| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਆਚਰਿਯવਤ੍ਤਕਥਾ
Ācariyavattakathā
੭੫. ਕਿਨ੍ਤਾਯਂ ਭਿਕ੍ਖੁ ਹੋਤੀਤਿ ਕਿਂ ਤੇ ਅਯਂ ਭਿਕ੍ਖੁ ਹੋਤਿ। ਅਞ੍ਞੇਹਿ ਓવਦਿਯੋ ਅਨੁਸਾਸਿਯੋਤਿ ਅਞ੍ਞੇਹਿ ਓવਦਿਤਬ੍ਬੋ ਚੇવ ਅਨੁਸਾਸਿਤਬ੍ਬੋ ਚ। ਬਾਹੁਲ੍ਲਾਯ ਆવਤ੍ਤੋ ਯਦਿਦਂ ਗਣਬਨ੍ਧਿਕਨ੍ਤਿ ਗਣਬਨ੍ਧੋ ਏਤਸ੍ਸ ਬਾਹੁਲ੍ਲਸ੍ਸ ਅਤ੍ਥੀਤਿ ਗਣਬਨ੍ਧਿਕਂ, ਬਾਹੁਲ੍ਲਂ। ਯਂ ਇਦਂ ਗਣਬਨ੍ਧਿਕਂ ਨਾਮ ਬਾਹੁਲ੍ਲਂ, ਤਦਤ੍ਥਾਯ ਅਤਿਲਹੁਂ ਤ੍વਂ ਆਪਨ੍ਨੋਤਿ વੁਤ੍ਤਂ ਹੋਤਿ।
75.Kintāyaṃ bhikkhu hotīti kiṃ te ayaṃ bhikkhu hoti. Aññehi ovadiyo anusāsiyoti aññehi ovaditabbo ceva anusāsitabbo ca. Bāhullāya āvatto yadidaṃ gaṇabandhikanti gaṇabandho etassa bāhullassa atthīti gaṇabandhikaṃ, bāhullaṃ. Yaṃ idaṃ gaṇabandhikaṃ nāma bāhullaṃ, tadatthāya atilahuṃ tvaṃ āpannoti vuttaṃ hoti.
੭੬. ਅਬ੍ਯਤ੍ਤਾਤਿ ਪਞ੍ਞਾવੇਯ੍ਯਤ੍ਤਿਯੇਨ વਿਰਹਿਤਾ। ਅਞ੍ਞਤ੍ਤਰੋਪਿ ਅਞ੍ਞਤਿਤ੍ਥਿਯਪੁਬ੍ਬੋਤਿ ਪਸੂਰੋ ਪਰਿਬ੍ਬਾਜਕੋ। ਸੋ ਕਿਰ ‘‘ਧਮ੍ਮਂ ਥੇਨੇਸ੍ਸਾਮੀ’’ਤਿ ਉਦਾਯਿਤ੍ਥੇਰਸ੍ਸ ਸਨ੍ਤਿਕੇ ਪਬ੍ਬਜਿਤ੍વਾ ਤੇਨ ਸਹਧਮ੍ਮਿਕਂ વੁਚ੍ਚਮਾਨੋ ਤਸ੍ਸ વਾਦਂ ਆਰੋਪੇਸਿ। ਅਨੁਜਾਨਾਮਿ ਭਿਕ੍ਖવੇ ਬ੍ਯਤ੍ਤੇਨ ਭਿਕ੍ਖੁਨਾਤਿਆਦਿਮ੍ਹਿ ਬ੍ਯਤ੍ਤੋ ਪੁਬ੍ਬੇ ਭਿਕ੍ਖੁਨੋવਾਦਕવਣ੍ਣਨਾਯਂ વੁਤ੍ਤਲਕ੍ਖਣੋਯੇવ। ਯੋ ਪਨ ਅਨ੍ਤੇવਾਸਿਨੋ વਾ ਸਦ੍ਧਿવਿਹਾਰਿਕਸ੍ਸ વਾ ਗਿਲਾਨਸ੍ਸ ਸਕ੍ਕੋਤਿ ਉਪਟ੍ਠਾਨਾਦੀਨਿ ਕਾਤੁਂ, ਅਯਂ ਇਧ ਪਟਿਬਲੋਤਿ ਅਧਿਪ੍ਪੇਤੋ। વੁਤ੍ਤਮ੍ਪਿ ਚੇਤਂ –
76.Abyattāti paññāveyyattiyena virahitā. Aññattaropi aññatitthiyapubboti pasūro paribbājako. So kira ‘‘dhammaṃ thenessāmī’’ti udāyittherassa santike pabbajitvā tena sahadhammikaṃ vuccamāno tassa vādaṃ āropesi. Anujānāmi bhikkhave byattena bhikkhunātiādimhi byatto pubbe bhikkhunovādakavaṇṇanāyaṃ vuttalakkhaṇoyeva. Yo pana antevāsino vā saddhivihārikassa vā gilānassa sakkoti upaṭṭhānādīni kātuṃ, ayaṃ idha paṭibaloti adhippeto. Vuttampi cetaṃ –
‘‘ਪਞ੍ਚਹੁਪਾਲਿ , ਅਙ੍ਗੇਹਿ ਸਮਨ੍ਨਾਗਤੇਨ ਭਿਕ੍ਖੁਨਾ ਉਪਸਮ੍ਪਾਦੇਤਬ੍ਬਂ, ਨਿਸ੍ਸਯੋ ਦਾਤਬ੍ਬੋ, ਸਾਮਣੇਰੋ ਉਪਟ੍ਠਾਪੇਤਬ੍ਬੋ। ਕਤਮੇਹਿ ਪਞ੍ਚਹਿ? ਪਟਿਬਲੋ ਹੋਤਿ ਅਨ੍ਤੇવਾਸਿਂ વਾ ਸਦ੍ਧਿવਿਹਾਰਿਂ વਾ ਗਿਲਾਨਂ ਉਪਟ੍ਠਾਤੁਂ વਾ ਉਪਟ੍ਠਾਪੇਤੁਂ વਾ, ਅਨਭਿਰਤਂ વੂਪਕਾਸੇਤੁਂ વਾ વੂਪਕਾਸਾਪੇਤੁਂ વਾ, ਉਪ੍ਪਨ੍ਨਂ ਕੁਕ੍ਕੁਚ੍ਚਂ ਧਮ੍ਮਤੋ વਿਨੋਦੇਤੁਂ, ਅਭਿਧਮ੍ਮੇ વਿਨੇਤੁਂ, ਅਭਿવਿਨਯੇ વਿਨੇਤੂ’’ਨ੍ਤਿ (ਪਰਿ॰ ੪੧੮)।
‘‘Pañcahupāli , aṅgehi samannāgatena bhikkhunā upasampādetabbaṃ, nissayo dātabbo, sāmaṇero upaṭṭhāpetabbo. Katamehi pañcahi? Paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā, anabhirataṃ vūpakāsetuṃ vā vūpakāsāpetuṃ vā, uppannaṃ kukkuccaṃ dhammato vinodetuṃ, abhidhamme vinetuṃ, abhivinaye vinetū’’nti (pari. 418).
੭੭. ਪਕ੍ਖਸਙ੍ਕਨ੍ਤੇਸੂਤਿ ਤਿਤ੍ਥਿਯਪਕ੍ਖਸਙ੍ਕਨ੍ਤੇਸੁ। ਅਨੁਜਾਨਾਮਿ ਭਿਕ੍ਖવੇ ਆਚਰਿਯਨ੍ਤਿ ਆਚਾਰਸਮਾਚਾਰਸਿਕ੍ਖਾਪਨਕਂ ਆਚਰਿਯਂ ਅਨੁਜਾਨਾਮਿ। ਆਚਰਿਯੋ ਭਿਕ੍ਖવੇ ਅਨ੍ਤੇવਾਸਿਕਮ੍ਹੀਤਿਆਦਿ ਸਬ੍ਬਂ ‘‘ਉਪਜ੍ਝਾਯੋ ਭਿਕ੍ਖવੇ ਸਦ੍ਧਿવਿਹਾਰਿਕਮ੍ਹੀ’’ਤਿਆਦਿਨਾ ਨਯੇਨ વੁਤ੍ਤવਸੇਨੇવ વੇਦਿਤਬ੍ਬਂ। ਨਾਮਮਤ੍ਤਮੇવ ਹਿ ਏਤ੍ਥ ਨਾਨਂ।
77.Pakkhasaṅkantesūti titthiyapakkhasaṅkantesu. Anujānāmi bhikkhave ācariyanti ācārasamācārasikkhāpanakaṃ ācariyaṃ anujānāmi. Ācariyo bhikkhave antevāsikamhītiādi sabbaṃ ‘‘upajjhāyo bhikkhave saddhivihārikamhī’’tiādinā nayena vuttavaseneva veditabbaṃ. Nāmamattameva hi ettha nānaṃ.
ਆਚਰਿਯવਤ੍ਤਕਥਾ ਨਿਟ੍ਠਿਤਾ।
Ācariyavattakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੮. ਆਚਰਿਯવਤ੍ਤਕਥਾ • 18. Ācariyavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਚਰਿਯવਤ੍ਤਕਥਾવਣ੍ਣਨਾ • Ācariyavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਆਚਰਿਯવਤ੍ਤਕਥਾવਣ੍ਣਨਾ • Ācariyavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆਚਰਿਯવਤ੍ਤਕਥਾવਣ੍ਣਨਾ • Ācariyavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮. ਆਚਰਿਯવਤ੍ਤਕਥਾ • 18. Ācariyavattakathā
