಧಮ್ಮಿಕನ್ತಿ ಸಹ ಧಮ್ಮೇನ ಕಾರಣೇನ। ಬ್ಯತ್ತೋ ತಾವ ಪುಬ್ಬೇ ವುತ್ತಲಕ್ಖಣೋ ಹೋತು, ಪಟಿಬಲೋ ಪನ ಕಥಂ ಞಾತಬ್ಬೋತಿ ಆಹ ‘‘ಯೋ ಪನಾ’’ತಿಆದಿ । ಯೋ ಪನ ಸಕ್ಕೋತೀತಿ ಸಮ್ಬನ್ಧೋ। ಚಾತಿ ಸಚ್ಚಂ। ಏತನ್ತಿ ಪಟಿಬಲತ್ತಂ, ‘‘ಪಞ್ಚಹಿ…ಪೇ॰… ವಿನೇತು’’ನ್ತಿವಚನಂ ವಾ।
76.Soti pasūro paribbājako. Tenāti udāyittherena. Sahadhammikanti saha dhammena kāraṇena. Byatto tāva pubbe vuttalakkhaṇo hotu, paṭibalo pana kathaṃ ñātabboti āha ‘‘yo panā’’tiādi . Yo pana sakkotīti sambandho. Cāti saccaṃ. Etanti paṭibalattaṃ, ‘‘pañcahi…pe… vinetu’’ntivacanaṃ vā.
೭೭. ತಿತ್ಥಿಯಪಕ್ಖಸಙ್ಕನ್ತೇಸೂತಿ ತಿತ್ಥಿಯಸಙ್ಖಾತಂ ಸಾಸನಸ್ಸ ಪಟಿಪಕ್ಖಂ ಸಙ್ಕಮನ್ತೇಸು। ಆಚಾರಸಮಾಚಾರಸಿಕ್ಖಾಪನಕನ್ತಿ ಅತಿವಿಯ ಚರಿತಬ್ಬಂ ಆಭಿಸಮಾಚಾರಿಕಸೀಲಂ ಸಿಕ್ಖಾಪನಕಂ। ಇಮಿನಾ ಆಚಾರಂ ಸಿಕ್ಖಾಪೇತೀತಿ ಆಚರಿಯೋತಿ ವಚನತ್ಥಂ ದಸ್ಸೇತಿ। ನಾಮಮತ್ತಮೇವಾತಿ ‘‘ಆಚರಿಯೋ’’ತಿ ವಾ ‘‘ಅನ್ತೇವಾಸಿಕೋ’’ತಿ ವಾ ನಾಮಮತ್ತಮೇವ। ನಾನನ್ತಿ ಉಪಜ್ಝಾಯತೋ ವಾ ಸದ್ಧಿವಿಹಾರಿಕತೋ ವಾ ನಾನಂ।
77.Titthiyapakkhasaṅkantesūti titthiyasaṅkhātaṃ sāsanassa paṭipakkhaṃ saṅkamantesu. Ācārasamācārasikkhāpanakanti ativiya caritabbaṃ ābhisamācārikasīlaṃ sikkhāpanakaṃ. Iminā ācāraṃ sikkhāpetīti ācariyoti vacanatthaṃ dasseti. Nāmamattamevāti ‘‘ācariyo’’ti vā ‘‘antevāsiko’’ti vā nāmamattameva. Nānanti upajjhāyato vā saddhivihārikato vā nānaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೧೮. ಆಚರಿಯವತ್ತಕಥಾ • 18. Ācariyavattakathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಆಚರಿಯವತ್ತಕಥಾ • Ācariyavattakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಆಚರಿಯವತ್ತಕಥಾವಣ್ಣನಾ • Ācariyavattakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಆಚರಿಯವತ್ತಕಥಾವಣ್ಣನಾ • Ācariyavattakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಆಚರಿಯವತ್ತಕಥಾವಣ್ಣನಾ • Ācariyavattakathāvaṇṇanā
